Page 6

ABBREVIATIONS

Bean	J. M. W. Bean, From Lord to Patron. Lordship in Medieval England (Manchester, 1989)
BIHR	Bulletin of the Institute of Historical Research
BL	British Library
BPR	Black Prince's Register, 4 vols. (HMSO, 1930-3)
CAD	Calendar of Ancient Deeds
CChR	Calendar of Charter Rolls
CCR	Calendar of Close Rolls
CFR	Calendar of Fine Rolls
CPR	Calendar of Patent Rolls
CIM	Calendar of Inquisitions Miscellaneous
CIPM	Calendar of Inquisitions Post Mortem
CRO	County Record Office
DKR	Annual Reports of the Deputy Keeper of the Public Record Office
Dunham	W. H. Dunham jr., Lord Hastings' Indentured Retainers, 1461-1483. The Lawfulness of Livery and Retaining under the Yorkists and Tudors, Connecticut Academy of Arts and Sciences, vol. 39 (1955), reprinted 1970
EHR	English Historical Review
Ellis	Roger H. Ellis, Catalogue of Seals in the Public Record Office. Personals Seals, 2 vols. (HMSO, 1978-81)
GEC	G. E. Cockayne, The Complete Peerage, revised edn. by Vicary Gibbs et al., 13 vols. (London, 1910-59)
Given-Wilson	C. Given-Wilson, The Royal Household and the King's Affinity (New Haven and London, 1986)
HC, 1386-1421	J. S. Roskell, Linda Clarke, Carole Rawcliffe, eds. The House of Commons, 1386-1421, 4 vols. (Stroud/Wolfeboro Falls, 1992)
HMC	Historical Manuscripts Commission
Holmes	G. A. Holmes, The Estates of the Higher Nobility in Fourteenth-Century England (Cambridge, 1957)
Moor	C. Moor, Knights of Edward I, Harleian Soc., vols. lxxx (1929), lxxxi (1929), lxxxii (1930), lxxiii (1931), lxxxiv (1932)
NLI	National Library of Ireland
NLW	National Library of Wales
PPC	Proceedings and Ordinances of the Privy Council of England, Page 7 ed. Sir Nicholas Harris Nicolas, 7 vols. (London, 1834-7)
PRO	Public Record Office
RO	Record Office
Rot. Parl.	Rotuli Parliamentorum, ed. J. Strachey et al., 6 vols. (London, 1767-83)
S & G	Sir N. H. Nicolas, The Controversy between Sir Richard Scrope and Sir Robert Grosvenor in the Court of Chivalry, 2 vols. (London, 1832)
TRHS	Transactions of the Royal Historical Society
VCH	Victoria County History
Wedgwood	Josiah C. Wedgwood & Anne D. Holt, Biographies of the Members of the Commons House, 1439-1509 (HMSO, 1936)
YAS	Yorkshire Archaeological Society

Page 9

INTRODUCTION

The proposal for an edition of selected private life indentures for service in peace and war was first made to the Royal Historical Society by Professor Norman Lewis shortly after he had contributed Indentures of Retinue with John of Gaunt, duke of Lancaster, enrolled in Chancery 1367-1399 to Camden Miscellany xxii (1964). After the Society accepted this proposal, Lewis discovered that Professor Michael Powicke was also working on a similar project and they agreed to cooperate. Lewis agreed to be responsible for indentures before 1327 and Powicke worked on those between 1328 and 1462. Texts of thirty-seven surviving original indentures were selected and a brief introduction was written, reflecting their division of labour, but the project then hung fire. In the interim other work had revealed that many further indentures survived than had been suspected and a considerable literature developed of which at least brief notice was required; despite working to the end of his long life on a subject which he had made peculiarly his own, when Lewis died in 1986 there still remained much to be done to prepare the proposed edition for publication, whilst Professor Powicke found himself with other obligations that prevented him from bringing it to completion.

A query by one of the present editors about the fate of the edition to Dr Blair Worden, then Literary Director of the Society, following up an earlier interest which had lain dormant for almost twenty years, resulted in a correspondence with Professor Powicke. He generously indicated a willingness to hand over the material he and Lewis had gathered to a third party if that would assist in bringing the project to completion. When a year later Michael Jones became in turn Literary Director and inherited the file relating to the Lewis-Powicke edition, he suggested to the Society that the project could yet be brought to a successful conclusion, especially if he might be allowed to associate Dr Simon Walker with the edition. This was accepted. Dr Walker kindly agreed to help; he is responsible for the substantive part of this introduction while the other results of the editors' collaborative efforts may be seen in the documents that follow.

Briefly, the new editors realised that despite a long interest in the subject, much of the literature of which was surveyed in the recent monograph by J. M. W. Bean, From Lord to Patron. Lordship in Late Medieval England (Manchester, 1989), scholars were still hampered by a lack of information on the numbers and location of surviving original

Page 10

indentures; that there had been no systematic attempt to list them with the exception of those contracted by John of Gaunt, duke of Lancaster and William, lord Hastings; and that because of their dispersal, patchy or inadequate publication, many private life indentures were still difficult of access. Consequently they have included in the present edition a complete working list of such indentures for which full texts survive, excepting only those drawn up with Gaunt and Hastings which have received treatment elsewhere.

The list comprises 156 documents, the majority of them life indentures of retainer for service in peace and war, but it also includes examples of letters patent of retainer and a few agreements for a fixed period of service (not less than a year). One hundred and thirty nine documents are printed in full, of which only twenty three have previously appeared in print. These latter are republished here either because the first publication is difficult of access or seriously flawed, or because a significant new, normally an original, text has come to light. In addition a further sixteen life indentures are listed for completeness: ten of these have been published already in good modern editions of which details are provided, whilst the rest have been listed because mutatis mutandis they repeat verbatim the terms of a previous document for which a full text has already been provided.

EDITORIAL NOTE

In preparing the documents for publication, every effort has been made to produce clear and accurate texts; doubtful or missing words or passages have been enclosed in square brackets, with suspension points where appropriate; attention is drawn to other emendations in textual notes; paragraphs have been introduced in some longer documents for convenience; common contractions have normally been extended; j and v have been used for consonantal i and u; punctuation has been modernised and capitals restricted chiefly to proper names.

Page 35

PRIVATE INDENTURES FOR LIFE SERVICE IN PEACE AND WAR, 1278-1476

Page 36

3 Henry Lacy, earl of Lincoln and Master Richard de Tanny, marshal, Berwick-upon-Tweed, Northumberland, 15/17 June 1292 (PRO, Court of Wards, Ward 2, Box 60/234/86).

Le Dimaingne prochein apres la feste de seint Barnabe lapostle lan de grace milyme deus centime nonantime second e lan du regne le rey Edward de Engleterre vintisme, convint entre sire Henri de Lascy,

Page 37

conte de Nichole e conestable de Cestre de une part, e Mestre Richard de Tanny, mareschal, de autre part: Cest asaveir ke le dit Richard est demore en le servise le dit conte de [a]ler ove luy outre mer a servir le taunt avaunt come il savera e purra. E prendra par an du dit conte sustenaunce honurable en lostel le conte solom coe ke il afiert a home de son estat ove mounture covenable. E estre coe dys livres de argent chescun an tant come il demoert outre mer en le servise le dit conte comencaunt de recevire la moite des dys livres avauntdites avaunt ke le dit Richard se mette sus la mer de Grece e lautre moite dedenz le demi an prochein suyant. E [is]si de an en an chescun an dys livres apres le prem[ier an] passe taunt come il demorront en la terre de outre mer. E si il aveingne par cas ke le dit Richard deveingne malades si ke il ne puisse travailler ne servir, le dit Henri ly tr[over]a re[sonable susten]ance e despens desky taunt ke il puisse retorner en le reaume de Engleterre. En tesmoune de que chose les devaunt diz monsire Henri de Lascy e Richard de Tanny a [ceste] cirograffe e[ntrec]hangeablement ont mis lur seaus. Don' a Berwyk en Escoce le xvij jour de Juyn lan du Rey Edward avantdit.

4 Aymer de Valence and Sir Thomas de Berkeley, London, 2 July 1297 (PRO, E101/68/1 no. 1).

Le Dymeygne prochein apres les utaves de la Nativite sein Johan le Baptist en le an del regne le Rey Edward fiz le Rey Henry vintequint a Londres, aconvenu est entre Eymar de Valence, fiz e heir sire Williame de Valence de une part, e mon sire Thomas, seignur de Berkele de autre part, ceo est a saver: qe meme celi mon sire Thomas est demore ove lavaunt dit Eymar, de son mennage a banere, sey cinkyme de chivalers; e prendra de ly par an, taunt come demort ove ly, ausi ben en pes come en guerre, en Engleterre, en Gales e en Escoce, cinkaunte livres, e robes pur sei cinkyme de chivalers; e bouche a court pur li e pur memes les chivalers, e pur deus esquiers a li memes servir, e pur quatre esquiers pur ses quatre chivalers servir, e pur trois vallez de meyster portaunz les males memes celi mon sire Thomas e ses chivalers. E si guerre est, il prendra gages come a banret, ceo est assaver, quatre souz le jour; e pur checun de ses chivalers, deus souz

Page 38

le jour; e pur checun esquier arme ove chival covert, doze deniers le jour: issi qe le avauntdit mon sire Thomas avera vint e quatre chivaus coverz partut en le servise lavaunt dit Eymar.

E sil veet en guerre ove lavaunt dit Eymar, aylours qe en Engletere, Gales ou en Escoce, il prendra de li par an cent mars, e ses gages pur li e pur ses chivalers, e pur ses esquiers, sicome est avaunt dit; e bouche a court pur li e pur ses genz avaunt nomeez. E lavauntdit Eymar aquitera le passage pur li e pur ses genz, e pur ses chivalers, ceo est assaver: louwage de neef, e lur gages come en tere; e les chivaus de armes pur lavaunt dit mon sire Thomas e pur ses genz serrount prisees avaunt ceo qil les mettent en la neef. E sil les pert apres ceo, ou en mer ou en tere, en le servise lavaunt dit Aymar, ou tuz ou partie, lavauntdit Eymar li rendra le pris de ceus que serount perduz dedenz les quaraunte jors apres la perte.

Estre ceo, sil avent qe mon sire Morice fiz lavauntdit mon sire Thomas seit a banere en sa compaignie, qe de cel oure ne prenge lavauntdit mon sire Thomas dil avauntdit Eymar fors qe pur sey quart de chivalers, ove quinze chivaus coverz partut; e mon sire Morice a banere, sei terz de chivalers, ove unze chivaus covers partut. E prenge de cel oure mon sire Thomas, en tens de pes e de guerre, en Engletere, Gales e en Escoce, trente livers e robes pur sei quart; e lavauntdit mon sire Morice, vint livres e robes pur sei terz. E si les avauntditz mon sire Thomas e mon sire Moriz, ou un de eus, vount en guerre ove lavantdit Eymar aylours qe en Engletere, Gales ou Escoce, prendra lavauntdit mon sire Thomas dil avauntdit Eymar par an seissaunte mars, e lavaundit mon sire Morice quaraunte mars, e gages pur checun de eus come pur banret; e pur lur chivalers, e pur lur esquiers, gages ausi come avaunt dit est.

E donke lavaunt dit mon sire Morice avera bouche a court pur li e pur ses deus chivalers, ausi come lavaunt dit mon sire Thomas; ceo est asaver, deus esquiers pur li memes servir en son hostel, e deus esquiers pur ses deus chivalers; et sil pert ses chivaus en son servise, qil li rendra le pris, ausi come avaunt dit est de mon sire Thomas. E eyent les avaunt diz mon sire Thomas e mon sire Morice chaumbre de liveree en le houstel lavauntdit Eymar, pur eus a pur lur chivalers saunz plus, sil y eit mesons outre les genz de son houstel ke lem le puse fere, pur estre prest a son maundement, ausi ben de nuyt come de jour. E sil avent qe les avauntdiz mon sire Thomas e mon sire Morice, ou un de eus, veignent a lavauntdit Aymar par son mandement, a ses maners, ou aylors en Engletere a viles champestres, ou il ne pusent trover vitayle a vendre pur eus, e pur lur genz, e pur lur chivaus, qil seyent a touz coustages lavaunt dit Eymar la primere nuyt, e nent plus. En temoigne de queu chose les parties en cest escrit endente entrechaunjablement ount mis lur seaus. Done lan, jor e leu avaunt nomeez.

Page 39

Eymar de Valence

Page 40

7 Sir John Bluet [of Raglan] and William Martel, Ellcestre, 10 August 1297 (British Library, Additional Charter 1531).

An du rengne le Rey Edward fiz le Rey Henr' vintime et quint issi acovint par entre sire Johan Bluet chevaler et Williame Martel, cest asaver qe le dist Johan Bluet reconust pur lui et ces heyrs sey estre tenuz alvauntdit Williame Martel seon vallet a toute le vye memes celui Williame en seisaunte souz de argent de bone moneye et de leale a receviere de an en an a deus termes al hockeday et a la feste Seint Michel de seon maner de Langeston en Netherwent, Cest asaver des teres et des tenemens qe Wautier le Swan, Johan le fiz Thomas, Roberd le Ioevene, Annes le Swan et Aliz Ketyng de lui tenent en la more de Langeston, issi qe le vauntdit Williame ou seon certayn atturne les avauntdis tenemens par la vauntdite rente lever a lur volunte en queus mayns qe memes ceus tenemens devenent peussent destreindre saunz contredit de nully e celes destreces en seon park fermement tener ieskes taunt qe de memes cele rente seit purpaye,^P40Aa [P40Aa] Followed by En struck out41 ensement deus robes par

Page 41

an pris de quarante souz de sa chaumbre a toute la vye le devauntdit Williame, la une a Nowel et lautre a Pentecouste, et a sustenir le devauntdit Williame taunt come il vivera en manger et en bewere avenauntement come a gentil homme a peut, e ces deus garsuns. E a trover a ces deus chevaus feyn et aveine et litere et ferure a toute la vye memes celui Williame, cest asaver chescune nuth un bussel de aveine, E pur cest ben fet le devauntdit Williame Martel servira le dist Johan Bluet ben et lealment come a vallet apent en la guerre mue par entre le Rey de Engletere et le Rey de Fraunce. E ausi en Engletere si guerre nule sourde, qe Deu deffende, et en Gales, et en totes teres de sa la meer, et de la la meer la ou sien cors demeyne y est hors pris la tere seinte. E en tornemens en tens de pees od un graunt cheval de armes, le quel le dist Johan lui trovera et armure bonne et avenaunte saunz nule defaute pour seon cors. E a greynnur seurte fere par cest covenaunt en la fourme susescrite^P41Ab [P41Ab] Word written around hole in MS42 ben et lealment tener le vauntdit Jean Bluet oblige lui et ces heyrs et ces exseketurs et totes ces teres et tenemens qe il aveit en Engletere et en Gales le jour de la confection de cest escrit en ky mayns qe il devenderunt en tens en avaunt. E ausi en la destresce des seneschaus et des mareschaus nostre seyngnur le Rey de Engletere. E des baillifs de la fraunchise de Kaerlyon ky qe il seyent, si il en nul poynt defaillent des covenaunz sus nomes. E si nul des chevaus le devauntdit Wylliame en tens de pees ou de guerre en le service le vaunt nome Johan Bluet seit periz, le dist Johan Bluet oblige lui et ces heirs et ces exseketurs plenement de les restorer. En tewmon' de quele chose les parties sus nomees entrechaungablement a cest escrit parti ont mis lur seaus par y ces Tewmoynes Sire Jean ApAdam, Sire Thomas de Coudray, Sire Jean de Knoyvyle, Rauf de la Grave, Jean de Howel et autres. Done a Ellcestre le jour Seint Laurens an du rengne nostre seyngnur le Rey Edward vintime et quint.

viij in top left hand corner.

8 Letters patent of Philip de Hardreshull announcing that he will serve Edmund de Stafford in war and peace, Ghent, 3 October 1297 (Cheshire

Page 42

RO, DCR 26/3D/6).

A tous ceus ke ceste lettre verrount ou orrunt, Phelipe de Hardeshulle saluz en nostre seygnur. Sachez mey estre tenuz a sire Edmound de Estafforde seygnur de Madeleye a servir ly tawnt come la gwere dure entre le Rey de Engletere e le Rey de Fraunce, la quele gwere fust entre eus le jowr de la confection de cest escrit. E par ceste presente lettre apres le avaunt dite gwere je le avaunt dit Phelipe me oblige a le avaunt dit sire Edmownd de mey atacher en sa compaygnye de ly servir avaunt touz autres, par quey il me face autaunt come autres me voddrunt fere, for pris le servise e la retenaunce sire William de Hardeshulle, mon frere, ke je forpreng sus touz autres. E si issi seyt, ke je le avaunt dist Phelipe sey chivaler, ke les robes ke je dei prendre de sire Edmound li seyent returnez. E si il aviengne, ke je le avaunt dit Phelipe reen de cestes choses defaylle, je me oblige a la destresce des senescaus e des mareschaus nostre seygnur le Rey de Engletere, ke donkes seyent, ausi bien de hors la verge cum de dens. En tesmoyne de quele chose a ceste presente lettre ay mys mon seel. Done a Gawnt en Flawndres le jeofdy procheyn apres la feste seyn Michel en le an de le regne le Rey Edward le vintime quint.

Madley

Page 43

11 Aymer de Valence, lord of Montignac and Sir Robert FitzPayn, Dunfermline, Fife, 8 November 1303 (PRO, E101/27/11).

Le Vendredy prochein avaunt le Seint Martin lan du rengne nostre seignur le Rei Edward trentisme primer, acovint entre monsire Eymar de Valence, seignur de Mountignak dune part et monsire Roberd le Fuiz Paen dautre part: cest a saver qe lavauntdit monsire Roberd demorera ove lavauntdit monsire Eymar pur le turnement de le Noel

Page 44

prochein a venir apres la confection de ceste lettre tanke a la Pasche prochein ensuiant en un an. Et deit launtdit monsire Eymer trover au dit monsire Roberd covenable et honorable monture au tornement pur soun cors, covenable monture pur ses deus bachelers, e restor de deus chevaux pur deus bachelers aparfere sei quint. E robes et seles pur luy et pur ses deus bachelers et pur soun fuiz sil est chivaler dedenz le terme susdit. E avera lavauntdit monsire Roberd bouche a court pur luy, et pur ses iij valetz, et pur ses quatre bachelers et pur chascun chivaler deus esquiers en la ville du tornement, et sy lavantdit monsire Robert veingne ou seit mande en cheminaunt vers le tornement alavantdit monsire Eymar il avera bouche a court pur luy et pur ses deus chevalers et pur chascun chevaler deus esquiers.

E pur les covenaunces susdites bien et leaument fere et tenir lavantdit monsire Eymar dorra au dit monsire Roberd cent livres desterlinges a paier amesmes celuy monsire Robert ou a soun certein attorne ceste endenture eiaunt, cest a saver, a la Pasche prochein a venir apres la confection de ceste letre vint livres, e a la Nativite Seint Johan ensuiant vint livres, e a la Seint Michel prochein suiaunt vint livres, e a Noel prochein suiaunt vint livres, e a Careme Prinaunt prochein suiaunt vint livres. E si issi aveingne qe lavantdit monsire Eymar aille la outre de denz le dit terme pur le turnay lavantdit monsire Robert voet et grante de aler ove luy par mesmes les covenaunces susdites. Et si lavantdit monsire Roberd veingne au dit monsire Eymar par soun mandement as parlementz ou aillours pur les bosoingnes le dit monsire Eymar il avera bouche a court pur luy et un bacheler et treis esquiers et deus someters, e fein et aveingne pur dogge, chevaux e gages pur uyt garcouns pur le temps qil demorera en les bosoingnes le dit monsire Eymar. E a touz ses covenaunces bien et leaume[n]te tenir lavantdit monsire Eymar se oblige luy et ses eyrs et touz ses biens a la destrecce de queu ministre le Rey qe lavantdit monsire Roberd vodra elire. En tesmoingne de queu chose les avantditz monsire Eymar et monsire Robert a cest escrites endentes entrechaungablement ount mis lour seaux. Donne a Dounfermelyn en Escoce lan et le jour susdits.

12 John Wogan, justiciar of Ireland and Henry de la Roche, lord of the Rower, Kilkenny, Dublin, 10 February 1306 (National Archives of Ireland, RC7/11, 435-8, two nineteenth-century versions from now lost original).^P44A20 [P44A20] This transcript, published by kind permission of the Director of the National Archives, was prepared by Prof. Robin Frame, to whom we are deeply indebted for help with this and other Irish indentures, from a document presenting severe textual problems. It survives in transcript only in the Irish Record Commissioners' draft calendar of rolls of the Dublin Bench. The transcript was prepared by a clerk who made some mistakes and left a number of gaps, which he blamed on the condition of the original roll. His work was revised by a superior, who corrected some more obvious errors and succeeded in reading some missing words. However, revision did not stop there: it was also designed to save space – and possibly to gloss over difficulties – by means of deletions and crude contractions (for instance, the repeated Monsire is consistently deleted, and the dating clause contracted to 10 Fev' a' r' r' 34). There are thus, within a single heavily-emended MS, two unsatisfactory versions of the text. The text presented here is not a critical edition of these nineteenth-century transcripts, but a working text based on them, correcting only the most obvious errors.45

Page 45

Ces sunt les covenantes feits entir Monsire Johan Wogan adonk justice Dyrlaunde dune part e Henri De La Roche seigneur de Roure dautir part

Coe est asaver qe le dit Henri est demurre ove lavaundit Mounsire Johan de sa retenaunce a de seon mesnage aservir le a tout seon poer en Irlaunde ausi bien en les busoignes le Rey cum en ses busoignes propres de guerre e de pees encountir touz gens save la fey le Rey a totte la vye le dit Monsire Johan

Et sil avigne qe le dit Monsire Johan survyve le dit Henri donk le heyr ou lassigne le dit Henri ky de age serra e ses terres tendra […] mesme le service al dit Monsire Johan ou a celuy qe en leu de luy sera par tote la vie le dit Monsire Johan

Et graunte le dit Henri pur luy e ses heyris qe luy ne ces heyris ne nul qe de sa retenaunce […] seon acorde soit peusse de autri retenaunce demorrer ou le dit Monsire Johan ou seon leu tenant ne soient forpris issi ke lour demoere soit ove le dit Monsire Johan contre touz altres sauve la fey le Rey si com avaunt est dit

Et lavauntdit Henri taunt cum il est esquier prendra […] del dit Monsire Johan pur luy & pur un compaignoun a tottes les foitz qil fait sa pleine liveree a ses altres esquiers

Et graunte mesme celuy Henri qil serra chivaler ala volunte le dit […] Johan & prendra les armes de luy ales coustages le dit mesmes celui Sire Johan & quant il serra chivaler donk prendra robe pur luy e pur un compaignoun si cum les altres chivalers a tot les foitz qil fait sa pleine liveree a ses altres chivalers

Et le dit Monsire Johan aquitra le dit Henri […] mars les ques il deit au Rey an le escheker de Duvelyne

Et quant mesmes celi Henri serra maunde de venir ove gentz darmes donk eit ses gages apres le primer jour de sa montre […] lascoiant des gentz qil avierra par tiel maundement coe est asaver douse deners le jour pur le […] coverte ou bouche en court pur luy & ses gentils homes mountez a lur aferant & sis deners […] aveines ferrure e gage des garceons pur le chival coverte al chois le dit Monsire Johan

Et quant il serra en guerre ou en chivalchers ove le dit Monsire Johan dounk eit bouche en court […] e ses gentils homes e sa altre

Page 46

mesne viveent de lour purchas & et de lour foreer si le pais […] de guerre soit a coe suffisaunt

Et pur ses altres aveneuees e demorrees quant il serra maunde […] fein & avoyne ferrure & gages des garcons pur luy & soun compaignoun taunt cum il demeurt esquier & quant il serra chivaler dounk eit pur luy & seon compaignoun deus esquieres ou trois quaunt il les avera ensi ove luy

Et grantent les avauntditz Monsire Johan e Henri pur eux e lour heyrs qe si nul de eux viegne contre les covenauntes avauntdites qi celui qi les ensiendra seit e miz al altre partie en mille librarum dargent en pure dette e qe les covenauntes desus escrites veynt les meims ses tegnent

Et a tottes les choses avaundites tenir se obligent eux pur eux e pur lur heyrs tottes lur terres & leur tenementz en ky meims qil demoergent

En tesmoniaunce de quoi chose les parties avauntdites a cest escrit endente unt mys lur seals entrenchangablement

Escrit a Duvelyne le x. jour de Feverer an du regne le Rey Edward trentisme quart

13 Sir Nicholas de Kyriel (Cryel) announces that he has agreed to serve Sir Stephen de Segrave, 1307 > 1325 (Berkeley Castle, Gloucs., Select Charters no. 490).

Page 47

A touz ceaux qe ceste lettre orrount ou verrount Nycholaz de Cryel saluz en Dieu. Sachez mey estre demorre ove monsire Estevene de Segrave a tote ma vie com son Bachiller pur luy servir de pees et de gere countre totez gentz sauve le fey le Roi; issint qe le dit monsire Estevene me trouvera robes et seales com afiert a Bachiller et restor de Bachiller pur ma mounture pur luy servir a tournement. Et gages pur ix garcons et feyn et aveyne pur ix chivaux tauncom il demeurt en ville. Et si aveyngne qe quant mez teres me serrount escheeues qe jeo voil estre a banere, jeo me oblige adoncs au dit monsire Estevene de luy servir ausi com devaunt, sauve qe jeo prendray robes et seales pur mey tiers de Bachiller, et gages pur xij chivaux et pur xij garcons, et bouche a court pur mey et pur mez bachillers, et la mounture pur mon cors prisee. Et en tens de gere prendray du dit monsire Estevene tauncom jeo suy bachiller, gages pur vij garcons et feyn et aveyne pur vij chivaux en tens quant hom deit livere fere, et restor de ma monture si jeo le perde en son servise, et bouche a court pur mey et pur mes esquiers. Mes quant jeo seray a banere adoncs auray ma mounture prisee, et bouche a court pur mey et pur mes ij bachilers et pur vj esquiers, et gages pur xij garcons, et fein et aveyne pur xij chivaux.

Estre ceo, com sovent qe jeo veyngne au dit monsire Estevene par mi son maundement a demorer ove luy en tens de pees come a parlementz ou a ses maners, jeo aurai gages pur v garcons, feyn et aveyne pur v chivaux, et bouche a court pur mey et mes ij vallets. Et si aveyngne qe jeo defaille en ces covenaunz tenir issi qe jeo ne serve le dit monsire Estevene de pees et de gere en la fourme susdite, tauncom luy plest ma demeure en sa compaynie, jeo oblige fermement par cest escrit mey et mes heirs et mes asseketours a payer mil marcs a la croyserye vers la tere seinte; a la destresce dez queux deners, si il seyent encorewes, jeo oblige mon maner de Walmere en le conte de Kent enqi mains qil deveyngne et touz mes biens meubles et nonmeubles a la destresce chescun ministre nostre seingnur le Rei et de chescun ministre de seynt eglise tauntqe la dite dette de mil marcz seit pleinement paye. En temoyngne de queu chose a ceste escrit ay mis mon seal.

De Nicolas Criel Leyc' – Croxt' Kyriel

Page 48

14 Humphrey de Bohun, earl of Hereford and Essex and Sir Bartholomew de Enfield, knight bachelor, Lochmaben, Dumfries, 15 February 1307 (PRO, DL 25/92).

Le meskredi proschein apres la feste seint Valentin lan du regne nostre seignur le Roi Edward trentisme quint, convynt entre mounsire Hunfrai de Bohun, counte de Hereford et Dessex, seignur du Val de Anand de une part, et mounsire Berthelmeu Denefeud dautre part: cest a savoir qe le dit sire Berthelmeu demorra tote sa vye por pees et por guerre ove le dit counte en totes terres de sca la mer et de la, et por la Terre Seinte si le dit counte il y aille. Et prendra le dit sire Berthelmeu robes et seles come ses autres bachelers. En temps de pees fein et aveigne por quatre chevaux, gages por treis garscouns et son chaumberlein mangaunt en sale; en temps de guerre et por le turnoi fein et aveigne por owyt chevaux, gages por sept garscons et son chaumberlein mangaunt en sale, et soffissaunte mounture por guerre et por le turnoi.

Et por ceo service bien et leaumente faire, le dit counte ad donne au dit mounsire Berthelmeu, por touz autres coustages, quaraunte marcheez de terre en la Val de Anand a terme de la vye le dit sire Berthelmeu, cest a savoir Hoton' et Lokardeby, ove totes maners de aportenaunces. Et si issi soit qe riens faille en les dites villes de quaraunte de marchez de terre, le dit counte fournira le plein aillours en le Val de Anand en tieu manere qe le dit sire Berthelmeu se tendra a paye. Et si aventure avigne qe le dit sire Berthelmeu se feint ou retret de le service le dit counte par qui il ne soit servi de guerre ne de pees auxi come il est sus dit, qe a donqes lise au dit counte a prendre les terres et a reseisir a la volentie le dit counte saunt countredit de nuly, si le dit sire Berthelmeu ne soit destorbe par mahayn ou par maladie, qe Dieu luy defend, par qui il ne poet le dit service faire.

Et si avigne qe commun veiage soit vers la Terre Seinte, et le dit counte demoerge en pays par certaines enchesouns, qe donqes lit bien au dit sire Bethelmeu aler cel veiage en autri compaignie et quil peuse les espleitz de sa terre prendre auxi come avaunt est grauntie, nient countre esteaunt la demoere le dit counte. En tesmoignaunce de queu chose les avauntditz counte et sire Berthelmeu a cest escrit endentee ount my lour seaux. Donne a Loughmaban le jour et lan avauntditz.

