I

De suites de curt as seignurs est einsi purveu, ke nul ne seit destreint deshoremes a syutes fere a la curt sun seignur, si especiaument ne seit contenu en sa chartre, ke il deive sa tere tenir par certein servise et fesant syute a la curt sun seignur, si li ou ses ancestres ke le eient fet de devant le premer passage le rei en Bretain, co est a saver, vint et nof anz. Si nul destreint sun tenant cuntre ceste purveance, hastive dreiture en seit tenu en la curt le rei, sicome il est purveu puis en apres.

II

Se il avent ke heritage seit partie entre plusurs parceners, come heritage ke surd cume de un heir, al eine des parceners,

Page 472

III

Si nuls seignurages lur tenanz cuntre ceste purveance destreinent, dunkes a la pleinte del tenant seient atachez, ke il vengent a un bref jur a la curt le rei a respondre a eus; al quel jur il averunt un essoyne si il sunt el reaume. E meintenant seient les avers al pleintif deliveres, ke par cel achesun sunt pris; e delifres remainent deske le plai entre eus seit cheue.

IV

E ces ke averunt la destresce fete al jur ke done lur est par essoine, ou al premer jur, si il ne seient essoniez, facent defaute, dunc mande lem al vescunte del pais ke il les face venir a un autre jur: e si dunc ne vengent, seit mande al vescunte ke il les destreine par kant ke il unt en sa baillie. E ke il en respoine al rei des issues, et ke il eit lur cors a un autre jour. E pus a tel jur si il ne vengent, voist le pleintif sanz jur, e les avers remainent delifres. Eissi ke les seignurages mes ne pussent destreindre les par tel achesun, deske tant ke il eient deresne par plai en la cur le rei, salve as seignurages lur dreitures des siutes quel oure ke il en osent parler. E^P472A1 [P472A1] This is numbered V. in the Latin provisions, v. p. 481.473 les seignurages vengent en la curt le rei a respondre. E les pleintifs pussent lur quereles aver; dunc par jugement de la curt recoverent lur damages ke il averunt eu par achesun de cele destresce.

V

E de autre part, les tenanz ke sustreent a lur seignurages siutes ke il deivent, et ke il unt fet pus le devant dit terme, par memes la hastive dreiture destreinent lur siute et recoverent lur damages ensement come lur tenanz de eus.

VI

Des siutes ke sustretes sunt devant le devant dit terme, curge a la commune lei communalment.

VII

Derichef purveu est ke as turns de vescunte ne venge erceveske ne eveske, abbe ne priur, cunte ne barun, ne nule gent de religiun, ne ensement femmes si il ne eient especiaument a fere. Mes seient tenuz les turns en la manere ke furent tenuz al tens as ancesurs nostre seignur le rei ke ore est. E si nuls eient teres en plusurs hundrez, ne seient destreint, ne ne vengent as turns, fors la ou il unt mansiun. E seient tenuz solum la chartre de franchises e solum ceo ke il furent tenuz al tens le rei Ricard et le rei Johan.

VIII

Purveu est ensement ke en eire de justices, ne en cunte, ne en curt de barun ou franc home, ne en franchise ne ailurs, ne prenge lem mes fins pur bel pleider, ne par issi ke la gent seint achesonez.

IX

Derichef purveu est ke en plai de doaire ke est al Banc, doinst lem quatre jurs par an al meins, ceo est a saver, a chesun terme un jor. E si plus pust lem doner, plus doinst lem.

X

Ensement en essoines del derein presentement et de quare impedit des eglises ke sunt voides, doinst lem jur de quinzeine en quinzeine, ou de treis semaines en tres semaines solum le pais ke est loinz ou pres. E si celu ki est emplede per quare impedit, ne vent al premer jor, ne ne se face essonier, al autre jur, si il ne vent, i seit distreint par totes ses teres et ses chateus par la grant destresce, sicome desus est dit.

XI

Des chartres ke lem ad purchasce de estre quites de assises et de jurees est issi purveu, ke si justices veient ke dreiture ne pusse estre tenue sanz serment de ceus ki les chartres averunt, come en grant assise ou en puralee, ou la ou il sunt testemoines, nomeement ou en chartres en escrit, ou en ateintes, ou en autre cas ke ne puet estre terminez sanz serement de chevalers, en tel cas les face lem jurer, salve a eus lur franchises aillurs.

