Page 11

1 (280)
                   Ici ad del vilain [143rb]
                   Meint proverbe certein;
                   Ne n’ait nuls le respit
               4  Del vilain en despit;
                   Tout l’entent autrement
                   Qui li fols ne l’entent.
                   Sages houme prent motoun en liu de veneisoun,
               8  Ceo dist le vilain.
2 (202)
                   A graunt folie entent
                   Qui deus choses enprent
                   E nule ne acheive.
             12  Savez k’il en dessert?
                   L’une pur l’autre pert
                   E sei meimes greve.
                   Entre deus arçouns chet cul a tere,
             16  Ceo dist le vilain.
3 (104)
                   Ja li houme ki est sages
                   Entre mals veisinages
                   Longes ne demorra.
             20  Si sis veisin le het
                   E soun dammage set,
                   Ja lui ne mousterra.
                   Qui ad mal veisin, si ad mal matin,
             24  Ceo dist le vilein.
4 (186)
                   D’un pere e d’une mere
                   Naissent deus freres
                   Dount gu[e]re sourt e mort;
             28  Li ainznés ad l’onour,
                   Pus partist al menour
                   Al meins ki il poest a tort.
                   Qui ainz nest, ainz peist,
             32  Ceo dist le vilain.

Page 12

5 (102)
                   L’oum delivres e sains [143va]
                   Ne al plus ne al meins
                   Ne s’enmait de soun vivre;
             36  Ait bon confortement,
                   Si guarrat leaument;
                   Deus ne l’obblie mie.
                   Ki pain ad e saunté, riches est, si nel set,
             40  Ceo dist le vilain.
6 (215)
                   N’est sens ne prouesse
                   En houme saunz richesse,
                   Sovent l’avoum veu.
             44  Si ci venist Macrobe
                   E eust povre robe,
                   Mal sereit coneu.
                   Tel te veie, tel te espeir,
             48  Ceo dist le vilain.
7 (30)
                   Qui trestout le soen
                   A fere tout moun bon
                   Me met a baundoun;^L51 [L51] rej  Mettez a13
             52  Qui trestout me abaundoune,
                   Tout me tout, tout me doune;
                   N’ai cure de tel doun.
                   Qui tout me doune, tout me nie,
             56  Ceo dist le vilain.
8 (18)
                   Qui aukes ad plenté
                   E ad sa volounté
                   E de dras e de argent,
             60  Quel gré l’en dei saveir
                   Si il ad soun graunt aveir
                   E joie n’en ad nent?
                   De autrui peie s’esjoit, ki le coun sa dame manera,
             64  Ceo dist le vilein.

Page 13

9 (26)
                   Prince ki deit valeir,
                   Ki met a nounchaleir
                   E soun houme e soun houste,
             68  Si weisin l’enhaissent, [143vb]
                   De memes l’envaissent
                   E derere e d’encoste.
                   A mols poste lus chie lein,^L71 [L71] rej  l. ehie l.14
             72  Ceo dist le vilain.
10 (126)
                   Quaunt cil prince s’arestent^L73 [L73] rej  sa restoit14
                   E lour cumpaignouns vestent^L74 [L74] rej  vestroit14
                   A Paske e a Nouel,
             76  Aprés eus vount taunz
                   Escruier e serjaunz
                   Ki veillent autretel.
                   Qui veut quir dalier, coreie demaunde,
             80  Ce dist le vilein.
11 (136)
                   Ribauz en ces tavernes
                   Fount boces e hernes
                   Es testes e es dos;
             84  Mes li povre en pais vivent,
                   Ne combatent ne estrivent,
                   Ki a l’us sount forsclos.
                   Ceo fest vin ki ewe ne poest,
             88  Ceo dist le vilain.
12 (73)
                   Qui haut seingnor sert
                   E soun vivre en desert
                   Ne de lui ne se muet,
             92  La deit prendre ensement
                   Chevaus, dras, or e argent,
                   E quantke lui estuet.
                   Qui hautel sert, de hautel vive!
             96  Ceo dist le vilain.

Page 14

13 (19)
                   Checuns amis se fest
                   E dit ben entreshait:
                   ‘De tout en vous me met;
           100  Si bosoingn aviez,
                   Dount aparceverez
                   Ceo ki jeo vous promet’.
                   Plus sount coumperes ke amis,
           104  Ceo dist le vilain.
14 (53)
                   De aquester vienent erres, [144ra]
                   Qui de feius e des teres
                   Fount departir la gent;
           108  Mes cil roi noun cil counte
                   Ne tienent hounkes counte
                   De lour departement.
                   Qui primes prent, ne se repent,
           112  Ceo dist le vilain.
15 (86)
                   Povre houme trop endetté,
                   Suppris de poverté,
                   Qui li emple le poingn,
           116  Ne li chaut de sa vie?
                   Cil ou plus se affie
                   Li faut al graunt bosoing.
                   Povres homme fest povre pleit,
           120  Ceo dist le vilain.
16 (205)
                   Poi vaut sens ne prouesse
                   En houme senz richesse;
                   Quant il est en ses flors,
           124  Cum il n’ad ke prendre,
                   E quant il n’ad ke despendre,
                   N’ad amis ne soucours.
                   Veve dame est senz seingnour,^L127 [L127] rej  Deue d.15
           128  Ceo dist le vilain.

