Anglo-Norman Dictionary

Textbase

Guernes de Pont-Sainte-Maxence La Vie de Saint Thomas Becket

Edited by E. Walberg
1935
Paris
Genre: Hagiography
AND Bibliography: Becket¹

This is a digitised partial version of an original work in the public domain. See General Conditions of the Anglo-Norman On-Line Hub for rights information concerning this electronic version

Jump to page:

Hide notes

Page 1

1 [f.1r]
   Tuit li fysicïen ne sunt adès bon mire; ¹
   Tuit clerc ne sevent pas bien chanter ne bien lire;²
   Asquanz des troveürs faillent tost a bien dire;
   Tel choisist le nualz ki le mielz quide eslire,
5 E tel quide estre mieldre des altres, est li pire.
2
   Si nuls voelt contruver a traitier a escrire,³
   De bien dire se peint, que nuls n'en puisse rire
   U par alcune rien s'uvraine descumfire;⁴
   Mette le sen avant, e li mals seit a dire:
10 Del bien amende l'um e nuls huem n'en empire.⁵
3
   Pur ceo l'ai comencié ke jeo voldrai descrire,
   Se Jesu Crist le sueffre, ki de nus tuz est sire,
   La vie saint Thomas, celui de Cantorbire,
   Ki pur sa mere iglise fu ocis par martyre.
15 Or est halz sainz el ciel, nul nel pot contredire.
4
   De mult divers curages e de diverse vie
   Sunt en cest siecle gent, n'est nul hom kil desdie.⁶
   Plusurs unt povreté, li alquant manantie;
   Alquant aiment le sen e plusur la folie;
20 Li alquant aiment Deu, Sathan les plusurs guie.⁷ [f.1v]
5
   Seignurs, pur amur Deu e pur salvatiun,
   Leissiez la vanité, entendez al sermun.
   N'i ad celui de vus ki n'entende raisun.
   Leissiez del tut ester le conseil al felun:
25 Malveis est li guaainz ki turne a dampneisun.

[1] 1-1080 mq. [B] 1-138 mq. [W] 2
[2] Le second bien omis et ajouté en interligne [P] 2
[3] c. et treiter et e. [P] 2
[4] Ne par [P] sa uveraine [H] 2
[5] n'empire [H] 2
[6] om. hom [H] 2
[7] al. ameinet D. [P] 2

Page 2

6
   E Deu e seinte iglise e les clers honurez;¹
   Les povres herbergiez e peissiez e vestez,
   E voz dismes del tut dreituralment dunez;²
   Des pechiez criminals, de trestuz, vus guardez:³
30 Veirement le vus di que Damnedeu avrez.
7
   Mult par fu seint' iglise de primes defulee⁴
   E del cunseil le rei a grant tort demenee.
   Deus en seit mercïez, ki or l'a reguardee!⁵
   Par cestui resera trestute relevee⁶
35 Ki en suffri de mort, de sun gré, la colee.
8
   Faire soleit li reis as clers e force e tort.
   S'a forfait fussent pris, ja n'i eüst resort
   K'il nes feïst jugier as lais a lur acort.⁷
   Cist Thomas les maintint; n'orent altre comfort.⁸
40 Pur els se combati tant k'en suffri la mort.
9
   Se li clerc mesfunt rien, laissiez lei Deu vengier.⁹
   Il sunt vostre prelat; nes avez a jugier.
   E tant repoent il oriblement pechchier¹⁰
   Ke les ordres perdrunt; nes poëz plus charger.¹¹
45 S'a mesfait sunt puis pris, purrez les justisier. [f.2r]
10
   Ç'otreia saint Thomas, senz decré e senz lei,¹²
   Pur le rei refrener d'irë e de desrei.¹³
   Mes nul des sainz nel volt, ne jeo pas ne l'otrei:
   Cument eveskes puise a clerc tolir ne vei¹⁴
50 Le sacrement k'il ad del celestïen rei.¹⁵
11
   Par la preiere Helie fist Deu pluie chaïr
   Sur terre, ki deveit pur suffraite perir:¹⁶
   Car quarante-dous meis n'en pot gute sentir.¹⁷
   Mes tant ne soüst puis li prophetes flecchir¹⁸
55 K'il poïst cele pluie de la tere partir.
12
   Mult poëz bien veer mal conseil ot li reis.
   Il ne deit fere a clerc n'a iglise defeis¹⁹
   Ne tolir rien del lur, mes mettre i pot acreis.²⁰
   De l'iglise prent il la corone e les leis.
60 Mes Deus l'ament, ki est uns en persones treis!²¹

[1] om. E [H] 3
[2] par tut d. [P] 3
[3] De p. [H] 3
[4] en cel tens d. [P] 3
[5] ore [H] ki l'aveit r. [P] 3
[6] Par seint Tomas serra [P] 3
[7] K'il nel f. [H] 3
[8] Saint T. [P] 3
[9] l. le [P] 3
[10] o. jugier [H] 3
[11] Ki... puis jugier [H] 3
[12] Ceo o. [H] 3
[13] de ire [H] et d'ire [P] 3
[14] C. nuls e. a clerc t. ne v. [H] 3
[15] k'il a Deu deit c. r. [H] 3
[16] ki ne d. [H] quant d. par s. p. [P] 3
[17] ne pot [H] 3
[18] Mes t. poïst p. les p. f. [H] Mes que tant ne sust [P] 3
[19] ne dust [H] 3
[20] (de l. [P] ) i dut a. [H] 3
[21] u. et p. treis [P] 3

Page 3

13
   Bien est aparissant saint Thomas aveit dreit,
   Ki pur les clers suppris einsi se combateit.
   Pur amur Deu le fist, si cum feire deveit.
   Deus li ad bien rendu, ki nullui ne deceit;
65 Desdire nel pot nuls, car tut li munz le veit.
14
   Tut li mund curt a lui, eveskë e abé¹
   E gentil e vilain e li prince chasé;²
   E nuls nes en sumunt, ainz i vont de lur gré.³
   Mult s'i haste d'aler ki ainc n'i a esté;⁴
70 Nis li petit enfant i sunt em berz porté. [f.2v]
15
   Li muët i parolent, li surt i unt l'oïe,
   E de lepre i guarissent maint, e d'ydropisie;⁵
   Li contreit i redrecent, li mort i unt la vie,⁶
   Li avogle i alument; seint Thomas tost aïe⁷
75 Celui ki par bon quer le requiert e deprie.
16
   Mes merveille veums, e si est veirs pruvez,⁸
   De l'eve u est lavez ses dras ensanglentez:⁹
   Dedenz l'ume e defors sane les enfertez;
   Par beivre e par laver mil en i ad sanez,¹⁰
80 E plusurs morz i ad par ceo resuscitez.
17
   Reis e cuntes e ducs, poi les veum saintir;
   Deus les refuse mult, car nel volent servir.¹¹
   Coveitise les fait suvent del dreit guenchir;
   Ne funt rien se ceo nun que lur vient a plaisir;
85 Leis funt a lur talent, n'unt poür de morir.
18
   Les reis n'eslit pas Deus ne ne choisist ne prent,¹²
   Ne les ducs ne les haltes persones ensement;
   Mes chescun ki Deu crient e ki vit lealment,¹³
   U il seit de halt lin u seit de basse gent,¹⁴
90 Deus le munte e eshalce, s'a lui servir entent.¹⁵
19
   Saül, ki des Geius fu reis premierement,¹⁶
   De basse gent fu nez; Deu l'eslist veirement:¹⁷
   Sur les enemis Deu chevalcha lungement,
   Tant que il trespassa le Deu comandement,¹⁸
95 E tut pur coveitise. Deus em prist vengement. [f.3r]

[1] et evesque [P] 4
[2] v. li p. et li chasscé [P] 4
[3] ne l'en s. [H] 4
[4] M. se h. d'a. cil ke n'i ad [P] 4
[5] i guarisse [H] 4
[6] m. en unt [H] 4
[7] Th. les a. [H] 4
[8] Nis merveilles [P] 4
[9] u sunt l. [H] 4
[10] b. u par [P] 4
[11] v. suffrir [H] 4
[12] n'eslist p. [H P] 4
[13] e vit [H] 4
[14] de bas lin u de halte g. [H] 4
[15] D. les eshalce e m. a ki servir e. [H] 4
[16] S. ki fu G. [P] 4
[17] genz [P] 4
[18] T. qu'il [H] 4

Page 4

20
   Deus relist en sun liu David, le fiz Jessé,
   Un rus vadlet berchier, d'asez basse gent né.
   Le prophete l'enuinst, reis fu tut sun eé,
   Mult vassals e senez e de grant poesté.¹
100 Humlement amenda, quant il ot meserré.²
21
   Fols est ki en pechié volt lungement gesir;
   Mes a Deu crit merci, ne s'i lest endormir!³
   Bien pot l'um par pechié sa vie davancir;
   E meint est si suppris ne pot la buche ovrir
105 N'a pruveire parler, quant il vient al morir.⁴
22
   Les umles aime Deus, les povres ensement,
   Car de lur travail vivent, tutdis sunt en turment;
   E aiment seint' iglise e clers e povre gent,
   E dreites dismes donent e vivent nettement:
110 Itels eshalcera Deus parmanablement.⁵
23
   E Pieres e Andreus furent frere frarur;⁶
   A batel e a reiz esteient pescheür,
   Quant Deus les apela de cel povre labur;
   Puis furent mis en croiz e mort pur sue amur:
115 Apostre sunt el ciel e glorius seignur.
24
   Pur ceo vus començai a traiter cest sermon
   Del martyr saint Thomas, cel glorius baron
   Ki tuit li munz requiert a la seinte maison
   De Seinte Ternité, u suffri passion,
120 Par ceo que il maintint verité e raison. [f.3v]
25
   Ohi, mal eüré! Pur quei l'avez ocis,⁷
   Cel seintisme arceveske? N'i avez rien conquis.
   Il n'aveit rien mesfet; trop i avez mespris.
   Car vus repentez tost; volez en estre pris?⁸
125 A amender avez, se vivïez tuzdis.⁹

[1] Mut v. enseinez [P] 5
[2] om. il [H] 5
[3] ne se l. [H] 5
[4] om. il [H] 5
[5] Et teus [P] 5
[6] om. E frarurs [H] 5
[7] maluré [H] 5
[8] rature entre en et estre [P] 5
[9] se veviez [H] 5

Page 5

26
   Pur le pudlent de cors l'anme perdre volez,
   Ainz que mot en saciez, qui ert mort e alez.
   La glorie d'icest mund n'est pas fiu n'eritez;¹
   U vus voliez u nun, tute la guerpirez.²
130 Vers Deu ne vus guarra chastel ne fermetez.
27
   Li pius Deus e li veir ot saint Thomas mult chier.
   Ocis fu en bel liu e en un saint mustier,³
   Si l'ocistrent baron e vassal chevalier.
   La perdirent lur pris. N'i poent repairier?⁴
135 Bien se poent vers Deu, s'il volent, amaisier.⁵
28
   Nul pechiere ne pot faire pechié si ord,
   Si tost cum s'en repent e del tut s'en resort,
   Ke Deus ne li pardoinst e ke il nel cumfort.⁶
   Kar pur ceo suffri Deus pur pecheürs la mort,⁷
140 Quant se prendront a li, ke il les maint a port. -⁸
29
   Si volez esculter la vie al saint martyr,
   Ci la purrez par mei plenierement oïr;
   N'i voil rien trespasser, ne rien n'i voil mentir.⁹
   Quatre anz i ai pres mis al feire e al furnir;¹⁰
145 D'oster e de remettre poi la peine suffrir. [f.4r]
30
   Primes traitai d'oïe, e suvent i menti.¹¹
   A Cantorbire alai, la verité oï;
   Des amis saint Thomas la verité cuilli,
   E de ces ki l'aveient des enfance servi.¹²
150 D'oster e de remettre le travail ensuffri.
31
   Mes cel premier romanz m'unt escrivein emblé,¹³
   Anceis que je l'oüsse parfet e amendé
   E l'amer e le dulz adulci e tempré;¹⁴
   E la u j'oi trop mis, ne l'oi uncore osté,
155 Ne le plus ne le mains n'erés ne ajusté.¹⁵
32
   Par lius est mençungiers e senz pleneireté;
   E nepurquant i a le plus de verité.
   E meint riche umme l'unt cunquis e achaté;
   Mes cil en deivent estre, ki l'emblerent, blasmé.
160 Mes cestui ai del tut amendé e finé.

[1] pas gratté [P] 6
[2] guerpiré [H] 6
[3] en le s. m. [H] 6
[4] purrunt [P] 6
[5] B. les pot saint Thomas vers Deu a. [H] adrecer [P] 6
[6] k_il nel reconfort [P] 6
[7] Ici commence le ms. [W] 6
[8] k'il [H] a dreit port [P W] 6
[9] ne r. n'i v. aoitir [H] 6
[10] Q. a. i ai bien mis [P W] (mis bien [W] 6
[11] P. traitai jeo [H] t. de joie [P] t. je [W] (mais deux lettres ont été biffées devant ie) (de oïe [C] 6
[12] de cels ki [P] 6
[13] mun e. [H] 6
[14] atempré [P W] 6
[15] m. esrés [P W] 6

Page 6

33
   Tut cil autre romanz ke unt fait del martyr¹
   Clerc u lai, muine u dame, mult les oï mentir,²
   Ne le veir ne le plain nes i oï furnir.³
   Mes ci purrez le veir e tut le plain oïr;
165 N'istrai de verité pur perdre u pur murir. -⁴
34
   Saint Thomas l'arceveske, dunt preecher m'oez,⁵
   En Lundres la cité fu par veir engendrez,
   Des barons de la cit estraiz e alevez;⁶
   E Gilebert Beket fu sis pere apelez,
170 E sa mere, Mahalt; de nette gent fu nez.⁷ [f.4v]
35
   Quant la dame conçut primes l'enfant, sunga
   Ke l'eve de Tamise tut' en sun sain entra.
   Uns mestres li espunst a cui el le mustra:⁸
   "Mult pueples, fist li il, cist eirs guvernera".⁹
175 Sulunc mei, vives eves en sun ventre porta.
36
   Un altre mult bel sunge li raveit Deus mustré.¹⁰
   Vis li fu k'ele vint a Seinte Ternité;
   Quant volt entrer en l'us, si ot le ventre enflé
   K'ele n'i pot entrer. Vis m'est en verité
180 Tute Syon ne pot cumprendre sa bunté.
37
   Un' autre feiz sunga, quant dut aver enfant,
   Les duze granz esteiles del ciel en sun devant
   Chaïrent. Ici a signifiance grant:
   Car les duze lignees li vont tutes clinant,
185 E il ert un des duze ki les serunt jugant.
38
   Après ceo k'ot enfant, ra la dame sungié¹¹
   K'em berz giseit li emfes descuvert. Grant pitié
   En ad la dame oü; la nurrice ad preié
   K'ele cuevre l'enfant. Ele li respundié¹²
190 K'il esteit bien covert d'un grant palie pleié.

[1] k'unt [H] c'um ad f. [P W] 7
[2] les i oi [P] 7
[3] ne les i [H P] (furmir [P] 7
[4] Mss. isterai p. perde ne pur m. [H] 7
[5] precher [H] 7
[6] la cité [P W] (corr. dans [P] 7
[7] genz [P W] 7
[8] espuns [H] ke ele [H W] 7
[9] Mulz p. [P] 7
[10] li aveit D. [P W] 7
[11] ad la d. [P] 7
[12] cele li r. [P W] 7

Page 7

39
   Li palies ert vermeilz. Ambedeus se leverent;¹
   Al palie despleier durement se hasterent.
   La chambre fu petite; en la maisun entrerent.
   Mes trop refu estreite; en la rue en alerent.
195 Trop fud estreite asez; a Smethefeld turnerent. [f.5r]
40
   Uncor fu Smethefeld de cel palie mult mendre.²
   Une voiz unt oïe desur eles descendre;
   Dist que tut' Engletere ne purreit pas comprendre³
   La grandeur de cel palie. Mult poum bien entendre
200 Li sanc al seint se deit par tut le mund estendre.
41
   A escole fu mis asez de juefne eé,⁴
   E après a gramaire, quant saltier ot finé,
   E enaprès as arz, quant alkes ot chanté.
   Durement aperneit a mult s'aveit pené;⁵
205 Mes n'aveit pas lung tens les escoles hanté.
42
   En la maisun son pere se soleit osteler⁶
   Richier de Legle. Od lui soleit Thomas aler
   En bois e en riviere e od li converser
   Bien demi an ensemble, si cum j'oï cunter.
210 Dunc cumença mult chiens e oiseals a amer.
43
   Od lui ala un jur li enfes en riviere;
   Des oiseals volt aprendre les gez e la maniere.⁷
   Vindrent a un grant duit; n'i ot punt ne charriere⁸
   K'une planche, u passa cele gent poüniere.
215 Li ber ala devant e li enfes deriere.
44
   Par desus la planche est li chevaliers passez.
   Thomas ala après, tut enchaperonez;
   Mes a sun cheval est un des piez eschapez:
   Il e li cheval est enz el duit reversez;
220 Il ad voidié la sele, aval esteit flotez. [f.5v]
45
   Dejuste la planche ot un mulin tut molant;⁹
   De grant ravine ala; Thomas vint la flotant:¹⁰
   Quant il dut en la roe chaïr, le chief devant,¹¹
   Li molniers out mulu; mist la closture a tant.¹²
225 Si guari Deus de mort a cele feiz l'emfant.¹³

[1] ambdui [H] aundeus corr. en amedeus [P] 8
[2] Uncore mss. (l'e gratté dans [P] 8
[3] Dit [H] 8
[4] D'escole [H] 8
[5] se aveit p. [H] 8
[6] Car en la m. [H] s. p. soleit donc (aj.) o. [P] 8
[7] D'oiseals [H] 8
[8] n'i unt [P] 8
[9] De dejuste [P] om. corr. ultér. tut [H P] 8
[10] T. i vint f. [P] 8
[11] le c. avant [P W] 8
[12] aveit m. [H] mist l'escloiture [P] 8
[13] guarist D. [P] 8

Page 8

46
   Car Deus le volt pur ceo guarder e guarantir
   Ke il deveit par li si granz biens acomplir.¹
   Les alkanz sueffre Deus a vivre e a guarir,
   Pur ceo que mult grant mals deit par els avenir;
230 E li alquanz redeivent mult granz biens parfurnir.²
47
   Bien ot vint e un an u plus, sulunc recort,
   Quant d'escole parti. Par mesestance fort
   S'aïe li failli; mult ot petit comfort.
   Car sis pere e sa mere enfundrerent al gort,³
235 Dunt unkes puis ne porent resurdre a lur dreit port.⁴
48
   Kar sis pere ot esté mult riches hum jadis,⁵
   Sa mere, bele dame e de cors e de vis.
   E de bones genz furent e orent mult conquis,
   Mes arsun les ot mult e destruit e aquis;
240 Tant sovent erent ars que mult furent pres pris.⁶
49
   A un sun parent vint, un riche hume lundreis,⁷
   A Osbern Oit-Deniers, kil retint demaneis.⁸
   Mult esteit coneüz e de Francs et d'Engleis.⁹
   Puis fu sis escrivains, ne sai dous anz u treis.
245 Dunc comença a estre e senez e curteis.¹⁰ [f.6r]
50
   Mes tant ala Thomas e amunt e aval
   K'a l'arceveske vint par un sun mareschal,¹¹
   Ki soleit repairer chiés sun pere a l'ostal.¹²
   Mult bel i vint a dras e mult bien a cheval,
250 E adjutur i ot le rei espirital.
51
   Thomas fu vedzïez, e Deus mult l'avança
   En sens e en conseilz. E jur e nuit veilla;
   De servir sun seignur, quanque pot, se pena.¹³
   De sun conseil par tut durement s'aprisma,
255 Tant que li arceveskes suvent l'i apela.¹⁴

[1] K'il [H] 9
[2] m. grant b. acomplir [H] 9
[3] afundrerent [P] 9
[4] Dunc [H] 9
[5] Mes [H] 9
[6] Tant furent sovent a. q. m. se orent p. p. [H] 9
[7] un soen p. [P] a un r. h. [H] 9
[8] 242-3 interv. [P W] 9
[9] Ke mult ert c. [P W] de E. [H] 9
[10] enseinez et c. [P] 9
[11] un sul m. [H] un soen m. [P] 9
[12] a hostal [P W] 9
[13] quant k'il sout [P] 9
[14] s. l'apela [H P] l'i apela, changé plus tard en le a. [W] note dans D, le corr. aj. bien devant suvent 9

Page 9

52
   Rogier del Punt l'Eveske envie li porta,
   E par lui e par altres, quanqu'il pot, l'esluina,¹
   E le clerc Baille-Hache plusurs feiz le numa.²
   (Cil ot issi a num ki a curt l'amena.)
260 Mes Thomas fu senez, e sil survezia.³
53
   L'arceveske Tiedbalz a Rome l'a mené;
   Puis i ad il suvent en sun message alé:⁴
   Mes iluec e par tut le servi si a gré⁵
   Ke l'arceveskes l'a pres de sei ajusté
265 E sun privé conseil par tut abanduné.
54
   L'arceveske Willame d'Everwic devia.
   L'arceveske Tiedbald, ki mult s'en travailla,⁶
   A sun arcediacne cel' honur purchaça,
   Rogier del Punt l'Eveske, k'il i mist e sacra.⁷
270 L'arcediakené Thomas, sun clerc, dona.⁸ [f.6v]
55
   De Bervelei li ad purquis la provosté,
   E rentes e iglises en plusurs lius doné;
   Kar unc ne trova hume kil servist si a gré.⁹
   Deus li duna oür, ki l'aveit aspiré;¹⁰
275 Tutdis trest a honur, a sen e a bunté.
56
   Chiens e oisels ama e deduit seculer.
   Mult fu larges e proz, de vif sen e de cler;
   Mes pas ne refusa, s'um li voleit doner,
   Cum li autre qui poent nuirë e amender,¹¹
280 E ki volent al mund par lur aveir munter.
57
   L'arceveske Tiedbald ne l'ad ublïé mie.
   Al secund rei Henri met Thomas e alie,
   Ki dunee li a lués sa chancelerie.¹²
   Einsi li crut honurs adès e manantie;¹³
285 Mes le servise al rei en nul liu n'entroblie.
58
   Le rei de quanqu'il pot servi mult volentiers;¹⁴
   En pensé e en fet li fu del tut entiers.
   Quanque il pot aveir, e argent e deniers,¹⁵
   Or e dras e chevals, duna as chevaliers.
290 Mult ert humbles de quer, e de vis ert mult fiers.¹⁶

[1] quant il p. [P] 10
[2] om. Hache [H] 10
[3] fu veziez [H] 10
[4] P. est il s. [H W] 10
[5] s. taunt a g. [P W] 10
[6] m. se t. [H] 10
[7] cui i (aj.) m. [P] 10
[8] L'arcediacné a Tomas [H W] 10
[9] u. n'i trova [H] 10
[10] espiré [P W] 10
[11] p. et n. [P W] 10
[12] Ki duné [H W] a dunc s. [P W] 10
[13] adès honurs [P W] 10
[14] om. mult [H] 10
[15] Car k'il p. a. de or e de a. [H] 10
[16] om. le second ert [H] 10

Page 10

59
   As povres huemles ert, as halz de fier reguar:
   Aigneals esteit dedenz, defors semlout lupart.¹
   Del rei servir a gré ne targa tempre e tart.
   Mes quel qu'il fust dehors, n'i ot puint de mal art:
295 A Deu guardot adès la dedenzeine part. [f.7r]
60
   Ja seit ceo que il fust e orguillus e vains²
   En cures seculers e en semblanz forains,³
   Chastes ert de sun cors e en espirit sains;⁴
   E ja seit ceo qu'il fust el servise al rei plains,⁵
300 De seint' iglise fu, tant cum pot, destre mains.
61
   En cel contemple fu en Estaffordescire⁶
   Li secund rei Henris, ki d'Engletere ert sire.
   E amot une dame, la gençur de l'empire;
   Avice d'Estafford ot num, ceo oï dire.⁷
305 Mes de la part le rei vit ja l'amur defire.⁸
62
   De part le rei ert ja li fous plus menuiers;⁹
   La dame en fu dolente, kui li reis ert mult chiers.¹⁰
   A Estokes ert dunc Thomas li chanceliers;¹¹
   La dame li tramist suvent ses messagiers.
310 Mal i quida li ostes, ki esteit mult legiers.¹²
63
   Chiés Vivïen le clerc fu Thomas herbergiez.
   Quant ses liz fu la nuit mult bel apareiliez
   D'une cuilte de palie, de chiers dras e dulgiez,
   Quida cil que il fust od la dame culchiez;
315 K'ele fust la venue, il en ert acuintiez.¹³
64
   Quant il sot que li ber poüst estre endormiz,¹⁴
   E tuz ses bons oüst de la dame acompliz,
   Se mesfesist al rei, de ceo vout estre fiz;¹⁵
   Od sa lanterne vint dreit la u fu li liz.¹⁶
320 Quant ne l'i ad trové, mult esteit esbaïz.¹⁷ [f.7v]
65
   Car de tut le lit n'iert un des draz remuez¹⁸
   D'eissi cum ot esté le seir tart aturnez.¹⁹
   Dunc quida que il fust a cele dame alez;²⁰
   Mist la chandeile avant pur plus estre acertez:
325 Lez le lit a la tere jut Thomas li senez.²¹

[1] d. esteit l. [H] 11
[2] iço [P W] 11
[3] En ovres (overs [P] ) s. [P W] semblant [H P] 11
[4] en spirit [H] 11
[5] que il f. [H] 11
[6] fu e E. [H] 11
[7] o. a num [P W] 11
[8] M. de part le r. [H P] vit cele l'a. d. [P] 11
[9] ert li f. amenuisiez [H] 11
[10] k'aveit le rei m. chiers [H] 11
[11] A Wedestoke... li chaceliers [H] 11
[12] ki mult esteit [P W] 11
[13] v. n'en esteit a. [H] en changé en li [P] 11
[14] pout bien (aj.) e. e. [P] 11
[15] voleit e. [H] 11
[16] om. la [H] aj. dans [P] u fu liz i [P] 11
[17] ne lui ad t. [P] m. en fu e. [P W] 11
[18] le liz [H] 11
[19] D'e. cum il ot le seir esté tart a. [H] 11
[20] qu'il f. [H] 11
[21] jut li benurez [P W] 11

Page 11

66
   Cuvert ert d'un mantel de menu haubergié,¹
   E descuvert li erent les jambes e li pié.²
   En ureisuns aveit sun cors mult travaillié;³
   De dreite lasseté s'a a tere culchié,⁴
330 E dormi fermement, pur ceo k'ot tant veillié.⁵
67
   Cum plus crut e munta Thomas seculerment,⁶
   Plus fu umles de quer, queus qu'il fust a la gent.⁷
   Pur le rei mesfeseit en plusurs lius suvent,
   Mes vers Deu l'amendeit les nuiz priveement.
335 Pur ç'ad Deus tant ovré sur le bon fundement.⁸
68
   N'out unkes si privé, ne clerc ne conpainun,⁹
   Chanberleng ne sergaunt, seneschal ne garçun,
   Nul ki taunt lungement servist en sa maisun,¹⁰
   Ki le puise affermer ne faire mustreisun
340 K'en nul tens le veïst a tele mesprisun.
69
   Mult par esteit beals clers, e menot grant boban:
   Li riches reis Henris, ki del mund a grant pan,
   N'en menot pas greinur; nel tenez a engan.¹¹
   Ne plus vezïé hume ne verrez vus uan.¹²
345 El servise le rei suffri maint grant ahan.
70
   De chevaliers vassals grant maisnie teneit,¹³
   E duns e livreisuns richement lur duneit.
   Cotereals e archiers e serganz reteneit;
   Forveier les menot, e grantment mesfeseit.¹⁴
350 Les enemis le rei mult durement greveit. [f.8r]
71
   Par assalt prist chasteals, motes e fermetez,
   E burcs e viles arst, e assaili citez.¹⁵
   Sur sun destrier esteit del bon hauberc armez,¹⁶
   Tant qu'il en fu suvent mult durement grevez;
355 Pur saetes le fist, ke il ne fust navrez.¹⁷

[1] m. d'un menu h. [H] 12
[2] le pié [H] 12
[3] En ureisun [P] 12
[4] Ke (aj.) de d. lascesse s'ert a t. c. [P] a la t. [H] 12
[5] d. formement [H] 12
[6] Le plus [H] 12
[7] que qu'il f. [H] 12
[8] P. ceo ad [H] 12
[9] note 336-340 dans M seul; strophe probablement inauthentique 12
[10] servi corr. en servist [P] 12
[11] Ne m. [P W] 12
[12] ne v. mais u. [P] 12
[13] g. mesnies [P] 12
[14] Forferre [P W] 12
[15] assail c. [H] 12
[16] Sur le d. [P W] ert [H W] (est corr. en esteit [P] 12
[17] k'il [H] 12

Page 12

72
   En Guascoine fu il lung tens pur guerrïer;
   As Guascoinz i cuvint de lur chasteals leissier.
   En Normendie rot sun seignur grant mestier,
   E jeol vi sur Franceis plusurs feiz chevalchier.
360 De ses bosines fist le rei mult avancier.
73
   Li siecles est malveis, bien le poëz veeir.
   E cum plus a li hum, meins atent al saveir,¹
   E cum plus pot al mund, vers Deu pot meins valeir;²
   Car dunc ublie Deu e met a nunchaleir.³
365 Le mund volt embracier, li munz volt li aveir.
74
   Li malfez estre iceo ne fine de guaitier⁴
   Le cristïen tutdis, k'il le pusse enginnier.
   E cum meilur le veit, prudume e almodnier,⁵
   Tant se peinë il plus k'il le face pechier,
370 Que il le puisse od sei en enfern trebuchier.⁶
75
   Cist Thomas dunt paroil, ki dunc fu si puissanz,⁷
   Ainz k'il fust chanceliers n'esteit pas mesfaisanz;
   Simples esteit a tuz, as petiz e as granz.
   Or ert pur sun segnur durement empernanz,
375 E par tut se penot ke il li fust plaisanz.⁸ [f.8v]
76
   Le chancelier serveit le rei tut a sun gré,
   E quanque il feseit li ert a volenté.⁹
   Il saveit sun conseil trestut le plus segré;
   Par sun conseil errot, ne li ert rien celé.
380 Nul hume a cel contemple n'a li reis plus amé.¹⁰
77
   E nis li bailla il Henri, sun fil l'ainzné,
   E k'il presist de tuz les barons feelté;
   E s'il i oüst nul si hardi u osé
   Ki ne la volsist faire, de trestut le regné,¹¹
385 Errament l'asegast, ceo li ad comandé.¹²
78
   En nul liu nel poeit nuls hom survezïer.¹³
   Quant li reis se pleineit de riche chevalier,¹⁴
   De cunte e de baron, dunt se volsist vengier,
   En nul liu n'aparçut li reis del chancelier¹⁵
390 Ke il volsist celui vers lui de rien aidier.¹⁶

[1] E ke plus [H] m. entent a s. [P W] 13
[2] E ke plus [H] 13
[3] ublie e met Deu a n. [H] en n. [P W] 13
[4] Li m. traïtor (en interligne grattage) ne f. [P] 13
[5] E que m. le vit [H] 13
[6] Qu'il [H W] 13
[7] note 371-375 dans H seul; certainement authentiques 13
[8] k'il [H] 13
[9] E quanqu'il [H] 13
[10] N. h. en son vivant [P W] 13
[11] Ki nel [H] 13
[12] Hors del païs (de sa terre [W] ) alast [P W] 13
[13] p. li reis s. [H] 13
[14] se claimet [P] 13
[15] om. En [P] ne s'aparçut [H] n'aparceust [P W] 13
[16] K'il v. c. vers le rei [H] om. de [H W] aj. dans [P] 13

Page 13

79
   "A il issi, fet il, vers vus dunc meserré?¹
   Certes, mult fu hardiz, s'ainc li vint em pensé.
   U il est riches huem u de grant poesté,
   U mult vus a servi, e bien ert amendé;
395 Or covient a suffrir, k'en saciez la verté."
80
   Mes quant li arceveskes Tedbalt fu devïez,²
   Al chancelier, qui si esteit del rei privez,
   Greantée fu dunc del rei la dignetez.³
   Car el regne ne sot nul clerc de ses buntez,⁴
400 E quida k'il sewist par tut ses volentez. [f.9r]
81
   En Normendie esteit idunc li reis Henris,
   E Thomas altresi, qui quereit los e pris.
   Les meilurs chevaliers tint od sei del païs,
   E guerrea le rei de France, Loëwis.
405 De bien servir le rei s'esteit mult entremis.
82
   En tut le regne n'ot ne si halt ne si fier
   Kil poüst, s'il volsist, bien nuirë u aidier.⁵
   Ki que venist al rei, de quei qu'oüst mestier,⁶
   Errament l'enveast ariere al chancelier.
410 Quanqu'il fist e desfist, tut voleit ostreier.
83
   E trestute Engletere e tute Normendie,⁷
   Altres teres asez, aveit en sa baillie.
   E quanque il feseit ne desplot al rei mie.
   Od sei meneit adès mult grant chevalerie;⁸
415 Al rei fist de sa guere mult suvent grant aïe.
84
   En la terre n'aveit plus large viandier.⁹
   Adès vindrent a lui baron e chevalier,
   Puteins e lecheür, a beivre e a mangier.¹⁰
   Ses ostels fist suvent l'ostel le rei voidier,
420 Tant que li reis se prist vers lui a curecier.

[1] note 391-5 dans H seul; strophe d'authenticité douteuse 14
[2] l'arceveske [H] 14
[3] Granté li f. [H] 14
[4] de sa b. [H] 14
[5] A ki il ne p. s'il vout, n. u a. [P W] 14
[6] que oüst [H] de que ke o. [P] 14
[7] En t. E. [P] 14
[8] 414-415 Larges ert et curteis sa table ert replenie Ceus tint od sei ke ourent los de chevalerie [P W] 14
[9] note 416-420 dans H seul; certainement authentiques 14
[10] Putein [H] 14

Page 14

85
   Quant fu arcediacnes provoz e chanceliers,
   Vedves e orphanins e povres aveit chiers;
   Mes asise n'en sot serganz ne almoners,¹
   Mes tut adès les pot, e fist bien volentiers.²
425 E cum plus fu halz jorz, tant lur fu plus pleniers.³ [f.9v]
86
   En Engletere l'a li reis dunc enveié.
   De tutes ses bosoignes li a le fes chargié.
   E il l'en aveit mult a cel' ure avancié;
   Car il le cunut bien des le chief tresqu'al pié,
430 E par tut se voleit tenir a s'amistié.
87
   Dunc enveia li reis a Seinte Ternité
   Treis eveskes, ki sorent mult de sa volenté,⁴
   E Ricard de Luci, un baron mult sené.
   Dunc sunt od le covent dedenz capitre entré;
435 E Ricard de Luci ad pur els tuz parlé.⁵
88
   "Li reis Henris, fet il, que tenum a segnur,
   Al covent ad mandé par nus, e al priur:
   Ceste iglise a esté lungement senz pastur;⁶
   Or volt li reis qu'aiez pere e guverneür;⁷
440 Mes a vostre pru volt k'il seit, e a s'onur.
89
   - E Deus nus doinst, funt il, pastur a sun plaisir,
   Ki puisse seint' iglise e nus bien maintenir.
   Beneïz seit li reis, k'il le nus volt suffrir,
   Ke nus poum pastur a l'iglise choisir.
445 - Voz dreiz, funt li eveskes, ne vus volt il tolir.⁸
90
   "Mes or vus covendreit mult bon conseil aveir,⁹
   Ke vus eslisez tel ki vus puisse valeir
   Par tut envers le rei; car bien poëz saveir,
   Se vus eslisez nul encontre sun voleir,
450 Vostre iglise en purra en grant perte chaeir.¹⁰ [f.10r]
91
   "Kar pes ne s'amistié a nul jor n'avrïez,¹¹
   En cisme e en discorde tutzdis mes serïez;¹²
   Ne vus n'avez mestier k'il seit vers vus iriez.¹³
   Mes s'un k'il mult amast eslire purïez,¹⁴
455 De tutes voz bosignes el desus serïez."

[1] ne sot s. ne chevaliers [H] 15
[2] le pot [H] 15
[3] tant fu il p. p. [H] 15
[4] Dous e. [P W] 15
[5] Richer de L. [P] 15
[6] l. sen p. [H] 15
[7] 15
[8] ne v. v. nul [P] nul changé en il [W] 15
[9] M. ore [H W] 15
[10] om. le premier en [H] 15
[11] ne sa a. [H] 15
[12] en descort [P W] 15
[13] v. est pas m. que vos le coreceiz [P] 15
[14] se un [H] purrez changé en purriez [P W] 15

Page 15

92
   Dunc en unt li covenz a lur conseil parlé.
   L'eveske de Cicestre unt a els apelé,
   E celui d'Execestre n'en unt il pas sevré,¹
   E Ricard, ki tint d'els e fiu e herité,
460 K'il conseillent l'iglise de Seinte Ternité.
93
   A lur dreit escïent lur unt le mielz loé.
   Or unt tant le conseil e estreit e mené²
   K'a ceo s'asentent tuit, li juefne e li sené,³
   Ke Thomas eslirrunt a cele dignité.
465 A cel conseil se sunt li baron acordé.
94
   Bien quident que li reis s'i voldra assentir;⁴
   Ne plus oneste clerc n'i purreit nuls choisir,⁵
   Ne nul ki mielz poüst lur iglise avancir,⁶
   Ne ki mielz fust del rei; e s'il font sun plaisir⁷
470 Mult en purra grant pru a l'iglise avenir.
95
   Or unt li moine einsi fermement greanté.⁸
   E li baron s'en vont a Lundres la cité.
   Tut le barnage i unt del païs asemblé;
   Plenierement i furent eveskë e abé,⁹
475 E li priurs i fu de Seinte Ternité. [f.10v]
96
   La unt eslit Thomas e pris a avoé
   Tut senz nul contredit de lai u de letré,
   Fors de celui de Lundres, kin aveit guernoné:¹⁰
   Car de seint' iglise ad persecuturs esté,
480 Ceo dit; a mult grant tort avreit la digneté.
97
   Il meïsmes l'aveit cuntr'els tuz contredit:¹¹
   N'est pas dignes, ceo dit, d'aveir si halt abit;¹²
   Destruit ad seint' iglise, sa lei mis en despit,¹³
   E adès parsewi; a tort l'i unt eslit.¹⁴
485 Od lermes en requiert e delai e respit.
98
   "Fiz, si seras, ceo dit l'eweske de Wincestre;
   Si purvers as esté el servise terestre,¹⁵
   Mielz e plus volentiers serf le seignur celestre.¹⁶
   Tu fus lus as ueiles; or seies pastre e prestre.¹⁷
490 De Saul persecutur Pols seras e deiz estre."

[1] Ne c. de Eccestre [P] n'unt [H] 16
[2] t. le c. estreit demené [H] lur c. [P W] estreint [P] 16
[3] se sentent [H] 16
[4] se voldra a [H P] 16
[5] ne [H W] porent nul [H] 16
[6] 468-9 interv. [H] 16
[7] Ne nul ki [H] m. seit del r. [P W] 16
[8] Or l'unt [P] 16
[9] et e. et a. [P] 16
[10] note Dans H une main postérieure a écrit Hereford au-dessus de Lundres kin ad un poi grucié k'en n'aveit grucé (corr.) [W] 16
[11] memes [H] E il mesmes l'a... (grattage) [P] 16
[12] ço dist [P W] d'aveit [H] 16
[13] si l'at mise en d. [P] 16
[14] Et a despersunee [P] 16
[15] as estés [H] 16
[16] s. le rei c. [H] 16
[17] Tu fu... or seez pastur [H] pastur [W] 16

Page 16

99
   Dunc l'unt a arceveske a grant joie levé,
   Quant tut li clergiez l'a eslit e apelé.
   Li reis aveit purquant as justises mandé
   E al clergié par brief, - mes ne l'unt pas mustré, -¹
495 K'en respit le mesissent; pur ceo se sunt hasté.²
100
   Ne sai pur quei li reis s'en volt si tost retraire.
   Bien entendi, ceo crei, tut changot sun afaire;
   Ne mes sa volenté ne purreit de li faire,
   Ne les dreiz seint' iglise ne lerreit pas detraire.³
500 Mes tut ceo que Deus volt ne pot nuls hom desfaire.⁴
101
   U pur ceo que li reis vit bien e entendi⁵
   K'il l'aveit lealment e par tut bien servi,
   Ne trovereit ja mes kil servist altresi,
   Or li pesot k'il ot sun servise guerpi.
505 Mes il fu presenté al fiz le rei Henri.⁶
102
   Li reis li aveit ja le realme duné,
   Ke qu'avenist de lui, k'il fust a seürté.
   Les humages ot pris de tuz e feelté.⁷
   Par sun brief ot li reis as justises mandé⁸
510 Que quanqu'il en fereient il lur ot greanté.⁹
103
   Presenté unt pur ceo l'enfant l'electiun,¹⁰
   E a ces qui li reis en aveit fet le dun.¹¹
   Assens i unt duné a lur cumfermeisun.¹²
   L'eveske de Wincestre, ki mult sot de raisun,
515 Ne voleit k'il en fussent pris a nul' achaison.¹³
104
   L'emfant e les barons aveit araisonez.
   "Seignur, fet il, a mei un petit m'entendez.¹⁴
   Cist a esté baillius le rei e ses privez,
   E nus l'avom eslit, e vus le greantez;
520 Or volum que del tut quite le nus clamez.¹⁵

[1] 494-5 K'en respit le meïssent pur ço se sunt hasté, Et nis le bref le rei n'i unt il pas mustré [P W] 17
[2] om. se [H] 17
[3] de s. i. [P W] (#effacé dans [P] 17
[4] om. hom [H] 17
[5] . [P] pur [H] 17
[6] Dies ore [P W] (corr. en il [W] 17
[7] p. del tut [P] 17
[8] om. sun [H] 17
[9] om. en [H W] par lui ert (fust [W] ) confermé [P W] 17
[10] P. ot [H] c. al fiz [P] 17
[11] a ceus [P] que li r. [H P] 17
[12] li unt d. [H] 17
[13] om. en et nul' [H] 17
[14] a mei u. p. entendez [P W] 17
[15] Ore [H] 17

Page 17

105
   "Del païs a esté e baillius e justise;
   Les rentes le rei ot tutes a sun servise.¹
   D'acuntes, de tut el, de tute sergantise²
   E quite e franc del tut le demande s'iglise,
525 Ke qu'avienge en avant, ne seit em perte mise."³ [f.11v]
106
   Les justises le rei, ki il ot comandé⁴
   Ke quanqu'il en fereient par li ert cumfermé,⁵
   E sis filz ensement, l'en unt quite clamé⁶
   D'acuntes, de tut el, e al clergié livré.⁷
530 Dunc l'unt a arceveske a grant joie levé.
107
   N'i ot gueres de tens après ceo trespassé
   K'a Cantorbire l'unt a grant joie mené⁸
   E a mult grant honur receü e sacré.
   Mes n'a pas erranment sun abit remué:⁹
535 Par l'abit volt covrir ceo qu'al cuer ot planté.
108
   E li seignur en unt suvent entr'els grucié,
   K'il entrot enz el quer, sa cote par sun pié;¹⁰
   Ne sorent qu'en sun cuer ot Deus edifïé.
   Uns ki privé li fu l'en aveit chastïé;
540 Un sunge li çonta k'uns moines ot sungié.¹¹
109
   Deus s'aparut al moine e dist lui en dormant:
   "Va tost al chancelier; di li que jeo li mant
   Prenge abit monial, ne voist mie targant.¹²
   E s'il nel fet, tutdis l'irai contraliant,
545 E mal li avendra adès a sun vivant."¹³
110
   Quant l'arceveske l'ot, un ris li ad jeté.
   Partie li mustra de ceo qu'out en pensé;¹⁴
   Mes a Deu sulement ad sun cuer demustré,
   Ki l'ot, ainz k'il fust nez, eslit e apelé.
550 Car tut ert ja changié de tel cum ot esté.¹⁵ [f.12v]
111
   E si tost cum il ot la dignité emprise,¹⁶
   Les mals murs a guerpi e seculer servise.
   Reddement guverna e clers e saint' iglise,
   Tint preste de ferir l'espee de justise;
555 Nel lessa pur poür ne pur grant coveitise.¹⁷

[1] E les... en sa komaundise [P] 18
[2] De rentes e d'acuntes [H] 18
[3] a. n'en s. [P] 18
[4] ke il [H W] 18
[5] om. en [H] f. il lur out graunté [P W] 18
[6] E si fil [H] l'unt tut q. c. [P W] 18
[7] D'a. e del tut al c. l'unt l. [H] om. al c. deliveré (e ) [P] 18
[8] K'en C. [H] 18
[9] sun a. erraument [P W] 18
[10] K'il e. en lur q. [P W] 18
[11] un moine o. [H] 18
[12] ne se (s'en [W] ) voist rien t. [P W] 18
[13] a. en sun v. [P W] 18
[14] que out p. [H] 18
[15] de ceo que o. e. [H] note [H] place les str. 111 et 112 après la str. 119 apparemment pour rapprocher le v. 561 (où il écrit li moine li diseit ) du moine du v. 541 sqq. L'ordre des mss. [P W (C)} paraît préférable 18
[16] Mes [H] 18
[17] Ne l. [H W] 18

Page 18

112
   Tut ceo que dut amer bien maintint e ama,
   E ceo que dut haïr guerpi e esluingna;
   Al servise le rei cuntre Deu n'aprisma.
   Les povres revesti e pot e guverna;
560 De Damnedeu servir, quanque pot, se pena. [f.12r]
113
   Li moine li diseient: quant il esteit lur mestre¹
   E lur dux e lur pere, lur abes deveit estre;
   Quant ert abes, l'abit en dut aveir e l'estre.²
   A ceo qu'ert apelé, a ceo deveit renestre,
565 E la divine honurs refuse abit terestre.
114
   Ne voleient suffrir li reguler chanoine³
   K'arceveskes n'eveskes oüst abit de moine.⁴
   A moine est, cume a mort, donee neire bruine,
   Ne lur robe n'est pas a nul prelat aoine.⁵
570 Cil unt de lur raisun asez grant testimoine.⁶
115
   Li clerc ki od lui erent li rediseient al:⁷
   Ke s'oüst esté moines e fust en cel estal,⁸
   Guerpireit il la vie e l'ordre monial.
   Quant od les clers comverse, robe avra cumunal;
575 Ne tendra cume moines poesté eveskal.
116
   Par tels raisuns esteit de treis parz anguissiez.
   Mes a un mult prudume s'en esteit cunseilliez,⁹
   Priur de Kenilwrdhe; cil li ad dras tailliez.¹⁰
   Les regulers a pris, les seculers laissiez;
580 Chanoine fu defors, mes dedenz fu chargiez.¹¹
117
   Trop grant religiun ne volt defors mustrer,
   Mes les dous ordres volt en un sul cors porter:
   La cule ot suz les dras, - cel ordre volt celer, -¹²
   Mes de pans e de manches l'aveit fait escurter;¹³
585 La haire ot a la char pur sun cors plus grever. [f.12v]

[1] li diseit [H] 19
[2] e. l'abes l'a. dut [H] 19
[3] Nel volent s. li seculer c. [H] 19
[4] K'arceveske u eveske [H] 19
[5] a nul p. a hume [H] 19
[6] E il [H] Cil troverent assez de lur dit t. [P W] 19
[7] que od l. esteient [H] 19
[8] enz en c. e. [H] 19
[9] om. mult [H] 19
[10] Li priurs d'Alnewiz [H] de Kenillewrdhe [P] 19
[11] fu changez [P W] 19
[12] cuule [H] kule [P] couele [W] 19
[13] om. Mes [H] f. ecurcer [P] 19

Page 19

118
   Ne volt le muniage k'il nel preïst laissier,¹
   U pur la visiun que Deus li fist nuncier,²
   U pur ceo que nul d'els ne pot unkes frugier³
   Ki seculer volsist cel' honur embracier.⁴
590 Car dous en i fist Deus malement trebuchier:
119
   Stigant fist l'apostoiles de sun sié deposer,⁵
   En prisun e en chartre de mesaise finer.
   Es munz de Mungiu fist Deus Elfsi devïer;⁶
   Sa jument fist ovrir e ses piez enz geter:⁷
595 De freit murut en l'iwe, ainc n'i pot eschalfer.
120
   Mes l'abé d'Evesham aveit dunkes mandé,⁸
   Dan Adam de Saint Liz, prudume e renumé;
   Ke pur sun palle alast li aveit comandé.⁹
   Dui bon clerc e uns moines i sunt od li alé,
600 E pape Alisandre unt a Munpelier trové. [f.13r]
121
   Bon clerc furent des arz, de decré e de lei.¹⁰
   Sa peticiun fist des treis chescon par sei,¹¹
   E mult parlerent bien e clergilment tut trei.
   E Alisandre pape les oï bien, ceo crei,
605 Mes il ne lur fist pas del palliun l'otrei.
122
   Il en sunt plusurs feiz as cardunals alé.
   Li cardunal lur unt mainte feiz demandé¹²
   K'il orent l'apostoile e a els aporté;¹³
   K'il esteient de Rome chacié e debuté,¹⁴
610 N'aveient de lur rentes un denier muneé.
123
   Li messagier lur unt tut adès respundu
   K'il de luntein païs esteient la venu;¹⁵
   Ceo qu'orent aporté, orent pres despendu.¹⁶
   Le palle requereient saintement e a nu;
615 Ja pur simonials n'en sereient tenu.¹⁷
124
   Unc ne porent plus prendre pur tut lur demander.
   Mes quant li abes vit k'il ot liu de parler,
   E vit les cardunals entur la pape ester,
   Sa requeste mult bel cumença a mustrer;
620 Mes n'i volt mot de lei ne de decré soner.

[1] k'il ne p. [H W] 20
[2] f. mustrer [H] 20
[3] nel p. u. flechir [H] 20
[4] Ke [H W] (#rature [P] 20
[5] f. l'apostoile [H] 20
[6] f. un autre d. [P] f. Deus ausi d. [W] 20
[7] enz buter [P W] 20
[8] d'E. ad saint Tomas m. [P W] 20
[9] pal [H] (cf. 614) pal corr. en pale [P] 20
[10] e de decrez [H] 20
[11] chaskun des treis [P W] 20
[12] Li c. l. orent suvent d. [H] 20
[13] o. a l'a. [H] 20
[14] Ke changé en Ki [P] Ke [W] dechacié e buté [H] 20
[15] Ke de [P W] 20
[16] C. que o. [H] C. k'en o. porté [P] 20
[17] ne s. t. [H W] 20

Page 20

125
   "Sire, fet il, ceo dit Deus, ki est veritez¹
   (Par tut le deveiz fere, quant el liu Deu seez):²
   'Demandez justement', fet Deus, 'e vus l'avrez;
   Querez le seintement, e vus le troverez;
625 Li uis vus ert overz, s'al verrai us butez'.³ [f.13v]
126
   "Mult sumes travaillié e mult de luinz venum.
   Ceo que volum aver saintement demandum;
   Ici devom trover ceo que nus requerum.⁴
   Vus nus overeiz l'us; dignement i butum.⁵
630 Vus estes el liu Deu, Deu en vos troverum."
127
   Dunc li dist l'apostoille, quant il ot parfiné:⁶
   "Frater, tu prendras ci ceo que as demandé.⁷
   Tu l'as quis justement, e tu l'avras trové;⁸
   Nus t'overum mes l'uis, car tu i as buté."⁹
635 Dunc aveit hum avant le palliun porté.
128
   Le palliun lur a l'apostoile chargié,
   E il s'en sunt od tut ariere repairié.¹⁰
   Einsi i vint Thomas senz dun e senz pechié;
   N'i ad pur ceo denier ne or n'argent baillié.¹¹
640 Essample i deivent prendre li successur del sié.¹²
129
   Mult par est Deus vaillanz, forz e de grant bunté,¹³
   Quant il le cuer de l'ume a einsi tost turné.¹⁴
   Car il n'a suz ciel rei de si grant poesté
   Ki puisse pas turner le quer ne le pensé
645 De nul hume suz ciel, ultre sa volenté.¹⁵
130
   Mes Deus l'ad tost turné, quant li plest e il volt,
   E tost li fait haïr ceo que plus amer solt;¹⁶
   De malveis le fet bon, entre les bons l'acolt.¹⁷
   Cil se repent forment, de ses mesfaiz se dolt;¹⁸
650 Itele penitence devant Deu suëf olt. [f.14r]

[1] ki ert v. [H] 21
[2] Vus l'afermez par tut q. en sun l. s. [H] ki el l. D. [P] 21
[3] se vus al hus b. [P] 21
[4] n. querum [H] 21
[5] n. ovrez les u. [H] ovrez l'u. [W] 21
[6] o. finé [H] 21
[7] Fratre [H] 21
[8] Tu as q. j. et pur ço l'as t. [P W] 21
[9] N. te o. l'u. [H] 21
[10] il se s. [H] a tut [P] 21
[11] puroec d. [P W] ne or ne a. [H] 21
[12] i deveient p. [P] 21
[13] e. vaillaunz D. [P] 21
[14] c. de hume [H] 21
[15] sus c. [H] 21
[16] Et li f. enhaïr [P W] [* [P] 21
[17] Del m. [H] Le m. le f. ben [P] 21
[18] 21

Page 21

131
   Pur ceo ne se deit pas clerc ne lai merveillier,¹
   Ne folement tenir Deu pur nun dreiturier,
   S'alquanz volt de pechié retraire e redrecier,²
   E les alquanz i lest murir e trebuchier.³
655 Le felon n'aime pas, mes le bon umme a chier.
132
   Ne het pas Deus les humes, mes il het lur folie;
   E cunuist bien lur quers e trestute lur vie;
   Set bien ke cist sera feniz en felonie⁴
   E cist en bone fin. A cestui Deus aïe,⁵
660 Si tost cum se repent e mal' ovre ad guerpie.⁶
133
   Deus cunuist mult bien tuz cels ki serum salvé;⁷
   Cil sunt tant sulement a vie destiné.
   E si conuist Deus bien cels ki serum dampné;⁸
   Nes volt pas rapeler de lur iniquité;
665 Purveü sunt a mort, car mal erent finé.
134
   Cil ki sunt a dampner, purveü sunt a mort;
   De lur dampnatiun n'i a mes nul resort.
   E si Deus les salvot, deable fereit tort.⁹
   En pechié finerunt, ne purrunt prendre port;
670 La dunt nuls ne resurt charrunt al pudlent gort.
135
   Deus n'esforce nullui de fere bien u mal;
   A chescun a duné franche force e igal,
   Ke chescun en pot fere, s'il volt, u bien u al.¹⁰
   Cel salve Deus e aime que il trove leal,¹¹
675 E celui het e damne k'il troeve trop charnal. [f.14v]
136
   Quant l'egle a ses pulcins fez el ni eschapir,¹²
   Encontre le soleil lur fait les oilz ovrir;
   Cel ki le rai ne pot esguarder ne suffrir¹³
   Cel fet del ni aval trebuchier e chaïr.
680 Ki Deu ne volt amer, Deus nel volt pas nurrir.¹⁴
137
   Deus ad a tuz duné sens e force e poeir.
   A chescun lest ovrer tut sulunc sun voleir;¹⁵
   E quant hum pur mesfere met Deu a nunchaleir¹⁶
   E despent en pechié sa force e sun saveir,
685 Volez vus dunc jugier que Deus le deit aveir?

[1] om. se [H] 22
[2] S'alquant [H] 22
[3] E se les a. [H] a. il l. [P W] 22
[4] S. b. ki sera [H] 22
[5] E ki [H] 22
[6] om. ad [H] 22
[7] D. c. trestuz cels [H] 22
[8] E D. conuist bien c. [H] 22
[9] a d. f. [H W] #dans [P] 22
[10] Ke ch. hom... u b. u mal [P W] 22
[11] Celui [H] Cil [P] 22
[12] escharpir [H] eschapir corr. en escharpir [W] 22
[13] e. et suffrir [P] 22
[14] Ki Deus [H] 22
[15] l. ovrir [H] 22
[16] Et q. pur faire mal m. D. en n. [P W] 22

Page 22

138
   L'eschelguaite est la sus el pinnon de cel munt;¹
   Veit les larrons el val ki embuschié se sunt²
   Pur prendre les errantz ki par le chemin vont.
   Cil les veient tresbien, sevent k'il les prendront,³
690 E tut a escïent a els prendre se funt.
139
   E quant nus nus volum a escïent damner,
   Quidiez vus que nus voile a force Deus salver?⁴
   Il est la sus el ciel; noz ovres esguarder
   Al jugement vendra, e bons e mals prover;
695 As malfez en lerra tuz lur servanz mener.⁵
140
   E se Deus salvot nul d'els ki a damner sunt,⁶
   As altres fereit tort, ki senz fin perirunt;
   S'en salvot un, par dreit salvereit tut le munt.⁷
   Mes li bon e li mal dreit jugement avront,⁸
700 E sulunc lur deserte merite recevront.⁹ [f.15r]
141
   E se l'um me demande pur quei cil bien fereit¹⁰
   Ki sera desperdu, quant pas nel guarireit,¹¹
   Encuntre li respun, certes, ke il mescreit:¹²
   Li plus malveis del mund guarantir se purreit,¹³
705 Si guerpisseit le mal e a Deu se perneit.
142
   Deus nus apele tuz a sun regne, li pius,
   Sarazins e paens, cristïens e geius.
   Li uns est clerveanz e li autres est cius;
   Poi suffist tel i a, li autre quiert granz fius.¹⁴
710 La u chescun est pris, est apresté sis lius.
143
   Sa femme aime li uns plus ke il ne fait sei;¹⁵
   Pur creistre ses enfanz ublie Deu, le rei;¹⁶
   Pur aveir purchacier enfraint suvent la lei,
   E plusurs deserite, e emble e ment sa fei,
715 E parjure a usure, del tut vit a bedlei.

[1] cest m. [H] 23
[2] aval [H] 23
[3] suvent k'il [H] 23
[4] v. Deus a f. s. [P W] 23
[5] As m. lerra... amer [H] 23
[6] salvot un [P] nuls que a d. s. [H] 23
[7] S'a force en s. e par d. t. le m. [H] Si un salvot [P] 23
[8] Et [P W] 23
[9] d. lur luer r. [P W] om. (lur [W] 23
[10] E se le l'um vus d. [H] 23
[11] s. perdu [H] ne g. [P W] 23
[12] k'il m. [H P] 23
[13] guarir se p. [H] 23
[14] grant f. [H] 23
[15] k'il ne [H] 23
[16] u. le haut r. (haut aj.) [P] 23

Page 23

144
   De bien faire purquant ne se deit nul targier;
   Einsi se pot chescun de peine deschargier,
   Nis cil ki en enfern serunt senz recovrier;
   Li biens k'il avront fet les pot mult alegier.¹
720 Purquant a sei salver deit chescun travailier.
145
   Segnur, pur ceo vus di: lessez le mal ester;
   Ceo que avez mesfet pensez de l'amender.
   Ne dormez en pechié, pensez vus d'aprester,²
   Quant Deus vendra pur vus, od li pussez aler
725 E od lampes ardanz en pareïs monter.³ [f.15v]
146
   Se vus ne cremez Deu, cremez enfern ki art,
   U nuls ki entera n'en istra par nul art.
   As bons homes pernez, ki unt esté, reguart,⁴
   E a meint pecheür que Deus prist a sa part,
730 Al seint martyr Thomas, ki fu ocis or tart.⁵
147
   Asez avez oï quels il esteit jadis.⁶
   Mordanz ert cume lous, quant l'ainel a suppris,⁷
   Mesfaisanz ert e fers, e quereit los e pris;⁸
   Or ert simples e dulz, despiseit vair e gris.
735 E cum plus ama Deu, tant fu il del rei pis.⁹
148
   Car si tost cum il fu sacrez a cel' honur,
   De la parole Deu se fist preecheür,
   E del tut entendi al suverain seignur.
   Ne sai se pur ceo l'a li reis pris en haür,
740 Mes d'iloec en avant l'esluina de s'amur.¹⁰
149
   Le premier maltalent vus sai jeo bien mustrer.
   Car al rei enveia maistre Ernulf ultre mer:¹¹
   Sun seel li rendeit, ceo li manda li ber.
   Dunc se prist durement li reis a emflamber:¹²
745 "Pur les olz Deu, fet il, nel voldra mes guarder?
150
   "J'ai lettres e cungié, fet il, pleneirement,¹³
   K'il pot estre arceveske, chancelier ensement.
   - Nu l'iert, fet mestre Ernulf; a estrus le vus rent;¹⁴
   Car mult est il chargié de ceo qu'a lui apent.¹⁵
750 - N'a suin de mun servise, fet li reis; bien le sent."