XII

Nul deshoremes face destresce fors en sun fee, ne en real chemin, un tote gent passent et poent aler, sanz le rei.

XIII

De autre part, si il avent ke le seignur apres la mort sun tenant seisist en sa main ses teres, par la resun ke sun eir seit dedenz age, et pus kant le eir vendra a sun age, ne li voille sa terre rendre sanz plee, ke le eir recovere par bref de mort de ancestre sa tere ein sa main, ove les damages ke il avera eu par le achesun de la detenue pus sun age. E ensement si le heir seit de age quant sun ancestre mort, et le heir apparant ke tenu est e certein seit enz, ke le chef seignur ne le bute hors, ne rens ne prenge, ne rens ne hoste, fors solement face une simple seisine. E si le chef seignur le tenge hors par quei il eit cunge ke il pusse purchascer bref de mort de ancestre, ou de cosinage, recovere sa tere et ses damages ausi cum par bref de novele deseisine.

XIV

De garde de socage est issi purveu, ke si tere ke seit tenue en socage seit tenu en garde par ses parenz par la resun del heir ke seit dedenz age, ke le gardein ne pusse wast fere ne vente, ne nule manere de destruction de terre ke seit en sa garde; mes salvement le garde al oes le heir, ke quant il vendra a sun aage, le gardein le respoine lewement des issues et des pruz de la chose, salve a lui ses renables mises. Ne il ne pusse le mariage vendre ne doner si al pru del emfant.

XV

De autre part, purveu est ke eschaeturs, enquerurs, justices assignez a assises prendre, ne justices assignez a plai de trespas oir e^P474A1 [P474A1] e rejected  ne475 determiner, ne nul autre baillif ne eit poer de amercier pur defalte de commune somunse, fors pris la chef justice e les justices erranz de tuz pleez.

XVI

Purveu est ensement ke nul home de religion ne pusse nule tere achater sanz le gre le seignur, ceo est a saver, celui seignur ke est plus precein sanz le mein.

XVII

Purveu est ensement de essoynes, ke nul deshoremes seit destreint pur serment fere a la garantie de la essoine ne en cunte ne aillurs.

XVIII

Nul deshoremes, horspris le rei, tenge plai en sa curt de faus jugement fet en la curt sun tenant; kar tel maner de play partent al rei e a sa corone.

XIX

Purveu est ke si nul est destreint et ses avers retenuz cuntre gage et cuntre plege, le vescunte quant la pleinte serra fete, franchement puisse le avers deliverer solum lei de tere, si il sunt pris hors de franchise, sanz contredire et sanz desturber de celui ke les avera pris; e si il sunt dedenz la franchise, et le baillif ne les voile deliverer, par defaute de baillif de la franchise.

Purveu^P475A1 [P475A1] These sections are all numbered in the Latin up to xxviii.476 est ke nul haut home deshoremes pusse destreindre ses tenanz a respondre de lur franc tenement, ne de chose ke a lur franc tenement apent, sanz bref le rei, ne ne face ses frans tenanz jurer sanz lur gre, de si cum nul home ne le poet fere sanz especiaument ke si le rei le eit comande.

Purveu est ke nul baillif ke acunte deive rendre, se sustree de sun seignur. E si il ne voille sun acunte rendre, ne ne eit tere ne tenement dunt il pusse estre destreint, seit atache par sun cors, issint ke le vescunte en ki baillie il serra trove le face venir pur rendre acunte sil seit en arerages.

Purveu est ke nul fermer en le tens de lur ferme ne facent vente ne exil de boys, mesuns, homes, ne de autre chose ke al tenement, ke il unt a ferme, apende, si il ne eient especial escrit ke mention face ke il pussent cele vente fere. E si il le facent et seient ateinz, de ceo rendent les damages.

Justices erranz deshoremes ne amercient les vilees en lur eire pur ceo ke chescun home de xii. anz ne venge as esquestes fetes devant coruners de mort de home ou de autre chose ke apende a la corone, pur quei ke de memes les viles vengent suffisaument gent par quei lem pusse covenablement les enquestes fere.