Page 15

17 (181)
                   Mout ai ové amis
                   Ki sovent me ount promis
                   Qui quidoie estre estable,
           132  Qui puis ert tout me[n]sounge.
                   A maniere de sounge^L133 [L133] rej  de mensounge16
                   Torne promesse a fable.
                   De bele promesse se fest fols lé,
           136  Ceo dist le vilain.
18 (5)
                   Celui tenc jeo pur sot
                   Qui al premerain mot
                   Soun marché prent e fest, [144rb]
           140  E celui ki sa amie,
                   Ja seit ki ele l’escoundie,
                   Al premerain mot lait.
                   Al premerain coup ne chet pas le chenne,
           144  Ceo dist le vilain.
19 (6)
                   Quant dame ne respount
                   Qui l’em prie e somount,
                   Qui druerie otreit,^L147 [L147] rej  otrie16
           148  Fols est, si il veit sei a eisse,
                   Si il vous ne la quaisse;
                   E face ceo ki il deit.
                   Asez otrie, ki se taist,
           152  Ceo dist le vilain.
20 (52)
                   Povres touz tens laboure,
                   Pense e travaille e ploure,^L154 [L154] rej  Pensez e trauaillez16
                   Ounques de quer ne rist;
           156  Li riches rit e chaunte,
                   De graunt chose se vaunte,
                   De poi li est petit.
                   Ne set li saulfs cum esteit al jun,
           160  Ceo dist le vilain.

Page 16

21 (22)
                   Poverte vet e vent,
                   Mes cil ki hounte crent
                   S’esforce od bon corage;
           164  Ne ja pur sa poverte,
                   Se Deus li ad sofferte,
                   Ne avera trop grant hountage.
                   Plus dure hounte ke soffreit,
           168  Ceo dist le vilain.
22 (82)
                   Qui veut trop baretter,
                   Ne put desendoter;
                   Quant a coustume l’a,
           172  Lores premet, si s’acoste,
                   Lores plume si soun hoste,^L173 [L173] rej  plumez17
                   Termes quiert taunt qu’il a. [144va]
                   A courte chauce, longe laniere,
           176  Ceo dist le vilain.
23 (49)
                   Quant fols par nounsaver
                   Ad perdu soun aver,
                   E il est ben matez,
           180  ‘Deus, garder nel savei;
                   Mes si ore le avei,
                   Touz tens averei asez’.
                   Quant le cheval est emblé, dounke ferme fols l’estable,
           184  Ceo dist le vilain.
24 (199)
                   Quant jeo vei a ces feistes
                   E de dras e de bestes
                   Faire si graunt barate,
           188  Taunt sui jeo plus irrez,
                   Mariz e coroucez,
                   Quant n’ai dount jeo l’achate.
                   Muie de forment a dener, alas, dolent ki ne l’ay,
           192  Ceo dist le vilein.

Page 17

25 (105)
                   Cist secles est mauveis,
                   Ja nul n’i avera pais;
                   Qui plus vit, plus laboure.
           196  Bien ad qui il desert,
                   Mais tout soun meble pert
                   En une petite houre.
                   En la coue est li encumbres,
           200  Ceo dist le vilain.
26 (148)
                   Tel vei fere despens
                   Dount forment me purpens,
                   Mes ke parler n’en os.
           204  Si del sen le deveit feire,
                   Ainz se lereit il treire
                   Un chat parmi le dos.
                   Swef noue ke l’um tent par le mentoun,
           208  Ceo dist le vilain.
27 (174)
                   De oiseaus e de chens corteis [144vb]
                   Se fount fiz de burgeis,
                   Mes a estrous se affolent;
           212  Aprés la mort lour pere
                   Apoverisent lour mere
                   E tout le sen li tolent.
                   Meus vaut mester ki esperver,
           216  Ceo dist le vilain.
28 (194)
                   Cil ki suen bole,
                   Od ses mains, od sa gole,
                   Pus vait quere soun pain;
           220  Qui si il nul quereit,
                   A estrous emflereit
                   De mesaise e de faim.
                   Vente e plet, vet ki estet,
           224  Ceo dist le vilain.

