Return to list of source texts

French materials from The Anonimalle Chronicle 1307-1334 [From Brotherton Collection MS 29]

Edited by W.R. Childs and J. Taylor
Leeds, Yorkshire Archaeological Society 1991
Genre: Chronicles
AND Bibliography: Anon Chr2

Original work © 1991 Yorkshire Archaeological Society, which has granted permission for selected portions to be digitised, browsed and searched on this site. Any other use, including making copies of this electronic version, requires the prior written permission of the copyright holders, who may be contacted at Claremont, 23 Clarendon Road, Leeds, LS2 9NZ, United Kingdom. Enquiries about purchasing the printed edition, which contains a full introduction and a complete English translation, may be made to the same address.

Page 12



The Brotherton manuscript and its contents

The manuscript

The text printed in this volume is part of Brotherton Collection MS 29 (Anonimalle Chronicle). This MS, which was written in the second half of the fourteenth century at St Mary's Abbey, York, may be divided into the following sections:

1. fos. 1-35v. A number of miscellaneous items written in French and Latin.

2. fos. 36-248 v. A type of Brut chronicle written in French.

3. fos. 248v-271. The most complete text of the short continuation of the French prose Brut chronicle (1307-33).

4. fos. 271-303v. A further continuation in French covering the years 1333 to 1369 and using a missing Franciscan source of the Lanercost chronicle as well as official documents and newsletters.

5. fos. 304-353v. A continuation in French covering the years 1369 to 1381 using London sources. This continuation contains the descriptions of the Good Parliament (1376) and the Peasants' Revolt (1381).

Items 4 and 5 were printed by V. H. Galbraith as The Anonimalle Chronicle 1333-1381 (Manchester, 1927, reprinted 1970). For a fuller description of the contents of the whole manuscript see pp. xxiii-xxiv of that edition, and English Historical Literature, pp. 133-53. The probability that the entire manuscript was copied at St Mary's Abbey, York, is deduced from the evidence of the handwriting. The Brut chronicle (fos. 36-248v) is, for example, written in a script which has been described as similar to that of the two St Mary's cartularies preserved in York Minster library. 39 [39] See Anonimalle Chronicle, p. xx.13 There is again a similarity of script between the short continuation of the Brut (fos. 248v-271) and that of the further continuations (fos. 271-353v), which were almost certainly composed at York. 40 [40] For an examination of this section of the chronicle see English Historical Literature, pp. 139-41.13

Page 13

The manuscript has the appearance of having been written over a number of years. The main work of copying the text as far as fo. 271 (1333) was probably done during the middle years of the century, for at fo. 270v there is a reference, come vous orrez apres, to William Montagu's being made earl of Salisbury, which happened in 1337 as is duly noted in the subsequent section (fo. 276), which seems to have been already in preparation when the earlier part was being written. 41 [41] William Montagu was made earl of Salisbury in 1337, see Anonimalle Chronicle, p. 9.14 Fos. 271-303v, covering the period 1333-69, appear to be the work of a scribe who was working in the 1350s and 1360s. This part of the manuscript was probably written almost contemporaneously with the events which it describes. 42 [42] The evidence for this is set out in English Historical Literature, pp. 139-41.14 The final section of the manuscript (fos. 304-353v), covering the years 1369 to 1381, may have been added at a later stage. 43 [43] Ibid. pp. 141-3.14

The opening folios of the manuscript (fos. 1-35v) contain a number of items which help to confirm the manuscript's provenance, and the dates of composition of its component parts. Thus there is a list of the abbots of St Mary's (fo. 29v) as well as a list of the churches in the gift of St Mary's, York (fos. 34-35). In the list of abbots the final name is that of William Marrays/eys, elected in 1359, whose death in 1382 has been added in a later hand. This list not only suggests a St Mary's provenance, but also the possibility that the main work of copying was done before 1382. Other items in these opening folios, including a genealogical table showing Edward III's claim to the French throne and a prayer in verse for the victory of the English king, appear to refer to the opening stages of the Hundred Years War. 44 [44] Fos. 2v, 3v, 4v. The authors owe this information to Dr Ruth Dean.14 Certain items have a direct bearing on the Brut chronicle (fos. 36-248v) and on its short continuation. Transcribed in the opening section, for example, is a form of the Anglo-Norman poem, Des Grantz Geanz (fos. 23-26), which traditionally formed the preface to the Brut. 45 [45] For a study of the manuscript tradition of this opening see Des Grantz Geanz, ed. G. E. Brereton (Medium Aevum Monographs, II, Oxford, 1937).14 Also found in this early section is a short Latin chronicle (fos. 26v-29), beginning in 1307, which concentrates its narrative principally on the reign of Edward II. Passages from this Latin chronicle are translated in the text of the short continuation.