Nul coruner ne vescunte ne autre baillif deshoremes amercie les vilees pur co ke il ne vengent as enquestes. Mes la ou il trovent la defaute, seit mis en roule des coruners, et presente

Page 476

En eire de justices ne seit murdre deshoremes agarde des homes ke sunt morz par mesaventure, fors solement de ceus ke sunt oscis par felonie.

Nul justice, ne vescunte, ne autre bailif deshoremes ne amercie les vilees pur huthes leve et neut siwi, si il ne seit leve pur resnable achesun, cume pur mort de home, roberie, plaie, ou autre semblable cas ke apende specialment a la corune.

Derichef si nul seit voche a garant en play de tere en eyre de justices, ne seit deshoremes amercie pur ceo ke il ne est present, de si ke nul franc home ne deit estre amercie pur defalte si del premer jor nun a la venue de justices. Mes si le garant seit dunkes enz memes le cunte, dunkes seit ceo al vescunte ke il le face venir al terz jor ou al quart, solum ceo ke il est loinz ou pres, sicome contenu est en eyre de justices. E si il est manant en autre cunte, dunkes eit renable somunse de quinzeine solum la commune lei.

Derichef,^P476A1 [P476A1] This, and almost all that follows, is not in the Latin; the only section that appears there is § xxviii., pp. 478, 484. For a translation, see the end of the volume, p. 507.477 ke justices seient purveuz de aler par la tere. E seit un des duze ou des autres del commun pur veer ke dreiture seit fete al pleinanz et a tuz autres. E si il veient, ke les establissimenz ke sunt fetz al pru del reaume ke sunt e serrunt, seit mande as cuntez ke il seient tenuz.

Ensement ke les purveances ke sunt fetes pus le commencement de ces establisemenz seient levez et maintenuz.

Derichef les roules de ces establissimenz seient luz et fermez. E les chartres de franchise et de la forest seient tenues et maintenues.

Purveu est ensement ke nul ne venge al parlementer a chevaus, ne a armes ne arme, si il ne seit mande especialment par le rei ou par sun cunseil, ou par bref pur communes bossoines de la terre.

La ou justices erranz errerent dereinement, seient aturnez prodes homes et sages de oir et demander totes les pleintes ke poeient estre terminez sanz bref de set anz en ca; einsi ke si nul ne se seint pleint devant les set anz, et ne eit pas eu dreiture, ke il recovere a dreiture aver. E il eient poer de enquere des vescuntes et de lur baillifs coment il se sunt portez ver le pais pus les establissemenz.

Ausi enquergent des baillifs as riches homes de la terre, e des riches homes memes.

Page 477

Justices erranz eient memes le poer ke vescuntes en lur eire; ensement en lur poer demeine par lur eire. E seient purveuz ke mesne gent del conseil deus ou treis seient adesseement entur le rei de parlement en parlement. E a chescun des parlemenz seient changez e mis autres. [f.90] E seit lur fet veu a chescun parlement. E seit amende si rens i seit a amender par ces del cunseil. E si nule grant bossoine surde entre les parlemenz ke ne porra estre termine par les devant dit deus ou treis, ou ke ne purra estre delae en bone manere deskes al procein parlement, tuz ces del conseil seint mandez par bref pur cele bosoine terminer. E seit mis en le bref le achesun del mandement, si ceo ne seit secre. E si nuls des autres del conseil, ou des avant dit deus ou treis, vengent a curt par le mandement le rei ou pur sa bosoine demeine, ke il seient al conseil le rei tant come les bossoines durent, ove les lur propres et ove les bossoines le rei pur quei il sunt mandez.

Il fet a remembrer ke deus prodes homes seient purveuz a vendre les gardes ke ore en dreit sunt en la main le rei.

Derichef ke deus prodes homes seient purveuz a ordener ensement oveke le conseil del escheker de vescuntes et de cuntez.

Derichef seient purveu genz de aler oveke le rei en France. E queus demorrunt en la tere pres de la justice.

E ke as messagers de Wales seit respundu.