Page 49

la retenaunce mons. Barthelm' Denefeld vacat

15 Aymer de Valence, earl of Pembroke and John Darcy (the nephew), valet, Exning, Suffolk, 29 November 1309 (PRO, E40/A11547).

La veille de Seint Andreu Apostre lan du regne le Roy Edward fuiz le Roi Edward tierz aconvient entre noble home monsire Aymer de Valence, counte de Pembrok', seigneur de Weseford et de Mountiniak dune part et Johan Darcy dautre: Ceo est assaver qe le dit Johan ad graunte et est demorre de cy en avaunt a tote sa vye ove le dit counte auxi en temps de pees et de guere, prenaunt du dit counte en temps de pees sustenaunce et robes covenables com un des autres valletz et en temps de guere autre sustenaunce, mounture et armure sicom apent au vallet covenablement et serra entendaunt au dit counte en tour soen corps. Et le dit counte ad graunte qe le dit Johan, en temps de pees quaunt tourneymentz sey prendront, peusse demorer au quiel seignur qil vodra, sauve ceo qe sil plest au dit counte qil demeurge entour luy, il demorra et adounk le dit counte luy durra, ceo qe le dit Johan purra prendre dautre seignur, et pur ceste demeure feire en la manere desus dite le dit counte ad done au dit Johan et a ses heirs de soen corps loiaument engendrez cente soude de rente a tenir en la ville de Geynesburgh, sicom il est contenu en la chartre qe le dit counte lui ad de ceo feite.

Et sur ceo, le dit counte luy deit profeire les responses renables qil mettra en la bat passager sil ne seit qe la farme de la passage encrest pluis qe ore nest. Et a quiel houre qe la vaundit Johan sey fez feire chivalier, le vaundit counte est tenu a feire et a feffer le vaundit Johan pur luy et pur ses heirs de soen corps loiaument engendrez de tresze marchez et demye de terre ou de rente a tenir en la fourme sicom il est contenu en la chartre de les cent soude de rente qe le counte lui ad done en la ville de Geynesburgh. Et a dounk le vaundit Johan est tenu a servir^P49Aa [P49Aa] MS. appears to read sertiir50 le vaundit counte entour soen corps auxi bien en temps de pees com en temps de guere de cea la miere et de la et pour le veiage de la Terre Seinte. Et le dit Johan deit prendre du counte sustenaunce et mounture, robes, gages et totes autres choses com un des autres bachelers. Et a ceo covenaunt endente profeire bien et

Page 50

loiaument tenir le dit counte et Johan ount mys lour seaix. Escrites a Ixening le jour et lan avaundites.

16 Humphrey de Bohun, earl of Hereford and Essex retains Sir Thomas de Mandeville, knight bachelor, for a year in peace and war, Writtle, Essex, 2 February 1310 (PRO, DL 25/L1981).

Le Lundy en la feste de la Purification Nostre Dame et lan du regne nostre seignur le Roi Edward fuiz le Roi Edward tierz convynt entre monsire Hunfrai de Bohun, counte de Hereford et Dessex dune part et monsire Thomas de Maundevill', chevaler, dautre part: cest assaver^P50Aa [P50Aa] ass inserted51 qe le dit monsire Thomas est demore por pees et por guerre ove le dit counte du jour de la Purification Nostre Dame avauntdit tauntque a m[ei]s[me] le jour pour un an aco[mp]l[i]e. Et prendra le dit monsire Thomas robes et seles comme ses autres bachelers; et en temps de pees feyn et aveig[ne] p[or] quatre chev[au]x g[ag]es por trois garscons et son chaumberlein mangaunt en sale; en temps de guerre et por le turnoy fein et aveigne por owy[t ch]evaux, gages por sept garscons et son chaumberlein mangaunt en sale, et soffisaunte mounture por guerre et por le turnoy. Et por ce service bien et loiaument fair tauntque au jour avauntdit le dit counte donra au dit monsire Thomas vynt mars desterlings por touz coustages; apaier as deus termes, cest assaver, la une moitie a la Pentecouste proschein avenir apres la date de cest escrit, et lautre moytie a la seint Michel proschein suyaunt sau[nz] plus lung delai. Au queu paiement bien et loiaument faire nous obligioms nous et noz heirs. En tesmoignaunce de queu chose les avantditz counte et monsire Thomas a cest escrit ount mys lour seals. Donne a Writele le jour et lan avauntditz.

Page 51

18 Robert, lord Mohaut and Sir John de Bracebridge, Walton on Trent, Derbys., 30 August 1310 (University of Nottingham, Middleton Deeds, Mi D 1909).

Page 52

Le Dymenche prochein apres la Decollacion Seint Johan lan du regne le Roi Edward fuiz le Roi Edward quart, acovint entre Mons. Robert de Mohaut, seneschal de Cestre, dune part et Sire Johan de Bracebrugge, chivaler, dautre part. Cest assaver qe lavauntdit mons. Robert de Mohaut a done et graunte a lavauntdit mons. Johan de Bracebrugge dys livrees de annuele rente en la ville de Walton' sur Trente en le counte de Derby a recevire des tenauntz lavauntdit mons. Robert, aussi bien des francs come des neifs a terme de la vie lavauntdit mons. Johan de Bracebrugge. Cest assaver de Will' Dunstan, vynt et deus soutz vuyt deniers, de Robert de Charteleye, trente et un soutz, de William de Meisham, quatre soutz, de Roger Adam, trois soutz maille, de Thomas Symenel, sys soutz quatre deniers, de Richard fuiz Johan deus soutz, de Will' Griffin, deus soutz un denier, de Will' le Pestour, doze soutz maille, de Robert Jacob, doze deniers, de Rauf de Fenton', doze deniers, de Roger Jacob, deus soutz, de Robert fuiz Andreu, doze deniers, de Robert de Knytele, deus soutz, de Roger fuiz Renaud, doze deniers, de Robert fuiz Richard le Pastour, doze deniers, de Will' le Noble, neof soutz, de William le Fevre, sept soutz, de Richard le Charrett' le fuiz, sept soutz sys deniers, de Rauf Lengynour, quatre deniers, de Richard Broun, treze soutz, de Robert fuiz Robert ate Cros, quinze soutz, De Margeri de Wortburton, quatorze soutz, de Robert ate Cros, quatorze soutz, de Richard le Charett' le pere, doze soutz, de Richard fuiz Roger de Borgh', treze soutz, et de Richard Matheu, trois soutz, as termes de la dite ville de Walton' usueles. Et a la rente avantdite bien et loiaument faire alavaunt dit mons. Johan a terme de sa vie, voil et graunte qe lavauntdit sire Johan ait plein poeir a destreindre dedens ville et dehors et les destresses retenir tant qe il soit de la rente avauntdite pleinement parpaie, sanz contredit de moi, ou de mes hoirs ou de mes assignes enqoi meyn qe la terre demegne. Cest assaver qe lavantdit Sir Johan a done et graunte affaire son leal servise de chivalerie a lavantdit sire Robert a toute sa vie pour la rente avantdite aussi bien en temps de pees come de guerre, et en touz lieus ou ili bosoignera de son serviz par la ou la presence lavauntdit Sire Robert serra et en toutes terres et en touz regions hors pris la Terre Seynte quant des foiz et quel houre qe il serra de lui covenablement garni et maunde a la mounture et a les robes et a les propres custages lavantdit Sire Robert resonablement sicome il affiert a chivalier estre trove de son seignur et restor des chivaus, de palefroi, de somer et de rouncyn, son vadlet son hakeney et son somer en temps de guerre solum resonable pris par lavantdit Sire Robert prisie. Et sil aviegne qe lavantdit Sire Johan de son servise avant nome defaille sanz encheson resonable encontre la volente le dit Sire Robert, lavantdit Sire Johan graunte et par cest escrit cirographe se oblige de rendre et de releser a lavantdit Sire Robert les dys livrees de rente avant nomez, les queus ili a graunte et feoffe a recevire en la dite ville de Walton' des tenantz susescritz sanz nul contredit. Et a ceste chose loiaument faire lavantdit Sire Johan

Page 53

se oblige ala destresse de seneschaus et de mareschaus nostre seignur le Roy sur peine de Cent livrees a paier a lavantdit Sir Robert si des avantditz dys livrees de rente soit destourbe. Et lavantdit Sire Robert par la tenure de cest escrit se oblige aparfaire au dit Sire Johan les covenances susescrites a terme de sa vie sur la peine avauntdite. En tesmoinaunce de quele chose les parties avantdites a cest escrit cyrographe ount mys leur seaus. Donne a Walton' sur Trente le jour et lan susescrites.

19 Sir Ralph Fitz William and Sir Nicholas de Hastings, Hinderskelfe, Yorks., 21 August 1311 (San Marino, California, Henry E. Huntington Library, Hastings Manuscripts, Personal Papers Box 1 no. 5).

Ceo covenaunt fu fet le samady procheyn apres la feste del assumpcioun de nostre dame lan du regne le Rey Edward fiz le Rey Edward quint, enter Sire Rauf le Fiz William de une parte e Sire Nichol de Hastyngges de auter part, cest a saver qe levaundit Sire Nichol demorera ove levaundit Sire Rauf en pees e en guerre a terme de lure deux vyes, issint qe levaundit Sire Nichol irra ove levaundit Sire Rauf en guerre la hou sun corps demyn irra e qe levaundit Sire Nichol vendra a la dit Sire Rauf a cheskune foyz qe renablement serra garny en temps de guerre ove deux vallets e lure munture e dis garcuns. En temps de pees ove deux vallets e quater garcuns. E qe levaundit Sire Rauf trovera a levaundit Sire Nichol covenable munture pur sun corps demeyn e deux robes par an e une sele solum ceo qe apent a chivaler, e sil aveygne qe le dit Sire Nichol perde nul graunt chival de armes en le servis de dit Sire Rauf qe le dit Sire Rauf seyt tenuz a fere a dit Sire Nichol allouuaunce solum ceo qe le dit chival par deux homes serra prisee. E de quel lyu en le cunte de Everwyke qe le dit Sire Nichol seyt movaunt vers le dit Sire Rauf a sun maundement qe le dit Sire Rauf trovera a le dit Sire Nichol ses resonables mises e despenses, e qe les gents le dit Sire Nichol avaunt nomez eyent lure guages en temps de guerre e de pees de le dit Sire Rauf solum ceo qe apent. En temeygnaunce de quel

Page 54

covenaunt cheskun de eux a auter endenture ad mis sun seal. Done a Hildirskelf le jour e lan avaundits.

20 Philip Sammelsbury announces that he has been retained by Hamo de Massy, Dunham [–Massey], Cheshire, 3 May 1312 (Lancs. RO, de Trafford deeds, DDTr/bundle 5/3, Massy chs).

Sachent touz qe ceste lectre verrunt ou orrount qe joe Fylippe de Samlisbury sui par ceste escrite fermement lye a mons. Hamon de Masscy chivaler, et ovek ly demorre contre tute gent mortel, sauve la fey le Rey, a ly leuement server del jour qe ceste lectre fu fete, en pes et en gwerre solom mon saver a tute ma vie pur un annuele rente qe le avandist mons. Hamon ad a moi et a ma compaygne, la file sa soere, graunte par sa lectre avant fete. E od mes aveygne, qe Deu defend, qe joe defaile a luy server solom mon poer bonement et leusment, l'ust a ly avandist mons. Hamon a moi destreindre par tus mes beins mobles et non mobles en qi poer qe il seint tenuez et la destresse tener jekes pleynez amendes a ly seint fetes solom sa leute demeygne. En tesmoygnance de ceste choese a ceste escrite joe ad mis mon seel. Done a Donham le mekerdy procheyn avant le Assencion le an de regne de Rey Edward le fiz le Rey Edward quinte.

21 John de Grey, lord of Dyffryn Clwyd and Thomas Fillol, Hemingford [Grey], Hunts., 24 June 1313 (Longleat House, Wilts., Muniments of the Marquess of Bath, MS 2832).

A la feste de la Nativite de Seyn Johan de Baptist en lan du Regne le Rey Edward syme a Hemmyngford en la counte de Huntyngdone,

Page 55

acovynt entre le honurable bier moun sire Johan de Grey seignour de Deffrencloyt dune part, et moun sire Thomas Fillol dautrepart, cest a savoir, qe le dit moun sire Johan ad graunte pur li et pur ses heyrs au dit moun sire Thomas retenaunce a tote la vie le dit moun sire Thomas pur li meymes et deus esquiers, cynk garzouns et cynk chivaus. E prendra le dit moun sire Thomas a tote sa vie de le dit moun sire Johan et de ses heyrs chekun an treys robes en une sele si cume apert a chivaler, et si cume les autres chivalers le dit moun sire Johan pernent et bouche a court pur li et deus esquiers en ses venues kaunt li plerra. E de se cynk garzouns, le un eyt a table et les quatre a gages ou a table si cume les garzouns de le houtel le dit moun sire Johan serount et sustenaunce pur ses cynk chivaus. E le dit moun sire Thomas servira le dit moun sire Johan a touz faitz de pes et de gere en Engleterre sauve le Turney a les custages le dit moun sire Johan en mounture et en totes autres choses si le dit moun sire Johan li voille maunder. E ne covient mye qe le dit moun sire Thomas aille ove le dit moun sire Johan ne ove ses heyrs en Escoce ne en Gales pur gere si noun a sa volente demeyne. E a cest covenaunt de retenaunce en la fourme avauntdite leaument a tenir le dit moun sire Johan oblige soun maner de Purle en la counte de Essex' en ky meyns qil devigne a la destresce le dit moun sire Thomas qil puisse destreyndre deynz le dit maner et la destresce retenir quel houre qe les avauntdites covenaunts li seyent freynts en nul poynt taunkil iseit pleynementes servi solum les covenaunts avaunt tailles. En temoignaunce de queu chose les avauntdites parties a cest escrit endente ount mys lour seaux entrechaungeablement. Escrites a Hemyngford le jour et lan avauntdits.

22 Hugh le Despenser, the son and Sir Peter de Uvedale, knight, London, 30 August 1316 (PRO, E40/A8019).

Sachent touz ceux qe cest escrit parti verront ou orront qe cest le covenant fait entre mons. Pierre de Ovedale, chevalier, dune part et mons. Hue le Despencer le fuiz dautre part. Cest asaver qe le dit mons. Pierre doit servir lavantdit mons. Hue le Despencier le fuiz soi et disime homes darmes a terme de sa vie en temps de pees et de gere en les parties Dengleterre, Descoce et de Gales, totes loures qe le dit mons.

Page 56

Hue lui garnira ou lui f[er]ra garnir suffisaument un mois devant la mayn. E qe le dit mons. Pierre prendra pur toutes choses dudit mons. Hue bouche a court pur lui et pur ses gentz darmes avantnomez. Et si lavenoit qe le dit mons. Pierre defailist du service et des gentz darmes avantdiz, ou soit james en ascun temps encontre ledit mons. Hue, en nul point parla qe il porra resonablement monstrer q'il estoit encontre lui, save le foi le Roi et de mons. Johan de Dovedale, son pere, adonqes voit et grant le dit mons. Pierre de doner et paier au dit mons. Hue, ou a son attorne, quatre cent livres desterlings en les queux il est tenu au dit mons. Hue par une lettre obligatorie sealle de son seal. E si le dit mons. Pierre ne soit james en nul point encontre lui ne defaile dudit service ne des gentz darmes en la manere susdit, lavantdit mons. Hue voit et grante pur lui, pur ses heirs et pur ses assignez, qe la dite lettre obligatorie de quatre centz livres desterlings avantditz soit adonqes cassee et anyentie et tenue pur nule atouz jours.

E si ensi soit qe le dit mons. Pierre eit espose ou esposera la dame de Hastinges, soer dudit mons. Hue, adonqes voit et grant ledit mons. Pierre de doner et paier audit mons. Hue, ou a son attorne, quatre centz marz desterlings a la Purification de Nostre Dame prochein avenir apres la date de ceste endenture saunz plus delai, en les queux il est tenu audit mons. Hue par une lettre obligatorie sealle de son seal. E as toutes les choses avantdites bien et leaument tenir et acomplier en la forme avantnome le dit mons. Pierre adjure sur les seintz Evangelies Dieu corporament touchez de sa mayn destre toute neuve. E si nule manere de contrarie soit fait au dit mons. Pierre par encheison dudit mariage, voit et grante le dit mons. Hue de lui eider et conseiler en quanqe il siet et poet solom son poer en ceo cas, horspris lestat nostre seignur le Roi et mons. Hue le Dispensier, son pere. E a ces covenaunces bien et leaument tenir et acomplier les parties avantnomez ount oblige eux, lun a lautre, lour heirs et lour essecutours et touz lour biens moebles et nonmoebles presenz et avenirs, ou qil soient trovez. En tesmoignaunce de verite a cest escrit endente les parties avantnomez entrechaungablement ount mys lour seaux. Done a Loundres le Lundi prochein apres la feste de la Decollacion de Seint Johan le Baptistre en lan du regne le Roi Edward fuiz le Roi Edward disime.

Endenture Pieres de Ovedale chevaler de retenaunz

23 Thomas, earl of Lancaster and Sir Thomas Lovel, Leicester, 14

Page 57

June 1317 (Leeds, Yorkshire Archaelogical Society, Grantley MS 492 (DD53/III/492)).

Ceste endenture tesmoigne qe a covenu [en]tre le nobles homme monsire Thomas counte de Lancastre et de Leicestre, seneschal Dengleterre, dune part et monsire Thomas Lovel dautre part, cest assavoir qe le dit monsire Thomas est demorre [ove] le dit counte a toute sa vie, a servir ly de pes et de guerre en Engleterre, Escoce, Irlande et Gales contre toutes gentes, sauve le corps le Roy, lui meismes a deux homes darmes, et prendra monture du dit counte covenable pour son corps et restor pur ses chevaux darmes perdutz en les dites guerres au fait dy celes solonc coe qils seront preises par les gentz le dit counte alentre des dites guerres. Et avera bouche a court pur luy et ses deux vadletz et prendra robes et seles du dit counte au foer de ses autres Bachelers et livere de fein et daveine pur ses chevaux quant le dit conte^P57Aa [P57Aa] dit conte interlined58 donne livere a ses autres Bachelors et gages pur autant des garcons. Et vendra le dit monsire Thomas a touz les mandementz le dit counte de pes et de guerre quant il serra renablement garny par lectre le dit counte solonc coe qe le dit counte avera a fere de ly. Et le dit counte ad graunte au dit monsire Thomas pur le service avantdist a fere a ly vint marche de rente a toute sa vie a recevire des terres le dit counte en le parties de Wilteshire. Et graunte le dit monsire Thomas qe sil defaillie ou refuse a faire le service audit counte comme est susdit, qe adonqes le dit counte puisse seiser le dit rente en sa mein et retenir sanz contredit le dit monsire Thomas ou de nul autre de par luy. En tesmoignance de queu chose auxibien le dit counte come le dit monsire Thomas a cest escript endente entrechangablement ont mis [lour se]alx. Par y ces tesmoignes monsire Robert de Holand, monsire Nicholas de Segrave, monsire William Tochet, [monsire Adam] de Hudleston, monsire Hugh de Cuilly et autres. Donne a nostre ville de Leicestre le xiiij jour de Juign en lan du regne le roy Edward fiz au tres noble Roy Edward disme.

Page 58

Dominus Thomas Lovel

24 Thomas, earl of Lancaster and Leicester and Sir Adam de Swillington, Tutbury, 21 June 1317 (Oxford, Bodleian Library, MS Dodsworth 94 fos. 122v-123r, 17th c. transcript).

Ceste endenture tesmoigne qil est acovenu entre les nobles home Monsire Thomas counte de Lancastre et de Leicestre, Seneschall Dengleterre, dune part et Mons. Adam de Swilyngton dautre part, cestascavoir qe le dit Mons. Adam est demoire ove le dit counte de luy servir de pes et de guerre en Engleterre, Escoce, Irlande et Gales a toute sa vie contre toutes gentz sauve le corps le Roy. Et luy servira a dis hommes darmes covenables bien armes et apparelles, suffissaument montes, des queux il serra sey tiers [de] chevaler as robes et seles le dit Counte, et en temps de guerre prendra suffissaunte mounture du dit Counte pur son corps et restor pur ses chevaux darmes perdites en le service le dit Counte en les dites guerres solonc comme qil serront prises par les gents le dit Counte a soun oeps a lentre des dites guerres. Et avera bouche a court pur luy a ses gents darmes ou temps de guerre. Et avera foyn et aveine, fers a clous de la livere le dit Counte quant autres banerets prenent livere en les dites guerres pur vint et sis chevaux et gages pur atantz de garcons. Et en temps de pees quant le dit Monseur Adam vendra audit Counte par son mandement, par lettre as parlements ou as autres assembles ove ses chevalers, robes, le dit Counte portantz, et ove son plein des gentz adonqes mangera au sale luy et ses chevalers et ses gentils gentz avantditz. Et prendra fein et aveyne, fers et clous pour douze chevaux et gages pur atantz des garcons et avera livere de vin et de chandelle com apend pour sa chambre.

Et quant il vendra a un chevalx par mandement le dit Counte pur conseiller ou pur servir^P58Aa [P58Aa] inueri underlined in text; inveri in margin59 adonqes avera bouche a court, feyn et aveyn pur noef chevaux et gages pur a tantz des garcons et come qapend pur sa chambre de vin, et de chandelle come por baneret doit estre done. Et si ove pluis des chevalers vent preigne pur lafferant come affert solont la forme et la force du mandement le dit Counte, et sil vigne soul santz chevaler par lettre le dit Counte preigne livere pur sis chevaux et gages come apend. Et pour touz les services affaire en la susdite manere tout la vie au dit counte avera le dit Mons. Adam

Page 59

quarante livres de rente a retenir des franks et des bondes le dit Counte en la menere^P59Ab [P59Ab] followed by toute sa vie au dit conte struck out, and de lonor Leedes in margin60 de Ledys de lonour de Pontfroit as termes de la dite ville usuels. Et veult et grant le dit Monsier Adam qe sil defaille ou refuse de faire au dit Counte le service qest susdit adonqe le dit Counte pusse entrer et reseiser les dites rentes a queu temps que son service ly soit arere et retenir sanz contredit le dit Monsier Adam ou de nul autre de par luy. Et a service le dit Counte bien et loialment a toute sa vie et a fere a luy les services susdites ad le dit Monsier Adam juree sur Saintes Ewangelies en la presence le dit Counte et des banerets et des autres bachelors de sout' nomes. En tesmoigne de queu chose auxibien le dit Counte come le dit Monsier Adam a ceste endenture entrechangeablement ont mis lour seals, presentes tesmoignes Monsier Robert de Holand, Monsier Nicholas de Segrave, Monsier Estevenne de Segrave, Monsier Adam de Hodeleston, Monsier William Trussell et autres. Don' au chastell de Tutteburie le xxj jour de Joign en lan ou regne le Roy Edward fiz a tresnoble Roy Edward disme.

25 Thomas, earl of Lancaster and Leicester, and Sir Hugh de Meynill, knight bachelor, Ashbourne, Derbys., 24 July 1317 (Oxford, Bodleian Library, MS Dugdale 18 f. 39v).

Cest endenture tesmoigne qe a convenu est entre le nobles homme monsire Thomas, counte de Lancastre et de Leycestre, seneschal d'Engleterre, d'une part, et monsire Hugh de Meignel d'autre part: cestasavoir qe le dit monsire Hugh est demore ove le dit conte, et lui servira de pees et de guerre a tout sa vie, en les guerres d'Engleterre, Escoce, Irlaunde et Gales, contre toutes gentz, sauve le corps le roi lui mesmes, ove trois hommes d'armes bien armez et apparailez, et covenablement montez. Et avera monture du dit counte pur son corps, restor por ses chevaux d'armes perduz en les dites guerres en le service le dit count, selonc ceo q'il serront prisez al entre des dites guerres al corps^P59Aa [P59Aa] cf. 27 below.60 le dit counte, per les gentz le dit counte. Et prendra les robes et seles le dit counte, si come il donne a ses autres bachelers, livere de

Page 60

fein et d'aveyn por dis chevaux, et gages por a tantz dez garsons, quant le dit counte donne livere a ses autres bachelers. Et en temps de pees, quant le dit monsire Hugh vendra as parlements ou aillors par mandement le dit counte, et par sa lettre, adonque prendra livere de fein et d'aveyne por quatre chevaux, et gages por a tantz des garsons (etc.) Et pour toutz les services (etc.) ad le dit conte done (etc.) au dit monsire Hugh, a terme sa vie diz marcz d'annuele rent (etc.). Done a Assheborne en le Peke le xxiiii jour de Juyl, en l'an du regne le roi Edward filz au tresnoble roi Edward unzime.

26 Aymer de Valence, earl of Pembroke, and Sir John […] , knight bachelor, Hertfordingbury, Herts., 25 November 1317 (PRO, E101/68/2/41).

[Connu chose soit qe le] xxv jour de Novembre lan du regne le Roi Edward filz au Roi Edward unzisme con[venue est parent]re le noble homme monsire Aymar de Valance, counte de Pembroke dune parte e monsire [Johan de d]autrepart: cest a savoir qe le dit monsire Johan est demore ove le counte soi [ por lui servir de] pees et de guerre countre totes gentz sauve [le corps] nostre seignur [le roi du feste de tanque a meismes le] jour en une an pleinement acompli. Et prendra du dit counte robes [et seles comme ses aut]res bachelers. Et avera garscons as gages et mangeantz en sale sicome les autres [bachelers ]. E prendra du dit counte pur sa demoere susdite vint livres, cest a savoir [dis livres pro]schein avenir e dis livres [a] la Seint Michel proschein suant. Et avera suffisante m[ounture ] p[ur] son […] et res[tor] des ses ch[ev]als dar[mes ] prises pur ses [gents] et serront prises par les gents le dit counte e perduz en le service le dit counte. En temoigne de queu choses cest escripte […] les ditz conte et monsire Johan entrechangeablement ount mis lor seals. Donne a Hertfordingebir' le jour et lan susdit.

27 Thomas, earl of Lancaster and Leicester and Sir John de Eure, Pontefract, Yorks., 29 December 1317 (Oxford, Bodleian Library, Dugdale MS 18 f. 39v).^P60A50 [P60A50] Transcript from same source as 25. Eure (b. 1277) was executed after Boroughbridge (Moor, lxxx. 316).61

Ceste endenture tesmoigne qe Monsire Thomas Counte de Lancastre

Page 61

(etc.) ad done et graunte a Monsire Johan de Eure quarant mars de annuele Rent, a rescevire d'an en an de ses frank tenantz et bondes en son manoir de Emeldon en Northumbreland, por le service qe le dit Monsire Johan ferra au dit Counte, a toute sa vie, de pees et de guerre, en les guerres d'Engleterre, Escoce, Irlaunde et Gales, contre toutes gentz sauve le corps le Roi, a dis hommes d'armes suffisantz, bien armez et apparailez, et covenablement montes, tout a sa monture demeine, des queux il serra soit tiers de chevaler as Robes et Seles le dit Counte. Et avera bouche a court por lui et ses gentz d'armes; et restor por ses chevaux d'armes perduz en le service le dit Counte en les dites guerres, selonc ce q'il serront prisez par les gentz le dit Counte a son oeps al entre des dites guerres, et avera livere de fein et d'aveine, fers et cloes, quant autres Banerets prenent livere en les dites guerres por vint huit chevaux, et gages por a tanz des garcons. Et en temps de pees, quant le dit Monsire Johan vendra au dit Conte, per son mandement et per lettre as parlementz, ou as autres assemblees ove toutz ses chevalers, robes le dit Counte portants, et son plein des gentz, adonqe mangera en sale, lui et ses chevalers, et ses gentils gentz, et prendra livere de fein et de avein, fers et cloes, por vint huit chevaux, et gages por a tantz des garzons, et avera livere du vin, et de chaundaille, come apend, por sa chaumbre. Et quant il vendra a un chevaler au dit Counte, per son mandement, por conseiller, ou por servir^P61Aa [P61Aa] cf. above 24?62 adonque prendra a bouche a court, fein et avein por sept chevaux, et gages por a tantz des garzons, livere du vin et de chaundaille, come apend por sa chaumbre (etc.). Done au chastel de Pountefret le xxix jour de Decembre, l'an de Roy Edward filz a Roy Edward unzime.

28 Humphrey de Bohun, earl of Hereford and Essex, and Sir Peter de Uvedale, knight bachelor, London, 19 March 1318 (Oxford, Bodleian Library, MS Dugdale 18 f. 39v).^P61A52 [P61A52] Transcript from same source as 25.62

Le dymenge prochein apres la feste de Seint Gregorie l'an du regne nostre seignur le Roi Edward filz au Roy Edward unzime, convenaunt entre le noble home monsire Humfrai de Bohun, conte de Hereford et d'Essex, d'une parte, et monsire Peres de Ouvedale, chevaler d'autre part: Cestasaver, qe le dit monsire Peres demorra ove le dit counte a terme de la vie le dit monsire Peres; pernaunt robes et seles, come ses

Page 62

autres Bachelers, et bouche en court, fein, et aveyne pour quatre chevaux, et gages pour quatre garsons, en temps de pees, quant il vendra a court par maundement du dit counte; Et en temps de guerre et pour le Tourney, fein et aveyn pur viij chevaux, et gages pour viij garsons; Et restor de chevaux d'armes perdus en guerre en le service le dit counte, dont le dit monsire Peres se montera meismes, en le primier an de sa demoere (etc.). Done a Loundres le jour et l'an susditz.