Page 14

The history of the manuscript subsequent to its compilation in the fourteenth century is of some interest. It was undoubtedly in the possession of St Mary's during the later Middle Ages. There is no evidence that it was known outside that house. At some stage during the sixteenth century, however, the manuscript found its way to London, possibly through a member of the Rudstone family, for what could be the name John Rudstone appears on the first folio. A member of this family, Sir John Rudstone, was Lord Mayor of London in 1528-29, and his family may have had connections with the family of John Stow, the London antiquary. 46 [46] Sir Edward Rudstone was buried in the church where Stow's ancestors were buried. C. E. Wright, Fontes Harleiana (London, 1972); J. Stow, Survey of London, ed. C. L. Kingsford (Oxford, 1908), I, 197-8.15 What is certain is that the manuscript, while it was in London, came to the attention of John Stow and his contemporary and fellow antiquary, Francis Thynne. That John Stow knew the manuscript is clear from the fact that notes in his hand occur at fos. 287v, 300v and 316r and v, and that he cited the chronicle in his Annales, and Survey of London. From the references in his writings Stow appears to have seen the manuscript between 1592 and 1598. 47 [47] The manuscript is not mentioned in the first edition of Stow's Annales in 1592, but is mentioned in his Survey of London (1598).15 Also during the 1590s Thynne made a transcript of that final part of the manuscript which relates to the Peasants' Revolt of 1381. This transcript he described as out of an anominalle cronicle belonginge to the abbey of St Maries in Yorke. V. H. Galbraith, who edited and published the final portion of the manuscript, supposed that Thynne had meant to write anonimalle, a synonym for anonymous. Galbraith deliberately used Thynne's description of the whole manuscript as the title for that section of it (fos. 271-353), which he edited in order (i) to suggest the connection of his edition with the Peasants' Rising section (fos. 340v-351) transcribed by Thynne (ed. G. M. Trevelyan, EHR 13 (1898), 509-22), and (ii) to associate permanently with the chronicle the names of Thynne and Stow, who both appreciated it and used it. We may, however, allow the title Anonimalle Chronicle to apply to the entire manuscript comprising the main Brut chronicle (fos. 36-248v) together with its continuations. In the seventeenth century William Clapham, who had family connections with the Ingilbys at Ripley, caused

Page 15

the manuscript to be returned to Yorkshire. A note at fo. 281v says William Clapham owithe this booke and boight yt at london at mychalemesse laste paste and sent yt downe by Jhon Longe the carier. The manuscript remained in the possession of the Ingilby family until the 1920s when it was bought at auction by Mr Bradfer-Lawrence. It was purchased by the University of Leeds for the Brotherton Collection in 1982.

Page 74

Appendix 4

Provisional List of Manuscripts containing the short Brut continuation

Page 75

MSS Provenance Date
Cambridge University Library
Gg.1.15. XIV Cent.
Mm.1.33. XIV Cent?
Trinity College
R.5.32 (contains Avesbury) XV Cent.
R.7.14 Seneschal of count of Weedon Beck XIV Cent.
Trinity College
500 (formerly E.2.33) London, St John of Jerusalem XIV Cent.
University Library
181 XIV Cent.
Brotherton Library
MS 29 St Mary's, York (Anonimalle Chronicle) XIV Cent.
British Library
Add. 18462 Sir Simonds D'Ewes (fragment) XV Cent.
35113 XIV Cent.
Cleopatra D. VII XIV Cent.
Cotton Julius A. VI Manuscript contains Pipewell material (fragment) XIV Cent.
Domitian A. X XIV Cent.
Harley 200 Sir Simonds D'Ewes (contains Avesbury) XV Cent.
6359 Sir Simonds D'Ewes? XIV Cent.
College of Arms
Arundel 3i XIV Cent.
Inner Temple
Petyt 5 11 XIV Cent.
Lambeth Library
504 XIV Cent.
Westminster Abbey
25 XIV Cent.
Bodleian Library
Douce 128 (contains Avesbury) XV Cent.
Lyell 17 St Mary's, York XIV Cent.
Rawlinson 329 XIV Cent.
Bibliothèque de l'Arsenal
3346 XV Cent.
Bibliothèque Nationale
12156 XV Cent.

Page 76

Note on Editorial Method

The text

1. The text has been transcribed as written, retaining all original spelling, including those spellings which appear to be minor slips (for example Oxenfod, chauneller, Caernavan, vengeane, ville and velle for veille, wille for ville). Where omission of abbreviation marks has affected spelling, necessary letters have been supplied in editorial brackets (Richmu[n]d). Deletions and insertions in the text are indicated in round brackets. Necessary editorial corrections to errors in the text are indicated within square brackets. Editorial comment is provided in italics within the brackets. In several places where there are clearly omissions in the text, in order to make sense of a passage a few words have been supplied, given in round brackets, from Bodleian MS Lyell 17 or Cambridge University Library MS Mm. I. 33. The source of each addition has been indicated in a footnote. Six marginal notes in the text in a late medieval hand have also been indicated by footnotes, but lesser marginalia, mostly the word nota in a red box, have not been shown.