Page 18

29 (93)
                   Meint houme par bon ovre
                   Touz ses parens recovre,
                   Touz veut fournir et touz pestre,
           228  Touz les fest requillir.
                   Ne veult a nul faillir,^L229 [L229] rej  velut19
                   Ne puet plus riche estre.
                   Pierre volante ne quilt mosse,
           232  Ceo dist le vilain.
30 (12)
                   Nuls ne puet deservir
                   Gré en feloun servir,
                   Sovent l’avoum veu.
           236  Servise poi vaut;
                   Si une feiz i falt,
                   Si l’ad l’em tout perdu.
                   Al seir lo l’um le jour, e al matin soun houste,
           240  Ceo dist le vilain.
31 (41)
                   Nature le houme preve
                   Itel cum il le treve;
                   Ne ja pur noreture
           244  Li quers feuls e vilains [145ra]
                   Ne al plus ne al meins
                   N’en perdra sa nature.
                   Ja de busard ne frez bon pernaunt esperver,
           248  Ceo dist le vilain.
32 (8)
                   Od ben graunt tenement
                   Ai veu folement
                   Meint houme cuntenir,
           252  E tel ki poi aveit,
                   Qui tresben en saveit
                   A graunt honour venir.
                   A petit purcel doune Deus bon padnaje,
           256  Ceo dist le vilain.

Page 19

33 (57)
                   Meint simple houme ai veu
                   Qui ben ert coneu
                   E preisez e amez,
           260  Si ai veu meint sage
                   Qui en tout soun age
                   Ne out ounkes pain asez.
                   Voide chaunbre fest fole dame,
           264  Ceo dist le vilain.
34 (160)
                   Bien pert as fors murailz^L265 [L265] rej  B. p. as fez morans as fors m.20
                   Les peines, les travailz,
                   Ki eurent li auncien;
           268  A peine sount defeit,
                   Ja ne serount resfait
                   Pur houme crestien.
                   Bein pert el chef quels les oils furent,
           272  Ceo dist le vilain.
35 (11)
                   Ne vei ne fouls ne sage
                   Qui coveite soun damage,
                   Ainz veut checun soun ben,
           276  Li jofnes ne li vieuz, [145rb]
                   Nes nus freres nul meuz
                   Al soun oes que al mien.
                   Qui fest soun prou, ne cuist sa main,^L279 [L279] rej  p. evist sa m.20
           280  Ceo dist le vilain.
36 (201)
                   Meint houme toute sa vie
                   Se entremet de clergie;
                   En pris se velt mettre,
           284  Si se fest mout delivre,
                   Si ne set neins escrivre
                   Un soul mot prod en lettre.
                   Ne sount pas touz chevalers, ki sour cheval mountent,
           288  Ceo dist le vilain.

Page 20

37 (1)
                   Frauns quens, vostre maneie
                   Atent, taunt ki jeo l’aie,
                   Ne n’ay soing de autrui;
           292  Ainz me priem e repriem,
                   E si dout e si criem
                   Qui jeo ne vous ennui.
                   Qui bien atent, ne se repent,
           296  Ceo dist le vilain.
38 (122)
                   Cil qui ad si grant dette,
                   Al meins ki il puet la mette!
                   N’en fest pas ke vilains.
           300  Ja puis tout ne li toudra
                   Qui nient en soudra,
                   Ainz dorra de taunt meins.
                   Qui se aquite, ne se encumbre,
           304  Ceo dist le vilain.
39 (146)
                   Si tis povres amis
                   En soun houstel te ad mis
                   E seit de poverte leissiez
           308  Pur fere tei honour,
                   Ne l’en diez gré menour
                   Qui si il feseit asez.
                   Qui fest ceo k’il puet, toutes ses leis acomplist,
           312  Ceo dist le vilain.
40 (7)
                   Quant li riches promet [145va]
                   Al povre e il li met
                   De ren en esperaunce,
           316  E cil quide saveir
                   Qui il deie aveir
                   Al terme saunz dotaunce.
                   Plus aparaillie chose remant,
           320  Ceo dist le vilain.

Page 21

41 (219)
                   Meint houme par aventure
                   Est riches saunz mesure
                   Sour touz ceus de sa rue;
           324  Mes pus li court soure
                   Aventure en poi de houre
                   Qui de ceo le remue.^L326 [L326] rej  le trestourne22
                   De si haut si bas,
           328  Ceo dist le vilein.
42 (140)
                   Meint houme veit soun veisin
                   Ou est pruf de sa fin,
                   Si coveite de sa tere,
           332  E par soun grant aveir
                   Le quide ben aveir
                   E sei erité cunquere.
                   Longe coreie tire, ki la mort soun veisin desire,
           336  Ceo dist le vilain.
43 (34)
                   Deus mester ai enpris:
                   A leterz fui apris;
                   Ne sui ne clers ne lais,
           340  De iceo sui jeo ben sers;
                   Ne sui ne lais ne clers,
                   Si sui clers e lais.
                   Qui deus chace e nule ne prent,
           344  Ceo dist le vilain.
44 (161)
                   Meint fol houme soun cors het,
                   Cunseiler ne se set
                   Ne eschiver soun ennui;
           348  Uns cheitifs, un countraiz,
                   Un boçous, un mauveis, [145vb]
                   Garde sai e autrui.
                   Torte buche fest dreit fu,
           352  Ceo dist le vilain.