29 Hugh le Despenser, the son and Sir Hugh de Neville of Essex, knight bachelor, York, 22 August 1318 (PRO, DL 27/186).

Conue chose soit as toutz qe cestes escritz endenteez verrount ou orrount qe le Mardy proscheyn devant la feste de Seynt Augustyn levesque lan du regne le Roy Edward fuiz au Roi Edward duzisme ensi acovynt entre monsire Hugh le Despenser le fuiz dune part, et monsire Hugh de Nevill' del counte de Essex dautre part: cest asavoir qe le dit monsire Hugh de Nevill' demorra soi disme homes darmes, cest asavoir soi tierce bachillier ove sept vadletz par un an entier proscheyn ensiwant apres la confection de cestes, de pees et de guerre, prenant du dit monsire Hugh le Despenser en totes choses quatre vint marcs; cest asavoir le primer quarter del an avant la meyn vint marcs quant il va de guerre, e ensi de quartier en quartier vint marcs selonc ceo qe lem veet de guerre^P62Aa [P62Aa] de guerre interlined63 e robes et seles pour lui et ses deux bac[h]illiers. E le dit monsire Hugh le Despenser outre ceo trovera au dit monsire Hugh de Nevill' en temps de guerre manger et boire pour lui et ses bachilliers et esquiers avantditz, et pour les deux chaumberleyns le dit monsire Hugh de Nevill et pour les deux sometiers ses bachilliers avantditz. E covenable mounture pur son corps et pur un de ses bachiliers. E lui fray restor de ses chivaux darmes renablement prises en la garderobe le dit monsire Hugh le Despenser et perduz en son service. Estre ceo le dit monsire Hugh le Despenser trovera au dit monsire Hugh de Nevill en temps de pees manger et boyre pour lui et ses homes desusditz en temps de parlement quant il y vendra au renable mandement par lettres le dit monsire Hugh le Despenser; et feyns et aveynes pour vint chivaux, si tauntz y amene ovesque lui, et robes et

Page 63

seles en la forme desusdite. En tesmoignance de quele chose les parties desusdites a cestes escritz endenteez entrechaungeablement ount mis leurs seals. Donne a Everwyk le jour et lan avantditz.

30 Ralph, lord Basset of Drayton retains Philip de Chetwynd for a year's service, Drayton, 4 March 1319 (Stafford, William Salt Library, H. M. Chetwynd, Box A, File 1).

Le dymeyn procheyn apres la feste seynt Chadde en laan de regne le Roy Edward fiz le Roy Edward duszisme acovient entre mounsire Rauf Basset segneur de Drayton' de une part et Phelip de Chetwynde de altre part, ceste asaver qe le dist Phelip se tenust e se oblige a lavaundit mounsire Rauf de ly server en pies e en guere por laan ensuvaunt apres le confectioun de ceste escript countre tote gentz sour bone mounture de soen demeygne salve por le turney. Et por ceo covenauns le dist mounsire Rauf graunt a dist Phelip ces costages quaunt yl serra travayle por guere por treys chivals e treys garsouns solom ceo qe yl fet a ces altres esquiers. En tens de pies deuz chivals e deuz garsouns e cinz mars deysterlyngns a payer solom ceo qe yl est travayle par laan entier. Et restor de soun graunt chival sy perde par fet de guere. Et sy le dit Phelip prengne le ordre de chivalryre den laan, dounqe graunte le dist Phelip qe yl servera al dyst Rauf devaunt touz altres solom ceo qyl pussent acovenir de covenauns. Et a grendre suerte de ces covenauns tener le un a lautre a ceste endenture ount mys lour seals. Donez a Drayton le jour e laan avaundit.

31 Thomas, earl of Lancaster and Sir William Latimer, York, 15 May 1319 [French] (PRO, DL 36/2 p. 33, pub. in Holmes, 122-3).

32 Henry, earl of Lancaster and Sir Philip Darcy, Higham Ferrers,

Page 64

Northants., 1 October 1327 (PRO, DL25/L3254).

Ceste endenture tesmoigne qe acovenu est entre le nobles homme monsire Henri counte de Lancastre et de Leicestre seneschal Dengleterre dune parte et monsire Phelip' Darci dautre part: Cest asavoir qe le dit counte ad done et graunte au dit monsire Phelip' qaraunte marche de rente issaunt de la ferme de son manoir de Burreth' en le counte de Nicole et de son manoir de Donington' en mesme le counte. Cest asavoir du manoir de Burreth' vynt livres et de son manoir de Donington' dys mars a resceviere dan en an par les mayns de ses tenaunz et de ses baillifs illoeqes issauntz de lour fermes en les ditz manoirs as termes illoeqes usueles a avoir et tenir au dit monsire Phelip' a tote sa vie les ditz qaraunte marche de rente pur les services quil f[e]ra au dit counte de pees et de gerre.

Cest asavoir en les gerres Dengleterre, Escoce, Irlaunde et Gales countre totes gentz, sauve le corps le Roi, a sept hommes darmes des queux il sera soi tierz des chivalers as robes et seles le dit counte. Et sera soun corps demeigne a la mounture le dit counte et il mountera mesmes ses bachilers et ses esquiers et serount ses chevalers darmes prisez al entre des dites gerres par les gentz le dit counte, et avera restor de ses chivaux qe serount perduz au fait de gere en le service le dit counte soulunc le dit pris. Et mangerount en sale, ly et ses gentz darmes avantdites, et avera feyn et avayne, fers et cloues de la livere le dit counte quant autres prendrount livre en les dites gerres pur vynt et qatres chivaux et gages pur ataunz des garsouns, et en temps de pees quant le dit monsire Phelip' vendra au dit counte par soun mandement par lettre as parlementz, ou as autres assembles, ove son pleyn des gentz. Adonques mangerount en sale ly et ses chivalers et ses gentz avantdites et prendra feyn, avayne, fers et cloues pur noef chivaux et gages pur ataunz des garsouns et avera livere du vyn et du chaundoille come apent pur sa chaumbre. Et quant il vendra ove un chevaler par mandement le dit counte pur counseiler, il vendra as coustages le dit counte, et adonques avera bouche a court, feyn, avayne pur sept chivaux et gages pur ataunz des garsouns et ceo qe apent pur sa chambre du vyn et du chaundoille, et si ove plus des chivaux viengne ou meyns, preigne pur lafferaunt come affiert soulunc la forme del mandement le dit counte. Et vendra le dit monsire Phelip' a touz les

Page 65

mandementz le dit counte de pees et de gerre soulunc la forme del mandement le dit counte.

Et voet et graunte le dit monsire Phelip' qe sil defaille, ou refuse affaire au dit counte les services suzditz en nul poynt, qe adonques lirra bien au dit counte de seyser la dite rente en sa mayn et retenir a touz jours saunz contredit du dit monsire Phelip' ou de nul autre depar ly. Et voet et graunte le dit counte qe si la dite rente soit arere au dit monsire Phelip' a nul terme qe bien ly lirra a destreindre en le dit manoir de Burreth' pur les dites vynt livres et en le dit manoir de Donington' pur les dites dys mars et la destresse detenir tanques soun assetz ly soit fait de ceo qe arere ly serra de la dite rente. Et a servir le dit counte a tote sa vie bien et loialment.

E affaire a ly les services avant dites de pees de gerre en la forme avant dite ad le dit monsire Phelip' jure sur saintz ewangelies en la presence des bones gentz desouthnommez. En tesmoigne de queu chose a la partie de ceste endenture demoraunt devers le dit monsire Phelip' le dit counte ad mis soun seal et a lautre partie demoraunt devers le dit counte le dit monsire Phelip' ad mis soun seal par yces tesmoignes monsire Thomas le Blount, monsire Henri de Ferers, monsire William le Blount, monsire Johan de Sapy, monsire Johan le Blount et autres. Done en la ville de Hegham Ferers le primer jour Doctobre lan du regne nostre seignur le roi Edward primer.

lxv S^a

33 Henry, lord Percy and Sir Ralph Neville, Clifton near York, 5 August 1328 (Oxford, Bodleian Library, MS Dugdale 18 fos. 39v-40r).^P65A61 [P65A61] Transcript from same source as 25. GEC, x. 459-62 for Henry, second lord Percy (1314-52). Ralph Neville, second son of Ralph, first lord Neville of Raby, succeeded his father in 1331 (see below 34).66

Fait a remembrer, qe le primier jour de Aust lan du regne nostre seignur le roy Edward tierce apres la conquest secound, monsire Rauf de Neville est demorres ou monsire Henri de Percy pur pees et pur gerre, a totes lour vies, ove vint hommes d'armes, des queux soi quinte de chivaler. Et prendra pour cele demoere par aan, cent livers d'esterlings, a deux termes de l'an a la quinzeyme de S. Martin cinquant livers, et as octaves de la Trinite autres cinquant liveres. Cest asavoir sesaunte liveres issaunts du manoir de Topclive, et quarante liveres issaunts du manoir de Pokelingtone as termes avantditz (Etc.). Et

Page 66

prendra le dit monsire Rauf robes et seles pur lui et ses chivaliers come ses autres compaignons. Et quant il vendra de gerre il avera mangeaunt en sale, lui et ses gentiz gentz, et sys vallez de mester, feyn et avene, fers et cloves pur cinquant et noef chivaux, et gages pour cinquant et tros garzons. Et avera le dit monsire Rauf de le dit monsire Henri, suffisant mounture pur son corps demeigne. Et servera le dit monsire Rauf le dit monsire Henri ove les vynt hommes darmes bien et apertement apparaillez de mounture et d'armoures que part qe le corps le dit monsire Henri irra countre totes gentz sauve la ligeaunce nostre seignur le Roi et ses heirs, et avera restor des chivaux darmes preises et perdutz en gerre. Et quant le dit monsire Rauf vendra par mandement le seignur pur le turnoi, soi quarte de chivaler ou les gentiz gentz qe afferent, il mangerount en sale, et cynk valletz de mester et avera feyn et aveynes, fers et clous pur trente et seet chivaux et gages pur trente et deux garzons, et avera suffisaunte monture pur son corps demyne du dit seignur et restor des chivaux de ses compaignions preises.

Et quant il vendra en temps de Parlement ou en autre temps, par le mandement le seignur il vendra soi autre ou ses gentiz gents qe afferent ou neef chivaux, trois homes de mester mangeaunt en sale, feyn et aveyn, fer et clous pur les chivaux avantditz et gages pur sys garzouns. Et si il soit maunde de venir plus affortement per le dit seignur preignye solounc lafferaunt suisdit. Et le dit monsire Rauf graunte qe il soit maunde par le dit seignur de Percy, avenir de gerre ou de pees, en le manere susdite et soit destourbez par maladie graundez qil troeffe cheveteyn suffisant amenir les gentz darmes avant nomes, en la manere avantdit. Et quant le dit monsire Rauf vendra par mandement le seignur adunques preignye se custages venant et retournant per resonables journez acomptez. As queux covenantz bien et leaument tenir, le dit monsire Henri se oblige par cest endenture a tenir les covenaunts susditz qe lui apartient. Et le dit monsire Rauf se oblige par mesme l'endenture a faire les services susdits, en le forme susdite. En tesmoignaunce (etc.) Donez a Clifton pres Everwik le quint jour daust l'an avantditz.

34 Henry, lord Percy and Ralph, lord Neville, Westminster, 22 January 1332 (Alnwick Castle, Northumbs., Syon, D I, la fos. 110v-111r, copy of c. 1377 in the Percy cartulary).^P66A63 [P66A63] cf. The Percy Cartulary, ed. M. T. Martin, Surtees Society cvii (1911), 273-4 no. DCCXXXVIII for an earlier abbreviated edition. GEC, x. 459-62 for Henry, second lord Percy (1314-52) and ibid., ix. 499-501 for Ralph, second lord Neville of Raby (1331-67). We are grateful to the Duke of Northumberland for permission to consult his manuscripts and to Colin Shrimpton, Archivist at Alnwick, for his help.67

Page 67

Ceste endenture tesmoigne qe monsire Rauf de Nevyll est demorez od monsire Henri de Percy pur peas e pur gere, pur totes lour deus vies od xx hommes darmes, des queux soi quint de chivaler. E le dit^P67Aa [P67Aa] dit interlined68 monsire Rauf avera pur cele demure le manoir de Neuburn od totes le apurtenances en le counte de Northumbr' a terme de sa vie, e le dit monsire Rauf prendra robes e seles pur luy quint de chivaler, auxsi come ses autres compaignons. E quant il vendra de guere il avera mangauntz en sale, luy e ses gentiz gentz come affiert, e vj valletz de mestier, feyn et aveynes, feres e clowes pur lix chivaux, e gages pur liij garcons, e le dit monsire Rauf avera du dit monsire Henri suffisaunt mounture pur son corps demeyn, e le dit monsire Rauf servyra le dit monsire Henri od les xx hommes darmes bien e covenablementz apparrillez de mounture e darmes, queu part qe le corps le dit monsire Henri irrad, countre totes gentz, save la ligaunce nostre seignur le roi e ses heirs a totes les foiz qil sera covenablementz garny come affiert. Et le dit monsire Rauf avera restor de chivals darmes preisez et perduz en guere. E quant le dit monsire Rauf vendra par covenable maundement du dit seignur pur le turnoy, il vendra soy quart de chivaler od les gentiz gentz come affierent, e mangerount luy e ses gentiz gentz en sale e v valletz de mestier, e averad fein e aveynes, feres et clowes, pur xxxvij chivals, et gages pur xxxij garcons, e averad suffisaunt mounture pur son corps demen du dit seignur, e restor des chivaux de ses compaignons priseez. E quant il vendra en temps de parlement, ou en autre temps, par maundement le seignur, il vendra soy autre od ses gentiz gentz come affiert od ix chivals et iij hommes de mestier mangauntz en sale, fein et aveynes, feres et clowes, pur les ditz chivaux, e gages pur vi garcons, e sil soit maunde par covenable garnissement de venir plus efforecementz par le dit seignur, preigne solom lafferaunt, e le dit monsire Rauf graunt qe sil soit maunde par covenable garnisement par le dit seignur a venir de guere ou pur le turnoy en la manere susdit, e soit desturbe par maladie, qil troef cheventeyn suffissaunt amener les gentz darmes avaunditz queu part qe le dit seignur irra, en manere avaundit. Et quant le dit monsire Rauf vendra par maundement le dit seignur e auge par garnissement, preigne ses coustages venant e returnaunt par resonables jornees accomptez. E sil aveigne qil ne pleise au dit monsire Rauf fere le dit servys ou qil ne le face point come il soit covenablementz garny en la manere come avaunt est dit, qe bien lise au dit monsire Henri le dit manoir entrer e tenir santz contredit ou desturbaunce du dit monsire

Page 68

Rauf. E a les ditz covenauntz bien e loiaumentz tenir e faire le dit monsire Henri e monsire Rauf se obligent par cestes endentures entrechaungablementz enseales de lour sealz. Escritz a Westmoustier, le xxij jour de Janeuaire, lan du regne le Roi Edward tierz puis le conquest qynt.

la demeure mons' Rauf de Nevill od mon seignur

35 Henry, earl of Lancaster and Philip of Castle Martin, esquire, Leicester, 27 August 1333 (PRO, DL25/3397).

Ceste endenteure tesmoigne qe le nobles homme Mons. Henri counte de Lancastre et de Leicestre, seneschal Dengleterre, ad done et graunte et par cest escrit confirme a Philip de Chastelmartin dis et sept mars et demie de annuele rente a prendre en le manoir de Munstreworth en le countee de Glouc' as termes usueles. Cest assavoir a la fest de Seint Michel, Seint Thomas la Postle, Pasques et de Seint Johan le Baptistre par oweles porciouns a avoir et tenir au dit Philip a toute sa vie fraunchement quitement bien et en pees pur le bon service qil ad fait et fera au dit counte a toute sa vie aussibien en temps de guerre come de pees partout en touz lieux ou le dit counte meismes irra. Et en temps de guerre avera du dit counte covenable mounture pur soun corps. Et prendra en temps de pees et de guerre robes, feyn, aveyne, fers et clowes et gages pur ses garsouns aussicom un autre des esquiers le dit counte.

Et veult et graunte le dit counte pur ly et pur ses heirs qe si la dite rente ly soit arere en partie ou en tout ainsi terme qe bien li lise adestreindre partout en le dit manoir en qi mains qil devigne et la destresse detenir tauntqe soun assez soit fait de ceo qe arere lui serra de la dite rente. Et graunte le dit Philip qe sil defaille ou refuse affaire les ditz services de pees et de guerre ou de venir as maundementez le dit counte de pees et de guerre quant il serra resonablement garni, sil ne soit destorbe part maladie ou par autre resonable enchesoun, qe le dit counte puisse retenir la dite rente en sa mayn saunz contredit de nuli. Et le dit counte graunte pur lui et pur ses heirs par cest escrit de garaunt au dit Philip a toute sa vie la suzdite rente pur soun service avandite. Et pur ceo doun et graunt le dit Philip ad graunte et renduz suiz au dit counte dis mars de rente qil avoit en soun manoir de

Page 69

Noefchastel souz Lyme et cent soutz en ses molins de Monemouth a terme de sa vie de soun graunt.

En tesmoigne de quieu chose aussibien le dit counte come le dit Philip a cestes endentures entrechangeablement ount mis lour seals par[m]y ces tesmoignes Mons. Williame le Blount, Mons. Williame de Walkynton', Mons. Johan de Seymor, Edmund Waldehef', Geffrey de Walcote et autres. Done a la ville de Leicestre le xxvij jour daust lan du regne le Roy Edward tiercz puis le conquest septisme.

Anual' Phi Castelmartyn

36 Sir Henry Percy and William, son of John de Roddam, Alnwick, Northumbs., 1 September 1337 (Oxford, Bodleian Library, MS Dugdale 18 f. 40r).

Ceste endenture faite a Alnewik le primer jour de Septembre l'an du regne le roy Edward tierze puis le conquest undszime, entre luy nobles home, monsire Henri de Percy d'une parte et William le fuitz John de Rodhum d'autre, tesmoigne qe le dit William est demoure od le dit monsire Henri, pur pees et pur gerre, od un compaignon suffisant, tanque au plein age John fitz et heir John de Rudhum. Et irra le dit William, od son dit compaignon queu part qe le corps le dit monsire Henri va de guerre, et prendra pur lui, et son dit compaignon, robes comes autres valletz, feyn, aveyn, fers et clowes pour sys chivaux, et gages pur sys garceons et ses chivaux d'armes prisez quant ils irront de guerre, et restor de ses chivaux perdutz en guerre. Et pur sa dite demoure le dit monsire Henri veult et graunt au dit William, la garde des terres mesme cesti Johan fuilz et heir le dit Johan de Rodhum en Houghtone, tanq'il soit de plein age. Et serra le dit William preste de venir au dit monsire Henri, quele houre q'il soit resonablement garny, devant. Et si mesme cesti William soi alloigne nul part hors du service le dit monsire Henri, par qecunque cause qe ce soit, saunz la bone volunte le dit monsire Henri, qe adonques bien list a mesme celui monsire Henri, de raseissir mesme la garde en sa meyn, saunz chalenge du dit William. En tesmoignance (etc.)

Page 70

37 Thomas Beauchamp, earl of Warwick and Sir Robert Herle, Wanborough, Wilts., 20 April 1339 (BL, Add. MS 28042, f. 174r, late 14th cent. copy in the Beauchamp cartulary).

Ceste endenture faite entre les nobles hommes sire Thomas de Beauchamp, count de Warr' dune part et mons. Robert Herle dautrepart tesmoigne, cestassavoir que le dit mons. Robert est demoure devers le dit count a terme de sa vie, soy quatre hommes darmes pour guerre daler par tout la ou le corps le count irra auxint bien par dela la mer come par desa, et pour pees come un autre bacheler de son hostel quant le seigneur avera de lui affaire pour certeins terres que le dit count lui ad done. Et quel heure que le dit count lui ad maunde le dit mons. Robert prendra ses costages resonables en alaunt et en retournaunt pour sa demoure, bouche de court pour lui et pour ses esquiers, gages pour ses garsouns, feres et clous et livere pour ses chivaux. Et le dit count trovera covenable mounture pour le corps le dit mons. Robert pour guerre et pour turnemantz. Et le dit mons. Robert trovera mounture pour ses esquiers et le ditz chivaux serount prisez et le dit count fera lui restorer. Et le dit mons. Robert avera la garde du Chastel Bernard od ses appartenauntz a terme de sa vie et se charge bien et loialement garder terres et tenementz, forest et chaces et totes choses au dit chastel appendantz a ses costages demesne et se oblige de loial accompte rendre des issues et proffitz des ditz terres sourdantz et au dit chastel appendanz au dit count et ses heirs et ses executours. Et mettra toutz ministres et tielx pour queux il vaudra respondre et les trovera a ses costages demesne. Et le dit count trovera a ses costages touz mures, de reparailementz de murs, mesons, molyns, enclostures de parke, gard' de foire et custages pour la peise de venison a toutes les foitz que le dit count le vaudra avoir et mettra custages de plee si nuly soit ensemblement od toutz maners des custages pour la suisdite gard et chastel ove ses appartenaunz meyntendre forspris les custages des ministres come suisest dist. Et le dit count trovera en temps de guerre vitailles pour le dit chastel vitailler et covenable garnizaun des gentz darmes et autres defensables solom ceo que la place demande a ses custages forspris les custages le avauntdit mons. Robert et ses autres ministres come desuis est dist.

Et le dit mons. Robert prendra pour lui et pour touz ses ministres feyn pour deys chivaux et buche covenablement pour ses despenses deins le chastel et si damage au trespas soient faitz en les terres,

Page 71

tenementz, forestes et chaces ou en autres choses au dit chastel appendantz par le dit mons. Robert ou par ses ministres le dit mons. Robert fera les amendes par vewe du seneschal le dit count et par serement des bones gens del homage. En tesmoignance de quele chose les ditz count et mons. Robert a ses endentures entrechangeablement ont mys lours sealx. Escrit a Wanbergh' le marsdy proschein devaunt la feste de seint George lan du regne [nostre] seignur le Roy Edward tierz puis le conquest xiij^e.

38 William Bohun, earl of Northampton and Sir William Tollemache, Ipswich, 20 June 1340 (PRO, DL25/32).

Sachent touz ceaux qe sount et serrount qe nous William de Bohun, counte de Northampton et conestable Dengleterre avoms done et graunte et par ceste presente chartre endente conferme a Mons. William Thalemache, chyvaler, le manoyr de Lachelye en la counte Dessex en touz les apartenaunces et avoir et tenir le dit manoir en touz les apartenaunces a terme de la vie le dit Mons. William Thalemache et des chiefs seigneurs du fee fesaunt a eux pour nous et pour nos heirs les services et custumes qe au dit manoir apartenount a terme de la vie le dit Mons. William. Et nous avauntdit William de Bohun et nos heirs garanteroms et defendroms lavantdit manoir en touz les apartenaunces au dit Mons. William Thalemache a terme de sa vye com avaunt est dit countre totes gentz. Issi qe lavauntdit manoir en touz les apartenaunces apres le disses du dit William Thalemache a nous et nos heirs rettourne et remeigne a touz jours pur quel doun a confermement avauntdit le dit Mons. William Thalemache est demere au nous pour [pees] et pour guerre par tote sa vie. En tesmoignaunce de quele chose a ceste partie de chartre endente qe envers le dit Mons. William Thalemache remeynt nous avauntdit William de Bohun avoms mys nostre seal et al partie de ceste chartre endente qe envers nous remeynt le dit Mons. William Thalemache ad mys soun seal par cestes tesmoignes Mons. John Enganye, Mons. Symoun de Drayton, chyvalers, Robert de Teye, Johan Sampson, Robert de la Lee et Richard Ayscrop', Johan atte Grene et austres. Don' a Gippwiz le samady procheyn

Page 72

devaunt la feste de Nativite Seint Johan Baptist lan du regne le Roy Edward tierce apres la conqueste quatorsyme.

Latcheley

39 Henry, earl of Lancaster and Sir Edmund de Ufford, London, 1 March 1347 [French] (PRO, DL27/155, pub. in K. A. Fowler, The King's Lieutenant. Henry of Grosmont, first duke of Lancaster, 1310-1361 (London, 1969), 234; see also Somerville, Duchy of Lancaster, 362).

40 William Montague, earl of Salisbury and Geoffrey Walsh, London, 12 July 1347 (PRO, E101/68/3 no. 68. MS damaged).

Ceste endenture faite a Loundres le xii^me jour de Juyl lan du regne nostre seignur le roy Edward tierz puis le conquest vintisme primer parentre luy nobles homes mounsire William de Montagu counte de Salesburs dune part et Geffrei Walsh dautre part tesmoigne qe le dit Geffrei est demorre devers le dit counte auxi bien pur pees come pur la guerre, cest assavoir pour la guerre luy mesmes, un chamberleyn maungeauntz en sale ou a livree solunc ceo qe autres de sa condicioun y serount et iij chevaux a livere ou come chevaux des autres de la retenaunce le dit counte y serount, et pour chescun cheval le jour que pour ferure ou comme chevalx de la retenaunce le dit counte y serount, et ii garsouns a table ou a gages come autres garsouns y serount. Et le dit Geffrei sera a mounture propre et son chival darmes sera preise et encas qil sera perdutz en le service le dit counte le dit Geffrei avera restitutioun. Et si le dit Geffrei ou nul des soeuns preigne nul prisoner par fortune de guerre le dit counte avera la moite de sa raunsoun et le dit Geffrei avera lautre moite et ainsi de toutes autres gaynes quecunqes qe serount gaynes sur les guerres mettaunt le dit prisoner au tiel raunson come les ditz counte Geffrei et prisoner pount aconvenir, sur quoi le dit Geffrei prendra du dit counte pur sa demoere en la manere susdite sur les guerres pur lan entier dys livres, cest assavoir la moite au comencement de lan come il sera garniz de venir devers le dit counte pur la guerre et apres de quartier en quartier come il demorra

Page 73

ove le dit counte sur les guerres […] ie le dit Geffrei sera garniz depar le dit counte de venir devers luy pour la guerre le dit counte lui ferra paier le […] gages Dengleterre a comptant resonablement ses journes de son propre pays et en venant et retornant.

Et en cas qe le dit Geffrei passera la mer sur les guerres ove le dit counte, le dit count luy ferra aucun resonable eskipesoun pour luy ses gentz et chevaux susditz passaunt et retornaunt par le bon et agreable counge le dit counte. Et le dit Geffrei prendra du dit counte par an pur sa demoere devers le dit counte pur la pees seisaunte souz et sept deniers as quatre termes de lan principalx luy meismes mangeaunt en sale, un chamberleyn et un garsoun maungeaunt en sale ou a gages solunc ceo qe autres de lour condiciouns y serount et ij chivaux a liveree et a fers et clowes ou come autres chevaux des autres de sa condicioun y serount. Et en cas qe le dit counte se taille de passer devers estranges marches de guerrir sur les enemys Dieu le dit Geffrei ne prendra plus du dit counte sinoun come il ad pris pur la pees.

Ceste end. sa tee. Endenture des covenances G. Walsh

41 Edward, prince of Wales and Sir John de Sully, London, 27 January 1353 (PRO, E36/278 f. 48v).

Ceste endenture faite parentre lui nobles homme mons. Edward eisnez filz etc. dune part et mons. Johan de Sully chivaler dautrepart tesmoigne que le dit mons. Johan est a terme de sa vie demoree ove le dit prince tant pour le pees comme pour la guerre ove un esquier, et seront en temps de pees le dit mons. Johan et son esquier mangeantz en sale ou as gages de deux deniers le jour, cynk chivals a liveree et quatre garceons as gages, et prendra des autres liverees com[me] un autre des bachelers de la chambre le dit prince. Et en temps de guerre a bouche a court ou a liveree ou as gages come les autres bachelers de la dite chaumbre et avera pour cel temps des chivaux as gages ou a liveree a noefs garceons as gages et sera son corps a la mounture le seigneur pour la guerre. Et prendra le dit mons. Johan annuelement du dit prince quarrante livres pour son fee par les meyns le recevour general le dit prince a Londres que pour le temps sera a les festes de Pentecoste et de Touz Seintz par oweles porcions tanque le dit prince lui est pourveu dautre part ou estre plus en certein del paiement de mesme

Page 74

le fee. En tesmoignance de queu choses les parties devantdites ount a ceste endenture entrechaungeablement mys lour seals. Don' a Londres le xxvij jour de janever lan du regne le Roi Edward tierz apres la conquest Dengleterre vintisme septisme et de France quatorszime.

42 Edward, prince of Wales and Sir John Sully, London, 10 March 1353 (PRO, E36/280 f. 31v).

Ceste endenture faite parentre lui nobles homme mons. Edward eisnez filz etc. dune part et mons. Johan de Sully dautre part tesmoigne que le dit mons. Johan est a terme de sa vie de la especiale retenue le dit Prince demore ove lui tant pour la pees come pour la guerre ove un esquier. Et seront en temps de pees le dit mons. Johan et son esquier mangeantz en sale et son chamberlein mangeant en sale ou as gages de deux deniers le jour, cynk chivalx a liveree de fein et aveines et ferrure come autres prenont liveree selonc son afferant et quatre garceons as gages a ses demoers devers la court sil ove tantz des chivals viegne ou meyns sil viegne ove meyns et prendra des autres liverees com un autre des Bachelers de la chambre le dit Prince. Et en temps de guerre a bouche a court ou a liveree ou as gages come les autres Bachelers de la dite chambre et avera pour cel temps neof chivals as gages ou a liveree et oet garceons as gages et sera son corps a la mounture le seigneur pur la guerre. Et quant il vendra devers le seigneur a ses mandementz et par ses lettres il avera ses custages en venant par resonables journees que seont acompter et allowez el hostiel le dit Prince. Et prendra le dit mons. Johan annuelement du dit Prince quarrant livres pour son fee des issues de son manoir de Bradenynche el countee de Devenes' a les festes de la Pentecoste et de Touz Seintz par oweles porcions. En tesmoignance de que chose les parties devantdites ount a ceste endenture entrechangeablement mis lours seals. Don' a Londres le x jour de Marcz lan du regne le Roi etc. Dengleterre xxxvij et de France xiiij.