[1] les deit m. [H] 24
[2] v. de a. [H] 24
[3] p. entrer [P W] 24
[4] ki u. est r. [H] 24
[5] Al bon m. T. ki murut ore t. [H] 24
[6] oï k'il e. [H] 24
[7] om. ert [H] 24
[8] Mult esteit mesfaisanz [H] 24
[9] E que p. a. Deus [H] ert [P] 24
[10] M. de lore en a. [H] 24
[11] Ærnulf (a corr. en e) [H] 24
[12] Li reis s'en prist en ire forment a e. [P W] 24
[13] Ja n'a il l. [H] 24
[14] Ærnulf [H] 24
[15] que a l. [H] 24

Page 24

[f.16r]
151
   A Wedestoke fu la secunde ire esprise
   Par quei li reis vers lui en grant ire s'atise.
   Car en Engletere a une custume mise,¹
   Que "l'aïe al vescunte" est par les cuntez prise;
755 Si est par duble solt par les hydes asise.
152
   Li baron del païs le soleient duner²
   A ces ki furent mis pur les cuntez guarder,
   K'il deüssent lur teres e lur humes tenser,
   Ne que nul n'en deüssent empleidier ne grever.³
760 Or les voleit li reis a sa rente aturner.
153
   "Sire, fet l'arceveske, nes devez pas saisir;
   A rente nes poëz aturner n'establir,⁴
   Car nus nes durrum pas, se nus vient a pleisir.⁵
   Mes tant nus poent bel li vescunte servir
765 Ke nus de lur aïe ne lur devom faillir.⁶
154
   - Par les olz Deu, fet il, tuz erent enrollé;
   E vus en devez bien fere ma volenté,
   Car des voz fera um quanque nus ert a gré.⁷
   - Par les olz, fet li il, que vus avez juré,
770 Ja n'en i avra un de ma tere duné."⁸
155
   E a Lundres rot puis une mellee fort,
   D'un chanuine ki fu manant a Bedefort,
   Philippe de Broï, ki reté ert a tort
   D'un chevalier k'il dut aver ocis e mort.
775 Li reis le voleit mettre al nun repairant port.⁹ [f.16v]
156
   Pur ceo di c'um l'aveit a grant tort travaillié,
   Car en la curt l'eveske ot lung tens plaidïé,¹⁰
   E tut si adversarie l'en orent relaissié;
   E par lei s'en aveit nepurquant espurgié.¹¹
780 Or li ot la justise le plait recomencié.
157
   E Symon le fiz Piere fu justise del plait,¹²
   Ki volentiers l'oüst, s'il poüst, a mort treit.
   Philippes s'en ira, si li dist mult grant lait.
   Li reis dist qu'altretant li aveit cil mesfet,
785 Cum se a lui meïsme oüst cel dit u fait.¹³

[1] c. asise [H] 25
[2] la s. [P] 25
[3] dussent [H] 25
[4] p. turner [H] 25
[5] n'en d. pas [H] 25
[6] n. ne lur a [P] 25
[7] vus ert [H] 25
[8] om. i [H] 25
[9] Il l_out (out [P] l'out corr. en l'ount [W] ) mis nepurquant el n. r. p. [P W] 25
[10] en out l. [P] 25
[11] E par lui [H] 25
[12] Pieres [H] 25
[13] Cum s'a l. [H] Cumme (les deux dernières lettres aj. plus tard)... l'eüst cil d. u f. [P] 25

Page 25

158
   Cil ki ocistrent Deu mesfirent plus griefment¹
   Que cil ki puis ocistrent seint Piere u seint Vincent.²
   Mes li reis Henris dist idunkes sun talent;³
   Jure k'il volt aver del clerc sun jugement.
790 L'arceveske Thomas dedenz sa curt le prent,
159
   E dit k'il le fera en sa curt adrecier.
   Voile li reis u nun, la l'estuet enveier⁴
   Eveskes e barons pur le clerc emplaidier;
   Cumande sur lur olz k'il i ait dreit plenier.⁵
795 De la mort l'empleiderent primes al chevalier.
160
   Li clerc lur respundi que, sanz entrer em plait,
   Le murdre lur neot del tut, que ne l'ot fet;⁶
   E anceis ot esté relessiez de cel ret,⁷
   E par espurgement l'en aveit a chief treit.⁸
800 N'en volt entrer em plet, n'en respons n'en retret. [f.17r]
161
   Dunc l'unt fet del mesdit respundre e plaidïer.
   Li clerc fu gentil hume, nel volt de rien neier;⁹
   E dit k'il est tut prest del mesfait adrecier,¹⁰
   E volentiers fera tut dreit al chevalier.
805 "Quant nel nie, funt il, nus le covient jugier".
162
   Jugent li que dous anz sa provende lerra;
   E li reis entretant les rentes em prendra,
   A mustiers e a povres e a punz les durra,
   E en altres almodnes, einsi cum li plerra.
810 Or puet dire Philippes que riche almodnier a.
163
   Estre iceo le jugerent k'il se despoillereit¹¹
   Devant le chevalier, se suffrir le voleit,
   E, veant ses amis, armes aportereit;
   A la lei del païs desus li jurereit
815 De tel mesfet de lui tel amende prendreit.¹²

[1] k'ocistrent [H] 26
[2] k'ocistrent puis [P] u s. Clement [P W] 26
[3] d. dunkes [H] 26
[4] la li estuet [H] l'e. ennuncier [P] 26
[5] om. i [P] 26
[6] k'il ne [P W] 26
[7] ot estre [H] 26
[8] en a. [P W] (l aj. [W] 26
[9] ne v. [H] 26
[10] d. mesdit a. [P W] 26
[11] li j. [P] 26
[12] De teus m. d. l. teus amendes p. [P] 26

Page 26

164
   E quant le jugement orent al rei mustré,
   Il dist qu'il en aveient vers li trop meserré;¹
   Car pur ceo qu'il ert clers l'aveient deporté.
   Il voleit k'il l'oüssent tresqu'a la mort mené.
820 Mult dreit jugement orent, ceo respondent, formé.
165
   "Par les olz Deu, fet il, ja le me jurerez,²
   Que vus cest jugement tut leal fet m'avez.
   - Sire, funt li eveske, veez nus aprestez;
   Mes Philippes est trop del jugement grevez."
825 Offrent le serement; dunc s'est li reis desvez.³ [f.17v]
166
   Puis refist les prelaz tuz devant sei venir,⁴
   E volt k'il li pramettent guarder e atenir
   Les custumes del regne qu'il aveit a baillir,
   Que ses aiols ot fet en sun regne establir.
830 Salf lur ordre, ceo dient, l'en volent obeïr.
167
   Li reis volt qu'il le facent, salf lur ordrë u nun,⁵
   E dit que de cel mot n'i avra ja un sun.
   Tuit li dient ensemble que senz salvatiun
   De l'ordre nel ferunt pur nul' occasiun.⁶
835 Idunc se prist vers els li reis a cuntençon,⁷
168
   E dit que a nul sens nes en lerra guenchir,⁸
   Car al tens sun aiol les soleient tenir⁹
   Arceveske e eveske, que l'um vit puis saintir.
   L'arceveske respunt: "L'ordre ne voil guerpir."¹⁰
840 De cel mot ne se volent li eveske partir.
169
   Tuz les eveskes a li sainz a raisun mis:
   "Veez cum fort nus grieve, fet il, li reis Henris.
   Volt aver felons us a seint'iglise asis.¹¹
   Seint'iglise est hunie, se jes i establis;¹²
845 Ne jeo ne puis pas sul contre tut le païs.¹³
170
   "Or voil oïr de vus ceo que chescun en sent."
   Tuit ensemble li dient: tienge sei fermement,
   Od lui tendront par tut; si l'en funt serement.¹⁴
   Rogiers del Punt l'Eveske li pramet ensement¹⁵
850 K'il se tendra od lui, ne li faldra neient. [f.18r]

[1] I dit... envers l. meserré (en- aj. après coup) [P] en aveit [H] 27
[2] ci ja le me jureiz (ci et me aj.) [P] 27
[3] O. lur s. li reis s'en est irez [P] 27
[4] Mes les p. r. tuz [P] 27
[5] f. u s. [P W] 27
[6] ne f. [H W] 27
[7] p. li reis vers eus [P W] 27
[8] en nul s. [P W] 27
[9] le s. t. [H] 27
[10] n'i vout g. [P W] 27
[11] en s. i. [P W] 27
[12] om. i [H W] 27
[13] om. le second ne [H] 27
[14] li funt s. [H] 27
[15] li prament [H] 27

Page 27

171
   L'eveske de Lisewis vint puis a Salesbere.
   Entre li e le rei ot un poi d'ire amere;¹
   Tant a fet vers le rei ke l'amur i fu clere:
   Le rei duna conseil a deceivre sun frere;²
855 De veintre l'arceveske fu funteine e matere.³
172
   "Sire, fet il al rei, se veintre le volez,
   Partie des eveskes a vostre part turnez.
   Tant cum tendrunt a li, ja mes nel materez."⁴
   Hylarie de Cicestre fu dunkes apelez;⁵
860 Tant fist li reis vers lui k'il remist ses privez.⁶
173
   Rogier del Punt l'Eveske a puis a sei justé,⁷
   L'eveske de Nichole a sun conseil turné.
   A Colecestre fu. La li unt greanté⁸
   Ses custumes tendrunt; e il lur a voé
865 Que ja cuntre lur ordre n'en serra mes parlé.⁹
174
   Puis vint a Teneham l'eveske de Cicestre,¹⁰
   A l'arceveske; od sei le voleit faire pestre.¹¹
   Dit lui que il seit bien od sun segnur terestre,¹²
   Ses custumes cumfermt, ses amis purra estre.¹³
870 "Ja ne m'i turnerez, ceo respunt li bon prestre.
175
   L'arceveske Rogier a vus ad aturnez¹⁴
   Li reis a ceo ke vus ses leis li guarderez.¹⁵
   Pur ceo m'i volez mettre; mes ja ne m'i metrez.¹⁶
   - Sire, fet il, pur quei? Pur Deu, car me mustrez
875 Pur quei vus le leissiez e que vus i sentez.¹⁷ [f.18v]
176
   - Li reis vus ad pramis que rien ne vus querra
   Que seit contre vostre ordre. S'il volt, il le tendra,
   E si bel ne li est, nul nel contredirra;¹⁸
   Mes ceo qu'avez pramis tenir vus estuvra,¹⁹
880 Car vus estes si hume, tenir le vus fera."²⁰

[1] de ire [H] 28
[2] de deceivre [P W] 28
[3] De v. l'a. et (corr. en fu [W] ) f. [P W] 28
[4] t. od lui [P W] 28
[5] E Ilaires [P] 28
[6] od lui [P] 28
[7] de P. [H] 28
[8] A Gloücestre [P W] 28
[9] o. ne s. [H] 28
[10] Tenham [H] Thenam [W] 28
[11] Et l'a. od s. qu'il v. [P] 28
[12] Dit qu'il s. [H] 28
[13] Et (aj.) s. c. tenge [P] 28
[14] v. en (a corr. en e) ad turnez [H] 28
[15] li guardez [H] 28
[16] om. mes [H] 28
[17] q. le vus l. [H] 28
[18] n. ne l'en ( [W] ne en) kunstreindra [P W] 28
[19] p. tenir le vus fera [P W] 28
[20] et tenir l'estuvra [P W] 28

Page 28

177
   A l'arceveske sunt a Herges puis alé¹
   Robert de Meleon (einsi l'a hum numé),
   Ki ot de Herefort idunc la digneté;
   Le cunte a de Vendome, Johan, od sei mené.
885 L'arceveske Thomas l'aveit mult honuré.
178
   E uns abes i fu, ki dunc vint d'ultre mer,²
   Philippes de l'Almodne, einsi l'oï numer.
   L'arceveske deveit e le rei acorder;³
   E la pape, ceo dit, l'en aveit fet passer,⁴
890 E ses lettres l'en ot fetes od sei porter.⁵
179
   A l'arceveske dit e jure en verité
   Que Alisandre pape li ad par lui mandé⁶
   Ke il s'acort al rei, face sa volenté.⁷
   En peril de sun ordre li aveit bien loé;⁸
895 E ad tut pris sur sei, s'i ad rien meserré.⁹
180
   Les briefs as cardunals l'en aveit aportez,
   E jure que li reis les ad aseürez¹⁰
   K'il ne quiert riens fors tant k'il en seit onurez,¹¹
   E veant sun barnage, quant il ert asemblez,¹²
900 Sulement de parole greant ses volentez. [f.19r]
181
   Ne ja cuntre sun ordre ne li ert demandé
   Custumes a tenir ultre sa volenté.¹³
   N'en volt estre vencu, mes greant li sun gré,¹⁴
   E tut li coruz erent d'ambes parz parduné;¹⁵
905 Li reis fera de lui tut seignur del regné.
182
   E li reis l'aveit ainz sur tuz humes amé,
   E il l'aveit servi par mult grant lealté. -¹⁶
   Tant l'aveit de paroles li abes enchanté,¹⁷
   Pur ceo ke il le vit de tel auctorité,¹⁸
910 Que tresqu'a Wedestoke l'aveit od sei mené.¹⁹
183
   La li unt fet pramettre al rei e greanter
   Que ses custumes volt en bone fei guarder
   E lealment. Car mes n'en quide oïr parler.²⁰
   Ce li respunt li reis: "Sel volez agreer,²¹
915 Veant tuz mes barons le vus estuet mustrer.²²

[1] l'a. en sunt [P W] Hereges [H] 29
[2] abez i vint [H] 29
[3] L'a. et le r. deveit fere (aj.) a. [P] 29
[4] om. en [H] 29
[5] l. en ot [H] 29
[6] Qu'A. [H] 29
[7] K'il [H] 29
[8] El p. [P] 29
[9] p. a sei [H] 29
[10] l'en ad a. [H] 29
[11] om. tant et en [H] om. riens [P] 29
[12] om. E [H] s. barné [P W] 29
[13] Custume [H] 29
[14] Ne v. [H] 29
[15] c. ert [P] 29
[16] il li a. [H] 29
[17] parole [P W] l'abes [H] 29
[18] c. k'il [H] 29
[19] Wdestoke aveit od lui alé [P W] (#corr. dans [W] 29
[20] m. ne q. [H] 29
[21] se v. le greer (d'abord agreer) [P] 29
[22] tut mes b. [H] 29

Page 29

184
   "Tuit unt oï coment m'avez contralïé.¹
   E se volez tenir qu'avez covenancié,
   Fetes de vostre part asembler le clergié,
   E jeo tuz mes barons, ja n'i avra targié;²
920 La dites, oiant tuz, kel m'avez otreié."
185
   A Clarendune sunt li baron asemblé,
   E li eveske i furent en grant pleneireté.³
   La volt li reis ke seit, oiant elz tuz, mustré⁴
   Ceo que li arceveske li aveit greanté;
925 Mes l'arceveske peise k'il ot tant trespassé. [f.19v]
186
   Mult fu dolent el cuer k'ot fet greanteison
   De custume tenir ki est contre raison;⁵
   E mielz volt vers le rei chaïr en acaison
   Ke mettre seint' iglise en tel cumfusion.
930 Ne crient encuntre Deu manace ne prison.
187
   Quant le rei nel pot veintre, n'i ot que corecier.
   Mes les ordenez Deu manace a detrenchier;
   Seint' iglise voldra, se il poet, trebuchier.⁶
   Ne se volt l'arceveske de rien humilïer⁷
935 Pur chose dunt li reis le sace manacier.⁸
188
   Ne sai que li reis ot, e li suen, aturné,
   Mes dreit a l'arceveske sunt dui eveske alé,
   Li uns de Salesbire, que li reis ot en hé,
   E cil de Norewiz, k'il n'ot maint jor amé.⁹
940 L'arceveske Thomas unt si araisuné:
189
   "Sire, funt il, pur Deu aiez merci de vus,¹⁰
   De tute seint' iglise e de clers e de nus.¹¹
   Car li reis est vers vus en si grant ire escus,
   Se vus ne fetes pais ui vers lui a estrus,
945 Ceo saciez que nus iermes ambedui des chiés blus."¹²
190
   Pur ceo ne s'est de rien l'arcevesque demis¹³
   De ceo k'il ot anceis en sun curage empris.
   Dunc sunt a lui venu dui cunte del païs,
   Li cuens de Leïrcestre, ki de sens ot grant pris,
950 E cil de Cornuaille, ki ert al rei amis.¹⁴ [f.20r]

[1] Tunt unt [H] 30
[2] om. i [H] 30
[3] [H] 30
[4] r. k'il seit [H] 30
[5] e. enkuntre r. [P] 30
[6] s'il poeit [H] se il pout [P] c'il poust [W] 30
[7] Ne s'en v. [P W] 30
[8] P. c. ke [P] 30
[9] Et celui (d'abord cil) [P] (Noruuiz [P] Norwiz [W] 30
[10] m. de nus [P W] 30
[11] et de vus [P W] 30
[12] n. eimes [P] i. tut trei [H] 30
[13] c. se n'est [H] 30
[14] Cornuaillie [H] 30

Page 30

191
   Dient li k'ait merci e des suens e de sei,¹
   De seint' iglise prenge, e de ses clers, cunrei;
   Car si cel jur ne fait la volenté le rei,
   De lur mains lur estuet faire si grant desrei²
955 Li reis e il en erent huni cum gent senz lei.³
192
   Ainc pur si grant manace ne perdi sa vertu.
   Dui frere d'ultre mer sunt dunc a lui venu,
   Dan Ricard de Hastinges (maistre del Temple fu)
   E Hostes autresi; mult erent coneü.⁴
960 En lermes devant li se sunt aresteü.
193
   "Sire, funt il, pur Deu, ki unkes ne menti,⁵
   De tute seint' iglise pur quei n'avez merci?
   Fetes la volenté de tant le rei Henri:⁶
   Greantez ses custumes; dunc serez bon ami.⁷
965 Seint' iglise altrement e clers sunt mal bailli."
194
   Bien erent a seür e del tut acerté,
   Se il greante al rei ceo k'il ad demandé,⁸
   Ke li reis en fera tute sa volenté,⁹
   Ne ja cuntre sun ordre n'en ert mes rien parlé.¹⁰
970 De ceo mettent en plegge els e lur lealté.
195
   Greantent li k'il seient en fin mort e damné,¹¹
   Se li reis quiert vers lui engin ne falseté,
   Mes k'il li face honur, oiant tut sun barné,
   De ceo dunt l'a desdit; qu'or li seit greanté!¹²
975 Ne volt estre vencu, ne li tort a vilté. [f.20v]
196
   Or veit li arceveske k'il l'unt tant agacié;¹³
   Veit le rei et les suens forment prons en pechié,¹⁴
   Seint' iglise en trebuch, e lui e le clergié,
   E creit ke il avra ja del rei l'amistié.¹⁵
980 Cels veit mult renumez ki li unt conseillié.¹⁶

[1] e de suen [H] 31
[2] De l. main [P W] 31
[3] om. en [P W] (aj. après coup [P] 31
[4] Otes [P W] note (dans [P] lettre grattée devant le t) a ki m. ert c. [H] 31
[5] k'unkes [H] 31
[6] al rei H. [P W] 31
[7] Grantez [H] 31
[8] i. grante... ot d. [H] 31
[9] Se [H] 31
[10] n'en e. ja mes p. [P] 31
[11] Grantent [H] s. saunz fin [P W] 31
[12] qu'ore li s. granté [H] 31
[13] t. angussé [P W] 31
[14] f. preinz [P] proinz [W] p. a p. [P W] 31
[15] k'il a. [H] 31
[16] renumé ki l'unt c. [H] 31

Page 31

197
   "Seignur, fet il idunc, vostre cunseil en crei;
   Quant vus le me loez, sa volenté otrei."
   Dunc sunt il levé sus, e il pramet al rei,¹
   Oiant tut sun barnage, ceo dit: en bone fei²
985 E lealment tendra e custumes e lei.³
198
   "Segnur, fet dunc li reis, bien avez tuz oï⁴
   Que l'arceveske m'a pramis, sue merci,⁵
   K'il gardera les leis del tens le rei Henri.
   Or voil ke il le face greanter altresi⁶
990 A trestuz les eveskes ki sunt ensemblé ci.⁷
199
   - Sire, fet l'arceveske, a jeo bien le cumant."⁸
   Dunc se leverent tuit, sin furent otreiant.⁹
   Mes cil de Salesbire se dreça en estant,
   Demanda l'arceveske s'il ferait altretant.¹⁰
995 "Oïl", fet l'arceveske. - Fet il: "E jel greant."
200
   "Tutdis, fet li li reis, m'avez contralïé.¹¹
   Segnur, fet dunc li reis, quant il m'unt otrïé
   K'il garderunt les leis ki sunt en nostre sié,
   Or seez purveü e si bien conseillié
1000 Ke mes n'ait plait des leis entre nus comencié.¹² [f.21r]
201
   "Mes ore alez la fors, e si me recordez¹³
   Les leis le rei Henri, e puis sis escrivez.¹⁴
   Quant escrites serunt, puis les nus musterrez."¹⁵
   Li reis i fist aler trestuz les plus senez.¹⁶
1005 Les escriz en unt fet e al rei aportez.
202
   Dunc fu lit li escriz, oiant tut le tropel.
   "Seignur, fet dunc li reis, n'ai soin de plet novel.¹⁷
   Or voil que l'arceveske i pende sun seel."
   L'arceveske respunt: "Fei que dei Deu le bel,
1010 Ceo n'iert, tant cume l'anme me bat' en cest vessel."¹⁸
203
   Car cil ki li aveient icest conseil loé,
   E li privé le rei, l'orent aseüré,
   Se le rei en avreit de parole honuré,¹⁹
   E veant sun barnage li oüst greanté,
1015 Ne sereit a nul tens escrit ne recordé;

[1] D. se sunt l. [P W] 32
[2] s. barné [P W] 32
[3] [P] 32
[4] r. or avez ben oï [P] 32
[5] l'a. m'as p. [H] 32
[6] v. k'il [H] 32
[7] t. ses e... assemblé [P W] 32
[8] b. le grant [H] 32
[9] t. si f. [H W] 32
[10] ferant changé en ferait [H] 32
[11] fet li r. [P W] (corr. plus tard dans [P] 32
[12] Ki [H] m. n'i (i aj. plus tard) eit estrif entre n. c. [P] 32
[13] Des ore [P] 32
[14] e sis mes scrivez [H] 32
[15] les nus mustrez [H P] 32
[16] Dunc i a fet a. [P W] 32
[17] ce dit li r. [P W] 32
[18] cum l'a. [H] cum la vie me bate (e aj. plus tard) [P] 32
[19] e. aveit [P W] 32

Page 32

204
   E li reis en fereit tute sa volenté,
   E tuz curuz sereient entr'els dous parduné.¹
   Or l'i ourent del tut de covenant falsé.²
   Or ne fera mes plus; trop a avant alé,³
1020 E pesot li que tant en aveit trespassé.
205
   Dunc se sunt li real altrement conseillié.
   Un cyrogrefe unt fet e en dous detrenchié.⁴
   A l'arceveske en unt baillie la meitié;
   Mes il l'a receü sur defens del clergié.
1025 "Seignurs, fet il, par ceo savrom lur malveistié. [f.21v]
206
   "Or veum bien le laz dunt nus devum guaitier;⁵
   Seint' iglise quiderent en cel laz trebuchier."⁶
   Dunc s'en ala li ber; n'i ot que corucier
   De ceo qu'ot greanté cel malice plenier⁷
1030 E l'amistié le rei ne poeit purchacier.⁸
207
   Pur ceo k'il ot erré einsi, se suspendié;⁹
   Ne chanta, tresq'il l'ot l'apostoile nuntié.¹⁰
   Bien vit pur quei l'ot fet, si l'en a deslïé:¹¹
   Pur delivrer l'ot fet le rei e le clergié,
1035 L'un, de mort e de mal, e l'autre, de pechié.¹²
208
   Mes l'eveske d'Evrous (Rotrot l'oï numer)¹³
   Vint dunc a Porecestre pur els dous acorder.
   Li reis dist que tuzdis em purreit mes parler,¹⁴
   Se il ne poeit tant vers l'apostoile ovrer¹⁵
1040 K'en sun seel volsist les leis enseeler.¹⁶
209
   Par l'eveske Rotrot, ki mult le conseilla,¹⁷
   Ses briefs a l'apostoile li bon prestre enveia;
   Ke il comfermt les leis le rei li depreia,¹⁸
   Et pendist sun seel. Mes il le refusa:¹⁹
1045 Bien sot que par destrece la requeste fet a.²⁰

[1] om. dous [H] 33
[2] Or l'ireient [H] 33
[3] ne fra [H] 33
[4] d. l'unt trenchié [P W] 33
[5] les laz [P] 33
[6] en ces l. [P] 33
[7] c. que ot granté [H] o. otrié [P W] 33
[8] l'a. au r. [P] 33
[9] einsi erré [P W] se suspendi [H] 33
[10] il out [P W] 33
[11] om. en [H] 33
[12] om. e devant l'autre [H] 33
[13] Li e. [P] d'Everous [H] 33
[14] r. dit... purra m. [P] em p. pleidier [H] 33
[15] ne pot itaunt [P] 33
[16] K'en (Que [W] ) sa buille fesist ses l. [P W] 33
[17] Par l'arceveske R. [H] 33
[18] K'il... li reis li d. [H] 33
[19] E pendi... les r. [H] 33
[20] B. veit [P] B. vit [W] 33

Page 33

210
   Quant veit li reis Henris del tut est repuiez,¹
   Vers l'arceveske fu mult durement iriez,²
   E a pris sun conseil cument il ert pleissiez.
   Dunc fu de mals engins sis cunseilz esforciez;³
1050 Mult volentiers se fust, se il poüst, vengiez.⁴ [f.22r]
211
   Dunc li unt conseillié e privé e baron:⁵
   S'il poeit de la pape aver greanteison
   Qu'a celui d'Everwiz doinst la legation,
   L'arceveske purra pleissir tut a bandon.⁶
1055 Tut vendra a son pié, u il bien voile u non.⁷
212
   Dunc a dous de ses clers a la pape enveiez.
   Johan d'Oxeneford s'i esteit travailliez,⁸
   E dan Geffrei Ridel s'en ert apareilliez,⁹
   Del message furnir ki lur esteit chargiez.
1060 A l'apostoile vont. Il les a repuiez.¹⁰
213
   Car l'iglise, ceo dit, de Seinte Ternité
   Fu e est e deit estre de grant auctorité;
   Ainc cele d'Everwiz n'ot sur li poesté,
   Ne par lui nen aura en trestut sun eé;¹¹
1065 N'unkes cil dui prelat n'orent ami esté.¹²
214
   Mes li uns des messages fu forment malveiziez.¹³
   A la pape jura sur sainz agenuilliez,
   De la legatiun se li reis n'esteit liez,
   Si tost cum les verreit el païs repairiez,¹⁴
1070 L'arceveske serreit del chief amenuisiez.¹⁵
215
   Mes l'apostoile fu hum de mult grant saveir;¹⁶
   Veit bien ke l'um deit fere mal pur pis remaneir.¹⁷
   Dit: la legatiun fera al rei aveir;
   Mes de nullui grever n'avra pur ceo poeir,
1075 Ne celui d'Everwiz n'i purra aseeir. [f.22v]
216
   Car unes altres lettres erranment escrivra,
   En la tere a un sun privé les tramettra.
   E se li reis Henris nullui grever voldra
   Par sa legation, defendre lui fera.
1080 Ja sa legation mestier ne li avra. [f.f1r]

[1] e. refusez [H] 34
[2] s'est m. [P] om. mult [H] 34
[3] De fu des m. e. [H] 34
[4] s'il p. estre v. [H] 34
[5] c. li prince e li b. [H] 34
[6] p. pleissier [P W] 34
[7] voille il ben u n. [P] 34
[8] ki esteit [H] se e. [P] 34
[9] ki ert a. [H] s'en est a. [P W] 34
[10] a renviez [P] 34
[11] l. n'avra [H] 34
[12] Ne unkes [H] 34
[13] M. l'un des message [H] li uns des dous [P W] 34
[14] l. verra [P] 34
[15] Li a. iert [P] 34
[16] om. mult [H] 34
[17] V. k'um [H] Vit [P W] 34

Page 34

217
   Li mesagier le rei furent mult vezïé.¹
   Quant virent qu'il esteient ensi poi avancié,
   L'apostolie Alissandre unt ensi araisnié:²
   "Sire, li reis vus ad porté grant amistié.
1085 Bien li devrïez faire ço qu'il vus ad preié.³
218
   "Kar li reis nel fait pas pur nului deposer,
   Mais pur ço qu'il voldreit l'arcevesque mater
   E a sa volenté, s'il poeit, aturner;⁴
   E qu'il li peüst bien, veant ses clers, mustrer
1090 Que il le purreit bien, se il voleit, grever.⁵
219
   - Autre legatiun, fait lur il, n'i avrez."⁶
   Il fist ses briefs escrire, si lur aveit livrez.
   En Engleterre vunt, al rei les unt mustrez.
   Quant vit qu'il ne purra faire ses volentez,
1095 Mult aveit poi ces briefs e preisiez e amez.⁷
220
   Il en fist nepurquant mainte feiz mustreisun,
   Quel virent li evesque, li cunte e li barun;
   Si lur diseit: "Veez, j'ai la legatiun.⁸
   L'arcevesque puis metre en grant confundeisun."
1100 Mais il ne li pot faire nul' altre greveisun.⁹
221
   Quant il n'en put faire el, griefment li anuia,¹⁰
   E a pape Alissandre les letres renveia.¹¹
   E clers e saint' iglise durement guerrea,¹²
   E par tut la u peut les clers forment greva,¹³
1105 E mult mortal semblant l'arcevesque mustra.¹⁴
222
   Entre lui e le rei resurst mult grant meslee
   Des fous clers ki esteient par male destinee
   Larrun, murdriseür e felun a celee.¹⁵
   Li reis en volt aveir la lei de la cuntree,¹⁶
1110 Mais l'arcevesques ad cele lei desturnee. [f.1v]

[1] Ici commence le ms. [B] 35
[2] araisuné [H P] 35
[3] li devez [H] 35
[4] S'a sa v. le peüst a. [B] 35
[5] s'il le v. [H] 35
[6] vus n'a. [P] 35
[7] M. ad poi icès b. [B] ses b. [H] 35
[8] Veez fet lur li reis, j'ai la l. [P W] 35
[9] li puet [B] 35
[10] ne pot [H P] 35
[11] E le p. [B] l. l. renuncia [P] 35
[12] om. E [H] mult d. greva [P] 35
[13] Et les clers mult suvent prist et enprisuna [P W] granment g. [H] 35
[14] s. a l'a. m. [H W] 35
[15] L. e murdrisur [B H] 35
[16] en voleit a. [H] 35

Page 35

223
   Par tut le munde est leis, tut par dreit establie,
   E en cristïenté e nis en paenie,¹
   Qui pris est a embler u a tel felunie,
   La justise en seit faite e pleniere e furnie;²
1115 Pur pere ne pur frere n'est a esparnier mie.³
224
   Pur ço voleit li reis, e il e si barun,⁴
   Que se nuls ordenez fust pris a mesprisun,
   Cumme de larrecin u murdre u traïsun,⁵
   Dunc fust desordenez par itele raisun
1120 E puis livré a mort e a desfactiun.
225
   Pruveires e diacnes plusurs en i ot pris,
   Larruns, murdreiseürs, en la rei prisun mis.⁶
   Careté mult suvent erent par le païs,
   As cunciles mené, la u lur ert asis⁷
1125 U qu'il fussent desfaiz e penduz e ocis.⁸
226
   L'arcevesque Thomas pur els se conbateit;⁹
   Les hummes sun seignur a estrus demandeit.
   S'il aveient mesfait, pur ço nes guerpiseit;
   Mais bien offre par tut qu'il les avra a dreit¹⁰
1130 En la curt Dampnedeu, se nuls les chalengeit.¹¹
227
   De tut iço ne volt li reis rien graanter.
   Nes en larra ensi en nule guise aler;
   Mais tut ainceis les volt faire desordener,
   A la justise puis les cumande a livrer,¹²
1135 A pendre u a ardeir u vifs a desmenbrer.¹³
228
   Al tens a sun aioel esteient il desfait,
   Li clerc qui erent pris a si vilain mesfait.
   Pur ço volt or aveir, - que rien n'en seit enfreit, -¹⁴
   La custume e les us sun aiwel entresait.
1140 Ja mar entendra mais li arcevesques plait.¹⁵ [f.2r]
229
   L'arcevesques respunt ja einsi ne sera,¹⁶
   Ne a laie justise les clers ne liverra;¹⁷
   Mais sulunc Deu par tut a dreit les maintendra,
   E sulunc les decrez bien les justisera.¹⁸
1145 Saint' iglise endreit li abaissier ne lerra.

[1] om. nis [H] 36
[2] om. en [P] 36
[3] ne p. mere n'est esparnié mie [B] 36
[4] Car c. voldreit [H] 36
[5] Cum [H W] u de m. u de t. [H] 36
[6] L. e m. [H] en prisuns (s aj.) le rei m. [P] 36
[7] A c. [H] 36
[8] U il (k gratté) [P] 36
[9] om. se [H] 36
[10] M. b. offreit... l. avreit [B] 36
[11] n. le ch. [H] 36
[12] p. le c. [H] 36
[13] a ardre [H] 36
[14] se v. il ore q. r. ne s. enfraint [H] n'i ait (ad [W] ) e. [P W] 36
[15] om. mais [H] 36
[16] E saint Tomas ad dit [P] 36
[17] Placé à la fin de la strophe dans [B] 36
[18] om. E [P] 36

Page 36

230
   "Clerc ne deivent, fait il, a voz leis obeïr,
   Ne pur un sul mesfait duble peine suffrir:
   Estre desordené e puis des cors perir.¹
   Pur ço les voil par tut a raisun maintenir,²
1150 Ne ja pur nule rien ne m'en verrez flechir.³
231
   "Bien vus otrei que seient li clerc desordené,⁴
   Tuit cil ki mais serunt a tel mesfait trové;
   Mais dunc serunt tut quite de lur membres clamé.
   E se puis resunt pris, dunc seient essorbé,⁵
1155 Escorchié e pendu, a vostre volenté.
232
   "Essamples de justise ne deit pas estre pris⁶
   A cels qui de sei funt tut ço qu'il unt enpris,⁷
   N'a ceaus qui seculer furent e sunt tuzdis,
   Mais a cels u Deus a sun saint esperit mis.
1160 Altrement en ert hum envers Deu entrepris.
233
   "Davit li reis, qui out en sei saint Esperit,
   Quant il out Salemun, sun fil, a rei escrit,⁸
   Grant partie del pueple li aveit contredit,
   E si unt Adonie, sun fil, a rei eslit.⁹
1165 Abiathar le volt sacrer al Deu despit.
234
   "Pur cel cisme qu'il fist contre Deu e raisun,
   Pur jugier fu menez devant rei Salemun.
   Mais li reis nel volt pas metre a desfactiun,
   Ainz li dist qu'il alast maneir a sa maisun;¹⁰
1170 Mais de tut sun mestier li fist suspensiun.¹¹ [f.2v]
235
   "D'un sul mesfait ne deit nuls huem dous feiz perir.
   Quant li clers pert sun ordre nel pet hum plus hunir.¹²
   Quant jo dei saint' iglise e les clers maintenir,
   Jes maintendrai tuzdis pur Deu, ki dei servir;¹³
1175 Pur vie ne pur mort ne m'en verrez flechir."

[1] del c. [P W] 37
[2] c. les vout [P] 37
[3] r. n'en me v. [B] 37
[4] o. k'il s. [H] 37
[5] Et se il p. sunt p. [P] d. serrunt resorbé [H] 37
[6] ne dei p. [H] 37
[7] c. ki de cels sunt [H] 37
[8] a r. ascrit [P] 37
[9] Aonie [H W] Ajoirie (paraît dû à une corr.) sun autre fiz, eslit (rature) [P] 37
[10] a. meindre [H] 37
[11] Et de [P W] f. defension [H] 37
[12] Placé à la fin de la strophe dans [P] 37
[13] par D. ke d. [P] 37

Page 37

236
   Quant veit li reis Henris que veintre nel purra,
   Ne que les clers forfaiz desfaire ne lerra,
   Mult durement vers lui en ire s'enflamba;¹
   E tresbien li pramet que il l'abaissera,²
1180 E la u il le prist, que il le remetra.
237
   Lungement ad duré entre els dous cist estris.
   L'arcevesque ne puet flechir li reis Henris;³
   Tut adès mainteneit les fols clers entrepris.⁴
   Tut sul se conbateit, n'i ot gueres amis,
1185 Car tuit pres li evesque s'esteient al rei pris.⁵
238
   Li autre l'unt laissié tut sul enmi l'estur,⁶
   E le corn unt baillié en main al pecheür,⁷
   Ne l'espee Deu traire nen osent pur poür;⁸
   Car plus criement asez le terrïen seignur
1190 Que il ne funt Jesu, le puissant creatur.
239
   Ahi, las e chaitif! Dites mei que cremez?⁹
   Cremez vus que vus toille li reis voz poestez?
   Par ma fei, nel fera, se tenir les osez.¹⁰
   Vus n'estes pas evesque, le sul nun en portez.¹¹
1195 Ço que a vus apent un sul puint ne guardez.¹²
240
   Les autres devrïez mener e aveier,
   E vus les faites tuz chaïr e trebuchier.
   Nis le rei del païs faites vus desveier.¹³
   Vus ne li devez pas tut son voil conseillier,¹⁴
1200 Ainz le devez suvent reprendre e chastïer. [f.3r]
241
   Deus vus ad comandé sun berzil a guarder;¹⁵
   E s'il est vostre oeille, vus le devez mener.
   Le pastre deit tuzdis le forain returner¹⁶
   E l'oeille malede sur s'espaule porter;¹⁷
1205 Ne la deit pas laissier al larrun estrangler.¹⁸
242
   Vus estes mercennier; des verais poi i a.
   Li reis le veit tresbien: plus vils vus en avra.
   Deus, quil mist el regné, le vus demandera.¹⁹
   Vus l'avez a guarder. Quant se convertira,
1210 Tuz ceus qui cest conseil li dunerent, harra.²⁰

[1] i. se flamba [H] 38
[2] om. E [H] 38
[3] L'arcevesques [P] 38
[4] a. maintint [H] 38
[5] Tuit li e. pres [P W] 38
[6] trestut s. [H] 38
[7] u. leissé [P W] a p. [B] al main el p. [H] 38
[8] t. n'osorent [H] 38
[9] Ohi vos (mot aj. plus tard) l. c. [P] O. las c. [W] 38
[10] se t. ne l'o. [H] 38
[11] le surnum em p. [H] 38
[12] De ceo [H] 38
[13] N. les reis [H] 38
[14] s. v. otrïer [P] 38
[15] c. sur b. [B] 38
[16] farein [P W] 38
[17] (malade [H P] 38
[18] l. al forein [H] l. al farein [P W] 38
[19] m. enz el regne a vus le demandra [B] 38
[20] li durrunt [H] 38

Page 38

243
   Li reis deit guverner la terrïene gent,
   E volt aveir ses leis le plus a sun talent.
   Li lai volent aveir lur establisement¹
   E lur us, si cum orent devant els lur parent.
1215 Deus est celestïen, e ses leis ensement.²
244
   E le rei e les clers voil ore demander:
   Lesqueles des leis deivent cristïen mielz guarder,³
   U celes qu'establirent Sarazin e Escler⁴
   E les genz par le mund, pur les feluns danter,⁵
1220 U iceles que firent li saint humme enbrever?
245
   Reis, purpense tu mielz; ne creire mal conseil.⁶
   Mult sunt faus li prelat que tu as pris al breil;
   Plus sunt fuiant del ros, quant il est en tüeil.⁷
   Quant trechent lur seignur, poi te serunt feeil.⁸
1225 Ne te creire a la nuit; dune tei al soleil.⁹
246
   Lai saint' iglise aveir e ses dreiz e ses leis.¹⁰
   Ele est espuse Deu, qui est sire des reis;
   Il s'en corecera, se de rien la descreis.
   Bien tost te sufferra un an u dous u treis
1230 U trente u vint u dis, semaine u jur u meis.¹¹ [f.3v]
247
   Se or vesquist Nerun, ja truvast tost Symun,¹²
   Qui suduist tut le mund e par buche e par dun.¹³
   Rume fu maisun Deu; or est fosse a larrun.
   Moÿses est tut suls el regne Pharaun,¹⁴
1235 N'i puet mie trover de sun frere Aarun.¹⁵
248
   Li clerc sunt serjant Deu e de s'electiun,¹⁶
   Eslit es sorz des sainz; de ço portent le nun.¹⁷
   Quel qu'il seient, serjant sunt en la Deu maisun.
   N'i as a metre main, nis el petit clerzun,¹⁸
1240 Puis qu'est duné a Deu, s'esguardez la raisun.¹⁹

[1] v. tenir [B] 39
[2] e sa lei [B] 39
[3] om. des [B] 39
[4] c. que e. [B] 39
[5] f. dampner [H] 39
[6] p. tei [H P] 39
[7] e. el t. [B] 39
[8] Q. trichent [H P] 39
[9] Ne crei tei [H] 39
[10] Leissiez l'i. [H] e s. decrez e [B] 39
[11] v. u sis [H] s. jur u m. [B] 39
[12] Neronst ja travast [H] 39
[13] Q. suduit [B] 39
[14] M. esteit t. [H] 39
[15] Ne p. [H P] 39
[16] servant D. [H] se e. [B] sa lection [H P] 39
[17] E. en sort [P W] 39
[18] p. clergun [P] 39
[19] sis guardez [H] s'esguardes [P] 39

Page 39

249
   Reis, se tu es enuinz, curune d'or portant,¹
   Ne deiz estre en orgueil, mais en bien reluisant;²
   A tun pueple deiz estre e chiefs e lur chalant.
   Ne la portes adès, n'avoec ne fus naissant.³
1245 La glorie d'icest mund n'est lungement durant.⁴
250
   Li clers porte sun merc en sum le chief adès;⁵
   Ne li est pas al cors, mais a l'aneme, grant fes.
   Tunduz est cumme fous, e de luinz e de pres.
   Ne deit estre orguillus vers nului, ne engrès;
1250 Humbles deit estre a tuz e par tut porter pes.⁶
251
   Li clers est trodnes Deu; Deus deit en li seeir.⁷
   Aprendre deit tuzdis; mult li covient saveir.⁸
   Discretiun e sens deit en tuz lius aveir.
   Mais Deus ne li a pas duné si grant poeir
1255 Que ses pechiez nel pusse cum humme deceveir.
252
   Li clers deivent les lais e lur anemes guarder.
   Nuls ne deit sun prelat, ne clerc ne lai, dampner.
   Pur ç'ad um fait prelat sur prelat alever:⁹
   Cel qui mesfait deit l'un a sun prelat livrer;
1260 Par tel lei cum il vit, le deit l'um demener.¹⁰ [f.4r]
253
   Li clerc forfait serunt as evesques livré.¹¹
   En quel guise e coment serunt desordené?
   Coment serunt li mot del sacrement osté,
   E ki puet dessacrer ço que Deus ad sacré?
1265 N'est pas dreiz, ço m'est vis, mais lei a volenté.
254
   Quant est desordenez, s'il puet a Rome aler¹²
   E il puisse la grace l'apostolie encontrer,¹³
   Qu'il li duinse cungié sulement de chanter,¹⁴
   Erramment li verrez la messe celebrer,
1270 E si nel fera pas altre feiz ordener.¹⁵
255
   Ço que Deus a sacré ne puet nuls dessacrer,
   Ne nul cristïen humme nuls descristianer,
   Mais que de saint' iglise le puet um bien sevrer.¹⁶
   N'otrei pas, s'il est pris, qu'um le laist mie aler,¹⁷
1275 Q'um le laisse en avant, cum il soleit, ovrer.¹⁸

[1] Mes ki est reis de tere c. [H] 40
[2] Ne deies [P] 40
[3] n'aovec [B] 40
[4] n'est pas lunges d. [H] 40
[5] m. a sur sun ch. [H] 40
[6] e a tuz p. [H P] 40
[7] est corunez [B] 40
[8] d. tuzjors [H] 40
[9] P. ço ad [B] P. c. fet hum [H] 40
[10] c. il veit [H] 40
[11] a l'evesque [B] 40
[12] s'il volt [H] 40
[13] g. de l'a. [H] 40
[14] solempnement ch. (de gratté) [P] 40
[15] nel verrez p. [H] 40
[16] l'um desevrer [H] 40
[17] l'en l. [P] le leisse [H W] om. mie [H W] 40
[18] Ki li leist [H] li l. [P W] (lise corr. en lese [W] 40

Page 40

256
   Le fel ne dute pas le desordenement.
   L'ordre aime e prise poi, quant il murdrist la gent¹
   E emble altrui aveir e a force le prent;
   Ne crient hunte ne mort, ne furkes ne turment.²
1280 Qui l'en larra aler, puis qu'est pris, ja n'ament.
257
   Ensi est del felun cum il fu del sengler
   Dunt vus avez oï en Avïen cunter,
   Qui soleit les furmenz al riche humme guaster.³
   Par dous feiz i fu pris, sil laissa l'um aler,⁴
1285 Mais ainceis li fist l'um les oreilles couper.⁵
258
   Quant il i esteit pris, li produem li roveit⁶
   Que mais n'i repairast; se mais i reveneit,⁷
   Bien li aseürout que il le conpereit.
   Puis l'en laissout aler; mes primes le merkeit.
1290 Tierce feiz i fu pris; pas ne s'en castiheit.⁸ [f.4v]
259
   Idunkes fu ocis e al coeu fu livrez.⁹
   Li keus manja le cuer. Quant li fu demandez,
   Fist al seignur acreire que senz quer esteit nez:¹⁰
   Car se il eüst quer, il se fust purpensez.
1295 Le fel est tuzdis fels, ne ja mais n'iert senez.¹¹
260
   Pur c'esguard par raisun, e bien l'os afichier,¹²
   Que se li clers forfait a perdre sun mestier,
   Face le sis prelaz en sa chartre lancier,
   Qu'il ne puisse ja mais hors d'iluec repairier.
1300 Iluec purra, s'il volt, ses mesfaiz adrecier.
261
   Quant Deus ot fait Adam e mis en paradis,
   Pur le mesfait qu'il fist ne fu il pas ocis,
   Mais del dolerus mund fu en la chartre mis.¹³
   En peine e en tristur fu, tant cum il fu vis,
1305 E pur espeneïr ço qu'ainceis ot mespris.¹⁴
262
   E Adam e li clerc nen unt chief se Dieu nun;¹⁵
   Pur ç'ai fait, ço m'est vis, dreite comparisun.¹⁶
   E se li clers est pris mais a tel mesprisun,¹⁷
   Face le sis prelaz jeter en sa prisun.¹⁸
1310 Bien se puet apuier li reis a ma raisun.

[1] aime poi e prise [H] 41
[2] c. humme ne m. [B] 41
[3] le furment [P] 41
[4] si l'en laissa a. [B] 41
[5] des o. colper [H] 41
[6] om. i [H P] 41
[7] si puis i [H] 41
[8] ja ne se c. [H] se c. [P W] 41
[9] Idunc [P W] fut il (aj.) o. [P] 41
[10] acreire al s. [H P] 41
[11] om. ne [H] 41
[12] mss. P. ço e. 41
[13] M. en cest (el [H] ) d. m. fu en ch. m. [B H] 41
[14] espenir [B P] ço qu'il [B] om. ço [H] 41
[15] n'unt [H] 41
[16] mss. P. ço ai m'es v. [B] 41
[17] tele m. [B] est mespris a t. mesprisiun [P] 41
[18] F. lei [H P] 41

Page 41

263
   La terrïene leis ne deit nul esparnier¹
   Pur les feluns danter e pur els chastïer.
   Mais la pitié de Deu ne volt nul esluignier,²
   Einz volt que le fel vive, qu'il se puisse espurgier
1315 E sun pechié guerpir e a Deu repairier.
264
   Ço parut en Adam, qui tuz premiers mesfist.³
   Deus le vesti de peals, lui e nus mortals fist;⁴
   Es ovraignes Adam nostre terre maudist,
   Qui nus germe pechiez e dunt poi de biens ist.⁵
1320 L'aneme ne maudist pas, qu'al ciel ne revenist.⁶ [f.27r]
265
   Deus eissilla Chaïm, ki sun frere tua;
   Les escumenïez od lui des bons sevra.⁷
   La tere maldist Deus, ki le sanc engula
   De la main al felun; mes a l'anme esparna.⁸
1325 E cels qui le sanc usent lur presme escumenga.⁹ [f.27v]
266
   Nabugodonosor fist un' ymage ovrer,
   D'or e d'argent mult grant a son semblant former.
   A tuz par sun regné la feseit aürer;¹⁰
   Se ceo nun, sis feiseit ocire u turmenter.¹¹
1330 Puis fist Deu boef de lui e peistre herbe e user.¹²
267
   Mes Deus en refist humme puis après les set anz.¹³
   Suventesfeiz veums que li plus mesfaisanz
   Devient simples e bons e del tut repentanz;
   Essamples est de bien as petiz e as granz.
1335 Glorie del ciel li rent Deus, dunt ainz ert perdantz.¹⁴
268
   Dedenz Marie aveit set malfez herbergiez.
   De ses lermes lava as piez Deu ses pechiez,
   De ses chevols les a e ters e essuiez.
   En quel eé que seit li repentanz jugiez,
1340 De sun presme e de Deu le salve l'amistiez.

[1] n'en deit [P] 42
[2] la pietez... n'en v. [P] ne volt esparnier [H] 42
[3] p. mesprist [H P] 42
[4] ki nus m. f. [H] 42
[5] p. de bien [H P] 42
[6] ke al c. revenist [P] 42
[7] L. escumengiez [H P] -gez [P] et lui [P W] 42
[8] m. l'a. esparnia [H W] 42
[9] qui usent le s. [H] 42
[10] la fist a. [H] 42
[11] om. nun [H] oscire et t. [P W] 42
[12] b. del rei [P] 42
[13] om. Mes [H] uem [H] 42
[14] om. Deus [H] 42

Page 42

269
   Seint Piere li apostre, ki la poesté a
   E en ciel e en tere, par treis feiz Deu nea,
   Ke il nel conuisseit. Le pechié fors geta,¹
   Plura amerement, e Deu li parduna.
1345 Cil ki pardon requiert de bon cuer, il l'avra.²
270
   Ne fu unkes oï ne trové en escrit
   Que pechiere nen eit merci, s'il le deprit;³
   Mes s'il se desespeire u se neie u ocit,⁴
   Ne pot aveir pardon, quant peche en l'espirit.
1350 Sur tute riens ad Deu misericorde eslit. [f.28r]
271
   E pur ceo que Deus aime mult mercial justise⁵
   E plus misericorde k'il ne fet sacrifise,⁶
   A li bons arceveske cele bataille emprise⁷
   Pur les clers maintenir e pur sa mere iglise.
1355 Bien veit que laie mein n'i devreit estre mise.-⁸
272
   Quant l'arceveske veit ne purra conquester⁹
   L'amur al rei, kil het cume del chief colper¹⁰
   (Car cu'il het une feitz, nel voldra puis amer),¹¹
   Sun eire apareilla, si se mist en la mer.
1360 Dejuste Rumenel comencent a sigler.
273
   Quant furent luinz en mer e empeinz e siglé,¹²
   Li notunier k'i ierent unt ensemble parlé;
   E Adam de Cherringes dient k'il sunt desvé,¹³
   Ke l'enemi le rei unt del païs geté;¹⁴
1365 E il e lur lignage erent desherité.¹⁵
274
   A l'arceveske vunt tut ensemble parler:¹⁶
   Dient li k'il ne poent cuntre le vent sigler,¹⁷
   Ne nuls hum a cel vent ne purreit passer mer.
   "Quant nus estuet, fet il, pur oré returner,¹⁸
1370 Pernez port la u Deus le vus voldra doner."¹⁹
275
   L'arceveske l'a puis suvent issi cunté,²⁰
   E a sun escïent sunt pur ceo returné.
   N'uncor ne l'aveit Deus a passer apresté,²¹
   N'il n'ot uncore pas el champ estreit esté,
1375 N'a la grant eschermie, dunt Deus l'aveit geté.²² [f.28v]

[1] K'il nel c. [H W] 43
[2] Nuls ki... n'i faudra [P W] 43
[3] la d. [P W] 43
[4] M. s'il de despeire [H] 43
[5] om. mult [P W] a. merciable j. [P] 43
[6] sacrifice [H] 43
[7] c. baillie [P] 43
[8] B. vit... n'i deit pas (ce mot aj. plus tard) [P] 43
[9] vit [P] 43
[10] colperer [H] 43
[11] ki h. [P W] 43
[12] en m. empeinz [H] 43
[13] E a A. [H] (Cerringhes [P] Cerringes [W] 43
[14] l'enemis [H] 43
[15] sunt tut d. [P W] 43
[16] en vunt [P] unt [H] 43
[17] cuntre vent [H] 43
[18] vus estot [P] 43
[19] om. le [H] 43
[20] l'aveit p. [H] 43
[21] mss. N'uncore 43
[22] N'a ala [H] Ne la g. [P] 43

Page 43

276
   Mes quant li reis oï qu'il dut estre passez,
   Mult par en fu dolent e forment trespensez;
   Car il le cremeit mult, pur ceo qu'il ert senez,¹
   E cremi k'il ne fust a l'apostoile alez,
1380 E que tut ne fust mis en defens li regnez.
277
   Mes ainc pur ceo li reis nel pot de rien fleschir,²
   Pur ceo k'il ne s'en pot hors del païs fuïr.
   A Norhamtune a fet sun concile establir,
   E prelaz e barons par ban i fet venir,
1385 Trestuz ces ki en chief de lui deivent tenir.³
278
   A cel concile sunt cumunalment alé
   Li conte e li baron, eveskë e abé.⁴
   L'arceveske Thomas ne l'ad pas refusé
   Ke il n'i seit alez od cel altre barné;⁵
1390 Mes li ber i alat od grant humilité.
279
   En ses ostels fet orent lur chevals herbergier⁶
   Li reial, ki bien sorent tut le conseil plenier.⁷
   E il a dit al rei n'ira a curt plaidier,
   Tresqu'il li aura fet tuz ses ostels voidier.⁸
1395 Dunc en furent geté cheval e escuier.
280
   Li ber i ert sumuns a jor numeement,
   K'il fust prez a respundre iluekes en present.
   El regne ot fet li reis un establissement⁹
   (As barons del païs turne a grant grievement):
1400 Ke chascon pert sa curt par un fals serement. [f.29r]
281
   Se nul plaidast de terre en la curt son seignur,¹⁰
   Od sa gent i vendreit a sun premerain jor.
   E se l'um li fesist de sun plet nul demur,¹¹
   A la justise alast, si fesist sa clamur;
1405 Ariere revenist, od lui dui jureür.

[1] cremi [P W] que il ne [H] e. si s. [W] k'ert si s. [P] 44
[2] Au lieu de de rien [H] 44
[3] T. ceus [P W] 44
[4] et evesque [P W] (evesques [P] 44
[5] K'il ne s. a. [H] 44
[6] orent f. [H P] (ourent ch. en ont [P] 44
[7] s. le mautalent p. [P] 44
[8] om. li [H] 44
[9] o. fet lire u. [P] 44
[10] De nul [H] 44
[11] E s'um [H] le f. [P] 44

Page 44

282
   En la curt sun segnur jurast, sei tierce main,¹
   Que la curt li oüst esluinié sun dreit plain.
   Par itel serement, u desleal u sain,
   Alast cil en la curt al segnur plus procein,
1410 Tant k'en la curt venist al segnur suverain.
283
   Johan li Mareschal pleideiot ensement.²
   En la curt seint Thomas clamot un tienement;
   Pur ceo k'il n'i ot dreit e n'espleita neient,³
   Sa curt li ad tolue par itel serement.
1415 Al rei s'en est clamez, ki quiert sun grievement.
284
   La fist li reis sumundre seint Thomas pur pleidier,
   K'il i fust prez al jor, e pur sei derainier
   De ceo k'il n'ot tenu Johan sun dreit plenier.
   Il fu emferms al jur e ne pot chevalchier;⁴
1420 A dous des suens a fet le jor essunïer.⁵
285
   Cel esoine ne volt li reis pas greanter;
   Pur ceo fist l'arceveske a Norhantune aler.
   E li ber i ala, ainc n'i volt eschiver.⁶
   A Seint Andreu se fist as moines osteler.
1425 L'endemain li covint un mult grief fes porter.⁷ [f.29v]
286
   Car al rei est alé le cungié demander⁸
   D'aler a l'apostoile, ceo li dist, ultre mer:⁹
   Car Rogier d'Everwiz feseit sa cruiz porter
   Par tut en sa paroisse; nel volt suffrir li ber;
1430 E apelé en orent, si l'i estuet aler.¹⁰
287
   En l'endemain pur ceo al rei Henri ala,¹¹
   E a lui errament le cungié demanda¹²
   D'aler a l'apostoile. Li reis dit n'i ira,
   Mes de cele sursise errament respundra.
1435 Il dit k'il iert enferms, e k'il s'esunia.¹³
288
   Ainc essunies ne mals ne li pot rien valeir.
   Li reis dit k'il en volt sun jugement aveir.¹⁴
   Il vont al jugement; n'i voldrent dreit veeir:¹⁵
   L'arceveske unt jugié, cume gent senz saveir,
1440 A duner en merci treis cenz livres d'aveir.¹⁶ [f.5r]

[1] sa terce m. [P] 45
[2] pleidout (corr. en pleideiout) [P] 45
[3] n'ot d. e ne s'espleita n. [H] 45
[4] Il dit k'il fu e. [H] 45
[5] del suens [H] 45
[6] nel v. [P] 45
[7] L'e. li unt fet [P] 45
[8] a. pur kungé d. [P] 45
[9] li dit [P] 45
[10] sis i [P W] om. (i [W] 45
[11] E en [P] 45
[12] E al rei [P W] 45
[13] Il fu ço dist, enferms [P] e k'il l'e. [H] (d'abord les e. [P] 45
[14] om. en [H] 45
[15] n'i v. rien v. [H] 45
[16] cinc c. [H] 45

Page 45

289
   Desdire les voleit li bers del jugement.¹
   Mais mult li unt prié trestuit communement
   Qu'il laist cel' ire ester, nes desdie neent,²
   Face la volenté le rei e sun talent;
1445 Einsi purra trover vers lui ameisement.
290
   Le jugement li unt fait einsi graanter³
   E de ces treis cenz livres pleges al rei trover.⁴
   Erramment les trova, n'en pout par el passer.⁵
   E quant trové les out, sil funt en plait entrer,
1450 E del plait cel Johan le vunt achaisuner.
291
   Ne volt iluec respundre, ço lur respunt li ber;⁶
   Car cil fu en sa curt, e ne solt pas mustrer⁷
   Qu'um li fesist nul tort; e quant s'en volt turner,⁸
   Ne volt sur altre livre le serement jurer
1455 For desur un tropier, qu'il i fist aporter.⁹
292
   N'est pas us del païs que l'en jurt sur tropier,
   Mais a quatre ewangelies deit l'um agenuillier.¹⁰
   Mais par tel serement quida Deu enginnier;
   Mais dedenz cel an porent sa char li ver mangier,¹¹
1460 E les cors ses dous fiz, qui li erent mult chier.
293
   Nel volt uncore pas li reis a tant suffrir;¹²
   Ainz volt de lui, ço dit, ses acuntes oïr,
   Quant sis chanceliers fu, de quanqu'ot a baillir.¹³
   L'arcevesque respunt qu'il n'en volt plait tenir:¹⁴
1465 Jurs ne li ert asis des acuntes furnir.
294
   Li reis li a mandé qu'il seit prez l'endemain¹⁵
   De respundre e de rendre sun acunte tut plain.
   L'arcevesque respunt, qui n'out pas le quer vain,
   N'iert pas reisnables jurs de tenir plait certain.
1470 Li reis jure les oilz venir li covient main. [f.5v]
295
   Quant vit que il n'avra l'amur al rei Henri,¹⁶
   As piez lui est chaü, si li cria merci.
   Fait l'a e eshaucié, ço conut e gehi;
   E ço qu'il li ad fait, qu'il ne desface ensi.¹⁷
1475 "Par les oilz Deu, fait il, or m'avez vus huni."

[1] Fin de la lacune dans [B] 46
[2] nel d. [B] ne d. [H] 46
[3] om. il [H] 46
[4] cinc cenz [H] 46
[5] ne p. [H] 46
[6] De v... li r. [H] 46
[7] ne pot p. [H W] 46
[8] E cum [H] li feseit [P] 46
[9] un dropier [B] 46
[10] al q. e. [P] 46
[11] M. d. dous aunz [P W] v. rungier [B] 46
[12] Ne v. [B W] a t. laissier [H] 46
[13] om. fu [H] Q. fu s. ch. [P W] 46
[14] ne v. [H] 46
[15] Mes li r. li ad dit [H] 46
[16] Q. veit [P] 46
[17] k'il i a f. changé en ke il l'a f. [P] 46

Page 46

296
   En l'autre chambre avant s'en est li reis alez,¹
   De maltalent e d'ire e tainz e tressuez.
   Les evesques aveit tuz devant sei mandez.²
   (Sul remist l'arcevesque, cum s'il fust esguarez.)³
1480 "Pur les oilz Deu, fait il, dites que m'en loez?⁴
297
   "L'arcevesque Thomas ad esté mis servanz;⁵
   Mes rentes ad cuilleites tutes par plusurs anz.
   Pur ço qu'est arcevesque n'en volt estre rendanz,⁶
   Ne d'acunte ne d'el. Oïr voil voz assanz."⁷
1485 Nul d'els ne dist un mot; tuz les trova taisanz.⁸
298
   Quant les en vit si muz, mult en fu enflambez.⁹
   "Pur les oilz Deu, fait il, ne m'en asenserez? "¹⁰
   Dunc s'esteit vers l'evesque de Wincestre turnez:
   "Sire pere, fait il, e vus que m'en direz?¹¹
1490 Li plus ancïens estes; asenser nus devez.
299
   - Sire, fait li evesques, quant a mei l'avez quis,
   Tut ço vus en dirai que mei en est avis.¹²
   Ja puis qu'il ert sacrez, n'ert a voz leis suzmis.
   Ne vus rendra acunte, s'il fu vostre baillis.
1495 Mult bien vus i guardez, ainz qu'il seit a ço pris."
300
   Dunc par esteit li reis en grant ire muntez,
   Quant hum ne li juga tutes ses volentez.
   Ariere est en la chambre par mautalent entrez.¹³
   Li arcevesques est encontre lui levez;
1500 Cum ço fust uns garçuns, li est al pié alez.¹⁴ [f.6r]
301
   E tuit li autre evesque li sunt chaü as piez.
   Pur l'arcevesque prient; mes ne s'est puint plaisiez.¹⁵
   Quant les vit tuz ensemble entur li arengiez:
   "Pur les oilz Deu, fist il, pur quei me hunissiez?¹⁶
1505 Ne fu mais par les suens nuls hum si avilliez."

[1] En la ch. a. s'est [H] 47
[2] L'evesques [B] 47
[3] cum il f. [H] 47
[4] d. mei qu'en l. [H] 47
[5] m. serganz [H] 47
[6] qu'il e. eveskes ne v. [H] 47
[7] el ore vus asanz [H] 47
[8] t. furent t. [H] 47
[9] Q. il les v. taisanz m. fu de ire emflez [H] 47
[10] m'e. ensenserez [H] 47
[11] que m'en loez [B] 47
[12] Jeo vus dirai tut ceo que m'en e. a. [H] 47
[13] sa ch. [H] 47
[14] Cum s'il f. [B] 47
[15] om. mes [H] pas p. [H] 47
[16] Mult fort les esguarda si lur dist tut iriez [B] 47

Page 47

302
   Or veit li arcevesques altre respit n'avra.¹
   Quant ço vint vers lu seir, a l'ostel s'en ala.²
   Li mals del flanc le prist, jur e nuit li dura.
   Achaisunus en ert, e suvent lui greva;³
1510 Par cel' ire qu'il out, dunc lui renovela.
303
   Mais li reis l'endemain pur lui main enveia,⁴
   E jure les oilz Deu que sen acunte avra.⁵
   Il dit: n'i puet aler, d'anguisse tressua;
   E se Deu plest, ço dit que ses mals tresira,⁶
1515 E qu'il irra a curt, si tost cum il purra.
304
   Li reis jure les oilz venir li estovra,
   E u il voille u nun, ses acuntes rendra.⁷
   E cum plus ert malades, de tant plus l'anguissa.⁸
   L'arcevesque Thomas encontre li manda:
1520 Pur amur Deu le sueffre, ki tut le mund cria.⁹
305
   Quant veit li reis Henris qu'il nel purra aveir,
   Quida qu'il se fainsist tut pur lui deceveir.¹⁰
   Dous cuntes enveia pur s'enferté veeir,¹¹
   Celui de Leïrcestre, qui pris out de saveir,¹²
1525 E cel de Cornewaille, que l'en dient le veir.¹³
306
   E quant il vindrent la, virent s'enfermeté.¹⁴
   Dient li que li reis li ad par els mandé
   Que il vienge a la curt. Il lur aveit mustré¹⁵
   Que ses mals l'ot la nuit mult durement grevé,¹⁶
1530 E encore le tint; mais un poi out sué.¹⁷ [f.6v]
307
   E prie lur pur Deu k'il le leissent gesir;¹⁸
   E se li reis le volt tresqu'al demain suffrir,¹⁹
   Il irra a la curt, si orra sun plaisir.
   Ne larra qu'il n'i aut, pur vivre u pur murir;²⁰
1535 Ainz s'i fereit porter e sur biere tenir.²¹

[1] or vit [H] a. plait n'i fera [B H] (avra [H] 48
[2] Q. il v. [B] 48
[3] le g. [P] 48
[4] maint e. [P] 48
[5] o. Deus [B] 48
[6] plust ceo dist [H] 48
[7] a. avra [H] 48
[8] que plus [B H] 48
[9] a. Deus [B] 48
[10] om. se [P] 48
[11] enfermeté [P W] (pur gratté [P] 48
[12] prist o. [B] 48
[13] E celui [P W] (corr. dans [P] ) k'il en [H P] 48
[14] om. E [B H] 48
[15] K'il... E il [H] 48
[16] om. l'aveit mult [H] 48
[17] e. li t. [H] 48
[18] que le [B P] 48
[19] om. le [H] 48
[20] Nel l. [B] ne pur m. [H] 48
[21] se f. [H P] p. sur b. e sustenir [B] 48

Page 48

308
   De part le rei li unt icel respit duné.
   Dient li reis voldra l'endemain par verté¹
   Ses acuntes oïr; n'iert pur rien desturné.²
   - Il i ira, ço dit. E il s'en sunt turné,³
1540 Si unt mustré al rei ço qu'il i unt trové.⁴
309
   Le jur meesmes puis li fu bien acuintié,
   E dui riche barun li unt pur veir nuncié,
   Que s'il alout a curt, si ert apareillié,
   Il ert mis en prisun, ne verra mais sun pié,
1545 U il sera ocis, ne lui ert purluignié.⁵
310
   Quant il l'oï, la char l'en prist tute a fremir.
   Uns sainz huem li a dit, cui il l'ala gehir,⁶
   Que l'endemain matin, quant devra Deu servir,⁷
   Qu'il chant de saint Estiefne, le premerain martyr;⁸
1550 Ja puis ne li purrunt si enemi nuisir.
311
   L'endemain se leva li bers en l'ajurnee,
   Car l'anguisse li ert de sun mal trespassee.
   En grant devotiun cele messe ad chantee,
   E a Deu sun seignur ad sa cause mustree,
1555 E pria qu'il le guard de male destinee.
312
   Purquant pur cele messe que il dunc celebra,⁹
   Li evesques de Lundres, qui pur le rei parla,
   Par devant l'apostolie puis l'en acaisuna,¹⁰
   E dist pur sorcerie cele messe chanta,¹¹
1560 E el despit le rei. Mais le veir trespassa.¹² [f.7r]
313
   Mais quant il ot chanté, n'esteit pas despuilliez,
   Mais iloec est assis ensi apareilliez.¹³
   Pur les evesques ad ses hummes enveiez.
   Quant il furent venu, bel les ad araisniez.¹⁴
1565 "Seignur, fait il a els, pur Deu me conseilliez;
314
   "Car li reis est vers mei munté en si grant ire
   Que nuls hum ne purreit ne demustrer ne dire¹⁵
   Cum grant mal il me quiert, od le mielz de l'enpire.
   Bien savez e veez a quei il tent e tire,
1570 Ne nuls fors Dampnedeus ne m'en puet estre mire.¹⁶

[1] pur v. [P W] 49
[2] nient p. [H] 49
[3] om. i # [H P] 49
[4] om. i [H P] 49
[5] ne serad p. [B P] 49
[6] il ala [H W] (qu'il a. [W] 49
[7] l'e. par matin q. Deu devra s. [H] 49
[8] Il c. [P] 49
[9] il idunc canta [B] 49
[10] le ac. [H] l'en acusa [B] 49
[11] Dist ke p. [P] 49
[12] om. E [B] del r. [P] 49
[13] s'est a. [B] 49
[14] araisonez [H P] 49
[15] nel p. ne mustrer [H] 49
[16] (f. Damnedeu [H P] 49

Page 49

315
   "E pur ço me dut mult, e sui en grant esfrei,
   Car jo sai le conseil e le secrei le rei.¹
   Li plus privé de lui le m'unt mustré en fei.
   E pur ço voil aler a curt en cest conrei,
1575 E la cruiz en ma main, pur seürté de mei."
316
   Dunc respunt li uns d'els, qui rien ne s'en desheite²
   E le conseil le rei e aguise e receite:³
   "Sire, que volez faire? Ne freez si grant freite
   Que vus algiez a curt, el puing l'espee treite,⁴
1580 Car ja mais ne serreit la medlee desfaite.⁵
317
   "Se vus alez einsi, l'espee traite, a curt,
   Vostre hauberc vestu, en main vostre behurt,
   Entre vus e le rei e ire e graigne en surt,⁶
   Ne ja mais n'iert qui pes entre vus dous aturt,⁷
1585 Ne ja mais n'iert uns jurs saint' iglise n'en plurt.⁸
318
   "Mult estes vers le rei enpeiriez e medlez.
   S'ensi alez a curt, grant hunte li freez.
   Vus querez la metlee, s'od armes i alez.⁹
   Vostre espee est reburse, ses branz est acerez;¹⁰
1590 S'il trait sur vus s'espee, sustenir nel purrez. [f.7v]
319
   "Metez jus vostre cruiz, faites vus desparer,
   E faites vostre cruiz devant vus la porter.
   En grant humilité devez a curt aler,¹¹
   Que nuls ne vus en puisse reprendre ne blasmer.
1595 De pes en purra l'un vers le rei mielz parler."
320
   Mult respundi li bers humblement a cel' ure:¹²
   "Jo n'ai pas trait m'espee, ne jo ne li cur sure,¹³
   N'autrui ne baillerai la cruiz, qui k'i acure.¹⁴
   Pais quier; ço peise mei que nuls la me demure,
1600 E mult serrai dolenz, se saint' iglise en plure.¹⁵
321
   "Ne jo ne quier al rei ne mal ne deshonur.¹⁶
   N'a humme en tut le siecle qui plus desirt s'onur;
   E mult sui jo dolenz que jo ai sa haür.¹⁷
   E se s'espee trenche, la meie ad grant reidur;
1605 E obeïr m'estuet al suverain seignur.