Page 22

45 (99)
                   Meint houme despent e beit
                   E sur l’autrui acreit,
                   Qui ben tresaut soun ounbre;^L355 [L355] rej  nounbre23
           356  Pus l’esteut esmaier,
                   Quant li covent paier
                   Ceo pur quei il s’encumbre.
                   Tel quide beivre le coutel soun cumpainun, qui beit sa chape od tout le chaperoun,
           360  Ceo dist le vilein.
46 (4)
                   Meint dame essaie
                   E cerche la manaie
                   De soun seingnour sovent,
           364  Ben velt qui il entrepreine;^L364 [L364] rej  entrepreme23
                   Jeo le di pur verité,
                   Pus fest meint fol coveint.
                   Asez set chat ki barbe il leche,
           368  Ceo dist le vilain.
47 (213)
                   Meint houme est de tel hait
                   Ke, quant aukes li fait^L370 [L370] rej  faut23
                   Chose ki li desplaise,
           372  Lores jure e rejure,
                   E s’avoe e parjure,^L373 [L373] rej  sa uoee23
                   Manace e remanace.
                   Manacés vivent e decolez murent,
           376  Ceo dist le vilain.
48 (208)
                   Li bons houmes plains de grant ire
                   Sei cumfount e empire,
                   Mes puis se resuage
           380  Sicum il remeint,
                   E soun talent refreint
                   E tempre soun corage.
                   N’est si chaut ki il ne refreit,
           384  Ceo dist le vilain.

Page 23

49 (197)
                   Bons houm de petit grout [146ra]
                   Tost respount cum estout
                   Quant aukes le manace;
           388  Mes al sage n’eschaut
                   Ki die bas ne haut,
                   Mes touzdis soun preu face!
                   Touz dis se laissent dire e touz pains manger,
           392  Ceo dist le vilain.
50 (87)
                   De servir a manaie
                   A parent ki jeo aie
                   Ne quer jour de ma vie,
           396  N’ad celui marché faire
                   Dount ne me puisse retreire
                   N’ai jeo point de envie.
                   Privé mal achate,
           400  Ceo dist le vilein.
51 (60)
                   Fols est ki ad tel soingne
                   De fere autrui bosoingne
                   Ke il pert la sue;
           404  Il fest soun graunt meschef,
                   Le soen lait, si fait chef
                   De autrui prou, de suen, coe.
                   Mal ovre, ki se obblie,
           408  Ceo dist le vilain.
52 (198)
                   Fols fest tost tele folie
                   Dount l’en si le colie^L410 [L410] rej  si lie24
                   Ke aprés se esteut toundre.
           412  Mes li sages se taist:
                   Tel chose li desplaist
                   Dount il n’ose respoundre.
                   Meuz vaut bon teisir ki trop parler,
           416  Ceo dist le vilain.

Page 24

53 (212)
                   Quant jeo ai neve robe
                   E aucuns la me rove,
                   Mout l’aim, quant l’ai premere;
           420  Mes al terz jour m’en annuie, [146rb]
                   Al vent e a la pluie
                   La met, ja taunt n’iert cher.
                   De novel tout bel, e de veuz entre pez,
           424  Ceo dist le vilain.
54 (70)
                   Jeo provende requier
                   A un evesque e quier,
                   E de ceo me aparail;
           428  Meuz est qu’il la me vende
                   Qui il me doint provende,
                   Ceo vei en soun consel.
                   De voide main vaine promesse,
           432  Ceo dist le vilain.
55 (209)
                   Gaustee e entreprise
                   Est tere saunz justise.^L434 [L434] rej  En25
                   Princes ki par valour
           436  Defent ke l’um ne l’arde
                   Sa vie tense e garde
                   A mil houmes le jour.
                   Ou chat nen ad, sorises revelent,
           440  Ceo dist le vilain.
56 (139)
                   N’est ne reis ne quens,
                   Princes, taunt seit bons,
                   Ou il n’eyt a reprendre;
           444  Ne nuls, taunt Deu ne crent,
                   Si cest secle maintent,
                   Ne li estoce mesprendre.
                   Ainz ment li hom qu’il n’i merge,
           448  Ceo dist le vilain.

Page 25

57 (124)
                   Cil ki autrui enplaide
                   E al soun oues coveite,
                   Nel deit par tout huchi[e]r.
           452  Si ceo est tere ne rente,
                   Fols est, si il ne presente
                   Ceo qui il ad plus cher.
                   Qui ne doune ke aime, ne prent ke desire,
           456  Ceo dist le vilain.
58 (78)
                   Lungement ai esté [146va]
                   Od clers, mes conquesté
                   N’en ai dras ne deners.
           460  Riches e manaunz fuisse,
                   Si longement eusse
                   Acountez chevalers.
                   Qui de loinz garde, de pres s’esjoist,
           464  Ceo dist le vilain.
59 (56)
                   N’ai garde de poverte;
                   Ja ne ferai cele perte
                   Dount li quers ne me gart.
           468  Si de mai est lassez,
                   Touz tens averai asez,
                   Ja al soun n’i part.
                   A seur beit, ki soun lit veit,
           472  Ceo dist le vilain.
60 (37)
                   Jeo ai meint houme veu
                   Qui taunt aveit acreu
                   Qui aprés en iert frarins;
           476  Ceo quidout a chef trere
                   Dount eussent afere
                   Quatre de ses veisins.
                   Mout remeint de ceo ki li fol pense,
           480  Ce dist le vilain.