Page 77

46 Edward, prince of Wales and Sir Baldwin de Freville, London, 8 August 1358 (University of Nottingham, Middleton Deeds, Mi F 10/8).

Page 78

Ceste endenture faite parentre lui nobles homme monsieur Edward eisnez filz au noble Roi Dengleterre et de Fraunce, prince de Gales, ducs de Cornewaille, et counte de Cestre, dune part, et Monsieur Baudewyn de Frevill', dautre part, tesmoigne que le dit Monsieur Baudewyn est pour terme de sa vie demoree ove le dit prince prenant pour son service qil ferra au dit prince annuelement quarrante livres a terme de la vie de le dit Monsieur Baudewyn des issues et profitz sourdantz du manoir de Cheillesmore de la ville de Coventree et de la feeferme de la Priorie de Coventree, par les meyns du receivour ou autre gardein le dit prince illeoques, qi pour le temps serra, a les termes de Seint Michiel et de Pasques par oweles porcions. Et que a quele heure que le dit prince irra pur la guerre, le dit monsieur Baudewyn prendra pour tauntz des gentz come il amenera ove le dit prince ataunt come autres de son estate prendront pour l'afferant des gentz q'il amenera. En tesmoignance de quele chose auxibien le dit prince come le dit monsieur Baudewyn ount a ceste endenture entrechaungeablement mis lour seals. Donne a Londres le viij jour d'Augst, lan du regne le Roi Edward tierz apres le conquest Dengleterre trentism secound et de Fraunce disneofism.

47 Sir Ralph de Hastings and John de Kirkeby of Wigginthorpe, York, 14 July 1362 (San Marino, California, Henry E. Huntington Library, Hastings MSS, HAP Box 1 no. 18).

Ceste endenture fait parentre monsire Rauf de Hastinges chivalier dune part et Johan de Kyrkeby de Wyginthorpe daultre part tesmoigne qe le dit monsire Rauf et le dit Johan sount acordez en manere qe ensuyt. Cest asavoir qe le dit Johan demurra devers le dit monsire Rauf a ses robes au terme de sa vie saunz estre remowe se il ne soit par resonable

Page 79

cause trove par bones gentz, cest assavoir monsire Brian de Stapleton, Richard de Aske, Johan de Fencotes, Johan de Aymunderly, Johan de Pykerynge et aultres. Et si encas qe riens soit parle de asqune manere de grevance chargeant de part le dit Johan touchant le dit monsire Rauf le dit Johan vendra en presence le dit monsire Rauf et si il ne purroit estre escuse des grevances en tiele manere faitz le dit Johan fera les amendes au dit monsire Rauf par descretion des bones gentz avantditz. Et si ensy soit qe le dit monsire Rauf face riens si bien noun devers le dit Johan bien lise au gentz susditz de redresser les trespasses myewez entre eux a manere susdit. En tesmoinance du quele chose a icestes endentures les avantditz monsire Rauf et Johan de Kirkeby entrechaungeablement ount mys lour seals. Escrit a Everwyk le quatorszime jour de July lan du regne le roy Edward tierce apres le conqueste trent[e] sisme.

48 William de Montague, earl of Salisbury and Sir Edmund Donmere, Christchurch, Hants., 29 March 1364 (PRO, E326/B4915).

Ceste endenture feate parentre monsire William de Montagu counte de Sarum dun part et monsire Edmund Donmere daultre part tesmoigne que od le dit monsire Edmund eit le manoir de Swire a terme de sa vie de doun le dit counte pur son bon et greable service feate et a faire le dit monsire Edmund grante par le dit doun par cest endenture que il demorra pardever le dit counte si bien en temps de pees come en gerre par la ou en queux parties le dit counte seo prendra une viage a gerre, issint que le dit counte face a dit monsire Edmund paiement et^P79Aa [P79Aa] paiement et interlined80 allowance pur son eskier et ces aultres gentez les queux il est assigne par le dit counte^P79Ab [P79Ab] counte interlined80 et pur ces chivalx come il feat a aultres de sa retenue de soun estat. En tesmoignance de quele chose al une partie de ceste endenture demorant devers le dit monsire Edmund le dit counte ad mys son seal et al autre partie de la dite endenture demorant dever le dit counte le dit monsire Edmund as mys son seal. Don' a Cristchurch le vynt et noefysme jour de marz lan du regne le roi Edward tierce puis le conqueste trentisme utisme.

Edward. Endenture de la demeure monsire Esmond de

Page 80

Dunmere devers lui conte de Sarum.

xxiij

49 Edward, prince of Aquitaine and Wales and Sir Geoffrey de Warburton, Chester, 6 June 1365 (Manchester, John Rylands University Library, Arley Charters, Box 14 no. 5).

Ceste endenture tesmoigne que monsire Geffrey de Werberton' est demore devers lui nobles et puissant seignur le Prince Daquitaine et de Gales pur paix et pur guerre ove deux esquiers comenceant le jour qil remuera par mandement le dit Prince de sa maison vers la mier a passer as parties Daquitaine. Et prendra le dit monsire Geffrey quarrant livres par an pur son fee dount il serra paie de la moitie devaunt la meyn et gages pur lui, ses gentz et chivalx come autres de son estat prendront ses journees acomptees tanqa sa venue au dit Prince a queu temps il serra a bouche au court et prendra gages pur ses ditz gentz et chivalx come autres ses compaignons ensemble eskipson sufficeant pur lui, ses gentz et chivalx en passant la mier et retournant en service du dit Prince. En tesmoignance de quele chose les parties avauntditz a ceste endenture entrechangeablement ount mis lours sealx. Donne a Cestre le sism[e] jour de Juyn lan du regne le Roi Edward tierce puis le conquest trent neofism[e].

50 Edward, prince of Aquitaine and Wales and Sir Aubrey de Vere, London, 1 October 1367 (PRO, C66/300 m. 6, inspeximus of 22 March 1378).

Ceste endenture tesmoigne que mons. Aubry de Veer est demorez pour terme de sa vie avec li nobles et puissant seignour le Prince Daquitaine

Page 81

et de Gales pour paix et pour guerre et prendra le dit mons. Aubry de dit Prince pour le bon service que li a fait einz ces heures et ferra pour le temps avenir centz marz desterlinges par an pour soun fee, en partie de quele somme le dit Prince a grantez et donez au dit mons. Aubry durante sa vie son manoir de Newport en Essex ove les appartenances en value de cinquante marz par an forspris toufoiz feodez de chivalers, avoesons des esglise, gardes, mariages, forfaites et eschetes. Et sera le dit mons. Aubry servez de cinquante marz que demoerent en leschequer de dit Prince a Cestre. En tesmoignance de quele choses les parties avantdites ont a ceste endenture entrechangeablement mys lours seelx. Donne a Londres le primier jour Doctobre lan de regne le Roy Edward tiers apres le conquest quarantisme primier.

51 Edward, prince of Aquitaine and Wales, and Sir Baldwin de Bereford, London, 1 October 1367 (PRO, C66/302 m. 36, inspeximus of 22 March 1378).

Ceste endenture tesmoigne que mons. Baudewyn de Bereford est demoree pour terme de sa vie devers le noble et puissant seignour le prince Daquitaine et de Gales pour paix et pour guerre. Et prendra le dit mons. Baudewyn du dit prince pour le bon service qil li ad fait et fera quarrante livres par an pour son fee dont il sera serviz de issues sourdanz de la seignourie de Coventre par les mayns du seneschal, fermier, recevour ou autre ministre illeoques que pour le temps sera as termes de Seint Michel et de Pasques par owelles porcions. Et trouvera au dit prince en temps de guerre deux esquiers sufficeantz saunz autre fee prendra pour li ou pour les ditz esquiers. En tesmoingnance de quele chose les parties avandictes ont a ceste endenture entrechaungeablement mys lour sealx. Donne a Londres le primier jour doctobre lan du regne le Roy Edward tiers apres le conquest quarantisme primier.

Page 82

52 Roger, lord Clifford and Sir Robert Mowbray agree on terms augmenting a previous indenture, Skelton, Cumbria, 28 October 1368 (Oxford, Bodleian Library, MS Dodsworth 70 f. 41v, 17th c. transcript).

Ceste endenture fait parentre mons. Roger de Clifford, seigneur de Weymorland, dun part et mons. Robert Moubray daltrepart tesmoigne que come le dit mons. Robert est demore od le dit mons. Roger pour peas et pour guerre a tout la vie le dit mons. Roger, pernant pour sa demore en temps de peas dys livres par an et de guerre quarrant marcez comme en une endenture ont entre eux fait plus pleynement appiert, le dit mons. Roger pour greignour surete faire al dit mons. Robert de les dys livres avantditz ad lesse et par ceste endenture confirme al dit mons. Robert son manoire de Skelton ov les appurtenauntes en la counte de Cumbirland a avoir a tout la vie le dit mons. Robert, salva[n]t la revercion al dit mons. Roger et ses heirs, le quel manoire est extendu a dyssoeit livres rendant^P82Aa [P82Aa] Followed by ent in MS83 par an al dit mons. Roger et ses heirs seit livres as festes de Pasque et de Seynt Michiell par oweles porcions, et sil le dit rent de oeit livres soit a dere du partie ou du tout par un mois apres nule des termes avantditz, adonqes bien lise al dit mons. Roger et ses heires en le dit manoire destreindre et les destresces retenir tanque gree lour soit fait del rent susdit, ou du tiel qe le dit rent de seit livres soit a derer par quarant jours apres nuls des termes susditz bien lise al dit mons. Roger et ses heires dentrer le dit manoire et saunz contredit du dit mons. Robert en son primir estate tenir sur tiell condicion que si le dit manoir soit destruict par les enemys en temps avenir ou degaste^P82Ac [P82Ac] Followed by le dit mons. Robert struck out83 ou empayre par cause de pestilence ou ascune alters sodeygne chaunce dont home ne pint^P82Ad [P82Ad] After puit struck out83 a ore avoire conisaunce et ne mys en difaute, le dit mons. Robert, adonqes en le paiement ad les oeit livres avantditz tant sera receps dedanz en an solonc le ferrant del gaste et destitucion, par discretion de meultz norrys du pais, et le dit mons. Roger et ses heirs le dit manoir ou les appurtenaunts al dit mons. Robert pour toute sa vie en le fourme avant dite garont, tenront et defendront contre toutz gentz, pour quel lese, conferment et garantie suisditz le dit mons. Robert ad relesse al dit mons. Roger la dit rent de dize livres pour temps de peas a prendre. En tesmoignaunce de^P82Ae [P82Ae] Followed by chele struck out83 quele chose les parties avantditz a les parties de

Page 83

cestes endentures entrechaungeablement ont^P83Af [P83Af] Followed by my struck out84 mys lours sealx. Escrit a Skelton le jour des Appostoiles Seyntz Symond et Jude lan du regne le Roi Edward tierce puis le conquest quarantisme secounde.

53 Letters patent of Humphrey Bohun, earl of Hereford announcing that he has retained William de Stapleton, esquire in peace and war for life for an annual fee of £20, Camelot, 10 May 1370 (PRO, C66/288 m. 23, inspeximus of 18 March 1373).

Sachent tout gent nous Humfrey de Bohun, conte de Hereford, Dessex et de Norhampton et Conestable Dengleterre avons done et grauntee a nostre bien ame esquier William de Stapleton une annuele rente de vint livres a terme de sa vie pur son bon et greable service qil nous ad fait et ferra si bien en pees come en guerre ou qi nous sumes durant sa vie a prendre dan en an la dite annuele rente de nostre manoir de Longbenyngton et de touz noz terres en le countee de Huntyngdon as termes de Seint Mich' et de Pasque par oweles porcions. Et nous volons qe si la dite annuele rente de vint livres soit aderiere en partie ou en tout oet jours apres aucunes des termes avantditz durant sa vie qe bien lise a dit William et a son attourne en nostre dit manoir de Longebenyngton ou ses appurtenances en touz les terres en le countee de Huntyngdon susdite destreindre et les destresces enchacer et retenir tanqe gree lui soit fait de la dite annuele rente ensemblement ove les arrerages si aucuns y soient, et a greindre sieurte faire au dit William de mesme celle annuele rente nous lui avons done pour lui mettre en possession sys souldz oet deniers de noz coffres. Et nous Humfrey de Bohun et noz heirs la dite annuele rente de vint livres au dite William garantrons a terme de sa vie. En tesm' de queu chose a ceste nostre fait endente avons fait mettre nostre seal. Done a Camelot le dysme

Page 84

jour de May lan du regne le Roy Edward tiercz puis le conquest quarant quart.

54 Thomas Beauchamp, earl of Warwick and John Durant, London, 24 October 1370 (Burghley House, Stamford, Exeter MS 76/88).

Ceste endenture faite parentre mons. Thomas de Beauchamp, conte de Warr' et seignour de Gower dune part et Johan Duraunt dautre part tesmoigne que come le dit conte eit graunte au dit Johan a terme de sa vie dys livres dannuele rente a prendre de son manoir de Bernghdon' come piert par un escrit du dit conte ent fait as termes contenuz en le dit escrit, le dit Johan veut et graunte a demorer ove le dit conte de peas et de guerre pour terme de sa vie en manere que senseut, cest assavoir pour la peas lui mesmes, deux chivaux et un garzon as quelle houre qil serra mande de venir au dit conte par tiele manere. Et quant il serra mande de venir au dit conte pour la guerre, il vendra mesmes a sa mounture propre ou un chaumberlain, trois chivaux et deux garzons prenant gages acustumez par le chemin et en loistiel du dit conte bouche a court pour lui mesmes et son chamberlein, fein et aveigne et ferrure pour ses trois chivaux avantditz, gages acustumes pour ses deux garzons, sil les eit, et eskipison ove le dit conte en alant et retournant, et serra la mounture le dit Johan prise et a lui restore solent le pris alloue par le Roi sil perisse de guerre. Et a quelle houre que le dit Johan travaille de guerre ovesque son dit seignour, il prendra par an dys marcz dencres outre les dys livres avantdites par les meins du gardein del hostiel le dit conte. Et avera le dit conte la moite des ranceons des prisoners et dautres quecumques profitz que pourront happer de guerre au dit Johan ou a ses gentz. Et si le dit Johan preigne prisoner, qil ne soit mys a ranceon sanz assent le dit conte ou autre son depute a ce par lui assigne. En tesmoign' de quelle chose a cestes endentures les avantditz conte et Johan entrechangeablement ont mys lours sealx. Donne a Loundres le vintisme quart jour Doctobre lan du regne le Roi Edward tierz puis le conquest quarant quart.

Page 85

Johannes Duraunt retent' p[r]o ad […] ediat'

Page 87

59 Edmund Mortimer, earl of March and Walter Bromwich, Hereford, 4 April 1373 (PRO, C66/312 m. 15, inspeximus of 3 May 1382).

Page 88

Ceste endenture faite parentre lui nobles homme mons. Esmond' de Mortemer counte de la Marche dune parte et Wautier Bromwych dautre parte tesmoigne que le dit Wautier est demoriez devers le dit counte pour luy servir a tote sa vie sibien pour pees come pour guerre queu par que le dit counte lui vodra avoir en sa compaignie, cestassavoir pour la guerre bien mountez et adrestez a sa mounture propre, et quant il vendra au dit counte par soun commandement de pees, il avera bouche au court pur lui mesmes, un chamberleyn, un garceon, feyn, aveynes, litere, fers et clowes pur trois chivalx sil les eit, ou gages resonables, et pour la guerre il avera bouche a court, livere ou gages pur lui mesmes, un chamberleyn, troys garceons sil les eit, feyn, aveynes, litere, fers et clowes pur cynk chivalx sil ceo est et eskipeson convenable pur lui, ses gentz et chivalx avauntditz ove le dit counte en alant et retournant. Et si prisoner prenre ou autre profit de guerre soit par le dit Wautier ou ses gentz pris en gaigne, le dit counte eut avera la tierce partie forspris de chevetyn ou de chevalier de guerre si nulle y soit pris lui quele demoura entierement devers le dit counte, faisant au dit Waltier regard covenable en maniere comme les autres seigneurs ferront a lours en la voiage en tieu cas, issint totesfoitz que nul prisoner par le dit Wautier ou ses gentz pris le raunceon le quel passeroit la valu de cent souldes desterlinges soit delivrez ne mys a raunceon sanz accord ledit counte ou autre de par lui a ce assignez.

Et prendra le dit Wautier gages accustumez en venant et retournant par maundement le dit counte pour quel demoure et service fait au dit counte mesme le counte ad done et grauntez au dit Wautier un annuele rent de vint marcz a prendre a tote la vie le dit Wautier des issues de manoir de Malmeshull' Lacy el counte de Hereford a les termes de Pasques et Seint Michel par oweles porcions le primer terme comenceant a le fest de Paske proschein avenir, et si le dit annuite soit a derere en partie ou en tout que adonques bien lise au dit Wautier a destreindre en le dit manoir et les destres retenir tanques gre lui soit fait des arrerages et si le dit Wautier refuse ou de faile a servir le dit counte comme desus est dit en sa defaute sanz cause resonable, adonques bien lise au dit counte la dit annuite sustrere et retenir a lui et ses heirs a touz jours sanz contredit le dit Wautier ou de nul autre depar lui, ceste endenture

Page 89

nient contresteant. En tesmoignance de quel chose si bien le dit counte come le dit Wautier a cest endenture entrechangeablement ont mys lours sealx. Donne a Hereford lundy en le fest de Seint Ambrose lan du regne le Roy Edward tierce puis le conquest Dengleterre quarrant septisme.

60 Thomas Beauchamp, earl of Warwick and Robert Massy and Margery, his wife, Warwick, 2 September 1376 (Oxford, Bodleian Library, MS Dugdale 15, pp. 296-7, after an original in the possession of Robert, lord Bruce in 1659).

Ceste endenture faite a Warrewyk la seconde jour de Septembre lan du regne le roy Edward tierce puis le conquest cynkauntisme parentre luy nobles hommes monseigneur Thomas de Beauchampe counte de Warrewyk, seigneur de Gower, dune parte, et Robert de Massy esquier et Margerie sa femme, une des coheirs sire Piers de Mountfort, qe Dieux assoile, dautrepart, tesmoigne qe sur le clayme qe les avantditz Robert et Margerie fesoiont vers le dit counte pur la purpartie la dite Margerie del heritage de Mountfort susdit, les parties susdits sount accorde en la forme qe ensuit: cestassavoir qe les avantditz Robert et Margerie sei tendront pur agrees et contentes del manoir de Gunthorp et Loudham el counte de Notyngham, ove les appurteignances, pur tote la purpartie la dyte Margerye del entier heritage susdite: sur quei Johan Danyel et autres, per le dit counte enfeffez du dit manoir de Gunthorp et Loudham en fee symple ount enfeffez Johan Bacon, viker de Coton, Rauf de Waltone et Roger Daryel, chapellayns, de mesme le manoir, a avoir et tener a terme de deux ans proscheyns ensuants apres la date de cestes: rendant ent per an un flur de rose a la feste de S. Johan le Baptiste; et fesaunt as chiefs seignurages des fees services ent dues et accustumes. Deyns queux deux ans les avantditz Robert et Margerie serrount prestes, quant ils serrount garnys per le dit counte, de faire au dit counte et a ces heirs tiel estate de la reversion du dit manoir de Gunthorp et Loudham apres la deces les avantditz Robert et Margerye, et Johan de Sudleye fitz au dite Margerie, ensemblement ove tiel seurtee de tote la remanant de la dite heritage, come le counseil

Page 90

le dit counte voudra devise per la ley, per fyn de court ent a lever, relees, ou autre voie de leye queconques.

Et est accordez qe le dit Robert demorra devers le dit counte de pees et de guerre de terme de sa vie a ytiels conditions come autres esquiers de son estat sount retenuz, en pernant de fee pur sa demoere de pees et de guerre les issues du dit manoyr de Gunthorp et Loudham, en quy meigns qil devigne, par leese ou feffement des enfeffes susdits. Et sil avigne qe le dit Robert devie vivant la dite Margerie, adonques la dite Margerie tendra la dite manoir a terme de sa vie, per service du rose susdit, et fesant as chiefs seigneurs des fees services ent dues et accustumes. Et apres la decese la dite Margerie, le dit Johan tendra le manoir susdit a terme de sa vie, rendant ent per an es ditz enfeffez et a lours heirs et assignes dys marcs desterlings as termes del Annunciacioun nostre Dame et seint Michel, et fesant as chief seigneurs des fees services dues et accustomez: Et apres le deces de dit Johan le dit manoir ove les appurtenances entirement retournera et remeyndra au dit conte, ses heirs et assignez a touts jours. En tesmoigne (etc.). Done jour, lieu et an susditz (etc.).

61 Edmund Mortimer, earl of March and Ulster and Sir Hugh Cheyne, London, 2 November 1376 (PRO, C66/369 m. 24, inspeximus of 22 May 1403).

Ceste endenture faite parentre lui tresnoble seigneur mons. Esmon de Mortemer counte de la Marche et Dulvestier dun part et mons. Hugh Cheyne chivaler dautre part tesmoigne que le dit mons. Hugh est demourez ovesque le dit conte pour lui servir a toute sa vie sibien pour pees come pour guerre, cestasssavoir pour la pees a toutes les foiez que le dit mons. Hugh vendra devers le dit conte par soun maundement il aura bouche a court pour lui mesmes, un chamberlayn, deux garceons et un page, fein, aveigne et ferrurs pour cynk chivaux si les eit ou gages resonables. Et pour la guerre sera le dit mons. Hugh montez et adrescez a ses costages propres et aura bouche a court, livere ou gages pour lui mesmes, un chamberlayn, trois garceons et un page, fein, aveigne et ferrurs pour cet chivaux si les eit. Et si le dit mons. Hugh sera prest a faire le service qil pourra come a soun estate atteint a comandement du dit conte. Et prendra le dit mons. Hugh gages accustumez en venant et retornant par mandement au dit counte ensemblement ove eskipesoun covenable pour lui ses gentz et chivaux suisditz pour quele

Page 91

demore et service faire au dit counte en la maniere susdite mesme le counte ad graunte a dit mons. Hugh un annuel rente du quarante marcz a prendre a toute la vie du dit mons. Hugh des issues du manoir et ville de Lodelowe ove les appartenances el counte de Salop as termes de Pasqe et de seint Michel par oweles porcions. Et si la dite rente soit aderere en partie ou en tout as ascuns des termes suiditz durante la vie du dit mons. Hugh, qadonques bien lise a dit mons. Hugh a destreindre en les avantditz manoir et ville ove les appartenantz et les destresse[s] retenir tanques plenere gre lui soit fait des arrerages.

Et si le dit mons. Hugh refuse ou defaille a suivre le dit counte en la maniere susdite sanz cause resonable, qadonques bien lise a dit counte la dit annuel rente souztrere et retenir et que delors mesme la rente et poair a destreindre pour icelle cesse pour touz jours, cest graunt nientcontresteant. Et si le dit conte et ses heirs la dit annuel rente de xl marcz a dit mons. Hugh a toute sa vie en la forme et condicioun suisditz garanteront. En tesmoignance du quele chose a ceste endentures sibien le dit conte come le dit mons. Hugh entrechangeablement ont mys lour sealx. Donee a Londres le secunde jour de Novembre lan du regne le Roy Edward puis le conquest cynquantisme.

62 Thomas Beauchamp, earl of Warwick and John Russell, esquire, Warwick, 2 January 1377 (Oxford, Bodleian Library, MS Dugdale 15 p. 297, transcript of 1659).

Ceste endenture faite parentre lui noble home Mons. Thomas Beauchamp conte de Warwick, d'une parte, et Johan Russell, escuier d'autre part, tesmoigne qe le dit Johan est demourez ove le dit Conte de peas et de guerre, a terme de sa vie. Et, si aura le dit Johan pour son fee de peas cent solds d'esterlings par an, bouche en court pur ly mesmes, livere ou gages pur un guarsoun et deux chivaux quant il serra maundes per le dit conte tielx, et pour le temps comme autre de soun estate del hostel le dit conte pernaunt. Et prendre le dit Johan pur soun fee de guerre pur an quarant livers d'esterlings pur toutes maneres des custages, ove bouche en court pur lui mesmes come autres Escuiers de sa condicion ount, des queux quarant livers suisditz, le dit Johan sera

Page 92

paies de vint et cinq livers devant q'il depart de soun hostell, l'an de guerre commenceant le jour q'il departira de soun hostell arraiez de guerre per mandement le dit count. Et si le dit conte ne demoerge sur la mere pur le temps qe le dit Johan seit ainsi devant la main paiez, q'adonq le dit Johan fera restituccion a dit conte de ses fees de peas pour la rate de temps qe soit ainsi devant la main paiez et nient pas deserviz. Et graunte le dit Johan qe serra armez et mountez covenablement pur soun estate. Et si aura le dit Johan eskypesoun covenable pour son passage et repassage outre meer as custages le dit conte. Et aura le dit counte le tiers de gain de guerre quecunqs per lui ou null des soens pris ou happez de ceux qe prendront guages du dit Conte. Et si prisoner soit pris il ne serra mys a finance saunz assent du dit conte ou autre pur lui et ceo assignez. En tesmoigne (etc). Done a Warwyk le second jour de Janvyvere l'an de Roi Edw[ard] tierce puis le conquest cinquantisme.

63 James, lord Audley of Red Castle and Heighley and Sir John de Massy of Tatton, 23 September 1377 (Cheshire RO, Egerton of Tatton Deeds, DET/303/14(42)).

Ceste endenture fait entre mons. James Daudelegh seigneur de Rouge Chastel et de Helegh dune part et Johan de Massy chivaler dautrepart tesmoigne que le dit mons. James sour les condiciones qenseuont^P92Aa [P92Aa] sour les condiciones qenseuont interlined93 ad graunte et relesse et quitclame au dit Johan, ses heirs et a ses assignes, tout soun droit et cleim quele il ad en sesaunte soldes de rente issaunz del manoir de Tatton de quele manoir de Tatton le dit Johan est seisi et en possessioun a temps de la confection dycestes, issint que le dit mons. James ne ses heirs, ne nulle autre de par ly, droit ne cleim en le rente de sesaunte soldes susdit devers le dit Johan, ses heirs ne ses assignetz de ceo jour en avaunt puissent clamer eins par ceste fait soient forclos a toux jours, salvant toute foithe les condicions queu seront, come desus est dit,^P92Ab [P92Ab] come desus est dit interlined93 pur quele graunt, relesse et quictclamanz en la maner avantdite fait le dit Johan de Massy ad done, graunte et en

Page 93

eschaunge conferme au dit mons. James, ses heirs et a ses assignez, deux mees et trent et sys acres de terre ove les apurtenances en warenne buryfrith deins la ville de Wrennebury, les queux mees et terre susditz Henri Hugynessone et Johan le Flecher tiegnent a terme daunz de dit Johan de Massy le jour de la confeccion dycestes, si largement et si entierement et par mesme les boundes come les ditz Henri et Johan le Flecher le dites terres et tenemenz tiegnent le jour defesaunte dycestes, a avoir et tener au dit mons. James, ses heirs et a ses assignez ove touz maneres, comunes, fraunchises et aisements a les avantditz terres et tenemenz regardanz sur les condicions enseuanz des chiefs seigneurs des fees par les services dues et acustumes, salvant toute foithe que si le dit mons. James ou ses heirs en temps avenir cleiment le dite rente de sesaunte soldes vers le dit Johan de Massy, ses heirs ou ses assignez ou ascun parcel dycelle et celle eient par recovrer ou par ascun autre maner que bien lise a dit Johan de Massy et a ses heirs les mees et terres avantditz dentrer et les tener a toux jours sanz countredit de dit mons. James et ses heirs et de toux autres en que meins que les dites mees et terres devingnent.

Et en cas que le dit mons. Johan de Massy ou ses heirs ou ascun autre les mees et terres et tenemenz avauntditz ou ascun parcel dycelles de ceo jour enavant cleymant vers le dit mons. James, ses heirs ou ses assignetz et les eient par voi de recouvrer ou par ascun autre maner que bien lise au dit mons. James et a ses heirs le rente de sesaunte soldes avantdit clamer et reaver saunz countredit de dit Johan de Massy ou de ses heirs et cestes reles soit aneinty et de tout perde sa force en que meins que le dit manoir de Tatton devient. Et auxint le dit Johan de Massy pour terme de sa vie est demoure ovesque le dit mons. James, salvant soun retenu et service a son seignour liege, issint toute foithe que a quele heure qil travaillera par maundement de dit mons. James, il avera ses gages de ly resonablement. En tesmoignance de quele chose a cestes endentures les parties avauntditz entrechaungeablement ount mys lours seals. Donne le mesgerdy proschein devaunt la feste de seint Michel larchaungle lan de regne le Roi Richard primer.

Carta domini de Audeley^P93Ad [P93Ad] Written twice, once now very faint94 Tatton

64 Thomas Beauchamp, earl of Warwick and Piers de la Holte,

Page 94

esquire, Gudereste near Warwick, 23 March 1378 (Lancs. RO, DD Pt 23/9).