[1] s. le segré e le conseil [H] 50
[2] r. n'en s'enheite [B] ne se d. [H] 50
[3] E ceo c. [H] anguisse [P] anguise [W] 50
[4] a curt vostre e. t. [H] 50
[5] Ne [H] 50
[6] r. mult grant migraine s. (!) [H] om. en [P] 50
[7] Ne ja m. ki p. estre e. [H] 50
[8] ne p. [H] 50
[9] arme [B] i venez [H] 50
[10] rebursee [H] reboche [P] 50
[11] Od [H] 50
[12] Dunc [B] 50
[13] Jeo nen ai spee treite [H] 50
[14] q. ki i [B] N'a a... ki k'i acuruce [H] 50
[15] m. sereie [H] om. en [P] 50
[16] om. ne devant mal [H W] 50
[17] E m. en sui d. [H] 50

Page 50

322
   "Or vus pri e comant tel conseil me doinsiez
   Que jo ne seie a Deu ne al siecle avilliez.
   - Sire, fait li uns d'els, car vus humilïez;
   Al rei en sa merci l'arcevesquié laissiez.
1610 N'avrez pes altrement, a seür en seiez.
323
   - Mal conseil me dunez, fait il; ja nel freai.¹
   Or alez a la curt; e jo m'aturnerai.²
   Al plus verai conseil, se Deu plaist, me prendrai."³
   Dunc s'esteit desparé de l'aube senz delai.
1615 En chape e en surpliz remist; car bien le sai.⁴
324
   A la rei curt ala, quant il i fu mandez.⁵
   Par desus le surpliz s'est de l'estole armez,⁶
   D'une chape a canoine par desus afublez;⁷
   Car bien sot qu'il esteit al rei forment metlez.
1620 Sur sun cheval munta; a Deu s'est comandez.⁸ [f.8r]
325
   Mult reduta le rei e sun fier maltalent.
   Del tut le cunut bien senz nul receilement,
   Cumme cil qui l'aveit servi mult longement.⁹
   E sout bien que li reis le haï durement,
1625 E que mult poi amis ot a cel parlement.¹⁰
326
   Mult m'esmerveil pur quei li reis si le haï,¹¹
   Se pur ço nun qu'il ot sun servise guerpi,
   E sun conseil del tut, e de lui departi,¹²
   E qu'il s'osa drecier vers lui n'einsi n'einsi.¹³
1630 N'ert pas tant gentils huem; fieble erent si ami.
327
   E pur ço que li reis l'aveit tant eshaucié,¹⁴
   E mustré li aveit einsi grant amistié¹⁵
   Qu'en tute rien li out sun conseil acointié,
   Ainc ne trova li reis qui plus l'ait corecié.
1635 Grant desdeig li sembla qu'il l'aveit commencié.¹⁶

[1] d. certes ja nel f. [H] 51
[2] jo mei a. [P] 51
[3] prendai [B] 51
[4] et rayé [P] 51
[5] A la curt en ala [B P] #mais [P] a eu d'abord$ curt le rei ala curt le rei [W C] 51
[6] Par rayé [P] desuz [B] est [H] 51
[7] a par d. fublez [H] 51
[8] un ch. [B] 51
[9] cuil l'a. servi l. [H] 51
[10] Et poi a. aveit a cele kurt c'entent (plusieurs corrections) [P] 51
[11] me merveil [H] 51
[12] d. tut out de [B] e fu de l. parti [H] 51
[13] encontre l. einsi [H] 51
[14] U p. c. [P W] 51
[15] a. suvent grant a. [B] 51
[16] que il l'out [P] 51

Page 51

328
   Curuz de rei n'est pas gius de petit enfant.
   Qu'il comence a haïr, seit pur poi u pur grant,¹
   Ja mais ne l'amera en trestut sun vivant.
   Ço que reis volt est leis, ço dient li alquant;²
1640 As terrïens seignurs sunt tuit obeïsant.
329
   Li huem Deu out guerpi le terrïen seignur³
   E se fu pris del tut a Deu, sun creatur,⁴
   Qui il voleit servir en fei e en amur.
   Sout bien qu'il suffereit un mult pesant estur.⁵
1645 Plus cremi de prisun que de perdre s'onur.⁶
330
   A la curt en ala sainz Thomas li bons prestre,
   E prist les armes Deu, que seürs peüst estre.⁷
   La cruiz arcevesqual fist porter a sa destre,
   E la reisne del frein tint en la main senestre.⁸
1650 Fait out sun avocat de Jesu Crist, sun mestre. [f.8v]
331
   Tut dreit devant la sale est a pié decenduz.
   Laienz en est entrez; sis chevals fu tenuz.⁹
   Asez i ad trové e joevenes e chanuz.
   En sa main prist la cruiz, quant fu laienz venuz.¹⁰
1655 En sa chambre ert li reis od ses plus privez druz.¹¹
332
   Laienz entra Thomas od mult poi conpaignuns;
   Poi i mena des suens, si cum nus l'entenduns.¹²
   Le rei i ad trové od ses privez druguns,
   Evesques e abez e cuntes e baruns.
1660 Tuz suls entra en champ, cumme bons champiuns.
333
   Li evesque se sunt encontre lui drecié.
   De la cruiz l'unt blasmé, qu'il porte, a chastïé:
   Car le rei sun seignur en a mult avillié,
   E vers lui en charra en grant enemistié.¹³
1665 Or la bailt a un altre, ço li unt conseillié.¹⁴
334
   Robert de Herefort la li va demander:¹⁵
   Evesques est, ço dit; bien li puet comander.
   Li evesques de Lundres i ala dreit clamer:
   Ses deiens est, ço dit; par dreit la deit porter.
1670 Des mains la li voleit par vive force oster.

[1] Cui c. [H] Ke... et pur g. [P] 52
[2] li reis [B] volt li reis [W] 52
[3] L'arceveske o. (corr.) [P] 52
[4] Deu le c. [H] 52
[5] E sout b. [B] 52
[6] cremeit [P] 52
[7] s. em pust e. [H] 52
[8] Par la r. [H] La r. de sun f. [P W] 52
[9] om. en [H W] est t. [H] 52
[10] laenz fu [H] 52
[11] od sei ses p. d. [P] 52
[12] nus entenduns [H W] 52
[13] Envers lui [H] 52
[14] baille [B] Or l'abat [P] 52
[15] H. li ala d. [B] 52

Page 52

335
   "Fous, fait il, tuzdis fustes, e estes e serrez,¹
   Quant vus, l'espee traite, desur le rei venez.²
   S'il trait sur vus la sue, coment vus defendrez?
   Car grant hunte li faites, quant en sa curt entrez
1675 Cum en feu e en flambe, de vostre cruiz armez.
336
   "Mais metez jus la cruiz, un autre la livrez;³
   Nostre seignur le rei en ire ne metez."
   Fet cil de Wirecestre: "Sire evesque, suffrez.⁴
   Laissiez ester sa cruiz; car ne la baillerez.
1680 N'est trop buens a porter la cruiz quo vus veez." [f.9r]
337
   Mult se sunt entremis de lui la cruiz tolir;
   Mais il ne la volt pas a nul d'els tuz guerpir,⁵
   A dous puinz tut adès li veïssez tenir.⁶
   Poi i out des evesques quil volsist sustenir,⁷
1685 Mais Rogiers de Wircestre ne li voleit guenchir.⁸
338
   L'arcevesque Thomas tut avant s'en ala.
   La cruiz arceveskal il meïsmes porta;
   Nul ne la volt baillier, car forment se duta.⁹
   Desur un banc s'asist, e a Deu s'apuia.¹⁰
1690 En sa main tint la cruiz, en sun quer la porta.
339
   En l'autre chambre avant sist li reis od ses druz,
   U ses conseilz teneit od les mielz coneüz.¹¹
   Devant lui n'esteit pas l'arcevesques venuz,
   Car li reis ert vers lui en ire commeüz.¹²
1695 Le jur unt tuz lur plaiz par amparliers tenuz.
340
   Ire e malveis conseil unt le rei deceü,
   Qui l'unt vers le saint humme isi fort commeü.
   Li reis aveit ainceis sun estre coneü;¹³
   Or quidout qu'il fust tels cum il l'out ainz veü.
1700 Trestut esteit changiez: sainz Espirz en lui fu.¹⁴
341
   Dunc l'i voleit li reis des clers faire plaidier.¹⁵
   Mais li barun li unt fait tut cel plait laissier:¹⁶
   Car se nul plait volsist vers les clers comencier,¹⁷
   Les evesques verreit tuz ensemble alïer,¹⁸
1705 N'einsi ne purreit pas l'arcevesque plaissier.

[1] Fait il (F. uns [W] ) : "Tut dis fous futes" [P W] 53
[2] sur vostre r. [P] 53
[3] "La croiz fet il, lessez" [P W] a un a. [H] 53
[4] Fait icil (F. li cil [P] li aj. plus tard) de Wincestre [B P] 53
[5] om. il [B] om. tuz [H] 53
[6] a. la le v. [H] 53
[7] poeit s. [H] 53
[8] Fors R. de W. que ne li volt g. [H P] mss. Wirecestre (Wilecestre [W] 53
[9] A nul ne l'ad baillie [B] 53
[10] se sist... se puia [P] 53
[11] od ses m. c. [H] les corr. en ses [W] 53
[12] en grant ire c. [P] 53
[13] Li r. aveit sun estre a. bien c. [B] 53
[14] T. fu c. [H] Espiriz [B P] 53
[15] D. le v. [P W] 53
[16] l'unt f. [H] 53
[17] om. plait [H] 53
[18] e. aler [P W] 53

Page 53

342
   La u sist sur le banc, entre lui e le rei
   Alouent li barun, dui e dui, trei e trei.
   Del plus privé conseil li fu dit en requei
   Sa mort ert aprestee, presist guarde de sei.
1710 E pluisur s'en esteient juré e pris par fei.¹ [f.9v]
343
   Je ne sai se li reis l'out fait apareillier²
   Qu'il volsist l'arcevesque faire ocire u lïer;
   Mais einsi li vint huem le jur sovent nuncier.³
   Puet cel estre li reis le voleit esmaier,
1715 Que il le peüst mielz par manaces plaissier.⁴
344
   Dunc ad fait devant sei venir li reis Henris
   Les evesques; sis ad forment a raisun mis,
   E volt que il li tiengent ço qu'il li unt pramis,
   Qu'il tendrunt les custumes e les leis del païs,⁵
1720 E que li arcevesques n'en sera point eschis.⁶
345
   A l'arcevesque en vunt li evesque parler.
   Dient que lur estuet les leis le rei guarder,
   Quant par obedïence les lur fist graanter⁷
   Et in veritatis verbo parcunfermer.
1725 En nul sens ne s'en volent vers lui desleeler.⁸
346
   Lui meïsmes, ço dient, les estovra tenir,⁹
   Car il les graanta, ne s'en deit resortir;¹⁰
   E serement en fist, ne s'en puet desmentir.¹¹
   E li reis le volt ore e saveir e oïr¹²
1730 Se de sa leauté volt envers lui guenchir.
347
   Quanqu'il unt dit a bien sainz Thomas esculté.¹³
   Puis lur a respundu od grant humilité:
   Deus est en lui, fait il, ki aime verité;¹⁴
   Ne cil n'aime pas Deu qui n'aime lealté;
1735 E Deus het tricherie e tut' iniquité.

[1] E li p. s'esteient [B] E p. e e. [H] s'en resteient [P] 54
[2] Ceo ne s. [H] 54
[3] om. Mais suvent le j. [H] M. e. li alerent [B] 54
[4] S'il [H] 54
[5] c. e les us [P W] 54
[6] ne sera [H P] 54
[7] Car [B] 54
[8] ne se [H] poent [P W] (deslealter [H] desleauter [P W] 54
[9] E lui m. [B] (meïsme [H W] 54
[10] n'en se d. [P] 54
[11] ne se deit d. [H] 54
[12] les v. [H] 54
[13] om. bien [H] 54
[14] D. e. en lui e ert k'il a. v. [H] D. e. fet il, en l. [P] 54

Page 54

348
   "E les leis que vus dites a quei li reis s'alie,
   Ne sunt de leauté, ainz sunt de felunie,¹
   Contre Deu e raisun, pur destruire clergie.
   Ne jo nes tendrai pas pur rien qui seit en vie.
1740 Par sainte obedïence defent nes tiengiez mie.² [f.10r]
349
   "N'est pas sages qui chiet, quant ne volt relever,
   E mielz vient tost resurdre que trop i demurer.
   E pur ço que la curt me volt si fort grever,
   E vus, qui od raisun devriez od mei ester,³
1745 Apel jo; car ne voil contre raisun aler."
350
   Quant veit li arcevesques, prist sei a purpenser:
   La curt a l'apostolie li estut apeler,
   Saveir s'il se purreit par issi delivrer.
   E vit tut entur li les evesques ester:
1750 Uns suls d'els pur le rei ne volt un mot tinter.⁴
351
   Or veit bien e entent qu'um vait sa mort querant,
   E veit tuz les evesques entur li en estant.
   "Seignurs, fait il, j'apel; kar mestier en ai grant;
   Car ceste curz me vait mult durement grevant.⁵
1755 - Sire, fait cil de Lundres, relaissiez mei de tant.
352
   "Sire, fait cil de Lundres, de tant me releissiez.
   - Nel ferai, fait li il; mais se jo sui tuchiez,
   A vus tuz le comant la justice en faciez,⁶
   Que vus pur nule rien nului n'en esparniez."⁷
1760 Dunc fu cil de Wincestre durement esmaiez.
353
   "Sire, fait il, pur Deu, car entendez a mei:
   Rendez en sa merci l'arceveschié al rei.
   N'avrez pes autrement; tut clerement le vei."
   Il nel dist pur nul mal, mais en conseil de fei.⁸
1765 Surdre i vit grant peril e mult mortal desrei.
354
   "Nel ferai, fait li il; divine dignité
   Ne rendrai a lai humme en trestut mun eé;
   Car cuntre Deu sereit e contre leauté."
   Fait dunc cil de Cicestre: "La meie volenté,
1770 Remaindrïez Thomas, senz ceste poesté."⁹ [f.10v]

[1] de tricherie [P] de trecherie [W] 55
[2] nes t. pas [H] 55
[3] devez [H P] 55
[4] ne vol [B] 55
[5] Car cist curuz [B] 55
[6] A vus le c. que [B] Sur voz ordres c. [P W] 55
[7] om. en [B H] 55
[8] Je (d'abord Il) nel dis [P] pas pur m. [H P] 55
[9] Remaindreiz hui T. d'abord Remaindreit T. [P] s. altre p. [H] 55

Page 55

355
   Quant li pluisur entendent q'um quist l'encombrement¹
   De Thomas l'arcevesque, mult en furent dolent.²
   L'arcevesque Rogier apelent erramment
   E l'evesque de Lundres, quil haï durement,
1775 E celui de Cicestre, qui ne l'ama neent:³
356
   "Seignurs, pur amur Deu, nel faites pas einsi.
   S'un ocit l'arcevesque, vus en avrez le cri,⁴
   Car tuz li païs seit que vus l'avez haï.⁵
   Se vus nel delivrez, nus sumes mal bailli:⁶
1780 Li reis e saint' iglise e nus iermes huni."
357
   Dunc alerent ensemble li evesque parler.
   Conseillent sei coment le purrunt dilivrer;
   E dient qu'il irrunt al rei Henri parler
   Que, s'il le vunt devant l'apostolie apeler,
1785 K'ensi le purrunt bien de sun sié deposer.⁷
358
   Al rei en vunt parler, si li crient merci.⁸
   "Sire, funt il, pur Deu, nel faites pas einsi.
   Laissiez ester cel plait qu'avez ore acuilli;⁹
   Kar vus en avrïez a tutdis mais mal cri,¹⁰
1790 E nus en serium suspendu e huni.
359
   "Sire, funt il al rei, laissiez nus ent ovrer.
   Bien savez qu'il nus ad fait vos leis confermer;
   E or nus volt refaire trestuz deslealer.¹¹
   E d'iço l'irum ore tuit ensemble apeler;¹²
1795 Einsi le purrum bien de sun sié deposer."¹³
360
   Dunc dist li reis Henris: "Einsi le vus otrei.¹⁴
   - Or nus leissiez, funt il; nus en prendrum conrei;¹⁵
   Car tut li abatrun, voil' u nun, le desrei."¹⁶
   Li un i entendirent mal, e li autre fei.¹⁷
1800 Dunc sunt venu a lui. Tuit erent en esfrei. [f.11r]

[1] e. qu'unt quis [P] 56
[2] L'a. Th. [H P] 56
[3] c. d'Everwic [H] Rogers de Wirecestre fist cest (cel [W] ) purparlement [P W] 56
[4] avré le c. [B] 56
[5] p. le set [H] 56
[6] nus serums [H] 56
[7] K'en ensi [B] om. bien [H] 56
[8] om. en [H] 56
[9] om. ore [H] 56
[10] averiez [B] 56
[11] Or n. v. fere t. deslealter [H] 56
[12] E d'iço l'irium t. [H] 56
[13] E einsi [B] om. bien [H] 56
[14] [H] 56
[15] n. lessum [H] 56
[16] cest d. [H] 56
[17] L'un i entendent m. a li a. grant f. [B] 56

Page 56

361
   "Nus apelun, funt il; car trop sumes grevé.
   Car ço que nus eümes ainz al rei greanté,¹
   E par obedïence l'eüstes comandé,
   Or l'avez defendu. Pur tel deslealté,²
1805 U vus nus volez metre, vus avuns apelé."
362
   Al rei Henri en unt cil del conseil parlé³
   E quant li reis oï qu'il aveit apelé
   E qu'il alout del tut contre sa volenté,
   Ne vus en sai mustrer sun quer ne sun pensé,
1810 Mais a cels del conseil ne l'a il pas celé.⁴
363
   "Sire, funt il idunc, ço vus estuet laissier.⁵
   Car s'a nostre conseil vus volez apuier,⁶
   L'arceveschié perdra; tut le ferum plaissier.⁷
   Car vers vus nus volt faire parjurer e trichier,⁸
1815 E devant l'apostolie l'en voldrum chalengier.⁹
364
   - Alez delivrement, fait il; or en pensez."
   Dunc sunt venu a lui; il les ad escultez.¹⁰
   "Sire, funt il a lui, quant si nus mesmenez,¹¹
   Vus e nus vers le rei einsi deslealtez,
1820 Apelum nus; car trop durement nus grevez."¹²
365
   Par cel apel unt mult le rei aseüré¹³
   E mult a cele feiz de s'ire refrené.
   Pur ço qu'or desdiseit ço qu'ainz ot graanté,¹⁴
   Quida, s'en la curt Deu l'en eüssent prové,¹⁵
1825 Que pur ço deüst perdre e croce e dignité.
366
   Li prelaz d'Evrewic, cil de Lundres, ço qui,¹⁶
   Conseil li unt duné priveement andui
   Que, veant si grant gent, ne li fesist anui;
   Mais l'endemain le mant, quant n'i avra nului;
1830 Priveement le mete senz noisse en sun estui. [f.11v]
367
   Par ço s'est mult li reis de s'ire refrenez,
   E desfaiz li malices qui dunc ert aprestez,¹⁷
   E lur mals engins fu a grant bien aturnez.¹⁸
   Car que que li hum penst, fieble est sa poestez;¹⁹
1835 Deus abat les puissances e les feluns pensez.

[1] ainceis al r. granté [B] 57
[2] par tel d. [B] 57
[3] en vunt [B P] 57
[4] ne l'aveit p. [P] 57
[5] il dunc [H] 57
[6] Et [P] 57
[7] L'arceveske [H W] L'arceveskes [P] f. pleissiez [H] 57
[8] om. vus [H] parjure [P] 57
[9] Mes par devant l'a. le volum ch. [H] Appeler l'en volum la l'en ferrum juger [P W] 57
[10] A l'arcevesque (l'arcevesques [P] ) vindrent [P W] 57
[11] f. il idunc [H] q. vus si n. menez [B] q. vus nus mesmenez [H P] (vos aj. [P] ) q. si nus maumenez [W] 57
[12] A. vus [H W] 57
[13] unt le rei mult aseürez [H] 57
[14] qu'il d... aveit g. [H] ke out desdit [P] ço k'il out ainz juré [P W] 57
[15] om. Deu [P] 57
[16] e cil [H W] ceo crei [H] 57
[17] aprestrez [B] la malice [H] 57
[18] l. grant engin [H P] 57
[19] C. q. q. li ploüst [H] Ke unques li h. [P] 57

Page 57

368
   Dunc enveia li reis a lui ses chevaliers:
   Or volt que il li rende ses acuntes pleniers
   De quanqu'ot en baillie, quant fu ses chanceliers,¹
   De trente mile livres d'esterlins en deniers.
1840 Mais il ad respundu mult bel as messagiers:
369
   "Seignur, fait il a els, tut senz en plait entrer,
   Ne me deit pas mis sires acuntes demander.²
   Car tut cest grant aveir que ci vus ot numer,³
   En ses busoignes l'ai fait metre e aluer;⁴
1845 Si l'ad oï suvent mis sires acunter.
370
   "E quant jo fui a Lundres esliz e alevez
   A ceste dignité, tuz fui quite clamez
   Par sun comandement, si que bien le savez;⁵
   E d'acuntes e d'el fui iloec delivrez.
1850 Pur ço ne voil rentrer en plait qui est finez."⁶
371
   Quant il unt fait al rei ceste parole entendre,⁷
   D'ire devint vermeilz plus que carbuns sur cendre.⁸
   "Pur les oilz Deu, fait il, ne volt acunte rendre?
   E si est mis huem liges: jugement en voil prendre!
1855 - Sire, funt il, mais d'el, dunt mult plus volt mesprendre.⁹
372
   "Quant il est vostre huem liges, il vus deit fei porter
   E tenir en tuz lius vostre honur e guarder.
   E quant vus volt tolir vostre curt e fauser,¹⁰
   E apele autre curt, de çol poëz grever,¹¹
1860 Car iluec vus volt il granment desonurer. [f.12r]
373
   "De cel poëz jugier, funt li dunc li barun.¹²
   - Alez al jugement, fait il, senz targeisun."
   Al jugement en vunt la maisnie Nerun.¹³
   Lur pere espirital jugent comme bricun¹⁴
1865 Que li reis le presist e mesist en prisun.¹⁵

[1] q. fu ch. [H] q. il fu ch. [P W] 58
[2] acunte d. [B] 58
[3] ci oez n. [H P] 58
[4] busuinz l'ai f. et m. [P] 58
[5] 1848 et 1849 interv. [P] 58
[6] v. entrer [H W] 58
[7] cele p. [H P] 58
[8] v. cume carbun [H] 58
[9] S. f. il, vers vus volt il plus m. [H] 58
[10] E (Mes [H] ) q. il v. v. [B H] (il aj. par le corr. [W] 58
[11] a. a autre c. [P] ço le [B W] cel le [H P] 58
[12] De cel le p. [H] 58
[13] n'i virent (firent [W] ) se mau nun [P W] 58
[14] c. felun (correction) [P] 58
[15] en sa p. [H] 58

Page 58

374
   L'arcevesque Rogiers d'icel conseil eissi.
   Fait il a l'arcevesque: "Aiez de vus merci,
   De nus tuz ensement; car mal sumes bailli,¹
   Se ne faites del tut le voil lu rei Henri."²
1870 Sainz Thomas li ad dit: "Satanas, fui d'ici."³
375
   Quant li jugemenz fu e faiz e acordez⁴
   E devant le rei fu e diz e recordez,⁵
   Dous i ad enveiez li reis de ses privez:
   Li cuens Reinalz i est de Cornewaille alez,
1875 E cil de Leïscestre, qui mult par ert senez.⁶
376
   Dreit devant l'arcevesque sunt andui aresté.
   Li quens de Leïscestre aveit primes parlé:
   "Sire, fait il, li reis vus ad par nus mandé
   Qu'oiez ço qu'il vus unt jugié e acordé."⁷
1880 Dunc l'aveit li buens prestre fierement reguardé:
377
   "N'i avra ui par mei jugement esculté,⁸
   Fait li buens arcevesques, car jo ai apelé.⁹
   - Coment, fait dunc li quens, puet estre desturné,
   Quant vus li devez fei, humage e ligeé?
1885 De lui tenez granz teres e granz fius en barné.¹⁰
378
   "E quant en barunie de lui granz fius tenez,
   Jugement en sa curt e dreit i sufferrez.
   - Ne tieng, fait saint Thomas, de lui fius n'eritez¹¹
   Ne rien en barunie; mais tut est charitez
1890 E parmenable aumosne, tut ço dunt sui fieffez. [f.12v]
379
   "Ço qu'a saint' iglise unt si ancesur duné,¹²
   En parmenable almosne li unt tut graanté;¹³
   Ainkes de barunie n'i out un mot suné.
   Li reis l'a par sa chartre tut einsi confermé,
1895 Otrïé en almosne, en parmenableté.
380
   "E pur ço, fait lur il, de part Deu vus defent,
   Par la cristïenté qui de nus vus apent,¹⁴
   Que de mei ne faciez ui mais nul jugement."¹⁵
   Li quens li respundi: "Sur tel defendement¹⁶
1900 Ne m'en entremetrai; tut quite vus en rent."

[1] om. car [H] 59
[2] al rei H. [H P] 59
[3] « Vade retro Sathanas » li ber lui (sainz Thomas [P] ) respondi [H P] 59
[4] om. le premier e [H] e recordez [B] 59
[5] e d. e mustrez [B] 59
[6] est s. [P W] (corr. [W] 59
[7] Que oiez [B] 59
[8] pur m. [H] 59
[9] F. li li b. prestres car j'ai a. [B] 59
[10] t. g. fius e honurs en b. [B] 59
[11] om. de lui [H W] ne f. ne h. [H] ne eritez [B] 59
[12] Ço que a [B] Ço ke s. i. a unt a. d. [P] 59
[13] l'unt [H] 59
[14] E par [B] 59
[15] n'i f. [B] 59
[16] lur r. [B] 59

Page 59

381
   Fait dunc li quens Roberz: "Dites dunc, quens Reinalt;¹
   Jo nen os mais parler, quant le defent si haut.²
   - Nel ferai, fait li quens, se Damnedeu me saut:
   Ne me fu enchargié; ja ne m'en ferai baut.³
1905 Dites, se vus volez, car Reinalt vus en faut.
382
   - Sire, fait quens Roberz, suffrez, pur saint Denis,
   Que vostre respuns ait oï li reis Henris.
   - Coment? fait l'arcevesque Thomas; sui jo dunc pris?
   - Ne l'estes, par saint Lazre, fait dunc li quens de pris.
1910 - E jo m'en vois a tant", respunt li Deu amis.
383
   Dunc s'en revunt al rei cil dui riche vassal,⁴
   E li sainz arcevesques parti de sun estal.
   Ingnelement eissi de la chambre real;
   N'en mena compaignun fors Deu l'espirital.⁵
1915 En sa main destre tint la cruiz arceveschal.⁶
384
   E quant il s'en parti de la cambre le rei,
   Justises e baruns, tels que numer ne dei,
   L'escrïerent en haut, a hu e a desrei:
   "Li traïtres s'en vait: veez lei, veez lei!"
1920 Il s'en ala avant, ne dist ne ço ne quei.⁷ [f.13r]
385
   Nis li quens Hamelins ne s'i volt taisir pas.⁸
   Quant il en vit aler l'arcevesque Thomas,
   Mult l'aveit escrïé, e nel dist giens en bas:
   "Cumme fel, fait li il, mal traïtres, t'en vas!"
1925 Sil hua Hue Wac tant qu'il fu pres tut las.⁹
386
   A l'eissir de la chambre durement se hasta.
   Quant vint enmi la sale, a leigne s'abuissa;¹⁰
   Pur poi qu'il ne chaï. Idunches l'escria
   Randuls del Broc, e dist: "Li traïtres s'en va."
1930 Li sainz huem ne dist mot, mais avant s'en ala.

[1] om. li [H] 60
[2] p. tut quite vus en rent [H] 60
[3] Ne m'en fu [H] 60
[4] D. s'en vunt al r. dreit (aj. plus tard) [P] 60
[5] Ne m. [P] menai [H] 60
[6] s. destre main [P W] 60
[7] ne un ne kei [P] 60
[8] ne se [H] ne s'en [P W] 60
[9] t. k'il en fu tut l. [H] t. k'il en fu pres l. [P W] 60
[10] a la l. a. [B] 60

Page 60

387
   En la sale fu mult traïtres apelé.
   De tutes parz i fu hautement escrïé;
   N'i eüst greignur cri, se fundist la cité.
   Nis torgeluns d'estraim unt après lui geté.
1935 Ne volt a els plaidier; ultre s'en est passé.¹
388
   Ensi firent Giwiu, quant hum ot Deu jugié:²
   Vilment l'unt escrïé, batu e coleié,
   Enmi le vis li unt escopi e rachié.
   De sun gré le suffri Deus pur l'umain pechié,³
1940 E cist pur delivrer de vilté le clergié.
389
   Li malvais qui quidierent le rei servir a gré,
   E garçuns e putains, unt saint Thomas hué
   E derochié de torges; car Randul l'out rové.⁴
   Mais cil qui Deu cremirent e qui l'orent amé,
1945 En unt od grief suspir celeement pluré.⁵
390
   Dunc fu al rei nuncié cum hum le fist huer,
   E que l'um le voleit e laidir e tuer:
   Li reis sereit huniz s'um nel laissout ester.⁶
   Dunc comanda li reis e fist par ban crïer
1950 C'um laissast quitement lui e les suens aler. [f.13v]
391
   Si tost cum li ber fu sur sun cheval sailluz,
   Grant aleüre en est a la porte venuz.⁷
   Fermee la trova; dunc fu mult esperduz.
   Poür out qu'il ne fust e pris e retenuz.
1955 Mais Deus l'en ad jeté, qui fist pur li vertuz.
392
   Li arcevesques out iluec sun esquier,⁸
   Un qui ot nun Trunchez; dunc li ot grant mestier.⁹
   Les cles des portes vit luinz pendre a un ramier:¹⁰
   Erramment les saissi, ne s'i volt rien targier;
1960 La porte desferma, n'i apela portier.
393
   Ne volt ilueckes Deus l'arcevesque laissier.¹¹
   De tant cles cum cil pout a dous mains enpuignier,¹²
   A la dreite clef est asenez al premier.
   Li portiers entendi a batre un pautenier;
1965 E li bers s'en eissi, qui Deus aveit mult chier.

[1] e. alé [B] 61
[2] q. il unt D. j. [B] 61
[3] om. l' [P] 61
[4] E roché [H P] (#corr. dans [P] 61
[5] griefs suspirs [H P] 61
[6] se um [B] 61
[7] G. alure s'en e. [B] 61
[8] o. iluekes [H] 61
[9] Un qu'ot a n. [B] om. Un [H] 61
[10] om. luinz [H] 61
[11] Deu [B] l'a. lasser [P] 61
[12] tanz cles [B P] c. il p. [H W] a ennui e. [P] a enviz e. [W] 61

Page 61

394
   Li quens de Leïrcestre, qui si oï crïer,¹
   Dist al rei cum l'um fist l'arcevesque escrier;²
   Grant hunte fu k'um fist si haut humme huer,
   Nel devreit pas suffrir; hum l'en voldreit blasmer.³
1970 Dunc comanda li reis k'um le laissast ester.⁴
395
   Quant il fu descenduz, al mustier s'en alad.
   S'il esteit de chanter none tens demandad.
   Mais ultre none esteit: none e vespres chantad.⁵
   Car le servise Deu tempre u tart n'obliad;⁶
1975 Volentiers le servi. Guereduné li ad.
396
   E quant il fu eissuz, après ço, del mustier,⁷
   Ses serganz apela, demanda a mangier.
   Tuit s'en erent fuï e clerc e chevalier;
   N'en i trovast pas sis, s'il en eüst mestier,⁸
1980 Kar la poür del rei les out fait desfuchier. [f.14r]
397
   Dunc rova qu'um fesist les povres enz venir.⁹
   Les tables en fist l'um del refreitur emplir.
   Jo crei qu'il pensa d'el que del ventre farsir;
   Nepurquant il manja assez, tut a leisir,¹⁰
1985 E ad fait bel semblant pur les suens esbaudir.
398
   Ainceis fu neire nuit que il eüst supé.
   Sun lit unt, veant tuz, enz el mustier porté,
   Detriés le grant autel e fait e aturné,¹¹
   E sun chapel d'aigneaus sur l'oreillier levé,
1990 Le covertur un poi par desus reversé.
399
   E quant li moinie vindrent lur complie chanter,¹²
   Quidierent il pur veir que se dormist li ber;¹³
   E chanterent en bas, car nel voldrent quivrer.¹⁴
   E li uns roveit l'autre par signes a tagler:¹⁵
1995 Mustreient qu'il ert las, c'um le laissast ester.¹⁶

[1] quis oï si errer [H] l'oï si c. [P] 62
[2] c'um feïst [H] 62
[3] N. deveit [P] le voldra [H] 62
[4] l. aler [P] 62
[5] n. a v. c. [P] 62
[6] tost u t. [H] tart u tost [P W] 62
[7] Quant il fu [B] Quant il esteit [H] 62
[8] trova [P] p. dis [P W] tut ust il grant m. [H] 62
[9] que um [B] k'um i f. les p. ainz leissier [H] 62
[10] a. a grant leisir [P] 62
[11] Juste (d'abord Dejuste) [P] est fet [P W] e aturner [H] 62
[12] Quant li m. la (aj. postérieurement) v. [P] 62
[13] C. tuit pur v. q. s'i dormist [H] 62
[14] om. E [H] v. aveiller (car gratté) [P] veiller [W] 62
[15] a taiser [H] a targer [P] 62
[16] Mustrerent [H] Mustreit [P] 62

Page 62

400
   Un suen humme i out mis pur le lit [a] guarder.¹
   E quant nul i veneit, sil faiseit returner,²
   E diseit qu'um lessast sun seignur reposer;
   Ja puis n'en trovast un quil volsist reguarder;³
2000 Encore l'endemain l'i quidierent trover.⁴
401
   Endementres ad fait tut sun eire aprester.⁵
   Mais poi i eut des suens qu'il le volsist mustrer.⁶
   N'unkes n'en volt un sul de ses chevals mener,⁷
   Mais quatre forz destriers fist la fors amener,
2005 Cum s'il fussent as ostes qui deüssent errer.
402
   Dunc seeient les genz le plus a lur super.
   Dunc vit bien li huem Deu qu'il s'en deveit aler.⁸
   E il pluveit tant fort qu'il ne voleit cesser.⁹
   La nuit fist il sa chape une feiz recouper:¹⁰
2010 A enviz la poeit - issi pesout - porter.¹¹ [f.14v]
403
   Quant il fu anuitié e tut fu aseri,
   L'arcevesque Thomas s'est apresté einsi¹²
   D'errer celeement qu'a nului nel gehi,¹³
   N'a privé ne a clerc, n'a parent n'a ami,
2015 Fors sulement a treis qui l'orent ainz servi.¹⁴
404
   Dous freres blancs mena ovec sei li buens ber:¹⁵
   Robert de Cave oï l'un des dous apeler,¹⁶
   E frere Scaïman oï l'autre numer.
   E un suen escuier n'i volt il ublïer:¹⁷
2020 Rogier de Brai, un brun, un prode bacheler.
405
   A ces dous freres a sun conseil coneü,
   Qui de Sempingeham furent a lui venu,¹⁸
   E a sun escuier, qui privez de lui fu.
   Par la porte del nort s'en sunt nuitantre eissu:
2025 N'i furent encontré, nul d'els, n'aparceü.¹⁹
406
   Mais um faiseit les portes del burc tutes guaitier;²⁰
   E pur quei um le fist, nel vus sai acuintier.²¹
   Purquant sulunc le tens en poum bien jugier.²²
   Mais li ber enveiad pur les portes cerchier:
2030 Cele sule trova senz guaite e senz portier.

[1] Un sun h. [H] sen [W] h. out mis la p. [B] com (aj. plus tard) pur [P] 63
[2] i v. nul (ce dernier mot aj. en interligne par le copiste) [B] sis f. [H] 63
[3] nel t. hum [H] qui l'osast r. [B] 63
[4] lui q. [H] le q. [P] 63
[5] Endementers [P W] om. tut [H] 63
[6] qui il le v. [B] a cuil le voleit [H] de suens que il v. [P] que le v. [W] 63
[7] Ne u. ne v. [B] ne v. [H] 63
[8] om. bien [H] poeit a. [P W] 63
[9] si fort [H P] 63
[10] dous feiz [H] 63
[11] A peine [B] einsi pesant [H] 63
[12] est a. [H] 63
[13] D'e. priveement [B] 63
[14] ainceis [H] 63
[15] blancs f. [H] 63
[16] o. un [B] 63
[17] un sun e. [H] sen [W] 63
[18] Cui Simplingeham [H] Sempingham [P] Simplingham [W] 63
[19] om. nul [P] 63
[20] tutes del b. [H] 63
[21] ne v. s. [H W] 63
[22] Nepurquant s. tens [B] 63

Page 63

407
   L'arcevesque Thomas n'out cure de sujur.
   Bien li fu acuintié, s'il atendist le jur,
   Il fust mis en prisun; e de ç'aveit poür.¹
   As esteilles s'en vunt e a la tenebrur,²
2035 E se sunt comandé a Deu nostre seignur.
408
   Tute la nuit erreient entresqu'a l'ajurner,³
   E le jur se muçowent d'ici qu'a l'avesprer⁴
   Od muines, od noneins, en bois, pur els celer.
   Mais ne voleient pas le dreit chemin errer,
2040 Tant que a la parfin sunt venu a la mer. -⁵ [f.15r]
409
   Einz tierce l'endemain l'ala treis feiz haster
   Li messagiers le rei, rova l'a curt aler.⁶
   Mais cil qui guarda l'uis ne l'i laissa entrer,⁷
   Ainz dist qu'il le laissast uncore reposer,
2045 Tant qu'um le hasta mult, k'um nel pout plus celer.⁸
410
   Dunc est li mareschals alez al rei Henri,
   Danz Willames de Capes, si li cria merci
   Des hummes l'arcevesque, que ne fussent leidi.⁹
   Kar li Brocheis li erent durement enemi,
2050 E tuit s'en erent pres alé e departi.
411
   Dunc fist li reis Henris Randulf del Broc crïer
   Par tute Norhantune que l'um laissast aler¹⁰
   Les hummes l'arcevesque quitement de jur cler;
   Nuls ne fust si hardi quis osast adeser.¹¹
2055 Enviz le fist Randuls, mais ne l'osa veer. -
412
   Mais la premiere nuit qu'il s'en fu si emblez,¹²
   Le secunt jur, tut dreit est en Nicole entrez.¹³
   Chiés dan Jacob s'esteit od les suens ostelez.¹⁴
   Gris dras d'un frere ad pris, k'il puisse estre celez:¹⁵
2060 Or est Thomas changiez, Cristïens est numez.¹⁶

[1] om. ço aveit mss. e [H P] (rayé dans [P] 64
[2] En la pluie s'en v. [P] 64
[3] treske a [H] 64
[4] tresqu'a [H] entresk'a [P W] 64
[5] T. qu'a... tresqu'a la m. [B] 64
[6] messages [H P] r. le a c. a. [B] le r. a c. a. [H] 64
[7] ne lui l. e. [P] 64
[8] Tant qu'il... k'um nel porent c. [H] 64
[9] Les h. [B] 64
[10] c'um les l. a. [H] c'um en l. a. [P] 64
[11] kes o. a. [P] 64
[12] En la [B] om. si [H] 64
[13] Al s. [H] 64
[14] s. herbergiez [H] 64
[15] pur estre mielz c. [B] pust e. [H] 64
[16] apelez [H] 64

Page 64

413
   En un batel ainz jur saint Thomas s'en entra;
   Robert de Cave od sei priveement mena.¹
   Dreit par desuz le punt de Nicole passa,
   E vers Sempingeham a l'Ermitorie ala.
2065 Uit jurs en une chambre, u plus, i demura.
414
   Scaïmans e Rogiers par secche terre alerent,
   E a Sempingeham furent e sujurnerent
   E l'eire l'arcevesque a celee aturnerent;²
   Ne a haut ne a bas lur conseil ne mustrerent.
2070 Quant il virent lur aise, par nuit s'acheminerent.³ [f.15v]
415
   Qui veïst le saint humme seeir a sun mangier,
   Que il n'aveit od lui ne clerc ne chevalier,⁴
   Quant Roberz s'en eissi, ne estrange ne chier,⁵
   Senescal ne garçun ne cou ne buteillier,
2075 De pitié l'en poüst trestut le vis muillier.
416
   Quant a l'Ermitorie orent lungement sujorné,⁶
   Que li reis quida bien qu'il fussent mer passé,⁷
   Envers la mer se sunt nuitantre acheminé.⁸
   Mais par tut furent ainz li ostel apresté;
2080 Nis parmi Cantorbire en sunt nuitantre alé.⁹
417
   A la mer vint li ber, a Sandwiz eschipa.¹⁰
   Entre Gravnige e Merc tart al seir ariva.¹¹
   Ne pout aler a pié, car mult tost s'alassa.¹²
   Uns granz sollers aveit, k'uns freres li presta;¹³
2085 Entur le col del pié a nuals les laça.
418
   Chaüz est el gravier, quant se hasta d'aler.¹⁴
   Leva s'en, si a pris ses mains a reguarder.
   Dunc li unt un jument senz sele fait luer,¹⁵
   Car ne porent nul autre a cele feiz trover;¹⁶
2090 Nis de fain l'aveit fait sis maistre enchevestrer.
419
   Il orent un vadlet en la greve trové,
   A cui un cheval unt pur uit deniers lué.¹⁷
   E quant puroec ala, mult aveit demuré;
   Idunc quiderent estre tuit pris u encusé.¹⁸
2095 Cel jument amena; Cristïen unt munté.¹⁹

[1] om. od sei [H] od lui [P W] 65
[2] om. E [H] 65
[3] de n. [H P] 65
[4] od sei [B] ne om. devant clerc [H W] 65
[5] isseit [B] 65
[6] Q. en l'E. unt [H] 65
[7] qu'il fust [H] 65
[8] om. se [B] 65
[9] om. en sunt n. passé [B] s'en s. par nuit a. [H] 65
[10] li sainz [P W] 65
[11] Gravenige [B] Greveninge [H] Graveniges [P] 65
[12] mes m. tost [H] et m. t. [P W] se lassa [H P] 65
[13] ke uns [B] 65
[14] Chaut out grant (ce dernier mot aj. postérieurement) el g. [P] 65
[15] Une j. li unt [P] 65
[16] C. n'i poent [H] poeient autre [P] 65
[17] De cui [P W] 65
[18] I. cremirent [H W] u pris u e. [H] 65
[19] Cele j. mena [P] i unt m. [B] 65

Page 65

420
   Tut a as li unt fait dous liwes chevalchier,
   Ne mais que d'une chape qu'unt fait suz li pleier.¹
   Dunc se firent ensemble a Clermareis nagier;
   Puis vunt a Saint Omer, ne s'i volent targier.²
2100 Mais par tut se feseient repundre al herbergier. [f.16r]
421
   Dunc vint a Saint Omer danz Richarz de Luci.
   De Saint Jame par Flandres sun chemin acuilli.³
   A l'arcevesque vint, quant parler en oï.⁴
   Del tut l'acordereit, ço dit, al rei Henri, ⁵
2105 Se returnout od lui. Mais il i ad failli.
422
   L'arcevesque respunt: ne volt pas returner;
   Car il nel purreit pas en nul sens acorder,⁶
   N'a lui ne volt il pas einsi sun cors livrer.⁷
   A l'apostolie volt, ço dit, tut dreit aler,
2110 Par ki conseil voldra del tut en tut errer.⁸
423
   Richarz li respundi par ire e par buffei:
   "Quant ne volez venir ensemble od mei al rei,⁹
   Or vus desfi ge dunc e des miens e de mei."¹⁰
   L'arcevesque respunt senz ire e senz desrei:
2115 "Richarz, tu es mis huem, si me deis porter fei."
424
   Richarz li respundi: "Mun humage vus rent.
   - Jo nel te prestai pas, fait li il erramment;¹¹
   Mais de mei ne tendras ja mais veraiement.¹²
   - Ne vus rent, fait li il, ne fiu ne tenement;¹³
2120 Mais ne vus afïez des ore en mei neent."
425
   Dunc enveia li bers al cunte dous abez,
   Qu'il li doinse conduit, qu'il seit ultre passez
   Par Flandres, u il est venuz e arivez;
   Car d'Engleterre esteit priveement turnez
2125 Pur le rei sun seignur, vers qui il ert medlez.¹⁴

[1] que unt f. [B] 66
[2] si ne v. [H] 66
[3] a F. [H] 66
[4] E l'a. [B] 66
[5] De tut [B W] 66
[6] n. poeit [H] 66
[7] Ne a lui ne v. pas [H] 66
[8] de tut [H] 66
[9] ensemblement od mei [H] 66
[10] Orras autre chose e des m. e de m. [H] 66
[11] om. te [B] ne te [H W] 66
[12] nel t. [H] M. ja mes ne t. de mei [P] ja m. men (mun [W] ) escient [P W] 66
[13] fet il [H] 66
[14] ki vers li e. irez [H] 66

Page 66

426
   Li quens li respundi: sun conseil en prendra;
   E tant est riches huem qu'en la terre qu'il a,
   Ço dit, qu'un arcevesque retenir bien purra.¹
   Quant l'arcevesque l'ot, a l'evesque en parla,
2130 Celui de Terewane, qui la nuit l'en mena. [f.16v]
427
   Car mult cremi de sei, quant le respuns oï.
   Mult nota les paroles que li quens respundi,
   Pur ço que li quens ert cusins le rei Henri,²
   E erent d'un conseil e durement ami.³
2135 A l'evesque Milun sun conseil en gehi.
428
   Il ert le jur venuz l'arcevesque veeir.
   E quant il s'en ala la nuit en l'oscur seir,⁴
   L'arcevesque Thomas, ki mult out grant saveir,
   Le conveia la fors. Pur desaparceveir⁵
2140 Fist estaindre les cirges, qu'um nel peüst veeir.⁶
429
   "Esteigniez, fait lur il, ces cirges alumez.⁷
   Laissiez l'aler a Deu." Ensi s'est delivrez.⁸
   Il se trestrent ariere, e il esteit muntez
   Sur un grant cheval blanc, qui li fu amenez⁹
2145 De la curt cel evesque. Einsi s'en est turnez.¹⁰
430
   De ses hummes einsi nuitantre s'en embla.
   Par l'evesque Milun, qui la nuit l'en mena,
   De Flandres est eissuz; a Seissuns s'en ala.
   L'endemain a ses hummes ariere remanda
2150 Qu'il alout a Seissuns; a lui venissent la.
431
   Mais mult li esteit bien a cel' ure avenu,
   E maint humme l'unt puis a miracle tenu:¹¹
   Car danz Henris de Pise, qui des chardenaus fu,
   E li reis Loëwis sunt d'autre part venu;
2155 Es rues de Seissuns sunt entreconeü.¹²
432
   Sa cause e sun eissil lur aveit denuntié.
   Li buens reis Loëwis en ad eü pitié,¹³
   E sil volt retenir par mult grant amistié.
   E danz Henris de Pise li ad covenantié¹⁴
2160 Par tut li aidera. Si fist il senz faintié.¹⁵ [f.17r] ~

[1] que un a. [B] 67
[2] al rei H. [H P] 67
[3] E eirent par un c. e furent bien a. [H] 67
[4] s'en parti [H] 67
[5] L'en c. [P] 67
[6] que um [B] k'il ne porent v. [H] 67
[7] om. il [H] 67
[8] L. le a. [B] L. aler [H] 67
[9] g. blanc cheval [P] 67
[10] tut (aj. en interligne) e. s'est t. [B] delivrez [H] emblez [P W] 67
[11] h. l'a p. [H] 67
[12] se s. entreveü [B] se s. entreconu [H W] 67
[13] Lowis [B] 67
[14] ad encovenancié [H] 67
[15] se aidera [H] 67

Page 67

433
   Dunc a li reis Henris ses messagiers tramis¹
   Tresqu'a Conpeigne al rei de France, Loëwis.²
   E dit qu'en la cuncorde, quant hum les fist amis,³
   Que l'un d'els a l'autre out otrïé e pramis,⁴
2165 E que numeement fu en l'acorde mis⁵
434
   Que, se nul de lur hummes fust de lur terre eissuz,⁶
   S'en l'autrui terre esteit en nul liu coneüz,⁷
   Que il fust erramment e pris e retenuz
   E fust a sun seignur senz desturbier renduz.
2170 De tut le regne fu tuz li plus halz eissuz.⁸
435
   En cel message vint Gilebert Foliot.
   Des lettres sout asez, e servi Astarot.⁹
   (Mais puis avint tel jur que il s'en tint pur sot¹⁰
   Qu'encontre le saint humme eut parlé un sul mot:¹¹
2175 De Sodome est eissuz e siut les traces Lot.)¹²
436
   E Richarz d'Ivecestre fu l'un des messagiers,¹³
   Qui al rei Henri ert ses privez conseilliers¹⁴
   E de tute la terre e meistre e justisiers.¹⁵
   E al rei Loëwis porta dous espreviers.¹⁶
2180 (Or vait le dreit chemin, laissé ad les sentiers.)¹⁷
437
   Guillames en fu uns, li buens quens d'Arundel,
   Sages, preuz e curteis e senz nul mal apel.¹⁸
   Mais dunc medla sun or a fundre le veel,
   E mesfist, quant el lai volt metre Daniel.¹⁹
2185 (Venuz est a merci al saint a sun tumbel.)
438
   Lur message unt bien dit e lur moz bien asis.
   "Ne sai dunt vus parlez, fait li reis Loëwis.
   - Sire, funt il, a vus se plaint li reis Henris,
   E d'un des plus hauz hummes de trestut sun païs,
2190 Qui s'en est d'Engleterre nuitantre alez fuitis. 2l90²⁰ [f.17v]
439
   "L'arcevesque Thomas ad vers le rei mespris.
   De tut le reaume ad esté poesteïs,²¹
   E les rentes cuilleites tutes e anz e dis;
   Ne volt acunte rendre de tut ço qu'en ad pris,²²
2195 Ne suffrir jugement. Mal los i ad conquis.²³

[1] messages [H] chevaliers [P] 68
[2] T. la ultre al r. [H] Lowis [B] 68
[3] dist [H W] l'acorde corr. en la cuncorde [P] 68
[4] Aveit l'un d'els a l'a. [B] E que l'un a l'a. o. [H] 68
[5] q. memement orent [H] asis [B] 68
[6] la t. [H] 68
[7] E en [B] t. fust [P] conseuz [P W] 68
[8] en fu [P W] 68
[9] De l. [H P] 68
[10] tel ure [H] se t. [H P] 68
[11] Que e. [B] 68
[12] or siut [P] [W] 68
[13] fu un [H P] (d'abord l'un [P] 68
[14] al r. esteit dunc [P] 68
[15] de t. Engletere [P W] ert m. j . [H] 68
[16] E al r. aporta d. mult beaus e. [P] 68
[17] O. veit [B] 68
[18] S. curteis e preuz [B] s. tut mal a. [H] 68
[19] el lac [H] 68
[20] de sa terre [P] 68
[21] de trestut [P] poestis [B P] 68
[22] trestut k'en [H] que ad [P] 68
[23] l. en ad [P] 68

Page 68

440
   "E quant a sun seignur sun acunte ne rent
   Del suen qu'il ad eü, e fuit sun jugement,
   Vis nus est qu'il s'en vait mult felunessement.
   Or vus requiert li reis mult amiablement
2200 Qu'en vostre terre n'ait nul liu recetement.¹
441
   - L'arcevesque Thomas, fait li reis, bien le vi,
   Le chancelier ki tant servi le rei Henri.²
   Del regne l'a chacié, sil het encore issi
   Que il ne puet aveir recet ne la ne ci.
2205 Mult li a bien rendu que tant bien l'a servi!³
442
   "L'arcevesque Thomas, certes, bien le conui.
   Pur ço est France franche, par les sainz u je fui,
   Que cil ki mestier unt i viengent a refui:
   Mult seit il bien venu; ci puet aveir repui.⁴
2210 E se jo seüsse u, j'alasse encontre lui."⁵
443
   Fait li quens d'Arundel: "Sire rei Loëwis,
   Bien saciez que vus mande par nus li reis Henris
   Que cist vus a esté mult mortels enemis:⁶
   Vostre terre ad guastee e voz chastaus a pris;⁷
2215 Cist fist que li reis ad adès vers vus mespris.⁸
444
   - Sire quens, fait li reis, bien sai par verité,⁹
   Quant servi sun seignur par si grant leauté,
   S'eüst esté mis huem, qu'il me servist a gré.¹⁰
   E quant il li conquist casteals e herité,¹¹
2220 Tant le deüst il plus tenir en grant chierté.¹² [f.18r]
445
   - Sire, funt il al rei, l'apostolie mandez,
   Pur amur nostre rei, que mult amer devez,
   Que Thomas l'arcevesque, qui si s'en est emblez,¹³
   Ne seit de li oïz, maintenuz ne privez,
2225 Ne seit de ses mençoignes creüz ne escultez."

[1] en nul liu [B H] nul liu changé en nulluí [P] 69
[2] le r. H. servi [P] 69
[3] tant beau [P] le s. [H P] 69
[4] a. apui [P W] 69
[5] jo a. [B] 69
[6] enenemis [B] 69
[7] Nostre ad g. [B] om. ad [H] 69
[8] Il f. [P W] v. vus adès [H P] 69
[9] pur v. [H P] 69
[10] S'il [P] E ust ... k'il m'ust servi [H] 69
[11] en h. [H] 69
[12] a g. c. [H P] 69
[13] en est [H] 69

Page 69

446
   Dunc apela li reis frere Franc l'aumosnier.
   "Va tost a l'apostolie, fait il; ne te targier.
   Di lui, si volt a mei aveir nul recovrier,¹
   Que l'arcevesque aït e maintienge e ait chier;²
2230 Pur rien qui seit el mund qu'il ne s'en leist pleissier."³
447
   De l'apostolie esteit frere Franc mult privez,
   E a s'aumosnerie esteit il aturnez.
   En sun servise esteit nuit e jur aprestez;
   Pur ço ert il par tut durement renumez.
2235 Al rei Loëwis ert a idunches turnez.⁴
448
   De Compiegne se sunt li messagier turné.
   E frere Franc ad bien sun message achevé:
   L'apostolie l'a dit; il l'a bien esculté.⁵
   L'arcevesque Thomas ad ore tant erré
2240 Que venuz est a Sanz, u la pape ad trové.⁶
449
   Mais ainceis que venist a Sanz li Deu amis,⁷
   Eut li reis a la pape ses messagiers tramis,
   Evesques e baruns e chevaliers de pris.
   Li apostolies ert de Rume idunc fuitis,
2245 E surjorna a Sanz meis, semaines e dis.
450
   L'arcevesques i vint qui d'Evrewic ert maistre,⁸
   Vuit li Rus, e l'evesque i vint de Wirecestre,⁹
   E li quens d'Arundel e Richarz d'Ivecestre,¹⁰
   Johanz d'Oxeneford, l'evesque d'Execestre,
2250 Hue de Gundevile, Hylaires de Cicestre. [f.18v]
451
   Cil de Saint Waleri, Renals, i est venuz,
   Henris li fiz Gerold, qui ert des reaus druz,¹¹
   Gilebert Foliot, qui ne s'i fist pas muz,¹²
   E des autres plusurs, e jovenes e chanuz.¹³
2255 Tels i parla purquant qui fu pur fol tenuz.
452
   Devant la pape esturent li messagier real.¹⁴
   Alquant diseient bien, pluisur diseient mal,¹⁵
   Li alquant en latin, tel buen, tel anomal,¹⁶
   Tel qui fist personel del verbe impersonal,¹⁷
2260 Singuler a plurel aveit tut parigal.

[1] a mei amur ne r. [P] 70
[2] om. Q. Thomas l'a. aït e [H] 70
[3] om. qu'il [H] ne se l. [H P] 70
[4] Lowis esteit [B] 70
[5] il ad b. [P W] 70
[6] papæ (a corr. en e?) [B] 70
[7] M. ainz q. fust venuz [P] 70
[8] L'arcevesque [B] 70
[9] E ovoc lui l'e. (correction) [P] 70
[10] de Wincestre [P] 70
[11] ki est [H W] 70
[12] se f. [H P] 70
[13] d. a. asez [H W] 70
[14] chevalier r. [H] 70
[15] alquant d. mal [H] 70
[16] t. ben [B] 70
[17] de v. [H P] 70

Page 70

453
   Tel i out des prelaz parla si egrement¹
   Que la pape li dist: "Frater, tempreement;²
   Car mesdire de lui ne sufferai neent."³
   Lur paroles n'ai pas tutes ci en present,
2265 Mais ço que unt requis dirrai, mun escïent.⁴
454
   "Sire, li reis Henris, funt li li messagier,
   Vus requiert e deprie cum sun pere treschier⁵
   Que dous tels chardenals li faciez enveier
   Qui bien puissent par tut lïer e deslïer,
2270 Ne par apel nes puisse nuls huem contralïer.⁶
455
   "Mais qu'il seient si fort e en tel poesté
   Que quanqu'il ferunt seit en estabilité;⁷
   Devant els n'ait apel ne contredit furmé.⁸
   E se li reis Henris a de rien meserré
2275 Encontre l'arcevesque, par els seit amendé.
456
   "E se li arcevesques ad vers li trespassé,⁹
   Par els seit adrescié, jugié e achevé."
   Ici semblout aveir par tut grant leauté;¹⁰
   Mais n'i out un sul mot par tut de verité,
2280 Fors mult grant trecherie e decevableté. [f.19r]
457
   Li reis ert riches huem, sages e de grant art;¹¹
   Sout bien que chardenal sunt pernant e lumbart:
   Coveitus sunt d'aveir plus que vilain d'essart.¹²
   Li reis ad dous privez, Sorel e dan Blanchart:
2285 Tost funt del buen malvais e del hardi cuart.
458
   Ne porent l'apostolie par engin deceveir.
   Il lur ad respundu cum huem de grant saveir:
   "Tel poesté ne puet nuls chardenaus aveir.
   Par mei n'avra nul d'els de desraisun poeir;
2290 En poesté de pape ne voil nul aseeir."¹³

[1] Tels [B] 71
[2] Fratre [B H] 71
[3] C. de lui mesparler [H] 71
[4] M. de ço q. [B] 71
[5] V. requier [B] 71
[6] a. nel p. [H P] 71
[7] stabilité [B P] en ferunt seit e. [H] 71
[8] D. els ne apel [B] 71
[9] a de rien meserré [H] 71
[10] I. s. par t. g. amistié [H] 71
[11] e s. de g. a. [H] 71
[12] v. de e. [B] om. d' [H] 71
[13] E p. de p. n'avra par mun voleir [B] n'i voil [H] 71

Page 71

459
   Mes quant li messager le rei alerent la,
   Renald l'arcediacres a Curbuil sejorna.¹
   Encontre les messages tresqu'a Paris ala.
   Cel'henor li fesissent, par amor lor prea,²
2295 Ke od lui herbergassent; grant gré lor en savra.
460
   De bones senz, ço dit, en sun païs esteit,³
   Mes por sun arcevesque departi s'en esteit.
   Se l'onur li fesissent que il lor requereit,
   Li boens reis Loëwis de plus cher l'en avreit,
2300 Ki abé de Curbuil a cel tens fet l'aveit.
461
   - "Por le rei ne volum, funt il, od vus manger;
   Mal gré nus en savreit, car ne vus ad pas chier.
   - Ne porrez, fet il, tot a la pape espleitier.
   Mes se volez od mei a mun cust herberger,
2305 D'un de ses enemis porrez le rei vengier."
462
   Dunc sunt avant a Sanz a l'apostoile alé.
   E quant ne porent faire ço qu'orent demandé,⁴
   Un afaire lor ad la pape graenté:
   Que Rogers d'Everwic ert legaz del regné.
2310 Li bref en furent fait; mes ne furent livré.
463
   Mes Reinals li Lumbard fud de la curt privez.
   Quant sout que cist afaires fu issi atornez,
   De nuit est a la curt priveement alez.⁵
   Car li reis d'Engletere ert le jor mult dotez,
2315 Ne il ne voleit pas que il fust encusez.
464
   A l'apostoile ad dit: "Sire, ne fetes ja.
   Si Roger d'Everwic la legation a,
   Les prelaz que li reis het, toz desposera."
   Tant fist que l'apostoile toz les briefs detrencha
2320 Qu'il aveit ainz fet fere, e altres lor livra.
465
   Li messagier le rei se sunt mult entremis⁶
   De faire lur espleit, mais il n'i unt plus pris.
   Muntent en lur chevals, ariere se sunt mis.
   Cil de Saint Waleri ot en la terre amis;⁷
2325 Altrement fussent il mesmené el païs.

[1] l sur grattage [P] 72
[2] por amor changé en par a. [P] 72
[3] sunt païs [P] 72
[4] corr. Quant ne porent aveir? [?] 72
[5] De nuiz [P] 72
[6] Si m. [H] 72
[7] Celui de Seint ot [H] 72

Page 72

466
   Il ne voleient pas lur arcevesque atendre,¹
   Car il nel porent pas en nul liu entreprendre.
   Tost freeit d'els tel chose a l'apostolie entendre ²
   Dunt peüssent mult tost en nuisance descendre;³
2330 N'il ne se porent pas a tuz les puinz defendre.⁴
467
   Dedenz quart jur après vint a Sanz saint Thomas.
   A l'ostel s'en ala, car de l'errer ert las.
   A ses clers prist conseil, qui nel deçurent pas,⁵
   Liquels dirreit sa cause. Il s'en firent tut quas.
2335 Nuls d'els ne la volt dire pur comant ne pur has.
468
   Car nuls ne l'osout dire d'els pur le rei Henri,⁶
   Car s'amistié n'avreient, ço dient, a nul di.
   L'arcevesques l'enprent, qui Deu out a ami.
   L'endemain, quant il out Nostre Seignur servi,
2340 A l'apostolie ala e as piez li chaï.⁷ [f.19v]
469
   Costume est que cil offrent qui viennent el present⁸
   L'apostolie, a sun pié, aveir, or u argent,
   Riche vaisselement u buen aornement.⁹
   Le cyrogrefe al rei li arcevesques prent;¹⁰
2345 As piez a l'apostolie a ses dous mains l'estent.¹¹
470
   "C'est la cause pur quei m'estuet essil suffrir,¹²
   Sire, veez la ci; bien la devez oïr.
   Teles leis volt li reis en sun regne establir,
   Sis volt faire par force sainte iglise tenir.
2350 Mais jo ne li voil pas contre Deu consentir.
471
   "Sire, pur ço vinc ça que jel vus voil mustrer."¹³
   Dunc l'a fait l'apostoiles en sun estant lever,¹⁴
   E comanda a lire les leis e esculter.
   E li sainz comença mot a mot a prover¹⁵
2355 U li reis par ces leis voleit tendre e aler.

[1] l'a. entendre [H] 73
[2] T. fesist [H P] 73
[3] D. il puissent [P] en n. prendre [H] 73
[4] Ne il [B] ne poent ... ses p. [H] 73
[5] k'il ne d. [H] 73
[6] C. n. d'els ne l'osa (n'oseit [P W] ) dire [H P] 73
[7] e a ses p. c. [H] 73
[8] en present [P W] 73
[9] autre a. [H] 73
[10] c. le rei [H] 73
[11] as ses [B] le tient [H] 73
[12] la chose [B] 73
[13] c. venc [P] q. jeo vus [H] 73
[14] devant (oiant [W] ) els toz parler [P W] 73
[15] m. e m. [B] cunter [H] 73

Page 73

472
   Un chardenal i out qui mult ameit le rei,¹
   Vuilaume de Pavie, einsi out nun, ço crei.
   (Tuz les chardenaus out treiz li reis pres a sei,²
   Car tant lur out duné e fait bien le purquei ³
2360 Qu'en apert mainteneient sa cause e en requei.)⁴
473
   E quant li arcevesques comença a parler⁵
   E sa cause en latin gentement a mustrer,
   Cil le comença lués par tut a traverser.⁶
   Quida qu'um li eüst fait la cause fermer,⁷
2365 E, s'um le desturbast, ne seüst parfiner.⁸
474
   Sainz Thomas fu mult sages; sainz Espirz en lui fu.⁹
   E quanque cil diseit aveit bien entendu,¹⁰
   E mot a mot par tut li aveit respundu;
   Par bel latin adès a chascun puint solu.
2370 Bien l'aveit en sa cause cil demi jur tenu. [f.20r]
475
   E quant il aveit bien solu ses questiuns,
   Reveneit a ses poinz, cum se fust Salemuns;¹¹
   Diseit sa cause avant od mult beles raisuns.
   Bien a duré entre els demi jur la tenchuns,
2375 Car cil li ert par tut, puint a puint, as gernuns.¹²
476
   Quant l'arcevesques out sa raisun bel finee¹³
   E destruites les leis par raisun confermee
   E par trestut raisun e provance mustree,¹⁴
   Bien unt e clerc e lai sa parole escultee;
2380 E l'apostolies l'out par tuz les puinz notee.
477
   L'apostolies l'asiet juste lui erramment,
   E bien seit il venuz, ço li ad dit suvent;¹⁵
   E mult li seit bon gré que si grant fais enprent¹⁶
   Qu'encontre rei de terre saint' iglise defent.
2385 Par tut li aidera, la u raisuns consent.¹⁷
478
   L'arcevesque Thomas sovent le mercia
   De sun bel acuilleit, e que tant l'onura.
   L'apostolies les leis idunc escumenja
   E celui, qui qu'il seit, qui ja mais les tendra;
2390 E desuz anatheme a tuzdis conferma.