Page 26

61 (36)
                   Si jeo les mauveis ost
                   D’un cunsail e d’un ost,
                   Ne sai lesquels i lais;
           484  Si mauveis est li reis,
                   Checun en est pireis;
                   Uns houm fest cent mauveis.
                   A ki li ches deut, touz les membres li faillent,
           488  Ceo dist le vilain.
62 (43)
                   Li vilains, si manjue
                   Le blé de sa charue,
                   Ne cuilt sen ne saver; [146vb]
           492  Mes quant il est ben ivres,
                   Lores quide estre delivres,
                   Lores quide asez aver.
                   Plus ad paroles en un seiter de vin ki en un mui de forment,
           496  Ceo dist le vilain
63 (210)
                   Si riches est vileins
                   E si sires ait mains,
                   Si seit del prendre engrés,
           500  Tout tens le contraillie;
                   Ja puis jour de sa vie
                   N’avera desouz lui pais.
                   Mal partir fest au seingnour,
           504  Ceo dist le vilain.
64 (25)
                   Cil ki ad bon seingnour
                   Qui il aime par amour
                   Ne deit prendre ne atreire
           508  Quantke il doreit,
                   Ne quantke il porreit
                   De soun aver forstreire.
                   Ne est amis, ki rens ne lait,
           512  Ceo dist le vilain.

Page 27

65 (223)
                   Bien ai aparceu
                   Ki de doun receu
                   Guerdoun deit l’em rendre,
           516  Quer donaunz e pernaunz
                   Sount amis parisaunz
                   E nient toudis prendre.
                   Bounté autre requert, e colee sa per,
           520  Ceo dist le vilain.
66 (222)
                   Quant mal fount a estrous,
                   Si ne gardent prouz
                   Li bachelers leger
           524  Ki tauntes choses enbracent,
                   Dount puis ne se deslacent
                   De tel encumbrer. [147ra]
                   Qui tout coveite, tout pert,
           528  Ceo dist le vilain.
67 (71)
                   Povres est de petit las,
                   Mes ceo ne sevent pas
                   Ne li reis ne li counte.
           532  Pusk’i sefre poverte,
                   Asez petite perte
                   A graunt chose li mounte.
                   Ki petit ad e petit pert, de petit se deut,
           536  Ceo dist le vilain.

Page 28

68 (114)
                   Bien sai, plus lasche vie
                   N’est ke chevalerie;
                   Tost ad soun los perdu
           540  Qui le mester ne fait;
                   Sitoust cum il le lait,
                   Si l’ad tout perdu.
                   Taunt est bon cumme dure, si aie,
           544  Ceo dist le vilain.
69 (211)
                   Puske cheitifs sorpuet
                   Plus cheitiffs, ne estuet
                   Parler; quant l’a suspris,
           548  Ja merci n’en avera
                   Ne aveir ne se savra,
                   Kar il ne l’ad apris.
                   Dolente est la vile ke asniers preieient,
           552  Ceo dist le vilain.
70 (165)
                   Garçoun losenjour
                   Qui sount od haut seingnour
                   De meint houme se claiment,
           556  Kar a iceo se aparaillent
                   Qui sovent li cunsaillent:
                   ‘Cil nous het, cil nous aiment’.
                   Tel poest noiser ki ne puet aider,
           560  Ceo dist le vilain.
71 (96)
                   Qui celer ne se veut, [147rb]
                   Qui en chaut, s’il se deut
                   Aprés de sa folie?
           564  S’il ne se velt plaindre,
                   Dount aut en tel liu maindre
                   Ke houme ne sache sa vie!
                   Ben escri le lu, ki sa preie rescout,
           568  Ceo dist le vilain.
72 (13)
                   Fols est, ki taunt atent
                   Ke le suen enscient
                   Le sourprent e traine;^L571 [L571] rej  Le suent prent29
           572  Ainz ke cil le desceive,
                   Face qu’il se aparceive
                   Ke ben set sa covine!
                   E par pluie e par bel deit l’em porter sa chape,
           576  Ceo dist le vilain.