2. Capital letters have been retained only for proper names.

3. The text is profusely but inconsistently punctuated. Punctuation has therefore been simplified, while being kept as close as possible to the text. 4. Paragraph divisions are the editors'.

5. Abbreviations have been extended: o? has been printed as oun or oum, q? as qe, and qz has also been printed as qe, although some words show the variety possible (illueqe, illueqes). Plu' and su' have been printed as plus and sus. The letters u and v, i and j have been printed according to modern usage.

6. Certain passages appear to have been added to the Brut continuation in this text. Those passages which can be confidently identified as interpolations have been printed here in italics. They refer to Franciscan and Yorkshire history, episcopal appointments, and to extracts which derive from the short Latin chronicle on the opening folios (fos. 26v-29) of the Anonimalle manuscript.

Page 80


The Anonimalle Chronicle, 1307-1334

Edward de Caernervan

Apres cestui bone roi Edward regna Edward son ficz. Edward de Carnervan fust appelle, beaus homme et fort de corps et de membre, mes il forslisna de les tetches et de la manere son pere, qar il ne fist force de chivalerie ne pruesce, mes tantsoullement de sa volente demene. Cestui roi Edward fu si chaungeable de corage et de quoer, qe ceo qil granta une jour pur commun profist de la terre il le voleit dedir une autre jour. Et auxi fust il homme de grante vengeance, qar quant il comenca de de regner tost apres grande descord et grande estrif sourdirent entre li et une sire Walter de Langetoun, qi fust evesqe de Cestre et tresorere le roi son pere, pur ceo qe le dit evesqe li accusa quant il estoit prince de Gales dascunes trespas et meffaitz, des queux le bone roi son pere li reprova et chastia par droit et reson. Cesti roi aima cherement de coer ascuns gentz qi son piere sovent foith li defendi la compaignie de eux, come une sire Peres

Page 82

[f.249] de Gavastoun qi fust par le bone roi son pere exile, et par les bons pers de la terre, meis cel exil ne dura gueres, qar tost apres, meisme cel an qil fu coroune, il fist remander le dit Pers encountre la defense son pere et sanz assent de son barnage a lui dona le counte de counte de Cornewaille, et li fist counte. Et auxint il li dona a femme sa nece la fille monsire Gilbert de Clare counte de Gloucestre et dame Johanne de Acres soer a meisme celi roi Dengleterre. Cesti roi dehonura les bones gentz de sa terre et honura les enemis, come flatours, mauconseilers et meffesours, qi li conseillerent encountre sa coroune et encontre commun profitA1 [A1] Bodleian Library MS Lyell 17, fo. 112.84 de la terre et les tint assetz chier, come par my sez faitz serra plus pleinement dist apres.

Lan Mille CCCVII le roi Edward passa le xxij jour de Janver la meer, et esposa dame Isabelle la fille le roi de Fraunce a Boloigne de sur la meer ove grand joie et od grand honur. Et la primere anne de son regne furent ils corounez a Westminstre od grant solempnite et od grant honur del evesqe de Wincestre et dautres evesqes, le ix kalend de Marcz,A2 [A2] Coronation day, 25 February, was indeed the Sunday after St Peter in Cathedra, and the Sunday before Lent, but it was not 9 but 6 kal Mar. in 1308 (a leap year).84 qe fu le dimanche lendemain de la feste de seint Piere in cathidra, qe adonqe fu le dimanche de quaresme pernant, lan de grace avantdit. Et en cel temps jeust Robert ercevesqe de Caunterbury malades, par quei il ne poeit estre a cel corounement. Meisme cel an furent les templers destruitz et anientez. Meisme cel an le roi et le dit sire Piers, le counte de Garenne pristrent lour chimin vers Escoz apres la feste de seint Michil, et la demurerent tut le yver ensuant.