[1] ama [P] 74
[2] om. pres [H] 74
[3] t. li aveit d. [H] 74
[4] Qu'apertement maintindrent [H] 74
[5] om. E [B] 74
[6] p. tut contralïer [H] 74
[7] que hum [B] sa c. afermer [H] 74
[8] se um ... nel s. [B] ne la sust p. [H] 74
[9] Esperiz [B P] 74
[10] Car [H] 74
[11] cum ceo fust S. [H] 74
[12] om. cil [H] 74
[13] bien sa r. f. [P] 74
[14] E ad p. tut r. [H P] 74
[15] E b. est il v. c. li dist mult s. [H] 74
[16] grant gré [P] 74
[17] l'en a. [P] 74

Page 74

479
   Se vus volez les leis le rei Henri oïr,¹
   Qu'il voleit en sun regne e metre e establir
   E faire a saint' iglise e guarder e tenir,
   Ci les purrez aprendre; car jo n'en voil mentir.²
2395 Quant sainz Thomas les het, tuit les deivent haïr.³
480
   Se plaiz sursist d'iglise entre lais u letrez,⁴
   Entre les lais se cil u cil fust avoez,⁵
   Entre les clers se cil u cil fust presentez,⁶
   En la curt le rei fust li plaiz faiz e finez.
2400 - Li dreiz de saint' iglise fu iluec oblïez. -⁷ [f.20v]
481
   Senz le congié le rei ne deüst nuls duner
   Iglise en tut sun fiu. - Bien poëz veeir cler
   Tuz li regnes est suens, tut le deit guverner.⁸
   Par cele lei poüst trestuz ensoffimer,⁹
2405 E tutes les iglises a sun dun aturner. -
482
   A la curt respundreient le rei clerc de tut ret;¹⁰
   En curt de saint' iglise resereient puis tret;
   La justise le rei sereit iluec el plet.¹¹
   Desordené sereient li ataint e desfet.¹²
2410 - A tort deit um perir dous feiz d'un sul mesfait. -
483
   Prelat hors d'Engleterre ne persone n'alast
   Senz le congié le rei; e dunkes si jurast
   Que al rei ne al regne nul mal ne purchaçast.¹³
   - S'ensi fust, fiebles hum dreit mais ne conquestast,¹⁴
2415 La poesté saint Piere li reis Henris guardast. -
484
   Ne dunassent pas guage li escumenïé
   Qu'a saint' iglise fuissent del mesfait adrescié,¹⁵
   Ne mais a ço qu'il fussent asols del grant pechié.¹⁶
   - Mult fuissent a pecher li pluisur deslïé,¹⁷
2420 Quant altrement ne fussent destraint par le clergié.-¹⁸

[1] om. vus [H] 75
[2] Ci l. p. oïr car n'i v. m. [H] 75
[3] le d. h. [H] 75
[4] contre lai [P] l. e letrez [H] 75
[5] f. presentez [B] 75
[6] #om. [B] 75
[7] fust i. [P W] 75
[8] ert suen [H] 75
[9] P. ço le peüst il [P] 75
[10] En la c. respondreit [P] r. li clerc [H] 75
[11] al rei [H] 75
[12] om. a [H] 75
[13] r. e al r. [B] 75
[14] Se e. [B] S'il fust f. h. ja d. ne c. [H] 75
[15] Que a [B] 75
[16] de g. p. [B] f. par laie cort jugié [P] 75
[17] li p. deblié [H] 75
[18] Se a. [H] 75

Page 75

485
   Ne clerc ne lais, ne nuls, lai en plait ne mesist¹
   Fors par devant l'evesque; n'ilec ne respundist,²
   Se leaus testemonies contre lui n'i oïst,³
   Si que l'arcediacnes le suen dreit ne perdist.⁴
2425 - Mais selunc cele lei nul d'els rien n'i presist. -⁵
486
   Se cil fust teus que nul ne l'osast acuser,⁶
   Dunc l'esteüst l'evesque al vescunte mustrer;⁷
   A duze hummes fereit la verité prover,⁸
   Cum a lur escïent le purreient jurer.⁹
2430 - Des ore se deit Deus a saint Piere clamer. -¹⁰ [f.21r]
487
   Nuls qui tenist del rei sa terre chevaument,
   Ne nuls de ses ministres, lur terres ensement,¹¹
   Ne fust mis en devié n'en escumengement,¹²
   Se li reis n'en fust mis en araisunement,¹³
2435 Se il fust el païs u el regne en present.
488
   S'um ne peüst le rei dunc el païs trover,¹⁴
   Le prelat esteüst a la justise aler,¹⁵
   Ço qu'al rei apartint en la rei curt finer,¹⁶
   Ço qu'atainst al prelat en sa curt terminer.¹⁷
2440 - Qui les pechiez justise, bien en puet confesser. -¹⁸
489
   L'arcediacnes dut les apeaus ainz oïr;¹⁹
   D'iluec durent avant a l'evesque venir,²⁰
   E puis a l'arcevesque. S'il nes poeit furnir,²¹
   Li reis les dut puis faire en la curt Deu fenir;²²
2445 Ne durent de sa curt senz sun congié partir.²³
490
   - Dunc fust la curt le rei Henri mult haut asise,²⁴
   Quant sur la curt de Rume aveit la sue mise;
   Dunc fust tut' Engleterre senz divine justise,²⁵
   Ne des duze lignees ne fust ele pas prise,
2450 Se Moÿses ne fust soveraine justise. -
491
   Se clers de tenement volsist lai quereler,
   Qu'il volsist le lai fiu a aumosne mener,²⁶
   U lais volsist l'aumosne a lai fiu aturner,²⁷
   Par duze le fesist la justise prover,²⁸
2455 Se deüst a lai fiu u a aumosne ester.

[1] Ne clerc ne (ne gratté) lai ne nul lai clerc en p. ne m. [H] 76
[2] ne ilec [B] 76
[3] ne desist [H] n'en o. [P] 76
[4] n'i p. [B] 76
[5] om. rien ne p. [H] 76
[6] Se cist [H] 76
[7] D. estust ... aler [H] 76
[8] feïst [H] 76
[9] C. a l. a e. les orreient j. [H] 76
[10] se deussent a s. P. c. [H] 76
[11] s. maistres [B] 76
[12] ne en e. [B] 76
[13] ne fust [H W] a a. [H] 76
[14] Se ne p. [B] el p. dunc [P W] 76
[15] estovreit [P W] 76
[16] que al ... en real c. [B] a la r. c. [H] 76
[17] que a. [B] ateist [H] 76
[18] Ki le pechié j. b. le p. c. [H] 76
[19] Li a. [B] 76
[20] D'iluekes [H] 76
[21] se lur ne pot covenir [H] 76
[22] les deüst ... venir [B] om. le dut faire [H] 76
[23] N'en ... eissir [P] eissir [H] 76
[24] om. mult [H] 76
[25] om. tut' [H] 76
[26] a l'a. m. [H] (de même le correcteur de [W] ) a a. donner [P] 76
[27] v. almodne [H] 76
[28] P. d. humes le f. [H] fereit [P W] 76

Page 76

492
   Se d'un seignur andui a tenir graantassent,
   U clerc u lai, andui en sa curt en alassent;¹
   Mais se dous seignurages a cel fiu avoassent,²
   En la curt rei Henri andui en plaideassent;³
2460 Mais pur reconissance saisine ne laissassent.⁴ [f.21v]
493
   - Cel capitle ne deit ne clers ne lais suffrir:⁵
   De saint' iglise en puet la dreiture perir,⁶
   E as clers e as lais en puet perte venir;⁷
   Li seremenz des duze puet bien le fiu tolir⁸
2465 Al seignur, quant l'estuet a sun humme guerpir. -
494
   Se nuls fust de chastel, de burc u de cité
   U de maneir le rei, de sa demaineté,
   S'a ses prelaz l'eüst nuls de crimene acusé,⁹
   S'a lur dreites somunses ne venist de sun gré,¹⁰
2470 Al ministre le rei Henri fust dunc mustré.¹¹
495
   E se cil nel fesist del tut bien adrescier,¹²
   De la merci le rei l'esteüst alegier,
   E li prelaz peüst celui puis justisier;
   Car ainceis ne l'osast nuls escummenïer,
2475 Mais qu'um li peüst bien faire iglise voidier.¹³
496
   Persones e prelaz tut de la regiun
   Qui tenissent del rei terre e possessiun,¹⁴
   Tuit tenissent de lui en chief cumme barun;
   A ses jugemenz fuissent cum si autre drugun,
2480 Tresque fust a mort d'umme u a desfacciun.¹⁵
497
   - Clers ne devreit le lai, ne li lais clerc, jugier.¹⁶
   D'aumosne ne deit nuls fors a Deu cheveier.
   E se li reis se puet a Deu parifïer,¹⁷
   Dunc puet bien tuz les sainz del ciel la sus chacier;
2485 Mais ne sai de quel part il voldra Deu laissier. -

[1] en om. devant alassent [B H] 77
[2] d. segnurs [H] 77
[3] ambedui [B] plaidassent [B H] 77
[4] le l. [H] 77
[5] capital [B] Tel c. ne dut clerc [H] 77
[6] om. s. igle en [H] 77
[7] puet a perte v. [B] om. lais pot p. en avenir [H] 77
[8] f. tenir [H] 77
[9] Se a [B] Se ses p. l'oüst de nul c. a. [H] S'a sun prelat [P W] 77
[10] Se a [B] dreite sumunse [H] la dreite semunse [P W] a sun g. [H] 77
[11] Henris [B] ministres ... dunc fust m. [P] om. dunc [H] 77
[12] nes f. [H] ne f. [P W] par tot [P] 77
[13] que um [B] faire bien [P] 77
[14] terre u p. [H] 77
[15] a m. dampné [B] 77
[16] om. le [H] 77
[17] se vout [P] 77

Page 77

498
   Se delivrast el regne nuls lius, cum eveschiez,
   Priorez, abeïe u nuls arceveschiez,¹
   Li reis en saisireit les rentes e les fiez;
   Les espleiz en avreit e tendreit en ses giez,²
2490 Tresque li lius sereit de pastur conseilliez. [f.22r]
499
   - Jo ving en pluisurs lius que li reis out saisiz:³
   N'i esteit nuls des hostes ne povres recuilliz;⁴
   Jo fui defors la porte del portier escundiz;
   Carité n'i fu pas, c'entendi a ses diz.⁵
2495 Li reis prist tut fors tant dunt li lius ert furniz.⁶
500
   Muine e cou e sergant, escuier e garçun,⁷
   Chascuns aveit sun pain a dreite livreisun;⁸
   Kar li serjant le rei erent en la maisun,
   Qui al partir la mistrent en tel destructiun,⁹
2500 N'i trovisiez d'estor nis le menur chapun.¹⁰
501
   La fait li reis vers Deu e vers le liu mesprise,
   E as barons ki pere establirent l'iglise.
   Car il funt de lur fiu tut plenier le servise,
   E il prent lur aumosne, en sun tresor l'ad mise,
2505 Qui deüst estre as povres e en buen liu asise. -
502
   Quant li reis a l'iglise voldra pastur duner¹¹
   (Car tut après sun voil covendra a aler),¹²
   Treis persones ferad de l'iglise mander,
   E prelaz e baruns i fera asembler¹³
2510 En sa chapele, cels qu'il voldra apeler.
503
   - Quant um devra l'iglise selunc Deu conseillier,¹⁴
   Scïence e genterise en covient esluignier;
   Car les baruns voldreit li sens survezïer,
   Genterise e valurs encontre els ruisteier.
2515 La puet le poi vaillant symonie eshaucier. -¹⁵
504
   Al rei feïst humage li esliz senz demur,
   Feelté e ligance, cum a lige seignur,
   De ses menbres e de sa terrïene honur.¹⁶
   - La fesissent humage li serf al salveür,
2520 Qui nul ne l'en fesissent senz la croce a nul jur. -¹⁷ [f.22v]

[1] Priurté u a. [H] Priorez corr. en Priortez [P] nul a. [H P] 78
[2] L. rentes [B] a ses g. [H] 78
[3] Ceo avint [H] 78
[4] p. conseilliez [H] 78
[5] ço e. [B] par s. d. [H P] 78
[6] tant que [B] fu f. [H W] 78
[7] e. e cargun [B] 78
[8] avreit [H] e d. [B] de d. [P W] 78
[9] a t. [H] 78
[10] trovions [P] (on aj. plus tard) truissiez defors [H] 78
[11] pastur voldra [P] 78
[12] Kar a. s. comant [P] le c. aler [H P] 78
[13] Persones e b. [B] 78
[14] iglise [H] 78
[15] li p. v. [H W] 78
[16] om. sa [H] 78
[17] n'en [H W] ne li f. [P] a lur j. [B] 78

Page 78

505
   Se nuls volsist lur dreit as prelaz esforcier,¹
   Li reis de lui e d'autre lur fereit adrescier.²
   Se nuls par aventure peüst si reideier³
   Vers le rei, que sun dreit ne peüst purchacier,⁴
2525 Celui durent al rei li prelat justisier.
506
   - Li reis deit saint' iglise e les clers maintenir.
   Ne deivent porter armes ne granz guerres furnir.
   Deu deivent, qui qu'il seient, e jur e nuit servir;⁵
   Ne deivent pas al rei ses enemis grevir,⁶
2530 Ne Franceis ne Gualeis pur ço de Deu partir. -⁷
507
   Se nuls fust el forfait le rei Henri chaüz,
   Ne fust en cimetere sis aveirs retenuz,
   N'en mustier, puis que la justise i fust venuz.⁸
   - Bien sai, se lerre u fel i venist, u faüz,⁹
2535 Mustiers e cimitiries li deüst estre escuz. -
508
   Plait qui fuissent de dete, u par fei u senz fei,¹⁰
   Tel plait deüssent estre tuit en la curt le rei.
   - De crimene en laie curt par dreit plaidier ne dei.¹¹
   Clerc e de dete e d'el avrunt e curt e lei,¹²
2540 E tuit cil qui d'aumosne unt e vivre e conrei. -
509
   Fiz a vilain ne fust en nul liu ordenez
   Senz l'asens sun seignur, de qui terre il fust nez.¹³
   - E Deus a sun servise nus ad tuz apelez!
   Mielz valt fiz a vilain qui est prouz e senez,
2545 Que ne fait gentilz hum failliz e debutez.
510
   Tel erent li capitle des leis le rei Henri.¹⁴
   Li buens pape Alissandres, saint Thomas altresi,¹⁵
   Les escumenïerent, tut pur veir le vus di,¹⁶
   E tuz cels quis tendreient de cel' ore a nul di.
2550 Nes deivent pas tenir cil qui sunt Deu ami.¹⁷ [f.23r]

[1] l. dreiz [H P] 79
[2] de autre [B] d'autres [P] les f. [H] 79
[3] si deraisnier [B] 79
[4] n'en p. [P] 79
[5] quel qu'il [H P] 79
[6] gernir [B] guernir [P] (gervir [W] servir [C] 79
[7] ne p. ço Deu p. [B] 79
[8] N'en mustrer [P] 79
[9] se cler u lerre [B] u feel [P] i fust acoreüz [P W] 79
[10] ki fust [H] 79
[11] en curt de rei (mot gratté devant curt et de rei aj. plus tard) [P] 79
[12] C. de d. [H W] 79
[13] S. l'otrei [P] fu n. [P W] 79
[14] li capitel [B] 79
[15] Apostoille (L'a. [W] ) A. [P W] e Thomas a. [H] 79
[16] La (aj. plus tard) les e. [P] 79
[17] Ne d. [P W] t. pas [H] 79

Page 79

511
   As fous e as feluns i out plasible lei.¹
   Contredire la deit chascuns hum qui ad fei,²
   Car par tut desplaiseit al celestïen rei.³
   Sun champiun en ad mult eshaucié, ço vei,⁴
2555 Qui enprist la bataille pur vaintre cel desrei.
512
   Mais quant li arcevesques ot a Sanz sujorné
   E entur l'apostolie bien un meis demuré,⁵
   A Punteigni l'aveit la pape comandé,
   Od blans muines qu'i erent e od Guischar l'abé. ⁶
2560 Quanque mestiers li fu, li aveit cil trové. -
513
   Or vus ai fait ici mult grant digressiun,
   Car ne voil en l'estoire fere corruptiun.⁷
   Or m'estuet revenir ariere a ma raisun,⁸
   La u li sainz s'en fu fuïz de Northantun;
2565 E que li reis en fist metrai en mun sermun.⁹
514
   Quant ot li reis Henris l'arcevesque s'en fuit,
   Durement s'en marri, e si conseillier tuit.¹⁰
   Tuz les porz funt guaitier e de jur e de nuit,
   Qu'il n'i puisse passer od plain chalant n'od vuit.¹¹
2570 Mais pur neent le fait, car Deus l'en ad conduit.¹²
515
   Quant nel poent trover en trestut' Engleterre,
   Ne trover nel purrunt, s'a Sanz ne l'augent querre,
   Sun mautalent e s'ire li reis mustre e desserre.¹³
   As parenz saint Thomas ad prise si grant guerre¹⁴
2575 Que tuz les fist chacier hors de tute sa terre.¹⁵
516
   Tuz les en fist chacier, e hummes e muilliers,¹⁶
   Les clers enpersonez, burgeis e chevaliers,¹⁷
   Od filles e od fiz, od enfanz laiteniers.¹⁸
   Tut saisi en sa main, e terres e mustiers,¹⁹
2580 E vif aveir e mort, blé, rentes e deniers. [f.23v]
517
   Tute l'arcevesquié aveit il nis saisie,
   En rentes e en fius, en autre manantie;
   E a Randuf del Broc l'a livree en baillie,²⁰
   Qui tute a l'ués le rei ad la rente cuillie.
2585 Del tut n'en pout aveir li sainz une demie.²¹

[1] A f. e a f. [H W] paisable [H] peisible [P W] 80
[2] C. les d. ch. endreit sei [H] 80
[3] celestïel r. [H] 80
[4] om. en [P W] bien aj. entre ço et vei [P] 80
[5] om. E [B] 80
[6] Guiart [P] 80
[7] en l'afaire mettre [B] en ma materie [H] 80
[8] Or me restuet a. venir a ma r. [B] 80
[9] Ceo [H] 80
[10] [H] 80
[11] u vuit [B] 80
[12] om. car [H] 80
[13] e desferre [B] 80
[14] ad pris [H] 80
[15] Tuz les fet ch. [H] 80
[16] [H] 80
[17] 2577-8 interv. [H] 80
[18] Od fiz e od filles [H W] 80
[19] T. saisist [H] 80
[20] de B. [B] 80
[21] De t. [B W] n'i p. [H] mie [H] deínie [P] 80

Page 80

518
   De rien n'i pout aveir li sainz hum recovrier;¹
   Ne nuls de tuz ses clers n'i osa repairier,²
   Ne nuls des suens n'i out a beivre n'a mangier,³
   Ainz les ad fait li reis fors del païs chacier.
2590 Tut ad pris a sun ués tresqu'a un sul denier.
519
   Ensi en sunt chacié li parent saint Thomas.⁴
   Vunt en autre païs dolent, chaitif e las,⁵
   E portent lur enfanz, lur robes e lur dras.
   Veir se dit li vilains que "de si haut si bas":⁶
2595 Ainceis erent manant, or n'en i ad nul cras.
520
   Li arcevesques sist un jor a sun mangier.⁷
   Sis mareschals li vint la novele nuncier⁸
   Que li reis out tut fait sun lignage esseillier:⁹
   Ainz tierz di en avreit plus d'un cent tut entier.¹⁰
2600 Mais pur Deu l'en priout ne s'en volsist irier.¹¹
521
   "Guilaume, se veïsse, fait li il, detrenchiez¹²
   Serganz pur ceste cause, e parenz eschorchiez,¹³
   E serurs e neveuz, n'en sereie esmaiez.¹⁴
   Car a seür sereie e bien certefïez
2605 Que salvé les avreit la divine pitiez."¹⁵
522
   Ne pout en lui diables de nule part entrer.¹⁶
   Fait l'out de grant richesce e del païs jeter;¹⁷
   Par sa char le voleit e par sun sanc trubler:
   Par nul ennui ne pout sun esperit muer.¹⁸
2610 Tut le mal qu'il suffri ne vus puet nuls mustrer.¹⁹ [f.24r]
523
   Quant li sainz veit venir les suens a lui fuitiz,²⁰
   E les enfanchunetz pendre as meres as piz,
   E que lui e les suens aveit li reis proscriz,
   Mielz volsist estre morz, mult fort est amatiz.²¹
2615 Mais en Deu prent confort e es devins escriz.²²

[1] n'i puet [B] 81
[2] n'i ose [H] 81
[3] n'i ad [H] 81
[4] s'en s. [H] 81
[5] Tunt [B] #tous les mss. sauf [B] 81
[6] se dist [P W] 81
[7] Car l'a. [H] 81
[8] Sis seneschauz [B] 81
[9] om. tut [H] fait tut [P] 81
[10] om. aveit bien tut [B] om. en [H] tut om. et le corr. aj. il après avreit [P] 81
[11] li p. [H P] ne se volst curucier [H] 81
[12] se veeie [H P] 81
[13] 2602-3 interv. [H] 81
[14] ne s. [P] 81
[15] l. aveit [H] 81
[16] Ne puet [B] l. li d. [H] 81
[17] le out [B] de grant bis [H] 81
[18] s. espirt [H] 81
[19] ne v. sai acunter [H] 81
[20] a lui les s. [H] 81
[21] Quel semblant qu'il fesist m. en fu a. (amariz [P] ) [P W] m. en est [H] 81
[22] a Deu [P] 81

Page 81

524
   Prist guarde a Habraam, a qui Deus comanda
   Que de sa terre eissist; e li bers s'en ala,
   Guerpi ses conissanz, sa femme od sei mena.¹
   Li reis pur sa beauté li toli e roba:
2620 Sauvement li rendi Deus e mult l'eshauça.²
525
   De Joseph li sovint, qui si altre noef frere
   Vendirent pur deniers, e distrent a lur pere³
   Que devorez esteit d'icele beste fere.⁴
   Puis fu il en Egipte asez plus qu'enperere,⁵
2625 E guari ses parenz de la famine amere.
526
   E de l'enfant Jesu se prist a recorder,⁶
   Que li angles del ciel fist en Egypte aler⁷
   Pur la poür d'Erode, qui dunc fist decoler
   Les enfanz de dous anz; car Deu quida tuer.
2630 Mais es enfanz ne sout la deïté trover.⁸
527
   En teus essamples s'est granment reconfortez.⁹
   Mais nepurquant mult ert el corage trublez,¹⁰
   Quant essilliez esteit pur lui sis parentez;¹¹
   Kar pas n'aveit granz fius ne autres heritez
2635 Qu'il lur peüst duner; tant fu plus esguarez.¹²
528
   En l'essil nepurquant li ad bien esteü:
   Car li reis Loëwis l'a del tut maintenu,
   Lui e les suens trové quanque mestier lur fu;
   E li barun franceis le runt tant succuru,¹³
2640 Bien pout aidier as suens qui la furent venu.¹⁴ [f.24v]
529
   Quant ot li reis Henris de la pape conter
   Qu'il feseit par ses briefs les evesques mander,
   A Clarendune ad fait sun concilie asembler.¹⁵
   Iluec voleit il faire as evesques jurer¹⁶
2645 Que nul d'els pur apel ne passereit mais mer,¹⁷
530
   E qu'a pape Alissandre de rien n'obeïreient,¹⁸
   Ne pur ses mandemenz nule rien ne fereient,
   Ne que nul de ses briés des or ne recevreient,¹⁹
   N'a Thomas ne as suens de rien nen aidereient.²⁰
2650 Il ne l'unt pas juré, mais ensi l'otrieient.²¹

[1] od li [H] 82
[2] e m. les enhauça [B] 82
[3] a deniers [H P] 82
[4] d'une b. [H] 82
[5] om. il [H] 82
[6] li prist [B] 82
[7] E. mener [H] 82
[8] M. as e. ne pot [H] Car [P W] 82
[9] est g. [H] 82
[10] E [H] 82
[11] pur lui esteit [P W] 82
[12] pur ço fu e. [B] 82
[13] l'unt del tut s. [H] l'unt t. sucureü [P W] (l'unt ch. en li unt [P] 82
[14] qu'a lui f. [H] 82
[15] c. mander [H] 82
[16] I. fet f. [H] Et (aj.) [P] om. il [P W] 82
[17] om. d'els [B] 82
[18] que a [B] la pape A. [H] 82
[19] nuls ... des ore [B] 82
[20] N'a seint Th. n'as s. [H] r. ne a. [B] r. n'a. [H W] 82
[21] Cum evesque le jurent et tut einsi l'otreient [P] mes tut issi l'otreient [W] 82

Page 82

531
   Li lai en furent mis par tut al serement.¹
   (Rome est a Evrewic, Rogier a trop argent;
   Cil ad Angot od lui, dunc ad Rome en present!²
   Engleterre est enclose e de mer e de vent:
2655 Ne crient Deu ne ses sainz par un poi de turment.)
532
   Encore aveit li reis comandé e bani
   Que, s'en tute sa terre eüst clerc si hardi³
   Qui a Rume apelast, a l'ués le rei Henri⁴
   Sereient erramment tuit si chatel saisi⁵
2660 E il mis en prisun, cum s'il eüst mal cri.⁶
533
   Tuit apeleient dunc la presence le rei,
   Plaidouent en sa curt; n'i aveit mot de lei.
   Traitié erent iluec povre clerc a beslei,
   Car l'iglise en porteit li riches ovec sei.⁷
2665 Bien puis dire pur veir ço que jo oi e vei.⁸
534
   E li deniers saint Piere fu dunkes retenuz,
   Si fu a l'eschekier e portez e renduz;
   Li rivages de mer guaitiez e purveüz:⁹
   Se nuls aportast brief, e fust aparceüz,
2670 Qui de Rume venist, tost fust pris e penduz. [f.25r]
535
   Mais pluisur en i vindrent par le comandement¹⁰
   L'apostolie Alissandre, mais mult celeement,¹¹
   Qui aporterent briefs, tel de castiement¹²
   De ço que li prelat errouent malement,
2675 Tel de suspensiun e tel de damnement.
536
   Dunc manda saint Thomas ses evesques par cunte.
   Nul d'els n'i volt aler fors Rogier, fiz le cunte.
   Erramment passa mer senz cungié de vescunte;¹³
   Ne fist a sun primat n'a saint' iglise hunte.¹⁴
2680 Set anz fu en eissil; mult enprunta a munte.¹⁵

[1] a s. [B] 83
[2] S'il ad [H P] 83
[3] se en [B] la t. [P] 83
[4] Ke R. [H] al l'ues [B] 83
[5] Fussent [H] S. si ch. e. tuit s. [P W] si chasel [B] 83
[6] si cum il [H] 83
[7] om. en [H] 83
[8] j'oi [B H] 83
[9] e tenu [H] 83
[10] Les p. [H] 83
[11] Al. apostoile [P] 83
[12] aportouent brief [H] om. de [B H] 83
[13] 2678-9 interv. [H] 83
[14] s. prelat [B] 83
[15] Sæt [H] 83

Page 83

537
   Or oez les capitles que li reis enveiad¹
   As bailliz del païs; e sis i aportad
   Vualters de Grimesbi (li escriz le numad),²
   Vuimuns li chapelains, qui od li i alad.
2685 Tost vus avrai conté ço que escrit i ad:
538
   Se nuls brief el païs de la pape aportast,³
   U que li arcevesques Thomas i enveiast,
   Qui la cristïenté defendist ne veast,
   Qu'il fust erramment pris e que l'um le guardast,⁴
2690 Desque li reis Henris sun voil en commandast.⁵
539
   Se clers, muines, chanuines e convers passast mer,
   Le brief a la justise l'en estuveit porter;⁶
   E se nuls revolsist en Engleterre aler,
   Le brief le rei portast qu'il volsist la passer.⁷
2695 Senz ço le fesist l'um prendre e enprisuner.
540
   Ne nuls nul mandement ne tenist ne guardast⁸
   Que pape u l'arcevesque Thomas i enveiast;⁹
   Ne nuls lur mandement el païs n'aportast.¹⁰
   E se nul od tel brief clerc u lai encontrast,¹¹
2700 Qu'il fust pris erramment e qu'um l'enprisunast.¹² [f.25v]
541
   Se pape u l'arcevesque nului entredesist,¹³
   Se evesques u abes lur sentence tenist,
   Clers u lais ensement, hors del païs fuïst¹⁴
   Od trestut sun lignage, k'un sul n'i remasist;¹⁵
2705 Rien n'eüssent del lur, mais li reis tut presist.¹⁶
542
   Li clerc qui orent rentes e lur possessiuns,
   Qu'en chascune cunté fuissent treis feiz sumuns:¹⁷
   Se repairier volsissent as rentes n'as maisuns,¹⁸
   Ariere revenissent dedenz treis luneisuns,¹⁹
2710 U tuzdis remansissent mais en chaitivesuns;²⁰
543
   Tut lur aveir avreit tresqu'a un sul denier
   Li reis. - Car pur ço out fait cel ban denuncier,²¹
   Que li clerc saint Thomas n'osouent repairier;
   E par cele sumunse les voleit esluignier
2715 E a tuzdis del tut proscrire e essillier. -

[1] l. capitaus [B] 84
[2] l'i numad [B W] 84
[3] nul b. [B H] 84
[4] pris erraument [P W] 84
[5] om. Henris [H] 84
[6] estoüst [P] estut [W] 84
[7] al rei [H P] ki v. [H] qui la v. p. [P W] 84
[8] Se n. [H] Nuls hum nul m. [P W] 84
[9] Ke la p. ou Th. de la lur e. [P] 84
[10] ne portast [P W] 84
[11] tels briés [H] lur b. [P] ne lai [H P] 84
[12] que hum [B] 84
[13] u a. [H P] 84
[14] Se clerc [H] 84
[15] sun lignie [B] ne r. [P W] (remansist [H P] 84
[16] n'e. del tut [B] R. de l. n'en e ... r. le p. [P] 84
[17] om. Qu' [P W] chascun c. [B P] 84
[18] ne as m. [B] 84
[19] luneisun [B] 84
[20] A t. [B] 84
[21] cest b. fait nuncier [B] out il f. [P W] 84

Page 84

544
   Li evesques de Lundres e cil de Norewiz¹
   Fuissent sumuns a dreit, ço ruva li escriz,
   Par devant les justises que li reis out esliz,
   Par quel raisun quens Hue ert par els entrediz²
2720 Sur decrez que li reis out el regne establiz.³
545
   - Veez cum grant dolur, quel mort e quel juïse
   Suffreit a icel tens la sainte mere iglise:⁴
   Que sa dreiture faire n'osout ne sa justise;
   E s'ele le fesist, la venjance en fust prise.⁵
2725 Pur les dreiz sa mere a li fiz sa teste mise. -⁶
546
   Encore a un capitle que dirai ensement,⁷
   U li reis comanda par l'escrit veirement
   Que li deniers saint Piere fust par tute la gent
   D'Engleterre cuilliz e guardez lealment,
2730 Tresque il en fesist altre comandement. [f.26r]
547
   Grant avancement unt Engleis en lur païs,
   Si fu par le rei Knut, qui fu Daneis, asis:
   Par chascun ostel est cil deniers par an pris,
   U il a de cinc solz de vif aveir le pris.
2735 (A trente deniers est en tels lius i ad mis.)⁸
548
   Li apostolies sout aveir icel denier,
   E par ço fist gramment les Engleis alegier:
   Nes estuet pur pechié de la terre esluignier,⁹
   Tute lur penitence ferunt lez lur fuier.
2740 Idunc le prist li reis, e sil fist estuier.¹⁰
549
   Selunc mun jugement li reis aver le deit:¹¹
   Apostolies, legaz, arcevesques esteit.
   Se pape u arcevesque sa terre entrediseit,
   Senz cruiz e senz estole li reis les asoilleit.
2745 N'i poeit saint' iglise vers li mustrer nul dreit. -¹²

[1] et icil (corr.) [P] de Everwiz [H] 85
[2] raisuns [P] contrediz [H P] 85
[3] Sur les leis [B] decret [H] 85
[4] Suffri [H] 85
[5] se ele [B] en forfet en f. mise [P] fu p. [H] 85
[6] ses filz [H] 85
[7] E. ai [H] un capital [B] 85
[8] pluisurs l. ja [B] tel l. [H] 85
[9] Ne l'e. [H] par p. [B] 85
[10] E d. [H] 85
[11] aveit le dreit [B] 85
[12] l. clamer [H] 85

Page 85

550
   En cel contemple ad fait li reis Henris jurer
   Henri sun fil a rei, e sil fist coruner.
   L'arcevesques Rogiers, qui nel volt refuser,¹
   L'aveit enuint a rei. Nel se deüst penser,²
2750 Car cil de Cantorbire deit tuz les reis sacrer.³
551
   Od l'arcevesque i sunt dui evesque asemblé,
   Gilebert Foliot de Lundres la cité,
   E Jocelins i ad, de Salesbire, esté,
   Pluisur autre ensement, qui ci ne sunt numé.⁴
2755 Sur ces treis fu li fais, e par els fu ovré.⁵
552
   Or unt enuint l'enfant icil trei boiseür.⁶
   Deus li creisse ses anz e vertu e honur!⁷
   Mais n'apartint a els, fait s'en sunt robeür.
   N'en sunt de rien li mot del sacrement peiur,⁸
2760 Ne il rien mains sacrez. Deus li doinst sue amur! [f.26v]
553
   Senz raisun unt enpris en autrui poesté,
   A faire autrui mestier; mais chier l'unt comperé.⁹
   A Rome en sunt sumuns, mais pas n'i sunt alé:¹⁰
   Par l'apostolie sunt de lur mestier sevré.¹¹
2765 Pur la poür del rei unt Deu tut adossé.
554
   Deus, quel duel des prelaz qui lur mestier ne funt!
   Mucié est la lumiere qui esclaire le munt.
   Il sunt li pullent sels qui l'esperit corrunt.¹²
   Chien mu n'abaient pas; suz le banc lïé sunt.¹³
2770 As larruns conjoïssent, al mesfait od els vunt.
555
   Tut de but se teneient par tut cil trei al rei;¹⁴
   N'il ne voleient faire pur Deu ne ço ne quei.¹⁵
   En fause trinité erent en un tut trei,¹⁶
   E de la verité esteient par tut quei,¹⁷
2775 E voleient turner les custumes en lei.¹⁸
556
   Ne voleient de rien lur seignur adrecier;
   Mais contre saint' iglise le faiseient plaidier,¹⁹
   E se peneient mult des escriz encergier,²⁰
   S'il peüssent trover nule rien n'espïer
2780 Dunt la cause le rei peüssent esforcier.²¹

[1] R. del Punt l'Evesque [P W] kil ne v. [H] 86
[2] dust purpenser [H] 86
[3] om. tuz [H] 86
[4] n'erent n. [B] 86
[5] Mes s. els li f. [H] 86
[6] l'e. cil trei riche pastur [P] l'e. Henri cil trei p. [W] 86
[7] senz anz [H] 86
[8] Ne s. [H] del s. li mot de rien p. [B] 86
[9] m. il l'unt c. [H] 86
[10] m. n'i sunt pas a. [H] 86
[11] en s. [P W] 86
[12] li p. cors [B] cels [H] 86
[13] b. lessié [H] 86
[14] cil t. par tut [B] 86
[15] Ne il [B] Ne v. [H] 86
[16] [H] = 2775 var. [P W] 86
[17] note Ici place H le v. 2773 86
[18] Voleient que li reis turnast ses us en lei [P W] 86
[19] Encontre [P W] 86
[20] penerent [H] e. entercier [B] 86
[21] D. sa c. et la lur [P W] 86

Page 86

557
   Del tut erent a un plus que uncles e niés.¹
   E sovent enveieient a saint Thomas lur briés:²
   Diseient qu'il ot tort, quant al rei ert si griés;³
   Car des iglises est li reis e sire e chiés,⁴
2785 E les iglises sunt faites des reaus fiés.
558
   As reis deivent tresbien li prelat obeïr.
   Bien lur deit hum laissier lur custumes tenir;
   Quant a lur anceisurs nes peut um ainc tolir,⁵
   Pur tuz cels qui or sunt ne lur estuet guerpir.
2790 Mult deivent lur seignur e clerc e lai suffrir.⁶ [f.27r]
559
   Itels briefs enveieient al saint humme ultre mer,⁷
   Plusurs altres asez, dunt rien ne sai conter,⁸
   Pur mielz plaisir al rei e pur lur sens mustrer.
   Il refaiseit les suens, si lur faiseit porter⁹
2795 Pur destruire les lur e sa cause afermer.¹⁰
560
   Humblement respundeit li sainz a lur escriz,¹¹
   E par les escriptures confermout tuz ses diz.¹²
   Ne pot estre en nul liu pur els tuz contrediz.¹³
   Herbergiez ert en lui pur veir sainz Esperiz,
2800 Qui dedenz lui parlout e par qui il ert fiz.¹⁴
561
   As terrïens seignurs deit hum bien obeïr,¹⁵
   Tant cum al siecle apent; mais s'il volent tolir¹⁶
   A saint' iglise rien, ne lur deit hum suffrir.
   E se l'um les esparne, qu'um nes voille ferir,¹⁷
2805 Quant Deus revoldra bien, ne li purrunt guenchir.¹⁸
562
   Li prelat sunt serf Deu, li reis les deit cherir;¹⁹
   E il sunt chiés des reis, li reis lur deit flechir.²⁰
   Deus est chiés des prelaz; pur sa lei maintenir
   Devreient il estendre les cols, prez de murir:
2810 Deus suffri mort en cruiz pur s'iglise franchir.

[1] D. t. sunt plus en un que n'est u. u n. [H] 87
[2] Suvent enveierent [H] enveieent [B] enveient [P W] (corr. enveeient [P] 87
[3] ke al r. [H P] 87
[4] li r. sires [P] 87
[5] ne pout [P W] om. ainc [H] 87
[6] l. s. clerc [H] 87
[7] b. enveient [P] 87
[8] dunt ne vus sai c. [H] 87
[9] refait ... l. refait p. [H] 87
[10] le lur [H] 87
[11] respundi [H] 87
[12] conferme [H] 87
[13] Ne puet [B] par els c. [H] 87
[14] e. filz [P] 87
[15] mult o. [H] 87
[16] se il [B] 87
[17] esparnie [B H] que um [B] 87
[18] voldra [H] 87
[19] deit les chierrier [P] tenir [H] 87
[20] Et si s. [P W] 87

Page 87

563
   De Deu tienent li rei, de sainte mere iglise:¹
   A li e as suens deivent e honor e servise,²
   Car de li unt il lei e la corune prise;³
   Ele deit bien aveir, e tuit li suen, franchise,⁴
2815 Quant par sa mort li ad Nostre Sire conquise.
564
   E li buen anceisur, qui les iglises firent
   E qui premierement del lur les establirent⁵
   E de lur propre aumosne les crurent e vestirent,
   De tutes ces custumes e d'autres les franchirent,
2820 N'ainc puis a nule rien un des deiz n'i tendirent.⁶ [f.27v]
565
   Car cil qui fait aumosne la deit del tut franchir,
   Par tut e contre tuz defendre e maintenir;⁷
   N'il n'en deit seignurie, ne nul el, retenir,⁸
   Car ço n'est pas aumosne, s'il en fait sun plaisir:⁹
2825 Quant l'a dunee a Deu, ne li puet retolir.
566
   E quant vers saint' iglise volt li reis rien mesprendre,¹⁰
   Qui la devreit par tut e tenser e defendre,
   Li evesque l'en deivent mult egrement reprendre;¹¹
   Ne deivent la endreit rien a sun voil entendre.¹²
2830 Mais n'osent la bufee plus que le ros atendre.¹³
567
   Barun e chevalier e sergant e vassal,
   Qui n'unt rien de nului fors fié anceisural,¹⁴
   Se conbatent sovent pur lur seignur mortal
   E sueffrent granz damages, mort e mahaing e mal,¹⁵
2835 Car il ne volent estre tenu pur desleal.
568
   Mielz devreient asez li prelat guerreier
   Tuz cels qui saint' iglise volent contralïer;
   Car de la table Deu sunt riche e haut e chier.¹⁶
   Le fil a mult bas humme fait Deus si eshaucier¹⁷
2840 Qu'um li dune eveschié u mult plus haut mestier.¹⁸
569
   Li prelat deivent estre li plus espirital,¹⁹
   Ne deivent chanceler pur rien de lur estal.
   Cil qui laissent le munt e se tienent el val²⁰
   Bous d'or en gruing de porc sunt, e del tut jaal.²¹
2845 Ne sunt pas des sers Deu, ainz sunt des serfs Baal.²²

[1] e de sa mere i. [B] 88
[2] A lui [B P] 88
[3] Car de lui [B P] unt lur lei [H] unt il tuiz (aj. plus tard) lei et c. p. [P] 88
[4] E li d. bien amer [H] aveir bien [B] 88
[5] de lur fius l'e. [H] 88
[6] Ne ainc [B] Ainc [H] 88
[7] t. encontre tuz [H] 88
[8] ne deit [H] 88
[9] Car n'est p. dreit' a. dunt om f. [H] 88
[10] om. rien [H] 88
[11] le d. [H W] les d. [P] om. mult [H] 88
[12] tut a sun v. atendre [H] 88
[13] busee [B] 88
[14] fei a. [H] 88
[15] om. E [H] grant damage [B] mort m. [H] 88
[16] fort e fier [H] 88
[17] veit l'um si e. [H] 88
[18] om. plus [B] 88
[19] le plus [H P] 88
[20] C. si l. [H] et s'entrent (corr. en s'entreent) [P] 88
[21] de t. venal [H] 88
[22] humme D. [B] 88

Page 88

570
   Des ore vus larrai ces paroles ester.¹
   Voldrai vus les epistles e dire e reconter
   Qu'al rei e as evesques enveiad li bons ber,²
   Qu'il deüssent la pes saint' iglise guarder,
2850 E celes qu'il li firent encontre reporter:³ [f.28r]
571
   "Al gentil Rei Engleis, conte d'Ango, Henri,
   Duc Norman, Aquitan, sun seignur e ami,
   Thomas li arcevesques, qui jadis le servi
   Mais or est suens en Deu, saluz e ovrer si⁴
2855 Qu'il guerpisse e ament tuz les mals qu'a fait ci.⁵
572
   "J'ai atendu que Deus tu volsist visiter,⁶
   Que tu de male veie volsisses returner⁷
   E tun felon conseil d'entur tei tut oster,⁸
   Qui te frea, ço criem, si parfunt avaler
2860 Que ja mais ne purras resurdre ne munter.
573
   "Suffert ai tut adès, e si m'en sui teüz,⁹
   Qu'um me desist: "Li reis, qui ert morz e perduz,¹⁰
   "Tes fiz e tes sire, est trovez e revescuz.¹¹
   "Par conseil de feluns ot esté deceüz;¹²
2865 "Or est a saint' iglise pur dreit faire venuz.¹³
574
   "Encontre saint' iglise ad esté lungement,
   "Mais des ore trarra a sun delivrement;¹⁴
   "La pitiez de Deu l'a trait a amendement."¹⁵
   Chascun jur prium Deu pur tei el sacrement
2870 Par sa pitié te mette a dreit aveiement.¹⁶
575
   Pur ço le di que mei, qui dei suz Deu guarder¹⁷
   L'iglise del reaume e les mesfaiz oster,
   As essillié e fait hors del païs aler,
   Saint' iglise e les suens, qu'i sunt mis, mesmener.¹⁸
2875 Jo l'ai mis en suffrance, que nel fis amender.¹⁹

[1] Mes [P] 89
[2] li sainz b. [P] 89
[3] Et cels qu'i li refirent (re aj. après coup) [P] 89
[4] M. suens est ore [P] ovres si [B] 89
[5] om. les [B] 89
[6] voldra [H] 89
[7] Ke Deus de m. v. te volsist r. [P W] 89
[8] om. tut [H] 89
[9] me (n gratté) s. tenuz [P] 89
[10] C'um d. que li r. [H] K'en en d. (corr.) [P] 89
[11] T. filz e tei [H] Tels f. et tels s. [P] sires [B] ( [P W] 89
[12] des f. [P] 89
[13] a s'iglise [B] 89
[14] M. ore [H] 89
[15] pietez [B] 89
[16] pieté [B] 89
[17] P. c. di que devreie vus desuz D. g. [H] 89
[18] S. i. to vei e les s. m. [P] qui s. nus (n9) [B H] 89
[19] ne puis a. [H] 89

Page 89

576
   "Pur ço sui mult dolenz que tu as tant mespris
   Vers sainte mere iglise e as suens qu'i sunt mis,
   Car jo part as mesfaiz, quant justise n'en fis:¹
   Qui justise est e juges, e il en est jolis,
2880 Il e li pechiere est en uël culpe asis. [f.28v]
577
   "Saint' Escripture dit, e sil testemonie,²
   Que li consentanz est del mesfait en partie,³
   Parkes cil quil deit faire, e puet, e nel chastie.⁴
   Car bien pert que cil ad el mesfait conpaignie
2885 Ki ne volt contre-ester a l'aperte folie.⁵
578
   "Reis, men voil te voldreie plainement chastïer,⁶
   Pur ço t'ai fait mes lettres mult sovent enveier.
   Ne plus qu'un petiz burs puet l'onur abaisier⁷
   Del regne, plus ne deiz, Reis, par nul enconbrier
2890 Les dreiz de saint' iglise abatre ne changier.⁸
579
   "Li dreit jugement deivent des proveires venir.
   Quels que seit li evesques que Deus fait establir,
   Mais religiun voille e sun ordre tenir,⁹
   Nis s'um le veit cum humme en grant pechié chaïr,¹⁰
2895 Ne deit par poesté terrïene perir.
580
   "Li religius prince, qui volt bonté amer,
   Deit noveles iglises drescier e alever,
   Celes qui sunt chaües e creistre e restorer,¹¹
   E les proveires Deu e les clers honurer
2900 E par tut maintenir, se nuls les volt grever.¹²
581
   "Al bon prince devreies Constentin reguarder:¹³
   Ouant um out fait les clers devant li amener
   E um les acusa, tuz les laissa ester.¹⁴
   "Nul ne vus puet, fet il, fors Damnedeu dampner;¹⁵
2905 "Jugié ne poëz estre par prince seculer".
582
   "Si cum li saint escrit mustrent e li doctur,¹⁶
   Deus rove les apostles e que lur successur¹⁷
   E tut cil qui laburent el champ Nostre Seignur
   Ne seient dechacié n'osté de lur tenur;
2910 Car serf Jesu Crist sunt e si despensatur.¹⁸ [f.29r]

[1] jeo ai mult mesfet [H] le p. al mesfet [P] ne f. [H W] 90
[2] dist [P] 90
[3] Ki [H] en partir [P] 90
[4] Par quels c. [B] Par quei [H] Per que [P] Perkes [W] 90
[5] nel v. ... a aperte f. [P] 90
[6] Mes [H] voldreies [P W] 90
[7] Nient p. que un [B] 90
[8] Les reis [P] 90
[9] Mes que r. [H] 90
[10] om. grant [H P] 90
[11] ch. drecier e r. [H] 90
[12] le v. [H W] 90
[13] bon gratté Costentin devreies [P] guarder [H] 90
[14] leissast e. [H] 90
[15] fist il [B] 90
[16] mustre [H] 90
[17] des a. [H P] lur succur [H] 90
[18] serf sunt J. [P] 90

Page 90

583
   "Maistre e pere e pastur sunt li proveire en lei¹
   A trestuz cels qui vivent en cristïene fei.²
   Deus le het qui sun pere volt metre desuz sei;
   E se nuls bat sun maistre, il se maine a beslei,
2915 Parkes celui qui tient e carcan e balei.³
584
   "Se bon cristïen es e vols ta fei guarder,
   - Bien creum e volum qu'en ço voilles ester, -
   Fil d'iglise te dei, nun evesque, apeler;⁴
   Les proveires ne deiz enseignier ne mener,⁵
2920 Ensiwre les t'estuet, devant deivent aler.⁶
585
   "Tes privileges as e leis e poesté;⁷
   Ne toil al devin ordre rien encontre sun gré.⁸
   Se par mal conseil as contre Deu meserré,⁹
   Que Deus ne traie a tei, chié en humilité:
2925 Se tost ne te repenz, envers tei ad tesé.¹⁰
586
   "Que que dient li tuen e li Deu traïtur,
   Ne te turne a vilté mais a mult grant honur¹¹
   Se del tut t'umilies vers le puissant seignur¹²
   Qui l'orguilus abat, met l'umble el sié hauçur.¹³
2930 E rei e prince deivent de li aveir poür.¹⁴
587
   "De tuz se puet vengier; ki li puet contrester?
   Suvenir te devreit, Reis, e bien remenbrer
   En quei Deus te trovad, cum il t'a fait munter
   E creistre e enrichir e tun regne afermer.¹⁵
2935 Tut t'en portent envie, e enemi e per.¹⁶
588
   "Deus t'a eslit, ço dient e li haut e li bas.
   Pur les biens que t'a faiz, pur tuz, que li rendras?¹⁷
   Destruiras ses iglises, ses clers dechaceras¹⁸
   Par conseil des feluns que tu entur tei as,¹⁹
2940 Par cui encontre Deu e saint' iglise vas?²⁰ [f.29v]

[1] Vostre p. [H] 91
[2] q. sunt [P] 91
[3] Par kei es [B] Perkes [H] P. de lui [W] Par quei ker c. t. [P] (corr.) cartan (?) [B W] 91
[4] te deignum e. [H] 91
[5] Ne devez les p. [H] 91
[6] E. les trestuz [H W] Enseignier [P] 91
[7] Les p. [H] 91
[8] N'acuil [B] 91
[9] malveis c. [H] 91
[10] vers t. [H P] 91
[11] al v. [B] 91
[12] de t. te humilies [B] 91
[13] le umble en s. h. [B] 91
[14] Rei e p. bien d. [B] 91
[15] e richir [B] 91
[16] te p. [B H] e. e ti p. [H] 91
[17] p. tut [H] 91
[18] dechareras [B W] 91
[19] de f. [B] 91
[20] P. quels [B] 91

Page 91

589
   "Li ordené sunt cil qui Deus dit e apele:
   "Qui vus despit, e mei, fait cil qui ne chancele;¹
   "Qui vus het, e mei het e contre mei revele;²
   "Qui vus fiert, e mei fiert en l'oil, en la purnele."
2945 Cil qui mesfait as clers, Deus le het e querele.
590
   "Se tut le mund aveies as povres departi,³
   La cruiz eüsses prise e Jesu Crist sewi,⁴
   Tut n'avreies a Deu que il t'a fait, meri.⁵
   Saül, qui Deus eslist, pur ço que Deu guerpi
2950 E il e sa lignee e sa mesun peri.
591
   "E li reis Ozias, qui mult est renummez⁶
   Pur ço qu'il ot suvent ses enemis matez,⁷
   Ultre mesure en est orguilliz e muntez.⁸
   A Deu, qui li aida par tut, n'en rendi grez;⁹
2955 Par surquidier enprist l'ofice as ordenez.¹⁰
592
   "Del saint encens porter el temple s'enhardi.¹¹
   Deus s'en ert cureciez, de liepre le feri.¹²
   Par les ordenez Deu, qu'i furent establi,
   Fu getez hors del temple. Unkes puis n'en eissi;
2960 Mesaus fu e lieprus tuz les jors qu'il vesqui.
593
   "Beals Reis, se tu voleies encerchier les escriz,
   Plusurs reis trovereies que Deus out ainz esliz:
   Quant il les out el mund muntez e encheriz,¹³
   Mal unt encontre Deu lur mestiers acompliz;¹⁴
2965 Deus les ad a neent remis e apovriz.¹⁵
594
   "Achaz le mestier Deu ensement envaï;¹⁶
   Encensa cum evesques in domo domini.
   Reis esteit, e evesques voleit estre altresi.¹⁷
   Deus s'en esteit iriez, de liepre le covri:¹⁸
2970 Mesaus fu e degez. Par sun orguil peri. [f.30r]
595
   "Sur un char fist l'um metre l'arche Deu e covrir.
   Li buef eschalcirrerent, l'arche voleit chaïr;¹⁹
   Oza i mist la main, qui la volt retenir:²⁰
   L'ire Deu l'abati, sil fist iluec murir,²¹
2975 Car cel mestier deveient li proveire furnir.²²

[1] e mesfet c. [H] 92
[2] h. encuntre [H] 92
[3] a p. [H] 92
[4] eussez [B] ussiez [H] 92
[5] quanq'il [P] ki t'ad f. [H] 92
[6] fu r. [H] ert r. [P] 92
[7] que il aveit ses [B] 92
[8] enorguiliz e m. [H] 92
[9] aida a lui ne r. [H] 92
[10] P. sun cuider [H] 92
[11] Del cel s. [H] 92
[12] est c. [H W] 92
[13] les out asez m. (rature asez aj. plus tard) [P] 92
[14] et contre [P W] mestier encompliz [H] 92
[15] E Deus [H] 92
[16] Joaz ... cum prestres e. [B] 92
[17] volez e. [H] 92
[18] esteit coreciez [B] 92
[19] enchancelerent [B] (enchaucirerent [H] 92
[20] voleit (re- biffé après coup) [P] 92
[21] e sil [H] 92
[22] devreient [B] 92

Page 92

596
   "Reis, suëf se chastie qui d'autrui se chastie;¹
   Cele parole as tu en plusurs lius oïe.
   Reis, li ordené unt saint' iglise en baillie,
   N'as poestez del siecle ne la bailla Deus mie.²
2980 Tut feel sunt suz li; ele ad la seignurie.³
597
   "Lai ester autrui dreit, tut ço qu'autrui apent.⁴
   Ne chalengier a Deu sun establissement.
   De Deu as poesté e tun corunement;⁵
   De prince ne de lei ne l'as seculerment,⁶
2985 Car as prelaz apendent e ordre e sacrement.⁷
598
   "As leis eclesiaus deit laie lei servir.
   Nuls ne deit plaiz d'iglise, se n'est clers, maintenir,⁸
   Ne laie leis ne deit la clergil davancir.
   Li cristïen rei solent saint' iglise obeïr;
2990 Lais ne deit clerc fuler, mais chier le deit tenir.⁹
599
   "Dous choses a el mund par quei est guvernez:¹⁰
   Des reis e des evesques la sainte poestez.
   Quant pur jugier sera tuz li munz asemblez,¹¹
   Li prelat respundrunt pur les reis corunez.
2995 Tant est greindre lur fais e plus pesant asez.
600
   "Mult des evesques firent jadis escumengier¹²
   Reis e enpereürs e d'iglise chacier:¹³
   L'empereür Archadie fist iglise voidier
   Innocenz l'apostolie, nel volt pur li laissier,¹⁴
3000 Pur ço que saint Cristone suffri a essillier.¹⁵ [f.30v]
601
   "Sainz Ambrosies l'evesque pur veir escumenja¹⁶
   L'empereur Teodosie e d'iglise sevra¹⁷
   Pur un altre mesfait, qui mult meindre sembla;
   Mais a la pardefin dignement l'amenda,¹⁸
3005 Absolutiun prist e a Deu s'acorda.

[1] Meis [H P] 93
[2] Ne as ... baille [B] N'a (d'ab. as) [P] 93
[3] s. lui [B] ele en a s. [P] 93
[4] qu'a autrui [B] 93
[5] en t. c. [H] 93
[6] de lai [B H] 93
[7] apent [B] e l'o. [H] 93
[8] seint' iglise [H] pleit d'i. [P] 93
[9] Lai [H] clers [H W] 93
[10] D. ch. est [H] 93
[11] Q. tuz li m. sera p. j. [P] 93
[12] Mulz (Mult [H] ) des princes fist um [B H] 93
[13] enperurs [B] 93
[14] ne v. [H W] 93
[15] comanda e. [B] 93
[16] l'escominga [P] 93
[17] voida [H] 93
[18] parfin [H] M. cil a la parfin (cil aj. plus tard) [P] amenda [H] s'amenda [P W] (s aj. après coup [P] 93

Page 93

602
   "David, reis e prophetes, purjut altrui muillier,
   Sun seignur fist ocire e sun buen chevalier.¹
   Natan li enveia Deus pur li chastïer:
   Ne li sembla pas hunte de li humilïer
3010 Devant les piez Natan, ne de merci preier.²
603
   "Quant il cria merci, Deus l'en a fait relès;
   Bon le trova e humble e de mal en decès.
   Reis, al bon rei devreies essample prendre adès.³
   Returne tei a Deu, met jus le grevus fes.
3015 Mesfait as en maint liu, dunt encore me tes.⁴
604
   "Sire Reis, ço t'ai ore aparmaimes escrit,
   - E mult ai trespassé que jo ne t'ai pas dit, -⁵
   Saveir se tu metreies tun pechié en despit,
   Qu'um me desist: "Tes fiz, qui morz esteit, revit."⁶
3020 A mun voil metreit Deus en tei sun esperit.
605
   "E se tu ne me vols oïr ne heshalcier,⁷
   Qui devant le cors Deu soil Deu pur tei preier, ⁸
   Jo prierai a Deu qu'il se hast de vengier⁹
   Les mals e les injuries e le grant reprovier
3025 Que tu e li tuen funt, e nel volez laissier.
606
   "Certes, jo crierai al Seignur de vertuz:¹⁰
   "Venge le sanc des tuens, Deus, qui est espanduz,¹¹
   "E lur afflictiuns, dunt numbres n'est oüz.¹²
   "De tes enemis est li orguilz si creüz,
3030 "Qui tei e les tuens heent, n'en puis plus estre muz"¹³ [f.31r]
607
   "Reis, qui que fet l'ovraigne, de tes mains ert requise;¹⁴
   Car bien fait le damage qui le mal en atise.¹⁵
   Se tu ne lais ester e clers e saint' iglise,
   Deus le vengera tost; ja ad sa verge prise.¹⁶
3035 Tens est qu'en uëlté en prenge la justise.

[1] o. un sun b. [H] 94
[2] m. crier [P] 94
[3] as bons reis [H] (al b. reis [P] 94
[4] m'en t. [H] 94
[5] jeo n'ai pas [H] 94
[6] Cume d. [H] 94
[7] oïr et e. [P W] 94
[8] soil pur tei p. [H P] (dans [P] 94
[9] del v. [B] 94
[10] prierai [B H] criera [P] 94
[11] Vengez le s. de t. [H] 94
[12] les a. [B] 94
[13] Que [B P] 94
[14] qui que face [B] Mes qui que seit [H] 94
[15] ki le bien n'en a. [H] 94
[16] les vengera [P] 94

Page 94

608
   "Car il set bien as princes lur esperit tolir,
   E puet bien les reis batre; nuls ne li puet fuïr.¹
   La grace Deu te vaille a salu partenir,
   S'en veire humilité te vols tost repentir;
3040 Ensi aies salu. Ja n'en puisses partir."²
609
   Ces letres senz saluz enveia a Chinun³
   L'arcevesques al rei, sil requist par raisun⁴
   Quel laissast repairier en pes a sa mesun,⁵
   E a sa mere iglise fesist e rente e dun,
3045 E a lui e as suens, de sa possessiun.⁶
610
   Se volez esculter, tost vus avrai conté
   Que i out en cel brief escrit e endité:⁷
   "Sire Reis, fait li il, forment ai desiré⁸
   Qu'une feiz vus eüsse veü e avisé,⁹
3050 E que jo buche a buche eüsse a vus parlé.
611
   "Mult pur mei, plus pur vus, l'ai desiré. Pur mei?¹⁰
   Se vus me veïssiez, vus menberreit, ço crei,¹¹
   De ço que vus servi leaument e en fei
   (Si m'aït Deus al jor del poërus esfrei,¹²
3055 Quant Deus rendra chascun ço k'avra fait pur sei);¹³
612
   "E que vus eüsiez merci e pieté
   De mei, qui sui mendis en estrange regné.
   Mais, Deu merci, jo ai a mun vivre a plenté.¹⁴
   E li apostles Pols m'a mult reconforté,¹⁵
3060 Car j'ai en ses epistles e veü e trové¹⁶ [f.31v]
613
   "Que tuit icil qui volent vivre en Deu piement,¹⁷
   Il lur covient qu'il sueffrent mesaises e turment,¹⁸
   E David li psalmistes, qui nus dit ensement
   Ne vit ainc deguerpi nul qui vit lealment,¹⁹
3065 Ne nului pain querant de sun engendrement.

[1] bien puet [H P] 95
[2] puisse [B] 95
[3] E es l. [B] salu [P] 95
[4] Al rei e sil r. par mult bele r. [B] e sil [H] 95
[5] Kil l. [H W] ariere a [H] en sa m. [B] 95
[6] de lur p. [P W] 95
[7] Qu'i o. [H] Que il o. [P W] 95
[8] S. fet il al rei (al r. aj. plus tard) [P] 95
[9] Que une [B] 95
[10] par mei [P] 95
[11] me veiez [P] (veez corr. en veisez [W] 95
[12] j. al p. e. [B] 95
[13] ke a. [B] 95
[14] a mei vivre [P] 95
[15] Car [B] Mes [P W] 95
[16] tut en lisant t. [B] 95
[17] cil [B H] el D. [H] 95
[18] om. lur [P W] mesaise [H] 95
[19] om. nul [H P] 95

Page 95

614
   "Pur treis choses pur vus, que vus voil denuncier,
   D'od vus parler eü ai mult grant desirier:¹
   Mes sire estes, dei vus e voil vus conseillier;²
   Mes reis estes, pur ço vus dei aveir mult chier;³
3070 Mes fiz estes en Deu, si vus dei chastïer.
615
   "Car veez cum li peres chastie sun enfant
   Par mult dulce parole e par aspre e mordant,
   E mainte feiz le bat de la verge trenchant,
   Qu'il le repeaut a bien, quant le veit mesfaisant,
3075 U par sun chosement u par l'aspre vergant.⁴
616
   "La grace Deu vus fist enuindre e coruner;
   Pur ço vus devez mult constraindre e guverner⁵
   E tute vostre vie de buens murs enformer,⁶
   Que vus puissiez as autres buen essample duner.⁷
3080 Car a vostre faisance volent tuit esguarder.
617
   "A tels i a suëf e dulz estre devez,
   Enpur ço que vus estes e enuinz e sacrez,⁸
   E reddes as plusurs pur le brant que portez,
   Qui dedenz saint' iglise pur ço vus fu dunez
3085 Que les enemis Deu detrenchiez e matez.
618
   "Quant li rei sunt enuint, ço devez bien saveir⁹
   Qu'um lur met en treis lius l'enunctiun pur veir:
   El chief, el piz, es braz; car il deivent aveir¹⁰
   En eaus glorie mult grant e scïence e poeir.
3090 Metre devez en bien glorie, force e saveir. [f.32r]
619
   "As reis d'antiquité devrïez reguarder
   Qui les comandemenz Deu ne voldrent guarder:
   Nabucodonosor e Salemuns li ber
   E Saül durement troverent Deu amer,
3095 Car tut ço lur toli, quant nel voldrent amer.
620
   "Ezechie e David e maint autre plusur,
   Quant il orent mesfait vers Deu lur creatur,
   Mult sunt humilïé e furent en dolur¹¹
   E repentant es quers. La grace al rei auçur
3100 Lur duna puis asez glorie, sens e valur.

[1] Que od [B] K'od (d'abord D'od) v. p. oüsse mult ai g. d. [H] ai je eü g. d. (correction) [P] 96
[2] Mis fiz [H] e v. bien c. [B] 96
[3] E es r. e. dei vus pur vus a. m. ch. [B] mult a. ch. [P] 96
[4] le gref v. (correction) [P] l'egre v. [W] 96
[5] vus vus d. c. [H] 96
[6] en b. m. enfermer (afermer [B] ) [B H] 96
[7] buens essamples [B] 96
[8] Et pur [P] 96
[9] e. bien le d. s. [H] 96
[10] Qui les comandemenz Deu ne voldrent guardeir [B] (cf. 3092) Es chiés es p. [H] 96
[11] Del tot se humilierent [P W] 96

Page 96

621
   "Sainte iglise funda Deus, e il l'establi,
   E par sun propre sanc delivra l'e franchi.¹
   Escopi e batuz en fu, e mort suffri.²
   Sun essample a nus tuz e laissa e guerpi,
3105 Que nus sivum les traces qu'il ala e siwi.³
622
   "Car ki volt a la glorie celestïel partir,
   Li covient estre el cors, pur amur Deu, martir,⁴
   La volenté del cors e les eises guerpir.
   Ensi cum sainz Pols dist: "Pur Deu devum murir,⁵
3110 "Se od li volum vivre, e pur li mort suffrir."⁶
623
   "En dous ordres de gent est faite saint' iglise:
   Del pueple e del clergié est e faite e asise,⁷
   E par dreit aünie est en ceste divise.
   La cure unt li prelat de la part Deu conquise,⁸
3115 Qui a salu des anemes seit e traitie e prise.⁹
624
   "E Deus dist a saint Piere e as clers, bien le sai:
   "Tu ies Pieres, e sur ceste piere ferai
   "M'iglise, e ma maisun i edefierai,¹⁰
   "E les portes d'enfer par li depecerai."
3120 Ceste poesté unt li clerc, nïent li lai.¹¹ [f.32v]
625
   "Al pueple sunt li rei e l'autre baronie¹²
   Qui les lais unt suz els e en lur mainburnie,¹³
   E les leis seculers e poesté saisie.¹⁴
   Mais si deivent traitier ço qu'il unt en baillie
3125 Que saint' iglise seit tut' en pais aünie.
626
   "E lur poesté prennent li rei de saint' iglise;¹⁵
   Mais el n'a pas la sue de nul de voz reis prise¹⁶
   Fors de Deu, sun espus, qui li aveit conquise.
   Sur les prelaz pur ço n'avez pas comandise
3130 De faire u de laissier la clergille justise.
627
   "Ne devez as prelaz defendre u comander¹⁷
   U d'asoldre cestui u de cestui damner,
   Ne les clers ordenez ne traire ne mener,¹⁸
   Un sul, a voz juïses ne a lei seculer,
3135 Nului de noz iglises ne des dismes causer.

[1] le e [B] om. l' [H P] 97
[2] b. fu [H] e mort en s. [B] 97
[3] Car ensiwm [B H] 97
[4] note 3107-9 B remplace le second hémistiche du v. 3107 par e les eises fuir, et intervertit les vv. 3108 et 3109 97
[5] dit [P] 97
[6] E s'od lui [H W] e om. devant pur l. [H] 97
[7] est f. [B H] 97
[8] D. aquise [P W] 97
[9] Que [P W] K'al s. de l'anme est [H] e om. devant traitie [B H] seit et treite [P W] 97
[10] m. e e. [H] 97
[11] e nient [B] e nun [H] e naient [P] 97
[12] El p. [P W] 97
[13] Q. (Que [P W] ) le pople [H P] 97
[14] en poesté s. [B H] 97
[15] La lur (L aj. plus tard) [P] 97
[16] ele mss. ne nule des voz p. [B] de noz genz (genz aj. en interligne) [P] noz r. [H W] 97
[17] faire u c. [H] 97
[18] Ne clers o. detraire [H] Ne les o. Deu [P W] ne traitier ne m. [B] 97

Page 97

628
   "Ne devez as prelaz faire defendement
   A plaidier de lur plaiz, cum de trespassement¹
   U de fei u de crime u de faus serement,²
   E d'us e de custumes e de plaiz ensement,³
3140 De tels que vostre aiols tint ancïenement.⁴
629
   "Deus nostre Sires dit: "Les meies leis guardez."
   Li prophetes redit: "Wai vus, qui estorez⁵
   "Les leis de felunie e en escrit metez⁶
   "Les torz e les enjuries, e vus qui apremez⁷
3145 "Les povres Deu, e force faites as humbles fez."⁸
630
   "Recevez le conseil, Sire, e l'asensement⁹
   De celui qui vus est fedeilz veraiement,
   E de vostre arcevesque sun amonestement;¹⁰
   Oez de vostre pere sun bon chastiement,
3150 N'od les purvers n'aiez mais nul cumunement.¹¹ [f.33r]
631
   "Car par tute la terre est proef manifesté¹²
   Que l'apostolie avez mult granment honuré,¹³
   E l'iglise de Rume nurri e alevé.
   L'apostolie vus a, e saint' iglise, amé;
3155 Fait vus unt od raisun ço qu'avez demandé.¹⁴
632
   "Sire, se le salu de l'aneme desirez,¹⁵
   Saint' iglise del suen nule rien ne tolez
   Par aucune raisun, n'encontre dreit n'alez;¹⁶
   Saint' iglise laissiez tutes ses franchetez,
3160 Si cum ele ad par tut es alïens regnez.
633
   "Sovenir vus devreit de la professiun
   Qu'offristes sur l'autel a vostre enunctiun,
   E del vou que fesistes a Deu en sa maisun:¹⁷
   A s'espuse dunastes vostre defensiun,¹⁸
3165 De tute sa franchise li fesistes le dun.