Page 29

73 (38)
                   Pur sa chose demeine
                   Travaille uns houme e peine,
                   E al chef venir ne puet;
           580  Ben vei, a scient,
                   Ke uns autre pur nient^L581 [L581] rej  vers a.30
                   Ad quantke li esteut.
                   Qui Deus veut aider, ne li puet nuls houme nuire,
           584  Ceo dist le vilain.
74 (31)
                   Gent sorpalere e fole
                   Ben petite parole
                   Par orgoil hauce e mounte;
           588  Quant ses moz ne repose,
                   Ainz tourne ataunt la chose
                   Ke ele vent ad grant hounte.
                   Qui aventure avent, ne vent soule,
           592  Ceo dist le vilain.
75 (29)
                   Mainz houme soffre sa hounte,
                   Semblaunt ne fest ne counte,
                   Pus venge ses talenz. [147va]
           596  Meinte bounté est refaite
                   Qui pus li est retraite
                   Derecheffs a set aunz.^L598 [L598] rej  Delecheffs30
                   Petite parole fest grant tensouns,
           600  Ceo dist le vilain.
76 (23)
                   Cil ki se sent coupable,
                   Espeire ben saunz fable
                   De touz autre gent,
           604  Dount il les semblaunz veit,
                   Qui checuns autel seit
                   Cum il meimes sent.
                   Ceo quide li leres qui touz seient ses freres,
           608  Ceo dist le vilain.

Page 30

77 (204)
                   Cil ki est costumers
                   De mentir volounters,
                   Pur mentir s’afiaunce;
           612  S’il te fait serement,
                   Unc ni t’i atent
                   Ne plus ke arse gra[n]che.
                   Qui fei ne tent, ne serement,
           616  Ceo dist le vilain.
78 (14)
                   A peine treve l’oum
                   Traitour ne feloun
                   Qui tenge nule lai.^L619 [L619] rej  n. fai31
           620  De fil a feloun pere
                   Ne faire toun coumpere;
                   Ja ne tendra fai.
                   De put lin, put oisel,^L623 [L623] rej  Di p.31
           624  Ceo dist le vilain.
79 (178)
                   La veie de ultre mer
                   Vei a meint amer,
                   A l’aler jupe e huie;
           628  Quant vient al revenir,
                   Ne se pet sustenir, [147vb]
                   A un bastoun s’apuie.
                   Las boef suef marche,^L631 [L631] rej  boel31
           632  Ceo dist le vilain.
80 (225)
                   Dame ki velt anduille,
                   Petit vit ki l’acoille,
                   Le cul poi li esquase;^L635 [L635] rej  Le cumpeil31
           636  Ki tel li met al coun
                   Qui ert al poumoun,
                   Si li fait greingnour aise.
                   Ki bon morssel met en sa bouche, bone novele enveit al quer,
           640  Ceo dist le vilain.

Page 31

81 (255)
                   Mout est bon acuinters
                   De clers, de chevalers,
                   Ceo sachez, trop veir;
           644  En nul liu arester
                   Ne puet nul cunquester
                   Grauntment pris saunz aveir.
                   Trop puet l’um garder le pilier soun aiel,
           648  Ceo dist le vilain.
82 (256)
                   Ki volounters sojourne,
                   A nul pris ne li tourne,
                   Mains en valt par dreiture;
           652  Ki va e ça e la,
                   Meinte feiz prou i a
                   E meuz en ad sovent.
                   Ki vait, leche; ki siet, seche,
           656  Ceo dist le vilain.
83 (229)
                   Il sount gent de mesters
                   E de vils e de chers,
                   Ne sount pas tout de un fuer;^L659 [L659] rej  quer32
           660  Teus est riches de cors
                   E mout bel par defors
                   Ki povres est de quer.
                   N’est mie tout or ke luist, [148ra]
           664  Ceo dist le vilain.
84 (257)
                   Tels ad hors graunt renoun
                   Qui dedenz sa meisoun
                   Mult laschement se vit;
           668  E si Deu me beneie,
                   Taunt de mal ne irra mie
                   En plusours cum l’um dit.^L670 [L670] rej  lum dun32
                   Li lius n’est mie si graunt cum l’um l’escrie,
           672  Ceo dist le vilain.

Page 32

85 (118)
                   Ki deliverer se velt
                   De serjaunt dount se deut,
                   Blame li brasce e muet;
           676  Dist ki il li ad emblé
                   Quantki il li ad assemblé,
                   Si tolt ceo ki il puet.
                   Ki het soun chen, la rage li met soure,
           680  Ceo dit le vilain.
86 (120)
                   Fols est, ki soun serjaunt
                   Ou soun petit enfaunt
                   Fait sour lui damaisel.
           684  Ki trop le dauncele,
                   Toust li dist tele novele
                   Dount ne li est pas bel.
                   Sire privé fest fol vassal,
           688  Ceo dist le vilain.
87 (72)
                   Meint houme vest soun pain quere
                   Soffraitous par la tere,
                   Ne li durrez graunt doun;
           692  S’il veit soun ami,
                   Senpres mureit pur li
                   Soun cors a baundoun.
                   Al bosoing veit l’um ki est amis,
           696  Ceo dist le vilain.
88 (258)
                   Kui soun ami descu[v]re
                   De alcune vilaine ouvre,
                   S’il ad fest vers lui, [148rb]
           700  Lui e as sens fest hounte,^L700 [L700] rej  Luie e33
                   S’il ataunt li mounte,
                   Qui il li treve ad enemi.
                   Qui soun ne coupe, sa face desonoure,
           704  Ceo dist le vilain.