Lan Mille CCCVIII le barnage de la terre voleient amendre et redrescer plusours defautes, mespressiouns et grevaunces, qe furent faitz par le roi et ses malveis counseillours, des queux le poeple mult se pleinent, et assemblerent trestutz a Loundres et illueqes monstrerent au roi lour grevances et lui prierent qils purroient ordener teles ordinances sur les dites defautes, mespressiouns et grevances qe serroient al honure de dieu et de seint eglise et al honure du roi et profist de lui et de son roialme, et le roi les granta franchement et de bone volunte,

Page 84

[f.249v] et lour dona sa commission enseale de souz son grant seal. Et les plus loiaux et les plus sages des prelatz, countez, barouns, et altres grantz de la terre feurent tittles par commun assent de faire les dites ordinances, par vertu de quele commission ils avoient ordenez divers pointz bones et covenables pur profit du roi et de tut le roialme, les queux pointz feurent desputez, examinez et triez devant le roi et son conseille, et le roi les avoit bien entendu, et charge qe les agrea, accepta, ratifia, et par son seal les conferma, et les delivera a sire Thomas de Tuttebury, adonqe counte de Lancastre et seneschal Dengleterre, et a tut le barnage de la terre. Et a la croice del cimter de seint Poel de Loundres feurent les dites ordinances publiez et proclamez, et ceux de Loundres avoient la copie dez dites ordinances desouz le grant seal le roi, et altres citees et burghs par my la terre. Et de chescune cite et burgh par my la terre. Et de chescune citee et burgh par my la terre feurent gentz jurrez a Loundres, sur la croice lercevesqe de Caunterbury Robert de Wynchelse, et aux touz les graunz de la terre jurerent de sauvement garder et maintenere les ditz ordinances, et qi qe les enfreindroit seroit destruite et malmis. En les queles ordinances fust une point ordene, qe touz les malveis conseillers le roi seroient oustez et remuez du roi, par qei le dit Piers de Gavastoun, qestoit en temps le pere de cesti roi exile pur diverses enchesouns, et repelli par meismes cesti roi come de sus est dit, qil counseilla altrement le roi qe faire ne dust, encountre lestat de lui et de sa corone, et fist ensealer blaunches chartres et altres feitz nient covennables, si come les prelatz et les pers de la terre monstrerent grevousement par lor ordinaunces et examinementz faitz encontre lui, par qei il fust autrefoicz exile de la terre, et il sen ala en Flaundres a la fest de Touz Seintz et la se tint une pece. Mais il dota le roi de Fraunce, par qei il revint en Engleterre en tour le Noel apres, et le roi lui recesceut joiousement encontre les ordinances par lui et son conseil faitz, et li retint ove lui et li maintenist en sa compaignie encontre touz entre clamantz.

Lan Mille CCCXII en la feste

Page 86

[f.250] de seint Johan devant porte Latyn, fu termine a Vienne le conseil le pape, en quel conseil lordre des templers fut destruit. En meisme cel an les grantz de la terre porsiwerent quointement et enginousement le dit sire Piers de Gavastoun, issint qen tour la feste de seint Botolf le dit sire Piers vint a Dadygtoun prede Oxenford, et le countee de Warrewyk lui prist a force, et lamena al chastel de Elmele, et dillueqe tanqe a Warrewyk oue il fust juge par les pers de la terre. Et puis dillueqe fust il amene a une eawe curraunte qest appelle Gaversiche, et illueqes fust il decole, et ceo fu le xix jour de Juyn le an du regne de cesti ro quint. Quant le roi avoit oi et entendu coment sire Piers de Gavestoun estoit mis a la mort par les grantz de la terre, il estoit durement coroucee et irre, et pensa privement touz jours en son quoer de sei venger de ceuz qi feurent assentaunz a sa mort quant il verroit temps. En meismes cel an frere Vital del ordre des menours fu fet cardinal, et meismes lan le jour de seint Brice sire Edward ficz au cesti roi Edward fu nee a Wyndesore, et une cardinal qavoit a noum Arnold li leva du founs le jour de Esmon lercevesqe.

Lan Mille CCCXIII Robert de Wynchelse ercevesqe de Caunterburi murust et est enterre a Caunterbury le ix kalend de Juyn lendemain del Ascencion, et fu mis en son lieu par le pape et a la priere de cesti roi Edward, sire Waltier Reynaud qi devant fut evesqe de Wyrcestre. Meisme cel an en la fest de Pentecoust, Lowiz ficz le roi Philippe de Fraunce fu coroune roi de Naverne, le quel regioun li descendist de droit et heretablement par sa mere Johanne roigne de Fraunce, qe fust heire del region de Naverne, as queux noeces y cesti roi ove Isabelle sa compaigne et plusours graunz de cest terre feurent. Et cesti roi Edward despendist illuqes a ceo qe fu dist plus de lx mille livres. Meisme cel an murust lemperour de Rome en les parties de Tuscy.