[1] ne de t. [H] 98
[2] om. U [H] 98
[3] om. E [H] custume e de plait e. [B] 98
[4] Dites (D'ités?) que [P W] 98
[5] kis escrivez [H] 98
[6] e vus qui les guardez [B] e vus kis estorez [H] 98
[7] quis apernez [B] apresmez [H] 98
[8] fetes force [H] feelz [B] 98
[9] e. l'ensensement [H P] (corr. [P] 98
[10] note 3148-9 interv. dans B 98
[11] n'aies nul [H] 98
[12] om. Car [H] 98
[13] om. mult [H] 98
[14] om. unt [B W] 98
[15] om. se [B] la s. [P W] 98
[16] Pur a. r. encontre Deu n'a. [B] a. chaisun [H] ne cuntre d. [P W] 98
[17] om. a [H] 98
[18] E s'e. [B] Quant [P W] 98

Page 98

634
   "La sainte mere iglise de Sainte Ternité,
   Sire, dunt receüstes corune e realté,¹
   Restablissiez del tut en cele dignité²
   E en icel estat e en l'entierreté³
3170 Qu'el' out as ancesurs e par antiquité.⁴
635
   "E ses possessiuns e ses autres baillies,
   E viles e chastaus e fiez e mananties,
   A noz clers e as lais, qu'avez tutes saisies⁵
   E a vostre plaisir dunees e parties,
3175 Que tutes les rendez, tut en tut rentieries.⁶
636
   "Laissiez nus repairier en pes e franchement,
   E nus vus servirum cum a rei leaument
   E si cum a seignur, tant cum a nus apent.⁷
   Se vus ensi nel faites, saciez certainement⁸
3180 Que vus en sentirez le devin vengement."⁹ [f.33v]
637
   Li evesques de Lundres une epistle enveia
   Saint Thomas ultre mer; mes sun nun i cela,
   E el nun des evesques del païs le dita¹⁰
   E des autres persones; mais nul n'en i numa.¹¹
3185 Amur, subjectiun e saluz li manda:¹²
638
   "Pere, quant vus partistes del regne sudement,¹³
   Mult par en fu trublez li regnes erramment.
   Mais par vostre humbleté e par vostre escïent¹⁴
   Esperames, par grace de Deu omnipotent,
3190 Qu'en la pais revendreit u fu premierement.¹⁵
639
   "Primes nus en poümes conforter e aitier,
   Que par le regne oïmes nuveler e nuntier¹⁶
   Qu'ultre mer erïez, ne volïez plaidier¹⁷
   Vers le rei, ne si haut encontre li drecier,¹⁸
3195 Nul mal ne nul engin el regne purchacier;¹⁹
640
   "Ainz volïez poverte de vostre gré porter,²⁰
   En oreisun adès e en estudie ester,
   Les mesfaiz e la perte del trespas amender²¹
   En veilles e en plur e en mult jeüner,
3200 Que l'amur al haut rei peüssiez conquester.²²

[1] e poesté [B] 99
[2] a cele d. [B] 99
[3] En cel mesme e. [P W] cel e. e en la terrineté [H] 99
[4] anceçurs [B] 99
[5] voz c. [B W] 99
[6] rendrez del t. en t. entieres [H] 99
[7] Et cum a cher s. (cher ajouté postérieurement) [P] 99
[8] ne f. [B H] 99
[9] Que nus en referum (ferum [H] ) [B H] 99
[10] El n. [H] (la d. [P W] 99
[11] nul ne n. [H] 99
[12] salu [H] 99
[13] sudenement [P W] (corr. [P] 99
[14] humilité [mss.] 99
[15] vendreit [H W] 99
[16] Quant p. [B] 99
[17] Que ultre [B] m. irriez [P] 99
[18] cuntre lui esdrescier (es aj. après coup) [P] 99
[19] Ne mal [H] (al r. [P W] 99
[20] povreté [H] 99
[21] Le mesfet [H] la p. des mesfaiz a. [B] 99
[22] puissiez [H] 99

Page 99

641
   "Teus ovres erent bones a la pais refurmer.
   Quidames que par ço peuissiez recovrer¹
   La grace al rei, e s'ire vus volsist parduner,²
   Les torz que li eüstes faiz, ensi ublïer:
3205 Senz sun congié partistes, e passastes la mer.
642
   "Nis cil qui vus voleient amer e maintenir,
   En poeient al rei parler e avenir;³
   E quant le requereient de vus dous amaisir,⁴
   De concorde e de pais entre vus establir,
3210 A la feiz les soleit benignement oïr. [f.34r]
643
   "Or avum el oï, dunt mult sumes irié:⁵
   Car brief avez al rei senz saluz enveié,⁶
   Ne l'avez de sa grace requis ne depreié;
   N'entenduns en teus lettres un sul puint d'amistié,⁷
3215 Quant a escumengier l'avez ja manacié.
644
   "E s'ensi le parfaites cum vus l'avez pramis,⁸
   Tut ço que est trublé e meslé el païs
   N'iert ja mais en amur ne en concorde mis;⁹
   Ainz en crestra haenges qui durera tuzdis,¹⁰
3220 Ne qui n'iert apaisiez pur hume qui seit vifs.¹¹
645
   "Parfitement se deit sages hum purpenser,
   Quant il comence rien, bien puisse parfiner.
   E en ço devez mult vostre grant sens mustrer,¹²
   Saveir se vus purrez en tel guise mener¹³
3225 Ço qu'avez comencié, la u volez aler.¹⁴
646
   "Pur cest grant hardement, que l'avez manacié,
   De la bone esperance sumes tuit esluignié;
   Car ne veum coment seiez mais amaisié.
   Quant vus alez sur li od vostre brant sachié,¹⁵
3230 Que nuls prit mais pur vus n'i a liu aeisié.
647
   "Pur ço vus conseillum en fei e en amur:
   Ne faites tort sur autre, n'i ait travail greignur.¹⁶
   Comandez vostre cause a Deu le creatur,
   E laissiez voz manaces, suffrez vostre seignur.
3235 Pur vostre humilité avra de vus tendrur.

[1] puissiez [H P] 100
[2] se ire [B] e si v. v. [H] et s'il v. v. [P] 100
[3] E p. [B H] 100
[4] aünir [H] abuenir [P] (obuenir [W] 100
[5] dunt nus s. [B] 100
[6] s. salu [H] 100
[7] de teus [B] om. ces l. sul [H] 100
[8] vus avez [H P] 100
[9] en concorde ne en amur m. [B] en corde [H] 100
[10] qui durra mais t. [B] (durra t. [W] 100
[11] par h. [H P] 100
[12] om. E [H W] om. grant [H] 100
[13] Savez que plus p. [B] poez [H] 100
[14] om. u [H] 100
[15] Quar (r aj. plus tard) [P] od le b. s. [H] od le b. treit s. [P W] 100
[16] N'i f. t. vers n'i a. [H] 100

Page 100

648
   "Ensi poëz aveir s'amur e sa chierté.
   N'i avez par manaces nule rien conquesté;
   Plus purrïez conquerre par vostre humilité,
   E de gré vus vendreit mielz suffrir povreté
3240 Que tenir granz honurs de lui par engresté.¹ [f.34v]
649
   "Tuit sevent qu'il vus ad durement honuré,
   Del poi u vus trova, hautement alevé;
   Bailla vus del realme tute la poesté,
   Que cil qui eüssiez de bon oil reguardé²
3245 Se tenist a cel' ure pur mult bon eüré.³
650
   "De poi vus crut en halt e mult vus honura.
   Tut encontre sa mere, qui li desconseilla,
   Encontre tut le regne, cui il mult anuia,⁴
   Encontre saint' iglise, qui grief en suspira,
3250 L'onur que vus avez, vus conquist e duna.
651
   "Quida nel volsissiez de rien contralïer,⁵
   Mais conseillier le regne e par tut avancier.
   Quant le volez abatre, quil devez conseillier,
   Malement li volez ses bienfaiz mercïer.⁶
3255 Mal en puet tuz li munz reconter e nuncier.⁷
652
   "Ne perdez vostre pris pur ço, ne vostre honur;
   Par amur conquerez le rei vostre seignur.
   Se conseil ne creez que vus donent pluisur,
   Al conseil l'apostolie clinez, e a s'amur,⁸
3260 A l'iglise de Rume, qui ne flechist d'un dur.⁹
653
   "Hum vus deit bien mustrer que ne faciez tel fait
   Dunt saint' iglise chiece en plus dolerus plait,
   Qui maint jor a esté en plur e en deshait,
   E que cil nel conperent qui rien n'i unt forfait¹⁰
3265 E portent la colee de ço qu'altre a mesfait.¹¹

[1] grant honur [B] 101
[2] cil que [P W] 101
[3] bien e. [H] 101
[4] a cui il a. [B] ki m. li [H] 101
[5] Ne quida quel v. [B] 101
[6] sun bienfait [B] 101
[7] et cunter [P] 101
[8] cliner [H] 101
[9] d'un jor [P] 101
[10] compere (probablement d'abord -ent) qui r. n'i a f. [P] mesfait [B] 101
[11] porte ... forfait [B] porte (probablement d'abord -ent) [P] qu'altre mesfait [H W] 101

Page 101

654
   "Que dirrez se li reis, qui li regnes apent,¹
   E qui a desuz li e les clers e la gent,
   Se part de l'apostolie par vostre anguissement²
   E ne voldra mais estre a sun comandement?
3270 Car encontre le rei pur vostre amur se prent. [f.35r]
655
   "Veez cum hum l'en prie, quels duns um l'en presente!³
   Mais pur si granz pramesses n'i met un puint s'entente;⁴
   Ferms est cume la piere encontre la turmente.⁵
   Mais cil qui tuz li munz ne remue ne tente,
3275 Jo criem, Sire, ne turt. Mais ja Deus nel consente!⁶
656
   "Mais se ç'avient par vus, vus le purrez suffrir,⁷
   Mais tuz li vis de lermes vus en devra covrir.
   E pur ço vus devez de conseil bien guarnir,⁸
   Qu'il ne deie a la pape a damage venir,⁹
3280 A l'iglise de Rume e a vus mult nuisir.
657
   "Mais vostre sage clerc nel volent graanter.¹⁰
   Tut ço que poëz faire vus rovent espruver,
   E al rei e as suens la poesté mustrer,
   A celui qui mesfait qui mult fait a duter¹¹
3285 E a criendre a celui ki ne volt amender.
658
   "Ne dium que li reis n'ait mesfait e mespris,¹²
   Mais il est par tut prez de l'amender tuzdis.
   Pais deit guarder el regne, pur ço l'i ad Deus mis;¹³
   E pur ço que mielz puisse pes guarder el païs,
3290 Volt aveir leis e us qui sunt el regne asis.
659
   "S'entre vus e le rei avez esté medlé,¹⁴
   L'apostolies l'en a sovent araisuné,
   Li prelat del reaume l'en unt amonesté:¹⁵
   S'iglise u persone a, ço dit, de rien grevé,
3295 Par l'iglise estera a dreit de sun regné.¹⁶

[1] dirriez [B P] que li r. a. [H W] 102
[2] aguisement [P] 102
[3] le p ... li p. [B P] prit [H] quel dun [B] 102
[4] si grant pramesse [B H] n'i mot [H] 102
[5] Fiers [H] cum [H P] 102
[6] Sire jo criem [B] s. nel fet ja mes nel c. [H] nel turt [P] 102
[7] ço avient mss. le p. vus s. [P] 102
[8] si guarnir [B] 102
[9] ne puisse [B] 102
[10] ne v. [H W] 102
[11] Ki mult a celui fet [P] 102
[12] disum [H P] 102
[13] l'ad D. [H] 102
[14] Entre v. [B W] 102
[15] (de r. [P] ) l'unt a. [H] 102
[16] a d. tut de sun gré [B] 102

Page 102

660
   "De dreit faire, e de plus, est prez, se nul l'en prie;¹
   E s'il mesfait vers Deu, liez est s'um l'en chastie.²
   E quant a saint' iglise e a Deu s'umilie,
   N'i ad lei ne decré, ne rien, qui l'entredie,
3300 N'espee eclesial quil depiest ne ocie.³ [f.35v]
661
   "Metez enz vostre espee, jugement ensiwez.
   Tuit vus en requerum: ne vus desmesurez,
   Ne pur ignel conseil n'ocïez ne tuez;
   As oeilles qui sunt desuz vus, purveez,⁴
3305 Qu'en bone seürté e en peis les metez.
662
   "Une chose avez fait dunt mult sumes dolent:
   Que l'evesque avez mis en escumengement,
   Celui de Salesbire, sun deien ensement.
   Mais ainz deit l'um la cause saveir certainement⁵
3310 E oïr e traitier, qu'um face jugement.
663
   "E qu'ensi ne faciez e al regne e al rei,
   Iglises e parosses qui sunt en nostre otrei,
   Que nes escumengiez a tort e a beslei,
   Al damage la pape e al vostre, ço crei,⁶
3315 Apeluns pur remedie e refui de l'esfrei.
664
   E a l'Ascensiun metum de l'apel jur.⁷
   Mais tuit vus requerum: pernez conseil meillur,
   Ne vus metez en eire ne en si grant labur,⁸
   Ne faites a voz fiz si despendre le lur.
3320 Vostre salu volum en Deu nostre Seignur."⁹
665
   A l'evesque de Lundres unes lettres itaus
   Enveia saint Thomas, tutes continuaus.
   En liu de saluz out paroles amials:¹⁰
   Que il trespast einsi par les biens temporaus¹¹
3325 Qu'il ne perde la joie qui est espiritaus:
666
   "Merveille est de sage humme e des lettres apris,
   E qui saint abit ad de religiun pris,¹²
   Qu'il la cremur de Deu a si ariere mis,¹³
   Contre verité vait e medle bien en pis,¹⁴
3330 Volt saint' iglise abatre e cels qu'i sunt asis.

[1] De dreit e de plus f. [P] u de p. [B] se l'un l'en [P W] 103
[2] k'um [H] le ch. [B] se l'un li die [P] 103
[3] detrenche [H] detreient (?) changé en detresent [P] decreient [W] 103
[4] Les o. ki s. desuz puis revenez [B] d. piez p. [H] 103
[5] om. l'um [H] 103
[6] le pape [P] 103
[7] l'Ascensium [B] U l'A. mettrum de cel a. j. [H] 103
[8] nus m. [B H] æire (a corr. en e) ne e. s. grief l. [H] 103
[9] a D. [H] 103
[10] El liu [P] des s. [P W] de salu orent [H] annuaus [B H] 103
[11] om. par [H] 103
[12] sun abit [H] 103
[13] E la c. [H] 103
[14] med le [B] (lettre effacée prob. d'ab. meddle); bien et p. [P] 103

Page 103

[f.36r]
667
   "D'enfer puet saint' iglise les portes depecier.
   N'est mie sages hum qui la volt trebuchier:
   Semble humme qui a corde volt le munt jus sachier.¹
   Pur ire u pur haïne ne deit nuls leidengier
3335 Evesque ne sun frere al Damnedeu mestier.²
668
   "Mais a voz lettres puis e veeir e sentir
   Que ne puis pas les grapes des espines cuillir
   Ne des runces les fiches. Mais quil voldreit oïr,³
   A l'escorpiun semblent, al chief e al partir,⁴
3340 Qui volt deriere puindre e devant conjoïr.
669
   "Obedïence offristes ainz e subjectiun:
   En refui de ço faites puis appellatiun;⁵
   Tost turnastes vostre est en la negatiun.
   "N'est od mei, fait l'apostles Pols, est est e nun nun?"⁶
3345 En la buche al produme n'en deit aveir s'un nun.⁷
670
   "Deus dona ses disciples poesté, ço savons,⁸
   Del calchier sur serpenz e sur escorpiuns.⁹
   Ezechïel uncore maint entre les feluns.¹⁰
   Quel remedie vus fait vostre apellatiuns?¹¹
3350 Deu ensiuvez, ço dites; mais ne l'i entenduns.¹²
671
   "Remedie de tuz mals Jesu Crist nus dona:
   Obedïence. En sei bon essample en mustra,¹³
   Car obedïenz fu a Deu, qui tut cria,
   Desqu'en la sainte cruiz par la mort devia.¹⁴
3355 Tu apeles remedie la u grant nuisance a.
672
   "Quides tu que la pape te voille maintenir¹⁵
   A ço que tu ne defies a tun maistre obeïr?¹⁶
   Dous feiz l'en as requis; ne t'en volt pas oïr,¹⁷
   Car il deit la maistrie e le feis sustenir¹⁸
3360 De saint' obedïence faire par tut tenir.¹⁹ [f.36v]
673
   "Primes l'en requesis par ta vive parole,²⁰
   Puis après par tes lettres, par suggestiun mole:
   Plus est ferms que la piere qui siet sur vive mole.²¹
   Vicaries est saint Piere, bien seiz n'est pas ventvole;²²
3365 Duns, presenz ne preiere nel commuet ne afole.²³

[1] Vus semblez h. [H] Il (aj. plus tard) s. ke a cordes [P] le mund [B H] 104
[2] Damdedeu [B] 104
[3] (fies [H P] 104
[4] L'e. resemblent [B] 104
[5] En refugie [H] 104
[6] fet seint Pols [H] e n. n. [P] 104
[7] ne deit a. [B H] 104
[8] ses apostles [B] as d. [P W] 104
[9] De c. [H W] 104
[10] laissé en blanc dans [B] Ezechie [H] 104
[11] vus face [B] vus fra [H] 104
[12] D. en dutez [B] D. en devez [H] 104
[13] om. Obiendience en [H] 104
[14] u par mort d. [B] par mort d. [H] 104
[15] Cuidiez vus q. la p. vus v. m. [H] 104
[16] om. to [B] 104
[17] ne te v. [H] 104
[18] les f. [B H] 104
[19] De s. o. l'ire [B] s'ire [H] 104
[20] P. le r . [B H] vive changé en nue [P] 104
[21] e. fiers [H] om. la [H P] (qui seit [P] 104
[22] om. pas [H] V. est s. P. n'est pas le vent qui vole (le aj. plus tard) [P] 104
[23] nel muet [B] n. comut [H] 104

Page 104

674
   "Mais la tierce fïee le deiz bien asaier,¹
   Qu'il ait al tierz asalt le triumphe plenier.²
   E que tu me peüsses plus forment agregier,³
   As esluignié l'apel pres d'un an tut entier;
3370 Ne nule pitié n'as que me veiz eisillier.⁴
675
   "Ne n'as nule pitié de sainte mere iglise,⁵
   Que nostre Sire Deus a par sun sanc conquise,
   Qui sueffre tel travail e si mortel juïse.
   De ço qu'obedïensce as a tun dit pramise⁶
3375 Nostre seignur le rei, n'as nule guarde prise.⁷
676
   "E tant cum il voldra vers nus ensi errer⁸
   E envers saint' iglise, que devreit honurer,
   Ne purra en bataille seürement aler,
   Ne en pes ne en guerre ne vivre ne ester,
3380 Que le peril de s'aneme ne puisse mult duter.⁹
677
   "Or voil de ço respundre qu'en tes lettres desis,
   Que quant jo departi del regne e del païs,¹⁰
   Li regnes fu trublez e en grant esfrei mis:
   Poür poent aveir tuit cil qui l'unt purquis¹¹
3385 E qui l'unt conseillié, qu'il n'en seient suppris.¹²
678
   "Del bon comencement sui mult loez de tei:¹³
   Ki despise sun los nul sage humme ne vei,¹⁴
   Mais de ço ne deit creire nul autre plus de sei.
   Des torz me blasmes mult que jo ai fait al rei:
3390 Nul n'en nummes; ne sai delquel respundre dei.¹⁵ [f.37r]
679
   "E de ço t'esmerveilles que j'osai manecier¹⁶
   Nostre seignur le rei a escumennïer:¹⁷
   Qui se taist quant sun fil veit granment foleier,
   N'entent en lui nul bien, quant nel volt chastïer;
3395 Mielz est qu'il le chastit quel veie detrenchier.
680
   "Bien sai que li reis volt chastiement suffrir:
   En escumengement ne volt il pas chaïr.¹⁸
   Ço que Deus ad planté ne larra pas perir.
   La nef veiz tutes parz en tempeste gesir:¹⁹
3400 J'en tieng le guvernail, tu me roves dormir!²⁰

[1] l'en d. [P] (essaier [H P] 105
[2] Qu'il est [H] 105
[3] pusses [B] Et que mes ne le puisses (ne le aj. plus tard) [P] 105
[4] qui me [B] veiez [P] veez [W] 105
[5] Tu n'as [P] 105
[6] Que ço que o. [B H] 105
[7] n'ad [H P] 105
[8] Itant [B] e. ovrer [H] 105
[9] ne deie [P] 105
[10] jeo parti [H] 105
[11] l'u. purpris [B] 105
[12] ne s. s. [H P] 105
[13] sunt mult [H] 105
[14] Ne despire [B] De despise [H] 105
[15] de quel [P W] 105
[16] te merveilles [H P] 105
[17] Vostre [H] 105
[18] om. il [P W] (aj. plus tard [P] 105
[19] vei (correction) [P] 105
[20] Jeo t. [H W] (Jon [P] 105

Page 105

681
   "Les buntez que li reis m'a fait, me mez devant:¹
   En halt m'a mis de poi e granment mis avant.
   A ço te respundrai cum a guise d'enfant:²
   Jo n'iere pas si povre cum tu vas ci disant,
3405 Quant li reis nostre sire me fist sun haut servant.
682
   "De Cantorbire aveie l'arcediachené,
   E de Beverlei oi idunc la provosté,
   Provendes e iglises pluisurs par le regné,
   Possessiuns e rentes e autre richeté;³
3410 N'iere del tut si tenves cum tu as ci mustré.
683
   "E se tu vols parler de mun povre lignage,
   Des citehains de Lundres fui nez, en cel estage.⁴
   En lur visnez senz plainte mestrent tut lur eage,
   Ainc ne quistrent l'autrui, ne ne firent damage.⁵
3415 Ne furent, cum tu diz, d'einsi tresbas parage.⁶
684
   "Qui voldreit clerement a la raisun guarder,⁷
   Mielz vient de basse gent e bon estre e munter⁸
   Que de halte gent estre e en enfer aler.⁹
   Les mains honestes menbres deit l'um plus honurer,¹⁰
3420 Sulunc l'apostle, e plus d'onur envoluper.¹¹ [f.37v]
685
   "Ço ne devreit pas dire huem cristïen, letrez,¹²
   Religius, evesques. Mais vus me reprovez,
   Puet cel estre, que j'ere de sens poi aürnez:
   Qui sun pere hunist pechié fait, ço savez.
3425 Fait Deus: "Tun pere honure; plus lung ert tis eez."
686
   "Ne les bienfaiz le rei ne t'estuet pas mustrer.¹³
   A testemonie en puis Deu prendre e apeler¹⁴
   Qu'en tut le munt ne poi rien plus de lui amer,
   Mais qu'il laissast les dreiz de saint' iglise ester.
3430 Altrement ne puet il seürement regner.

[1] Les bienfez [P W] me metez [H] 106
[2] r. ne m'en avras taisant [P] 106
[3] en a. [B] 106
[4] tel e. [P W] 106
[5] quistren [B] altrui [H P] 106
[6] bas p. [P W] note dans P le corr. aj. pas après dit 106
[7] Q. voldreient clerment [B H] a r. esgarder [P W] 106
[8] M. valt [P] estre bon e m. [B] estre e bon m. [H] 106
[9] haute genz (hautes [W]} [H P W] 106
[10] L. miens h. [H P] melz onurer [H] 106
[11] S. l'a. Pols d'o. e. [H] 106
[12] Ço dire ne d. [P] e letrez [H] 106
[13] biens fez [H P] 106
[14] om. en [B H] 106

Page 106

687
   "Tuz les biens qu'il m'ad fait ne purreit nuls nuncier.¹
   Nis s'um les poeit tuz en cent multiplïer,²
   Ne dei jo la dreiture de Deu pur ço laissier;³
   Ne tei ne voil j'en ço, ne autrui, esparnier,⁴
3435 Ne a l'angele del ciel, s'en ço voleit pechier.
688
   "E se nuls m'araisneit de ço, tost li dirreie:⁵
   "Fui d'ici, Satanas; ta buche Deu reneie."⁶
   Ja Damnedeu ne place que si hors del sens seie⁷
   Que del cors Jesu Crist marcheanz estre deie,⁸
3440 Ne mis sire li reis seit pris en cele veie.
689
   "Quant fui fait arcevesques e Deu m'i aleva,
   Tu diz que li regnez encontre ço cria
   E la mere le rei le desamonesta,
   Saint' iglise, tant cum li lut, en suspira:⁹
3445 Nel desdist pas li regnes, ainceis m'i apela.
690
   "Se la mere le rei le voleit desturber,
   Nel fist pas en apert, n'avant nel fist mustrer;¹⁰
   N'en oï saint' iglise fors sul cels suspirer
   Qui a l'onur tendirent, quant n'i porent entrer.
3450 Unches puis ne finerent de mei al rei mesler. [f.38v]
691
   "Puet cel estre qu'ensi se voleient vengier¹¹
   De mei, quant lur curage ne porent avancier.
   Unkes puis ne finerent de mei contralïer;
   De la descorde sunt autor e conseillier. ¹²
3455 Vuai celui par ki vient escanles d'encunbrier!¹³
692
   "Maint engin pur mei nuire sovent avant mis unt;
   Mais la force Deu est plus fort que il ne sunt,
   Qui en cest degré m'a alevé ça amunt.
   E Deus, qui est justise, me comande e sumunt
3460 Qu'ariere dos nel mete pur rien qui seit el munt.
693
   "Ne me tairai de ço que tu vols enpeirier
   Ma cause, e vols le rei einsi justefïer.¹⁴
   Diz qu'il est tuzdis prez, e fu, de l'adrescier:¹⁵
   Quel adrescement est de tuzdis enpeirier,
3465 E qu'a nul' amendance ne volt hum repairier?¹⁶

[1] nuls numer [H] 107
[2] om. tuz [H] 107
[3] Ne deie [P] les dreitures [B] 107
[4] j gratté [P] n'autrui [B] 107
[5] E (gratté) se n. m'arreisuneit [P] m'araisune [H] 107
[6] te reneie [H] 107
[7] Damdeu [B] 107
[8] marchanz [B] ( [H W] 107
[9] de t. cum pout [B] i. le lut tant e en s. [H] 107
[10] volt m. [H] 107
[11] cel effacé [P] 107
[12] entur de c. [B] entur e c. [H] 107
[13] escunbrier [B] esc. corr. en enc. [P] 107
[14] Ma c. envers le r. [H] v. issi le rei [P W] justisier [H P] 107
[15] Dit [B H] 107
[16] ne v. ainc r. [B] n'i veit h. r. [H] 107

Page 107

694
   "Innocens, orphenins, vedves veiz essillier,¹
   Ceaus qui culpes n'i unt hors del païs chacier,
   E maint tolir le lur e forment laidengier,²
   Enprisuner mes hummes e tenir e lïer,
3470 E esseillier les clers, e ne lur vols aidier.³
695
   "Tu veiz tu mere iglise e rober e tolir⁴
   Biens e possessiuns, ne la vols maintenir;
   E mei, qui sui tis peres, qui tu ne deiz faillir,⁵
   Espees pur ma mort desur mun chief tenir,
3475 Qu'a grant paine escapai: ainc n'en volsis fremir.⁶
696
   "Mais encore fais pis e mult greignur mesprise,
   Qu'od cels qui mal me quierent as vers mei guerre prise,
   Encontre Damnedeu e encontre s'iglise.⁷
   Mais a celé le fais e en coverte guise;⁸
3480 Tu n'en as nule hunte, ariere dos l'as mise. [f.38v]
697
   "Est dunc adrescement de neent restorer,
   Tut adesseement e pis e pis ovrer?⁹
   Mais le contraire vols, puet cel estre, noter,¹⁰
   Que servir as feluns a gré, c'est amender:¹¹
3485 Ainceis est ses saetes de sanc juste enivrer.
698
   "Mais bien me puez respondre la verité provee:
   Guarder vols ta cotele, pur ço n'as puint d'espee.
   N'iert owan, se tu puez, pur espee donee;
   Ne faiz cum fist saint Piere, qui dona la colee,¹²
3490 Al serf al prince aveit l'une oreille coupee.¹³
699
   "Tu diz que li reis est tuz prez de l'adrescier¹⁴
   Al jugement del regne: ne m'i voil apuier.
   De la volenté Deu ne purreit nuls jugier.
   Des terrïenes choses puet l'um a dreit plaidier,
3495 Mais les devines choses covient a Deu laissier.

[1] v. veez [P] 108
[2] A maint [H] 108
[3] Et les clers e. [P] om. e [H] 108
[4] Tu vols [B H] a ta mere e r. e t. [B] 108
[5] qui ne me d. f. [B] 108
[6] ne volsis [H] 108
[7] E. D. encuntre seint'i. [H] et cuntre seinte e. [W] 108
[8] a celee [B H] 108
[9] om. le premier e [P] 108
[10] i veuls p. ço e. [P] 108
[11] ço est [B] ( [P] ) le pronom om. [H] 108
[12] Ne f. pas cum s. P. [B] 108
[13] le p. [H W] 108
[14] de adrecier [H P] 108

Page 108

700
   "Bien devreies le rei adès amonester
   Qu'entendist a la pes saint' iglise guarder,
   Tut ço qu'a lui n'apent laissast del tut ester,
   E les proveires Deu pensast mult d'onurer;¹
3500 Ne deit pas qui il sunt, mais ki sunt, esguarder.²
701
   "Des dous que j'ai, ço diz, des cristïens sevré³
   A tort - mais tut a dreit! - as meü le pensé:
   Car qui veit le bordel sun veisin alumé,
   Il ad poür del suen. La meie volenté,
3505 De ço meüz sereies u tu n'as bien esté.⁴
702
   "Ço sace bien li reis, e tu li deiz mustrer,
   Que cil qui puet les angles e hummes guverner
   Dous poestez suz sei fist en terre ordener:
   Des proveires est l'une; a Deu deit minestrer;
3510 Cil sunt espirital, um les deit honurer. [f.39r]
703
   "Des princes en est l'altre; del tut sunt terrïen.⁵
   Seignur les unt sur els, e nostre e alïen.⁶
   Cremir deivent lur princes paien e cristïen.⁷
   Qui tout a nul des ordres rien del dreit ancïen
3515 L'ordenement desfait al rei celestïen.
704
   "Honurer cels ne deit li reis pas desdeignier⁸
   Qui Deus es sainz escriz volt pur Deus denuncier.⁹
   Deus les apele Deu, ço trovum el psaltier.¹⁰
   Le prophete fist Deus sur Pharaun drecier;¹¹
3520 Nis mesparler des clers rove Deus a laissier.
705
   "Un Gïeu qui aveit per Möysen juré¹²
   Aveit um as proveires pur cel pechié mené.¹³
   "Amenez le as Deus", fait li reis de bunté.¹⁴
   De Deu sunt li proveire Deu dit e apelé,
3525 Car sur les genz sunt mis el liu Deu e sacré.

[1] E des p. D. [H P] 109
[2] m. a cui s. garder (corr. de esgarder a aj. en interligne) [P] 109
[3] De d. [B W] Les ... de c. s. [H] 109
[4] mielz s. [B] est (aj.) mielz s. [P] 109
[5] Les p. [H] 109
[6] sur est [B] s. els n. [P W] 109
[7] Cremeir [P W] 109
[8] d. pas li r. d. [B] D'onorer ne d. pas li r. cels d. [P] 109
[9] e s. e. [B H] 109
[10] D. les a. cels [H] 109
[11] Li p. [H] 109
[12] E un [B] M. uré [H] 109
[13] cel mesfet [P] 109
[14] A. lei [H W] #dans [P] 109

Page 109

706
   "Ne puet li reis de cels faire nul jugement
   Ki lui deivent e poent jugier veraiement.¹
   Les levres del proveire sunt guarde d'escïent.²
   "Li prestre est angeles Deu, ço dit Pols, qui ne ment;³
3530 "Nus jugerum les angeles, les genz meesmement."
707
   "A prince terrïen ne volt ainc Deus baillier
   Les clefs del ciel, qui poent lïer e deslïer,⁴
   Mais as ordenez fait sa poesté traitier.
   Bien devreies al rei mustrer e esclarier
3535 L'ovraigne Costentin, qu'um deit mult eshalcier.
708
   "Al rei Constentin furent li proveire encusé,
   E del crime l'en furent li escrit aporté,
   E devant li en furent li proveire amené.⁵
   Veant els ad l'escrit el feu ardant geté.
3540 "N'estes par mei, fait il, ne jugié ne dampné.⁶ [f.39v]
709
   "Vus estes Deu. Jugiez voz plaiz si cum vus place;
   "Nest pas dreiz que nuls huem de Deu jugement face."
   Cil fu bons emperere; Deus li duna sa grace,⁷
   Saint' iglise l'eshauce; il veit Deu face a face.
3545 Li reis devreit ensivre e ses mors e sa trace.
710
   "De la manace Deu puet altrement fremir:
   "Qui qu'unques s'orguelist que il ne volt oïr
   "Sun proveire e sun juge, lui estuvra murir."
   A ço fait Deus le rei sur le regne establir⁸
3550 Qu'il deit la peis que Deus nus tramet, maintenir.⁹
711
   "Altrement ne puet pas li reis aveir salu,
   Pur tute sa grant force ne pur sa grant vertu,
   Nis se tuit li regne erent par li sul maintenu.¹⁰
   E ço que j'ai a tei par cest brief respundu,
3555 Ai jo dit a tuz cels qui sunt od tei tenu.¹¹

[1] poeient [H] (puent [P] 110
[2] de p. [B] des proveires [H] 110
[3] Li prestres [B] ( [H W] ) ço dist [H W] 110
[4] quil p. [B H] poeient [H] (puent [P] 110
[5] om. en [B H] p. mené [P] 110
[6] N'est [B] 110
[7] grant grace [H W] 110
[8] A ceo a fet D. [H] A ço ad fet D. rei (le gratté) [P] 110
[9] Que il [B] 110
[10] tut li regne ert [P] pur lui [H] 110
[11] od tei sunt t. [P] 110

Page 110

712
   "Or vus pri e requier, freres, par igal guise¹
   Qu'entre nus n'ait envie, descorde ne faintise,²
   Mais en nus seit en Deu uns quers, un' aneme asise.³
   Oiuns Deu, qui nus rove a murir pur justise.
3560 Pur nus ad la bataille vers noz enemis prise.⁴
713
   "Frere, n'ublions pas cel verai jugeür.
   Quant vendrunt devant li e juste e pecheür,⁵
   A la fin de cest siecle e al deerain jur,⁶
   Il jugera le munt; ja n'i avra poür
3565 Ne de rei ne de prince ne de halt emperur."⁷
714
   Tels letres enveierent al saint humme ultre mer⁸
   Li prelat qui deveient saint' iglise tenser.⁹
   Les custumes del regne voleient alever
   En sainte mere iglise. Mais li saintisme ber
3570 S'en conbati adès, e pur li delivrer.¹⁰ [f.40r]
715
   Custume n'est pas dreiz, bien le poëz veeir.
   Kar chascuns riches hum qui Deu ne volt cremeir, .
   Alieve sur sa gent custume a sun voleir.
   Une custume ad ci, la en vei altre aveir.¹¹
3575 Mais Deus n'aime custume, mes fundement de veir.¹²
716
   E mult par est la vie del chaitif humme brieve;¹³
   Or est chalz, or est freiz, cume cele eve tieve.
   Pur ço fait grant pechié cil qui custume alieve¹⁴
   Dunt nuls huem ad damage u ki nul humme grieve:¹⁵
3580 Kar nel puet pas oster la u li quers li crieve.¹⁶
717
   Se li reis Henris volt les custumes aveir¹⁷
   Qu'orent si ancesur, or voil dunches saveir¹⁸
   Lesqueles il volt mielz en sun regne aseeir:¹⁹
   U celes al Rus Rei, ki ot poi de saveir,
3585 U al Viel rei Henri, ki fu de grant poeir.²⁰
718
   Li Rus Reis ne laissa as iglises neent;²¹
   Les rentes en perneit, l'aveir, l'or et l'argent,²²
   E les clers raemeit. Deus en prist vengement:
   Al berser fu ocis e fina malement;²³
3590 Li cors en est purriz e l'aneme est en turment.²⁴

[1] ital (d'abord igal) g. [P] 111
[2] e. vus [P] 111
[3] M.en un [H] vus [P] 111
[4] pur noz e. p. [H] 111
[5] om. le premier e [H] 111
[6] derain [B P] 111
[7] #Dans [P] 111
[8] Cels l. enveia li s. h. (résultat d'une correction) [P] enveient al s. ultre la m. [B] 111
[9] As prelaz (correction) [P] 111
[10] Se c. [B] 111
[11] la vei tut' a. a. [B] la vei autre a. [H] (grattage après vei [P] 111
[12] M. D. n'est pas c. [P W] 111
[13] A ... grieve [B] Ahi cum est la v. [P] 111
[14] om. cil [H] 111
[15] om. huem [H] u a nul h. [B] ne qui [P W] 111
[16] ne l'en puet o. [P] ne pot o. [W] 111
[17] ses c. [B] 111
[18] primes s. [P W] 111
[19] Lesquels (Lesqueles [H] ) leis [B H] 111
[20] U celes al rei H. [H] Ou leis (les [W] ) le rei H. [P W] 111
[21] ne leissout [P W] 111
[22] l'or l'aveir [B] 111
[23] A b. [P W] 111
[24] om. e [H P] 111

Page 111

719
   E se li reis Henris ad sa custume enprise,¹
   E voille guerreier e clers e saint' iglise,²
   Ainz qu'il en sace mot ert la venjance prise.
   Deus ad ja en sun arc, certes, saete mise;³
3595 L'aneme e le cors ocit, fiere est mult sa justise.
720
   Li reis Henris li Vielz les espuses perneit,
   E a lur dreiz espus del tut les defendeit;⁴
   E pur les mues bestes les hummes ocieit,⁵
   E envers saint' iglise mainte feiz mesperneit.
3600 E se sis niés l'ensiut, entre lui e Deu seit!⁶ [f.40v]
721
   Un mult felun proveire, - nel poum pas neier, -
   Fist li Vielz Henris pendre, e pur cels esmaier⁷
   Ki ne voleient pas la malveistié laissier.
   E s'um par mesprisun volt custume afichier,⁸
3605 Males custumes funt, e mal us, a laissier. -⁹
722
   Or mais larrum ici des custumes ester,¹⁰
   E de ces treis prelaz que m'oïstes nummer;
   De lur contienement ne voil or mais parler.¹¹
   Mes del saint arcevesque vus voldrai recunter,¹²
3610 Qui sis anz demura en eissil ultre mer.
723
   Dous anz a Punteigni li sainz hum sujorna.
   Mais a clerc ne a lai sun estre ne mustra;
   Neïs a ses privez, quanque pout, se cela.¹³
   Les eises de sun cors fuï e esluigna,
3615 E el servise Deu jor e nuit se pena.¹⁴
724
   Dunc comença sun cors durement a grever
   E les grosses viandes, chous e nes, a user;¹⁵
   E les bons mes se fist priveement embler,¹⁶
   E sis faiseit as povres en la vile porter.¹⁷
3620 Car si clerc l'en volsissent, sel seüssent, blasmer.¹⁸

[1] p. prise [P] 112
[2] guerreeir [B] 112
[3] certe s. [P] 112
[4] dreit e. [H P] 112
[5] les bestes mues [P W] 112
[6] le siut [H] e. Deu e lui s. [P W] 112
[7] p. clers (aj.) e [P] 112
[8] pur m. [P W] 112
[9] c. sunt [P W] 112
[10] Ore l. [H] Or le l. [P W] 112
[11] E de lur mandemenz n'en voldrai plus p. [P W] ore p. [H] 112
[12] E [P] voil r. [B H] 112
[13] E nis [B] quanqu'il p. [P W] 112
[14] del s. D. [P W] 112
[15] grasses v. [B] 112
[16] om. se [B] Les b. m. devant li fist p. e. [H] E les buenes se f. [P] 112
[17] om. E [H] p. priveement p. [P W] 112
[18] le v. [H] 112

Page 112

725
   Mult sovent le blasmeient que tel vie meneit;¹
   Kar il ert granment fiebles e trop se destraigneit.
   Les testes a ses hummes, ço diseient, coupeit:
   Cacié erent pur lui, e se il lur moreit,
3625 Ja mais en lur païs un sul n'en revendreit.²
726
   Iluec curreit un' ewe de mestier en mestier.
   La se baignout les seirs pur sa char refreidier.
   A Willame de Capes se fist un seir guaitier.
   "Sire, vus nus volez, fait il, les quers trenchier."³
3630 Ainc puis ne l'i mena, quant l'en volt castïer.⁴ [f.41r]
727
   Mais l'une de ses faces idunc li a festri,⁵
   Si que dedenz la buche tresqu'as denz li purri;
   Mult grant enfermeté lungement en suffri.⁶
   Dous osselez l'en traist Willames, sil guari.⁷
3635 Pur ço qu'um le seüst, amentiveir l'oï.⁸
728
   Une nuit quant mult fu penez en oreisun,
   E il fu endormiz, vit en avisiun:⁹
   Entre lui e le rei, quil haï senz raisun,
   Erent devant la pape en plait e en tençun;
3640 Tuit li cardenal erent contre li a bandun.¹⁰
729
   E ço li fu avis voleient li tolir¹¹
   Hors del chief a lur deiz les oilz e effuïr.¹²
   L'apostolies tut suls le voleit maintenir,¹³
   Ki bien cunut sa cause; mais nel poeit oïr,¹⁴
3645 Car lur criz e lur noise l'orent fait enroïr.¹⁵
730
   Al consistorie od lui ne remist nuls hum vis.¹⁶
   Ocisëur felun li furent dunc tramis;¹⁷
   La corune li unt, ço li esteit avis,
   A lur espees rese. - Bien li ad Deus pramis
3650 Qu'il sereit en sa cause pur saint' iglise ocis. -
731
   Uns des convers as monies (ne le m'unt pas nummé)¹⁸
   Out mult esté grevé de grant enfermeté¹⁹
   E out d'idropisie le ventre mult enflé.
   La mere Deu priout e iver e esté
3655 Qu'ele preiast sun fiz qu'il li donast santé.

[1] blamerent [P] 113
[2] uns piez n'en [P W] ne r. [H] 113
[3] les cols t. [P W] 113
[4] le volt [B H] 113
[5] comença (li c. [H] ) a festrir [B H] 113
[6] om. en [H] 113
[7] oisselez [B] en t. W. l'en g. [H] et g. [P] 113
[8] l'i oi [B] Pur ço steient si hume et dolent et mari [P] 113
[9] jut en [P] 113
[10] encontre li [B] 113
[11] om. E [B H] li esteit [B] qu'il li volent (voleient [B] ) t. [B H] 113
[12] A lur d. hors d. ch. ... desfuïr [P W] les o. tut e. [B] affuïr [H] 113
[13] L'a. le volt cuntre tuz m. [P W] 113
[14] Ki c. de sa c. m. n'en p. o. [P] pot [H] 113
[15] Lur c. et lur grant n. [P W] 113
[16] n'i r. [H] 113
[17] Oceisur [B H] 113
[18] a m. [P W] (nel m'u. [H W] 113
[19] esté mult [P] lunge e. [P W] 113

Page 113

732
   Tant requist nuit e jur la mere al creatur¹
   Qu'ele li tramesist santé de sa dolur,
   Qu'a lui vint une nuit la dame de dulçur;
   Dist li que il alast a Thomas senz demur,
3660 Fesist li manïer sun ventre tut entur. [f.41v]
733
   Li freres l'endemain al saint humme en ala,²
   E en sun escritorie, la u il le trova,
   Pur la pitié de Deu tant li quist e preia³
   Que li ber od sa main sun ventre mania;
3665 E cil li traist par tut la main e demena.⁴
734
   A beivre li duna, mais ne sai quei, de fi.⁵
   Guaires ne demura que li freres chaï,
   Venim e pureture, grant merveille, vomi,
   E jut mult lungement. Tuz greilles sus sailli.
3670 Par les mains al saint humme de s'enferté guari.⁶
735
   Mulz malades guari de sun relief demaine.⁷
   La fille a un riche humme en devint tute saine,
   Qui out esté fievrose mainte lunge semaine.
   N'out el païs nul humme si plain de fievre vaine,
3675 Par sun relief n'eüst santé tute certaine.
736
   Mais quant li reis Henris vit bien e entendi
   Qu'il purreit remaneir tuzdis a Punteigni,
   Ne a lui ne as suens nule rien ne failli,
   E li reis Loëwis e Franceis l'unt cheri,
3680 Al plus tost qu'il purra, l'ostera de cel ni.
737
   Custume est ancïene, si l'ai oï cunter,
   Que tuit li blanc abé de ça e de la mer
   Chascun tierz an se solent a Cistaus asembler;
   Car a celui se deivent tuit li altre acliner⁸
3685 E de trestut lur ordre par sun conseil errer.⁹
738
   L'an secunt que li ber icel eissil suffri,
   E qu'il out pres dous anz esté a Punteigni,¹⁰
   Li reis, qui mult le het, ne l'ad mis en obli,¹¹
   Ses briés a cel abé ad tramis, dunt vus di;¹²
3690 Manda lui qu'il retint sun mortel enemi. [f.42r]

[1] jur et n. [P W] 114
[2] om. en [H] 114
[3] li dist [B] 114
[4] E gratté tramist [P] la main par t. [P W] 114
[5] E b. [P] 114
[6] del s. h. [H] 114
[7] Mult [H] Maint [P] Meinz [W] 114
[8] chever [B] achever [H] 114
[9] cel ordre [P W] 114
[10] E k'il ot pres esté dous a. [H] 114
[11] ki m. het [H] 114
[12] tramist dunt jo vus di [P W] 114

Page 114

739
   Iço seüst il bien, e pur veir li mandeit,¹
   Que s'il sun enemi plus lunges reteneit,²
   E se nul recovrier en tut lur ordre avreit,³
   Blancs monies e abez tuz li enveiereit,⁴
3695 K'en trestute sa terre un sul n'en remandreit.⁵
740
   Quant li brief furent lit, oiant tuz, e mustré,
   Tuit li altre chaïrent as piez le grant abé.⁶
   Pur sei e pur tuz ad chascun merci crïé;⁷
   Prient li qu'il ne sueffre que seient deserté,
3700 Ne perdent pur un homme quanqu'il unt laboré.
741
   Ensemble en unt parlé, si unt lur conseil pris:⁸
   Ne sufferunt qu'il seient en si grant perte mis,
   Qu'il perdent lur catels e celles e païs,
   K'um destruie les lius qu'il unt a Deu conquis;
3705 Mielz est k'um en face un que tanz hummes chaitis.⁹
742
   E a lui e as suens volent mielz purchacier
   En altre liu, loinz d'els, quanqu'il aura mestier.¹⁰
   (Jo crei bien que li reis lur out fait denuncier¹¹
   Qu'il les fereit tuz fors de sa terre chacier,
3710 S'il ne faiseient d'els l'arcevesque esluignier.)¹²
743
   Quant li abes Guarins ad cel conseil oï,
   K'um voleit l'arcevesque chacier de Punteigni,
   A l'abé de Cistaus fierement respundi:
   "Par noz ordres, fait il, ne puet pas estre einsi,
3715 Que nus chaçum de nus pur ço le Deu ami.¹³
744
   "Car Alissandre pape le nus ad comandé,
   E il a ja od nus pres de dous anz esté;
   Ne nus aparceümes que fuissum rien grevé,¹⁴
   Pur lui ne pur les suens, ne en vin ne en blé;¹⁵
3720 En altretant de terme n'i out ainc mains guasté.¹⁶ [f.42v]

[1] Ceo [H] E ço [P W] e p. v. idunc li m. [H] 115
[2] e. mortel plus r. [P W] 115
[3] Que il n. r. en sun regne n'a. [B H] (recovrir [P W] aveit [W] 115
[4] enveireit [B] ( [H] 115
[5] N'en trestut sun vivant sun estre n'amereit [B] N'en t. sa t. un pié ne r. [H] 115
[6] al g. a. [H P] 115
[7] 3698-9 interv. [B H] 115
[8] om. en [H] sin u. [P] s'en u. [W] un c. [H] 115
[9] om. en [B H] 115
[10] En a. liu plus loinz [B] avrunt m. [P W] 115
[11] om. bien [P] l'out a toz f. [P W] (l'o. fet a t. [W] ) nuncier [B W] (de- aj. par le corr. [P] 115
[12] ne feïssent [B] l'a. nuntier [H] 115
[13] pur ço de nus [P W] 115
[14] qu'en f. [P] 115
[15] p. ses hummes [B] 115
[16] de tens n'i o. ainz [P W] 115

Page 115

745
   "Pur la cristïenté, qu'il voleit maintenir,¹
   L'a fait li reis Henris fors del païs fuïr.²
   Ne pur el ne fist l'um le nostre ordre establir³
   Fors pur les suffraitus aidier e sustenir;⁴
3725 Ne ne devum cestui pur nule rien faillir."⁵
746
   N'unt pas purquant laissié, pur dan Guarin l'abé,
   Ne facent qu'el commun conseil ourent trové.⁶
   (Kar li abes Guicharz, ki ainz i out esté,⁷
   Ert dunc fait arcevesques de Leons la cité;
3730 Car saint Thomas l'aveit l'apostolie loé.)
747
   Mais l'abes de Cisteaus a saint Thomas manda⁸
   Par dan Guarin l'abé tut ço qu'el brief trova,⁹
   Que li reis les manace qu'il les desertera.
   Or li doinst tel conseil, pur Deu li deprea,¹⁰
3735 Que lur seit profitable e de ça e de la.
748
   A l'arcevesque out um ainceis tut ço mustré,¹¹
   Car si messagier orent a cel capitle esté¹²
   E orent le conseil oï e esculté.¹³
   "Mult sereit grant pechié, fait il dunc a l'abé,
3740 Se tant produme esteient pur mei sul deserté.¹⁴
749
   "Mais li pius Jesu Crist vus sace gré des biens
   Que vus e li vostre unt fait a mei e as miens.
   En viande e en dras unc ne nus failli riens.
   Deus me conseillera, qui tuzdis m'est prochiens,¹⁵
3745 Qui l'orguillus abat, le povre oste des fiens.
750
   "Sire, fet li li abes, ne vus en cureciez.¹⁶
   Ja pur cest mandement n'en serez esluiniez¹⁷
   Ke vus e tut li vostre a grant plenté n'aiez¹⁸
   Kanke mestier vus est, mielz k'ainz ne solïez.
3750 - Gré, fet il, vus en sace la divine pitiez."¹⁹
751
   Al rei de France ad un cel afaire mustré,²⁰
   Coment li reis l'aveit de Punteigni osté.
   Quant li reis l'ad oï, Deu en ad mercïé;²¹
   Or dunra l'arcevesque, s'il l'a en volenté,²²
3755 Ço qu'il li out sovent offert e presenté. [f.43r]

[1] deveit m. [P] 116
[2] Le fait [B] 116
[3] hum nostre o. [H] ne fu fez n. ordres e. [P W] 116
[4] e maintenir [H] 116
[5] Nus ne [H] Ne devum a c. [P W] 116
[6] Ne (N'en [H] ) firent [B H] 116
[7] Guarins [B H] 116
[8] om. Mais [H] 116
[9] k'es briés [H] 116
[10] lur doinst [H] 116
[11] A l'a. l'aveit hum tut anceis m. [H] 116
[12] m. erent [H] 116
[13] tut le c. [H] 116
[14] Se p. e. pur m. deserité [H] 116
[15] D. me durra asez [H] 116
[16] f. li abes [H P] 116
[17] ne serez e. [H W] 116
[18] om. a [H] 116
[19] d. pietez [P] 116
[20] l'a dunc c. a. [H] 116
[21] E ke li covendra prendre e si l'a en pensé [H] 116
[22] K'ore ... si l'ad [H] sin a la v. [P W] 116

Page 116

752
   Car quant il fu de primes d'Engleterre fuitis,
   Li reis de France l'a soventefeiz requis,
   E par li e par autres, par clers e par amis,
   Qu'entur lui remansist el regne saint Denis;
3760 De quanqu'avreit mestier ne sereit point mendis.¹
753
   Mais les offres le rei n'a il dunkes pas pris,
   Car il cremi forment que li fiers reis Henris²
   Ne desist qu'il se fust e alïez e mis,
   Tut pur li guerreier, od le rei Loëwis.³
3765 Mais de ses offres prendre ne sera mais eschis.
754
   Quant ot li reis de France qu'ensi l'en chacerunt,⁴
   Or le purra aveir, juint ses mains contremunt;⁵
   Deu en a mercïé, qui guverne le mund.
   "Jo crei, fait il, encore que angeles meskerrunt."⁶
3770 Pur les monies le dist, ki ensi ovré unt.
755
   Mais li reis Loëwis sur sun cheval munta,⁷
   Prist ses hummes od li, a Punteigni ala.⁸
   Od le saint arcevesque dedenz capitle entra.
   L'abé e tuz les monies durement mercia
3775 Del honur que li ber entur els trové a.⁹
756
   Car mult unt fait, ço dit, a France grant honur
   De ço k'unt receté entr'els cel bon seignur.¹⁰
   Ne volt des ore mais qu'il aient la haür
   Del rei Henri, quis volt deserter pur s'amur;
3780 Or volt qu'il ait od lui des ore le sujur.
757
   E dit qu'il le voldra a Sanz od sei mener;
   Quanque mestier li ert li fera tut trover,¹¹
   E a lui e as suens, quanqu'il devront user.¹²
   Quant li seignur oïrent qu'il s'en deveit aler,¹³
3785 De pitié comencierent tut li plus a plurer. [f.43v]

[1] 117
[2] om. fiers [H] 117
[3] T. p. le rei g. [H] 117
[4] le ch. [B] l'en chacereit [H] 117
[5] E sil p. a. [B] 117
[6] qu'a. me cherirunt [B] 117
[7] ses chevals [H] les ch. [P] 117
[8] (Pris [H] ) Puteigni [B] 117
[9] entr'els [H] trovæ (a changé en e) [B] 117
[10] od e. le b. s. [B] 117
[11] li fust li fereit trover [H] 117
[12] voldra u. [B] 117
[13] virent k'il s'en durent [H] devreit [B] 117

Page 117

758
   Dunc fist li reis a Sanz ses homes enveier
   Tresqu'a Sainte Columbe, e fist apareillier¹
   Maisuns u li sainz huem se peüst herbergier.
   Dunc furent apelé sergant e buteilier,²
3790 Que del suen li trovassent kank'il avreit mestier.³
759
   Quant li reis Loëwis fu bien aseürez
   Qu'il avreit l'arcevesque, en France est returnez.⁴
   E l'arcevesques s'est de sun eire aprestez.
   A Sainte Columbe est od sa maisnie alez.
3795 Tant cum il fu od els, mult i fu honurez.
760
   De Sainte Columbe est juste Sanz l'abeïe,⁵
   Qui de neirs monies est e faite e establie.
   Quatre anz i fu li ber, qui en Deu sul s'afie.⁶
   N'a empeirié de rien ne ses murs ne sa vie.
3800 A l'abé e as monies plut mult sa conpaignie. -
761
   Quant veit li reis Henris qu'il purra remaneir
   Od le rei Loëwis, qui tut sun estuveir
   Li trova, e as suens, de sun demeine aveir,⁷
   El quer en fu dolenz, jel vus di tut pur veir.
3805 N'i remaindra, s'il puet. Tut i mist sun poeir.⁸
762
   Dunc fist sun fil Henri en France al rei aler,⁹
   E hume al fiz le rei devint, cumme sis ber,
   Que il tendreit de lui la terre d'ultre mer.¹⁰
   Dunc veïssez entr'els les beaubelez duner¹¹
3810 E les chiens enveier e les oisaus porter.¹²
763
   E as baruns de France duna tant reis Henris
   Que par granment doner les fist tuz ses amis,¹³
   E tut quida aveir le conseil del païs.
   Dunc unt entr'els li rei un parlement asis,
3815 Qui fu a Saint Legier en Iveline pris.¹⁴ [f.44r]
764
   Iluekes sunt andui lïé e ajusté
   Qu'il serunt mais amis en estabilité;
   E d'ambes parz i furent li serement juré¹⁵
   Que nul d'els ne tendreit des ore en sun regné
3820 Nul enemi a l'altre. Dunc s'en sunt returné.¹⁶

[1] Tresque a S. Colube [B] 118
[2] E comanda a cels qui l'orent a baillier [B] 118
[3] Q. tut ço li t. dunt il [B] avra m. [P W] 118
[4] est repairez [H] 118
[5] A S. [B H] Colube [B] 118
[6] en sul D. [P W] 118
[7] Li trove [H] 118
[8] N'il r. [H] 118
[9] D. f. li reis Henris sun fiz en France a. [H] om. Henri [P] al rei de France a. [P W] 118
[10] E k'il tendreit [H] 118
[11] ses b. [H] 118
[12] les ch. amener [H] 118
[13] Qui [P] 118
[14] Uweline [P] 118
[15] en furent [P W] 118
[16] se s. [B H] 118

Page 118

765
   Un altre parlement unt a Turs purparlé;
   Mais n'i sunt pas Franceis a cele feiz alé.¹
   Car al rei Loëwis fu pur ço desloé
   Qu'il n'aveit el païs castel ne fermeté;
3825 Ne sorent que li reis d'Engleterre ot pensé.²
766
   Dunc l'a li reis Henris de covent apelé;
   Dit que ne li tint pas ço qu'il li out juré,³
   Sun enemi mortel quant tant l'a receté,⁴
   Felun e traïtur de trestut sun regné.⁵
3830 Li reis dit que d'iço n'i out ainc mot soné,⁶
767
   Ne que li arcevesques n'i fu amenteüz,⁷
   E qu'il li out tresbien ses covenanz tenuz;⁸
   Mais se de felunie fust nuls huem convencuz,⁹
   E par jugement fust de sun païs eissuz,¹⁰
3835 Qu'en nul liu de lur terres ne sereit retenuz.
768
   Quant l'arcevesques ot que chacier le voldra¹¹
   Li reis Henris, de France, e que tant s'en pena,¹²
   Ses briés ad fait escrire, e puis si li manda¹³
   Que pur neent s'en peine: ja pain ne li toldra;¹⁴
3840 Deus l'en durra asez, qui ja ne li faldra.¹⁵
769
   Car uns huem vint a li qui mult le conforta,
   Qui tut sun estuveir, ço dit, li trovera,
   E a vint homes plus encore qu'il n'en a.¹⁶
   E cinc cenz livres ultre de deniers li durra,
3845 Dunt ses altres busoines privees furnira.¹⁷ [f.44v]
770
   Uns altres li pramist altresi grant honur,
   Que ja ne li falsist pur nul humme a nul jur.¹⁸
   N'il ne cremi les reis, l'Engleis ne le Francur,¹⁹
   Aleman ne Tïeis, ne duc n'empereür.
3850 Mais li buens reis de France le retint a sujur.

[1] pas n'i sunt [P W] 119
[2] Ne li reis Henris of idunc em pensé [H] 119
[3] Dit li que [B] 119
[4] q. l'aveit r. [H] q. tint a reseé [P] 119
[5] t. le r. [P W] 119
[6] Lowis d. [H] n'i o. un m. [H W] unc n'i out m. [P] 119
[7] E que [B] om. que [H] 119
[8] li aveit bien [B] E tut ses c. li ot t. t. [H] 119
[9] comeüz [H] 119
[10] fust par j. [P W] 119
[11] l'arcevesque oï [B] oijt [P] 119
[12] om. Henris [H] 119
[13] Les b. [B] 119
[14] Pur n. se penereit [H] 119
[15] ja pain ne li f. [H P] 119
[16] ne mena [B] 119
[17] Dunt il en purra faire tut ço que li plerra [B] privement fera [H] 119
[18] Qui [P W] faudreit [B] 119
[19] N'il ne crient le rei e. ne le rei f. [H] ne Franchur [P] 119

Page 119

771
   Par un jur quant mult fu penez en oreisun¹
   E par devant l'autel jut en afflictiun,
   Cum il esteit a us, od grant devotiun, ²
   S'aparut Deus a lui en veire mustreisun,
3855 Si l'apela dous feiz Thomas, par sun dreit nun.
772
   "En tun sanc, fist li il, m'iglise eshauceras.
   - Qui es, Sire, fait il, qui ci visité m'as?³
   - Jo sui Jesu, tis frere. Tu glorifieras
   M'iglise par tun sanc, e eshaucié seras.⁴
3860 - Einsi iert a mun voil", ço respondi Thomas.⁵
773
   E a Sainte Columbe un' autre feiz sunga,⁶
   Sil me mustra pur veir cil qui il le conta:⁷
   En consistorie estut en plait, ço li sembla,⁸
   E encontre le rei d'Engleterre plaida,
3865 E li reis durement en cause le greva.⁹
774
   Hylaires de Cicestre le greva durement,
   Gilebert Foliot de Lundres ensement;
   Li cardenal se tindrent al rei communement,
   Si qu'en tute la curt n'out nul maintienement,
3870 Fors de pape Alissandre, kil maintint sulement.¹⁰
775
   Mais tant cria vers els, il vers li altresi,
   Que tuz fu enroez de la noise e del cri.
   Hylaires de Cicestre en la cause amuï;¹¹
   A l'evesque de Lundres tute la char purri,
3875 Que par menues pieces tuz sis cors dechaï.¹² [f.45r]
776
   Dunc fist saint Thomas prendre li reis senz nul demur¹³
   E escorchier le chief a cutaus tut entur.¹⁴
   Mais li ber n'i senteit anguisse ne dolur;¹⁵
   E pur ço qu'il s'en rist, fu li reis en irur.
3880 E li sainz s'esveilla, qui fu en esfreür.¹⁶
777
   En la cause veïmes l'apostolie afeblir,¹⁷
   Qu'il ne pout l'arcevesque contre tuz maintenir;
   Hylaire de Cicestre veïmes amuïr
   E repentir del mal qu'il out fait al martir.
3885 Or se guart cil de Lundres, ne vienge al dechaïr!

[1] Car [H] 120
[2] om. il [P] 120
[3] ci revisité [H] 120
[4] e tu e. seras [H] 120
[5] A m. voil i. einsi [B] 120
[6] om. E [B] 120
[7] cil k'il le c. [H] 120
[8] El c. [H P] c. esteit [P W] 120
[9] en sa c. durement le g. [H] d. en sa c. [P] 120
[10] Fors la p. [B] 120
[11] c. annui [H] 120
[12] om. menues [P] 120
[13] D. f. li reis prendre s. Thomas s. d. [H W] 120
[14] sun chief de c. [H] 120
[15] ne s. [H P] 120
[16] qu'il fu [B] s'e. idunc en e. [P W] 120
[17] afeblebir [B] 120

Page 120

778
   Mais jo quit dire veir de cele decaance:
   Petit e petit est venuz a repentance;
   E ço est de la char par parz l'amenuissance.
   Mais guart sei qu'il en face la pleniere amendance;¹
3890 Altrement en prendra Deus la dreite vengance.
779
   Li sainz huem fu sis anz en estrange contree.
   Mult aveit dure vie e sufferte e menee;²
   Neïs a ses privez l'aveit il mult celee.³
   Poi i ot, e des lais e de la gent letree,⁴
3895 Fors sul treis, ki il ait sa vie demustree.⁵
780
   Li sainz huem ne fist mie ses servanz esveillier⁶
   Al main a sun lever, n'al vestir n'al chalcier.⁷
   A sun premier labur en alout al mustier,
   Honestement faiseit le Damnedeu mestier;⁸
3900 Cel ne voleit il pas pur altre rien laissier.⁹
781
   Entur midi chantout sa messe chascun jur;
   Del tut ert ententifs a servir sun Seignur.¹⁰
   Tut le plus del jur ert en un suen oratur,¹¹
   Dedenz une chambrete, u faiseit sun labur.
3905 E fermout l'uis sur sei. Mes n'ert pas a sujur. [f.45v]
782
   Quant ert entré laenz, dunc jut en oreisun¹²
   E en plur e en lermes e en afflictiun.¹³
   Ne sout nul la maniere de sun mal, se Deu nun,¹⁴
   Que il faiseit al cors, ne de la passiun.
3910 Del tut esteit li bers en contemplatiun.
783
   De cele chambre isseit a ure de mangier,
   Ne mie pur sun cors emplir ne encreissier,¹⁵
   Mais pur ço qu'il voleit sa maisnie haitier,
   Les povres fameillus veeir e aaisier.¹⁶
3915 Car sun estre voleit e covrir e muscier.¹⁷
784
   Le meillur vin usout que il trover poeit,¹⁸
   Mais pur le freit ventrail eschaufer le beveit;¹⁹
   Car le ventrail aveit, e le cors, forment freit.
   E gingibre e girofre a puignies mangeit;²⁰
3920 Nepurquant tut adès l'euve od le vin medleit.