Page 33

89 (259)
                   Fai ki tu saveras,
                   Si ne te feire pas
                   Desque ne ses, baut;
           708  Ce ki houme quide sovent
                   Saveir veraiment,
                   Par aventure falt.
                   Meuz vaut saveir ki soz pareir,
           712  Ceo dist le vilain.
90 (260)
                   Jeo ai veu meint serjaunt
                   Qui se feseit mult vaillaunt
                   De manger achater;
           716  S’il venist a Paris
                   Quere pain blaunc ou bis,
                   Nel purreit il trover.
                   Qui fol enveit en mer, n’avera peissoun ne el,
           720  Ceo dist le vilain.
91 (261)
                   Meint houme ai veu,
                   Desque il oult perdu,^L722 [L722] rej  perdeu34
                   Qui ne volt mes jouer;
           724  Ausi avent sovent
                   Qui femme se repent
                   De sei despuceler.
                   Tart est main al cul quant le pet est hors,
           728  Ceo dist le vilain.
92 (217)
                   Meinte dame vait, ceo quit,
                   A soun dru par nuit
                   Saunz crime e saunz freiour;
           732  Pur soun mari ne irreit
                   Treske a chef de soun teit,
                   Ainz dist ki ele ad pour. [148va]
                   Plus tire cul ke corde,
           736  Ceo dist le vilain.

Page 34

93 (262)
                   L’em puet ben par usage
                   Feire le chat si sage
                   Qui il tent chaundeille ardaunt;
           740  Ja n’iert si ben apris,
                   S’il veit la soriz,
                   Qui il n’i aut meintenaunt.
                   Meuz vaut nature ki noreture,
           744  Ceo dist le vilain.
94 (263)
                   Meint prodoume vaillaunt
                   Ai veu coup soffraunt,
                   Nel vout a touz moustrer;
           748  Si il sa femme escrie,
                   Taunt iert greindre folie,
                   Si s’en frad huer.
                   Cum plus esmuet la merde, e ele plus puet,
           752  Ceo dist le vilain.
95 (264)
                   Nule fraunche pucele,
                   Taunt soit gente ne bele
                   Ne de clere façoun,
           756  Ne deit houme desdire
                   Ne viel houme despire
                   Par dreit ne par reisoun.
                   Kar viel runcin fait joefne puldre peire,
           760  Ceo dist le vilain.
96 (265)
                   Ne deit nuls refuser
                   Marché achater
                   Pur petit gaingner;
           764  Kar menu e sovent
                   Puet l’em mui de forment
                   Un e un grain manger.
                   Petit gain est bel quant il vent sovent,
           768  Ceo dist le vilain.

Page 35

97 (266)
                   Fols est, ki sour chemin [148vb]
                   Comence soun gardin
                   Saunz mur e saunz reoun;
           772  Kar i getterount tuit,
                   Si en aportent le fruit
                   Checuns a baundoun.
                   Meuz vaut jungiere ki lointaingne priere,
           776  Ceo dist le vilain.
98 (267)
                   A qui cent mars de argent
                   Sount doné pur nient,
                   Purquei ne despendreit?
           780  Si trop en est aveir,
                   Ben l’em deit blameir,
                   Ceo est jugement a dreit.
                   Quant vent legerement, seit douné largement!
           784  Ceo dist le vilain.
99 (268)
                   Li vilains out mangié
                   Del pain mal saecié,
                   Trop .i. out de la paille;
           788  En dent del dolour out,
                   Ounkes dormir ne pout,
                   Partaunt recust s’amaille.
                   Meuz vaut paille en dent ki nient,
           792  Ceo dist le vilain.
100 (3)
                   Dame bien engulee,
                   Quant ele vient saulee
                   A table soun seignour,
           796  Demeine graunt daunger;
                   Dist ki ele ne puet manger,
                   Ren ne asavoure.
                   Tierce mie paste set,
           800  Ceo dist le vilain.

Page 36

101 (269)
                   Ne devereit refuser
                   Petit houme a amer
                   Reine ne cuntesse;
           804  Kar ceo dist Salamon: [149ra]
                   D’un ben gros trunchon
                   Se fait lé barnesse.
                   De meins se crieve houme le oil qui de un cheveroun cornier,
           808  Ceo dist le vilain.
102 (2)
                   De celui m’esmervail
                   Qui soun privé cunsail,
                   Si il molt ne se het,
           812  Vait counter a femme;
                   Ensemaunt l’espaunt cele
                   Qui checuns le set.
                   Malement se covre, a qui le cul pert,
           816  Ceo dist le vilain.
103 (220)
                   Une dame conois,^L817 [L817] rej  V. dema37
                   Aques me tient pur muus,
                   Quant la teng en moun lit,
           820  Qui me met a baundoun
                   Une espande de coun
                   A dous deie de vit.
                   De petit aguilloun chace l’en graunt asnesse,
           824  Ceo dist le vilain.
104 (225)
                   Dame ki veit anduille,
                   Petit vit la catuille,
                   Ne quit ki point li plaise;
           828  Mais quant ele sent tel bozon
                   Qui li hurte al poumon,
                   Dount est ele a eise.
                   Ki bon mossel met en sa bouche, bone novele enveit al quer,
           832  Ceo dist le vilain.