Ceste endenture fait parentre lui nobles home mons. Thomas de Beauchamp, conte de Warrewyk, dune part et Piers de la Holte, e[s]quier, dautre part tesmoigne que le dit Piers est demourez ove le dit conte a terme de sa vie de pees et de guerre, cestassavoir pur la pees lui meismes a bouche en court ove dieux chivals et un garcion a fein, ferrure et provendre, liveree ou gages come as autres esquiers le dit conte est liverez, et quant il sera mande per le dit conte de venir a la court.^P94Aa [P94Aa] et quant il sera mande per le dit conte de venir a la court interlined95 Et avera le dit Piers pur ses fees du pees unne annuete de dys livres aprendres del manoir de Beoleye come plus pleynement piert per autres endentures ent faites. Et pour la guerre lui meismes bien armez et mountez ove un archier, quatre chivals et six garceons sil les eit, lui meismes a bouche en court, liveree ou gages pour lui, ses gents et chivaux, a y tiels et pour le temps come autres esquiers de sa condicion prendront. Et prendra le dit Piers outre son fee du pees susdite pour lan entier de guerre dys livers del garderobe du dit conte dont il serra paiez de la moite al comencement del an de guerre et del remenant apres les quarters del an come y est defeniz. Et si le conte ne demoerge sur la guerre pour le temps que le dit Piers soit ensi devant la mein paiez de la moitie de les dys livers susditz qadoncqs le dit Piers ferra restitucion a dit conte pour la rate du temps qil est ensi devant la mein paiez et nient pas deserviz^P94Ab [P94Ab] deserviz written around hole in MS95 par resonable acompte de fere parentre le garderope le dit conte et le dit Piers. Et avera le dit Piers eskippeson convenable sur la mier de passage et repassage pour lui, ses gents et chivaux. Et avera le dit conte de dit Piers la moite de qiconque gayn de guerre par lui et ses gents qeconques pris ou happes et si prisoner soit pris par le dit Piers ou ascun des soens il serra mye mitz a finance sanz expresse assent de dit conte ou dautre par lui a ceo assignez. En tesmoignance de quelle chose a cestes endentures les parties susditz entrechangeablement ont mys lours seals. Donez a Gudereste iouste Warr' le vynt et tierce^P94Ac [P94Ac] et tierce interlined95 jour de marcz lan de regne le Roi Richard secund puis le conqueste Dengleterre premier.

'Holte'

Page 95

65 Richard, earl of Arundel and William Rees, London, 1 October 1379 (PRO, C66/348 m. 29, inspeximus of 17 Nov. 1397).

Ceste endenture faite parentre Richard counte Darundell et de Surr' dune part et William Rees dautre part tesmoigne que le dit counte ad retenuz devers luy le dit William a terme de sa vie pour pees et pour guerre. Et que le dit counte ad donez et grauntez et par cestes endenture confermez a dit William pour le bon et greable service qil luy ad fait et ferra tut son manoir de Ovesham ove les appartenauntz en la countee Dessex a avoir et tener tut le dit manoir ove toutz les appartenauntz a dit William pour son fee a terme de sa vie fesaunt as chiefs seignours des fees les services ent duez et acustumez. Et le dit William durant tut le temps qil soit hable et de tiel poair qil pourra travailler sera prest sur resonable garnissement et mandement de venir al dit counte et a demourer ove le dit counte solonc ceo qil ad ove luy a faire. Et a quele heure que le dit William soit venuz a dit counte a son mandement en temps de pees adonques le dit William aura un vadlet et dieux chevalx as costages de dit counte, cestassavoir le dit William et son vadlet a bouche de court et pour sez deux chivalx prenaunt provendre et fein et ferrures come les autres esquiers du dit counte. Et quele heure que le dit William veigne a dit counte pour la guerre adonqes le dit William aura un vadlet, un garcion et trois chivalx as costages du dit counte, cestassavoir le vadlet a bouche de court, le garcion a gages come les garcions des autres esquiers, et les trois chivalx a fein, provendre et ferrure come les chivalx dautres esquiers du dit counte.

Et si ascune viage soi taillera sur la mer ou ailours la ou bosoigne ne sera pas des chivalx qadonqes en le mesmes temps le dit counte soit descharge des costages des chivalx suisditz. Et le dit William sera tenuz de rendre la tierce de queconques gayne de guerre qil prendra ou gaynera par luy ou par son vadlet avantdit en temps de guerre. Et outre ceo si ascun viage se ferra en quele le dit counte ne soy taille daler adonqes si le dit William se vodra travailler et eit congie de dit counte daler en ycelle, qadonqes le dit William sera tenuz de rendre la tierce de queconque gaine par luy mesmes gayne de guerre en mesme la viage en temps de guerre. Et apres ceo que le dit William eit ensy

Page 96

cungie de travailler en ascun viage en absence du dit counte et le dit counte soi taille de travailler en mesme le viage ou aillours, qadonqes le dit William apres ce que son quartier et demi an soit finiz sera tenuz de venir a dit counte par son maundement et par resonable garnissement. Et le dit counte et sez heirs tut la dit manoir ove les appartenauntz a dit William pour terme de sa vie en la forme come desuys est dit encontre toutz gentz garanteront et defenderont. En tesmoignance de quele chose a lune partie de ceste endenture demourant devers le dit William le dit counte ad mis son seal et a lautre partie demourante devers le dit counte le dit William ad mis son seal. Donez a Loundres le primier jour Doctobre lan du regne le Roy Richard puis le conqueste tierz.

66 Edmund Mortimer, earl of March and Ulster and Sir John Bromwich, Hereford, 18 October 1379 (PRO, C66/312 m. 28, inspeximus of 24 February 1382).^P96A141 [P96A141] cf. CPR, 1381-5, 99; Bean, 85 calls these letters patent of indenture.97

Ceste endenture faite parentre le tresnoble seigneur mons. Esmon de Mortemer counte de la Marche et Dulvester dune part et mons. Johan de Bromwych chivaler dautrepart tesmoigne que le dit mons. Johan est demourez devers le dit counte pur lui servir a toute sa vie sibien pur pees come pur la guerre quieu part que le dit counte lui voudra avoir en sa compaignie, cestassavoir pur la guerre lui mesmes ove un esquier bien montez et adresciez a lours coustages propres, et quant il vendra au dit counte par son mandement de pees il aura bouche a court pur lui mesmes, un esquier, un chamberleyn, trois garceons, feyn, aviegnes, litere, fers et clous pur sys chivaux si les eit ou gages resonables et pur la guerre il aura bouche a court, livere ou gages pur lui mesmes, un esquier, un chamberleyn, sys garceons, fein, aveigne, litere, fers et clous pur noef chivaux si les eit, et eskipeson covenable pur lui et ses gentz et pour mesmes les chivaux et plusours si les eit ove le dit counte en alant et retournant. Et pour a tant des chivalers, esquiers et archiers come le dit mons. Johan amenera en la compaignie le dit counte par

Page 97

son acord, il prendra de mesme le counte a taunt come autres de lour estat prendront de lui pur le temps qils demoureront en son service. Et si prison[er] preis ou autre profit de guerre soit par dit mons. Johan ou nul de ses gentz prez ou gaines le dit counte eut aura la tierce partie, issint toutez foitz que nul prisoner par le dit mons. Johan ou ses gentz pris soit delivrez ne mys a raunceon saunz acord du dit conte ou dautre depar luy a ceo assignez. Et prendra le dit mons. Johan gages acustumez en venant et retournant par mandement le dit conte pur la guerre pur lui et ses gentz pur quele demoere et service faire au dit conte en la manere susdite mesme le conte ad grauntez a dit mons. Johan une annuele rente de cent marcz a prendre a toute la vie le dit mons. Johan des manoirs et seignouries le dit counte de Clifford et Glassebury ove les appartenantz en la marche de Gales joignant al counte de Hereford as les termes de Pasques et de Seint Michel par owels porcions. Et si la dite rente soit aderiere ou partie ou en tout a ascun des termes susditz durant la vie du^P97Ab [P97Ab] du dit interlined98 dit mons. Johan, voet et graunte le dit counte qadonques bien lise au dit mons. Johan a destreindre en les ditz manoirs et seignouries ou les appartenances et les destresses retenir tanques pleine gree lui soit fait des arrerages.

Et si le dit mons Johan refuse ou defaille a servir le dit counte en la manere suisdite sanz cause resonable qadonques bien lise au dit counte la dite annuele rente cesse pur toutz jours cest grant nient contresteant. Et a quiele heure que le dit conte ne soit ordenez de travailler de guerre ou neyt affaire du service le dit mons. Johan pur la guerre en la manere susdite, adonques le dit conte de sa bone seignourie soeffra le dit mons. Johan travailler ou lui plerra pur un temps tanques mesme le conte se verra ordener pur la guerre come est dit. Et le dit conte et ses heirs la dite annuele rente de cent marcz par an al dit mons. Johan et toute sa vie en la fourme et condicion susdites garanteront. En tesmoignance de quelle chose sibien le dit conte come le dit mons. Johan as cestes endentures entrechangeablement ont mys lour seals. Donez a Hereford en la feste de Seint Luk' lan du nostre seignour le Roy Richard le secunde puis le conquest tierce.

67 Roger, lord Clifford retains John Lowther for a year, reserving the right to renew the agreement annually, Skipton, 26 October 1379

Page 98

(Cumbria RO, Carlisle, D Lons/L/MD/Lo 104).

Ceste endenture fait parentre monsire Roger de Clifford, seigneur de Westmorland, dunpart et Johan de Lowthir dautrepart, tesmoigne que le dit Johan est demore ove le dit monsire Roger pur un an entier comensaunt a la fest de Seint Hillar' proschein venaunt destre du conseill le dit monsire Roger et pur server a Thomas de Clifford, filtz et heir le dit monsire Roger, et deprendre garde a les gentz, chivaux et hernoys le dit Thomas come a le dit Johan appent. Preignant de le dit monsire Roger par le dit an pur la pees dys livres as deux termes del an, cest asavoir Pentecost et Seint Martyn par owels porcions, et issint de an en an sils purront acorder. Et le dit Johan prendra de le dit Thomas pour la guerre sil aveigne les gages du Roy et regarde^P98Aa [P98Aa] et regarde interlined99 et le dit Johan acounttera loyalment a la dit monsire Roger de tout qil ressayvera par endenture sibien en argent come en autre araye. Et le dit Johan sera a bouche du court, son vadlet et deux^P98Ab [P98Ab] deux interlined99 chivaux a bouche de court ou a gages come autres ount destre demourant devers lui devant cest foith/foitz. En tesmoignance de quelle chose les parties suisdites a cestes endentures entrechaungablement ount mys lour seals a Skipton en Craven le xxvj jour doctobre lan du regne le Roy Richard puis le conquest tirce.

68 James Butler, earl of Ormond retains Sir Robert de la Freigne as his steward for life, Carrick [-on-Suir], Tipperary, 10 July 1380 (NLI, Ormond Deeds D 1272).

Ceste endenture fait parentre le noble seignour James le Botiller conte Dormond dune part et Robert de la Freigne chevalier dautrepart

Page 99

tesmoigne que le dit conte ad depute, fait et ordine le dit Robert son chief seneschal, estiward et surveour des totes ses terres et seignouries en Irland, as ses terres asseer et au ferme doner en encresce et avantages du dit conte, ses officiers corriger et lour defautes amender et tesmoigner, et si ne vuillent eaux amender, autres covenables en lours lieu mettre et ordiner par assent de mondit seignour si bien deinz lostell comme de hors, et prenant pour son fee par an diz livres des rentes du dit conte de Courduf, la moyte a receyvre a la fest seynt Michell' et lautre moyte a la Pask', et ensi de an en an et terme en terme come plerra as dites conte et Robert, et avera le dit Robert poair pour destreyndre pour les deniers suditz en cas qils ne soient paiez as termes susescriptz en totes les terres de Courduf, et auxint avera ils de mon dit seignour gages resonables et^P99Aa [P99Aa] et interlined100 quant il travalera en le service du dit conte si bien en temps de guerre come de pees solonc la descrescion de mon dit seignour et son conseill, et le dit Robert soit en lostell du dit conte il, ses gentz et chivaux serront as coustages mon dit seignour. En tesmoygnantz de quele chose les avantditz conte et Robert as cestes endentures entrechangeablement ount mys leur seals. Don' a Carryk le x jour de Juyll' lan du regne nostre seigneur le Roi Richard le second apres le conquest quart.

69 Edmund, earl of Cambridge and Camoys Mavow, Hatfield, Herts., 1 January 1381 (PRO, C66/373 m. 23, inspeximus of 14 May 1405).

Ceste endenture fait a Haytefeld parentre Esmon fitz au noble Roi Dengleterre et de France le counte de Cantebrigg' dune part et Camoys Mavow de altre part le primer jour de Janvier lan du regne le Roy Richard secunde puis le conquest quart, tesmoigne que le dit Esmon ad retenu devers lui sibien pour la pees come pour la guerre a demourer en sa compaignie le dit Camoys par terme de sa vie et destre un des esquiers de sa chaumbre. Et le dit Esmon ad grantee que le dit Camoys prendra annuelment vynt marcz pour terme de toute sa vie pour son fee des profites sourdantz de son manoir de Fasterne en la countee de Wildshire, cest assavoir a les festes de Pasques et Seint Michell' par owels porcions et il aura bouche a court en temps du pees pour luy

Page 100

mesmes, un vadlet et un garsoun ou autrement gages pour les dites vadlet et garsoun et il aura feyn, provendre, litere et ferrure pour trois chevalxs en maniere come altres esquiers de sa condicioun averont a toute la temps qil demoura dedenz lostell du dit Esmon ou autrement gages pour la liveree des ditz chevalxs. Et en cas que le dit Camoys travaillera en la compaignie du dit Esmon en temps de guerre il aura a tant de gages come ascune altre de sa condicioun. Et le dit Esmon voet et graunt que si les avantditz vynt marcz soient aderer en partie ou en toute a ascun terme qadonques bien lise au dit Camoys et a ses attournez en toute le manoir suisdit et en chescune partie dycelles manoir en qi mains qil deviendra destrindre et mesme la distresse enchacer et retenir par la ou lui plest tanques gree a luy soit faite de les dites xx marcz suisditz et de les arrerages si nules seront. En tesmoignance de quele chose a cestes endentures les partiez suisditz entrechaungeablement on[t] mys lours sealxs. Donne le jour, lieu et an suisditez.

70 Edmund Mortimer, earl of March and Ulster and Sir Henry Conway, 1 August 1381 (PRO, C66/312 m. 12, inspeximus of 12 May 1382).

Ceste endenture faite parentre le treshonure seigneur mons. Esmon de Mortemer counte de la Marche et Duluestier dune part et mons. Henry Coneway chivaler dautre part tesmoigne qe come le dit mons. Henry autrefoiz par noun de Henry de Coneway esquier par autres endentures sur ceo entre eux faites estoit retenuz et demourez devers le dit counte de lui servir a toute sa vie sibien pur pees come pur la guerre souz certaine forme en les dites autres endentures plus pleinement expresses pur quele terme ensy a faire au dit counte, mesme le counte avoit grauntez au dit Henry un annuel rente de cinkante marcz a prendre annuelment des issues des manoirs, chastell et seignourie de Clifford et Glasebury ove les appartenances en Gales et en la marche de Gales a toute la vie le dit Henry sicome en les dites autres endentures

Page 101

pluis pleinement est contenuz puis, apres le dit mons. Henry ay prist du dit counte lordre de chivaler, est demorrez devers mesmes le counte de lui servir en estat du bacheler sibien pur la pees come pur la guerre a toute le vie du dite counte en la forme qensuit, cestassavoir a toutes les foiz qe le dit mons. Henry vendra devers le dit counte par son mandement de pees il aura bouche en court pur luy mesmes, un esquier, un chamberleyn, quatre garcons, feine, aveine, fers et clous pur sys chivaux sil les eit ou gages resonables pour ses ditz garcons et chivaux, et a toutes les foiz qil vendra devers le dit counte par son mandement pur la guerre il aura bouche en court, livere ou gages resonables pur lui mesmes, son dit esquier, son chamberleyn et cink garcons, feine, aveine, fers et clous ou gages resonables pour oet chivaux si les eit, et pour toute les hommes darmes et archiers qil amenera ovesque le dit counte pur la guerre del ordenance du dit counte outre les persones suisdites il prendra du dit counte^P101Aa [P101Aa] dit counte interlined102 au tieux feods et gages come il dorra as autres de lour estat et degree en mesme le voiage, endroit de prisoners prises et autres profitz de guerre qe par le dit mons. Henry ou ascun de ses gentz serront pris ou gaignes le counte ferra devers le dit mons. Henry et le dit mons. Henry devers le counte en maniere come serra resonablement fait et usez en les lieux et voiages ou ils travailleront du guerre, pur quel service ensy affaire au dit counte par le dit mons. Henry et aussint pur ceo que le dit mons. Henry ad susrenduz et relessez et sustrent et relest par ycestes au dite counte la dite annuele rente de cynkante marcz a lui grauntez come desus mesme le counte ad donez et grauntez et par icestes au dit mons. Henry une annuele rente de quarante livres a prendre a tout la vie le dit mons. Henry des issues et profitz de la terre et seignourie de Kedewyng en Gales a les termes de Seint Michel et Pasques par oweles porcions. Et si la dite rente de quarant livres par an soit aderere a auscun des termes susditz duraunt la vie du dit mons. Henry qe bien lise a lui et ses assignez pur la dite rente destreindre en les ditz terre et seignourie et les destresses retenier tanques gree ent lui soit fait. Et si le dit mons. Henry refuse a servir le dit counte en maniere susdite sanz cause resonable qe alors cesse le paiement de la dite annuele rente de quarante livers et le poair a destreindre pour ycelle. Et le dit counte et ses heirs lavauntdite annuele rent de quarante livres au dit mons. Henry a toute sa vie en la forme et condicion susditz garanteront. En tesmoignance de quele chose al une partie du ceste endenture demurrant devers le dit mons. Henry le dit counte ad fait mettre son seal et al autre partie dycelle demourrant devers le dit counte le dit mons. Henry ad mys soun seal. Donez le primer jour Daugst lan du regne le Roy Richard secounde puis la conquest quinte.

Page 102

71 Thomas Beauchamp, earl of Warwick and Sir John Russell, Warwick, 29 March 1383 (PRO, C66/314 m. 6, inspeximus of 25 April 1383).

Ceste endenture faite par entre lui nobles hommes Thomas Beauchamp count de Warrewyk dune part et monsire Johan Russel de Strengesham chivaler dautre part tesmoigne que le dit monsire Johan est demore ove le dit counte par terme de sa vie pur la peas et pur guerre, et prendra pur la peas du dit counte annuelment vynt lyvres pur terme de la vie du dit monsire Johan del manoir le dit counte de Chedworth en le counte de Gloucestre, et pur la guerre quarrant livres, et sera paie annuelement as termes de la nativite seint Johan le Baptistre et de Nowel par oveles porciones des issues de dit manoir de Chedworth par les mayns de gardein de mesme le manoir, et avera le dit monsire Johan pur la pees qant il sera maunde de venir au dit counte bouche au court pur lui mesme, un chamberleyn et un garson, feyn, provendre et ferure pur trois chivalx pur le temps de sa demoere. Et pur la guerre le dit monsire Johan^P102Aa [P102Aa] Johan omitted in enrolment103 mountera lui mesmes covenablement et avera bouche au court ove liveree pour lui mesmes, un chamberleyn et trois garzons ou gages al afferant et feyn, provendre et ferure pour cynk chivalx, en manere come autres de son estate ove le dit counte prendront. Et sil preigne prisoner soit entre le dit counte et le dit monsire Johan sicome il fait parentre lui et autres bachilers de sa retenue pour terme de vie. Et voet et graunte le dit conte par cestes presentes lettres que sil dit rent annuel de vynt livres pur la peas ou de xl li. pur la guerre soit aderere et nient paie par un moys apres ascuns des termes avantdites, que bien lise au dit monsire Johan, ou a son attorne en celle partie, en le dit manoir de Chedworth destreindre pur les arrerages de le dit rente et la destresse retenir tanque plein paiement lui soit faite des ditz arrerages. Et si le dit Johan ne soit mye paie de la dit rent de xx li. et xl li. aprendre en la forme susdite de dit manoir de Chedworth, le dit conte voet et grante que le dit Johan puisse destreindre pur terme de sa vie pur les arrerages des dites xx li. et xl li. aprendre en la forme susdite en toutes ses terres et tenementz les

Page 103

queux le dit conte ad en le dit counte de Gloucestre. Et voet auxint et graunte le dit conte que le dit monsire Johan ne soit mye astrynt ne arce par my ses covenances de travailler de guerre si noun ovesque le dit conte et en sa presence et comensera son an de guerre le jour de son remuement de son hostiel propre vers les parties ou le dit count lui maundera par ses lettres. En tesmoignance de quele chose as cestes presentes endentures les avantditz conte et monsire Johan entrechangeablement ont mys lour sealx. Done a nostre chastel de Warrewyk le xxix jour del mois de Marcz lan de regne^P103Ab [P103Ab] regne interlined104 le roy Richard second puis le conquest sisme.

72 Thomas Beauchamp, earl of Warwick and Walter Power, Warwick, 31 March 1383 (PRO, C66/315 m. 6, inspeximus of 8 June 1383).

Ceste endenture faite parentre lui nobles hommes monsire Thomas de Beauchamp counte de Warrewyk dune part et Wauter Powere esquier dautre part tesmoigne que le dit Wauter est demouree ove le dit counte pur terme de sa vie pur la pees et pur la guerre et prendra du dit counte pur la pees annuelement cent soldz pur terme de la vie du dit Wauter del manoir du dit counte de Chedworth en la countee de Gloucestre et pur la guerre vynt livres et serra paie annuelement as termes de la nativitee seint Johan le^P103Aa [P103Aa] interlined104 Baptistre et de Nowel par ovels porcions del issues del dit manoir par les mayns del gardein de mesme le manoir. Et avera le dit Wauter pur la pees quant il sera mande de venir au dit counte bouche en courte pur lui mesmes et pur la guerre auxint par manere come autres esquiers de son estat pernont. Et sil preigne prisoner soit entre le dit counte et lui sicome il fait parentre lui et autres esquiers de sa retenue pur terme de vie. Et voet et graunte le dit counte par cestes presentes lettres que si la dite rente annuele de cent soldz pur la pees ou de vynt livres pur la guerre soit aderiere et nient paie par un moys apres ascun des termes avandites que bien lise au dit Wauter ou a son attorne en celle partie en le dit manoir de Chedworth pur les arrerages de la dit rent destrendre et la destresse retenir tanque plein paiement lui soit faite des ditz arrerages. Et si le

Page 104

dit Wauter ne soit mye paie de la dite rent de cent soldz et vynt livres apprendre en la forme suisdite du dit manoir de Chedworth le dit counte voet et graunte que le dit Wauter puisse destrendre pur terme de sa vie pur les arrerages des ditz cent soldz et vynt livres apprendre en la forme suisdite en touz les terres et tenementz les queux le dit counte ad en le dit countee de Gloucestre. Et voet auxint et graunte le dit counte que le dit Wauter ne soit mye astrint ne arce parmy ses covenances de travailler de guerre sinon ovesque le dit counte et en sa presence et comencera son an de guerre le jour de son^P104Aa [P104Aa] interlined105 remuement de son hostel propre vers les parties ou le dit counte lui mandra par ses lettres. En tesmoignance de quele chose a cestes presentes endentures les avantditz counte et Wauter entrechangeablement ont mys lour sealx. Don a nostre chastel de Warrewyk le xxxi jour de mois de Marcz lan du regne nostre seigneur le Roi Richard puis le conqueste sisme.

73 Walter, lord Fitzwalter and Sir Alexander Walden, 22 June 1385 (PRO, C66/323, m. 6, inspeximus of 28 May 1387).

Sachent toutz gentz moy Waltier sir ffitz Waltier et de Wodeham avoir done graunte et par ceste fait endente conferme a Alisandre de Walden chivaler un annuel rente de dys livres desterlinges pur terme de vie le dit Alisandre apprendre annuelment de mon manoir de Asshedon en le counte de Essex as deux termes del an, cest assavoir al feste de seynt Michel larchangel et de Pasch par ovels porcions. Et sil aveigne que la suisdite rente soit aderere en partie ou en tout a ascun terme suisdit, qadonque bien lise a dit Alisandre et a sez assignes en lavandit manoir ove les appurtenantz entrer et distrendre et les distresses prendre, enchacer et emporter et devers eux retenir tanque gree soit fait sibien des damages come des arrerages dicell. Et le dit Alisandre de sa part ad graunte a moy Waltier sire ffitz Waltier avantdit que a quele hore aveigne moy a travailler en les guerres nostreseigneur le Roy et le dit Alisandre soit en volunte et voet travailler adonqes qil serra prest a travailler ovesque moy en la dicte guerre devant toutz autres, pregnant de moy Waltier sire ffitz Waltier suisdit pur ycelle a tant des gages pur chescun viage de guerre et reward semblable come

Page 105

jeo avantdit Waltier sire ffitz Waltier prendra pur mes autres chivalers de ma retenue, et ovesque ceo destre a bouche de ma court ove son chamberlayn et un page, de quel annuel rente avantdit pur greindre surte affaire au dit Alisandre je avantdit Waltier sire ffitz Waltier ay mys lavantdit Alisandre en seisine et possession par le paiement de dusze deners. Et je avantdit Waltier sire ffitz Waltier, mes heirs et mes assignes le dit annuel rente de dys livres au dit Alisandre pur terme de sa vie en forme avantdit encontre toutz gentz garantarouns. En tesmoignance de quele chose a lune partie de ceste endenture demurant devers le dit Alisandre jeo Waltier sire ffitz Waltier avantdit ad mys mon seal, al autre partie de mesme lendenture demurrant devers moy Waltier sire ffitz Waltier le dit Alisandre ad mys son seal. Done le jeody proschein devant le feste de seint Johan le Baptiste lan du regne le Roi Richard secunde puis le conquest neoffisme.

Page 106

75 Edmund, duke of York and Sir Thomas Gerberge, London, 9 May 1388 (PRO, C66/373 m. 25, inspeximus of 6 April 1405).

Ceste endenture fait parentre le treshonoure et trespuissant seignour Esmon Duc Deverwyk Counte de Cantebrigg et seignour de Tyndale dune part et sire Thomas Gerberge chivaler de la counte de Norf' dautre part tesmoigne que le dit sire Thomas est retenuz et demorez devers mon dit seignour le Duc a terme de sa vie et pour le bone service qil ferra le dit Duc luy ad ordeigne et assigne pur estre seneschall de son hostell durant le temps qil plerra au dit mon seignour le Duc et dez toutez les terres et tenementz que mon dit seignour le Duc ad en Engleterre il ad ensi ordeigne et assigne le dit sire Thomas pour estre chief seneschal en la manere que monsire Rouger de Welesham estoit le temps qil fuist en vie durant le temps qil plerra au dit monseignour le duc. Et prendra le dit Thomas du dit monseignour le duc pour son feez quarante marcz desterlinges chescon an a terme de vie avantdite dont serra paiez de an en an des issues et profitez issantez annuelment de son manoir de Somerforth Keynes par les mainz de le fermour qi ore est illoeques ou qi pour le temps serra, cestassavoir as deux termes de Paskez et de Seint Michell par oweles porcions comenseant son primer paiement al fest de seint Michel proschein ensuant la date dicestes. Et veult le dit monsire le duc que si le dit Thomas trovera aucouns officers en lostell mon dit seignour ou dehors en defaute quils ne fuissent a le profit mon dit seignour qil ad plein poair de les remouer par ladvys et ordenaunce de mon dit seignour et de son conseil et y mettre autres plus suffisante et profitables en lour lieu et de toutes autres choses faire qappartienent au autres offices en

Page 107

mesme la manere que monsire Roger de Welsham avoit de mon dit seignour. Et quant le dit sire Thomas sera travaillant sur les bussoignez monditseignour il avera quatre souldz desterlinges pour son gagez chescon jour qil travaillera dount serra paiez par les mains de son Tresorer et avera bouche a court pour luy et un esquier et ij vadlettes et quatre chivaux a la livere de feyn et provandre et ferrure ou autrement gagez pour les ditz chivaux quant il serra al hostell et si le dit monseignour le duc travaillera en la mier ou aillours le dit sire Thomas travaillera ovesque luy et avera tieux gagez et regard pour son corps come le dit monseignour le duc prendra pour luy de notreseignour le Roy. Et pour sa retenue de quele il pourra accorder ovesque monseignour avantdit il avera tieux gagez come mon dit seignour le duc prendra pour eux de nostre seignour le Roy et avera monseignour le tierce part de toute la gayn de guerre que le dit monsire Thomas ferra de sa main propre et la tierce des tierces de sa retenue et si aveigne que le dit Thomas ou ascun de sa retenue preigne ascun cheveinteigne ou piere de reyme, ville, chastell ou forteresse de noz ennemys le dit monseignour le Duc le avera devers soy fesant resonable gree aceluy que lavera pris come entre eux purront bonement accorder, et pour toutz cestes choses tenir fermez et stablez dun part et dautre les ditz partiez ount mys lour sealx entrechaungeablement a ycestes endentures. Donee a Loundres le ix jour de May lan du regne le Roy Richard seconde puis le conquest unsisme.

76 Thomas Mowbray, Earl Marshal and earl of Nottingham and Sir Thomas Clinton, London, 6 February 1389 (PRO, C66/354 m. 15, inspeximus of 15 October 1400).