[1] sei quei il en [P] 121
[2] Et m. ad [P W] suffreite m. [P] 121
[3] E nis [B] 121
[4] 3894-5 Ne il ne dormi mie mult lunge matinee Ainz leveit chascun jur tut dreit a l'ainzjornee [B] 121
[5] a ki il ait [H] 121
[6] s. serganz [P W] 121
[7] al vestir [H] n'al chugier [B] 121
[8] U justement f. [H] 121
[9] n'i v. [P] ne volt [H] 121
[10] a sevir [P] 121
[11] ert del j. en un sun o. [H] en sun o. [P] 121
[12] tut ert en o. [H] 121
[13] En p. [H] 121
[14] del mal [H] 121
[15] e. et e. [P W] 121
[16] aisier [B H] heiser [P] 121
[17] Mais [B] om. le premier e [H] 121
[18] Del m. v. u. que l'um t. p. [B] 121
[19] eschaffé le b. [P] e. le feseit [H] 121
[20] G. et mult g. pur eschalfer m. [P W] 121

Page 121

785
   E quant levez esteit li sainz huem de la table,
   N'aveit cure d'oïr de chançun ne de fable¹
   Ne de nul' altre chose, s'ele ne fust verable.²
   Mielz ameit a oïr del rei espiritable
3925 E guarder as escriz qui erent parmenable.³
786
   Quant veneit que li jurs ert en la nuit plungiez,⁴
   E li liz saint Thomas esteit apareilliez,
   Desus un chaelit qui tut esteit quiriez,
   D'une cuilte purpointe, d'un poi d'estraim junchiez,
3930 E de chiers linges dras e blancs e delïez.⁵
787
   Dunc ert en oreisun l'arcevesque Thomas
   E en afflictiun, tant qu'il esteit tut las;
   E a la nue terre se culchout en ses dras⁶
   Que il aveit le jur; ne changout altres pas.⁷
3935 Ne cunurent sa vie ne li halt ne li bas.⁸ [f.46r]
788
   D'aspre haire aveit braies, de peil de chievre gros;⁹
   D'un' altre haire aveit trestut sun cors enclos,¹⁰
   E les braz e les chutes e le ventre e le dos.
   La vermine i esteit a torkes e a tors,¹¹
3940 Qui ne laissout aveir a sa char nul repos.
789
   Encor faiseit il plus al cors mal endurer:
   Chascune nuit faiseit sa char discipliner,
   As curgies trenchanz e batre e descirer.¹²
   Robert de Meretune en sot le veir cunter,¹³
3945 Qui saint' obedïence n'en osout trespasser.
790
   Robert de Meretune sis chapelains esteit.
   Mult li esteit privez; en sa chambre giseit.
   Mais quant vint a la mort, e vit le grant destreit,
   Dunc a primes gehi; car afïé l'aveit¹⁴
3950 Qu'en trestut sun vivant sun estre ne dirreit.

[1] a oïr [B] 122
[2] om. de [B] 122
[3] des e. [P] (es [H] 122
[4] j. fu [H] 122
[5] d. de blancs [H] 122
[6] A la ... ces d. [H] 122
[7] n'i ch. [P] 122
[8] Tant qu'il oeit del saint u l'apel u le glas [B] 122
[9] E a. h. aveit de p. [B] (brais [H P] 122
[10] tut sun c. [P] 122
[11] a toches bien ferm tors [H] (a tros [W] 122
[12] E a verges t. [B] om. le second e [P] 122
[13] en pot le [B] 122
[14] a. aveit [P W] (#dans [W] 122

Page 122

791
   Quant Robert ert culchiez, e deüst reposer,¹
   Tantes afflictiuns, ço dist, perneit li ber,
   Bien le tierz de la nuit ne voleit il cesser;²
   Dunc veneit a Robert e sil faiseit lever,
3955 Baillout lui les curgies a lui discipliner.³
792
   Quant tant l'aveit batu qu'il esteit tut lassez⁴
   E de pitié conpunz, d'anguisse tresuez,
   Getout jus les curgies od tuz les chiefs nuez.⁵
   "Chaitif, faiseit il dunc, pur quei fui unches nez?⁶
3960 De tuz les chaitifs sui li plus mal eürez."⁷
793
   Mais quant li chapelains s'esteit alez culchier,⁸
   Sainz Thomas nel voleit encor a tant laissier:⁹
   Il meïmes perneit sun cors a depescier,¹⁰
   A l'une de ses mains sa char a detrengier.¹¹
3965 Poi li fu de la char, tant out le quer entier.¹² [f.46v]
794
   E cil Roberz gehi, quant dut estre confès,¹³
   Puis que li sainz reçut del sacrement le fes,
   K'ainc puis ne fu un jur u nuit qu'il eüst pes,¹⁴
   Que il ne fust batuz cinc feiz u quatre adès,¹⁵
3970 U treis a tut le mains; n'en volt aveir relès.¹⁶
795
   Tele vie mena li huem Nostre Seignur.¹⁷
   Mais rebainnez esteit al quarantisme jur;¹⁸
   Sa haire remuot pur vers e pur suur,¹⁹
   Un' altre reperneit, qu'il out mis en sujur.²⁰
3975 Pur Deu suffri adès e mesaisse e dolur.²¹
796
   Tele vie mena li sainz huem e suffri,
   N'a nul humme suz ciel nel mustra ne gehi,²²
   Fors a Brun sun vaslet, si cum dire l'oï,²³
   Qui ses haires lava e de ço le servi,²⁴
3980 E Robert sun proveire, qui les nuiz le bati. -²⁵
797
   Mais li honurez reis de France, Loëwis,
   Endementieres s'est durement entremis
   Que il fesist le rei e saint Thomas amis.²⁶
   L'apostolies i ad sovent ses briefs tramis
3985 As concilies qu'il unt de l'acorde entre els pris.²⁷

[1] e se dut r . [H] 123
[2] B. tierce part la n. [H] ne voleit c. [H P] 123
[3] les verges a sei [H] les curges [P] 123
[4] om. tut [H] t. laissiez [P] 123
[5] od tut les ch. [B] ( [H] 123
[6] om. quei [P] 123
[7] De t. chaitis sui jeo [H] 123
[8] E q. [B] esteit a. [B H] 123
[9] ne voleit [B H] 123
[10] Car il m. [B] 123
[11] A une [H W] 123
[12] fu del cors [H] 123
[13] Icil R. [H] 123
[14] K'a. p. ne jor ne n. ne fust [H] om. K' [P W] 123
[15] K'il ne fu b. [H W] 123
[16] ne v. [H] 123
[17] Tel v. demena [P W] 123
[18] M. bainiez [H] 123
[19] h. remuez [H] 123
[20] Et reperneit un' a. ... a s. [P W] 123
[21] suffreit [P] om. le premier e [H W] 123
[22] A nul [H] 123
[23] ki de ceo le servi [H] 123
[24] Car ... si cum dire l'oï [H] 123
[25] E a Roberz [H] 123
[26] e l'arcevesque a. [P W] 123
[27] de concorde [H] 123

Page 123

798
   Un parlement dut estre a Punteise asemblez.¹
   Tresqu'a Paris en est l'apostolies alez;
   L'arcevesques i fu, pur qui fu purparlez.²
   Mais quant li reis Henris en fu bien acertez³
3990 Que la pape i sereit, ariere est returnez.
799
   En Nujem le Rotrout out un parlement pris⁴
   Entre le rei Henri e le rei Loëwis;
   Pur sa besuigne faire l'out pris li reis Henris.
   L'arcevesque i mena li reis de Saint Denis,
3995 Qu'il feïst, s'il peüst, lui e le rei amis. [f.47r]
800
   Mais li reis d'Engleterre n'out suing de l'acorder;
   Preia le rei de France qu'il l'en laissast ester
   De Thomas l'arcevesque, qu'il n'en volsist parler,⁵
   E il li frea tut quanqu'il volt demander.⁶
4000 "E jel larrai tresbien, fait Loëwis li ber.
801
   "Jo ne sui pas de lui ne des suens anuiez,
   E de lui retenir sui je tut aaisiez;⁷
   Car de sun grant sens est mis regnes enhauciez,⁸
   Li vostres suffreitus e forment enpeiriez:
4005 Greignur mestier que jo certes en avrïez."⁹
802
   Quant vint a l'arcevesque li gentilz reis de France,
   Fait il: "De vostre acorde n'avrai ja mes fiance;
   Mais ainceis en oi jo tut adès esperance.¹⁰
   Car al rei d'Engleterre truis jo si grant bobance¹¹
4010 Qu'il ne m'en volt oïr, n'en conseil n'en oiance.¹²
803
   "Alcune feiz vus ai e preié e requis¹³
   Que vus remansissiez el regne saint Denis;
   Or vus abandoins jo mun regne e mun païs,
   Estampes e Orliens e Chartres e Paris:¹⁴
4015 Del mien e de mes rentes ert vostre estuveir pris."

[1] En p. [H] 124
[2] E l'a. [B] 124
[3] om. en [H W] 124
[4] En ui ... (espace laissé en blanc) Rotrout [B] An N. [P W] (Nogant [P] ) rout un [P] 124
[5] nel v. [H] 124
[6] il li vendra [P] 124
[7] j. mult bien aisiez [B] 124
[8] C. par s. [H] (eshalciez [H] eshalcier [P] 124
[9] en averiez [B] 124
[10] om. tut [P] 124
[11] om. jo [H] en t. si [P W] 124
[12] ne me v. [H] 124
[13] vus oi [B] 124
[14] e om. devant Orliens [B] 124

Page 124

804
   A Muntmirail unt puis un parlement eü.
   Dui chardenal de Rume i sunt al rei venu:¹
   Vuillames de Pavie e dan Johans i fu²
   De Naples, qui al rei se sunt del tut tenu,³
4020 E l'arcevesque eüssent volentiers deceü.⁴
805
   Li reis lur dist que tant se volt humilier
   Qu'il frea l'arcevesque quanqu'il voldrunt jugier,⁵
   E quanque saint' iglise en voldra otrïer,⁶
   Se c'est que l'arcevesques s'i volsist apuier.⁷
4025 "Si fera, funt li il; ço ne puet il laissier."⁸ [f.47v]
806
   La nuit que l'endemain dut estre l'asemblee,
   Jut saint Thomas a Chartres od gent qu'il ot menee.
   Un' itel visiun li aveit Deus mustree⁹
   Qu'il sout certainement, sil dist sa gent privee,¹⁰
4030 A quel chief la parole sereit le jur finee.
807
   Vis li fu qu'en un liu il e li reis esteit.
   Un mult bel hanap d'or, u doré, li offreit
   Li reis, tut plain de vin, e beivre li roveit.
   Il esguardout le vin: si truble le veeit¹¹
4035 Que beivre ne l'osout ne prendre nel voleit.¹²
808
   Quant il ot esguardé le hanap tut entur¹³
   E vit le vin si truble qu'il en out grant hisdur,
   Dous iraignes vit surdre des funz d'une tenur;¹⁴
   Sur l'un ur s'asist l'une, e l'altre sur l'autre ur.¹⁵
4040 "Ostez, fait il; ne voil beivre ceste puur."
809
   Al matin ses privez e ses clers apela;¹⁶
   Cel sunge que la nuit out sungié lur cunta.
   "Bien sai, fait il, coment cest parlement prendra.
   Mult beaus offres, fait il, li reis nus offerra,
4045 Mais jo nes prendrai pas; car grant engin i a.¹⁷
810
   "Li beaus hanas dorez qu'il me voleit puirier,
   Ço erent li bel offre que ne voldrai baillier,
   Li trubles vins, engins qu'il volt apareillier;¹⁸
   E les dous granz iraignes sunt li dui paltenier¹⁹
4050 Cardenal, qui nus volent, s'il poent, enginnier."

[1] a lui v. [H] 125
[2] e Jocelins [B] et d. Otes [P] 125
[3] Al rei Henri se s. andui de but t. [P] 125
[4] om. E [H] 125
[5] fra a l'a. [H] 125
[6] om. en [H] 125
[7] S'a cest l'a. se voldra a. [H] se volsist apuiir [P] 125
[8] funt il [H] cest n. [P W] n'i p. il [P] 125
[9] Un tel [H P] 125
[10] si dist [P] 125
[11] Il esgarde ... veit [P] 125
[12] n'en o. [P W] ne perdre [B] 125
[13] Q. il esguardeit si [B] 125
[14] del f. [P W] 125
[15] Sur un u. [B] url [H] 125
[16] Le m. [B] 125
[17] om. jes nes p. grant [H] 125
[18] Li oribles v. [H] 125
[19] E des d. [B] 125

Page 125

811
   Quant il vint al concilie, les cardenals trova.
   Li reis dit qu'en ces dous volentiers se metra,¹
   E quanqu'il jugerunt volentiers ensiwra,²
   E quanque saint' iglise esguarder en voldra.
4055 Il vit bien les engins e tresbien se guarda. [f.48r]
812
   En ces laz le voleient li cardenal buter:
   Dient que lur esguard ne pet il refuser,³
   Ne ço que saint' iglise en voldra esguarder.⁴
   E dit qu'a saint' iglise ne volt il contrester,⁵
4060 Ne al rei ne volt il fors raisun demander;
813
   Mais il ne volt, ço dit, n'en plait n'en cause entrer,⁶
   Tresque li reis li ait fait del tut restorer,⁷
   E a lui e as suens, e rendre e renformer⁸
   Lur chose, ensi cum il la laissierent ester⁹
4065 A l'ure qu'il les fist d'Engleterre turner.¹⁰
814
   Car dessaisiz ne volt pur nule rien plaidier.¹¹
   Ço ne voleit li reis en nul sens otrïer,
   Mais a ces dous voleit qu'il se laissast jugier.
   Mais il ne se volt pas a lur diz apuier.¹²
4070 Ensi s'en departi; n'i pout plus espleitier. -¹³
815
   Un altre parlement out a Muntmirail pris;¹⁴
   Si fu par l'apostolie e par ses briés asis.
   Od les barons franceis i fu reis Loëwis;¹⁵
   Od mult riche barnage i fu li reis Henris.
4075 Mult i out grant clergié e mult baruns de pris.¹⁶
816
   Car de part l'apostolie de Rume i sunt alé¹⁷
   Danz Bernarz de la Coldre, sainz hum de grant bunté,¹⁸
   Li priurs del Munt Deu, huem de grant honesté,
   Arcevesque e evesque e priur e abé,
4080 Pur faire cele pes. E mult s'en sunt pené.¹⁹

[1] om. dit [P] 126
[2] j. que par tut e. [P W] 126
[3] ne poent r. [H] 126
[4] om. en [H] 126
[5] que s. i. [P W] 126
[6] Car ... en p. [H] 126
[7] f. trestut r. [P W] 126
[8] renfermer [B] enformer [H] (reformer [W] 126
[9] cum le l. e. [H] 126
[10] Al tur que il l. [B] 126
[11] en nul sens pleider [P W] 126
[12] apuir [P] 126
[13] om. pout [P] 126
[14] rout a [P] 126
[15] Od les Franceis i fu li bons r. L. [B] le r. Loweis [P] 126
[16] mulz baruns [P W] 126
[17] De la part l'a. [B] 126
[18] om. sainz [P W] de mult g. b. [P] 126
[19] se sunt p. [P] 126

Page 126

817
   Saint Thomas demandeit les dreiz de saint' iglise,
   Possessiun e rente que li reis en out prise;¹
   E li reis, la custume qui el regne iert asise:
   Ses custumes ne volt laissier en nule guise.²
4085 Saint Thomas ne volt faire, ço dit, si grant mesprise. [f.48v]
818
   Tant alerent entr'els clerc e lai tute jur,
   Que li reis dit: ne quiert mes qu'il en ait honur;
   Face li ço que firent as suens si anceisur;³
   Lui covient que ses genz aient de li poür,⁴
4090 E pur ço volt mustrer e fierté e reidur.
819
   Car felenesse gent a mult a guverner,⁵
   E pur ço li covient mult fier semblant mustrer.
   Mais se li arcevesques li volt tut graanter⁶
   Ço que si anceisur voldrent as suens guarder,⁷
4095 Lanfrancs e sainz Ansealmes, ne volt plus demander.⁸
820
   L'arcevesque respunt: ja Damnedeu ne place
   Que il deie tenir chose dunt rien ne sace;⁹
   La u il firent bien, dreiz est que il le face,¹⁰
   E la u il mesfirent n'en volt sivre lur trace;¹¹
4100 Car n'a en cest siecle humme a la feiz ne mesface.¹²
821
   Sainz Pieres li apostles, que Deus tant honura
   Que en ciel e en terre poesté li dona,
   Jesu Crist sun seignur par treis feiz reneia.¹³
   E ço ne fereit il pur quanqu'en cest mund a,¹⁴
4105 Ne ja contre raisun custume ne tendra.
822
   Des custumes ne set, ço dit, nule numer¹⁵
   Que li suen anceisur durent as reis guarder.¹⁶
   Li reis dit qu'a dous cenz les li fera jurer¹⁷
   Chevaliers e proveires. Dunc respundi li ber
4110 Qu'il li purreit asez des jureürs trover,¹⁸

[1] possessions e rentes [H] 127
[2] Les c. [P] 127
[3] om. ço [P W] a lui si a. [H] 127
[4] que li suen a. [B H] 127
[5] om. gent [H] 127
[6] li voleit t. granter [B] 127
[7] li anceisur [H] 127
[8] Lanfracs [B] n'i v. [P] 127
[9] Que jo d. ... n'en s. [B] dunt jo r. ne s. [P] 127
[10] La ou firent [P] que jo [B] (k'il [H P] 127
[11] ne v. [H P] 127
[12] om. siecle a la fie [H] 127
[13] treis f. puis r. [P W] 127
[14] quanque en [B] 127
[15] Les c. ne s. ço dient, nul muer [B] 127
[16] a. durement [P] 127
[17] que dous c. lais li f. j. [B] qu'a d. c. humes la li fra j. [H] 127
[18] fereit [B] fereit corr. par le copiste en purreit [H] 127

Page 127

823
   Ne metra saint' iglise en lur serement mais.¹
   "Seignur, fait dunc li reis, il n'a cure de pais.²
   Veez cum jo li faz amur e grant relais!"³
   Dunc unt tuit escrïé l'arcevesque a un fais;
4115 E clerc e lai li crient que trop esteit engreis.⁴ [f.49r]
824
   Quant l'arcevesque veit que tuit li curent sure,⁵
   Nul ne s'en volt a lui apuier a cel' ure,
   Del quer parfunt suspire e des oilz del chief plure,
   E prie Jesu Crist, qui saint' iglise aüre,⁶
4120 Qu'il ne face tel plait dunt envers Deu encure.
825
   Dunc dist li reis Henris qu'en cels treis se metreit⁷
   Des evesques de France que il en eslirreit,⁸
   E quanqu'il en fereient qu'il le graantereit.⁹
   Dunc li crïerent tuit que asez en faiseit.¹⁰
4125 Saint Thomas dist qu'en France mult produmes aveit,
826
   E ço que il ferunt volt il bien graanter:
   Sauf sun ordre, voldra les custumes guarder.¹¹
   Li reis jure cel mot en estuvra oster:
   Par cel mot le voldreit, ço dist, ensoffimer.¹²
4130 De tutes parz li dient qu'il laist cel mot ester.
827
   Mais li sainz arcevesques idunc li graanta¹³
   Que, salve la fei Deu, les custumes tendra.¹⁴
   Li reis jure les oilz ja cil moz n'i sera;¹⁵
   Car sofisme, ço dit, e grant engin i a.
4135 - Mais ja mais nul engin en la fei Deu n'avra.¹⁶
828
   Dunc dist li arcevesques que tut ço li fereit¹⁷
   Que nuls des arcevesques sun rei faire deveit.¹⁸
   Li reis jure les oilz ja cel mot n'i sereit:¹⁹
   Trecherie, ço dit, e engin i aveit.
4140 - Mais ne quiert nul engin qui fait que faire deit.²⁰
829
   Li reis dit qu'il ne quiert mes qu'il li face honur:²¹
   Face li ço que firent as reis si anceisur,²²
   Que tuz li mieudres d'els fist a tut le peiur.²³
   Dunc respundirent tuit li sage e li meillur
4145 Que li reis dit asez: pais volt e offre amur.²⁴ [f.49v]

[1] metrai [H] (metra, corr. en metrai [W] ) seremenz [P W] 128
[2] Sæignur [B] 128
[3] amur grant e r. [P] 128
[4] E c. en lui c. [H] estes e. [B] 128
[5] om. li [P] 128
[6] seint glise [H] 128
[7] ces t. [P W] 128
[8] k'il memes e. [H] 128
[9] que il le grantereit [H] que il g. [B] que tut g. [P W] 128
[10] crient [H W] ki a. [H] 128
[11] ço dit v. [P] 128
[12] voldra [P] dit [P W] 128
[13] E [B] idunkes li granta [H] le g. [B W] 128
[14] om. Deu [B] sa requeste fera [P W] 128
[15] les o. Deu [H] 128
[16] M. ja nul e. [B] 128
[17] dit [H] 128
[18] nuls arcevesques [B] ne deveit [P] 128
[19] que cil m. [H] 128
[20] M. n'i q. n. e. mes ço que f. d. [B] ki dreit f. deveit [H] (#dans [W] 128
[21] le f. [P] 128
[22] a lui si a. [H] 128
[23] om. d'els [P] fist al plus p. [H] 128
[24] om. offre [H] 128

Page 128

830
   Quant l'arcevesque vit tuit se tindrent al rei,¹
   Li priurs del Munt Deu e Bernarz del Coldrei²
   E nis li reis de France, u il ot greignur fei,
   De ses beals oilz plura e se tint tut en sei:
4150 "Seignurs, fait il a els, sa volenté otrei."
831
   Quant l'arcevesques out al rei tut otrïé
   E se furent a ço d'ambes parz apuié,
   Dunc ad li arcevesques sun capel jus sachié,³
   Li reis Henris, le suen; dunc se sunt aprescié,
4155 Qu'en pais s'entrebaissassent e en veire amistié.
832
   Fait dunc li arcevesques, qui Deus esteit mult pres:⁴
   "Sire, a l'onur de Deu e la vostre vus bes."⁵
   Fait dunc Gefrei Ridel: "Ci ad soffisme adès.
   - Veire, par les oilz Deu, fait il, n'a soing de pes."
4160 Dunc turna sun cheval, si s'en poinst a eslès.⁶
833
   Quant le rei d'Engleterre en virent si partir,⁷
   Clerc e lai comencierent l'arcevesque a laidir,
   E dient qu'il out tort, qu'il ne se volt tenir⁸
   En ço qu'ot graanté, e k'um nel puet grevir;⁹
4165 Ne virent unches pais pur si poi deguerpir.¹⁰
834
   Tuz perdi les Franceis saint Thomas a cel jur;
   Par France l'apeleient felun e traïtur.¹¹
   A l'ostel s'en ala li huem Nostre Seignur.
   Si clerc furent vers li e murne e en irur,¹²
4170 E dient qu'il les a tuz morz senz nul retur.
835
   "Grant tort avez, fait il; jo vus tieng tuz pur orbs.
   De grant hunte nus a Damnedeus wi estors
   Car li reis nus soleit demander granz estors,¹³
   Apeler traïturs e malveis de noz cors;¹⁴
4175 Relaissié nus en ad, e tut c'en a mis fors.¹⁵ [f.50r]

[1] v. ke tut [H] 129
[2] de C. [P] 129
[3] om. jus [H] 129
[4] a. que D. [H W] 129
[5] S. al honur Deu e al v. [H] et a la v. [P] 129
[6] se p. [H] 129
[7] om. en [H] si departir [P W] 129
[8] ne volt t. [H] 129
[9] quant hum [H] ne pot [H W] pout [P] gernir (?) [B] gervir [P] 129
[10] unques mes pes [P W] guerpir [H P] 129
[11] apelerent [H] 129
[12] a irur [H] 129
[13] n. voleit [H] 129
[14] traïtur [B H] 129
[15] ço en a [B] ceo a [H] 129

Page 129

836
   "Or ne nus demande el mais qu'il en ait honur,¹
   Que tenum les custumes si cum nostre anceisur;
   E nus li graantames. Mes ja mais a nul jur
   N'i avendra pur humme. Merci al creatur
4180 Que sumes eschapé de si grant desonur!"²
837
   Dunc fist ses briefs escrire. L'apostolie a mandé
   Tut ço qu'il out al rei pur la pes graanté,
   E pur quei li reis l'a guerpi e refusé
   E a Deu de sa pais par covenant osté.³
4185 Or li prie e requiert mant l'en sa volenté.⁴
838
   A la Ferté Bernart jut li reis cele nuit.
   Devant ses privez a Gefrei Ridel aduit.
   "Cestui voil jo, fait il, que vus honurez tuit.
   Mielz s'est ui esmerez de l'or set feiz recuit.
4190 Guari m'a par sun sens; li fel ne m'a suduit."
839
   Quant il se fu culchiez e il s'out purpensé⁵
   De ço que l'arcevesque li aveit graanté,
   E que pur un sul mot l'out ensi refusé,
   Dit qu'il est enginniez e que mal a erré,⁶
4195 Car l'arcevesques out faite sa volenté.⁷
840
   E jure les oilz Deu e volt bien afichier⁸
   Que ja mais a cel puint ne purra repairier.
   Tuz ses servanz ad fait erramment esveillier,
   E ad fait pur l'evesque de Peitiers enveier,
4200 Tost vienge a li parler. Il ne s'i volt targier.⁹
841
   A mienuit ala al rei Henri parler.
   "Vus estuvra, fait il, a l'arcevesque aler.
   Enginniez sui, quant pais ne li voil graanter,¹⁰
   Car il m'out otrïé quanque soi demander.
4205 Par les oilz Deu, ja mais n'i purrai recovrer!¹¹ [f.50v]
842
   "Or alez après lui, pensez de l'espleitier.
   Dites lui qu'or prendrai ço que il m'offri ier."¹²
   Dunc munta li evesques, ne s'i volt plus targier,¹³
   E enveia avant sa venue nuncier.
4210 Quant saint Thomas l'oï, fist ses sumiers cargier.¹⁴

[1] om. en [H] 130
[2] om. si [P] 130
[3] c. esté [B] 130
[4] m. li [H] (l'en corr. en li [W] 130
[5] Q. il fu c. [H] se out p. [B] 130
[6] Dist [H P] 130
[7] E ke l'arceveske ot fet [H] 130
[8] e bien volt [H] 130
[9] ne volt [H] ne se v. [P W] 130
[10] E. fui [B] 130
[11] nel qui r. [H] recovrir [P] 130
[12] que ore [B] (k'ore [H W] 130
[13] om. plus [H] 130
[14] s. targier [B] 130

Page 130

843
   El chemin s'esteit mis, ne l'a pas atendu.
   L'evesque le siwi tut a col estendu;¹
   E quant il vint a lui, si li ad respundu
   Que ja mais a cel point u il l'orent eü²
4215 Ne vendreit pur nul humme, car contre raisun fu. -4215
844
   A oreisun ala une feiz reis Henris
   A Saint Denis de France. Mes li reis Loëwis
   Ala a lui parler entresqu'a Saint Denis :³
   Preia lui, pur les sainz que il aveit requis,⁴
4220 Que l'um le peüst faire e l'arcevesque amis.⁵
845
   Dunc furent a Munmartre li dui rei asemblé.
   Un afaire unt entr'els ilueckes purparlé⁶
   Qu'il unt en Iveline a Saint Ligier finé.⁷
   Dunc l'a li reis de France dulcement aparlé⁸
4225 De Thomas l'arcevesque, qu'il fuissent acordé.
846
   Fait li reis d'Engleterre: "Se tut m'ert adrecié⁹
   Qu'il ad mespris vers mei e vers cels de mun fié,¹⁰
   Dunc porrium bien estre, sel loez, amaisié."¹¹
   Fait li buens reis de France: "Se tut ert retraitié,¹²
4230 E de ça e de la, n'i avreit amistié.¹³
847
   "Laid est qu'entre vus ad si grant enemistié;¹⁴
   Mais d'une part e d'altre seit del tut relaissié,
   Que d'une part ne d'altre n'i ait rien calengié."¹⁵
   Fait li reis d'Engleterre: "Jo m'en met el clergié."¹⁶
4235 De Paris dunc ad un pur les clers enveié.¹⁷ [f.51r]
848
   Quant il furent venu, si l'a un dit al rei.¹⁸
   Mais li reis d'Engleterre ne lur dist ço ne quei.¹⁹
   Mais li buens reis de France ne l'en laissa pas kei;²⁰
   Dist lui qu'il se menout vers Deu a grant beslei,²¹
4240 Quant a sun arcevesque ne porte amur ne fei.
849
   Tant li dist li bons reis e tant le bastuna,
   Que li reis d'Engleterre li dist e graanta²²
   Que de tute sa rente la meitié li rendra,
   E a lui e as suens, de quanque pris en a,
4245 E en la curt de Rume de l'altre se metra.

[1] [H] place ce vers à la fin de la str. (corr. plus tard) li s. [P] 131
[2] que il orent eü [B] (il orent [W] 131
[3] tresqu'a [H] 131
[4] le saint [B] 131
[5] e seint Thomas a. [H] 131
[6] Une a. u. iluekes entr'els p. [H] purpensé [B] 131
[7] a I. [P W] Vieline [B] 131
[8] de covent apelé [H] 131
[9] me ert [B] n'iert [P] n'í est [W] 131
[10] sié [H] fié corr. en sé [W] 131
[11] purrum [H W] 131
[12] om. buens [H] om. ert [P] 131
[13] n'i avra ja a. [H] 131
[14] Oid e. [H] 131
[15] a d'altre [H W] ne seit r. c. [H] 131
[16] me met [H P] 131
[17] om. les [P] 131
[18] om. il [P] si ad [H] 131
[19] ne dist ne quei [H] 131
[20] M. Loëwis de F. nel lessa pas coi [H] 131
[21] Dit [H] 131
[22] li dit [H] dist e si li granta [B] 131

Page 131

850
   E dit bien e pramet qu'il li fera aveir,
   E a lui e as suens, senz faille cel aveir,
   Qu'a lur besuing l'avrunt tut e a lur moveir;¹
   Pais e amur avrunt de lui e de sun eir.
4250 Fait li reis Loëwis: "Jo li ferai saveir."
851
   Dunc l'a einsi li reis l'arcevesque nuncié.²
   Dunc l'unt d'ambesdous parz ensi covenancié.³
   Fait dunc li reis de France: "Se volez l'amistié,
   Or n'i ad mais que vus seiez entrebaisié."⁴
4255 Fait li reis Henris: "N'iert de ma part otrïé!⁵
852
   "Jo ai juré, fait il, que ja nel baiserai.⁶
   Baisier cent feiz pur mei a mun fiz le ferai,⁷
   E a lui e as suens pais e amur tendrai
   E lur possessiuns e rentes lur rendrai,⁸
4260 Ne ja menur amur ne lur en porterai."
853
   Dunc l'ala li buens reis l'arcevesque nuncier.⁹
   Saint Thomas respundi: poi li fu del baisier,
   Mais qu'il li volsist pais e amur otrïer,
   E quel peüst trover d'or en avant entier.¹⁰
4265 Dunc unt pris altre jor de la pais alïer. [f.51v]
854
   Dejuste Freteval, vers la Boce, fu pris
   Li parlemenz qui fu pur cele pes asis.
   Od les Franceis i fu li bons reis Loëwis,
   E od le suen barnage i vint li reis Henris¹¹
4270 E li mielz del clergié d'ambesdous les païs.
855
   Mais le seir, quant il furent a l'ostel repairié,
   Si clerc l'unt durement blasmé e enchalcié,¹²
   Qu'il ne fait pes al rei e qu'il n'ad d'els pitié.
   Maistre Guntiers l'en a ensement chalengié;¹³
4275 E li sainz arcevesques einsi l'en respundié:¹⁴

[1] e tut a lur m. [H] 132
[2] li reis einsi [B] 132
[3] d'ambes parz [H] 132
[4] Dunc covient que seiez d'amur entrebaisié [H] 132
[5] N'iert fait li r. H. [B] om. part [P] F. dunc ... N'i. de mei o. [H] 132
[6] Ceo [H] que jo nel b. [P W] 132
[7] pur mei cent f. [H] om. le [P] 132
[8] et lur rentes lur r. [P] 132
[9] D. ala [B] D. l'a (#corr. dans [P] en$ ala) li b. r. [P W] 132
[10] E qu'il le p. [B H] 132
[11] E od baronie [H] 132
[12] Li c. [B] e chalengié [H] 132
[13] e. enchalcié [H] 132
[14] lur respundi [H] 132

Page 132

856
   "Maistre Guntier, fait il, vus desirez forment
   D'aler en Engleterre; ne m'en merveil neent.
   Mais n'i avrez esté, ço sachiez veirement,¹
   Quarante jurs entiers, tut adesseement,²
4280 Que n'i voldrïez estre pur cinc cenz mars d'argent."³
857
   Dunc a li arcevesques l'apostolie mandé
   Qu'il out fait vers le rei, coment il out finé.
   Or li mande e requiert, pur sa sainte bunté,
   Al rei mand que tuit seient si pechié pardoné,⁴
4285 Que l'arcevesque baist en pes e seürté.⁵
858
   L'apostolie manda li ber de grant scïence⁶
   Que il li comandast, par sainte obedïence,⁷
   Le rei baisast de pais, venist en sa presence.
   Madoc bailla les lettres, qui de l'aler contence;⁸
4290 Il les bailla la pape, quant il en out licence.⁹
859
   Erramment fist ses briés l'apostolies escrire:¹⁰
   Manda le rei Henri, qui d'Engleterre ert sire,
   De pais baist l'arcevesque Thomas de Cantorbire¹¹
   E del tut li parduinst e maltalent e ire,¹²
4295 Que Jesu Crist li seit de tuz ses pechiez mire; [f.52r]
860
   Rende lui tut le suen, que rien n'en seit a dire,¹³
   E a lui e as suens, quanque il purrunt dire.¹⁴
   Raisun e puissance ad de sa terre entredire,¹⁵
   Ne mie d'une sule, mais de tut sun empire;
4300 Ne puet mais pur nului la justise escundire.¹⁶
861
   Par sainte obedïence a mandé saint Thomas
   Que, s'il puet faire pes, qu'il ne la refust pas;
   Mais prenge s'en mult pres, ne s'en face puint quas.¹⁷
   Car l'apostolies ert de la guerre tut las;
4305 N'eut de tut' Engleterre qui valsist un sul as.¹⁸
862
   Dunc ad fait l'apostolies al rei Henri aler
   L'arcevesque Willame de Sanz, qui mult ert ber
   (De bunté e d'onur n'out en France sun per),¹⁹
   L'evesque de Nevers, a la pais enformer,²⁰
4310 E des altres plusurs, que jo ne sai nummer.²¹

[1] avriez e. [B] 133
[2] q. j. ensemble [H] 133
[3] voldrez [H W] 133
[4] li p. [P] 133
[5] K. l'a. est [P] e en s. [B P] 133
[6] mande [P] 133
[7] K'il [H W] 133
[8] Celui b. [H] M. b. lettres ... contente [P] 133
[9] q. out l. [P] 133
[10] l'apostolie [B] ( [H W] 133
[11] Em p. [H] 133
[12] E d. t. maltalent li p. e ire [H] 133
[13] Rendez [H] ne seit [H P] 133
[14] quanqu'il [mss.] 133
[15] de la t. [H] 133
[16] N'en p. ... encundire [B] 133
[17] prenge sei [H] 133
[18] N'out en E. [P] que v. [H P] 133
[19] ne d'o. [H] 133
[20] d'Anevers ... enfermer [H] pur la p. [B] 133
[21] que ja [P] 133

Page 133

863
   Li reis Henris lur ad pramis e graanté
   Qu'il fera volentiers ço qu'il li unt loé
   E ço que l'apostolies li aveit comandé.¹
   A la pardefin unt asis e purparlé²
4315 Que dejuste la Boche reserunt asemblé.
864
   L'arcevesques i vint Thomas od sa partie,³
   E li reis Loëwis od mult grant baronie,⁴
   E li reis d'Engleterre od riche conpaignie,⁵
   Arcevesque e evesque e clerc de grant clergie,⁶
4320 Pur faire cele pais, se Deus l'ad establie.
865
   Tant a reis Loëwis rei Henri enchalcié,⁷
   Arcevesque e evesque od cel altre clergié,
   Dit qu'or frea tut ço qu'il li unt conseillié.⁸
   (Il cremi l'apostolie, qui l'aveit manecié.)
4325 "N'i falt, funt il, fors ço que ne l'avez baissié."⁹ [f.52v]
866
   Li reis dit: pur nul humme vivant nel baisera,
   Nel puet faire nel deit, serement fait en a;¹⁰
   E le rei Loëwis sun seignur le vea.¹¹
   Mais contre le baisier tel honur li fera,
4330 Ainz qu'il s'en turt d'iluec, qui cent baisiers valdra.
867
   Tant se sunt d'ambes parz de l'acorde pené¹²
   Li bons reis Loëwis e evesque e abé,¹³
   Qu'ensemble sunt li reis e saint Thomas alé.
   Si tost cum s'entrevirent, lués se sunt encontré,
4335 E li reis Henri l'a, e il li, salué.
868
   Quant d'ambes parz quidierent e clerc e chevalier¹⁴
   Que li reis le volsist de bone pais baisier,
   Fait il: "Sire arcevesque, a vus voil conseillier."
   Emmi le champ tut hors le mena del puldrier;¹⁵
4340 Nului n'i apelerent, nuls n'i volt aproscier.

[1] om. li [H] 134
[2] parfin [B P] partefin [H] unt tut a. [B] 134
[3] L'a. Thomas i v. [H P] 134
[4] od riche b. [H] 134
[5] od noble c. [H] 134
[6] Arcevesques evesques [B] od mult g. c. [H] 134
[7] li reis L. [B] le reis H. e. [P] 134
[8] que or [B] (k'ore [H P] 134
[9] fors tant q. [H] 134
[10] Nel p. f. ceo dit [H] ne deit [B] 134
[11] al r. [B] le reis L. [H] le r. sun s. Loveïs [P] 134
[12] se s. ambes p. [P] 134
[13] om. le premier e [H] 134
[14] om. e devant clerc [H W] 134
[15] E. le ch. dehors [H] 134

Page 134

869
   Tant esturent ensemble li reis e saint Thomas,
   Parlerent d'un e d'el, ore halt e or bas,¹
   Que d'ambesdous parz furent d'els atendre tut las.²
   Nis dous feiz descendirent jus des palefreiz cras,³
4345 E dous feiz remunterent, que tuit distrent: "C'est gas!"
870
   Sun estriu li teneit li reis al remunter;⁴
   E quant li arcevesques le voleit refuser:⁵
   "Nel larrai, fet li reis, a ceste feiz ester;⁶
   Mes pere estes en Deu, jo vus dei honurer."
4350 Grant bien i porent tuit qui ço virent, noter.⁷
871
   La u parlout al rei saint Thomas a cheval,
   De quisse en quisse sist, sovent changot estal,
   L'une quisse en la sele e l'autre contreval;⁸
   Car les braies de haire li firent si grant mal.⁹
4355 A grant orguil le tindrent cil qui ne sorent al.¹⁰ [f.53r]
872
   Saint Thomas e li reis furent mult lungement
   Enmi le champ tut sul a estreit parlement;
   Un sul n'i apelerent de trestute lur gent.¹¹
   Tut ço dunt il parlerent ne sai plenierement,
4360 Mais partie dirrai del veir, mun escïent.
873
   Quant li reis l'out tut sul enmi le champ mené,
   Fait il: "Sire arcevesque, mult m'avez demuré,¹²
   Car altre conseil m'unt a grant damage esté:¹³
   Puis que parti del vostre, ainc puis n'ai amendé,¹⁴
4365 Ainz en ai mult del mien despendu e guasté."¹⁵
874
   Fierement respundi li verais ordenez:¹⁶
   "Sire reis, fait li il, tels conseilz guerpirez,¹⁷
   E altres conseilliers d'or en avant avrez,¹⁸
   Tels qui tut vus dirrunt contre vos volentez.
4370 Ja n'i avra un mot de quanque vus voldrez.¹⁹

[1] h. ore b. [H P] 135
[2] d'ambes parz [H] 135
[3] E d. f. [H] 135
[4] al munter [P] 135
[5] Quant li a. le volt r. [H] 135
[6] faiseit il [B] 135
[7] i p. cil ki [H] 135
[8] om. e [H] 135
[9] les brais [B] 135
[10] n'i s. [H] 135
[11] n'i apelent [H] 135
[12] m'a. deciré [B] 135
[13] altre corr. en altri ou inversement [H] 135
[14] parti del regne poi sui puis a. [B] ainc rien n'ai a. [H] unques puis n'amendé [P] 135
[15] Ainc (Ainz [W] ) ai m. [H W] 135
[16] Dunc li ad respundu [H] 135
[17] fet il [H P] 135
[18] altre conseilliers [B] ( [P] ) des ore a. [H] 135
[19] volez [P W] 135

Page 135

875
   - Tuz conseilz voil des ore, fait li li reis, laissier,¹
   Fors sulement le vostre, u me voil apuier.
   E nis tut mun reaume vus voldrai jo baillier,
   Henri mun fil vus voil, e a guarde, chargier:
4375 Plain pié de terre n'ai, si m'irai purcacier.
876
   - Veire, fait saint Thomas, ço deit um bien quidier!²
   Que laissiez vostre regne, que vus avez si chier,³
   E voz petiz enfanz, qui de vus unt mestier,
   Augiez en altres terres autrui dreiz chalengier,⁴
4380 Ço ne vus voil jo pas loer ne conseillier.
877
   - Par les oilz Deu, fait il, tute la guerpirai,
   E mun fil e mun regne tut vus comanderai.
   - Certes, fait saint Thomas, ja ne la baillerai.
   De terrïene honur mais ne m'entremetrai,
4385 Car trop sui jo chargiez de celi que jo ai.⁵ [f.53v]
878
   "Mais se volez la terre e le regne laissier⁶
   Pur le servise Deu, e vus voilliez cruisier,⁷
   A Huun de Beauchamp, cel leal chevalier,⁸
   Vus lo jo vostre regne e voz fiz a baillier;
4390 E jo lur aiderai al regne conseillier."
879
   De multes choses unt entr'els dous desputé⁹
   Dunt um ne m'a encore acointié n'acerté;¹⁰
   Ne tut ne puet pas estre en mun livre noté.
   De mainte chose l'ad li reis achaisuné,
4395 E il aveit le rei durement querelé:¹¹
880
   De lui e de ses clers, qui erent eissillé
   Ne de tutes lur rentes n'aveient demi pié,
   De ses hummes, qui sunt leidi, pris e lïé,¹²
   Nis des petiz enfanz, qui erent dechacié
4400 Od peres e od meres: il n'en aveit pitié.
881
   "C'est par vostre mesfait, fait li li reis Henris,¹³
   Qui hors de mun realme en alastes fuitis,¹⁴
   Senz ço que nuls eüst vers vus de rien mespris;¹⁵
   Pur ço vus enveiai e parenz e amis.
4405 Mais tut ert adrecié, quant vendrez el païs.

[1] T. c. fet li r., voil des ore l. [H] Uulz c. [P] _ [P] 136
[2] Sire [B] ceo dit hum [H] 136
[3] a. tant ch. [P] 136
[4] a. dreit [H P] 136
[5] C. mult ... de cel ke j'en ai [H] 136
[6] le regne et la terre [P W] 136
[7] volez [H P] 136
[8] 4388-9 Esgardez en la terre un l. ch. Cui vus puissiez voz filz et le regne b. [P] 136
[9] De pluisurs altres ch. u. entr'els desputé [B] 136
[10] ne acerté [B] 136
[11] Pur co qu'envers li ad issi tresdur esté [B] note Après ce vers, B intercale la strophe suivante, qui n'est évidemment pas authentique (rem. la rime et cf. les vv. 4394-5 et 4399):
E saint Thomas le ra de ço fort chalengié
Que il sun parenté aveit tut eissillié,
Nis des petiz enfanz qui erent dechacié.
De mainte chose l'a li reis achaisuné,
E il aveit le rei durement querelé. 136
[12] qui furent [B] 136
[13] f. li reis H. [H P] 136
[14] Que [B] ( [W] 136
[15] om. de [H] 136

Page 136

882
   - Sire, fait l'arcevesque, e de vostre fiz quei,
   Que fesistes enuindre e coruner a rei¹
   Par haste e senz nul preu, pur nuissance de mei?²
   - Veirement i mespris, fait li reis, bien le vei;
4410 Mais bien ert adrecé, se j'amender le dei."³ [f.54r]
883
   Fait il: "Des treis que dites, qui si l'unt coruné
   Pur tolir la dreiture e cele dignité⁴
   La sainte mere iglise de Sainte Terneté⁵
   Que tuzdis ad eüe par ancïeneté,⁶
4415 L'enunctiun des reis, pur vus servir a gré?"
884
   Fait li li reis Henris: "Ne m'entremetrai mais⁷
   De vus ne des evesques; d'or en avant m'en tais.⁸
   Vostre dreit en pernez; tut quite vus en lais."
   D'ambesdous parz diseient qu'entre els dous aveit pais;⁹
4420 Car li reis li faiseit mult bel semblant adeis.
885
   Quant a l'arcevesque out li reis asez parlé,
   Un parlement lur ad a Turs aterminé:
   La ert, ço dit, parfait e tut par amendé;
   La avra l'arcevesque briés a sa volenté.
4425 En pes e en amur s'en sunt d'iluec alé.¹⁰
886
   Li reis li tint l'estriu purquant, quant il munta.¹¹
   Dunc unt le rei preié, e de ça e de la,¹²
   Qu'il baisast l'arcevesque. Mais il dist nel fera,
   Nel volt ore baisier; serement fait en a.¹³
4430 Quant il vendra a Turs, idunc le baisera.
887
   L'evesque de Lisewis est dunc a lui alez.¹⁴
   Fait il: "Sire arcevesque, se vus plest, entendez.
   Vus e le rei ad Deus par sa grace acordez;
   Ci est Gefrei Ridel, qui est vers vus meslez:
4435 Or vus en requerum que vus li pardunez

[1] c. al rei [P W] 137
[2] om. nul [B] 137
[3] b. ert amendé [B] 137
[4] om. tolir [H] 137
[5] De vostre m. [H] 137
[6] Ki [P] tutzjorz [H] 137
[7] F. li r. [B W] jeo ne m'entremet [H] 137
[8] e des e. ... me tais [B] d'or a. [H] des ore en a. [P] 137
[9] 4419-20 La u li reis li dist ot mult bones genz pres De ça e de la distrent k'ore ert bone la pes [H] 137
[10] se sunt [B W] d'i. turné [H] 137
[11] li t. l'e. quant saint Thomas m. [B] 137
[12] D. unt li rei p. [P W] 137
[13] Nel v. baiser uncore [H] Nel v. b., ço dit [P] 137
[14] (Lisiues [P] ) a lui dunc [P] 137

Page 137

888
   - Sire evesque, fait il, pur suspendu le sai;
   E s'il volt adrescier le mesfait, jol prendrai,¹
   E quanque li devrai puis faire, li ferai."²
   Fait dunc Gefrei: "Sufrez; s'il me het, jol harrai,³
4440 E s'il me volt amer, fait il, je l'amerai." [f.54v]
889
   La nuit que l'endemain dut estre l'asemblee,
   A treis liwes de Turs, la u fu purparlee,⁴
   Jut saint Thomas a Turs ovoc sa gent privee.⁵
   Par Rotrout l'arcevesque a cele veie alee.⁶
4445 Par ç'ad la volenté le rei mult espruvee.⁷
890
   Kar li reis li mustrout defors mult bel semblant;
   Pur ço diseient tuit, li petit e li grant,
   Que ja mais nel harreit li reis a sun vivant.
   Pur ç'ala saint Thomas a Turs la nuit devant,⁸
4450 Saveir s'i entendist ço qu'en alout disant.
891
   Pur ço s'ala a Turs cele nuit herbergier⁹
   E saveir se li reis le voldreit la baisier.
   Mais il ne porta la maaille ne denier;¹⁰
   Ses guages li covint rachater u laissier.¹¹
4455 Ne li reis nel baisa, n'il nes fist desguagier.¹²
892
   Forment en fu trublez li huem Nostre Seignur.
   Ses sumiers fist chargier en la puinte del jur,
   Rova qu'il se mesissent erramment el retur.¹³
   Li reis estut as estres en cel palais auchur,¹⁴
4460 E vit si tost errer les hummes sun pastur;
893
   E après els le vit grant aleüre errer.¹⁵
   Après li fist li reis ignelement aler;
   Rova qu'il l'atendist, qu'il volt a lui parler.¹⁶
   Ainz erra une liwe, qu'il volsist arester.
4465 Hors veie esteit turnez pur ses hures chanter.¹⁷
894
   Desur une vert place unt le rei atendu.¹⁸
   E chanterent lur hures; ne sunt pas descendu.
   E li reis vint a lui, si tost cum l'a veü.
   Li reis e l'arcevesque se sunt entrevenu,¹⁹
4470 E li uns aveit l'autre encontré de salu.²⁰ [f.55r]

[1] jo l'amerai [B] 138
[2] le f. [P W] 138
[3] om. Suffrez [P] F. d. Geffrei Ridel: S'il me h. [H] 138
[4] la ou fu parlé [P] 138
[5] od sa g. [B P] 138
[6] l'arcevesques [P] 138
[7] Qu'entre lui e le rei fust la medlee ostee [B] P. ceo ad [H P] 138
[8] P. ço ala mss. la nuit a T. seint Th. d. [H] 138
[9] om. s' [H] (effacé dans [W] 138
[10] ne maille ne d. [B] 138
[11] la covint [P] li c. volst u non, l. [H] 138
[12] nis nes volt [H] nel f. [P] 138
[13] om. se [P] m. ignelement [H P] 138
[14] a cel p. [H] 138
[15] mult g. alure e. [B] 138
[16] qu'il atendist [P W] 138
[17] H. v. se turna [B] 138
[18] Sur [B] Desuz [P W] 138
[19] se s. encontre v. [B] entreconu [H] 138
[20] l'aveit l'a. [H] 138

Page 138

895
   "El nun des treis persones, fait li reis, sumes trei."
   Car saint Thomas aveit ilueches ovoec sei
   Le prelat de Ruem (Rotrout ot nun, ço crei);¹
   Einsi furent dunc trei, entre els dous e le rei.
4475 E lur clerc se teneient ariere en un conrei.
896
   "Reis, fait li sainz Thomas, mal estes enseigniez.
   Vus n'estes mie tels cum estre solïez
   Al tens que vus servi, ainz estes tuz changiez,
   Quant en vostre cité ai mes guages laissiez.
4480 Nel fesist Loëwis pur enguagier ses fiez."²
897
   Dunc ad li reis surris; ne sai s'i out faintié.
   Fait il: "Sire arcevesque, or vus vei mult irié;
   Mais or suffrez a tant, car bien ert adrescié.
   Altres besuignes m'orent le quer si enlascié,
4485 Ne poi entendre a vus pur terre ne pur fié."³
898
   Quant il orent ensemble, tant cum voldrent, parlé,⁴
   Muntent sur lur chevals e sunt acheminé.
   Li reis ala ariere, il sunt avant alé.
   Mais l'endemain se sunt a Anbaise asemblé;
4490 Par semblant e par diz la se sunt acordé.⁵
899
   Tutes les covenances unt iloec recordees,⁶
   E li reis les ad bien, oiant tuz, graantees. ⁷
   Ses lettres a pendant seel l'en ad dunees,⁸
   Qui sunt a ses justises e a sun fil alees.
4495 Richarz Malban e Hue li Clers les unt portees.
900
   S'oïr volez les letres, jes vus sai tresbien dire,⁹
   Si cum li reis les fist e diter e escrire:¹⁰
   "D'Engleis e de Normanz Henris e ducs e sire¹¹
   Saluz a sun chier fiz Henri, rei de l'empire.
4500 Saciez que l'arcevesque Thomas de Cantorbire

[1] L'arcevesque de R. [B] 139
[2] N. f. reis L. [P W] Veire fet li Rotrout, mult s'en est empeiriez [H] 139
[3] Ne p. a vus atendre [H] 139
[4] il unt [P] 139
[5] sunt del tut a. [H] se sunt bien a. [P W] 139
[6] lur c. [H] i a. acordees [P] 139
[7] oianz t. [H] 139
[8] a seel pendant [B] 139
[9] jo vus s. [P W] 139
[10] enditer [P] 139
[11] Henris due [H] 139

Page 139

[f.55v]
901
   "S'est a mei acordez tut a ma volenté.
   Pur ço comant que il e tuit, lai e letré,
   Li suen qui pur li furent hors del païs alé,
   Pais aient, e le lur, - rien n'en seit recolpé, -¹
4505 Aient plenierement par trestut mun regné;²
902
   "E que li arcevesques e li suen ensement
   Tiengent bien e en pes e honurablement
   E terres e iglises e altre tenement,
   Tut isi cum il tindrent treis meis derrainement
4510 Devant ço qu'il eissist d'Engleterre od sa gent.³
903
   "Les plus vielz chevaliers faites dunc asembler⁴
   E les plus ancïens que vus porrez trover⁵
   El fiu de Salewode. Ço qu'il purrunt jurer
   Qu'a l'arceveschié deie, de tut cel fiu, aler,⁶
4515 Faites a l'arcevesque e baillier e livrer.
904
   "Quant les avrez veües, les letres retenez."⁷
   Mais li sainz arcevesques, qui mult par ert senez,⁸
   Comanda que li briés fust escriz e mustrez⁹
   Altresi as estranges par tut cum as privez;¹⁰
4520 Car del retenir fu li moz forment notez.
905
   Li briés fu a Ambaise saint Thomas graantez,
   Mais a Chinun fu puis a ses hummes livrez.
   L'arcevesques i fu testemonies numez
   Qui de l'arceveschié de Ruem ert chasez.¹¹
4525 Par tut les a li reis, tant cum pout, traïnez.¹²
906
   D'Ambaise fist en France saint Thomas returner
   E cum sun messagier en sa besuigne aler.¹³
   E a Ruem se durent andui entrecuntrer;¹⁴
   La li dut li reis faire cinc cenz mars aporter,¹⁵
4530 Dunt il porreit ses detes a cel' hure aquiter. [f.56r]
907
   Car li reis li dut rendre par fine covenance
   Quanqu'il out pris del suen e des suens a vaillance;
   Ne l'en volt sainz Thomas faire nul' alegance.
   Mais li premiers deniers est encore en balance;
4535 Li reis l'ad mis encore en mult bele suffrance.

[1] n'en seit rien r. [H] 140
[2] Algent [H] (Aient corr. plus tard en Aujent [W] 140
[3] e sa g. [B] 140
[4] Des p. v. [H] 140
[5] anciene [P] porriez [P W] 140
[6] l'arcevesque [B] 140
[7] a. lues [H P] 140
[8] om. sainz [H] 140
[9] fusse lit e [H] 140
[10] om. as devant estranges [P] 140
[11] esteit [B] fu [H] 140
[12] p. grevez [H] 140
[13] E fist pur m. [B] 140
[14] Roem se bis [P] encuntrer [H] 140
[15] [H] 140

Page 140

908
   Bien trente milie livres out de l'arceveschié,
   Estre tut ço qu'il out eü e purchacié
   Des rentes a tuz cels qui erent dechacié.
   Car mult furent raienz li humme de cel fié,¹
4540 E li bois l'arcevesque vendu e essillié.²
909
   Li humme l'arcevesque en Engleterre alerent;
   Les letres al viel rei al jovene rei porterent.
   Asez firent transcriz e par tut les mustrerent.
   E les plus gentilz hummes del honur asemblerent,³
4545 Al rei e as justises ovoec els les menerent.
910
   E quant les ourent fait devant le rei aler,
   E durent la parole l'arcevesque mustrer,
   Il s'alerent seer, n'i voldrent mot suner;⁴
   Pur sun seignur ne volt nul d'els en place ester.
4550 Faintié virent par tut; en faintié furent per.
911
   Les justises le rei firent lunge traïne.⁵
   Tute l'arceveschié remest einsi frarine,
   Ainz que cil dui eüssent des maneirs la saisine,
   Ne remist buef ne vache ne chapuns ne geline,⁶
4555 Cheval, porc ne berbiz, ne de blé plaine mine.⁷
912
   A la Sainte Marie Magdalene en esté⁸
   Furent li arcevesques a li reis acordé.⁹
   Tresqu'a la Saint Martin l'unt par respit mené,¹⁰
   Ainz qu'il eüst saisine de sa proprieté,
4560 Tant que Randulf del Broc out tut pris e fulré.¹¹ [f.56v]
913
   Liqueus rendra raisun de ço qu'en ad eü,¹²
   U li reis u Randufs, al grant jur irascu?
   La ierent coveitus senz fin mort e perdu,
   La ne purra nul d'els faire de l'autre escu.¹³
4565 De quanque Randuls fist, adrecement n'en fu.¹⁴

[1] paiens li h. de c. sié [B] de sun f. [H] 141
[2] Le b. unt l'a. [B] 141
[3] li p. gentil humine [B] om. les [P] 141
[4] Il se aler s. [H] 141
[5] fine l. t. [P] 141
[6] remeint [P] 141
[7] une mine [H] 141
[8] M. Magdale [P] 141
[9] li evesques [P] 141
[10] respiz [P] 141
[11] fulé [B] 141
[12] Li quens [B] 141
[13] Ja [B] d'altre [H W] 141
[14] ne fu [H W] 141

Page 141

914
   Deus adrecera tut, qui tut seit e tut veit;¹
   Deus est si dreiturels ne poet faire fors dreit,²
   E il het tut malice, e justisier le deit.³
   Les justises erranz ferunt la poi d'espleit;⁴
4570 Cil les jugera tuz qui nuls d'els ne deceit.⁵
915
   Deus, cum par est mainz huem pur le siecle avoglez!⁶
   N'i est amurs ne fei ne pais ne charitez.
   Se tuz les biens del mund aveie conquestez,⁷
   Si que mes fiz en fust après mes jurs chasez,
4575 Ja n'en sereie mielz devant Deu apelez.
916
   Se j'achat abeïes u haltes eveschiez⁸
   Dunt jo seie en cest siecle levez e eshalciez,
   Devant Deu en serai asprement chalengiez.
   Ja de tuz mes parenz n'i serai point aidiez.⁹
4580 Mult achate l'onur quin est a mort jugiez. -¹⁰
917
   Si tost cum saint Thomas fu acordez al rei,
   De sun fuc li sovint, qui petiz ert en fei,¹¹
   Qui aveit meserré par seignuril desrei.¹²
   El païs enveiad sun angele devant sei,¹³
4585 Qui sa veie esneast e ostast le fangei.¹⁴
918
   Johan de Salesbire i aveit enveié,
   Qui le sene ad tenu mult plenier del clergié;¹⁵
   E de part l'arcevesque lur aveit denuncié
   Qu'il les asoleit tuz, clers e lais, del pechié
4590 Qu'as escumenïez orent communïé. [f.57r]
919
   Kar ne voleit baisier clerc ne lai ensement
   Qui as Brokeis eüst eü cumunement.
   Ensement ad asols les moines del covent
   Qui rien orent eü a cels parchunement:
4595 Les suens voleit baisier senz enpeechement.¹⁶
920
   Quant saint Thomas s'en dut en Engleterre aler,¹⁷
   Li reis Henris le dut a Ruem encontrer,
   Si cum il out pramis, faire deniers livrer.¹⁸
   Unes iteles lettres li ad faites porter;
4600 Bien les vus savrai lire, ses volez escuter:¹⁹

[1] et veit [P] 142
[2] dreituriers [B] 142
[3] E si h. tote m. [P] 142
[4] Li justise errant [B] 142
[5] nul d'e. [B] ki nullui n. [H] 142
[6] om. est [P] 142
[7] tut le bien [H] 142
[8] mss. jo achat142
[9] om. point [H P] 142
[10] qui est [B P] 142
[11] de sun filz [P] 142
[12] seignurel [P] 142
[13] s. aignel [B] (angel [H P] 142
[14] esneia e osta [H] 142
[15] le sanc ... de c. [B] la sene [H P] 142
[16] Tuz les v. b. [H] 142
[17] se d. [H] 142
[18] aveit p. [H] 142
[19] le v. ... sel v. [H] 142

Page 142

921
   "Henris, reis des Engleis, des Normanz ducs e sire,
   Saluz a l'arcevesque Thomas de Cantorbire.¹
   Loëwis reis de France, si cum j'ai oï dire,²
   Ad somuns tute s'ost par trestut sun empire;
4605 Volt aler en Auverne pur ma gent desconfire.
922
   "Mes hummes volt destruire e ma terre essillier.³
   E mi ami de France le m'unt fait bien nuncier;⁴
   Auvernaz m'unt mandé que jo lur voise aidier.⁵
   Encontre vus dui estre a vostre repairier,⁶
4610 A Ruem: saciez bien que mei l'estuet laissier.⁷
923
   "E pur ço vus envei un mun clerc mult privé,⁸
   Johan d'Oxeneford, qui jo ai comandé⁹
   Qu'il vus maint el païs. E par lui ai mandé
   Al jovene rei Engleis, Henri mun fil l'ainzné,
4615 Bien e en pais aiez vostre proprieté.
924
   "S'il i ad rien mespris de ço qu'a vus apent,¹⁰
   Mes fiz vus en fera aveir adrecement.
   A mei e a mun fil novelë un gramment
   De vostre demurance, puet cel estre u l'um ment;
4620 Pur ço vus vendreit mielz haster, men escient."¹¹ [f.57v]
925
   A Lokas furent faites tels letres cum ci a.¹²
   Li reis Henris meïsmes les testimonia.
   Quant sainz Thomas les vit, sun eire apareilla;
   As Franceis prist cungié, en Engleterre ala.
4625 Johans d'Oxeneford l'i conduist e mena.
926
   Li trei prelat qui n'orent l'arcevesque point chier,
   Mult duterent, quant sorent qu'il deveit repairier.¹³
   A Cantorbire vindrent parler e conseillier¹⁴
   A dan Randulf del Broc, e pur lui enticier¹⁵
4630 Qu'il deüst l'arcevesque e les suens maistreier.¹⁶
927
   Dunc firent ses serjanz e chevaliers armer,¹⁷
   E od els les menerent tresqu'a Duvre sur mer.
   Firent les porz cergier e guaitier e guarder,
   Que, se li arcevesques i volsist ariver,
4635 Qu'il li fussent encontre, prez de lui desturber,

[1] Saluz arcevesque [H] 143
[2] si cum ai [H] 143
[3] E mes h. d. [B] 143
[4] [P] om. place ce vers à la fin de la str. bien [H] 143
[5] om. jo [B H] 143
[6] E. v. deie e. al v. r. [H] 143
[7] A R. mais ço saciez que [B] que m'estuet [H] om. que [P] 143
[8] om. E [B H] un mien c. privé [H] 143
[9] cui je l'ai c. [H] 143
[10] Se li ad [P] nus a. [H] 143
[11] v. vendriez m. [H] 143
[12] Iluekas [B] Ilokes [P] Oveskes (corr. plus tard en A Lokas) [W] 143
[13] M. lur pesa [B] M. durement q. [P] 143
[14] coseillier [B] 143
[15] om. dan [H] Randufl [B] 143
[16] s. desturbier [H] s. mestreitier [P W] 143
[17] lur s. [H] 143

Page 143

928
   De destrusser ses hummes, de ses coffres cergier,¹
   De prendre tuz les briefs que il pout purchacier
   A Rome; ja un sul ne l'en voldrunt laissier.²
   Les porz firent issi cil trei prelat guaitier;³
4640 Mal encontre voleient lur pere apareillier.
929
   E qu'il fuissent plus fort a la grant felunie,
   Dan Rainald de Warenne unt pris a compaignie,
   Gervais de Cornehelle, qui dunc ne l'ama mie,⁴
   Randulf del Broc. Tuit trei jurent le fiz Marie,⁵
4645 Se l'arcevesque encontrent, il i perdra la vie.
930
   Tut ç'a hum l'arcevesque e mustré e nuncié;⁶
   Car si ami l'oïrent, qui l'en unt acointié.
   De nule rien purquant ne s'en ad esmaié;⁷
   Mais de sun païs out e tendrur e pitié,
4650 E des francs qui li ourent en sun eissil aidié. [f.58r]
931
   De sun païs veeir aveit grant desirier,
   E des suens ramener od lui e conseillier,
   Que li reis Henris out sis anz fait essillier.
   A Witsant est venuz; ala par le gravier
4655 Pur esguarder l'oré e pur esbanïer.
932
   Li deiens de Buluigne, - Milun l'oï numer, -
   Est dunc venuz a lui un message mustrer.
   "Sire, fait il, ne vieng passage demander,
   Mais de part mun seignur un message aporter,
4660 Le cunte de Buloigne, qui ça me fist aler.
933
   "Ço vus mande mis sires que vus bien vus guaitiez. ⁸
   Mult avez enemis d'armes apareilliez;
   Par tuz les porz de la estes forment guaitiez.
   Se vus i arivez, tuz serez detrenchiez
4665 U mis en grant fermine e en chartre lanciez.⁹

[1] e ses c. [H] 144
[2] li voldrent l. [H] 144
[3] f. cil trei p. issi [B] 144
[4] Gerveise [H W] (l'e final gratté dans [W] ) Cornhelle [B H] Cornhulle [P] Cornulle (avec une h aj. en interligne par le corr.) [W] ki unc [H] 144
[5] Radulf [H] 144
[6] om. ço a mss. le premier e [B H] 144
[7] s'en est e. [H] (ad changé en est par le corr. [W] 144
[8] que mult b. [H] que bien [P W] 144
[9] u en ch. [H] 144

Page 144

934
   - Beals fiz, fait sainz Thomas, bien le puis afichier.
   Que, s'um me deveit tut par pieces detrenchier,
   Ne voldreie jo l'eire qu'ai comencié, laissier,¹
   Ne pur poür de mort ne pur autre encombrier.
4670 Ne turmenz ne perilz ne m'en puet mais chacier.²
935
   "Trop a pluré m'iglise sun pastur, ço m'est vis,³
   Qui set anz l'a pluré e les nuiz e les dis.⁴
   Mais or requier les miens, se ainc fui lur amis,
   Qu'a m'iglise me portent, se n'i puis aler vis,⁵
4675 Se si hastivement de cest siecle partis.
936
   "E si faites mes livres ensemble od mei porter;⁶
   Se jo ainz nes servi dunt se puissent loer,
   Pur ma possessiun m'i voillent honorer.
   N'um ne puet en la fin a l'umme plus doner⁷
4680 Que ço qu'il plus desire, s'um li volt graanter." [f.58v]
937
   Quant l'arcevesque sout, e bien li fu nuncié,
   Qu'a Dovre erent li trei qui tant l'unt guerreié,⁸
   Les briés a l'apostolie baille un vaslet a pié,⁹
   U cil trei prelat erent suspendu e lacié;¹⁰
4685 Comande qu'il past mer. Cil n'i ad rien targié.¹¹
938
   Cil est venuz a Dovre; les evesques trova.¹²
   Lur ures ourent dites. L'arcevesque araisna:
   "Sire, fait il, la pape, qui m'a enveié ça,
   Cum avez deservi, par mei vus salua.
4690 Tenez, lisiez ces letres, k'enveïes vus a.¹³
939
   "Hastez vus; la besuigne de Rome demorez!¹⁴
   D'apel e del devin mestier estes sevrez."¹⁵
   Dunc se turna as dous: "Seignurs, fait il, tenez!
   J'ai le transcrit des lettres, einsi n'eschaperez!
4695 Qui vus ad de commune ecclesial getez."¹⁶
940
   Il lur bailla le brief. Quant il i unt trové¹⁷
   Qu'il esteient einsi de lur mestier sevré,
   De duel e de coruz furent descoluré.
   Pur poi Randulf del Broc n'out le vaslet tué;¹⁸
4700 Mais il nel pout trover, car Deus l'ad desturné.