Lan Mille CCCXIIII et de cesti roi vii, le roi assembla grant houst et grant poer a la Pentecouste, il se mist vers Escoz pur destuire Robert le Bruys et les altres sez enemis. Et quant il estoit illueqe venuz le jour de seint Johan le Babtistre

Page 88

[f.250v] Robert le Bruys li vint encontre od grant poer a Stryvely et li dona fort bataille, en qel bataille le roi fust descomfist, et en cele descomfetour furent occis sire Gilbert de Clare counte de Gloucestre, sire Robert de Clifford, sire Payn Tybtot, sire William Maresschal, sire Miles de Stapeltoun, sire William de Vescy, sire Gyles de Argentein, sire William Dayncourt, sire Esmon de Mauley, et multz des altres. Et plusours nobles et puissantz come monsire Humfrey de Bohun counte de Herford et altres graunz Dengleterre furent pris et emprisonez par les Escoz a Bodeville, et puis furent delivres pur greve ransoun. Et le counte de Penbrok, sire Hugh le Dispenser, sire de Beaumont, sire Johan de Cromwell et altres se mistrent a la feute tanqe a Donbarre, et la se mistrent il en eawe od graunt poer et vindrent a Berewyk qe adonqe estoit en gard des Engleis. En cel temps fu pris aval la croice del clocher de seint Pool de Loundres, en la quele furent multz des reliqes trouvez, et ele fust reparaille et mis sus od ceux reliqes et altres le jour eody de seint Fraunceis apres la seint Michel, et a cel jour chauntauntz divers chanounes et vikers de la dit eglise,A5 [A5] CUL MS Mm. 1.33, fo. 59 adds sur estaches.90 plus haut qe la croice nest de xl pees, et grant lumere de torches et altres diverses melodis a donqes estoit illueqes, pur la solempnite des reliqes qen la croice adonqe furent mis. Meisme cel an murust Philippe roi de Fraunce la veille de seint Andreu.

Lan Mille CCCXV meistre RobertA6 [A6Recte Roger.90 de Mortyvaux, dean de Nichole, fust eslu evesqe de Salesbury en tour la Pentecoust. Meisme cel an fu grant habundance deawe en Engleterre quant les murs de les freres menors Deverwyk trebucha par cel eawe entour le feste de seint Margarete. Denapres meisme cel an le roi Edward et altres de son prive conseille sanz assent des graunz de la terre ordinerent assises et certein pris des vitails folement, qi ne poeit en nul manere estre tenu ne meintenu, cest assavoir le meillour boef peu de greyn al plus haut pur xxiiij sous, le meillour boef gras

Page 90

[f.251] nient peu de greyn por xvj sous, la meilloure vache gras pur xij sous, une pork de deux annz pur xxx deners, une motoun toundu et gras pur xiiij deners, une owe gras pur iij deners, une chapon gras pur ij deners obole, une geline pur ij deners, trois columbes pur j dener, xx oefs pur j dener en Loundres. La quele prive ordinance fu crie en Loundres la veille des paumes, et fist grant mal, qar en poi de temps apres lem ne poeit a peine rien de tiele chose trouver. Par quei multz des bochers et poleters de Loundres feurent emprisonez et empoveritz, et le commun poeple avoit grant defaute de tiele chose, et mult se plenount, par qei altrefoitz fust purveu par comandement le roi et son dit feble conseil, qi de tieles purveaunces avoit issi esvoegli la gent, qom achateroit et vendroit auxi bon marche come il poeit, qar cele porveaunce ne fust onqes ordene par les ordenies ne par les sages de la terre, mes par le roi et son prive conseil pur esvoegler le commun poeple come de sus est dist. Tost apres cel temps faillerent les bledz par tute Engleterre, et ceo fu pur la graunt eawe qi cheist continuelment de la Pentecoust tanqe a la Pasqe prochein ensiwant, dount il avoit grante morine des gentz, et dura la graunt chierte des bledz continuelement par trois annz, issint qen une sesoune de cele chierte len vendist le quartre de forment malement nette et eschargement mesuree pur xl sous, et deux petites oynons en chepe pur une dener.

Lan Mille CCCXVI Lowis roi de Fraunce ficz levantdit Philippe murust devant la feste de Pentecoust. Mesmes cel an sire Johan de Hothum fust eslu evesqe Dely, et sire Johan de Sandal fu fet evesqe de Wyncestre, et sire William de Meltoun fust eslu ercevesqe Deverwyk, le quel sire William retorna de la court entour la feste de Touz Seintz.