Ceste endenture faite parentre nous Thomas conte Mareschall et de Notyngham seignur de Moubray et de Segrave dun part et nostre trescher et bien ame bacheler monsire Thomas de Clynton dautre part tesmoigne que nous avons graunte par ycestes au dit monsire Thomas un annuel rent de vynt livres aprendre de an en an de nostre manoir de Caludon a toute sa vie as festes de Pasque et de Seint Michel par oveles porcions, pur la quel annuite le dit monsire Thomas de Clynton est demore et retenu pur toute sa vie ovesque nous sibien pur la pees come pur la guerre en la forme qensuyt. Cestassavoir que

Page 108

le dit monsire Thomas Clynton travaillera et chivachera ovesque nous quel part que nous irrons deins le roialme Dengleterre et demorera ovesque nous a nostre volunte deins nostre houstel ove deux vadletz pur nous faire honure et service come appent, et avera de nous pur la pees bouche a court pur luy et ses ditz vadletz tant seulement pur toutes choses. Et prendra pur la guerre pur luy et ses servantz gages et regard tieux come nous le dit Conte prendrons pur luy et ses ditz servantz de nostre seigneur le Roy pur la viage ou journe quel nous ferrons et sera a bouche de courte ovesque nous ove deux valletz pur mesme le viage. Et si le dit annuel rent soit aderere et nient paie au dit monsire Thomas Clynton apres ascuns des termes susditz qadonque bien lise au dit monsire Thomas en nostre dit manoir destrendre et la destresse retener tanque gree luy soit fait, parensy qil nous face et perfourne son service avantdicte bien et covenablement. En tesmoignance de quele chose sibien nous come le dit monsire Thomas a cestes endentures entrechangeablement si avons mys noz sealx. Done a Londres le sisme jour de Feverer lan du regne le Roy Richard second puis le conquest douzisme.

77 Thomas Mowbray, Earl Marshal and earl of Nottingham and Thomas Fairfax, esquire, York, 27 March 1389 (Berkeley Castle, General Charter 3829).

Ceste endenture faite parentre Thomas conte mareschall et de Notyngham, seigneur de Moubray et de Segrave dune parte et Thomas Farefax esquier dautre part tesmoigne que le dit Thomas est retenuz pour terme de sa vie a demourer ovesque le dit conte sibien pour la pees come pour la guerre. Et sera le dit Thomas tenuz par ycestes de chivacher et travailler de pees ove le dit conte ou aillours es choses que touchent la salvacion de lonour ou droit et enheritance du dit conte par resonable garnissement au faire au dit Thomas de par le dit conte. Et prendra du dit conte chescun jour qil sera ensi chivachant vers le dit conte ou travaillant ovesque luy de pees a son mandement autielx gages pour luy et ses chivalx come un autre esquier mesneal de mesme le conte y prendra ove bouche du court pour luy et un vadlet et quant le dit Thomas chivache ou travaille en absence du dit conte as choses que touchent lonur et droitures de mesme le conte si prendra le dit

Page 109

Thomas en tiell travaille greignour gages par advis du dit conte ou de soun conseil. Et prendra le dit Thomas du dit conte pour la guerre autielx gages et regard come le dit conte prent du Roy pour homme de soen estat et sera a bouche du court ove un vadlet ovesque luy, pur quel retenu et service faire au dit conte come desuis est dit mesme le conte ad graunte au dit Thomas pour terme de sa vie un annuel rent de dis marcz a prendre de an en an en soun manoir de Hovyngham deinz le countee Deverwyk par my les mayns de soun receyvour illeoques que sera pour le temps as festes de Seint Michel et de Pasques par ovelles porcions.

Et si par cas aveigne que le dit annuel rent soit aderer en partie ou en tout a nient paie au dit Thomas deinz un moys apres ascuns des termes suisditz qadonqes bien lise au dit Thomas a destreigner en le manoir suisdit et la destresse tenir tanques gree a luy soit fait pleinement du dit annuel rent par ensi toutz voies que le dit Thomas perfourme et face les services et devoirs suisditz. Et si aveigne que heritage descende en apres au dit conte a la value de toutz ses terres et services quelx il ad au present entre mayns, qadonqes le dit conte soit tenuz par ycestes de graunter annuelment au dit Thomas pour terme de sa vie autres dys marcz pour ses services et autres devoirs suisditz par luy affaires en la fourme suisdite au dit conte. En tesmoignance de quele chose a la partie de ceste endenture demourant devers le dit conte le dit Thomas ad fait mettre soun seal. Don' a Everwyk le xxvij jour de Marcz lan du regne le Roy Richard second puis le conquest duszisme.

Fairfax

78 Thomas Mowbray, Earl Marshal and earl of Nottingham and Sir Robert Legh, London, 7 May 1389 (PRO, C66/373 m. 15, inspeximus of 11 June 1405).

Ceste endenture faite parentre nous Thomas conte Mareschall et de Notyngham seignour de Moubray et de Segrave dune parte et nostre

Page 110

trescher et biename bachiler monsire Robert de Legh dautre part tesmoigne que le dit monsire Robert est demorez et retenuz devers nous pour terme de sa vie sibien pour la guerre come pour la pees. Et prendra le dit monsire Robert pour la pees une annuite de vint marcz par an pour terme de sa vie as termes de Seint Michell et de Pasque par oveles porcions des issues de nostre manoir de Melton Moubray deinz le countee de Laycestre par les mayns de noz fermers, baillifs ou provostes quy pur le temps serront, pour quelle annuite le dit monsire Robert serra tenuz daler et chivacher ovesque nous quel partie que nous travaillerons deins le roialme Dengleterre a quel heure qil soit comandez depar nous. Et a quelle heure que nous serrons encresce par descent deritage de noz terres adonque le dit monsire Robert serra encresce de son annuitee par dys marcz. Et auxi sovent que le dit monsire Robert serra commandez depar nous pour venir devers nous le dit monsire Robert serra allouez de ses costages pour le temps qil demorera entour nous en manere come autres bachilers de son estat serront alouez. Et avera a bouche de court luy mesmes un esquier et un vadlet en temps de pees. Et sil aveigne que le dit annuitee de vynt marcz soit aderer en partie ou en tout par un moys apres ascun des ditz termes adonque bien lise au dit monsire Robert en le dit manoir de Melton Moubray destreindre et les destresses ent retenir tanque gree luy soit fait de ferme susdicte. Et prendra le dit monsire Robert pour la guerre pour luy et ses gentz darmes et archers qil amesnera tielx gages et regard come nous prenderons de nostre seignour le Roy pour le dit viage. Et averons du dit monsire Robert la tierce partie de toutz maneres de profitz ou gaignez par voie de guerre. En tesmoignance de quel chose a les parties de cestes endentures sibien nous come le dit monsire Robert entrechangeablement avons mys noz sealx. Donnee a Loundres le vij jour de May lan du regne le Roy Richard seconde puis le conquest duszime.

79 Thomas Mowbray, Earl Marshal and earl of Nottingham and

Page 111

Richard Burgh, London, 22 February 1390 (PRO, C66/359 m. 28, inspeximus of 24 February 1400).

Ceste endenture faite parentre nous Thomas Count Mareschall et de Notyngham seignour de Moubray et de Segrave dune part et nostre trescher et bien ame esquier Richard de Burgh dautre part tesmoigne que nous confiaunce en les loialtee, sen et bon discrecion du dit Richard luy avons ordenez et constitut nostre chief chamberlein a avoir le dit office pur terme de sa vie ovesque toutz les fees et profitz a ycell regardantz, a demorer continuelment entour nostre person ou aillours par nostre assignement. Et serra le dit Richard tenuz de nous faire honur, profit et service en le dit office come appent au chaumberlein de faire a son seignour. Et volons que le dit Richard preigne toutz les biens et hernoys qappartienent au dit office par endenture et les livera par endenture quant et solonc ceo qe busoignera et come il vorra respoundre sur son acompt. Et pour le bon et greable service que le dit Richard nous ad fait et ferra en temps avenir luy avons donez et grantez par ycestez un annuel rent de vint livres a prendre dan en an de nostre manoir de Burton en Lonesdal a toute sa vie as festes de Pasche et de Seint Michell par oveles porcions par quel annuitee le dit Richard est retenuz et demorez devers nous pour toute sa vie sibien pour la pees come pour la guerre en la forme qensuit. Cest assavoir que le dit Richard travaillera et chivauchera ovesque nous quele partie que nous irrons deinz le roialme Dengleterre et demorara ovesque nous a nostre volunte deinz nostre hostell ove un vadlet pour nous fair[e] honour et service come appent, et avera de nous pour la pees bouche de court pour luy et un vadlet et pour ses chivaux gages de nostre hostell acustumez, et prendra pour la guerre pour luy et ses servantz gagez et regardez tielx come nous le dit conte prenderons pour luy et ses servantz de nostre seignour le Roy pour la viage ou journee quele nous ferrons, et serra a bouche de court ovesque nous ove un vadlet pour mesme la viage. Et si le dit annuel rent soit aderer en partie ove en tout et nient paie au dit Richard par un moys appres ascuns des termes suisditz qeadonqe bien lise au dit Richard en nostre dit manoir destrendre et la destresse retenir tanque gree luy soit fait parensi qil nous face et parfourne bien et co[ve]nablement son service avantdit. En tesmoignance de quel chose si bien nous le dit conte come le dit Richard as parties de cestes endentures entrechangeablement avons mys noz sealx. Donnee a Loundres le xxii jour de Feverer lan du regne le Roy Richard second puis le conquest treszisme.

Page 112

80 Thomas Mowbray, Earl Marshal, earl of Nottingham and Sir Richard Basset, Epworth, Parts of Lindsey, Lincs., 26 May 1391 (PRO, C66/358 m. 10, inspeximus of 16 February 1400).

Ceste endenture faite parentre nous Thomas conte mareschall et de Notyngham, seignur de Moubray et de Segrave dun part et nostre trescher et bien ame bacheler monsire Richard Basset dautre part tesmoigne que le dit monsire Richard est demourez et retenuz devers nous pour terme de sa vie si bien pour la pees come pour la guerre. Et prendra le dit monsire Richard de nous pour la pees une annuite de dys marcz des issues provenantz de nostre manoir de Eppeworthe en lisle Daxholm de an en an a terme de toute sa vie as festes de seint Michel et de Pasques par ovelles porcions. Et serra le dit monsire Richard tenuz de chivaucher ovesque nous quele part qil nous chivacherons deinz le roialme Dengleterre, et avera le dit monsire Richard en temps de pees bouche de courte en nostre houstelle pour luy mesmes, un vadlet et un servant au temps que nous envoierons pour le dit monsire Richard et avera gages pur ses chivaux comes autres bachelers de son estate prendront de nous. Et avera le dit monsire Richard en temps de guerre tielx gages et regardes pour luy et pour les gentz qil amenera come nous le dit conte prendrons de nostreseignur le roy pour luy et ses ditz gentz et avera le dit conte la tiers de la tierz de ses gentz et la tiers de soy mesmes des gaignes de guerre par luy et ses ditz servantz, et avera en temps de guerre bouche de courte pour luy mesmes un vadlet et un servant. Et si le dit annuite de dys marcz soit aderer en partie ou en toute par deux moys apres ascuns des termes suisditz qadonque bien lise a dit monsire Richard en nostre dit manoir destreindre tanque gree luy soit fait de ceo que luy est aderere de son annuite suisdit issint toutz foitz qil face et perforne son service bien et convenablement. En tesmoignance de quele chose as parties de cestes endentures les parties susditz entrechangeablement ont mys lour sealx. Donne a nostre manoir de Eppeworth le xxvi jour de May lan du regne le roy Richard second puis le conquest quartorzisme.

81 Sir Ivo FitzWarin and Ralph Brit, Caundle Haddon, Dorset, 27 January 1392 (PRO, JUST 1/1519 m. 30).

Page 113

A touz yceux qi cestes lettres verront ou orront Ioun fitz Wareyn chivaler saluz en Dieux. Sachez moi avoir done et graunte et par icest escript endente conferme a Rauf Bryt fitz Rauf Bryzt del Merssh toutz mes terres et tenementz, rentes, services et reversions en Antiokes al countee de Dors' qux Richard Charleton nadgairs tenoit a tout sa vie. Et auxi jai done et graunte a dit Rauf fitz Rauf Bryt del Merssh toutz les rentes et servicez William Hoke qux il a moy rent annuelement pur touz lez terres et tenementz ove lour appurtenauncez appellez le Wythye qil de moi tient a terme de sa vie en Caundell Merssh en mesme le countee ensemblement ove la reversion de mesme lez terres et tenementz ove lour appurtenauncez come eschut apres la mort le dit William a avoir et tenir a dit Rauf fitz Rauf pour terme de sa vie rendant ent par an au dit Ioun, ses heires ou assignes un rose al fest de Seint Johan le Baptistre et a labbe de Shirbourne annuelment tresze soultz quatre deniers durant la vie le dit Rauf fitz Rauf sur tiel condicion que le dit Rauf fitz Rauf serra retenuz ove le dit Ioun fitz Wareyn come son esquier si bien pour guerre come pour la pees pour tut sa vie. Et le dit Rauf fitz Rauf prendra annuelment tiel vesture come autres gentils preignont de dit monsire Ioun et bouche de court pour luy et un valet, feyn et provendre pour deux chivalx as coustages le dit monsire Ioun pour la pees. Et si le dit Rauf fitz Rauf irra ove dit monsire Ioun as guerres le Roy, prendra lez gages et regard du roy pour luy et son archer du dit monsire Ioun et auxint skippeson pour eux et lours chivalx come affiert a lour estat. Et le dit Ioun voet et graunte par ycestes que si aveigne que le dit Rauf fitz Rauf veigne a tiel age ou qil soit malades ou autrement pris par ascun infirmite issint

Page 114

qil soit en nonpoar de travailler en manere come desuis est dit ou que le dit monsire Ioun defaille envers le dit Rauf fitz Rauf en null des covenantz avantditz que le dit Rauf fitz Rauf ayt et emoise touz lez terrez et tenementz, rentes, services et reversions avantditz ove lez appurtenantz en manere come desuis est dit, et outre ceo que le dit Rauf fitz Rauf soit descharge devers le dit monsire Ioun a luy servir come est avantdit, porveu toutzfoitz qa quelle temps que le dit Rauf soit sayn et en poair de travailler et que le dit monsire Ioun tiegne et perfourne toutz les covenantz avantditz de sa part a tenir qadonque le dit Rauf fitz Rauf soit tenuz deservir le dit monsire Ioun en manere et forme avantdit. Et le dit monsire Ioun et [ses]^P114Aa [P114Aa] Omitted in text.115 heirs garaunteront, acquiteront et defenderount touz les ditz terrez et tenementz, rentes, servicez et reversions ove lour appurtenauntz a dit Rauf fitz Rauf pour terme de sa vie sur la condicion et en la forme et manere avantdit. En tesmoignance de quelle chose sibien le dit monsire Ioun come le dit Rauf fitz Rauf a ycestes endentures entrechaungeablement ount mys lour sealx par yceux tesmoignes Johan Tower, Johan Glaunnvill, Thomas Peytevyn, Johan ffauntlerey, Johan Plumber et altres. Don' a Caundell le dymenge proschein apres la Chaundelhure lan du regne nostre seignur le Roy Richard quinzisme.

82 Thomas Beauchamp, earl of Warwick and Walter Power, Warwick, 12 September 1392 (PRO, C66/340 m. 28, inspeximus of 4 July 1394).

Ceste endenture fait parentre luy nobles hommes monsire Thomas de Beauchamp conte de Warr' dune part et Wauter Power esquier dautre part tesmoigne que le dit Wauter est demore ove le dit conte pur terme de sa vie sibien pur la pees come pur la guerre preignant annuelment du dit conte pur le pees dis livrez et pur la guerre vint livrez des manoirs de Buddebrok la Grove et Haseley en le contee de Warr' a les festes de la Nativite seint Johan le Baptistre et de Nowell par oveles porcions des issues de mesmes les manoirs par les mayns des baillis ou provostes illoesqes qui pur le temps serront. Et serra le dit Wauter meynal ove le dit conte sibien en temps de pees come en temps de guerre et avera bouche en court pur luy mesmes et un vadlet et feyn, provendre et ferrure pour deux chivalx come autres esquiers de

Page 115

son estat preignont du dit conte. Et avera le dit conte la tierce de qanque le dit Wauter et ses servantz preignont par voie de guerre issint que null prisoner soit mys al finance sanz lassent du dit conte. Et voet et grante le dit conte que si le dit annuel rent de dis livrez par an pour la pees ou de vint livrez pur la guerre soit aderere par un moys apres ascuns des termes avantditz, que bien lise au dit Wauter ou a son attourne celle partie en les manoirs avantditz destreindre et les destresses retinir tanque plein paiement luy ent soit fait. Et comencera le dit Wauter son an de guerre le jour de son remuement de son hostiel propre vers les parties ou le dit conte luy mandra par ses lettres. En tesmoignance de quel chose a cestes presentes endentures les avantditz conte et Wauter entrechangeablement ont mys lour sealx. Don' a nostre chastel de Warrewyk le duszisme jour de Septembre lan du reigne nostre seigneur le Roy Richard second puis le conquest seszisme.

83 Thomas Mowbray, Earl Marshal and earl of Nottingham and William Sutton, piper, Epworth, 26 July 1393 (Berkeley Castle, General Charter 3876).

Ceste endenture faite parentre nous Thomas conte Mareschall et de Notyngham, seigneur de Moubray et de Segrave dune part et William Sutton piper dautre part tesmoigne que le dit William est demorez et retenuz devers nous pur nous servir de son mestier pur toute sa vie sibien pour la pees come pur la guerre. Et prendra de nous en temps de pees un annuite de quatre marcs a prendre annuelment pour toute sa vie des issues de nostre manoir de Thresk en le contee Deverwyk as termes de Seint Michel et de Pasques par oveles porcions et sera tenuz le dit William de venir a nous a nostre commandement pur nous faire service come appent. Et avera bouche de court pur luy et^P115Aa [P115Aa] et interlined116 liveree pur son cheval en manere come ses compaignons noz autres ministralx prendront de nous a chescun temps que le dit William viendra a nostre houstel a nostre commandement.^P115Ab [P115Ab] a nostre commandement interlined116 Et prendra de nous en temps de guerre autieux gages et regardes come ses compaignons noz ministralx prendront. En tesmoignance de quele chose as parties de cestes endentures sibien le dit conte come le dit William ont mys lour sealx. Don' a Eppeworth le xxvj jour de Juyl lan du regne le Roy Richard second puis le conqueste dys et septisme.

William Sutton sa rendre au service par indenture

Page 116

84 Thomas, lord Despenser and John Willicotes (Wilcotes), Cardiff, 29 September 1395 (PRO, C66/358 m. 17, inspeximus of 15 February 1400).

Ceste endenture tesmoigne que Johan Willicotes esquier del counte Doxenford est detenuz et demourez ovesque son treshonure seigneur Thomas sire le Despenser pour pais et guerre pur terme de vie de dit Johan preignant annuelment de son dit seigneur pur son fee x li. en le Brodeton en le counte de Wilts' a les festes de Paske^P116Aa [P116Aa] de Paske interlined117 et de seint Michel par oweles porcions a terme de vie de dit Johan sur les condicions qensuent. Cestassav[oir] que en cas que son dit seigneur travaille a fere de guerre hors de roialme Dengleterre ovesque nostre seigneur le Roy ou en son service ou ove ascun autre pur queles viages, son dit seigneur prendra fees et gages et le dit Johan soit requis et charge pur aler et travailler ovesque son dit seigneur en les ditz viages, le dit Johan sera tenuz daler et travailler ovesque son dit seigneur luy mesmez, et ses gentz bien et covenablement arme et montez chescun solonc lour estat et degree pernant de son dit seigneur pur les ditz viages outre son dit fee de x li. fees et gages pur luy mesmes et ses gentz qil soit charge et comande de mesner ovesque luy a tant come autres gentz de son estate et degree prendront de son dit seigneur pur les ditz viage. Et outre ceo si le dit Johan soit charge par message ou par lettre de venir a son dit seigneur vers ascuns parties deinz le roialme Dengleterre ou de Galys ove ascun nombre des gentz que soit greindre ou meindre, le dit Johan est tenuz sur resonable garnisement de venir et lez amesner si ensy soit qil ne poet luy excuser par cause resonable, et pur tantz des gentz qil amesne avera et prendra gages solonc lour estat et degree pur le temps qills serront en le servise de lour dit seigneur. Et en cas que le dit Johan soit charge ou mande par lettre ou par ascun autre mandement de venir a son dit seigneur vers ascuns parties deinz le roialme Dengleterre ou de Galis, le dit Johan est tenuz de venir a son dit seigneur ove un vadlet, un garson et trois chivaux preignant gages pur luy et ses deux gentz et trois chivaux come autres de son estate et degree ent preignont de lour dit seigneur. Et si les x li. pur le fee de dit Johan soient aderere en partie ou en tut par qarant jours apres ascuns des termes suisditz et pur terme du vie du dit Johan

Page 117

qadonqs bien lise au dit Johan en tout le dit Brodeton distrendre pur le dit rent si soit aderer et la distresse amesner et recever tanque pleine gree luy soit fait de la dit rent ove les arrerages saunz contredit de nully. En tesmoignance de quele chose sibien le dit Thomas come le dit Johan aycestis endentures entrechageablement ont mys lour sealx. Done a Kerdef le jour de seint Michel larchang[el] lan du reigne le Roy Ric[hard] seconde puys le conquest ditzneofisme.

85 Thomas, duke of Gloucester and William Cheyne, Pleshey, 30 September 1395 (PRO, C66/356 m. 8, inspeximus of 13 November 1399).

Ceste endenture faite parentre Thomas Duc de Gloucestre dune parte et William Cheyne esquier dautre parte tesmoigne que le dit William est demoerez et retenuz devers le dit Duc pur paix et guerre a terme de sa vie et le dit William est tenuz de servir le dit Duc sibien en temps de paix come de guerre es quelx parties que plerra au dicte Duc bien et covenablement montez et arraiez solenc son degree, et prendra le dit William du dicte Duc pour son fee sibien en temps de paix come de guerre sesze livres par an de la seignurie de Holdirnesse par les meynes del Recevour de la dicte seignurie qui pour le temps serra as termes de Pasqes et de Seint Michell par egales porceons, et avera le dit William pour lui et un valet, son chamberleyn, bouche de court as toutz les foitz quil serra en la courte du dicte Duc de mandement et voluntee le dicte Duc et le dit William avera trois chivalx a livere de feyn, aveynes et ferrure pour la guerre, et en temps du paix qant il serra en la contre du dit Duc il avera livere ou gages pour ses chivaux tieles et en manere come autres de sa condicion averont. En droit des prisoners et autres profitz de guerre de tout ce que serra gaigne par le dit William ou par nul de soens le dite Duc avera la tierce partie entiere et si persone roiale, chivetayn ou lieutenant de guerre soit pris par le dit William ou par nuls des soens le dicte Duc sil voet avera les prisoners par devers lui, resonable gree fesant a lui qui les ad pris, et ferra le dit William moustre de lui et de touz ceux quil avera en sa compaignie en la guerre quant et atant des foitz quil enserra requys par le dit Duc ou par son lieutenant qui pour le temps serra de les

Page 118

guerres, et le dit William ove touz les soens serra entendant et obeisant au dit lieutenant selonc les ordenances et volentees du dite Duc, et si le dit Duc travaillera sur les enemys Dieux et plese avoir le dit William en sa compaignie le dit William serra au bouche de courte et son dicte chamberlein pernant son dicte fee sanz autres fees ou gages pur celle viage prendre. En tesmoignance de quelle chose les dictes Duc et William as cestes endentures entrechaungeablement ont mys lour sealx. Donne a Plecy le darrein jour de Septembre lan du regne nostre seignur le Roy Richard second puis le conquest Dengleterre dys et neofisme.

86 Thomas Mowbray, Earl Marshal and earl of Nottingham and Sir John Inglethorpe (Ingoldisthorpe), London, 26 April 1396 (PRO, C66/358 m. 13, inspeximus of 17 November 1399).

Ceste endenture faite parentre nous Thomas counte de Notyngham et mareschall Dengleterre, seignur de Moubray et de Segrave dune parte et monsire Johan Ingelthorpe dautre parte tesmoigne qe le dit monsire Johan est demorrez et retenuz devers nous pour toute sa vie si bien pour la pees comme pour la guerre. Et prendra le dit monsire Johan pour la pees annuelment durant sa vie vynt livres des issues de nostre manoir de Wylingtone en la countee de Bed[ford]e par les mayns des ffermers ou resceyvours illeoqes quy pour le temps seront as festes de Paske et seynt Michelle par owelles porcions. Et prendra le dit monsire Johan en temps de guerre pour luy et sa gent quil amesnera al tielx gages come nous le dit conte prendrons de nostre seignur le Roy pour le dit monsire Johan et ses ditz gentz pour le viage ou journe affaire. Et volons outre que apres ceo que nous sumes encresce par descent de heritage par la morte de nostre treshonoure dame et miere qadonque la dicte annuyte de vynt livre sera chaungez a quel lieu que nous et le dit monsire Johan purrons accorder que soit pluis pres leritage de dit monsire Johan. Et a quel heure que nous enveions pour le dit monsire Johan par noz lettres il prendra de nous autielx gages come nous durrons a autry bacheler de son estat. En tesmoignance de quele chose sibien le dit counte come le dit monsire Johan a ycestes endentures entrechangeablement ont mys lours sealx. Donne a Loundres le vynt et sisme jour daprill lan du regne le roy Richard le secound puis le conquest dys et noefisme.

Page 119

87 Thomas, lord Despenser and William Daventry, Sherston, 1 October 1396 (PRO, C66/358 m. 4, inspeximus of 14 November 1399).

Ceste endenture tesmoigne que William Daventre esquier del counte de Northampton est retenuz ademurrer ovesque mon treshonoure seigneur Thomas sire le Despenser, seigneur de Glamm' et Morg' pur pees et pur guerre pur terme du vie de son dit seigneur sur certeinez condicions qensuont. Cestassavoir que qant le dit William soit requis ou charge par son dit seigneur ou par mandement de sa lettre de venir a luy quel part qil soit deinz la roialme Dengleterre ou de Gales par sa lettre, le dit William viendra a son dit seigneur sur resonable garnisment ove trois chivaux et deux servauntes, preignant gages en manere come autre de son estat preignont enalant et retornant, et a sa venue tanque come il soit demurant en la compaignie de son dit seigneur il, sez servantez et ses chivaux serront a bouche de court. Outre ceo en cas que le dit William soit charge par son dit seigneur ou comande par sa lettre damesner ascunz gentz de quelle estat qills soient par la comandement susdit, que par tantez qil amesne il prendra gages pur eux accordantz a lour estatez pur aler demurer et retorner a lour hostiell. Et auxi en cas que son dit seigneur veulle travailler ou prendre ascun viage hors de roialme Dengleterre pur le quell il prendra gages de Roy ou dascun autre seigniour qeconque, si le dit William soit requis daler ovesque luy, il est tenuz daler ovesque luy et ove null autre en cas que le dit William veulle travailler, pernant de son dit seigneur tiellx gages come autrez de son estat et degree preignont, purveu toutfoiz qil ne travaillera ovesque null autre hors de roialme santz conge de son dit seigneur. Et outre ce si le dit seigneur veulle travailler en ascunz partiez hors de roialme Deingleterre sur les enemys nostreseigneur Jhesu Crist, a ses costages propres, et le dit William soit requis par son dicte seigneur daler ovesque luy, il serra tenuz de le faire, en cas que le dit William veulle travailler hors de roialme come desuiz est dicte prendra bouche de court pur luy et deux servantez et trois chivaux come desuiz est dit saunz autres gages. Et si le dit William plede ou soit emplede par ascun issint qil soit necessaire et busoignable dattendre, il serra excuse devers son dit seigneur dattendre entour sez busoignes avantditz pur le temps qil serra necessairement occupie entour ycell. Et si le dit William veulle aler hors de roialme en ascune pilgremage nient armez, il est tenuz pur demander conge de son dit seigneur de ceo faire le quell luy serra graunte. Et pur ycestez demure, service et retenue le dit Thomas son seigneur grante au dit William pur terme de vie une annuelte de vynt

Page 120

marcz de bone monee Dengleterre apprendre de son manoir de Scherston en le counte de Wilts' a lez festes de Pasch et de seint Michel par owells porcons. Et si le dit annuelte soit aderere en parcell ou en tout par quinsze jours ascunz des termes susditz durant toute la vie du dit William bien lise au dit William ou son attorne en le dit manoir ove toux les appurtenances distreindre et la distresse amesner ou que luy plest tanque il soit pleignement paiez de la dite annuelte et de les arrirages si ascunz isseront et sez costages. Et le dit Thomas, son seigneur, et sez heires la dite annuelte de prendre de la dit manoir ove lez appurtenancez en la forme susdite au dit William pur terme de sa vie encontre toux gentz garrenteront. En tesmoignance de quele chose a la partie de ceste endenture entrechangeablement avons mys nostre seal. Don' a Scherston le primer jour doctobre lan du regne le Roy Ric[hard] seconde puis le conquest vintisme.

88 Thomas Mowbray, Earl Marshal and earl of Nottingham and Richard FitzNichol, London, 18 April 1397 (PRO, C66/359 m. 36, inspeximus of 16 November 1399).

Ceste endenture fait parentre Thomas conte de Notyngham, mareschall Dengleterre, seigneur de Moubray, de Segrave et de Gower dune part, et nostre cher et biename esquier Richard Fitznycholl, dautrepart, tesmoigne que le dit Richard est retenuz et demurez devers nous pur terme de sa vie sibien pur la pees come pur la guerre. Et prendra le dit Richard de nous pur la pees une annuittee de dys marcs par an dont il sera paiez annuelment des issues et profitz provenantz de nostre manoir de Hynton en la countee de Cantebrigg a les festes de seint Michel et de Pasch par owelles porcions parmy les mayns de noz fermers ou receyvours qui sont ou seront pur le temps. Et prendra le dit Richard de nous pur la guerre autielx gages pur luy come nous prendrons de nostre seigneur le Roy pur ascun autre de son degree pur le voiage ou journe afaire. En tesmoignance de quele chose as ycestes endentures sibien nous le dit counte come le dit Richard entrechaungeablement avons mys noz sealx. Don' a Londres le xviii jour daveryll lan du regne le Roy Richard secund vintisme.