[1] om. l'eire [H] 145
[2] Manace ne turmenz [H] chastier [P] 145
[3] por sun p. m'est vis [H] sanz p. [P] 145
[4] Quis set a. [B] om. l' [H P] 145
[5] om. p. ales vis [P] 145
[6] f. les l. [H] 145
[7] Hum ... a humme (corr. dans W) [B W] a la f. [H] 145
[8] e. tut trei li escumengié [H] 145
[9] Le brief [B] b. unt v. [P] 145
[10] e lié [H] 145
[11] n'a r. [H] 145
[12] E il [H P] 145
[13] om. ces [B] enveié [H P] 145
[14] ne d. [H] (#dans [W] 145
[15] J'apel [B P] 145
[16] De commune vus ad l'apostoile g. [H] sevrez [B] 145
[17] e quant il unt t. [H] om. i [P] 145
[18] Radulf [H] 145

Page 145

941
   Roberz li segretains rest a Dovre arivez.¹
   Pris fu pur ço qu'il n'ot briés del rei aportez,²
   E qu'il ert senz congié en Engleterre entrez.
   El message, ço dit, le primat ert alez;³
4705 Pur sa cruiz aporter contre lui s'est hastez.⁴
942
   "Vient il? funt il. - Oïl, fait Robert, veirement."⁵
   Funt il:"Mais tu deüsses venir plus sagement;⁶
   D'altre seignur deüsses aveir avoement."⁷
   Le segrestain unt mis par fiance erramment⁸
4710 Qu'al premier flot irad ariere, s'il a vent.⁹ [f.59r]
943
   La pais le rei Henri ot saint Thomas seüre¹⁰
   De raler el païs, de raveir sa dreiture.¹¹
   Mais s'ele fust bien clere e senz nule emposture,
   N'eüssent fait as suens desonur ne enjure;¹²
4715 Mais conuistre i pout l'un mult tost l'encloeüre.
944
   Sainz Thomas l'endemain en sa nef en entra.¹³
   Deus li dona boen vent; a Sanwiz ariva.¹⁴
   Car l'ariver de Dovre pur l'aguait eschiwa,
   E a Sanwiz, qui suen esteit, se herberga.
4720 Mult granz pueples des suens encontre li ala.
945
   Mais quant as treis reals fu mustré e nuncié
   Qu'il esteit arivez, mult en furent haitié.
   Od lur hummes se sunt d'armes apareillié,
   Si cum li trei prelat lur orent conseillié.
4725 Dreit vers l'arcevesque unt lur chemin adrescié.¹⁵
946
   Johans d'Oxeneford, quant il les vit armez
   Venir vers l'arcevesque, mult en fu trespensez.
   Car bien sout que fols fu e malveis lur pensez,
   E sout bien que li reis en sereit mult blasmez,
4730 Se Thomas l'arcevesque i fust point mesmenez.¹⁶

[1] s. est [H W] 146
[2] brief [B H] 146
[3] al p. [P W] 146
[4] est h. [H] 146
[5] veraiement [P W] 146
[6] F. li il [H] om. mais [H] 146
[7] D'a. s. deussez [P W] a. aveiement [H] 146
[8] u. pris [H] 146
[9] om. Qu' [P W] 146
[10] om. ot aseüre [B] 146
[11] e de aveir [H] 146
[12] Ne e. [B] N'ust f. [H] 146
[13] en om. devant entra [H P] 146
[14] b. venz [H] 146
[15] drecié [H] 146
[16] i esteit m. [H] 146

Page 146

947
   Dunc est alez a els, qu'il n'en fist targeisun,¹
   E mustra lur l'acorde del rei e del barun.²
   Dist lur de part lu rei e comanda par nun³
   Que il ne li fesissent, ne as suens, se bien nun;⁴
4735 Car li reis en sereit retez de traïsun.
948
   Dist lur que il alassent a lui tut desarmé.
   Il mistrent jus lur armes, quant ço lur out mustré;
   Vindrent a l'arcevesque, si l'unt araisuné:
   Dient que l'enemi al rei ad amené,
4740 E l'establissement le rei ad trespassé.⁵ [f.59v]
949
   Pur dan Simon l'unt dit, qui esteit nez de Senz,⁶
   Sin ert arcediachenes, uns halt, uns beaus e genz,⁷
   E esteit alez la pur veer ses parenz.⁸
   De lui volent aveir li real seremenz⁹
4745 Qu'a lur rei se tendra encontre tutes genz.¹⁰
950
   N'en unt pas l'apostolie ne nul altre sevré.
   Mais sainz Thomas ne volt qu'il fesist feelté,
   Qu'altretel ne fesissent tuit li clerc del regné.
   Ne li poeient faire rien encontre sun gré,¹¹
4750 Car des suens out od li mult grant pueple asemblé.¹²
951
   Ne volt rien pur els faire. Dunc s'en sunt returné.¹³
   E li sainz arcevesques ala a sa cité;
   Volentiers i ala, car mult l'out desiré.¹⁴
   Li muine e la gent l'unt reçu a grant chierté;¹⁵
4755 A grant processiun sunt contre lui alé. -
952
   Tant cum il vesqui puis, sainte vie mena;¹⁶
   De servir sun Seignur quanqu'il pout se pena.
   Vedves e orphenins e povres guverna,
   Dras, viande e sollers e deniers lur dona;¹⁷
4760 E trop poi en veneient a lui, ço li sembla.¹⁸
953
   Ne nuls huem de justise deveier nel poeit.¹⁹
   Neïs as clers le rei les iglises toleit²⁰
   Quis aveient purprises, e a cels les rendeit
   Quis aveient perdues; e al dreit se teneit.²¹
4765 Bien sout que pur justise murir li covendreit.

[1] ne f. [H] 147
[2] m. lui [H] 147
[3] D. lui [H] 147
[4] Ke nuls ne li fesist [H] 147
[5] al rei [H] 147
[6] k'il ert venuz de S. [H] Sænz (a corr. en e) [B] 147
[7] Arcediacres ert uns h., uns bruns, un g. [P W] e nez de bone genz [H] 147
[8] Esteit venuz od li [B] om. E [P W] 147
[9] voldrent [H] 147
[10] tendreit [H] 147
[11] om. li [B] Mes ne li porent f. [H] 147
[12] p. aüné [H] 147
[13] pur els rien [H] se s. [H W] 147
[14] l'ad d. [H] 147
[15] a g. gré [B] 147
[16] om. il [H] 147
[17] v. soldiers [H] 147
[18] en veneit [P W] 147
[19] om. huem [H] 147
[20] E nis [B] 147
[21] K'eins a. p. [P] Ki l'a. p. par seignuril desrei [H] 147

Page 147

954
   Mais poi après iço qu'il revint d'ultre mer,¹
   Ne volt pas longement en sun sié demurer
   Que il n'alast al rei de la terre parler.
   Mais ainz i fist un moine en sun message aler,
4770 Richar, qui de Dovre out l'iglise a governer.² [f.60r]
955
   Le jovene rei aveit a Wincestre trové.
   La erent del païs li barun asemblé,
   Deien, arcediachene, persones e abé,
   Par le conseil des treis qui esteient sevré
4775 De comune de gent, e Gefrei l'Espusé.
956
   Sis eglises aveit el regne senz pastur.
   Pur c'erent asemblé celes genz a cel jur,³
   E li prince e li conte e des baruns pluisur,
   Pur eslire e sortir pastur a cele honur.⁴
4780 D'iluec durent passer ultre mer senz demur.
957
   La durent les persones e eslire e doner,
   Par le conseil des quatre que m'oïstes nummer.⁵
   N'i voldrent arcevesque ne primat apeler,⁶
   Ne pluisurs des evesques, que jo n'i voil celer,
4785 Ces qu'il sorent qui voldrent en lealté ester:⁷
958
   N'i voldrent pas aveir l'evesque de Wincestre,⁸
   Ne dan Bertelemeu l'evesque d'Execestre,
   Le gentil e le buen Rogier de Wirecestre,⁹
   Ne l'evesque d'Ely, qui n'i out cure d'estre.¹⁰
4790 A tel sacre ne dut produem metre sa destre.¹¹
959
   En nul liu ne deit estre evesques ordenez,
   Tant n'i avra evesques venuz ne asemblez,
   Senz conseil del primat; ço rove li Decrez:¹²
   De treis evesques seit, se besuig surt, sacrez;¹³
4795 Senz comant del primat ne deit estre alevez.¹⁴

[1] a. ço qu'il vint [P] 148
[2] Richar [B] R. prior de D. a l'iglise sur mer [H] 148
[3] P. ço e. a. celez g. [B] om. erent [H] om. (en marge une main du XVe siècle a ajouté sunt), c' [P] (cele g. [P] 148
[4] s. pasturs [P] 148
[5] ki [H] 148
[6] voldrunt [P] 148
[7] Cels [H P] ki sorent [H] 148
[8] Si (corr. plus tard) [H] pas saveir [B] 148
[9] e le large [H] 148
[10] l'e. del liu [H] 148
[11] prodome metre destre [B] (prozum [H] prouzdum [P] prodome [W] 148
[12] p. ne deit estre alevez [P W] 148
[13] ses b. [H] 148
[14] S. conseil [H] n'i d. [P] 148

Page 148

960
   E s'um deit el païs nul evesque ordener,¹
   Hum i deit les evesques del reaume mander;
   E ceaus qu'um n'i purra aveir ne asembler,²
   Lur message od lur letres i deivent faire aler,³
4800 Saveir mun s'il voldrunt cel sacre graanter.⁴ [f.60v]
961
   S'evesques u prestre est esliz e alevez,⁵
   U diachenes, par prince, que il seit degradez;⁶
   E se nul ad tenu seculers poestez,⁷
   E par celes purchast divines dignitez,
4805 Ostez seit de comune e del tut deposez.
962
   Jo ne vei clerc ne lai tenir lei ne decré;
   E cil qui pis le tienent, ço sunt li ordené.⁸
   Car pur ço que il criement perdre lur dignité,
   Se sunt del tut suzmis a laie poesté;⁹
4810 Quel part que li venz turt, se plessent od l'oré.¹⁰
963
   Ne sunt pas fil Jesu, ainz sunt tuit forslignié.
   N'erent uan, s'il poent, pur Deu crucifïé;
   Mult enviz perdereient ço qu'il unt enbracié.¹¹
   Ne sunt pas né del ciel, n'i unt lur vis drecié:¹²
4815 De terre sunt furmé, vers la terre enbrunchié.
964
   Li evesque devreient tut le munt adrecier;
   Buen humme deivent estre, buen clerc, né de moillier.
   Bon' ente en bon estoc deit bien fructifïer;
   En malvais estoc vei bon' ente mal fruchier:¹³
4820 Qui malvais arbre aluche, malvais fruit deit mangier.¹⁴
965
   Diables ad les princes e les reis avoglez.¹⁵
   Cil qui ad malvais pere, malvais' est s'eritez;¹⁶
   Cil qui ad fieble chief, sovent est flaelez;¹⁷
   Quant li filz fait le pere, li ordres est muez:¹⁸
4825 Li ciels est suz la terre, n'est un point estelez.¹⁹
966
   Quant li reis fait pastur, tel le deit esguarder²⁰
   Qui il puisse sun cors e s'aneme comander.²¹
   E quant de gré le fait tel qui tost volt verser,
   E fait pure esmeralde en plum encastuner,²²
4830 N'en voil altrui que lui jugement demander.²³ [f.61r]

[1] s'un dit... ordenez [P] 149
[2] ne p. [B W] a. et assembler [P] 149
[3] e lur l. [H] 149
[4] s'il voldrent [P] icel s. [P] 149
[5] Se prelaz u p. [H] 149
[6] pur p. [H] 149
[7] U... seculiers p. [B] 149
[8] l'i t. [H] 149
[9] de l. p. [H] 149
[10] turne [H P] 149
[11] M. a enviz perdreient [P] (M. e. perdreient [H] 149
[12] om. né [H] 149
[13] e. veum [H] 149
[14] aluhe [B] alue [P] (alueche corr. plus tard en alue [H] 149
[15] les reis et princes a. [P] 149
[16] sa e. [B] 149
[17] malveis chief [H] 149
[18] li f. falt [H] 149
[19] La tere e. siez le c. [H] 149
[20] esgardé [P] 149
[21] Kil p. [H W] 149
[22] encassuner [B] 149
[23] Ne v. [H] a. de lui [H] 149

Page 149

967
   Um deit a saint' iglise doner si net pastur
   C'um li puisse sun chief suzmettre par honur.¹
   Saint' iglise est espuse al soveraing Seignur;
   E s'um done a s'espuse malvais guverneür,
4835 A Deu e a s'espuse en fait um deshonur. -²
968
   A Wincestre est li mes l'arcevesque venuz.
   Mais li uis de la chambre li fu mult defenduz;
   Car de clers e de lais fu dutez e cremuz,
   Qu'il n'aportast tels briés e n'eüst pas saluz³
4840 E par quei alchuns d'els ne fust dunc suspenduz.⁴
969
   Li messagiers parla mult enseignïement,
   E dist qu'il n'aportout nul malveis mandement:⁵
   Li primaz aime mult e le rei e sa gent.
   Tant ad fait que il out le jovene rei present.⁶
4845 Parfunt li enclina e parla humblement:
970
   "Thomas li arcevesques, fait il, de Cantorbire,
   Legaz del sié de Rome, primaz de tut l'enpire,
   Salue rei Henri, qui d'Engleterre est sire.⁷
   Asez l'avez par altres, Sire reis, oï dire;
4850 Par mes lettres purquant le vus ai fait escrire,
971
   "E pur ço que jo voil que par mei le saciez:
   Que mei e vostre pere, qui ert vers mei iriez,
   Que Deus li pius nus ad par sa grace amaisiez,⁸
   En concorde e en pais e en amur lïez.
4855 Mais pluisurs en i ad qui en vei coreciez;⁹
972
   "E me volent vers vus mesler e mal tenir¹⁰
   E l'amur e la pais desfaire e envanir;¹¹
   Dient que jo vus voil la corune tolir.¹²
   Mais einsi m'aït Deus, qui tuit deivent servir,¹³
4860 Si me doinst Deus la joie celestre partenir,¹⁴ [f.61v]

[1] om. li [P] 150
[2] om. en [H] 150
[3] tel brief [H] 150
[4] nuls d'els [P] 150
[5] E dit [H] 150
[6] en present [H P] note (dans W le corr. a ajoutéen) om. rei [P] 150
[7] ert s. [P] 150
[8] li p. Deus [H] 150
[9] en sunt c. [B] 150
[10] Ki me v. [H] 150
[11] e envaïr [H] 150
[12] om. jo [P] 150
[13] devom s. [H] 150
[14] om. Deus [H W] j. celestien tenir [B] 150

Page 150

973
   "Cum jo pluisurs reaumes, od cel que vus avez,¹
   Vus voldreie aveir ja par ma char conquestez,²
   Si que mis sancs i fust en partie wastez,³
   Mais si que jo n'en fuisse de Deu achaisunez,
4865 Si m'aït a la fin la sainte Ternetez.
974
   "E coment vus quereie ne mal ne deshonur,⁴
   Qui jo tienc, e dei faire, pur rei e pur seignur
   E de tut le reaume e eir e successur,⁵
   E qui j'aim sur tuz hummes, en fei e en amur,⁶
4870 Senz mun seignur le rei, qui me mist en l'onur?
975
   "Mais de c'est en mun quer grant amerté asise,⁷
   Que ne vus ai el chief la corune d'or mise,
   Sulunc la dignité de nostre mere iglise;
   E pur ç'ai par mes lettres vostre bunté requise⁸
4875 Que puisse a vus parler d'el, d'iceste mesprise."⁹
976
   Bien aveit cil Richarz sun message conté.
   Mais ses conseilz aveit al jovene rei loé
   Qu'il n'at a l'arcevesque a cele feiz parlé;
   E danz Gefreiz Ridel li ad dit e juré
4880 Que li vielz reis l'en ad sun curage mustré:
977
   Il ne volt pas qu'il deie a cel humme parler,¹⁰
   Qui le volt del reaume, s'il puet, deseriter,¹¹
   La corune del chief e tolir e oster.
   Dunc fist a l'arcevesque dous chevaliers aler;
4885 Thomas de Turnebug en oï l'un nummer,
978
   E Jocelins i est de part le rei venuz:¹²
   Tuz les recez le rei li aveit defenduz,
   Viles, burcs e chastaus; mar i sereit veüz.
   Ja ert li arcevesques tresqu'a Lundres meüz.
4890 Alout parler al rei. A Suerc est descenduz.¹³ [f.62r]
979
   "Coment, fait saint Thomas, avez me desfïé?¹⁴
   - Nenal, fait Jocelins; mais ço vus ad mandé¹⁵
   Li reis. Car trop avez envers lui meserré,¹⁶
   E leis e us volez oster de sun regné,
4895 La corune tolir al jovene coruné.

[1] e cel [B] 151
[2] om. ja [B W] 151
[3] en fust p. [H] 151
[4] vus q. jo n. [P] 151
[5] e rei e s. [B] 151
[6] (E ke [H W] 151
[7] de ço est mss. est m. q. en grant a. a. [H] 151
[8] om. E [H] 151
[9] od vus [P] 151
[10] Il ne veit [B] N'il nel v. [H] parlé [P] 151
[11] K'il le v. [H] 151
[12] en est [H] 151
[13] om. al rei [H] (a Sudiwerc [H] a Suewerc [W] 151
[14] a. mei d. [H P] 151
[15] Nenil [H P] 151
[16] vers l. [H W] 151

Page 151

980
   "Vus menez par sa terre les chevaliers armez,¹
   E clers d'estrange terre el païs amenez,²
   E avez ses prelaz de lur mestier sevrez.³
   Or volt li reis Henris que vus les asolez.
4900 De ço e d'autres choses granz torz fait li avez."⁴
981
   Dunc respundi li ber, ne s'i volt pas plus taire⁵
   "Nest pas dreiz, fait lur il, ne nel vi ainc retraire,⁶
   Co que li plus halz fist plus bas peüst desfaire;⁷
   Parkes ço que la pape fait, conferme e fait faire⁸
4905 Nel puet plus bas de lui par dreit metre en repaire."⁹
982
   Dunc li unt respundu a voiz li forssené:
   "Se vus ne faites ço que li reis a mandé,
   Il en avra tut dreit; mult iert chier comparé."¹⁰
   (Tut cest conseil aveient furni e aturné
4910 Li trei prelat qui erent de lur mestier sevré.)
983
   Mult dulcement idunc lur respundi li ber:
   Se l'evesque de Lundres voleit a lui aler¹¹
   E cil de Salesbire, e voleient jurer
   Al dreit de saint' iglise e a la pais ester,
4915 Il en voldra grant fais sur li prendre e porter;
984
   E al conseil le rei s'il se volt apuier,¹²
   E al conseil l'evesque de Wircestre, Rogier,¹³
   E as autres evesques a qui deit conseillier,¹⁴
   Al honur l'apostolie les voldra bel traitier
4920 E en humilité, e mult li erent chier. [f.62v]
985
   Fait li dunc Jocelins: "Quant en ço vus tenez
   Que les prelaz le rei asoldre ne volez,
   Or vus defent li reis ses burcs e ses citez
   E viles e chastals, que mar i enterez.
4925 Faire vostre mestier a Cantorbire alez!¹⁵

[1] om. les [P] voz ch. [H] 152
[2] Clers d'estranges terres [H] 152
[3] a. les evesques [H] 152
[4] Dreit li fetes de ço dunt tort fet li a. [H] dunt tort fet li a. [P W] 152
[5] ne s'en v. mes t. [H] ne se v. plus t. [P W] 152
[6] ne ne l'oi ainc r. [H] n'ainc nel vi r. [B] 152
[7] plus haut... p. bas poïst [P] li plus b. p. [B] poüst li p. b. [H] 152
[8] om. Parkes [B] Preceps ke la p. fist [P] Parkes [W] Parkes... fet confermer e faire [H] 152
[9] Ne p. [P W] om. par dreit [H] el r. [H] 152
[10] e chier ert c. [H] 152
[11] a l. parler [H] 152
[12] s'il s'i v. [H] 152
[13] Wirecestre mss. (Winc. corr. en Wirec. [H] 152
[14] que il d. [B] 152
[15] Pur vostre m. f. [H] 152

Page 152

986
   - Quant ne puis, fait li sainz, par ma parole aler¹
   Paroses e eglises conseillier e guarder,²
   Ne puis pas mun mestier faire ne celebrer."
   Par iteles paroles entendi bien li ber³
4930 Qu'il deveit par martire hastivement finer.
987
   Dunc comanda a Deu, qui des bons est saluz,
   Les Lundreis e la cit. Puis s'en est revenuz.⁴
   Maint miracle a fait Deus la u fu descenduz,⁵
   D'avogles, de contraiz e de surz e de muz,
4935 De leprus cui revient e santez e vertuz.⁶
988
   Comandé s'est a Deu, e puis s'en returna.⁷
   Enz emmi le chemin, la u il mielz erra,
   Es viles e es burcs les enfanz conferma.
   Del cheval descendi la u hum les porta;⁸
4940 En nul liu de servir Deu grief ne li sembla.
989
   Deu servi volentiers. N'i estuet alumer⁹
   Par tut la u s'estut as enfanz confermer;¹⁰
   Les chapeles poum qu'i sunt faites, trover.¹¹
   La fait Deus cius veer, surz oïr, muz parler,
4945 Leprus munder, les morz e revivre e aler.
990
   Einsi s'en repaira saint Thomas a sun sié.
   Tant cum vesqui, se tint puis en s'arceveschié.¹²
   La u il vit les povres, en a eü pitié;¹³
   El servise Deu s'a jur e nuit traveillié.
4950 Bien saveit sun martirie, si l'aveit denuncié.¹⁴ [f.63r]
991
   Mais le jur de Noël, quant il out sermuné,¹⁵
   De saint' iglise aveit Robert del Broc sevré,
   Qui l'autre jur devant li eut fait tel vilté¹⁶
   Qu'il li eut sun sumier de la coue escurté,¹⁷
4955 E altres qui aveient envers lui meserré.¹⁸
992
   De l'evesque de Lundres ra al pueple mustré,¹⁹
   De cel de Salesbire, - Jocelin l'unt nomé, -
   De celui d'Evrewic, qui par s'auctorité²⁰
   Out sustrait a l'iglise de Sainte Terneté
4960 Des reis l'enunctiun e si grant dignité;²¹

[1] p. ma parosse a. [B W] conseilier e garder [H] 153
[2] P. e iglise e par le regne aler [H] 153
[3] P. itels mandemenz [H] 153
[4] cité [W] (cité, mais -e a été aj. après coup [H] 153
[5] om. a [B] a Deus f. [H] 153
[6] qui receivent [B] 153
[7] s'en torna [P] 153
[8] El chemin d. [H] om. u [H P] aporta [H P] (li a. [H] 153
[9] Beu s. v. ne l'estut esluiner [H] (estut [W] 153
[10] la u il s'e. [B] 153
[11] que s. f. [P W] 153
[12] se tint en sa a. [B] T. cum v. puis se tint a sun sié [H] 153
[13] om. il [H] 153
[14] l'a. nuncié [B] 153
[15] Nis [H] 153
[16] l'auter j. [B] 153
[17] Ki li [H] escurcé [P W] 153
[18] Et autre [P] 153
[19] ad [H] l'a [P W] 153
[20] De cel [H] 153
[21] L'enunctiun des reis k'el of en d. [H] 153

Page 153

993
   E de Randulf del Broc, qui l'out forment grevé¹
   E out maint de ses hummes sovent enprisuné.
   Dunc ad maudit tuz cels par qui out mal esté
   Del rei, e qui a tort li aveient meslé²
4965 E qui le meslereient mais a sun avoé.³
994
   "De Jesu Crist", fait il, "seient il tuit maldit!"⁴
   Dunc a geté aval, quant il out cel mot dit,⁵
   Desur le pavement la candeille en defit
   Que lur memorie seit ostee de l'escrit,
4970 E il mis hors del regne u li bon sunt eslit. -⁶
995
   Rogier del Punt l'Evesque, quant vit e entendié⁷
   Qu'en escumengement fu mis e en devié,
   Ne volt venir a dreit, ne n'a merci prïé.
   Car mult out felun quer e gros e surquidié,
4975 E li diables out dedenz lui pris sun sié.⁸
996
   Mais li autre prelat e si dui conpaignun,
   Gileberz Foliot e Jocelins par nun,
   Voleient repairier a satisfactiun,
   Faire a lur arcevesque e dreiture e raisun.
4980 Bien conurent entre els tute lur mesprisun. [f.63v]
997
   Mais cil del Punt l'Evesque les ad fait meserrer,⁹
   Contre Deu e raisun e drecier e aler;
   Compaignuns volt aveir al malice mesler.
   "Cele veie, fait il, vus pri laissiez ester;
4985 Vostre religiuns ne vus face turner.¹⁰
998
   "Il vus porreit mult tost turner e deceveir.¹¹
   Mais j'ai dis milie livres, en mun tresor, d'aveir:
   Ainz les despenderai tuz, ço saciez pur veir,¹²
   Que jo ne face tut l'orguil Thomas chaeir.
4990 Ne porra pas grant force encontre mei aveir.¹³

[1] ki of [H] 154
[2] l'en a. [H] 154
[3] ki mes le meslereit [P] 154
[4] C. il seient f. il, trestuit m. [B] 154
[5] q. aveit [H] q. out [P] 154
[6] om. il [H] 154
[7] de P. [H] 154
[8] om. E [H] E d. [P] pris dedenz lui [P] 154
[9] de P. [H W] 154
[10] V. religion vus fera tost t. [H] 154
[11] A vus... deveir [P] 154
[12] A. les despendrai t. ceo s. bien pur v. [P] tut ço [H] 154
[13] sa force e. mien a. [P] 154

Page 154

999
   "Or passerum la mer; irum al rei de la,
   Qui nus a maintenu encore tresqu'en cha,¹
   E nus e nostre cause contre lui maintendra;
   E s'en vus ne remaint, tresbien l'achevera.²
4995 Se vus le guerpissiez, savez que il fera?³
1000
   "E s'a sun enemi vus turnez e pernez,⁴
   Ja n'avreiz mais s'amur, tant cum vivre porrez,⁵
   Ne sa grace a nul jur ja ne recoverrez;
   E dirra que raisun fuiez e trespassez,⁶
5000 E voz possessiuns, si dreit vus fait, perdrez.
1001
   "Que porrez vus puis faire? U irez mendïer?⁷
   E s'al rei vus volez tenir e alïer,⁸
   De quei vus porra plus Thomas contralïer?⁹
   Mis vus ad en sentence qui ne vus puet lïer,¹⁰
5005 Car a nule verté ne se puet apuier."¹¹
1002
   Tant les ad enchantez qu'od sei les fist aler.
   A la nef sunt venu e entrerent en mer.
   Rogiers del Punt l'Evesque n'i pout sun quer celer.
   "Thomas, Thomas, fait il, mar m'i faites passer!¹²
5010 A vostre chief ferai mal chevez aturner."¹³ [f.64r]
1003
   Mais si tost cum il furent de la mer essawié,¹⁴
   Le brief a l'apostolie unt al rei enveié¹⁵
   Par quei lur mestier eurent e perdu e changié.¹⁶
   E quant li reis le vit, mult out le quer irié;
5015 Ses mains feri ensemble e se plainst senz faintié.¹⁷
1004
   En sa chambre en entra d'ire desculurez;¹⁸
   Dit qu'il ad malveis hommes nurri e alevez,
   En malveise gent est sis pains mis e guastez,¹⁹
   A ses dolurs ne part nul de tuz ses privez!²⁰
5020 Mult aveit tuz les suens par ses diz esfreez.
1005
   Funt il: "Que s'a li reis si fort a dementer?²¹
   Se il veïst ses fiz u sa femme enterrer²²
   E trestute sa terre ardeir e enbraser,
   Ne deüst il tel duel ne faire ne mener.²³
5025 S'il eüst rien oï, bien le deüst mustrer.

[1] treske cza [H] tresqu'a cha [P] 155
[2] en nus [H] l'achevira [B] 155
[3] la g. [H] s. vus qu'il f. [H] 155
[4] Car [H] 155
[5] om. mais [H] 155
[6] A tuz d. [H] 155
[7] Ke purriez puis f. u iriez m. [H] Ke vus purrez [P] 155
[8] Mais [B] 155
[9] De que [B] 155
[10] nus... nus [P W] 155
[11] s'i p. a. [H] 155
[12] mal m'i [P] feistes [H] 155
[13] A vus mesmes f. [H] 155
[14] om. essawié [B] 155
[15] u. avant e. [B] le rei e. [P] 155
[16] e leissié [P W] 155
[17] fiert e. [H] 155
[18] en om. devant entra [H P] 155
[19] E en malveises gentz ses pains m. [H] 155
[20] trestuz [B] om. tuz [H] 155
[21] Funt il il [P] 155
[22] e sa f. [B] 155
[23] Ne d. itel d. [H P] 155

Page 155

1006
   "E tut ço que l'um ot, ne deit um maintenir.¹
   Tuz ses comandemenz sumes prez de furnir
   E chastals e citez brisier a asaillir²
   E perilz de nos cors e des anemes suffrir.³
5030 A tort se plaint de nus, quant nel volt descovrir.⁴
1007
   - Uns huem, fait lur li reis, qui a mun pain mangié,
   Qui a ma curt vint povres, e mult l'ai eshalcié,
   Pur mei ferir as denz ad sun talun drecié!
   Trestut mun lignage ad e mun regne avillié:
5035 Li duels m'en vait al quer, nuls ne m'en a vengié!"⁵
1008
   Lués en comença tute la curt a furmïer;
   Eaus meïsmes enpristrent forment a avillier⁶
   E le saint arcevesque forment a manecier.
   Par fei s'en comencierent pluisur a alïer⁷
5040 Que la hunte le rei hasterunt del vengier.⁸ [f.64v]
1009
   Mais li trei conpaignun, quant il furent passé,
   Tut dreit a Bur alerent. La unt le rei trové:⁹
   Al pié li sunt chaü, merci li unt crïé,
   E devant lui se sunt mult griefment desmenté,¹⁰
5045 E en plainte e en lermes unt grant duel demené.¹¹
1010
   Dunc ad li reis Henris mult changié sun semblant,
   E rova les evesques drecier en lur estant,
   E comanda a dire de quei funt duel si grant.¹²
   L'arcevesques Rogiers aveit parlé avant,
5050 Qui mult seut mal mesler e deriere e devant.¹³
1011
   "Sire Reis, fait li il, bien devum doluser;
   E jel puis si cum si e dire e demustrer,¹⁴
   Mais a ces altres dous ne puet nuls huem parler,¹⁵
   Qu'en sentence nel facent e gesir e ester¹⁶
5055 U Thomas les ad mis, puis qu'il vint d'ultre mer.

[1] l'u. out [P] 156
[2] e eissillier [H] 156
[3] En [H] peril [H] 156
[4] A t. s'i p. sun doel quant ne v. d. [H] 156
[5] nuls ne m'ad v. [H] 156
[6] E eaus mesmes [B W] om. en [H] aveillier [B] 156
[7] se c. [H] li p. a lier [H W] 156
[8] de v. [P W] 156
[9] al Bur (d'abord burc) [B] al burc [P] a Bur corr. en burc [W] 156
[10] demené [H] 156
[11] se sunt mult dementé [H] 156
[12] de que [H] pur quei [P] 156
[13] et detrere [P] 156
[14] om. E et e devant dire [H] 156
[15] nuls parler [H] 156
[16] K'entence nel f. g. [H] 156

Page 156

1012
   "Tuz cels ad mis Thomas en escumengement
   Qui a vostre fiz furent a sun corunement,
   E cels qui consentant en furent ensement.¹
   - Dunc n'en sui jo pas fors, fait li reis erramment,²
5060 Par les oilz dunt Deus vit, car jel voil e consent.³
1013
   - Sire, fait l'arcevesques, quant vus estuet partir
   A la grevance od nus, mielz le poum suffrir.⁴
   Il fait de saint' iglise voz francs hummes eissir,
   En escumengement voz evesques gesir.⁵
5065 N'a ço ne se volt il encore pas tenir.⁶
1014
   "Puis qu'il fu el païs venuz e repairiez,
   Par vostre terre vait de granz genz espeisiez:⁷
   Chevaliers e serjanz, d'armes apareilliez,
   Maine, e crient qu'il ne seit autre feiz essilliez;⁸
5070 Quiert aïdes par tut, qu'il seit plus esforciez. [f.65r]
1015
   "Nus ne nus plaignum pas, ne n'en sumes grevé,⁹
   Que nostre aveir avum despendu e guasté,
   E en vostre servise travaillié e pené,
   Pur ço que vus avum servi en lealté,¹⁰
5075 Mes que nus ne seum de vostre amur sevré,¹¹
1016
   "Mais de ço qu'il nus ad a tel tort demenez,¹²
   Comme malvaises genz huniz e defamez.
   Se vus en faites el, n'en serez mais blasmez;¹³
   Mais or atendez tant qu'il seit aseürez:¹⁴
5080 Bien e tut choiement vengier vus en purrez."
1017
   Le brief a l'apostolie fu avant aportez,¹⁵
   Qui out ces treis prelaz de lur mestier sevrez;
   En oiance fu liz e de tuz escutez.¹⁶
   Dunc fu li mautalenz tutes parz enbrasez,¹⁷
5085 Saint Thomas maneciez e forment vergundez.

[1] om. en [H] 157
[2] ne sui [H W] 157
[3] P. olz [H] 157
[4] od vus [P] 157
[5] Et en e. [P W] nos e. [H] 157
[6] ne s'en voelt [P] 157
[7] de grant gent [H] 157
[8] Mes ne crient que il seit [H] 157
[9] Nus ne plainum [H] ne ne s. g. [H P] 157
[10] nus a. [P] 157
[11] E que [B H] n'en seium [P] 157
[12] Des k'il nus ad [H] cel t. [P] 157
[13] pas b. [B] 157
[14] om. or [H] 157
[15] Les briés [P W] unt avant a. [H P] 157
[16] e d'els tuz e. [H] liz de tuz et e. [P] 157
[17] D. fu de tutes p. mautalenz e. [B] m. de t. p. e. [H] 157

Page 157

1018
   Li jurs de Noël fu cel an par vendresdi.¹
   Mais le jur de la veille, - ço fu par un juesdi, -²
   S'asembla cil concilies e li Deu enemi,
   E aveient juree la mort al Deu ami.³
5090 Lui quiderent abatre, mais il s'en sunt huni.⁴
1019
   Dunc jurerent sur sainz, e entre-afïé sunt,⁵
   Qu'en tuz les lius del siecle u trover le purrunt,
   Par desuz le mentun la lengue lui trarunt,
   E les oilz de sun chief ansdous li creverunt;
5095 Ja mustier ne altel ne tens n'i guarderunt.⁶
1020
   La chambre de Bur a estrange destinee;⁷
   Mainte dure novele a sovent escultee:⁸
   Rainilz i fu Harald par serement donee,
   L'ost d'Engleterre i fu del Bastart afïee,
5100 E la mort saint Thomas afïee e juree. [f.65v]
1021
   Tut li mielz de la curt se sunt entrafïé
   De faire e de furnir cele grant cruelté.
   Mais en mun livre n'erent ne escrit ne nomé:⁹
   Quant par amendement lur ad Deus pardoné,¹⁰
5105 N'erent par mun escrit el siecle vergundé.
1022
   Tant furent espiré del felun susduiant
   Tut li mielz de la curt e tut li plus vaillant¹¹
   E tut li plus sené, e Engleis e Normant.
   E sunt alé as porz, cha li un, la alquant:¹²
5110 Diepe e Winchelesé, Barbeflué e Witsant.¹³
1023
   Tuit volsissent passer, s'il peüssent, la mer,
   Pur guaitier tuz les porz d'Engleterre e guarder,
   Que nuls huem ne peüst en Engleterre aler
   Qui seüst l'arcevesque cel afaire mustrer,
5115 Par quei il s'en peüst fuïr ne desturner.
1024
   Puet cel estre, s'il fuissent a cel' hure passé,
   Il eüssent fait el qu'il n'unt puis demustré.¹⁴
   Mais a cele feiz n'orent bon vent ne bon oré,
   Ne Deus nes haï tant qu'en ço fuissent trové,
5120 Ne diables n'out pas en els tel poesté.¹⁵

[1] del N. [B] 158
[2] E li jurz de la v. refu [B] fu par un marsdi (ço mq.) [H] 158
[3] a. juré [H P] 158
[4] cuideient [P] si se s. [H] m. il se s. [P W] 158
[5] se sunt [H] (#dans [W] 158
[6] nel guarront [H] 158
[7] de Burc [H] del burc [P] del bur (corr. plus tard en burc) [W] 158
[8] M. novele d. [B] 158
[9] M. en mun escrit [P W] M. pur mei nen e. en mun escrit n. [H] nen erent [B] 158
[10] les ad [H] 158
[11] e li plus v. [H] t. li mielz v. [P] 158
[12] ça e la li a. [H] la l'un, cha a. [P] 158
[13] A Diepe a [H] 158
[14] k'il n'oüssent m. [H] n'en u. [P] mustré [H P] 158
[15] li d. [H] 158

Page 158

1025
   Mais cil quatre felun e li Deu enemi
   (Pur lur malvaise vie furent de Deu haï):
   Hue de Morevile, Willaumes de Traci¹
   E Reinalz li fiz Urs e li quarz altresi,
5125 - Ço fu Richarz li Brez, - sunt de la curt parti.²
1026
   Rogiers del Punt l'Evesque les aveit conveiez,³
   E a faire le mal les ad mult enticiez:
   Par Thomas est li regnes trublez e empeiriez;⁴
   S'il esteit mort, ço dit, tut sereit apaisiez.
5130 De quanqu'il en ferunt prent sur sei les pechiez.⁵ [f.66r]
1027
   La cause e tuz les moz lur a dit e formez
   Qu'il unt puis l'arcevesque en sa chambre mustrez.⁶
   A chascun des quatre ad sessante marz donez.⁷
   La fu li justes sancs venduz e achatez:⁸
5135 As Gïeus est Judas li coveitus alez.
1028
   Cil firent saint Thomas ocire e detrenchier⁹
   Qui deüssent al bien le rei mielz conseillier¹⁰
   E de la male veie turner e raveier.¹¹
   E cels en deit hum plus blasmer e chalengier,¹²
5140 E li reis les devreit de sei mult esluignier.
1029
   Nes deit pas apresmier, se il bien se repent.¹³
   Car lur conseil li fu a mult grant damnement,
   E mult en est blasmez de ço qu'a els s'entent.¹⁴
   E il l'unt conseillié tuzdis a sun talent:¹⁵
5145 Conseil a volenté ne vait pas lealment.¹⁶
1030
   Li dui des quatre sunt a Dovre mer passé,
   Dui a Wingelesé. Ne furent desturbé¹⁷
   Pur nef ne pur passage, pur vent ne pur oré;
   Tut lur est avenu selunc lur volenté.
5150 A Saltewode sunt venu e asemblé.

[1] et W. [P] 159
[2] li Berz [P] 159
[3] de P. [H] 159
[4] ert [B] 159
[5] om. en les les p. [P] 159
[6] en sa ch. l'arcevesque [H W] 159
[7] d'els q. [B] 159
[8] om. e [P] 159
[9] E il [B] 159
[10] a b. [P] al rei le bien [H] 159
[11] de male v. [H] 159
[12] b. et enchalcier [P] 159
[13] s'en r. [P] 159
[14] a els entent [H W] 159
[15] om. il [B] 159
[16] ne fet p. [P] 159
[17] Winchelé n'i [H] 159

Page 159

1031
   E dan Randulf del Broc fu encontre els alez.¹
   Al chastel les aveit conduiz e ostelez.
   Les cirges fist estaindre c'um i out alumez:²
   Lur conseilz tute nuit unt tenuz e menez;
5155 Cil qui i peut entrer fu del conseil privez.³
1032
   Al jur furent d'entur li chevalier mandé,⁴
   Qu'après venissent d'armes bien prest e aturné,⁵
   De la besuigne faire le rei tut apresté.⁶
   E dan Randulf del Broc l'aveit ainz comandé,⁷
5160 E encontre cels furent par ban tut asemblé. [f.66v]
1033
   Venu sunt al quint jur de la Nativité
   A Cantorbire cil, quant gent orent digné,⁸
   En l'endemain que furent Innocent decolé,⁹
   Que Herodes ocist par sa grant cruelté;¹⁰
5165 Car es enfanz quida murdrir la Deïté.¹¹
1034
   D'entur furent somuns serjant e chevalier
   Pur la hunte le rei d'Engleterre vengier:
   S'um volsist l'arcevesque desturner ne mucier,¹²
   Que l'iglise volsissent l'endemain asegier¹³
5170 E de fu enbraser e tute trebuchier.
1035
   Li provoz fist par ban par la cité huchier,
   Que que il veïssent u oïssent nuncier,¹⁴
   Nuls, ne petiz ne granz, ne s'en osast drecier;¹⁵
   Si cum chascuns aveit sei e sun aveir chier,
5175 A la besuigne fuissent le rei tut prest d'aidier.¹⁶
1036
   En la curt l'arcevesque vindrent li enragié,
   Tut dreit devant la sale sunt descendu a pié.¹⁷
   L'arcevesques aveit a cel' ure mangié;
   En sa chambre seeit od sun privé clergié.¹⁸
5180 Nis li sergant s'esteient des tables ja drecié.¹⁹
1037
   Li quatre sulement sunt en la sale entré
   E uns archiers Randulf, qu'il unt od els mené.
   Mais le seneschal unt devant els encontré,
   E il vint encontre els tresqu'al pié del degré.
5185 Il a els, e il lui, baisié e salué.²⁰

[1] Randufl [B] om. dan [H] entr'els [P] 160
[2] funt e. [P W] 160
[3] C. qui p. [P W] 160
[4] firent entur [P] 160
[5] tut p. [H] e conreé [B] 160
[6] bien a. [H] 160
[7] A d. [B] om. dan [H] om. del Broc [P] l'a. mult honuré [H] 160
[8] a C. dreit [H] (genz [P W] 160
[9] qui f. [P] 160
[10] K'Erodes decola [H P] 160
[11] Quant [B] om. es [P] 160
[12] voleit [H] 160
[13] E l'i. [H] voldreient [B] 160
[14] Que k'unke [P] 160
[15] se o. [P] 160
[16] le rei fussent [P W] 160
[17] Al degré de [H] 160
[18] la ch. [B] 160
[19] ja des t. [P] 160
[20] e il unt lui [B] 160

Page 160

1038
   Li seneschals esteit de la contree nez,
   Bels chevaliers e granz, riches e bien feffez.¹
   Al mangier out servi e puis s'esteit dignez,
   Puis esteit en la chambre a l'arcevesque alez:²
5190 "Sire, fait il, un poi, se vus plaist, m'entendez.³ [f.67r]
1039
   "Par vostre conseil voil, Sire, fait il, aler
   A la curt nostre rei e iluec sujurner.
   Car del rei ne des suens n'estes mie bien cler:
   Pur ço n'os mie bien entur vus demurer,
5195 Que li reis ne m'en hace e voille achaisuner.
1040
   - Vuillames, fait li il, buen congié en avez.⁴
   Ne vus voil retenir, quant aler i volez."
   Dunc s'en esteit partiz, e vint sur les degrez,
   E les quatre reals i aveit encontrez.
5200 Par lur comandement est en la chambre entrez.⁵
1041
   "Sire, fait il, laenz sunt quatre bacheler
   Des chevaliers le rei." Mais nes volt pas numer.⁶
   "De part le rei Henri volent a vus parler."⁷
   L'arcevesques respunt: "Faites les enz entrer."
5205 Erramment les ala Willaumes amener.
1042
   A un conseil se sunt tuit li quatre apuié.⁸
   Devant saint Thomas sunt asis dreit a sun pié,
   E li archiers s'asist deriere els el planchié.
   Mais n'unt pas saint Thomas salué n'araisnié,⁹
5210 Ne l'arcevesques els, ki as clers ad plaidié.¹⁰
1043
   Jo ne sai se li bers le fist a escïent,
   Qu'il nes volt saluer a l'entrer erramment,
   Quant ne voldrent parler, qu'entendist lur talent,
   U pur ço qu'il parla si ententivement¹¹
5215 De sun conseil as moines e as clers ensement.

[1] e riches bien f. [B] om. granz [H] 161
[2] est a l'arceveske en la ch. a. [H P] 161
[3] se v. plest un poi m'e. [H] 161
[4] om. li [H] 161
[5] Pur [P W] (corr. [W] ) Par le c. [H] alez [B] 161
[6] om. pas [H] 161
[7] De p. le r. voelent sire, a v. p. [P] 161
[8] om. tuit [H] 161
[9] salué s. Th. [H] (areisuné [P W] 161
[10] l'arcevesque e. car [B] l'a. a els ki a as c. p. [H] 161
[11] que il [B] 161

Page 161

1044
   Sur sun cute a un moine li sainz huem s'apuia.¹
   En sun seant s'asist; les baruns avisa;
   Mais mult pitusement tuz quatre reguarda,²
   E, si cum alquant dient, sul Willaume i numa,³
5220 E lui sul par sun nun des quatre salua.⁴ [f.67v]
1045
   Dunc se sunt enbrunchié li quatre forsené,
   N'acuillent ses saluz ne ne l'unt salué.⁵
   Cil qui les conduiseit haï lur salveté.
   E chascuns d'els aveit, l'un l'altre, reguardé.⁶
5225 Dunc s'esmerveilla mult li bers qu'il n'unt parlé.⁷
1046
   Itels i ad qui dient que Reinals li ad dit,⁸
   Quant tuit li trei se turent, faintement: "Deus t'aït!"⁹
   Dunc devint li sainz hom plus vermeilz, quant ço vit,¹⁰
   Que nen est escarlate que l'um d'autres eslit;¹¹
5230 Car bien sout qu'il out dit cel mot par mal affit.¹²
1047
   "Li reis, fist dunc Reinalz auches irïement,
   T'a mandé d'ultre mer par nus veraiement¹³
   Paroles. Di, ses viuz oïr priveement
   U tu les viuz oïr oiant tute tu gent?"¹⁴
5235 Li bers lur respundi: "Tut a vostre talent.¹⁵
1048
   - Mais al vostre, funt il. - Mais as voz", fait li ber.¹⁶
   Dunc en unt comencié entr'els a estriver.
   Dunc ad fait sainz Thomas en la grant chambre entrer
   Tuz les suens, fors celui qui fu as uis guarder,¹⁷
5240 Tant qu'il ad entendu dunt voleient parler.¹⁸
1049
   Mais dunc fist sainz Thomas: "Lai me cel uis ester:¹⁹
   Les paroles que j'oi ne deit um pas celer;
   Mais fai me tost chaenz tuz mes clers rapeler²⁰
   De mun privé conseil; nes en voil pas sevrer."²¹
5245 Dunc sunt enz revenu; mais nes sai tuz numer.
1050
   S'il ne fuissent ariere isi tost revenu,
   Se li felun eüssent arme u cultel eü,
   Entr'eaus l'eüssent mort; car puis l'unt coneü.
   Nis pur poi qu'il ne l'orent ocis e abatu²²
5250 Del bastun de la cruiz. Mais Deus l'ad destolu. [f.68r]

[1] saint Thomas s'a. [P W] 162
[2] Mult proeisement [H] les q. [B] 162
[3] c. li alquant [B] Willaume par num des quatre welcuma [H] 162
[4] Mes pitusement tuz quatre reguarda [H] 162
[5] Ne cuillent [P W] 162
[6] E ch. l'aveit l'un des quatre r. [H] 162
[7] se merveilla [H P] 162
[8] E tels [P W] 162
[9] om. tuit [H] 162
[10] D. d. saint Thomas [P W] p. v. que samit [H] 162
[11] U que ne nen est (sic) e. k'um [H] 162
[12] ma a. [P] 162
[13] ultre m. [P] 162
[14] sa g. [H] 162
[15] Seint Thomas r.: Tut al v. t. [H] 162
[16] funt li b. [H] 162
[17] a l'us [H] guarer [P] 162
[18] k'il v. parler [H] 162
[19] Meis leis fet s. Th. [H] Idunc fist [P] (l. mei [H P] 162
[20] (f. mei [H P] 162
[21] E m. [P W] (corr. [W] ) nes v. p. desevrer [H] ne v. p. severer [P] 162
[22] k'il n'orent [H W] 162

Page 162

1051
   "Li reis, fait dunc Reinalz, t'a d'ultre mer mandé
   Qu'il out pais fait vers tei, e quite t'out clammé,¹
   Tu vers lui ensement; mais ne l'as bien guardé.
   Car n'as pas sagement en sun reaume entré,²
5255 Mais od vassals armez par ses chastaus passé.
1052
   "E ses hummes, qui furent a sun fiz coruner,
   E un suen arcevesque, qui dut a li aler,³
   E dous de ses evesques, a cui deveit parler,
   As escummunïez e fait de Deu sevrer.
5260 Les custumes del regne vols abatre e oster,
1053
   "E al jovene rei vols sa corune tolir.
   Or volt saveir li reis se tu t'en volz venir⁴
   En sa curt devant li faire dreit e suffrir.⁵
   - J'ai fait, fait il, al rei quanque li dui furnir;⁶
5265 Que riens en seit ariere ne m'en puet sovenir.⁷
1054
   "N'al rei, fait il, ne voil sa corune abaissier;⁸
   Treis l'en aidereie ainz par dreit a purchacier.⁹
   E en sa terre entrai par sun congié plenier;
   Ne de rien ne m'en deit mis sires chalengier,¹⁰
5270 Se m'i unt conveié mi humme e mi terrier.
1055
   "E de lui estre a dreit sui jo tuz aprestez,
   A sa curt e par tut, se sui rien meserrez.¹¹
   Mais il m'ad defendu ses burs e ses citez
   E viles e chastaus; mar i serrai trovez.¹²
5275 Saint'iglise ad li reis ses dreiz quites clamez!¹³
1056
   "N'est pas de mei la surse de la suspensiun,¹⁴
   Mais d'Alissandre pape, e pur l'enunctiun
   Del jovene rei (qui Deus duinst sa beneïçun!),¹⁵
   Pur ço que il le firent a tort e senz raisun,
5280 E n'en voldrent venir a satisfactiun.¹⁶ [f.68v]

[1] a tei [H] tut c. [H P] 163
[2] n'ies p. [B W] n'estes p. [H] 163
[3] (un sun a. [H P] 163
[4] tu en v. v. [P W] tu vols v. [H] 163
[5] devant sei [B] 163
[6] om. fait il [H W] (aj. par le corr. dans [W] ) quanque dui f. [H] que li d. f. [P] 163
[7] Que r. ne s. a dire [H] ne me p. [H W] 163
[8] om. N' [P W] c. tolir [H] 163
[9] aidreie [P] devreie [B] od dreit p. [H] 163
[10] me d. [H] (changelier [H] 163
[11] de rien [H] rien sui [P] 163
[12] A v. [B] 163
[13] ad ses dreiz li reis q. c. [P W] 163
[14] om. pas [B] de suspensiun [P] 163
[15] ke D. d. [P W] 163
[16] ne v. [H P] 163

Page 163

1057
   - Mais par vostre purchaz, Reinalz li respundié,
   Sunt li prelat le rei tut trei escumengié.
   E pur ço volt li reis qu'il seient deslïé,
   Que vus les asolez, que rien n'i ait targié,
5285 Si cum il sunt par vus suspendu e lacié.¹
1058
   - Ne defent pas, fait il, ne seit par mun purchaz;
   Mais de mei n'i avrunt aïde ne solaz.²
   Mais a nostre apostolie voisent tuit trei viaz,³
   Car par vive raisun sunt chaü en ses laz.
5290 Sis obedïenz sui, sun comandement faz."
1059
   Funt li fil al Sathan: "Belement manaciez!
   Vus serez mielz guardez que vus ne solïez;
   Ne vus en fuirez pas, cum ainceis faisïez."⁴
   Ne s'en est sainz Thomas esfreez n'esmaiez:
5295 "N'en serai par nul humme, fait il, ja mais chaciez.⁵
1060
   "Ja mais n'iere pur humme fors del païs getez.⁶
   - Coment? funt li il dunc; pur le rei n'en istrez?
   - Nun, fait il; de la mer n'iere ja mais trovez.
   N'en istrai pur nul humme; ici me troverez."⁷
5300 En ire les aveit cil moz mult enflambez.
1061
   "Ne me devriez, fait il, tel message aporter;⁸
   E mis sires li reis est tant leals e ber
   Qu'il ne me volsist pas teus paroles mander,⁹
   Ne il nes voldra pas guarantir ne tenser.¹⁰
5305 - Si fera, funt il dunc; bien les osum mustrer.¹¹
1062
   - Mult me plaig de ses hummes, sainz Thomas respundié,
   Qui noz iglises tienent a force e a pechié,
   Mes hummes unt batuz, mun somier escurcié,
   Mes tuneaus e mun vin tolu e esforcié,
5310 Que mis sires li reis m'i out acharïé."¹² [f.69r]

[1] e lïé [H] 164
[2] n'avront il a. [H] n'avrunt aïde [P W] 164
[3] t. tre [B] 164
[4] cum vus a. f. [B] a. solïez [H] 164
[5] Ne s. [H] 164
[6] n'ierc par nul h. [B] n'iere pur nul h. [P] 164
[7] N'en i. ja pur h. [B] 164
[8] deussiez [B] devez [P W] Ne me devrïez pas tel m. a. [H] porter [P] 164
[9] om. me [H] 164
[10] N'il (Ne il [P] ) ne les v. [B P] 164
[11] Si ad fet f. li il, bien l'osum m. [H] 164
[12] m'ot a. [H] achreié [P] 164

Page 164

1063
   Fait Reinalz: "Se li humme al seignur del regné
   Orent de rien vers vus mespris e meserré,¹
   E pur quei ne l'eüstes primes al rei mustré,²
   Qui l'eüst al conseil des baruns amendé?"
5315 Dunc respundi li sainz, si ad le chief levé:
1064
   "Se mei en estoveit testemonies vochier,³
   Reinald, ja fus tu la, e dui cent chevalier,
   U li reis m'otreia que deüsse vengier⁴
   Les torz de saint' iglise. Jes ferai adrescier,
5320 E mei le covient faire: ç'apent a mun mestier."
1065
   Dunc devindrent rovent cume feus embrasez:⁵
   "Coment? funt li il dunc; a vus abandunez⁶
   Li reis tuz cels par qui ses filz fu corunez?
   E quanqu'il en unt fait, par li fu, ço savez.⁷
5325 A traïtur, funt il, nus oiant le tenez.⁸
1066
   "Adès li avez fait e faites deshonur.
   - Nel faz, fait sainz Thomas; nel tieng pur traïtur,⁹
   Ne sa hunte ne quier, ainz voil sa grant honur.¹⁰
   Mais la justise a faire m'otriad d'els al jur¹¹
5330 Que Deus entre nus dous mist concorde e amur.
1067
   "Car jo me plains a lui de cels nomeement,¹²
   E il me graanta, - si l'oïrent dui cent, -¹³
   Que jo presisse d'els mun dreit plenierement.
   De mei ne de mes clers ne s'entremet naent:¹⁴
5335 J'en ferai la justise, tel cum a mei apent.¹⁵
1068
   "Ne puis pas curre a curt a chascune mesprise,
   Ainz ferai cume prestre la divine justise
   De cels qui mesprendrunt vers sainte mere iglise.
   - Ci ad, funt il, manaces! La vengance en ert prise,
5340 Se vus n'asoilez ceaus sur qui sentence est mise. [f.69v]
1069
   - Se vus estes, fait il, de part le rei venu,¹⁶
   Ne serez par manaces plus duté ne cremu.¹⁷
   Ici poëz ferir, en cest col tut a nu;¹⁸
   D'un cultel de maalle ne vus ert defendu."
5345 Mist sa main a sun col. E cil s'en sunt eissu.

[1] u m. [H] 165
[2] om. E [H] al r. primes [P] 165
[3] estuvreit [H] testimonie [H W] 165
[4] r. me rova [B] 165
[5] D. d. li quatre c. [H] 165
[6] om. li [H] 165
[7] quanque il [B] om. en [H] 165
[8] oiant nus [B] 165
[9] a traïtur [P W] 165
[10] om. voil [P] ainz quier [H] 165
[11] sa j. [P] la j. fere m'o. al j. [H] 165
[12] me plein [H] 165
[13] que l'o. [B] 165
[14] s'entrement [B] s'entremetreit n. [H] 165
[15] Jeo f. [H] 165
[16] Ne v. n'estes [H] 165
[17] ne dutez ne c. [H] 165
[18] Ja p. bien f. [B] al nu [H] 165

Page 165

1070
   "El i ad que manaces!" funt il mult haltement.¹
   E le saint arcevesque desfient bassement,
   E comandent a tuz par ban communement,²
   De part le rei, que tuit s'en issent erramment:
5350 Car chier le compera, se nuls plus i atent.
1071
   E comandent as moines qu'il unt laienz trovez,³
   De part le rei, qu'il fust e tenuz e guardez:
   Car se il s'en fuieit, il lur ert demandez;
   Rendre lur estovra. Dunc s'est li sainz levez.⁴
5355 Lur defiemenz ad entenduz e notez.
1072
   Tresqu'a l'uis de la chambre les chevaliers siwi,
   Quant l'orent desfïé, car tresbien l'entendi;
   E cria après els: "Huge, qu'as tu dit? Di!"⁵
   Ne li distrent un mot. A tant s'en sunt parti.
5360 Mais sun voil l'i eüssent e ocis e murdri.⁶
1073
   Sainz Thomas returna, si s'asist sur sun lit;
   Devint tels cum s'il fust trestuz en esperit.
   Johans de Salesbire li aveit dunches dit:
   "Sire, tuzjurs avez nostre conseil desdit,
5365 Fors ço qu'avez tuzdis en vostre quer eslit.
1074
   - Que volez que jo face, dan Johan? fait li ber.
   - Vostre conseil, fait il, deüssiez apeler,
   Quant li chevalier vindrent chaienz a vus parler.⁷
   Fors achaisun ne quierent de vus a mort livrer.⁸
5370 Mais de vostre corine ne vus puet nuls geter." [f.70r]
1075
   Fait li dunc sainz Thomas: "Tuz nus estuet murir;
   Ne pur mort de justise ne me verrez flechir.⁹
   E pur l'amur de Deu voil la mort sustenir;¹⁰
   Ne il ne sunt pas mielz apresté del ferir¹¹
5375 Que mis curages est del martire suffrir."

[1] El i a ci m. funt li il h. [P] fet il dunc h. [H] 166
[2] om. E [H] par b. a tuz c. [P W] 166
[3] as humes [P] 166
[4] dunc est [P] 166
[5] Fait sainz Thomas : Car di qu'as tu dit? Car redi [B] 166
[6] Sun v. l'oüssent o. [H] dunc l'e. [B] 166
[7] om. chaienz [H] 166
[8] om. ne [P] 166
[9] ne m'en v. [P] 166
[10] la m. voeil [P] 166
[11] a. de ferir [P W] 166

Page 166

1076
   Fait li maistre Johans: "Ne sumes apresté
   Que voillum mes encore estre a la mort livré;¹
   Car en pechié gisum e en chaitivité,
   N'un sul ne vei, fors vus, qui muire de sun gré.²
5380 - Or seit, fait sainz Thomas, a la Deu volenté."
1077
   Endementres s'armerent la fors li chevalier,³
   E osterent les cotes, ceinstrent les branz d'acier;
   Car tut vindrent armé, chascuns sur sun destrier.⁴
   Tost furent apresté de grant mal comencier. ⁵
5385 Asez fu qui l'ala l'arcevesque nuncier.
1078
   "Sire, funt li li moine, alez en cel mustier.⁶
   Il chantent ore vespres; nes deüssiez laissier.
   Cil chevalier vus volent e prendre e detrenchier.⁷
   - Ne me verrez pur ço, fait il, rien esmaier.⁸
5390 Ci atendrai tut ço que Deus m'i volt jugier."⁹
1079
   Quant se furent armé li quatre bacheler,
   Vunt as uis de la sale; mais n'i porent entrer,¹⁰
   Car um les out ainz fait après els bien barrer.¹¹
   Dunc comencent as uis durement a buter,
5395 Car il voleient prendre le saint e decolper.¹²
1080
   Quant ne porent les uis par force depecier,¹³
   Roberz del Broc, qui sout le mal mult enginnier:¹⁴
   "Or me siwez, fait il, seignur franc chevalier;¹⁵
   Jo vus metrai laienz par un altre sentier."¹⁶
5400 Par devers la quisine sunt entré el vergier. [f.70v]
1081
   A l'uis de la chambre out un oriol fermé,
   Dreit devers le chardin, qu'i out maint jor esté.
   Pur refaire erent dunc abatu li degré,
   E li carpentier erent a lur disner alé.
5405 A cel oriol sunt li chevalier turné.
1082
   Par iloec est es chambres Roberz del Broc entrez;
   A eschieles i ad les chevaliers muntez.
   Les ustilz as ovriers qui firent les degrez,¹⁷
   Besague a cuignies, en unt od els portez¹⁸
5410 Pur depecier les uis, ses trovassent fermez.

[1] Ke volisumes uncore [H] 167
[2] Ne un [B] Un s. n'i v. [H] 167
[3] cil ch. [H] 167
[4] en sun d. [H] 167
[5] Tut f. [H] 167
[6] car alez al m. [H] 167
[7] u p. u d. [P W] v. volent p. u d. [H] 167
[8] Ne m. v. f. il, pur ço r. e. [B] 167
[9] v. enveier [H] 167
[10] a l'uis [H] 167
[11] fet ainz [H] 167
[12] il quidouent [B] u d. [B H] 167
[13] a f. [H] 167
[14] s. tut le mal m. e. [P] 167
[15] Or m'ensiwez [P] 167
[16] om. vus [H] 167
[17] as ovros [H] 167
[18] Un aze e dous c. [H] (guingnies [P] 167

Page 167

1083
   Quant la gent saint Thomas les oïrent venir,
   Cume berbiz pur lous s'en pristrent a fuïr,¹
   Si cume li apostle, quant il virent saisir²
   La maisnie Pilate Jesu, qui pur murir
5415 Esteit venuz el mund, pur s'iglise establir.
1084
   N'i remest uns tuz suls de trestuz ses serganz,³
   Fors un poi de ses clers, dunt i out mult vaillanz,
   E maistre Eduvarz Grim, e moines ne sai quanz,⁴
   Qui pristrent saint Thomas, qui encor ert seanz⁵
5420 E atendeit iluec mort e fin de ses anz.
1085
   Car puis qu'il repaira d'essil d'ultre la mer,⁶
   Dist il, oiant plusurs qui l'ai oï cunter,⁷
   Qu'il murreit en cel an, bien le volt afermer.⁸
   Or n'i out mais de l'an que dous jurs a passer:⁹
5425 Li tierz ert pres alez, u il deveit finer.
1086
   Nis le jur de Noël li oï um gehir,¹⁰
   Oiant pluisurs qu'i erent pur sun sermun oïr:¹¹
   "Ci sui venuz, fait il, entre vus mort suffrir."¹²
   Or ert venuz li jurs quel covint acumplir.
5430 E sa vie e sa mort l'unt fait mult halt martir. [f.71r]
1087
   Nis idunc a la fin de sun sermonement¹³
   Ad dit un de ses clers en prophetizement,¹⁴
   Alissandre de Wales, oiant mult de la gent:¹⁵
   "Chaienz ad un martir, saint Alfe, veirement;¹⁶
5435 Un altre en i avrez, se Deu plaist, a present."¹⁷
1088
   Pur ç'atendi iluec e ne volt pas fuïr,¹⁸
   Car il ert a seür e tuz prez de murir.
   Quida qu'um ne l'osast el mustier asaillir:
   Pur ç'atendi iluec, ne volt la mort guenchir.¹⁹
5440 Mais Deus le voleit faire en plus bel liu chaïr.