Lan Mille CCCXVII deux cardinals cestasavoir sire Gauceline et sire Lucas de Fisco alerent vers Duresme pur la consecracion sire Lowys de Beaumont en leveschee de Duresme, et enchiminant les encontrerent sire Gilbert de Middletoun et altres meffesours, et les robberent et despoillerent, le quel sire Gilbert fu pris et amene a Loundres, et illueqes entour la feste de la Purificacion de Nostre Dame fut illueqe

Page 92

[f.251v] traine, pendu, decole et desmembre. Meismes cel an en la feste de seint Valentyn murust la roigne Margarete et gist enterre a les freres menors de Loundres, et en cel an dame Aleyse la fille le counte de Nichole et et la femme sire Thomas counte de Lancastre departist del poer son seignur, et sire Johan counte de Garenne la resceut en sa gard. Meismes cel an avint issi tost apres le roi tint parlement a Everwyk et la les pers de la terre par lour commun assent elurent sire Hugh le Despenser le ficz chef chambreleyn le roi, a demorer ove li en office de chambreleyn solonc son port, le quel sire Hugh fu plein de malveiste et felonie, et auxint fust il avers et coveitous tant come il estoit en son office, et si estoit il orguillous et hautein et compassant de felonye, qe nul homme plus, quar nul homme purra aprocher au roi sanz la volunte le dist sire Hugh, et ceo pur grandement doner de soen. Et si nul desiroit parler ove le roi il noseroit pas en nul manere fors seulement en la presence de meismes celi sire Hugh. Cesti sire Hugh acrocha a lui roial poer, si qe le roi ne voleit rien faire countre sa volunte. Lez comandementz de dit sire Hugh par tut et en toute places furent faitz et esploitez a sa volunte, et chescune homme se dota de li, et lui haierent durement de quoer tut noseient ils rien parler. Il amenusa les services et les despenses le roi en son hostel. Il acrocha a lui graunt tresor parmy le roialme, dount ceo fu merveille a dire et countere. Le roi en quanqe il savoit et poeit lamoit cherement sour touz altres, issint qil navoit en la terre grant seignur qe oseit faire ou dire encountre sa volunte des choses qil vodra aver fait.

Lan Mille CCCXVIII le roi tint parlement a Northamtoun ove touz les grauntz seignurs de la terre. Les pers de la terre feurent adonqe aperceu en multz des maners de la felonie, malveiste et coveitise del dit sire Hugh, et del damage qil fist al roialme par abbettement de sire Hugh le Despenser son pere, et li voleient aver remue de son office et mettre autre en son lieu. Meis le roi ne voleit pas suffrir, meis lui tint prede lui et li maintenist en tuttes choses a sa volunte et od tut son poer, issint qe les peres de la terre de cel bosoigne

Page 94

[f.252] ne poient adonqe rien faire. Avint issi qe tant come le roi tint son parlement, une Johan Poydras par noum qi fu fiz dun tanour de la cite Dexcestre vint a Oxenfod et entra la sale le roi a les freres cordeillesA8 [A8Recte carmes: see Bodleian Library MS Lyell 17, fo. 113v.96 come le deable li mist en quoer, et auxint il amena ove lui petite charette et une chate, et dist as touz qil fu droit heir Dengleterre, et qil dust estre roi par resoun et noun pas le roi Edward. La gent li demaunderent coment ceo poeit estre, et il lour dist coment et en quel manere qe pur moi ne sera mis en escripte ne reherce. La gent li comanderent de teiser de tieles paroles qe toucherent si haut chose, et il respondist qil ne voleit pur rien qe purroit avenire, par quei il fust amene a Northamtoun au parlement le roi et la fust il examine de sa chalenge, et tut dis il maintenist sa querele devant tuttes gentz, et dist apertement et baudement qil dust estre roi de droit et de reisoun. Ceux qe feurent ditz son pere et sa mere a Excestre feurent mandez au roi el dit parlement, et par le conseil le roi feurent il examinez et sermenteez sur ceste chose, de dire la verite sil estoit lour ficz ou noun, et eux pur poer de la mort noserent altrement dire meis qe il fust lour ficz entre eux engendrez. Et le roi ne li voleit pas aver mis a la mort, mes comanda qome li donast un mascu, en engleis babel, et qil alast come fol. Meis ascuns graunz qe la feurent ne voleient ceo suffrire mes qil fust mis a la mort, issint qil fust traine et pendu a Northamtoun la veille de seint Jak, par quei homme parla mult dun et de ele.

Lan Mille CCCXIX en tour la feste de la Marie Magdaleyne, monsire Thomas counte de Lancastre ove altres grantz de la terre assemblerent grant ost et grant poer pur passer en Escoz, a destruire Robert le Bruys par comaundement le pape pur sa desoltisance qil avoit enfrenit la suffrance de guerre, la quel lavandit pape avoit establi entre le roi Dengleterre et lui, issint qils passerent avant od lor ost par mer et par terre vers la dit regioun Descoce. Meis quant le roi et touz les grauntz de la terre feurent venuz a Noef Chastel sur Tyne, et illueques il tindrent une conseil, et ordeinerent et counseillerent entre eux, coment ils poient conquere la ville de Berewyk qe adonqe estoit bien garni des gentz et de vitalles, et issint ordeinerent entre eux, qe le roi meismes