Page 121

89 Roger Mortimer, earl of March and Ulster and Sir Hugh Cheyne, Connaught, 20 October 1397 [French] (PRO, C66/369 m. 24, pub. in Holmes, 129-30).

90 Roger Mortimer, earl of March and James Butler, earl of Ormond and William, son of Piers Butler, Trim Castle, Co. Meath, 23 November 1397 (NLI, Ormond Deeds D 1365).

Ceste endenture faite parentre Roger de Mortemer conte de la March et Dulvestier, seignur de Wiggemore, Clare, Trym et Connaght dune parte et James le Boteller, conte Dormond et William filz Piers Boteller dautre parte tesmoigne que les ditz conte Dormond et William et chescun de eux pour le bone cousinage et entiere naturesce que le dit conte de la March lour ad fait et monstre, donant et grantant par sa chartre parentre eux endente au dit William, ses manoirs de Dunboigne et Moiemet ove les appartenances en la contee de Mid' a avoir et tenir au dit William et a les heirs masles de son corps engendrez, issint que si le dit William devye saunz heir masle de son corps engendre qadonques, apres la mort du dit William, les ditz manoirs ove les appartenances remeignent au dit conte Dormond et as heirs masles de son corps engendrez, la reversion des ditz manoirs ove les appartenances apres la morte des ditz William et conte Dormond, sils et chescun de eulx devyent saunz heir masle de lour corps engendre, au dit conte de la March et ses heirs reserve, sont demurrez envers le dit conte de la March pour paix et guerre a terme de loures vies, destre du conseil le dit conte de la March et luy foialment conseiller a tout lour seeu et poair et de travailler en la companye le dit Conte de la March et ses deputes en sabsence^P121Ab [P121Ab] et ses deputez en sabsence interlined122 en ses guerres Dirlande ove tauntz des gentz come ils purront bonement amesner selonc ceo qils ou lautre de eaux seront ou serra resonablement garniz depar le dit conte de la March a ses coustages resonables. En tesmoignance de quele chose les parties avantditz a cestes endentures entrechangeablement ont mys lours sealx. Don' al Chastel de Trym le vyngtisme tierce jour de Novembre lan du regne le Roy Richard second vyngtisme primer.

Page 122

91 John Holland, duke of Exeter and Thomas Trevarake, London, 22 September 1399 (PRO, C66/359 m. 9, inspeximus of 6 April 1400).

Cest endenture fait parentre Johan Duc Dexcestre, Counte de Huntyngdon et Chamberlein Dengleterre dune parte et Thomas Trevarake esquier dautre parte tesmoigne que lavantdit Thomas est retenuz et demurrez devers le dit Duc pour estre ovec luy devant toutz vivantz forpris soun seignur lige sibien pur la pees come pur la guerre suffisantment arraies come appartient a soun estat del jour de la fesance dicestes a terme de sa vie. Et prendra le dit Thomas du dit Duc annuelment durant sa dicte vie dys livres des issuez et proffitz prevanantz du seignurie du dit Duc de Comartyn en la countie de Devenshire as termes de Pasques et de Seint Michel par ovelles porcions par les mayns de son resceivour illoeques pur le temps esteant. Et pour la guerre tielx gages et regard pur luy mesmes come null autre de son estat ou condicion avera ou prendra du dit Duc. Et si aveigne que le dit Thomas soit envoiez en message du dit Duc le dit Thomas prendra tielx gages et regard come null autre de son estat ou condicion avera du dit Duc. Et pour le temps que le dit Thomas sera a lostel du dit Duc par son commandement il avera et prendra les gages de lostiel come les autres de son estat. Et en cas que le dit anuelte de dys livres soit aderere en partie ou en tout as ascuns des termes desuisditz que bien lise au dit Thomas et a ses assignes en le dit seignurie distreindre et enprendre distresse tanque le dit Thomas soit pleinement de toutz les arrerages paiez de tout le temps ency encorruz. Et cestes covenantz bien et loialment tenir garder et acomplir le dit Thomas ad fait seurement au dit Duc sur les Saintz Ewangilx. En tesmoignance de la quele chose les parties desuis ditz entrechangeablement ont mys lour sealx. Done a Londres le xxij jour de Septembre lan du regne le Roy Richard second vint et tierce.

92 John Holland, duke of Exeter and Thomas Proudfoot, London, 24

Page 123

September 1399 (PRO, C66/359 m. 18, inspeximus of 18 March 1400).

Ceste endenture fait parentre Johan Duc Dexcestre Counte de Huntyngdon et Chamberlein Dengleterre dune parte et Thomas Prodefote esquier dautre parte tesmoigne que lavantidt Thomas est retenuz et demores devers le dit Duc pur estre ovesque luy devant toutz vivantz forpris son seignour lige sibien pour la paes come pour la guerre suffisantment araies come appartient a soun estat del jour de la faisance dicestes a terme de sa vie. Et prendra le dit Thomas du dit Duc annuelment durant sa dite vie dys livres, pour les quelles dys livres le dit Duc done et graunte au dit Thomas toutz les terres et tenementz, rentes et services de Wynkelegh Tracy ove les appurtenantz en la countee de Devenshire a terme de la vie du dit Thomas. Et le dit Thomas maintiegnera et susteindra bien et covenablement durant sa dicte vie toutz les ditz terres et tenementz, rentes et services ove toutz les appurtenantz en auxi bon estat et degre ou meillour quilx ne furent le jour quil les resceupt. Et pour la guerre le dit Thomas avera tielx gages et regard pour luy mesmes come nul autre de son estat ou condicion prendra du dit Duc. Et si aveigne que le dit Thomas soit envoyes en message du dit Duc il avera tielx gages et regard come nul aultre de soun estat ou condicioun prendra du dit Duc. Et pour le temps quil soit en lostiell du dit Duc par soun comandement il avera les gages de soun hostiell come aultres esquiers ount. Et cestes covenantz bien et loyalment tenir, garder et accomplir le dit Thomas ad fait seurement au dit Duc sur les Seintz Ewangilx. En tesmoignance de la quelle chose les parties dessuis ditz entrechangeablement ont mys lour sealx. Don' a Loundres le xxiiij jour de Septembre lan de regne le Roy Richard second vingt et tierce.

93 Thomas Despenser, earl of Gloucester and William Hamme, London, 27 October 1399 (PRO, C66/359 m. 4, inspeximus of 17 April 1400).

Ceste endenture tesmoigne que William Hamme esquier del countee de Hereford est detenuz a demurer ovec mon treshonure seigneur

Page 124

Thomas le Despenser conte de Gloucestre pour pees pour terme de vie du dit William preignant annuelment de mon dit seigneur pour son fee dys marcz en le manoir de Burford en le counte Doxenford a les festes de Pasqz et seint Michel par oveles porciouns a terme de vie du dit William sur les condicions qensuent. Cestassavoir qen cas que mon dit seigneur travaille affaire de guerre hors du royaume Dengleterre ovesqz nostre seigneur le Roy ou en son service ou ove aucun autre pur quelles viages mon dit seigneur prendra fees et gages et le dit William soit requis et charge pour aler et travailler ovesqe mon dit seigneur en les ditz viages le dit William sera tenuz daler et travailler ovesqe mon dit seigneur luy mesmes et ses gentz, bien et covenablement armez et mountez chescun selonc lour estate et degree, pernant de mon dit seigneur pur les ditz viages fees et gages pour luy mesmes et ses gentz qil soit charge et comaunde de mesner ovesqe luy a tant come autres gentz de son estat et degree prendront de son dit seigneur pur les ditz viages saunz rien prendre du dite annuitee de dis marcz durante le temps du dit viage. Et outre ceo sil aveigne que mon dit seigneur veut travailler vers les parties de Sprws, Rodes ou vers aucuns autres parties quelconques hors du roiaume Dengleterre ou de Galis en queles parties qil plest a mon dit seigneur sur ses coustages demesnes et le dit William soit requis de travailler ovec mon dit seigneur^P124Aa [P124Aa] seigneur interlined125 vers les parties suisditz le dit William est tenuz daler et chivacher ovec mon dit seigneur luy mesmes covenablement arraie preignant pur luy come autres de son estat et degree preignont. Et en cas que le dit William soit charge ou mande par lettre ou aucun autre mandement de venir a mon dit seigneur vers aucuns parties deinz la roiaume Dengleterre ou de Galys le dit William est tenuz de venir a mon dit seigneur ove un vallet, un garson, troys chivaux pernant gages pour luy et ses deux gentz et trois chivaux come autres de son estat et degree ent prendront de mon dit seigneur. Et outreceo si le dit William soit charge par message ou par lettre de venir a mon dit seigneur vers aucuns parties deins la roiaume Dengleterre ou de Galys ove aucun nombre de gentz que soit greindre ou meindre le dit William est tenuz de venir et les amesner si ensy soit qil ne puet luy excuser par cause resonable et pur tantz de gentz qil amesne avera et prendra gages selonk lour estat et degree pur le temps qils serront en le service mon dit seigneur. Et si les ditz dis marcs pur le fee du dit William soit aderere en partie ou en tout par carante jours apres ascuns des termes desuisditz et pour terme de vie de dit William qadonques bien lise au dit William en tout le dit manoir distreindre pur le dit rent qi soit aderere^P124Ab [P124Ab] qi soit aderere interlined125 et la distresse amesner et retener tanque plein gree luy soit faite de le dit rent ove les arrerages sanz contredit

Page 125

de nully. En tesmoignance de quelle chose sibien le dit Thomas come dit William a ycestes endentures entrechangeablement ont mys lours seales. Don a Londres le xxviii^me jour doctobr' lan du regne le Roy Henry quart puis le conquest primer.

94 Ralph Neville, earl of Westmorland and John Pirian, London, 15 February 1400 (PRO, C54/245 m. 16d).

Cest endenture faicte parentre Rauf cont de Westm[orland] seignur de Nevill et mareschall Dengl[eterre] dune part et Johan Pyrian esquier dautre part tesmoigne que acorde est que le dit Johan demora ove le dit cont pur terme de sa vie quant il serra hors du service du Roi par licence ou par congie du Roi quell temps qil serra resonablement garniz par le dit cont sibien pur le peax come pur la guere, pernant du dit count pur la peax par an cynkaunt livres desterl[inges] de la manoir et vil de Boston en la countee de Nicol. Et prendra le dit Johan du dit cont pur la guerre come il fait as autres de son degree et condicione. Et avera le dit cont les tierces du gaignie du guere againiers par le dit Johan et par ses gentz queux il avera as gages ou coust du dit count. Et le dit Johan serra mounte, arme et araie et prest pur traveiller ovesqe le dit cont et ove son depute quell temps qil serra garnie, come affiert a son degree, sil ne soit en la service nostre seigneur le Roy. Et le dit Johan ne traveillera hors du service du dit count ovesqe nully forsqe en la service nostre seigneur le Roy saunce especiale congie du dit cont. En tesmoignance de quell chose a ycestes endentures entrechaungeablement les partiez avauntditz ount mys lour sealx. Don' a Loundres le quinszyme jour de Feverer lan du regne le Roi Henri le quart puis le conquest primer.

Page 126

95 Ralph Neville, earl of Westmorland and Anthony Ricz, London, 15 February 1400 (PRO, C54/245 m. 23d).

Ceste endenture faicte par entre Rauf cont de Westm[orland]^P126Aa [P126Aa] Letters and words in brackets omitted in the enrolled text127 seignur de Nevill [et mareschall] Dengle[terre] dune part et Antoyne Rycz dautre part tesmoigne [que le dit Antoyne] demora ove le dit cont pur terme de sa vie quant il serra hors du service du Roy par licence ou per congie du Roi quell temps qil serra resonablement garniz par le dit cont sibien pur la peax come pur la guerre, pernant du dit cont pur la peax par an cent livres de nostre manoir de Crowhirst et de noz autres manoirs, terres et tenementz en le counte de Sussex pertenant al seigneurie de Richm[ond]. Et prendra le dit Antoyne du dit conte pur la guere come il fait as autres de son degree et condicione. Et avera le dit cont le tierces du gaignie du guerre agaigniers par le dit Antoyne et par ses gentz queux il avera as gages ou coust du dit cont et le dit Antoyne serra monte, arme et arraie pur travailler ove le dit cont et ove son deputee quell temps qil serra garnie come affiert a son degree sil ne soit en la service nostre seigneur le Roy. Et le dit Antoyne ne travaillera hors du service du dit cont ovesque nully forsqe en la service nostre seigneur le Roy saunce especiale congie du dit cont. En tesmoignance de quel chose a ycestes endentures [les parties avantditz] entrechangeablement ont mys lour sealx. Don a Loundr[e]s le quinzisime jour de Feverer lan du regne le Roy Henry le quart puis le conquest Dengl[eterre] primer.

Page 127

96 Ralph Neville, earl of Westmorland and Nicholas Aldrewich, London, 15 February 1400 (PRO, C54/245 m. 16d).

Cest endenture faicte parentre Rauf cont de Wesm[orland] seigneur de Nevill et mareschall Dengle[terre] dune part et Nicholas Aldirwyche esquier dautre part tesmoigne que le dit Nicholas demora ovesque le dit cont pur terme de sa vie quant il serra hors du service du Roy par licence ou par congie du Roy quell temps qil serra resonablement garniz par le dit cont sibien pur la peax come pur la guerre, pernant du dit cont pur la peax par an cent et dys marcz de la manoir de Qwassyngburgh et des terres et tenementz de mesme la ville en le countee de Nicol pertenaunt al seigneurie de Richm[ond]. Et prendra le dit Nicholas du dit conte pur la guere come il fait as autres de son degree et condicion. Et avera le dit cont les tierces du gaignie du guere agaigniers par le dit Nicholas et par ses gentz queux il avera as gages ou coust du dit cont. Et le dit Nicholas serra mounte, arme et araie et prest pur traveiller ovesqe le dit cont et ove son depute quell temps qil serra garnie come affiert a son degree, sil ne soit en la service nostreseignur le Roy. Et le dit Nicholas ne travellera hors du service du dit cont ovesque nully forsque en la service nostreseigneur le Roy sanz especial congie du dit cont. En tesmoignance de quell chose a ycestes endentures les parties avantditz entrechaungeablement ount mys lour sealx. Don a Loundres le quinzsime jour de Feverer lan du regne le Roy Henry le quart puis le conquest Dengl[eterre] primer.

97 Thomas Beauchamp, earl of Warwick and John Longville, esquire,

Page 128

Warwick, 8 June 1400 (Oxford, Bodleian Library, D. D. Radcliffe a.2 (218)).

Ceste endenture fait parentre Thomas Beauchamp, conte de Warr' dune parte et Johan Longevylle esquier au dit conte dautre parte tesmoigne que le dit Johan est demoerre pur terme de sa vie ove le dit conte de peas et de guerre pernant annuelment pur soun fee pour la peas dys marcz a toute la vie le dit Johan del manoir de Multon en la conte de Northamton quel fee le dit conte ad done al dit Johan par ses lettres patentes, a avoir a toute la vie le dit Johan come par ses lettres patentes au dit Johan ent faits piert pluis au pleyn. Et viendra le dit Johan au counte quant il serra mande depar le dit conte ove un valet et deux chivaux et avera bouche de c[our]te pur luy mesmes et liveree ou gages pur soun vadlet et ses chivaux pur le temps de sa demoerre. Et pour la guerre al temps que le dit conte trava[ill]era mesmes en propre persone viendra le dit Johan par resonable garnissement du dit conte bien et sufficealment armez et monte come affiert a soun estat ove ses hommes arraiez covenablement. Et avera pur le temps de guerre pur luy et ses hommes gages atantz et tielx come le Roy donne as autres esquiers de soun estat ove bouche de courte pur luy mesmes et liveree ou gages pur ses gentz et chivaux pur le temps esteantz issint toutefoitz que pur le temps de guerre la dite fee de dys marcz pur la peas cessera. Et avera le dit conte la moyte de quanque le dit Johan ou ses gentz gaynera ou gayneront par voie de guerre et sils un ascun de eaux preigne ou preignont ascun prisoner il ne serra mys au fynance ou a reanceon sanz lassent du dit conte et soun counsaill. Et avera le dit Johan pur luy, ses gentz et chivaux esqipesoun a la maer en alant et retornant a les custs le dit conte. En tesmoignance de quelle chose les parties avanditz entrechangeablement ont mys lour sealx a y ces tesmoigns Mons. Nich' Lillyng, Mons. Johan Trussell, Mons. Averey Trussell, Mons. Gilles Mallory, Rauf Par[ker] et autres. Don' a Warr' le viij^e jour de Juyn lan du regne le Roy Henry quart puis le conquest primer.

98 Michael de la Pole, earl of Suffolk and Sir William Berdewell

Page 129

(Bardwell), London, 8 February 1401 (Suffolk RO, Borough of Eye Records, EE 2/T/1).

Sachent toutz gentz, Nous Michel de la Pole Count de Suff' avoir done et graunte par cest fait endente a nostre chier et bien ame Mons. William Berdewell un annuel rente de vynt livres a prendre annuelement del fest de Seynt Michel proschein avenir as festes de Pask et Seynt Michel par ovelles porcions a terme de vie naturell du dit Mons. William des issues et profites del Chastell, ville et manoir de Eye pur le bon et greable service que le dit Mons. William ad fait a nous^P129Aa [P129Aa] a nous interlined130 en temps passe et ferra en temps avenir sibien en temps de guerre come en temps de peas, a avoir et tener a dit Mons. William et a sez assignes le dit annuel rente come devant est dit pur terme de vie le dit Mons. William. Et voillons et grauntons par ycestes pur nous et pur noz heirs et pur noz assignes qe a quele heure qe le dit annuel rent soit aderrere en partie ou en tout al ascun terme susdit, qe bien lise a dit Mons. William ou sez assignes distreindre en les ditz Chastell, ville et manoir ove les a[rrerages et ]^P129Ab [P129Ab] Three small holes in MS affecting text indicated here and elsewhere by square brackets130 les distresses ove luy chacer tanqe gree luy soit faite de ceo qe soit aderrere ove les costages et damages. Et le dit Mons. William serra tenuz de servier le dit Count, sibien en temps de guerre come en temps [de peas ]serr […] et garny de part le dit Count bien et covenablement montez et arraiez come a son estat appartient.

Cest assavoir luy mesmes ove un Esquier, deux Vadlettes et un Garcion et cynk chivaux. Et […] qe […] Mons. William soit a bouche de nostre Courte ove sez ditz servantz et chivaux en temps de peas ou […] ment qe un vadlet et un Garcion et Chivaux soient a gages come autres seront del meigne du dit [count], et aura pur sez chivaux […] gnable.^P129Ac [P129Ac] et aura pur sez chivaux [ . . . ]gnable interlined130 Et si le dit Mons. William soit travaillant en Engleterre del comandement du dit Count hors de son hostell il serra allowe resonablement pur sez costages et dispenses. Et avera vesture un foitz par an appurtenant a son estat quant le dit Count donera vesture as autres gentils.^P129Ad [P129Ad] This whole sentence interlined130 Et auxint si le dit Mons. William soit

Page 130

maheimez ou maladez ou de tiel age qil ne poet travailler pur servier le dit Count, nient contresteant le dit Count voet et graunte par yceste qe le dit Mons. William eit et enjoise le dit annuel rente de vynt livres come est susdit a toute sa vie. Et le dit Mons. William sera tenuz de servier et travailler luy mesmes ove un vadlet a bouche courte^P130Ae [P130Ae] luy mesmes ove un vadlet a bouche courte interlined131 ove le dit Count en temps de guerre bien arraiez come a luy affiert et ovesqe a tantz des^P130Af [P130Af] des interlined131 gentes darmes et Archiers al chival ou a la meere sanz chivaux solonc ceo qe le viage demande, come serra accorde parentre eux preignant tielx fees et gages et paiement de guerre et regarde pur luy mesmes et sez gentz come le dit Count prent du Roy pur autres de lour estat et condicion. Et endroit de prisoners et autres profites de guerre prisez ou gaignez par le dit Mons. William ou par ascun de sez gentz en le service du dit Count, le dit Mons. William et ses gentz auront les deux parties et le dit Count aura la tierce partie. Et en cas qe le dit Mons. William ou ascun de sez gentz preigne Seignour ou Capitaigne des gentz darmes qils ne purront mettre a finance ne eaux delivrer sanz licence du dit Count. Et del comensement de son an, demi an, ou quart del an, ou autre temps de guerre ensemblement de leskippeson et reskippeson de luy, sez gentz, chivaux et harnoys, le dit Count ferra a luy en maniere come nostre dit Seignour le Roy ferra a dit Count pur autres de son estat en celle viage. En tesmoignance de quele chose a cestes endentures sibien le dit Count, come le dit Mons. William entrechangeablement ount mys leur sealx. Donez a Loundres le viii^e jour de Fevrier lan du regne nostre Seignour le Roy Henry quart puis le conquest seconde.

99 Henry Percy, earl of Northumberland and Sir William Curwen, Warkworth, 8 May 1401 (Cumbria RO, Carlisle, D Lons/L/MD/WO 5).

Ceste endenture faite a Werkeworthe le viij jour de May lan du regne nostre seigneur le roy Henry quart second tesmoigne qe accorde est

Page 131

parentre le treshonore et puissant seigneur le Conte de Northumbr' Conestable Dengleterre dune part et Mons. William de Curwen dautre part, qe le dit Mons. William ferra feoffement et seure estat estre fait en fee simple a Johan de Curwen frere au dit Mons. William et certeines persones a nomer par assent sibien du dit Conte come par le dit Mons. William en les manoirs de Wirkyngton, Seton et Thornethwayt en Derwentffelles en le contee de Cumbr' ove les appurtenances, sur tiele condicion qe les ditz enfeffez refefferont le dit Mons. William en les manoirs susditz ove les appurtenances a avoir au dit Mons. William et ses heirs de son corps engendrez, issint qe par defaute de issue de dit Mons. William les ditz manoirs ove les appurtenances remayndrent au dit Conte et ses heirs de son corps engendrez. Et si le dit Conte devie sanz heir de son corps engendrez que touz les ditz manoirs ove touz lour appurtenances remayndrent a Mons. Gilbert de Curwen piere au dit Mons. William pour toute sa vie; le remeyndre apres le decees du dit Mons. Gilbert a ses droitz heirs. Pur quel feffement et […] faire come desus est dit, les susditz Conte et Mons. Henry de Percy son filz ferront seure estate au dit Mons. William de une annuitee de vyngt marcs par an a prendre a terme de sa vie as termes de Seint Martyn et Pentecost par oveles porcions; pur quele annuitee le dit Mons. William est demorez par toute sa vie en chief as ditz Conte et son filz en temps de pees, savant sa legeance. Et le dit Conte ferra seure estat au dit Johan de Curwen de une annuitee de vyngt lyveres par an a prendre a mesmes les termes tanque il soit avancez a un benfice de Seinte Esglise a la value de quarant livres par an ou plus par le dit Conte ou ses heirs ou lour eide. Et en cas qe le dit Conte ou ses heirs soient prestz pour luy avancer a tiel benfice come devant est dit et le dit Johan ne le voet acceptier, qadonques la dite annuitee de vyngt livres a luy grantee par le dit Conte cesse et soit quasse a touz jours. Et outre ce le dit Conte ou son dit filz ferra seure estat a Christofre de Curwen filz au dit Mons. William dune annuitee de cent souldz pour terme de sa vie a prendre as termes susditz. Pur quele annuitee le dit Christofre sera ove le dit Conte et son dit fils en chief a terme de sa vie en temps de pees. Et en cas qe le dit Christofre change son estat et preigne lordre de chivaler il serra adonqes en chief ove le dit Conte et son dit fils a toute et prendra annuelement apres le dit ordre pris as termes susditz pur la pees dys marcs par an et cessera la fee de cent souldz susdit. Et plus outre est accorde parentre les parties avantdites qe les ditz Conte et Mons. Henry son filz relesseront au dit Mons. William toutes accions

Page 132

de obligacions de reconissances et toutes autres accions personeles, et le dit Mons. William relessera as ditz Conte et son ditz filz et a tous leurs servantz et autres par eux a nomer touz maners de trespas avant ces heures faitz a luy ou a sez tenantz et servantz dedeinz les contees de Westmerland et Cumbr'. Et si ascune chose soit amender en les matires susdites qil soit amende par avys et conseil de ambedeux parties a ce eslieuz, toutes voies les substances des matires susdites esteantz en lour force et effect. En tesmoignance de quele chose a y cestes endentures les parties susdites entrechangeablement ont mys lour sealx. Escrit les jour et lieu susditz.

le cont de Northumland et Sir W. Curwen

100 Ralph Neville, earl of Westmorland and Sir Thomas Grey of Heaton, 6 August 1404 (PRO, E326/3515).

Ceste endenture faite par entre Rauf conte de Westmerland, sire de Nevill et mareschal Dengleterre, dune part, et monsire Thomas Grey, sire de Heton, dautre part, tesmoigne que le dit monsire Thomas est demore avec le dit conte a terme de sa vie si bien pour la pees come pour la guerre contre toutz gentz hors pris nostre tressouverain seignur le Roy et ses filz, Roys Dengleterre. Et pour ce que le dit conte a achate et purchase par ses deniers loffice de la conestablerie du chastel de Banbourgh, quel office il vouche saf sur le dit monsire Thomas et lui ent a fait avoir graunt a terme de sa vie par lettres patentes de nostre dit seignur le Roy, tant mesmes monsire Thomas relesse par icestes au dit conte toutes manieres accons et demandes dascun fie aprendre du dit conte par an pour toute sa vie pour sa demouree susdite. Et toutes heures que le dit monsire Thomas travaillera de guerre avec le dit conte ou par son assignement le dit counte paiera a lui et a ses gentz comme il faira a autres de leur degree sanz aucun rebat afaire en leur gages par cause du dit office. Et le dit monsire Thomas et ses gentz feront arrere au dit conte tielles devoirs des gaignes de guerre et dautres services comme autres gentz de leur degre feront a le conte susdit. Et pour les covenances avantditz tenir fermement al dit conte par le dit monsire Thomas en maniere avant dite, le dit

Page 133

monsire Thomas a plevy sa foy a mesme le conte. En tesmoignance de quelle chose les parties avant ditz as parties dicestes endentures entrechangeablement ont mis leurs sealx. Le vi^e jour de August lan du regne du Roy Henry le quart puis le conqueste quint.

Gray

101 Henry, prince of Wales and John Legh of Booths, Chester, 18 October 1404 (PRO, CHES 2/78 m. 3).

Ceste endenture fait parentre le treshault et puissant prince Henry eisne filz au noble roi Engleterre et Ffraunce, prince de Gales, duc de Guyenne, Lancastre et de Cornewaill et counte de Cestre dune part et Johan de Legh de Bothis esquier dautre part tesmoigne que le dit Johan est retenuz et demourez vers le dit prince pour luy servir tant en temps de pees come de guerre a terme de sa vie et pur travailler ovec luy as queles parties qil plerra au dit prince bien et covenablement mountez, armez et araiez come a son estat appartient. Et sera le dit Johan en temps de pees as gages et bouche de court du dit prince a ses diverses venues illoeques quant pur luy sera envoiee par lettres de mesme le prince ou de son mandement en manere come seront ses autres escuiers de son estat et condicion, pur quele demoure mesme celluy prince de lavys de son conseil ad graunte au dit Johan pur son fee la ville de Sutton ove les appurtenantz deinz la forest de Macclesfeld a avoir pur terme da sa vie tanque a value de vynt marcz par an, rendant au dit prince annuelment a son Eschequer de Cestre le surplusage provenant des issues et revenues de mesme la ville outre les vynt marcz annueles avantditz a la fest de seint Michell pur tout lan, et sil aveigne que le dit Johan faille en paiement du dit surplusage en partie ou en tout par quarant jours apres ascun fest suisdit durant sa vie qadonqes bien lise au dit prince et a ses heirs de rentrer en mesme la ville et ycelle tenir en son primere droit, ceste endenture non obstant. Et outre ce prendra le suisdit Johan de lavantdit prince en

Page 134

temps de guerre autielx gages de guerre ou autrement autielx gages et bouche de court du dit prince come prendront ses autres esquiers de son degree pur le viage, des queles gages il sera paiee par les mains del Tresorer du dit Prince pur la guerre qi pur le temps sera. Et le dit Prince avera sibien la tierce des prisoners et profitz de guerre par le suisdit Johan prises ou gaignez come le tierce del tier[c]e prises ou gaignez par ascunz de ses gentz en le service du dit Prince, et sil aveigne que ascun chieftain, ville, chastell ou forteresse soit pris ou gaignez par le suisdit Johan ou par ascun de ses gentz en le service du dit Prince mesme celluy Johan ferra deliverance au dit Prince de tiel chieftein, ville, chastell ou forteresse ensi par luy ou par ascun de ses gentz prises ou gaignez preignant du dit Prince suffisant regard en ce partie, et endroit del commencement de son an de guerre ensemblement et de leskippeson de luy, ses gentz, chivalx et hernois mesme celluy prince ferra a luy en manere come il ferra a ses autres esquiers de son estat et condicion. En tesmoignance de quele chose a la partie de ceste endenture remaignant vers lavantdit Johan le dit Prince ad mys son seal. Don' a Cestre le disoitisme jour Doctobr' lan du regne nostre tresredouteseignour^P134Aa [P134Aa] Tresredouteseignour interlined135 le Roi Henri quart puis le conquest sisme.^P134A250 [P134A250] Two mandates relating to this indenture are enrolled with it on the same membrane: i. Letters of the prince, dated at Coventry, 18 Oct. 1404, informing the Chamberlain of Chester that he had retained Legh, reciting the terms of the indenture, and ordering him to cancel the existing letters patent by which Legh had possession of the town of Sutton by the prince's gift and to issue to him instead noz lettres patentes endentees solonc la forme del copie dune endenture quele nous vous envoions encloos deinz cestes; ii. Letters of the prince to the Chamberlain of Chester, dated at Hereford, 20 April 1406, informing him that Legh had certified that the tenants of Sutton were anciently accustomed to pay their annual dues and rents at Michaelmas only, with the result that Legh is committed by the terms of his indenture to paying half the surplus of the vill a term before he has received it. By advice of his council, the prince had therefore granted Legh's petition that he be required to render the surplus revenues at Michaelmas only: volons de lavys de nostre conseill et vous mandons que sur nostre dit primere graunte et de mesme la date desouz nostre seal de vostre office illoeques en vostre garde esteant vous facez avoir au dit Johan noz lettres patentes endentes en due forme rendant a nous annuelment a nostre Eschequer de Cestre le surplusage provenant des issues et revenues de mesme la ville outre les vynt marcz annueles suisditz a les festes de Seint Michel tant soulement. This is the form in which the indenture appears on the roll, which thus differs in two significant respects from the original agreement concluded between Legh and the prince.135

102 Ralph Neville, Earl Marshal, earl of Westmorland and John de

Page 135

Thorp, esquire, Raby, Co. Durham, 24 April 1406 (PRO, E327/BX 176).