[1] Cum b. [B W] p. lus prist a f. [H] 168
[2] Si cum [H W] 168
[3] Ne remist [P W] un sul [P] 168
[4] E sul maistres Edwarz e m. [B] (Eadwarz [H W] 168
[5] Si p. [H] 168
[6] d'ultre mer [H] (dans [W] 168
[7] qu'il l'at oï [B] si l'ai [H] 168
[8] l'osout a. [B] 168
[9] d. jur [B] a aler [H P] 168
[10] Nis en plain chapitre [B H] 168
[11] ert [P] 168
[12] Ci si sui v. [H] Ci sui, f. il, venuz [P W] 168
[13] E i. [B] 168
[14] uns [B P] 168
[15] Al-s [B H] 168
[16] Ælfeg [H] Elphe [P] Ælfe [W] 168
[17] om. en [H] en present [H W] 168
[18] P. ço a. [B H] 168
[19] P. ço a. mss. atendeit [H] tendeit [P] 168

Page 168

1089
   Idunc l'en comencierent al mustier a mener,¹
   Mais proef par vive force lur en estut porter;²
   Les uns veïssiez traire e les altres buter.
   Mais parmi l'entier mur lur estoveit aler,³
5445 U par les uis fermez, s'il volsissent passer.⁴
1090
   As altres chambres out une chambre ajustee⁵
   Par unt la veie esteit al cloistre plus privee;
   Mais a cele ure esteit a un grant loc fermee.
   Mult par fu esbaïe la gent chaperunee,⁶
5450 Quant il virent lur veie tutes parz estupee.⁷
1091
   A l'uis de la chambre est uns des moines venuz.
   Le loc prist a dous mains; la a Deus fait vertuz:⁸
   Quant le loc volt estuerdre, es poinz li est chaüz,⁹
   Cum se il fust aers a un petit de gluz.
5455 L'uis ad overt li moines, puis les ad esmeüz.
1092
   Dunc l'en unt al mustier, u voille u nun, mené,¹⁰
   Ensement cum la mort atendist de sun gré. ¹¹
   Li un i unt saché e li altre buté,¹²
   Tant qu'il sunt le grant pas dedenz l'encloistre entré.¹³
5460 Mais il se sunt dous feiz enz el cloistre aresté.¹⁴ [f.71v]
1093
   Car si tost cum li sainz peut la terre atuchier¹⁵
   E il peut a la terre ses dous piez afichier,¹⁶
   Tuz les empainst de sei, comença a plaidier:¹⁷
   "Que me volez, fait il, detraire e desachier?
5465 Laissiez mei!" Dunc l'unt pris e porté al mustier.
1094
   Quant l'orent al mustier li moine einsi porté,
   Dunc sunt li chevalier dedenz l'encloistre entré,¹⁸
   Les espees es poinz e des haubercs armé,¹⁹
   E uns Hue Mauclerc (einsi l'a um numé;
5470 Clers ert Robert del Broc, mult plains d'iniquité).²⁰
1095
   Avant vindrent li quatre pur le mal comencier,²¹
   Mais de loinz les siwirent quatre altre chevalier.²²
   Cil Hue alad od els e entra el mustier.
   Cil n'i entrerent pas, car li fil l'aversier²³
5475 Encontrez les aveient el cloistre al repairier.²⁴

[1] le c. [P W] 169
[2] M. tut [B] le lur estuet [H] l'en ( [W] lur l') estoveit [P W] 169
[3] l'en e. [H P] 169
[4] E [B] 169
[5] om. chambres [H] 169
[6] M. par en fu [P] enchaperonee [H] 169
[7] om. il [P] om. veie [H] de tutes parz [H D] 169
[8] ad pris [P] ad f. Deus v. [H] 169
[9] el p. [P] 169
[10] om. le premier u [H] 169
[11] sun de gré [H] 169
[12] l'en unt s. [H] li a. i unt b. [B] 169
[13] le cloistre [P] 169
[14] om. se [B H] dedenz l'encloistre [H] 169
[15] cum il p. a la t. a. [H] 169
[16] p. ses d. p. a la t. a. [H] 169
[17] s. e c. [H] 169
[18] le cloistre [P] 169
[19] Lur e. [B] 169
[20] e plein [H] 169
[21] Quant [B H] 169
[22] l'en s. [P] 169
[23] a l'a. [H] (et le corr. de [W] 169
[24] aveit [B P] el c. reparirer [P] 169

Page 169

1096
   Contre els unt les uis clos des moines li alquant.¹
   Ovrez, fait sainz Thomas, quis ala atendant;
   Par sainte obedïence, fait il, le vus comant.
   Lur voil lur laissiez faire, ciu sunt e nun savant.²
5480 Tant cum tendrez les uis, n'irai un pas avant.
1097
   "Nuls hum ne deit chastel ne fermeté ne tur³
   Faire de la maisun Deu, le verai seignur.⁴
   Mais nus clerc, qui en sumes ministre e servitur,⁵
   En devrium adès estre defendeür,⁶
5485 Faire del cors escu contre le malfaitur."
1098
   Les uis ad il meesmes overt e desbarez,⁷
   Buta le pueple ariere, qui i ert asemblez⁸
   Pur veer l'aventure. Fait lur il: "Que cremez?"
   Funt li il: "Veez ci les chevaliers armez.
5490 - J'irai, fait il, a els." Funt li il: "Nel ferez."⁹ [f.72r]
1099
   Tresque sur les degrez del Nort l'unt fait aler;¹⁰
   A guarant as cors sainz le voleient mener.¹¹
   "Seignur, fait il as moines, car me laissiez ester.
   Vus n'avez ci que faire; Deu en laissiez penser.¹²
5495 Alez la sus el quer a voz vespres chanter."¹³
1100
   La maisnie al Satan est el mustier venue.¹⁴
   En sa destre main tint chascuns s'espee nue,
   En l'autre les cuignies, e li quarz besague.
   Un pilier ot iluec, - la volte ad sustenue, -¹⁵
5500 Qui del saint arcevesque lur toli la veüe.
1101
   D'une part del pilier en sunt li trei alé,¹⁶
   Le traïtur le rei unt quis e demandé;
   Reinalz de l'altre part, un moine ad encontré;¹⁷
   Demanda l'arcevesque. Dunc ad li sainz parlé:
5505 "Reinalz, se tu me quiers, fait il, ci m'as trové."¹⁸

[1] Les u. unt c. els c. [B] C. els tindrent les us [P] 170
[2] qui s. fol n. [B] ki s. n. [P] 170
[3] om. hum [B] chastel fermeté [H] 170
[4] nostre v. s. [B] Deu nostre s. [H] 170
[5] M. a nus c. ki sumes [H] 170
[6] E si en devum estre adès d. [H] 170
[7] Les uilz [H] esbaiez [H] esbaez [P] 170
[8] k'i e. [H P] 170
[9] Jo irai [B] ( [W] ) Fet il: jeo i. [H] sire funt il, nel ferez [P] funt il [H] 170
[10] lur fet a. [H] 170
[11] al c. saint [P] 170
[12] leissez ent Deu p. [H] 170
[13] pur v. v. [H] noz v. [P] 170
[14] La m. Sathan [H W] al m. est [H] 170
[15] ot s. [H] 170
[16] le p. [B] 170
[17] ad un m. e. [B] 170
[18] R. si to me q., ici m'avez t. [H] 170

Page 170

1102
   Le nun de traïtur sainz Thomas n'entendi,¹
   Mais al nun d'arcevesque restut e atendi,²
   E encontre Reinalt del degré descendi.
   "Reinalz, se tu me quiers, trové, fait il, m'as ci."
5510 Par l'acor del mantel l'aveit Reinalz saisi.³
1103
   "Reinalz, tanz bienz t'ai fait, fait li buens ordenez;⁴
   E que quiers tu sur mei en saint' iglise armez?"
   Fait Reinalz li fiz Urs: "Certes, vus le savrez."⁵
   Sachié l'aveit a sei, que tuz fu remuez:
5515 "Traïtres le rei estes, fait il; ça en vendrez!"⁶
1104
   Car fors del saint mustier traïnier le quida.⁷
   Bien crei que sainz Thomas a cele feiz s'ira⁸
   De ço que cil Reinalz le detraist e buta;⁹
   Si ad enpaint Reinalt qu'ariere rehusa,¹⁰
5520 E l'acor del mantel hors des mains li sacha.¹¹ [f.72v]
1105
   "Fui, malveis hum, d'ici! fait li sainz corunez.¹²
   Jo ne sui pas traïtres, n'en dei estre retez.¹³
   - Fuiez! fait li Reinalz, quant se fu purpensez.
   - Nel ferai, fait li sainz. Ici me troverez,
5525 E voz granz felonies ici acumplirez."¹⁴
1106
   Devers l'ele del Nort s'en est li bers alez,¹⁵
   E a un pilier s'est tenuz e acostez.
   (Entre dous alteus est cil piliers maiserez;¹⁶
   A la mere Deu est cil de desuz sacrez,
5530 El nun saint Beneeit est li altre ordenez.)¹⁷
1107
   La l'unt trait e mené li ministre enragié.¹⁸
   "Asolez, funt il, cels qui sunt escumengié,
   E cels qui sunt par vus suspendu e lacié.¹⁹
   - N'en ferai, fait il, plus que je n'ai comencié."²⁰
5535 A oscire l'unt dunc ensemble manecié.
1108
   Fait il: "De voz manaces ne sui espoentez;
   Del martire suffrir sui del tut aprestez.²¹
   Mais les miens en laissiez aler, nes adesez,
   E faites de mei sul ço que faire en devez."²²
5540 N'ad les suens li bons pastre a la mort oblïez.²³

[1] Del n. [B] del t. [B H] 171
[2] al num l'a. [H] 171
[3] le col del m. [B H] le cor [W] 171
[4] tant biens [H] dist [H] 171
[5] R. fiz U. [H] 171
[6] fait li il ça v. [B] 171
[7] le voldra [H] 171
[8] qu'a cele f. sainz Th. [B] s'aïra [B H] 171
[9] om. cil [H] e sacha [B H] 171
[10] Si empeinst Rennalz [H] reversa [H] le reversa [W] 171
[11] le corn [B] la col del mal [H] 171
[12] Malveis h. fui d'i. [H] 171
[13] ne dei [H W] 171
[14] g. malveistiez [B] 171
[15] le ele [B] 171
[16] fu [H] mesurez [B] 171
[17] Beneit mss. e. li altres o. [B] onorez [P W] 171
[18] Ja [H] 171
[19] e lié [H] 171
[20] Nel f... que j'ai c. [H] 171
[21] s. jeo tut [H] 171
[22] faire devez [H P] 171
[23] prestres [B] (pastor [H] 171

Page 171

1109
   Einsi avint de Deu, quant il ala orer
   Desur Munt Olivete la nuit a l'avesprer,¹
   E cil li comencierent quil quistrent, a crïer:²
   "U est li Nazareus? - Ci me poëz trover,
5545 Fist lur Deus; mais les miens en laissiez tuz aler."³
1110
   Dunc l'unt saisi as puinz li fil a l'aversier,
   Sil comencent forment a traire e a sachier,⁴
   E sur le col Willaume le voldrent enchargier;
   Car la hors le voleient u oscire u lïer.⁵
5550 Mais del pilier nel porent oster ne esluignier. [f.73r]
1111
   Car sainz Thomas s'esteit apuiez al piler⁶
   Qui suffri mort en cruiz pur s'iglise estorer;⁷
   Ne l'en poeit nuls huem esluignier ne oster.⁸
   Mais ore en coveneit un sul a mort livrer,⁹
5555 Al piler del mustier, pur le pueple salver.¹⁰
1112
   Car cil qui mielz deüssent saint' iglise tenser,¹¹
   La voldrent, e ses menbres, del tut agraventer,¹²
   Le piler e le chief qu'il sustint, aterrer.¹³
   Icel sanc de pechié covint par sanc laver,¹⁴
5560 Pur relever le chief, le chief del chief doner.¹⁵
1113
   Mais Deus ne voleit pas qu'il fust traitiez vilment;¹⁶
   E sil fist pur prover cele malveise gent,¹⁷
   S'osassent el mustier errer si cruelment.
   Car il n'a si felun entresqu'en Orïent¹⁸
5565 Qui en oie parler, qu'il ne s'en espoent.¹⁹
1114
   E maistre Eduvard Grim l'aveit forment saisi,
   Enbracié par desus, quant l'orent envaï.
   Contre els tuz le retint, de rien ne s'esbahi,²⁰
   Ne pur les chevaliers ne l'aveit pas guerpi.
5570 Clerc e moine e sergant s'en erent tuit fuï.²¹

[1] Desuz [B] Desus [P W] M. d'O. [P W] 172
[2] om. li [H W] q. pristrent [B] 172
[3] om. tuz [H] 172
[4] cumencerent [H] 172
[5] voleient ocire [H] 172
[6] Cum s. Th. [P] esteit [H] 172
[7] en la c. [P] 172
[8] pot nul d'els oster n'esluignier [H] ne sevrer [B] 172
[9] covient un s. pur tutz a m. l. [H] 172
[10] sun p. [H] 172
[11] qui deüst mielz [B] 172
[12] volent [H] 172
[13] ki s. [P] enterrer [H] 172
[14] Icil s. de p. covient [H] 172
[15] ch. covint le ch. d. [B] 172
[16] Ne D. [P W] 172
[17] esprover [P] 172
[18] entresque en [B] 172
[19] Kil [H] oi p. qui ne [P] 172
[20] Encontr'els t. le tienent [H] 172
[21] Clerc moine [H] Si c. e si sergant [P] om. erent [P] 172

Page 172

1115
   Maistre Eduvard le tint, que qu'il l'unt desachié.¹
   "Que volez, fait il, faire? Estes vus enragié?
   Esguardez u vus estes e quel sunt li feirié.²
   Main sur vostre arcevesque metez a grant pechié!"
5575 Mais pur feirié ne l'unt, ne pur mustier, laissié.³
1116
   Or veit bien sainz Thomas sun martire en present.
   Ses mains juint a sun vis, a Damnedeu se rent.⁴
   Al martyr saint Denis, qui dulce France apent,
   E as sainz de l'iglise se comande erramment,
5580 La cause saint' iglise e la sue ensement. [f.73v]
1117
   Vuillaumes vint avant, n'i volt Deu aürer.⁵
   Pur estre plus legiers n'i volt hauberc porter.
   Le traïtur lu rei comence a demander.
   Quant ne porent le saint hors del mustier geter,
5585 Enz el chief de l'espee grant colp li vait duner,
1118
   Si que de la corune le cupel en porta
   E la hure abati e granment entama.
   Sur l'espaule senestre l'espee li cula,
   Le mantel e les dras tresqu'al quir encisa,⁶
5590 E le braz Eduvard pres tut en dous colpa.⁷
1119
   Dunc l'aveit a cel colp maistre Eduvarz guerpi.⁸
   "Ferez, ferez!" fait il; mais idunc le feri⁹
   Danz Reinalz li fiz Urs, mais pas ne l'abati.¹⁰
   Idunc le referi Willaumes de Traci,
5595 Que tut l'escervelad,e sainz Thomas chaï.¹¹
1120
   (A Saltewode sunt li felun returné.
   De lur grant felunie se sunt la nuit vanté;
   Vuillaumes de Traci a dit e afermé
   Johan de Salesbire aveit le braz colpé
5600 Par ço savum qu'il eut maistre Eduvard nafré.)¹²
1121
   Pur ço qu'iert desarmez, tut premiers le siwi,
   E bien fu coneüz e al vis e al cri.
   Une cote vert out e mantel miparti.
   Quant il vit que Reinalz li fiz Urs resorti,
5605 Dous feiz, si cum j'ai dit, le saint el chief feri.

[1] Mais m. Edward [B] (Eadwarz [H W] Edward [P] om. ) l' [P W] 173
[2] et que sunt [P] 173
[3] M. n'est pur nul f. ne p. m. l. [B] 173
[4] m. i mist [P] a ses oilz [B] 173
[5] v. premiers [B] ainc ne voleit D. a. [P] 173
[6] desqu'al [H] 173
[7] E le b. maistre Edward [B] (Eadwarz [H] Edward [P] Eadward [W] ) pres enmi decolpa [H] 173
[8] maistres Edwarz [B] (Eadwarz [H] Edward [P W] 173
[9] fet corr. en funt [H] Ferez fet dunc Willaumes [P W] m. dunc [P] 173
[10] om. pas [H] ne a. [P] 173
[11] l'encervelad [B] 173
[12] placé au début de la str. dans [B] Pur ç. [H W] que il e. m. Edward n. [B] (Eadward [H] Edwart [P W] 173

Page 173

1122
   Mais quant Richarz li Brez le vit si abatu
   E sur le pavement gesir tut estendu,
   Un poi en bescoz l'ad des autres colps feru,¹
   Qu'a la pierre ad brisié en dous sun brant molu.
5610 Al Martire en baise un la piece tut a nu.² [f.74r]
1123
   Que que li felun l'unt feru a detrenchié³
   E del ferir se sunt durement esforcié,⁴
   N'aveit brait ne groni ne crïé ne huchié,
   Ne pié ne main n'aveit a sei trait ne sachié;
5615 Car a Deu out del tut sun corage apuié.⁵
1124
   E si cum en Calvaire unt Deu crucifïé⁶
   Gïeu, qui si fil erent, e pur l'umain pechié,
   La u li forfait erent par justise adrecié,
   Unt pur les clers cestui si fil martirizié⁷
5620 La u li mesfait sunt osté e esneié.
1125
   Hue de Morevile esteit ultre curuz;
   Chaçout le pueple ariere qui esteit survenuz,⁸
   Cremi que l'arcevesques ne lur fust dunc toluz.
   Puet cel estre qu'il s'est en sei reconeüz,⁹
5625 E de la felunie s'est einsi defenduz.¹⁰
1126
   Quant en Jersalem fu ocis li fiz Rachel,¹¹
   Li chevalier Herode, la lignie Ysmael,¹²
   Ne li sevrerent pas del chief tut le cupel,¹³
   Mais al carnail del frunt retint e a la pel,
5630 Que tut a descovert veïssiez le cervel.
1127
   E cil Hue Malclerc, qui après els entra,
   Sur le col saint Thomas mist sun pié e ficha;
   Le cervel od l'espee hors del chief li geta¹⁴
   Desur le pavement, e a cels s'escria:¹⁵
5635 "Alum nus en, fait il; ja mais ne resurdra!"¹⁶

[1] En bescoz un poi [H] 174
[2] martir [B P] (martire changé en martir [W] om. ) en [B P] l'un [B H] 174
[3] l'u. deltrait e esforcié [H] 174
[4] E de f. se s. d. hastié [H] 174
[5] Il aveit pris essample el Segnur de pitié [H] 174
[6] el C. [H] 174
[7] Vunt [B] martyrié [H P] 174
[8] ki e. la venuz [H] 174
[9] s'est einsi r. [H] 174
[10] om. E [H] 174
[11] Jerusalem Jerlm mss. unt o. le f. [B] 174
[12] e l. Y. [H P] 174
[13] chapel [B P] 174
[14] h. del test [H] 174
[15] a els [H] 174
[16] Or nus poum aler [H] 174

Page 174

1128
   Qui dunc veïst le sanc od le cervel chaïr¹
   E sur le pavement l'un od l'autre gesir,
   De roses e de lilies li peüst sovenir:²
   Car dunc veïst le sanc el blanc cervel rovir,³
5640 Le cervel ensement el vermeil sanc blanchir. [f.74v]
1129
   Idunc s'en sunt parti li serf d'iniquité.
   Parmi l'encloistre ariere s'en erent returné,⁴
   Les espees es poinz, e unt "Reaus!" crïé.
   Ainz erent chevalier, or sunt vil e hué;
5645 Riche erent ainz, or sunt chaü en dolenté.
1130
   Caitif, maleüré, que est ço qu'avez fait?⁵
   De Deu ne de mustier ne tenistes ainc plait.⁶
   Tant cum li siecles dure, iert a voz eirs retrait.⁷
   Cil dort qui pur les bestes les beaus hummes desfait,⁸
5650 Deus est la sus el ciel, e li regnes mesvait.
1131
   Pur l'iglise del Nort, e en l'ele del Nort,
   E vers le Nort turnez, suffri sainz Thomas mort.⁹
   Pur sa mort l'ad Deus fait e si halt e si fort:¹⁰
   Tuit cristïen li quierent e salu e confort,¹¹
5655 Les perillez en mer mainë il a dreit port.¹²
1132
   Dementieres que firent li fil a l'aversier¹³
   Cele grant heresie dedenz le saint mustier,
   Remist Roberz del Broc es chambres pur burgier,
   E pluisur altre od lui as cofres depescier:¹⁴
5660 Pristrent dras e veissele e argent e or mier;¹⁵
1133
   Pristrent sun bon cultel, qui valeit une cit,¹⁶
   E un anel u out un safir mult eslit¹⁷
   (Nel dunast pur aveir; ainc huem meillur ne vit),
   E un mult riche drap d'un grant purpre samit.
5665 Pris i furent si livre e trestuit si escrit,¹⁸
1134
   E le chalice d'or u li sainz out chanté
   (Pluisurs feiz sur le deis l'unt brisié e quassé),¹⁹
   E vestemenz e dras e quanqu'il unt trové,²⁰
   Cuilliers, cupes, hanas d'argent, d'or esmeré,²¹
5670 E bien seissante livres d'argent tut muneé; [f.75r]

[1] et le c. [P W] 175
[2] De rose e de lile [H] de lilie [P] 175
[3] od le cervel r. [H] rogir [P] 175
[4] le cloistre [P] 175
[5] que avez [B] 175
[6] Que de D. ne de m. n'i t. [H] 175
[7] T. cum siecle [H] 175
[8] Ci d. [B] pur bestes [H] (les dels h. [P] 175
[9] Envers le n. suffri li bons s. Th. m. [B] s. Thomas suffri m. [H] 175
[10] Par [P] 175
[11] li requerent [P] 175
[12] sovent maine a d. p. [B] 175
[13] Dementres [H] Dementiers [W] Endementiers [P] 175
[14] Plusurs altres [H] 175
[15] e om. devant argent [H] 175
[16] Prist ... que valut [H] 175
[17] sun anel [B] 175
[18] sun escrit [H W] 175
[19] Pluisur [B] s. lur deiz [H] unt b. [H P] 175
[20] ad t. (corr. plus tard en unt) [H] 175
[21] Cuillieres [B] et hanas [P] 175

Page 175

1135
   E tuz ses beaubelez, qu'il aveit fait guarder
   E qu'il ne voleit pas a tutes genz mustrer,¹
   Altres choses asez, que jo ne sai numer
   Ne que nuls de ses hummes ne me sout acunter,
5675 Chartres e privileges: tut en firent porter.²
1136
   Les chambres saint Thomas e les maisuns roberent;
   N'il voldrent rien laissier, un e el en porterent.
   Les chevals saint Thomas tuz ensemble en menerent;³
   Ses hummes e ses clers, la u il les troverent,
5680 Pristrent od lur aveir, e sis enprisunerent.
1137
   Einsi grant cruelté ne fu faite unches mes,
   La u justise eüst, ne en terre de pes,
   Parkes la u li reis n'en fait nului relès.⁴
   Car en tut le mund n'a, ne de luinz ne de pres,
5685 Nul plus grief justisier qu'il est. Mais jo m'en tes.⁵
1138
   Nis pur les bestes mues fait il mult grief justise,⁶
   Les beaus hummes desfaire, metre maint a juïse.⁷
   Mais Deus, qui les mesfaiz, quant il bien volt, justise,⁸
   Ne voleit pas suffrir que vengance en fust prise⁹
5690 Del saint martyr qui fu ocis en sainte iglise.
1139
   Einsi fu sainte iglise hunie e violee.
   Ne matines ne vespres, messe n'i fu chantee,¹⁰
   Ne Deus n'i fu serviz, ne chandeille alumee.
   Li uis furent fermé, al pueple fu veee;¹¹
5695 Tut l'an fu sainte iglise einsi enprisunee.
1140
   Fors sulement dis jurs en failli de l'anee:
   Quint jur après Noël fu en prison getee,¹²
   Quint jur devant Noël refu reconfermee;¹³
   E del pueple e des jurs fu la disme salvee,
5700 E des clers e del rei la bataille finee.¹⁴ [f.75v]
1141
   Car li bons corunez pur sa gent corunee
   Sa corune en dona as armez desarmee.¹⁵
   Mult fu espiritaus de sa part la medlee,
   Quant fist de sa corune escu contre l'espee.
5705 Ainc ne lur volt guenchir pur colp ne pur colee.¹⁶

[1] tute gent [H] 176
[2] tuz [H] en f. tuz p. [B] 176
[3] Des ch. s. Th. un sul n'i laisserent [H] om. en [P W] 176
[4] Pur queus [B] Perkes [H W] li r. fet a nul liu r. [H] 176
[5] j. que li reis or m'en t. [H] g. j., mes des ore m'en t. [P] 176
[6] mues bestes [B] om. mult [H] 176
[7] Les b. h. desfet met genz a j. [H] 176
[8] les m. guarit il b. v. j. [P] 176
[9] Ne volt p... seit p. [H] 176
[10] ne messe [P W] 176
[11] vee [B] ( [P W] 176
[12] note mq. dans [B] qui ajoute à la fin de la str. le v. suiv. Dunches fu saint' iglise de tristur relevee Cinc jurs [P] 176
[13] om. jur [H] fu reconcilïee [H] 176
[14] E del rei e des clers [H W] 176
[15] om. en [H W] as armes [B W] 176
[16] om. lur [H] 176

Page 176

1142
   Mais se il volsist creire la gent chaperunee,¹
   Mult peüst aveir bien sa mort dunc eschiwee;²
   Car en cele iglise ad mult mainte desturnee.³
   De sun gré suffri mort en la maisun sacree;
5710 Grant honur l'en ad Deus en cest siecle dunee.⁴
1143
   Ainc mais si pute ovraigne ne fu el siecle ovree,⁵
   Ne qui a si grant bien seit al siecle aturnee.⁶
   Mais encore ert mult chier al siecle conperee;⁷
   U tost u tart en ert l'ire Deu embrasee.⁸
5715 Car la vengance en est a sul Deu graantee.⁹
1144
   Mais la vengance Deu nest pas einsi hastee,¹⁰
   Qui somunt que la culpe seit encor amendee.
   Deus ne volt ne desire que l'aneme seit dampnee.¹¹
   Ne la semaine n'est encore pas entree
5720 U la felunie ert e vengie e trovee.¹²
1145
   Mais de primes en est Normendie fulee,
   Car la mort al saint humme i fu ainz purparlee,
   E cil en est guardains de qui la cause est nee.
   E par l'uis dunt quida clore cele baee
5725 Est la veie desclose e l'ire Deu mustree.
1146
   Mais Deus ad, bien le sai, cel' ire desturnee
   Qu'il aveit al realme e al pueple aprestee.
   Car li reis Henris ad del tut culpe clamee,
   La mesprisun par tut endreit sei amendee
5730 E tute sa franchise saint' iglise dunee. - [f.76r]
1147
   Qui dunc veïst ses clers e ses humes fuïr¹³
   E nevelz e parenz e mucier e tapir¹⁴
   E changier lur buens dras e les malvais vestir,¹⁵
   De pitié l'en peüst tute la char fremir;
5735 Car n'en i out un sul qui ne quidast murir.¹⁶

[1] v. traire [B] 177
[2] p. bien aveir [P] 177
[3] om. mult [H] 177
[4] li ad [B] 177
[5] pur' o. [P] 177
[6] b. fust [H] 177
[7] m. ch. quanque seit, c. [B] 177
[8] aprestee [B] 177
[9] estuee [B] 177
[10] Kar la v. D. ne s'est p. trop h. [B] 177
[11] en seit d. [P W] 177
[12] ert v. e comparee [H] 177
[13] e ses moines [B] 177
[14] parenz mucier [H] 177
[15] les buens d. [B H] 177
[16] C. n'i ot [H] n'en q. [P] cuida [H P] 177

Page 177

1148
   Idunc s'en sunt turné li fil a l'aversier,
   Lié e balt e joius de lur grant enconbrier.¹
   Puissance lur doinst Deus del mesfait adrescier!
   Mais ja mais ne serunt nullui amé ne chier,²
5740 Fors sul a cels qui sunt del mesfait parçonier.³
1149
   Tost furent esfremi e viel e juvencel,⁴
   La novele espandue del saint martyr novel,
   Qui giseit el mustier ocis sur le quarrel.
   Li moine en recoillirent le sanc e le cervel,⁵
5745 E a sun chief le mistrent, en poz, hors del tunbel.
1150
   Devant le grant autel fu li cors sainz portez,⁶
   E de moines e d'altres fu tute nuit guardez.⁷
   Receüz fu li sancs qui en est degutez.
   En l'endemain en est a Cantorbire alez⁸
5750 Uns niés Randulf del Broc; Roberz ert apelez.
1151
   Ussier le rei esteit, e fu bien coneüz.
   Ne li furent les portes ne nul des uis tenuz,⁹
   Car pur le rei esteit e dutez e cremuz.
   Des chevals saint Thomas a pris dous des plus druz;¹⁰
5755 Quant a ses clers esteient, bien les lur ad toluz.¹¹
1152
   Car li clerc saint Thomas, od tute s'altre gent,¹²
   Esteient chiés les moines fuï a salvement,¹³
   Od chevals e od el. Ne lur valut neent:
   Brokeis perneient tut, par tut, a lur talent,¹⁴
5760 E ses clers e ses homes, e tindrent fermement.¹⁵ [f.76v]
1153
   Fait Robert: "La terre est voide del traïtur¹⁶
   Qui voleit la corune tolir a sun seignur.¹⁷
   Traitez deüst bien estre a mult grant desonur,¹⁸
   Getez en un putel u en greinur puur."¹⁹
5765 De Deu n'aveit cil guaires a cel' ure poür.
1154
   "Grant almosne est, fait il, que li fels est ocis;
   Ne fu ainc si buens faiz a faire mais enpris.²⁰
   Se sainz Pieres eüst vers le rei si mespris,
   E j'i fuisse venuz, par le cors saint Denis,²¹
5770 Mun brant nu li eüsse tresqu'el cervel asis."²²

[1] e joius e balt [B] 178
[2] s. en nul liu tenu ch. [B] de n. [H] 178
[3] om. sul [H] 178
[4] f. esfreé [H] 178
[5] om. en [H] 178
[6] le halt a. [B] 178
[7] De moines fu tute la n. g. [P] guaitiez [H] 178
[8] El demain [H] 178
[9] [H] 178
[10] des plus deuz [P] 178
[11] bien les a lur t. [H] esteit b. les li a t. [P] 178
[12] l'altre g. [B H] 178
[13] od les m. [H] 178
[14] B. p. par tut [H] 178
[15] E les c. e les h. [B] e ses moines t. [H] Ses homes e ses c. [P W] 178
[16] e. voidie [H W] 178
[17] sa c. [P] 178
[18] Treinez [P W] om. bien [H] 178
[19] et en g. [P] et g. [W] 178
[20] Ne fu unc mes si b. afere enpris [P] 178
[21] jo i [B] ( [P W] ) jeo fusse [H] 178
[22] Mun b. molu li [P] 178

Page 178

1155
   Dunc comanda as moines qu'il presissent le cors¹
   E sil muchasent si nel veïst neirs ne sors;
   U vilment le fereit traire a chevals la fors²
   U depecier par pieces, - ja n'en sereit estors, -³
5775 Geter en un putel e as chiens e as pors.⁴
1156
   Pur ces noveles furent mult li moine esmaié,⁵
   E pur ço l'unt es crutes enterré e mucié.
   Mais primes unt les dras e le cors tut cergié.⁶
   Mais ne l'unt pas trové farsi ne encraissié,
5780 Mais de saintisme habit e vestu e chargié.⁷
1157
   Desus les altres dras out d'isenbrun mantel,⁸
   Blanche pene d'aigneaus, senz urle, a neir tasel,⁹
   E desuz, un surpliz blanc, delïé e bel,¹⁰
   Desuz, une pelice blanche de pels d'aignel.¹¹
5785 N'out vestu vair ne gris ne samit ne cendel.
1158
   Cist forainz habiz fu de chanoine riulé.
   Dous pliçuns out desuz, qui furent curt e lé;¹²
   Andui furent d'aignels e fait e aturné.¹³
   Trenchié furent de lui a culteaus e osté.¹⁴
5790 (Puis les vi, e bien soi qui il furent doné.) [f.77r]
1159
   Le cors e le ventrail durement freit aveit,¹⁵
   E de sun mal del flanc achaisenus esteit;
   E pur ço tut adès chaudement se vesteit,
   Qu'il n'enchaïst en mal par achaisun de freit,¹⁶
5795 E que tost rechaufast, quant batre se faiseit.
1160
   La cule e l'estamine out desuz cel li ber,¹⁷
   Mais de pans e de mances les out fait escurter,¹⁸
   Car ne voleit al siecle sa vie demustrer.
   Quant li moine le virent, comencent a crïer:
5800 "Veez ci le bon moine! Ci le poëz trover!"

[1] c. les moines [H] 179
[2] as chevals [B] a ch. e a tors [H] 179
[3] n'i s. [H] 179
[4] Jetez [H] 179
[5] Par [B] om. mult [H] 179
[6] ses d. [H] 179
[7] e om. devant vestu [P] 179
[8] d'isebrun [B] out tutdis un brun m. [P] 179
[9] e senz t. [H W] 179
[10] b. e delié [B] 179
[11] E d. [H P] 179
[12] peliçuns [B H] 179
[13] d'aignel [B] 179
[14] f. desuz e de c. o. [H] 179
[15] freiz [P] 179
[16] ne ch. [H W] 179
[17] couele [B H] (l'estamin' out [P] ) d. ceo [H] 179
[18] e de pansanches [P] l'ot f. [H] escurcer [P W] 179

Page 179

1161
   Après aveit la haire pres de la char vestue,
   Einsi apareillie que ne fust pas veüe;¹
   E les braies de haire plus pres de la char nue,²
   Blanches braies desus, de teile chier vendue:
5805 Car ne volt que sa vie fust al mund coneüe.
1162
   Mais si esteit coverte cele robe chevrine,³
   E desus e desuz, de menue vermine,⁴
   Qu'a granz torches i ert par tut, e a traïne;⁵
   E sa char guerreout, ke merveille esteit fine⁶
5810 Que il poeit suffrir einsi grant discipline.⁷
1163
   Car mult plus grief martyre suffri, tant cum fu vis,
   Que ne fist el mustier, la u il fu ocis:
   Car erramment transi e en joie fu mis;
   Mais cele grant vermine dunt il esteit purpris,
5815 Le quivra plusurs anz, e les nuiz e les dis.
1164
   De lui furent li moine e mult dolent e lié:⁸
   De ço furent dolent quel virent detrenchié,⁹
   Mais de sa vie furent, quant la sorent, haitié.¹⁰
   Mais s'eüssent sun cors tut nu a nu cergié,¹¹
5820 Des curgies l'eüssent trové tut depescié;¹² [f.77v]
1165
   Car en cel jur meesmes qu'il fu si decolpez,¹³
   Eut esté saint Thomas treis feiz disciplinez.
   A grant honor fu dunc es crutes enterrez,¹⁴
   Pur poür des Brokeis, que il ne fust trovez.¹⁵
5825 Mais or est par le mund cremuz e honurez.
1166
   Icil premiers martyres fu en amendement¹⁶
   Des pechiés qu'il out fait jadis seculerment:
   Encontre les granz aises suffri le grant turment.¹⁷
   E li secunz martyres fut en saintissement:
5830 Car par l'autre vint il a cest derainement.¹⁸
1167
   Dunc unt l'arcevesquié saisie li Brokeis.¹⁹
   Mult feluns arcevesques i aveit mis li reis,
   Car sulunc ço qu'il furent, establirent lur leis.²⁰
   Les proveires faiseient chanter tut sur defeis;²¹
5835 Del tut esteit turnee saint' iglise en decreis.

[1] k'el ne fu (fust [W] ) pas v. [H W] k'ele ne f. v. [P] 180
[2] om. plus [P] 180
[3] chevrerine [H] 180
[4] desuz e desuz [H] 180
[5] om. i [P] 180
[6] Ke sa ch. [H] 180
[7] gref d. [P W] 180
[8] mult d. e mult l. [B] 180
[9] kil v. [H] 180
[10] q. le s. [H P] 180
[11] S'il e. [B] M. s'il ussent [H] 180
[12] De c. [H] 180
[13] decolez [P] 180
[14] dunques [P W] 180
[15] k'il n'i f. [H] 180
[16] E cil [B H] 180
[17] le grief t. [H] 180
[18] i vint a c. [H] vint a c. [P] a cel [B] 180
[19] saisi [H W] 180
[20] E s. ço [B] 180
[21] firent ch. [P] om. tut [H] 180

Page 180

1168
   Randulf del Broc fu dunc chief de l'arceveschié;
   Quanqu'il fist e desfist ert par tut otrïé.
   Les rentes e l'aveir ad al rei enveié:
   Ja mais tut cil denier n'ierent bien enpleié,
5840 Quant sunt de felunie conquis e guaaignié.¹
1169
   Quant cil denier serunt despendu e alé
   E en malvaisses genz e en guerre guasté
   (Malvaisement conquis, malement alué!),
   Li dé serunt mult tost sur ambes as turné
5845 Qui unt esté sovent sur sines ruelé.
1170
   Car nuls ne puet aveir en sun tresor fiance;
   N'es Brabenchuns n'est pas de la fin demurance,
   N'es Flamencs n'es Engleis ne en tuz cels de France:²
   Car en sun petit dei en tient Deus la balance,³
5850 Qui met, tant cum li plest, noz mesfaiz en suffrance. [f.78r]
1171
   Einsi ert des Brokeis cum il fu des Giwius,⁴
   Qui firent que par els fu ocis Deus li pius.
   Car il quidierent perdre lur terres e lur lius:
   Or sunt tuit dechacié, n'unt eritez ne fius;⁵
5855 Mult avrunt pis Brokeis e mult peiurs fedius. -⁶
1172
   Li sainz martyrs dunt vus l'estorie oï avez,⁷
   La nuit de saint Thomas, devant Noël, fu nez,⁸
   Quant um chantout les vespres; après vespres, levez;⁹
   E après saint Thomas fu Thomas apelez.
5860 Quant um chantout les vespres, el halt ciel fu portez.¹⁰
1173
   Li parreins fu ocis e gist en Orïent,
   Car saint' iglise esteit idunc en creissement.
   Cist fu ocis el Nort, e guarde l'Occident,
   Pur s'iglise qui ert tut' en dechaement.¹¹
5865 Noël e Jursalem unt parti igalment.¹²

[1] par felunie [B] 181
[2] tuz ces [P] 181
[3] om. en devant tient [H] 181
[4] E. fu [B H] 181
[5] Ore (Or [P] ) sunt d. [H P] n'u. herité [H] 181
[6] M. pis a. [H] 181
[7] De s. [H] 181
[8] 5857-9 Par trestut le mund est ui cest jur renomez E de vielz e de jovenes haltement honurez. La nuit devant Noël dreit saint Th. fu nez [B] 181
[9] ch. vespres a. v. fu l. [H] 181
[10] chantot v. en h. [H] fu el h. c. p. [P W] 181
[11] Par [B] 181
[12] Jerusalem [H P] unt part i. [P] 181

Page 181

1174
   Pur la terrestre iglise furent andui ocis;
   Le celestïel regne unt par lur mort conquis.
   E al servise Deu unt tuz les cinc sens mis,¹
   E tuz les cinc degrez unt muntez e purpris.
5870 Tut le mund de dous parz unt en lur guarde pris.
1175
   Par un marsdi fu nez li sainz huem dunt vus di;
   Pur veir de Norhamtun par marsdi s'en fuï,²
   E si passa la mer par un jur de marsdi,
   E repassa d'essil par tel jur altresi;³
5875 Par marsdi ensement le martyre suffri.
1176
   Pur ço qu'or tart nus est novals martyrs donez,⁴
   Guernes li Clers, del Punt Sainte Mesence nez,⁵
   Vus volt faire del tens del martyre acertez:⁶
   Mil anz cent e seissante e diz tuz acuntez⁷
5880 I out, des que Deus fu en la Virgene encarnez.⁸ [f.78v]
1177
   Mult est bien saint Thomas de Deu nostre Seignur;
   E tuz li munz le veit, n'en querrum menteür.
   Ne fu unches oï des le siecle primur
   Que Deus a humme mort mustrast si grant amur:⁹
5885 Mult granz miracles fait pur lui e nuit e jur.
1178
   En terre est Deus od nus pur amur al martyr,
   E les morz fait revivre, mutz parler, surz oïr,
   Les contraiz redrescier, gutus, fevrus guarir,
   Ydropikes, leprus en santé restablir,
5890 Cius veer, en lur sens les desvez revenir.
1179
   Pluisur rei le requierent en dreit pelerinage,
   Li prince, li barun, li duc od lur barnage,¹⁰
   Genz d'alïens païs, de mult divers language,¹¹
   Prelat, moine, reclus e maint en poünage;
5895 E ampolles reportent en signe del veage.¹²

[1] om. E [H B] ot t. ses c. [H] 182
[2] de Normendie [B] 182
[3] Trepassa [B] 182
[4] vus e. [P] 182
[5] Guarniers [P] Guillem (?) corr. en Guernes [W] de P. [B H] 182
[6] Volt vus f. [H] 182
[7] Mil e cent [H W] 182
[8] de ço que D. fu de la v. nez [B] de la v. e. [H] 182
[9] greignur a. [P] 182
[10] Li cunte [H] et li b. duc [P] 182
[11] G. de divers p. [B] de de m. [P] 182
[12] (raportent [H P] ) enseigne del v. [B] 182

Page 182

1180
   Mais de Jerusalem est la cruiz aportee,¹
   E de Rochemadur, Marie en plum getee,
   De Saint Jame, l'escale qui en plum est muee:²
   Or ad Deus saint Thomas cel' ampole donee,³
5900 Qui est par tut le mund cherie e honuree.⁴
1181
   En semblance de vin e d'ewe fait user
   Deus sun sanc par le mund, pur les anemes salver;
   En ewe e en ampoles fait par le mund porter
   Deus le sanc al martir, pur les enferms saner.⁵
5905 En santé e en signe i fait l'onur dubler.⁶
1182
   Mais merveille poum e veer e oïr,
   Que cil ki mortalment le soleient haïr,
   Envers le rei Henri medler e mal tenir,
   Ki furent a sa mort purchacier e bastir,⁷
5910 Pur merci les veum ses hummes devenir. [f.79r]
1183
   Nis li reis d'Engleterre, ki fu ses enemis,⁸
   Pur ki sis anz e plus fu eissuz del païs,⁹
   E pur ki maltalent si humme l'unt ocis,¹⁰
   Od grant humilité l'ad al quart an requis,
5915 E li cria merci de quanqu'il out mespris.
1184
   Al quart an qu'ot suffert li martyrs passiun,¹¹
   Al setme meis de l'an, - juinet l'apele l'un, -
   E al duzime jur, un vendresdi par nun,
   Vint li reis al martir a satisfactiun.
5920 Mais pur grant busuig vint a sucurs al barun.
1185
   Juste Cantorbire unt leprus un hospital,
   U mult i ad malades, degez e plains de mal.¹²
   Pres une liwe i ad del mustier principal,
   La u li cors sainz gist del mire espirital
5925 Qui maint dolent ad mis en joie e en estal.
1186
   Dunc descendi li reis iluec, a Herbaldun,¹³
   E entra el mustier e ad fait s'oreisun;
   De trestuz ses mesfaiz ad requis Deu pardun.
   Pur amur saint Thomas ad otrïé en dun
5930 Vint marchies de rente a la povre mesun.¹⁴

[1] la palme a. [B] porté [P] 183
[2] De Senjame les scale [H] 183
[3] D. a cestui cel' a. [H] 183
[4] par le m. [P] 183
[5] Le sanc de saint Thomas pur li plus honurer [B] 183
[6] el s. [B] 183
[7] E ki [B] 183
[8] E nais [B] 183
[9] fu eissillé [B] l'ot chacié [H] (eissuz changé plus tard en eissiliez [W] 183
[10] E par [H] 183
[11] que suffri [H] 183
[12] M. i ad malades d. e plain [B] U m. ad m. de gent [H] 183
[13] iluec li reis [H] Herebaldun [B H] 183
[14] de rentes [H] 183

Page 183

1187
   E a un hospital, bien dous liwes de la,
   A herberchier les povres, li reis ne s'ublia:
   Kar de rente a cel liu par an cent sols dona.
   Beneï seit de Deu ki al liu le turna,¹
5935 Altrement qu'il nen est e qui l'amendera.²
1188
   Tresqu'a Saint Dunestan tut a pié s'en ala,³
   A la premiere iglise qu'en la vile trova.
   Od les prelaz k'i furent el mustier s'en entra,⁴
   E par confessiun sun espirit munda,
5940 E suffri discipline e sa char chastia. [f.79v]
1189
   Dunc ad fait le priur tresqu'al covent aler;
   Preiad lui que fesist les seignurs asembler,
   E quanque il voldreient entr'aus tuz eswarder⁵
   Qu'il deüst al martir e faire e amender,⁶
5945 Volentiers e de gré le voldreit graanter.⁷
1190
   Dunc se fist erramment tut nuz piez deschalcier,
   E nuz piez e en langes, pur sa char castïer,
   En une chape a pluie, u soleit chevalchier,⁸
   Tut contremunt la vile ala par le perrier.⁹
5950 A Deu se volt par grief penitence amaisier.¹⁰
1191
   Encontre les reis solt um faire glas soner
   E la processiun encontre els asembler
   E dedenz le mustier a grant honur mener.
   Mais tute cel' honur fist dunc li reis ester:¹¹
5955 N'i volt pas cumme reis mais cum mendifs entrer.¹²
1192
   Humblement vint a l'uis; iloec s'agenoilla,
   En plur e en preieres granment i demura.¹³
   En l'iglise est entrez; al Martirie en ala,¹⁴
   Dist i confiteor, e le marbre baisa.
5960 Dunc ala a la tumbe, al martyr s'acorda.

[1] (Beneit [H W] ) que a cel l. turné ad [H] 184
[2] E a. qu'il n'est qui l'a. [B] est ki l'a. [H] 184
[3] Dunstan [B] s'en a (sic) [H] 184
[4] ki i [B] 184
[5] E quanqu'il [B] om. tuz [B] guarder [H] 184
[6] dust [B] ( [H] ) e om. devant faire [B H] 184
[7] De gré e v. [H] lur v. [H] 184
[8] qu'il soleit [B] 184
[9] contremund [B] 184
[10] pas g. [H] 184
[11] tut cel h. [B W] om. tute [H] dunc fist [B] 184
[12] Ne v. [B W] (volst [H] ) m. aler [H] 184
[13] e en lermes [B] Deus li a overt l'uis car engrès le trova [H] 184
[14] #om. [H] 184

Page 184

1193
   Quant il out lungement esté en oreisun,
   E jut grant piece en lermes e en afflictiun,
   En quer contrit del tut, en grant devotiun,
   Li evesques de Lundres i ad fait sun sermun;¹
5965 Pur le rei e pur lui dist sa confessiun.²
1194
   "Seignur, fait li evesques, or entendez a mei.³
   Veez ci en present nostre seignur le rei:
   Venuz est al martyr en amur e en fei;
   Sa confessiun pure me fait dire pur sei,
5970 Si cum jo l'ai oïe, e pluisur, en secrei. [f.80r]
1195
   "Devant Deu le conuist e devant le martyr
   Qu'il ne fist pas ocire saint Thomas ne murdrir,
   N'il nel comanda pas a tuer n'a ferir;⁴
   Mais il dist tel parole, bien le vus volt gehir,⁵
5975 Qui fu cause e matere de l'ocire e murdrir.⁶
1196
   "E pur ço que pur lui fu, - ço cunuist, - ocis,⁷
   Est venuz al martyr, culpables e clamis,
   E s'en rent e conuist e forfait e chaitis.⁸
   Al seint crie merci de ço k'il ad mespris,
5980 E de l'adrescement s'est tut en voz los mis.⁹
1197
   "A ceste saint' iglise rent tut sun tenement,¹⁰
   Ambure a l'arcevesque e a tut le covent,
   Franchise, dignité, einsi plenierement
   Cum ele ad en nul liu en cristïene gent,¹¹
5985 E tut si cum ele out ja ancïenement.
1198
   "Or vus requiert li reis trestuz communement:¹²
   Prïez le veir martir, ki ci gist en present,¹³
   Que del tut li pardoinst e ire e mautalent;
   Car mespris ad vers lui e culpable se rent,
5990 E venuz est ici pur faire amendement.¹⁴
1199
   "Que par vostre preiere e par vostre oreisun,¹⁵
   Par pure penitence e satisfactiun
   Puisse l'amur conquerre del pretius barun,
   De terre dis livrees dune a ceste mesun
5995 Od les trente livrees dunt vus fist ainz le dun."

[1] om. ad [B] 185
[2] e par lui [H W] 185
[3] car e. a m. [H] 185
[4] Ne il [B] 185
[5] om. tele #mss. vus [B H] 185
[6] e del m. [B] e del morir [H] 185
[7] om. E [B H] Pur ceo q. lui tu [H] 185
[8] E se r. [B] E sei tint [H] 185
[9] est tut [H] 185
[10] om. saint' [H] 185
[11] om. liu [H] entre c. g. [B H] (dans [W] 185
[12] requiert pur Deu t. c. [B] tuz c. [H] 185
[13] gist ci [B] 185
[14] E v. e. a lui p. f. adrescement [B] E v. e. pur f. a. [H] 185
[15] que par v. o. [H] 185

Page 185

1200
   Quant li evesques out sun sermun partraitié,¹
   Li reis Henris li ad quanqu'ot dit otrïé.
   De tut mautalent l'ad li covenz relaissié,
   Si li unt graanté ço qu'il lur out preié;²
6000 E li priurs l'en ad pur le covent baissié.³ [f.80v]
1201
   Li reis Henris idunc de tant s'umiliad
   Que par s'umilité en plur tuz les turnad:⁴
   Veant els, il meïsme sa chape desfublad,⁵
   En une des fenestres de la tumbe musçad⁶
6005 Le chief e les espaules; le dos abandunad.
1202
   Mais il ne voleit pas la cote verte oster;
   Ne sai s'il out la haire, que il ne volt mustrer.⁷
   Dunc se fist as prelaz primes discipliner;
   Plus de quatre vint moines i fist après aler.⁸
6010 Tendrement veïssiez les plusurs d'els plurer.60l0⁹
1203
   Li evesque de Lundres tint el puing le balei;¹⁰
   Reguarda le cors saint e reguarda le rei.
   "Saint Thomas, veir martyr, fist idunc, oez mei:¹¹
   Se de Deu ies si bien cum l'um dit, e jel crei,
6015 De cest pecheur aiez merci que jo ci vei."¹²
1204
   En fei e en amur oï li sainz cestui,
   Qui li out fait al siecle sovent mult grant ennui,
   E or l'aveit requis pur sei e pur altrui.
   Li martyrs vit les quers e del rei e de lui:¹³
6020 En veire repentance furent salvé andui.
1205
   A saint Thomas dona li reis en acordance
   Bien quarante livrees de rente a remanance,¹⁴
   E a sa fiertre faire or pesé en balance.
   Mes mielz ama asez la veire repentance¹⁵
6025 Que il ne fist Angou u Engleterre u France.¹⁶
1206
   Li eveske de Lundres aveit le rei feru¹⁷
   Cinc cops pur les cinc sens, u Deu ot offendu. ¹⁸
   Icil de Rovecestre le raveit puis batu
   E cil de Boxeleie, li abes, ki i fu;
6030 E de chescon des moines a treis cops receü.

[1] l'evesque [B] 186
[2] granté [B] li ot [H] 186
[3] l'i ad [H] 186
[4] par humilité [H] 186
[5] desafublad [B] desfulat [H] 186
[6] del tumblel [H] se m. [B H] 186
[7] note [B] remplace ce vers par les deux suivants : Kar jo quid bien pur veir e sil puis afermer, Qu'il out desuz la haire, qu'il ne volt mustrer. s'ot la h [H] 186
[8] note [B] place ici le v. 6008 (cf. 6007) 186
[9] T. i v. [H] om. d'els [B H] 186
[10] balæi [B] 186
[11] f. il dunc [H] 186
[12] corr. pecheür aies? 186
[13] le quers [H W] del rei e de cestui [H] 186
[14] mss. livres 186
[15] om. Mes [B] 186
[16] Qu'il [B] 186
[17] note La str. 1206 ne se lit que dans [H W (C)]186
[18] u Deus [H] 186

Page 186

1207
   Quant li reis Henris fu batuz e castïez
   E par amendement a Deu concilïez,¹
   Sun chief ad trait a sei, e se dresça en piez.²
   Lez un pilier s'asist a la terre entaiez;³
6035 N'i fu suz lui tapiz ne oreillier culchiez.⁴ [f.81r]
1208
   Salmes e oreisuns tute la nuit chanta.⁵
   As hummes saint Thomas sun coruz parduna;
   La surur saint Thomas merci quist e cria,
   E en adrescement un molin li dona.
6040 Bien valt dis mars par an la rente qu'ele en a.⁶
1209
   Tute la nuit entiere en oreisuns veilla,
   Ne pur necessité del cors ne se leva,⁷
   Tresque après matines. Idunches se dresça
   E par tuz les alters aorer s'en ala.⁸
6045 Al martyr vint jeün, n'i but ne n'i manga.⁹
1210
   En la puinte del jur fist la messe chanter.¹⁰
   E trestuz enboez de tai se fist heser,¹¹
   Ainc pur nului ne volt faire ses piez laver.
   De plus repentant prince ne vus puet nuls cunter;¹²
6050 Mais al martyr requerre dut il trop demurer.
1211
   Par quaranteines sunt li pechié espeldri.¹³
   Après quarante meis li reis suratendi:
   Se quarante semaines oüst suraconpli
   E puis après i fussent creü quarante di,¹⁴
6055 Pris' en fust la vengance; tut pur veir le vus di.¹⁵
1212
   E quant la quaranteine des meis fu trespassee,¹⁶
   E des semaines fu la quaranteine entree,
   Lués fu de tutes parz Engleterre troblee.¹⁷
   Se saint Thomas n'eüst la face Deu muee,
6060 En l'une de ces treis fust l'ire Deu trovee.¹⁸

[1] Par satisfactiun [B] reconciliez [B H] 187
[2] E ot fait s'oreisun dunc se d. [B] es p. [H] 187
[3] Juste un p. [B] 187
[4] (tapins [H] ) n'o. [B] 187
[5] En s. en o... veilla [B] 187
[6] vint m. [H W] a. ceo k'ele en a [H] 187
[7] Ke [H] 187
[8] en oreisun ala [H W] 187
[9] v. jun [B] 187
[10] Quant l'aube fu crevee [H] 187
[11] Trestuz [B] (huser [H] 187
[12] Se plus r. p. ne puet n. c. [B] 187
[13] espeni [B] espeaudri (changé par le corr. en espeni) [W] 187
[14] f. acru [B] 187
[15] Prist [B] Puis [H] 187
[16] om. E [H] 187
[17] Dunc [B] embrasee [H] 187
[18] des treis [B] mustree [H] 187

Page 187

1213
   Or ad Deus parduné al rei sun maltalent.¹
   Car en cel jur maïme qu'il fist l'amendement,²
   Parti li quens de Flandres de la mer od sa gent,
   Qui voleit Engleterre del tut metre a neent;
6065 Pris fu li reis d'Escoce l'endemain ensement. [f.81v]
1214
   Normendie ert bien prof destruite e confundue,³
   E l'ost de France i ert tresqu'a Ruem venue;⁴
   Tute Engleterre esteit a sun duel esmeüe.
   Le ciel orent guerpi, pris s'erent a la nue;
6070 Mais li pius Deus aveit la povre gent veüe.
1215
   Ne voleient aveir sur els rei si puisant,⁵
   Ainz voleient aveir entre els un alaitant⁶
   K'il peüssent detraire ça e la cum un gant.⁷
   En cele lealté furent par tut nuisant,
6075 E lur grant felunie covrirent par l'enfant.⁸
1216
   Ne poeit pas li enfes le regne governer.⁹
   Plus lealment del pere nel poeit nuls guarder.¹⁰
   Pere e fiz sunt tut un, qui dreit volt esguarder:
   Cil qui voldrent le fiz del pere desevrer,¹¹
6080 E le fiz e le pere voldrent deseriter.¹²
1217
   Mais or conseil le rei qu'il lest a saint' iglise,
   Si cum il ad pramis, e dreiture e franchise;¹³
   Ses francs hummes ait chiers, temprez seit en justise;¹⁴
   Ne seit d'umme pur beste del cors vengance prise;¹⁵
6085 A chascun lest sun dreit, e seit senz coveitise.¹⁶
1218
   Mais jo sai bien le quer lu rei e sa maniere.¹⁷
   Il ad a governer une gent pauteniere:
   S'ele aveit liu e aise, l'aguilun ad deriere;
   Qui tute lur larreit a bandun la riviere,¹⁸
6090 De porcs e de berbiz voidereit la bruiere.¹⁹
1219
   Se Normanz nel cremeient, Engleis e Angevin²⁰
   E Bretun e Waleis, Escot e Peitevin,
   Mult avreient tost fait tut le regne frarin.²¹
   Mais quel semblant qu'il face, il prendra bone fin.
6095 Un' avisun oï mustrer maistre Fermin:²² [f.82r]

[1] p. li reis [H] 188
[2] fist amendement [B] 188
[3] N. est pres d. [H] 188
[4] om. i [B H] est t. [H W] 188
[5] rei (reis [H] ) sur els [H W] om. si [H] 188
[6] un aliant [B] 188
[7] puissent [B W] (pussent [H] ) cum enfant [B H] 188
[8] conurent a l'e. [H] 188
[9] le rei g. [H] 188
[10] n. purreit [H] 188
[11] voelent le f. vers le p. meller [H] 188
[12] E le pere e le f. [B] volent d. [H] 188
[13] dreiturë e f. [B H] 188
[14] chier [B] ( [H W] 188
[15] Ne s. beste mue d'ume v. p. [H] des or v. p. [B] 188
[16] e fet senz c. [H] 188
[17] del r. sun cuer [H] 188
[18] en bandun [B] 188
[19] voidreient [B] voideront [H] 188
[20] Ne N. [H] ne A. [B] 188
[21] f. le realme f. [H] 188
[22] avisiun... Feramin mss. o. cunter [H] a m. F. [H] (et le corr. de [W] 188

Page 188

1220
   Ainz que sainz Thomas fust ocis el saint mustier,
   Grant processiun vit aler lez le clochier:
   El senestre reng vit saint Thomas chevalchier,¹
   E un clerc luinz de lui, mais nel solt entercier;
6100 Le rei de l'altre part desur un grant destrier.²
1221
   Une corune d'or out a la croiz pendant;
   Cil la porta mult halt ki ala tut devant.³
   Une voiz unt oïe desus en l'air criant:⁴
   Qui a la croiz metreit gemmes e or luisant,
6105 Corune d'or avreit el ciel a parmenant.
1222
   La voiz fu bien oïe. Sainz Thomas l'escuta,
   E s'il puet a nul sens, a la cruiz ateindra;⁵
   Car corune del ciel durement desira.
   Sur un grant cheval fu; e cele part ala:⁶
6110 Mult gemmes e mult or esmeré i posa.
1223
   Lungement après ço s'est li reis purpensez:
   S'il n'avient a la croiz, mult en ert vergundez.⁷
   Sur un grant cheval fu; a la cruiz est alez:
   Mult i mist pures gemmes e or ki fu provez;⁸
6115 Mais n'i mist mie tant cum li bons ordenez.
1224
   Idunches s'en ala li clers repurpensant⁹
   Coment i avendra; mais la vint chevalchant:¹⁰
   Mult i aveit mis gemmes e mult or reluisant,¹¹
   E mult bien i avint; mais n'i mist mie tant
6120 Cum li uns des dous fist ki offrirent avant.¹²
1225
   La processiun vait, li munz est en decurs.
   Li plus i vunt a pié, car poi beent aillurs.¹³
   Sainz Thomas li martyrs nus face veir sucurs!
   Mais jo vus di pur veir: uncor vendra li jurs¹⁴
6125 Li reis larra pur Deu les seculers honurs.

[1] destre r. [H] 189
[2] E le r. d'autre [H] sur [B H] 189
[3] t. avant [B] 189
[4] desuz [B] lasus [H] 189
[5] en n. s. [H W] 189
[6] om. e [B H] 189
[7] ne vient [B H] om. en [B H] est v. [H W] (corr. [W] 189
[8] M. i ad mis gemmes [B] e or quit esmerez [H] 189
[9] Après iceo se a. [H] purpensant [B H] 189
[10] C. il i a. [B] 189
[11] M. i ad m. g. e or r. [B H] 189
[12] o. devant [H] 189
[13] c. bien poent (corr. en peu beent) [H] 189
[14] note Dans [B], les trois premiers mots manquent (déchirure) uncore [mss.] 189

Page 189

[f.82v]
1226
   Car nuls ne seit qu'il ad en sun quer enbracié;
   Mais la muableté le truble de sun sié,¹
   E si enfant ki sunt de sens poi esforcié.²
   E li dit Merlin l'unt durement esmaié;
6130 Li fol espositur l'en unt poi aveié.³
1227
   Car li fol conseil furent vers Bretaigne forgié⁴
   Par ki fut enfrenez e bien pres mis a pié.⁵
   Or guart coment l'eglesse i aveit l'or culchié.
   Plus de treis feiz e treis ad ja nidifïé;
6135 Del tierz ni d'Engleterre ad oü sun quer lié.
1228
   De celui e des altres, se Deu plaist, s'esjoira.⁶
   Mais ja de cele eglesse li reis mar dutera:
   Ja mais en altre liu ne nidifiera,
   Car sa plume ad perdue; ja ne recovera.⁷
6140 Mais encor guard la terre, kar grant mestier en a!⁸
1229
   Mais bien sache li reis, e jo pur veir li mant,⁹
   Si fiz erent produme e forcible e vaillant;
   S'il se tienent ensemble, plus en erent puissant;¹⁰
   Mult les criendrunt Engleis, Peitevin e Normant,¹¹
6145 E tels en plorera qui or s'en vait riant.¹²
1230
   Tant cum s'entre-amerunt e li fiz e li pere¹³
   E il dui amerunt e la broiz e la mere,
   Tant cum tendrunt ensemble li enfant cume frere
   E li reis ert sur els e reis e emperere:¹⁴
6150 Ki metlera la salse, mult la bevra amere.¹⁵
1231
   Deu pri e le martir, que j'ai servi maint jur,¹⁶
   Qu'il mette pes el regne, e tienge en bon' amur
   E le pere e le fiz e la broiz e l'oisur,¹⁷
   E lur doinst joie e vie senz change de seignur,¹⁸
6155 E lur mette en curage que me facent honur. [f.83r]
1232
   Guernes li Clers del Punt fine ici sun sermun¹⁹
   Del martir saint Thomas e de sa passiun.
   E mainte feiz le list a la tumbe al barun.²⁰
   Ci n'a mis un sul mot se la verité nun.²¹
6160 De ses mesfaiz li face li pius Deus veir pardun!²²

[1] note [H] place ce vers à la fin de la str. 190
[2] li e. [H W] 190
[3] esveié [B] 190
[4] en B. [B] 190
[5] P. ki il [B] 190
[6] De lui [H] 190
[7] la p. [B] ja mais (c.f. le v. préc. ) [mss.] ne recovra [B] ne covera [H] 190
[8] encore [mss.] 190
[9] Bes [H] li vant [H] 190
[10] om. en [H] 190
[11] crienderunt [B] 190
[12] Itel en plora encore qui [B] 190
[13] cume [B] e om. devant li fiz [B H] 190
[14] om. ert [H] 190
[15] le b. [H] bevera [B] 190
[16] ki j'ai s. [H] 190
[17] les f. [H W] 190
[18] #Le dernier mot mq. dans [B] 190
[19] Guarniers [P] Guerners (corr. en Guernes) [W] de P. [H W] (ci [H P] 190
[20] fist [B] lis [H] 190
[21] Mes n'i mis [H] 190
[22] De noz m. nus f. [H] Jhesu li pius p. [P] 190

Page 190

1233
   Ainc mais si bons romanz ne fu faiz ne trovez.¹
   A Cantorbire fu e faiz e amendez;
   N'i ad mis un sul mot qui ne seit veritez.²
   Li vers est d'une rime en cinc clauses cuplez.
6165 Mis languages est bons, car en France fui nez.³
1234
   L'an secund que li sainz fu en s'iglise ocis,⁴
   Comenchai cest romanz, e mult m'en entremis.
   Des privez saint Thomas la verité apris:
   Mainte feiz en ostai ço que jo ainz escris,⁵
6170 Pur oster la mençonge. Al quart an fin i mis.⁶
1235
   E ço sacent tuit cil qui ceste vie orrunt⁷
   Que pure verité par tut oïr purrunt.
   E ço sacent tuit cil qui del saint traitié unt,
   U romanz u latin, e cest chemin ne vunt:
6175 U el dient que jo, contre verité sunt.⁸
1236
   Or prium Jesu Crist le fiz sainte Marie,⁹
   Pur amur saint Thomas, nus doinst la sue aïe,
   Que rien ne nus suffraigne a la corporal vie,
   E si nus esneium de seculer folie
6180 Qu'al muriant aium la sue conpaignie.
   Amen.

Ici fine la Vie saint Thomas le Martyr.

Appendix

[1] Unc m. ne fu fez mieldre romanz ne t. [P] 191
[2] N'i ai m. [H] 191
[3] E bons est mis l. en F. fui n. [H] 191
[4] en iglise [B] 191
[5] que ainz i e. [H] (je ainz i e. [W] 191
[6] al quint [H W] ( [C] om. ) an [P] 191
[7] Iço [P] 191
[8] k'encontre v. [H] 191
[9] Ore p. Jesu le f. [H] 191

Page 191

Page 192

1A L'abeesse suer saint Thomas, pur s'onur e pur le barun,¹
2A M'at doné palefrei e dras; n'i faillent nis li esperun.
3A Ne getai pas mes dez sur as, quant jo turnai a sa meisun!
4A Ne ele n'i ad mespris pas; de mei avra tel gueredun:²
5 E devant halz e devant bas par tut eshalcerai sun nun.
6A Meillur femme tresk'a Patras en nul liu ne trovereit l'un.³
7A E les dames m'unt fet tut gras, chescune d'eles de sun dun.
8A Or lur duinst Deus tuzdis a tas pain e vin e char e peisun;⁴
9A E quant lur cors ert muz e kas, Deus face as almes veir pardun.⁵
10 Ne dirai mes des ore "A(t) las!", car servi ai seignur mult bun.⁶
11A De ço k'ai esté sovent las de rimeier sa passiun,
12A Il me rent bien, neent a gas: assez me trove guarisun,⁷
13A Or, argent, robes en mes sas, chevals, autre possessiun.⁸
14A Se nuls me dit: "Guarniers, ou vas?", tuz li munz est miens envirun. -
15 Ne di si bien nun de Judas, quant il vent a confessiun.⁹
16A Oede li buens priurs de Seinte Terneté,
17A Li covenz des seignurs (Deus lur sache buen gré!)
18A M'unt fet mult grant sucurs, del lur sovent doné,¹⁰
19A Maintenu an e jurz e entr'els governé.¹¹
20 Quel part que seit mis curs, e de long e de lé, ¹²
21A A els est mes returs, tut pur lur grant bunté;¹³
22A Kar unc ne vi meillurs en la crestïenté.

Explicit Vita sancti Thome archiepiscopi et martiris Canturiencis.

[1] L'abesse [ms.] 9999
[2] note de me 9999
[3] note Meillure 9999
[4] note Ore 9999
[5] note viuz? 9999
[6] note m. buen 9999
[7] note ñ a g. 9999
[8] note robe 9999
[9] note quant vent 9999
[10] note de lur 9999
[11] note anz e j. 9999
[12] note m. cuers ... de loing 9999
[13] corr. ert? 9999

Page 9999

End

This is a digitised partial version of an original work in the public domain. See General Conditions of the Anglo-Norman On-Line Hub for rights information concerning this electronic version