Page 96

[f.252v] et touz les graunz de la terre devoient primes enseger la dist ville de Berewyk et la gayner par force avant qils alassent avant en la terre, et ceo fu par enchesoun qe le roi et les grantz voleient aver bon refut dedeinz la dite ville si cas de peril lour avensist en la dite terre Descoz, et tantost comaunderent lor purveiors od grant numbre de gentz darmes passer avant a la dite ville, et hastivement ficher lour pavillouns et herbergers, et puis faire bone purveaunce des vitailles et dautres necessaries qe a eux appendoient pur guerre, et issint le firent. Tost apres le roi et touz les graunz de la terre se remuerent de la dite ville del Noef Chastes mult efforcement od lor poer bien bataillez taunqe ils vindrent dencost la dite ville de Berewyk od trompes clamantz, et fesoient cele nuyt grant joie et solaz melodie en despit de les Escoz lor enemis qi feurent dedeinz la dite ville. Meis les Escoz escrierent noz gentz vilement et horriblement et monterent les murs de la ville et la defenderent noblement en countre les Engleis. Et fet assaver qe le jour de lassumpcion de Nostre Dame qe fu le xviij kalend daugstA9 [A9Recte Septembre.98 le roi et les graunz de la terre et lour gentz donerent fort assaut a la dit ville, mes riens ne poient espleitre. Le roi fist mandre les engins de Northamtoun et de Bamburgh, et les fist redescer countre les murs de la dite ville de Berewyk, et fesoient multz des maux a ceux qi feurent dedeinz la dite ville. Et ceux qi feurent depar leawe avoient eniointz lor niefs a les murs de la dit ville, et donerent mult plus fort assaut qe devant navoient, et combatirent od la navie le roi de la part leawe mult egrement. Meis les Engleis se defendirent si noblement encountre les Escoz lour enemis quex navoient encountre eux foisoun ne dure. Et les Engleis feurent enpoint a cele heure daver conquis legerment la ville sanz pluis assaut faire si ascuns grantz de la terre ne eussent este. En cele temps tant come la sege de Berewyk se dura vindrent en Engleterre pred le paiis de Cardoille Thomas Randolf counte de Mouref et James Dougleis ove xx mille Descoz bien combatantz,

Page 98

[f.253] et les jours les embosoignerent et demorerent en boys et en marreis longteyn des villes, issint qe gentz du paiis ne poeient aver conussance de eux, et nutantre chivauchierent od lor ost, tanqe ils vindrent au pount de Burgh et Mitoun sur Swale qe nest qe xii lues hors Deverwyk, et voleint aver passe outre a la cite Deverwyk et aver conquis la ville od force. Meis tost vindrent novels a sire William de Meltoun ercevesqe de la citee et a sire Johan de Hotham qi adonqe estoit chauneller le roi, et tantost ils assemblerent tot le poer qils poeient cuiller et procurer a eux. Et une Nichol Flemmynge qi adonqe estoit maire de la dit citee, noblee homme et vaillaint, ove plusors de la cite sen alerent efforcement od tut lor poer devers Mitoun pur countre estere la malice des Escoz lour enemis. Et quant eux feurent venuz a Mitoun od le aide du paiis, ils se drescerent pur donerent bataille a les Escoz lor enemis. Mais les Escoce, qi feurent gentz de bone arraie et bien apparaillez a a la guerre, avoient grant despit des Engleis, et maintenant comencerent a tromper et sanz plus delai se mistrent a les Engleis pur combatre, meis les Engleis furent tost occis et descomfitz, et plusors neiez en leawe de Swale, dount li doels estoit, et le dite Nichol Flemenge illueques fu destrenche et desmembre tut en peces, et lercevesqe sire William de Meltoun, et sire Johan de Hothum chaunceller sen feuirent tant come ils poient a la cite Deverwyk, et firent fermere les portz et la se tindrent. Meis sire William de Ayremyn, noble clerk et vaillant, fu pris illueqe et mene en Escoce et mis en garde, et puis fu delivres par greve raunson. Quant le roi Edward avoit oi et entendu coment les Escoz avoient ensi destruit le gentz de sa terre come devant est dit, maintenant il remua sa sege et ala a Loundres mult dolent. Meismes cel an le jour de Touz Seintz morust sire Johan de Sandal evesqe de Wyncestre. Et en la feste de la Epiphanie prochein siwant sire Johan de Dalderby feu fet evesqe de Nichole.A10 [A10] The text is in error: Dalderby died this year, as the rest of the sentence makes clear.100 Et apres li fust eslu meistre Antoyn de Bek chaunceller de Nichole en la feste de seint Agnes

Page 100

[f.253v] la secunde, meis il ne fust pas resceu par lercevesqe de Caunterbury, et pur ceo il alast a la coute de Rome, et demura ove le pape.