Ceste endenture faicte parentre Rauf conte de Westmerland, Sire de Nevill et mareschal Dengleterre dune part et Johan de Thorp esquier dautre parte tesmoigne que le dit Johan est demore et retenu ovec le dit conte pur terme de sa vie encontre toutes gentz sauvant nostre tressoverein seignur le roy et ses heirs rois Dengleterre pernant par an du dit conte en temps de pees quarrant souldz par an pur son fee as termes de seint Martyn en yver et Pentecost par ovelles porcions par les maynes de nostre resceivour de Richmond qui pur le temps y serra, et prendra en temps de guerre autielx gages come le dit conte donera as autres de son degree, rebatuz toutesfoiz lafferant de son dit fee pur le temps de guerre. Et serra le dit Johan bien et covenablement montez, armez et arraiez et prest toutdiz a chivaucher ovec le dit conte ou son depute a toutes les foiz quil serra garny a ce faire. Et le dit conte avera les tierces de guerre gaignez par le dit Johan ou par sez gentz quelx il avera as gages ou coust du dit conte. Et saucune capitayn ou homme destat soit pris par le dit Johan ou par ses dictes gentz le dit conte lavera faisant al pernour resonable regarde pur lui. En tesmoignance de quelle chose a ycestes les parties susditz entrechangeablement ont mys lour sealx. Don' a Raby le xxiiij jour daverill lan du regne le roy Henry quart puis le conquest septisme.

Thorp

103 Sir John de Lumley and Robert de Lumley, esquire, 20 September 1407 (Sandbeck Park, Maltby, Rotherham, Yorks., Muniments of the Earl of Scarbrough, MTD/A2/12).

Ceste endenture faite parentre Johan de Lumley chivaler dune part et Robert de Lumley son frere esquyer dautre part, tesmoigne que le dit Robert est demurre et retenuz en chief ovesque le dit Johan sibien

Page 136

pour la guerre come pour la pees pour terme de sa vie, et serra le dit Robert covenablement mountez et arraiez pour travailler ovesque le dit Johan en sa compaignie quant il serra a ceo resonablement requise et avera le dit Robert bouche de court pour luy, une vadlet et un garsoun pour lour chivalx pour la temps qil serra travaillant ou meyniell en la compaignie le dit Johan, pur quele demourer le dit Johan ad fait mons. Rauf de Eure chivaler, Robert de Wyclyff clerc et William Mayhu doner et graunter a dit Robert et ses heirs males un annuell rente de vingt livres issant de lour manoirs de Morton' et Hesilden' les queux manoirs ils ount du doun et graunt le dit Johan, de quele graunt du dit annuite certeynes endentures sount faitz parentre les ditz mons. Rauf, Robert de Wyclyff et William et le dit Robert de Lumley de annullere le dit graunt sur condicions comprisez en les endentures susditz en cas qils soient enfreyntz par le dit Robert de Lumley ou ses heirs malez come en les endentures ent faitz pleynement est contenuz. En tesmoignance de quele chose les parties avauntditz a y cestes endentures entrechangeablement ount mys lour seals. Don' le vintisme jour de Septembre lan du regne le Roy Henr' quarte puis le conqueste oeptisme.^P136A256 [P136A256] On 11 April 1410 Sir John de Lumley released his brother from the penalty clauses of the indenture for the next six years in this form: A toutz iceux qi cestes lettres verront ou orront Johan de Lumley chivaler salutz en Dieu. Comant que mon tresamee frere Robert de Lumley esquier soit demouree ovesque moi en chief pour la guerre et pees pour terme de sa vie issent que sil face sa demoere pour terme de vie ou dans ou voluntee ove ascune autre persone que moy saunz mon assent, voluntee et congie, qadonques un annuell rent de vint livres graunte a dit Robe[rt mon fre]re, et sez heirs madles de soun corps engendrez, par mons. Rauf de Eure, Sire Robert de Wyclyff clerc et William Mayhu issantz de lour manoirs de Morton et Hesilden deinz leveschie de Duresme les q[uels je] voille, et [i]ls ount de mes doun et feffement, cesse a toutz jours et le fait endentee eut fait soit de nulle value. Saches moi avoir done et graunte pleyn assent, voluntee et congie par icestes au d[it frer]e cesse en ascune [ ] demourer ovesque qique seigneur que luy plerra et meulx semblera pour soun profit et a sa voluntee demesne pour le terme de sys ans proscheins aveniers apres la date dicestes, et ceo non obstant jeo [ ] le R[ ]este que par cause del demoere suisdite ovesque qique seigneur que plerra et meulx semblera au dit Robert, mon frere, pour le dit terme de sys ans come desuis est dit, le dit annuelle rent [ ]niere eyns estoise en sa pleyn force et vertue. En tesmoignaunce de quele chose a ycestes jay mys mon seall. Don' le unzisme jour del mois daprill lan du regne [le roi Henri q]uart puis le conquest Dengleterre unzisme. MTD/A2/13, MS holed, sealed through turn up on tag with similar but slightly smaller seal to MTD/A2/12 and inscribed with the letters I and L (for John de Lumley) on either side of the popinjay. William Mayhu was still in Lumley's service in 1419 (MTD/A1/8).137

Page 137

Haseldine Morton

104 Henry, prince of Wales and Thomas, earl of Arundel, Westminster, 20 February 1408 (PRO, CHES 2/80 m. 3).

Ceste endenture faite parentre le hault et puissant prince Henry prince^P137Aa [P137Aa] Henry prince interlined138 de Gales, duc de Guyen, de Lancastre et de Cornewaille et cont de Cestre dun part et son trescher et tresame cousyn Thomas cont Darondell et de Surr' dautre part tesmoigne que mesme le count est retenuz et demurrez devers mon dit seigneur le prince pour lui servir sibien en temps de pees come de guerre, a pees et a guerre sibien depar decea come de la ou sur la miere, pur terme de sa vie, et pour estre ovesque monditseigneur le prince a pees et a guerre encountre touz gentz du monde except nostre tresredoubteseigneur le Roy Henry piere a mesme monseigneur le prince, pur le quel service prendra le dit cont de mon ditseigneur le prince deux centz et cynquant marcs par an a son Eschequer de Cestre as termes de Pasque et de Seint Michell par oveles porcions. Et avera le dit cont quant il sera deinz lostiel de mon ditseigneur le prince ovec luy quatre de ses escuiers et sys vadlettes a bouche de courte de monseigneur le prince avantdit. Et avera mon ditseigneur le prince de lavantdit cont par tout la vie du dit cont quant il sera as gages de mon ditseigneur le prince la tierce partie de lui et la tierce partie de les tierces de touz ses gentz de lour gaignes de guerre. Et si le suisdit count ou ascun de ses gentz prendra ou prendront aucun chieftayn, chastell ou forteresse en aucun voiage quant il sera as gages de mon suisditseigneur le prince il sera tenuz pur les ditz chieftayn, chastell ou forteresse^P137Ab [P137Ab] en aucun voiage . . . forteresse interlined138 livrer a mon avantditseigneur le prince, faisant a luy resonable gree pur le chieftayn, chastel ou forteresse avantditz. Et outre ce si mon ditseigneur le prince envoie au dit cont pur venir devers lui soit il deinz le roiaume ou dehors ou sur la meere ovec aucun nombre de gens outre les ditz quatre escuiers et sys vadletz pur lui servier en sa presense ou aillours par son comandement le dit cont serra tenuz pur venir a mon ditseigneur le prince et pur les gentz queux il ainsi amesnera outre le dit nombre de quatre escuiers et sys vadletz il avera gages tielx come autres gens prendront de lours estatz et come le bosoigne de lour venue requiert. Et si mon ditseigneur le prince ferra aucune armee ou voiage en aucune partie dedeinz Engleterre ou dehors ou sur la meere sibien en le droit le Roy nostreseigneur avantdit come en la droit le suisditseigneur le prince, pur le quel il

Page 138

ferra aucune retenue de gens le dit cont sera tenuz pur servir mon ditseigneur le prince ovec un tiel nombre come autres averont de son estat, selon lafferant de la noumbre de gens queux mon ditseigneur le prince avera. Et sil plest a mon ditseigneur le prince pur envoier lavantdit cont outre la meer en son message, le suisdit count sera tenuz pur aler et luy servier a son comandement, et pur le noumbre des gens quelle serra appointz pur le dit cont davoir ovec lui il prendra de mon ditseigneur le prince gages ou regarde solonc les estates de les gentz queux il avera en sa compaignie. En tesmoignance de quele chose a la partie de ceste endenture demurant devers le dit cont mon ditseigneur le prince ad fait mettre son seal. Donne a Westm[inster] le vingt jour de Feverer lan du regne du Roy nostre tresredouteseigneur Henr' quart puis le conquest noefisme.

105 Ralph Neville, Earl Marshal and earl of Westmorland and Richard Otway, esquire, 21 June 1408 (Formerly Muncaster MSS Bundle 47 no. 13).

Ceste endenture faite parentre Rauf conte de Westmerlande sire de Nevill' et mareschal Dengleterre dune parte et Richard Otway escuier dautre part tesmoigne qe le dit Richard est demore et retenu ovec le dit conte pur terme de sa vie encontre touz gentz savant nostre tressoverein seignur le roy et ses heirs roys Dengleterre sibien en temps de pees come de la guerre, preignant du dit conte pur son fee en temps de pees quatre marcz issantz annuelment hors du seignurie de Cokermouth par les mayns del receivour illeoques qui pur le temps

Page 139

serra as termes de seint Martyn proschein commenceant et Pentecost par ovelles porcions. Et prendra en temps de guerre autielx gages come le dit conte donera as autres de son degree, rebatant toutfoiz lafferant de son dit fee en temps de pees pur lafferant de ses gages en temps de guerre. Et sera le dit Richard bien et covenablement montez armez et arraiez, prest toutdiz a chivaler ovec ledit conte quant il sera garny depar lui. Et avera le dit conte lez tierces de guerre agaigners par le dit Richard ou par ses genz queux il avera as gages ou cost du dit conte. Et si aucune capitayne ou homme destat soit pris par le dit Richard ou par ses ditz gentz le dit conte lavera faisant al pernour resonable regarde pur lui. As queles covenancz bien et loialment tenir et perfournir depar le dit Richard ad plevy sa foit a dit conte par icestes. En tesmoigne de ce a ycestes les parties suisditz entrechaungeablement ont mys lour sealx. Donne le xxi jour de Juyn lan du regne le roy Henry quart puis le conqueste noefisme.

106 Henry, prince of Wales and Walter Dalehay, esquire, Westminster, 15 November 1408 (PRO, E101/69/2 no. 327)

Ceste endenture faite parentre le hault et puissant prince Henry prince de Gales, duc de Guyen, Lancastre et de Cornewaille et cont de Cestre dune part et son trescher et biename escuier Waulter Dalehay dautre part, tesmoigne que le dit Waulter est retenuz et demurrez devers mon dit seignur le prince pur lui servir sibien en temps de pees come de guerre a pees et a guerre sibien depar decea come dela ou sur la meer pur terme de sa vie, et pur estre ovec mon dit seignur le prince a pees et a guerre encontre tous gens de monde excepte nostre tres redoubte seignur le Roy pere a mesme monseignur le prince pur le quel service

Page 140

prendra le dit Waulter de mon dit seignur le prince dys mars par an pour terme de sa vie par les mayns de le chamberlein de Suthgales pur le temps y esteant as termes de Pasque et de seint Michel par oueles porcions. Et avera mon dit seignur le prince de lavantdit Waulter pur toute la vie du dit Waulter quant il sera as gages de mon dit seignur le prince la tierce partie de lui et la tierce partie de les tierces de tous ses gens de lour gaignes de guerre. Et si le dit Waulter ou aucun de ses ditz gens prendra ou prendront aucun chieftayn, chastel ou forteresse en aucune voiage quant il sera as gages de mon dit seignur le prince il sera tenuz pur les ditz chieftayn, chastel ou forteresse liverer a mon dit seignur le prince faisant a lui resonable gree pur le chieftayn, chastel ou forteresse avantditz.

Et outre ce si mon dit seigneur le prince envoie au dit Waulter pur venir devers lui soit il deinz le roiaume ou dehors ou sur la meer ovec aucun nombre de gens pur lui servir en sa presence ou aillours a son commandement, le dit Waulter serra tenuz pur venir a mon dit seigneur le prince et pur les gens queux il ainsi amesnera il avera gages tielx come autres gens prendront de leures estates et come le bosoigne de lour venue requert.

Et si mon dit seignur le prince ferra aucune armee ou voiage en aucune partie dedenz Engleterre ou dehors ou sur la meer sibien en le droit le Roy nostre seignur avantdit come de le roiaume pur le quel il ferra aucune retenue de gens le dit Waulter sera tenuz pur servir mon dit seignur le prince ovec un tiel nombre come autres escuiers averont de son estat. Et sil plest a mon dit seignur le prince pur envoier lavantdit Waulter outre la meer ou aillours en son message pur quelconque cause que ce soit le dit Waulter sera tenuz pur aler et lui servir a son commandement et pur le nombre de gens quel sera appointez pur le dit Waulter davoir ovec lui, il prendra de mon avantdit seigneur le prince gages ou regarde selon lestates de les gens queux il avera en sa compaignie. En tesmoignance de quel chose a la partie de ceste endenture demurrant devers mon dit seignur le prince lavantdit Waulter ad mys son seal. Donne a Westm' le xv jour de Novembre lan de regne du Roy nostre tresredoubte seignur Henry quart puis le conquest disme.

107 Henry, prince of Wales and Thomas Bromwych, Westminster, 15 November 1408 (PRO, E101/69/2 no. 328).

Page 141

In identical terms to 106.

108 Henry, prince of Wales and Thomas Holcot (Holgot), Westminster, 15 November 1408 (PRO, E101/69/2 no. 329).

In identical terms to 106 except that the third sentence of the indenture begins: Et avera mon dit seigneur le prince de le dit Thomas quant il sera en son service de guerre en sa presence ou de son commandement la tierce partie de lui et la tierce partie des tierces […] ; this is written over an erasure.

109 Henry, prince of Wales and Geoffrey Ardern, Westminster, 15 November 1408 (PRO, E101/69/2 no. 330).

In identical terms to 108.

110 Henry, prince of Wales and Walter Devereux, Westminster, 15 November 1408 (PRO, E101/69/2 no. 331).

In identical terms to 108.

111 Henry, prince of Wales and Richard Beauchamp, earl of Warwick, Lambeth, 2 October 1410 (PRO, E101/69/2 no. 338).

Ceste endenture faite parentre le hault et puissant prince Henry aisne filz au noble Roy Dengleterre et de France prince de Gales duc de Guyen et de Lancastre et de Cornwaille et conte de Cestre dune part et son treschier et tresame cousin Richard counte de Warrewyk dautre

Page 142

part tesmoigne que le dit count est retenuz et demorrez devers mon dit seigneur le prince pur lui servir sibien en temps de pees come de guerre a pees et a guerre sibien depardecea come dela ou sur la meer pur terme de sa vie et pour estre ovec mon dit seignur le prince a pees et a guerre encontre tous gens du monde excepte nostre tresredoubte seignur le Roy Henry pere a mesme monseignur le prince. Pur le quel service prendra le dit count de mon dit seignur le prince deux centz et cynquant marcz par an a son eschequer de Kermerdyn as termes de Pasqe et de seint Michell par ovelles porcions. Et avera le dit cont quant il sera deinz lostiel de mon dit seigneur le prince ovec lui quatre de ses escuiers et sys vadletz a bouche de courte de monsire le prince avantdit. Et avera mon dit seigneur le prince de lavantdit conte pur tout la vie du dit cont quant il sera as gages de mon dit seignur le prince la tierce partie de lui et la tierce partie de les tierces de toutz ses gens de leur gaignes de guerre. Et si le suisdit conte ou auscun des ses gents prendra ou prendront ascun chieftain, chastell ou forteresse en auscune voiage quant il sera as gages de mon dit seignur^P142Aa [P142Aa] and elsewhere143 le prince il sera tenus pur les dites chieftain, chastell ou forteresse liverer a mon avant dit seignur le prince faisant a luy resonable gree pur le chieftain, chastell et forteresse avantditz.

Et outre ce si mon dit seignur le prince envoie au dit cont pur venir a luy soit il deinz le royaulme ou dehors ou sur la meer ovec auscun nombre de gens outre les ditz quatre escuiers et sis valletz pur lui servir en sa presence ou aillours a son commandement le dit conte sera tenuz pur venir a mon dit seignur le prince. Et pur les gens queux il ainsi amesnera outre le dit nombre de quatre escuiers et sis valletz il avera gages tielx come autres gens prendront de leurs estatz et come le bosoigne de lour venue requiert. Et si mon dit seignur le prince ferra ascun armee ou voiage en ascun partie dedenz Engleterre ou dehors ou sur la meer sibien en la droit le Roy nostre seignur avantdit come en la droit le susdit seignur le Prince pur le quel service il fera auscun retenue des gens le dit conte sera tenuz pur servir mon dit seignur le prince ovec un tiel nombre de gens come autres averont de son estat selon lafferant de le nombre de gens queux mon dit seignur le prince avera.

Et sil plest a mon dit seignur le prince pur envoier lavantdit conte outre la meer ou auilours en son message le suisdit conte sera tenuz pur aler et luy servir a son commandement et pur le nombre de gens quel le sera appointez pur le dit conte davoir ovec lui, il prendra de mon dit seignur le prince gages ou regarde selon lestatz de les gens queux il avera en sa compaignie. En tesmoignance de quelle chose a la partie de ceste endenture demourant devers mon dit seignur le prince lavantdit conte ad mys son seal. Donne en le manoir de Lambehith le seconde jour doctober lan de regne de nostre soverein seignur le roy Henry le quart puis le conquest douszisme.

Page 143

Warr'

112 Henry, lord Beaumont and Hugh Cok, trumpeter, Folkingham, 5 April 1412 (PRO, C66/392 m. 15, inspeximus of 12 November 1413).

A toutz yceaux que cestez presentes lettres verront ou orront Henry sir de Bealmont salutz. Sachiez moy pur le bone et greable service que Hugh Cok trumpet moy ad fait, et a moy et mes heires ferra, avoir luy graunte deux mees ensemblement gisauntz en la ville de Folkyngham ove deux boefes de terre en mesme la ville, les queux deux mees et deux boefes William Champer ore tarde tient, et un annuele rent de xl s. aprendre annuelment par les mayns de coillour ou resceivour de ma dite ville de Folkyngham as termes de Seint Michel et Pasche par oveles porcions, a avoir et tenir a dit Hugh en le maner avantdit pur terme de sa vie, rendant a moy et a mez heirs annuelment un rose al fest de Seint Johan Baptist. Et sil aveigne que le dit rent de xl s. soit aderer en partie ou en tout as ascuns des termes avantditz nient paiez que bien lise a dit Hugh en la dit ville distrendre et destresces reteigner tanque pleine gree a luy soit fait del rent avantdit ensemblement ovesque les arrerages si aucuns ysoient. Purveu toutfoitz que lavantdit Hugh serroit tenuz a servire en son office a moy et a mes heirs pur terme de sa vie avantdit. En tesmoignance de quele chose a lune partie de ceste endenture demourant devers le dit Hugh jay mys mon seal et a lautre partie de ceste endenture demourant devers moys le dit Hugh ad mys son seal. Don a mon chastell de Folkyngham le maresdy proschein apres le fest de Pasche lan du regne nostre seigneur le Roy Henry quart puis le conquest treszisme.

113 Henry, lord Beaumont and Nicholas Duke, minstrel, Grimsthorpe, 14 December 1412 (PRO, C66/392 m. 22, inspeximus of 14 November 1413).

Cest endenture fait le xiiij jour de December lan de regne nostre seignour le Roy Henry quarte puis le conquest quatorzisme tesmoigne que Nicholas Duke mynstrall est retenuz pur demourer ovec Henry Sir

Page 144

de Bealmont seignour de Folkyngham pour luy servier a terme de sa vie sibien de peas come de guerre. Et prendra le dit Nicholas del dit Sir de Bealmont quarant souldz par an des issues et revenuz del seigneurie de Barton sur Humbre par les mayns del Baylif pour le temps esteant as termes de Pasque et de seint Michell par oveles porcions. Et sil aveigne que lavantdit rente soit aderer en partie ou en tout as ascuns des termes avantditz nient paiez qadonques bien lise a dit Nicholas en toutz les terres et tenementz de Barton distrendre et les destressez retenir tanque a luy plain paiement soit fait del rent avantdit ensy aderer esteant, ensemblement ovec les arrerages dicels si ascuns ysoient. En tesmoignance de quel chose as icestez presentz endentures les parties avantditz enterchanchablement ount mise lour seals. Doune a Grymesthorp lan et jour susditz.

114 John, duke of Bedford and Sir Robert Plumpton, Bishopthorpe, Yorks. W.R., 15 October 1415 (Leeds, City Archives, Plumpton Coucher Book, Acc. 1731/3, no. 373).

Ceste endenture fait dentre le haut et puissant prince Johan fitz et frere des Roys, duc de Bedford, count de Richmond et Kendale, et connestable d'Engleterre, dun part, et Robert de Plompton, chevaler, dautre part, tesmoigne que le dit Robert est retenuez et demorrez pardevers le dit tres noble et puissant prince a terme de sa vie pour lui servir, sibien en temps de pees come de guerre, au mielz qui resonablement il pourra estre en son pouoir, preignant annuelement du dit haut et puissant prince pour son fe a cause de sa dite demoere vingt marcs en temps de pees de les cofres de mesme le haut et puissant prince. Et sera le dit Robert montez, armes et arraies come a son degre et estat appartient, et prest de chivalcher ovec le susdit tres noble et puissant prince en sa compaignie, a quel temps que a ce fair il sera deper mesme le puissant prince garniz ou requiz, preignant en temps de guerre du dit tres noble et puissant prince, quant traveillera ovec luy, pour luy mesmez et ses gentz, lesquex il amesnera ovec luy par comaundement de le dit haut et puissant prince, tieulx gagez come autres gentilx de lour degree prendront pour le temps, rebatant toutesvoies lafferant de son fe en temps de pees pour lafferant de ses gagez en temps de guerre, en cas qil travaille ove le dit tresnoble et puissant prince a aucuns journes que se tiendra pur un quarter del an ou plus, et

Page 145

nemye pour nulle autre petit journes que se namontera al quarter dan.

Et aura le dit Robert quant il traveillera ovec le dit tresnoble prince en sa compaigne en temps de pees, ou veigne a son houstell per son comaundement, bouche du courte pour luy mesmes, un escuier, et deux ses valetts, en tiel regarde come au dit tres noble prince il plerra. Et de toutez maners de prisoners et autres profittz et gaignes de guerre quelconques en aucune manere per le dit Robert prisez ou gaignes, le dit tres noble et puissant prince aura la tierce; et de tous autres ses ditz gentz lesqueulx il aura as gages, de mesme le tres noble prince la tierce de la tierce. Et si aucun chevitaigne ou autre grand sera soit pris per le dit Robert ou aucun de ses ditz gentz, le dit tres noble et puissant prince aura le chevitaigne ou seigneur avant dit, fesant a celly que luy prist resonable regarde. En tesmoignance du quele chose sibien le dit prince come le dit Robert a cestes endentures entrechangeablement ount mys lour sealx. Donne a la manor de Bisshopthorp le xv jour d'octobre, l'an du reigne notre soverain sire le Roy Henri quint puis le conquest tierce.

Page 148

118 Thomas, lord Roos and Sir John Cressy, Belvoir, Leics. 12 November 1429 (PRO, C66/435 m. 18, inspeximus of 5 December 1433).^P148A287 [P148A287] cf. CPR, 1429-36, 330. GEC, xi. 104-5 for Thomas, eighth lord Roos (1421-30) who died in Normandy in the king's service.149

Ceste endenture fait parentre Thomas seignour de Roos et de Troussebous^P148A288 [P148A288] Troussebous, i.e. Trussebut: Thomas's ancestors had inherited lands from the Trussebut family in the thirteenth century (cf. GEC, xii, pt. 2, 49 and I. J. Sanders, English Baronies (Oxford, 1960), 56).149 dune parte et Johan Cressy de Dodford en le countee de Norhamton chivaler^P148A289 [P148A289] J. C. Wedgwood, History of Parliament: Biographies of the Members of the Commons House, 1439-1509 (London, 1936), 235 for an account of the career of Sir John Cressy (1407-45) of Wheathamstead, Herts. and Dodford, Northants., which can be much augmented. He divided his time in the 1430s and 1440s between England and France, dying as captain of Pont l'Evêque, though he is buried at Dodford. His widow, Constance, daughter of Reginald, lord Grey of Ruthin died in 1486 (information kindly provided by Dr Anne Curry). Roos' inquisition post mortem recites the substance of this grant as far as it refers to Eakring (Abstracts of the Inquisitiones post mortem relating to Nottinghamshire, 1350-1436, ed. Train (Thoroton Soc., Record ser., xii, 1952), 189-90).149 dautre parte tesmoigne que le dit Johan est retenuz et demorez ovesque le dit seignour pur luy faire service a terme de vie du dit Johan en Engleterre, et pur le dit service ensi fait et affaire par le dit Johan a dit seignour mesme le seignour ad graunte et demyse par ycestez au dit Johan soun manoir de Braunston en le countee de Norhamton^P148A290 [P148A290] Braunston, Northants.149 suisdit ov lez appurtenunces, forpris lavoeson del esglise de Braunston avauntdit et lez heriottes des tenants au dit manoir appurtenauntez, a avoier et tener au dit Johan le dit manoire ove les appurtenunces forprisez les forsprisez suisditz pur terme du vie de mesme le Johan saunz ascun gaste faire de mesme le manoire ove les appurtenunces. Et outreceo le dit Thomas seignour de Roos ad grauntee par icestes a dit Johan Cressy chivaler pur soun dit service ensi fait et affaire a dit seignour en le forme et manere suisdit une annuell rent de vingt marcez par an apprendre de soun manoire de Eykeryng^P148A291 [P148A291] Eakring, Notts.149 ove lez appurtenunces en le countee de Notyngham pur terme de la vie du dit Johan a avoir, tenir et levier a dit Johan lez ditz vint marcz par an du dit manoire de Eykeryng ove lez appurtenunces a lez termes de Pasqes et Seint Michell par owellis porcions par lez mayns de lez baillifs et collectours dez rents et fermes illouques qi sount ou qe pur le temps serount durant la vie du mesme le Johan avantdit. Et surceo le dit seignour voiet et commaunde par icestes a sez ditz baillifs et collectours de dit manoir qe a dit Johan facent deue paiement de lez ditz vint marcz par an a lez termes et en le forme suisdit. Et a ses auditours de sez accoumptez que a lez ditz^P148Aa [P148Aa] ditz interlined149 baillifs et collectours de paiement et paiement par acquitance et acquitancez de dit Johan

Page 149

facent deue alloance de an en an et de terme en terme par icestes. Et outreceo le dit seignour graunte par icestes qe si le dit annuite de vint marce soit aderere en partie ou en tout as ascuns dez termes avantditz que bien lise au dit Johan et a sez assignez a distreigner et distresses prendre durant sa dit vie en le manoir de Eykeryng ove lez appurtenances et distresses par luy prisez emporter et amesner et ovesque luy deteinger tanque a luy soit pleinement agreez et content de la dite annuitee et de lez arrerages dicell ovesque lez damages et costages par luy eus et sustenuz a cause de detenue du paiement avantdite. Et pluis outre le dit seignour ad graunte par icestes a dit Johan pour soun dit service en le forme suisdite bouche de courte pour luy, j esquier, j vadlect, j garceon et quatre chivalx a tout temps qil sera en sa presence et service du dit seignour en Engliterre duraunt la vie du dit Johan avantdit. En tesmoignaunce de quell chose sibien le dit Sire come le dit Johan a ycestez endentures entrechaungeablement ount mys loure sealx. Donnez a Beauvier^P149A292 [P149A292] Belvoir, Leics.9999 le dousze joure de Novembre lan du regne de Roy Henry sisme puis le conquest Dengleter oytysime.

Page 9999

End