E purveu seit coment les brefs de purveances et des establissemenz hors de la Chancelerie iscerunt sanz delay.

Ensement et de messagers ke irrunt a Rome.

As gardes vendre meintenant seient mis la justice, le tresorer, mestre Thomas de Wimundeham, sire Roger de Torkeby, sire Henry de Baa. E ke ces memes ordeinent et purveient en queus articles la reine deit aver or.

Purveu est ke memes ces vengent al escheker, et veient les sumes de totes maneres de tailages ke unt este mises pus le tens cest rei. E ke il esment cum ben chescun poet amonter.

E ces memes purveient coment lem deit aler avant en pleez de costumes et de servises.

Ensement purveient coment lem deit aler avant en eschaetes et en gardes.

Purveu seit quels genz deivent aler a amender les trespas et les tors fetz, ke poent estre terminez sanz bref.

La justice le purveie oveke les autres. E quels serrunt al Banc oveke le justices, e quels al escheker.

Purveu est ke quatre chevalers seient mis en chescun cunte pur ver le torz ke vescuntes funt. Si il avent ke torz facent, ke ces quatre amonestent les vescuntes ke il les facent

Page 478

Si^P478A1 [P478A1] This section is in the Latin.479 clerc seit rette de mort de home, de roberie, ou de larecin, ou de autre crime ke apende a la corune, e pus seit livere en bail par comandement le rei a duze prodes homes ke il le eient pardevant justices, ou lesse par pleges par comandement le rei; si les avant dit duze ou les pleges eient sun cors al premer jor pardevant justices, ne seient pas deshoremes amerciez, tut ne voile le clerc respondre, ne a dreit ester, en la curt le rei, de si cume il ne furent de autre chose pleges ou main pernant, fors de aver le cors le clerc avant.

La haute justice, le tresorer, sire Henry de Baa, sire Roger de Turkeby, et les baruns del Escheker purveient cest an meintenant queus prodes homes e leaus e sages seient vescuntes cest an. E seient vavasurs de memes les cuntez. E encuntre le prochein an al prochein cunte devant la Seint Michel seient esluz en plein cunte quatre prodes homes e leaus, e ke seint profitables al rei e al cunte en cel office. E seint a la Seint^P478A2 [P478A2] Seint rejected  seient479 Michel al escheker. E les baruns prengent les plus suffisanz a lur esgart.

Derichef seient esluz par la haute justice et par le tresorer prodes homes en cest Advent, e en ces jurs de festes encuntre le procein parlement, ceo ke serra a amender al grant escheker e al escheker as Gyus. E par ces meymes seit purveu resnable sustenement a ces ke serrunt al un escheker et al autre.

Purveu est ke sire Thomas de Gresly, justice de la forest, prenge Nicholas de Ramesey e treis chevalers de chescun cunte, et enquergent le estat des forestz, de vert et de veneyson, et de ventes et de destructions; e par ki eles sunt fetes. E enquergent de malveises usages de pleez de la Forest, et par queus eles sunt alevez, e de quel tens; e quant ceo avera feit, face le a saver al rei et a sun cunseil.

Memes ceste manere seit feit des forestz de la Trente. Ke la haute justice purveie quatre chevalers et enquerge de totes les forestz de la Trente en la manere ke est desus dit.

Le erceveskes et le eveske de Wirecestre, le cunte le Mareschal, le cunte de Warewik, seient oveke la justice as granz bossoinz del regne treter, tant come le reis est hors de

Page 479

Purveu est ke la justice purveie ke les chasteleins eient resnable sustenance as chasteaus le rei garder et a sustenir les.

Purveu est de mettre deus prodes homes del commun ou des xii. ke sunt par le commun ou des autres, oveke les justices al Banc. E ke il veient ke dreiture seit fete. E en meime la manere seient mis deus prodes homes del commun ou des xii. ke sunt par le commun ou des autres al escheker.

A.D. 1259 Ces sunt les purveances et les establissimenz fetz a Westmoster al parlement a la Seint Michel par le rei et sun conseil et les xii. par le commun conseil esluz par devant le communance de Engletere, ke dunke fu a Westmuster le an del regne Henri le fiz le rei Johan quarantime terz.

Page 9999