Page 37

105 (270)
                   Sor toutes bestes muers
                   Qui querent lor mangers,
                   Muet cornaille plus main;
           836  Toute jour se purchace,
                   Ne veit ki ben li face, [149rb]
                   Al vespre mert de faim.
                   Cum plus main leve le maluré, plus long jour,
           840  Ceo dist le vilain.
106 (271)
                   A la bouche del for
                   Ad sovent grant chalor
                   E si n’i creist point de herbe;
           844  Desouz blaunc vestement
                   Ad meint neir trop puillent
                   Qui ja ne iert saunz merde.
                   Qui a estrount luit, cunchié s’en part,
           848  Ceo dist le vilain.
107 (227)
                   A meinte dame orguillouse
                   Ai veu desdeingnouse
                   De seingnour de chatel,
           852  Qui uns mauveis garçouns
                   Entre pui e arçouns
                   Si en feit soun avel.
                   Enuious fut met le bel,
           856  Ceo dist le vilain.
108 (226)
                   Or d’un lechiere de curt
                   Ne lo pas ke surjourt
                   Ne mais deus jours ou treis;
           860  Mes halt, si se purchast,
                   Anceis ki l’em l’en chast,
                   Si ferra ki curteis.
                   Bel chanter ennuie,^L863 [L863] rej  B. chancer38
           864  Ceo dist le vilain.

Page 38

109 (272)
                   Povres se desmente
                   De nove chalcemente,
                   Qui il ne la puet aveir,
           868  Qui ad la viele tendre;
                   E ele li doinst sauns vendre,
                   Bon gré l’en deit saveir.
                   Ki lait n’en ad, mesge manjust!
           872  Ceo dist le vilain.
110 (221)
                   Mainte dame sovent [149va]
                   Prent dener e argent
                   De la maingn soun seingnour,
           876  Kar ele les veut doner
                   A un bon bachiler
                   Pur meuz aveir s’amour.
                   Plus tire cul ki corde,
           880  Ceo dist le vilain.
111 (273)
                   A tels fait houme graunt bien
                   E doune mout del suen
                   Qui malement l’enpl[e]ie;
           884  Si sount des dames moult
                   Qui autres lour coun fout
                   Ke cil ki les cunreie.
                   Tel la menez, tel la pernez,
           888  Ceo dist le vilain.
112 (274)
                   Plusours vunt outre mer
                   Le sepulcre aourer
                   E Damnedeu prier;
           892  Ainz ki il seient venu,
                   Ount lour femmes fotu
                   E gausté maint dener.
                   Mal est bailli, ki a ses nuces n’est,
           896  Ceo dist le vilain.

Page 39

113 (275)
                   Qui veut aver bon livre,
                   Fols est ki le fest escrivre
                   A tel ki ne veit goute;
           900  Ausi est fols ou fole
                   Qui gauste sa parole
                   Ou nuls ne l’escoute.
                   Vile ad soun allelua, ki al cul del boef la chante,
           904  Ceo dist le vilain.
114 (161)
                   Meint houme autre het
                   E covrir ne se set,
                   Ne celer soun ennui;
           908  Uns povres mesfaiz,
                   Qui est torz e countraiz, [149vb]
                   Guarist sai e autrui.
                   Torte boche fest dreit fu,
           912  Ceo dist le vilain.
115 (276)
                   Fols est par seint Mathu
                   Qui trop en un liu
                   S’areste ne apuie;
           916  Taunt cum il est novel,
                   Si est soun estre bel;
                   Quant veuz est, si ennuie.
                   De novel tout bel, de veus entre pez,
           920  Ceo dist le vilain.
116 (277)
                   Meinte dame ai veue
                   Qui ben esteit vestue
                   E de vair et de gris,
           924  Qui pas tele n’esteit
                   Cum ele parreit
                   Ne el cors ne el vis.
                   Desouz chemise blaunche ad meinte brune haunche,
           928  Ceo dist le vilain.

Page 40

117 (278)
                   D[e d]ame enprisounee,
                   Quant est estreit gardee,
                   Ad l’em souvent faus eir;
           932  Ne puet a chevaler
                   Parler ne deduier;
                   Ceo prent k’i puet aveir.
                   Pur suffraite de prodoume si met l’em fol en baunc,
           936  Ceo dist le vilain.
118 (279)
                   Cil ki l’en femme fout,
                   Quant il recovre tout,
                   Sa femme purquei het?
           940  Fols est, s’il en ad ire,
                   Quant de ren ne enpire
                   Fors taunt ke l’en le set.
                   De ceo ki ne puet amender, ne se deit l’um pas trop doler,
           944  Ceo dist le vilain.

End