Lan Mille CCCXX la pape dona a sire Henry de Burghassh leveschee de Nichole et fust entronize al Noel ensiwant.

Lan Mille CCCXXI morust sire Walter de Langetoun evesqe de Cestre, et fu mis en son lieu sire Roger de Northburgh a la priere de cesti roi Edward. Meismes cel an morust Philippe roi de Fraunce et est enterre a seint Denys, mes son quoer est enterre a les frere minors de Parys, ou son primer ficz est enterre, et apres cesti roi Philippe Caroille son frere fu fet roi de Fraunce.

Lan Mille CCCXXII a la goule daugst le roi tint parlement a Westminstre, au queu parlement vindrent le counte de Hereford, les Mortumers, le Moubray, le Clifford, et plusours autres grantz de la terre od grant poer, et vindrent a Loundres touz armez noun pas en despit du roi, meis pur ouster sez malveis conseillers come sire Hugh le Despenser le piere, et le ficz. Et a cel parlement les avantditz counte de Hereford, Mortumers, et les autres susditz monstrerent au roi lour grevances encountre les deux Despensers, par qei en la veille del Assumpcion de Notre Dame en la presence du roi, countes, barons et la commune Dengleterre aux feurent exillez a Westminstre hors du roialme Dengleterre come traitres, sur paine decapitacion, sils james revenissent en le poer et la seignurie le roi. Et adonqes sire Hugh le Despenser le piere se mist hastivement outre meer, et dona a son ficz sa malison, qar pur son malveis port il avoit cel aventure encorue. Et le roi maintenist le Despenser le ficz el roialme par mie laide de les cink portz par meer, issint qe cheli Hugh le Despenser le ficz, ove le poer a li atreit, robba par mier dromontz qi feurent envenantz vers Engleterre ove grant noumbre davoire, et autres nefs en esclaundre du roi et de touz ceux du roi, la quele robberie fist grant mal al roialme et grante parlaunce y fust par tut le roialme. Et le pape escomengea touz y ceux qi feissent cele robberie ou qi fuissent a ceo assentant. En cel temps

Page 102

[f.254] la grossure del coer le roi surmonta durement de vengeaunce faire sour la partie qe lui contraria, ne pur quant il les avoit fet chartres de pees des totes maneres des felonies, robberies, arsours, et chivauchees, et totes autres matieres des trespas qe eux avoient fait en son roialme ou en sa seignurie sur les terres et chastels de les ditz sire Hugh et sire Hugh, mes totes celes chartres ne valoient pas, qar il meismes par autres mauveis conseille qil avoit, vient encountreA13 [A13] Bodleian Library MS Lyell 17, fo. 114.104 les chartres qil avoit grante, si qe la corde et la pees entre le roi et sez barons furent tut outrement defait pur nul tenu. Tost apres a la feste de seint Michel le roi assembla grant et grant poer pur assegere le chastel de les Ledes, qe fust a une sire Berthelmeu de Badelesmere, qestoit grant seignur et le seneschal le roi. Meis il fust tenu homme de mal affaire. En cel temps vindrent le counte de Herford, les Mortumers, le Moubray, et autres grantz du roialme ove lour poer a Kyngestoun sur la ryvere de Thamise, pur aver alee outre a Ledes a remuer la sege sils poeient, mes le bone counte de Lancastre lour manda par sez lettres qe ceo ne duissent ils ils faire, par ount une sire Walter Reynaud ercevesqe de Caunterbury vint a Kyngestoun oue les barons furent, et illuqe les premist loialment et en bone foi, qe si eux se voleient retrere de lour pursiwete, qil ferroit bone acord entre entre le roi et eux. Et le gentil counte de Lancastre manda amiablement au roi par sez lettres, qil cessat de la persecucion qil comenca affaire sur sez lieges gentz a reson. Et le roi tint en despit quantqe le gentil counte et autres grantz li avorent mande, mes toutz jours pensa de sei venger de eux, issint qe le roi entra le chastel de Ledes le veille de Touz Seintz, et sire Berthelmeu de Burghhasse, et la dame de Badlesmere, et altres grantz qi furent el chastel furent mandez a la Tour de Loundres. Et xij autres qi furent el dit chastel furent illueqes traignez et penduz, meis une Thomas Colepepre de Kent fust maunde a Wynchelse, et illueqes fust il traine et pendu, a quele ale al dist chastel de Ledes ceux de Loundres manderent au roi cink

Page 104

[f.254v] centz hommes a pee bien armeez. En cel temps le counte de Hereford et les autres barons virent bien qe le roi fust homme sanz mercy, et penserent bien qil les voleit destruire si come il avoit fait autres, et pristrent lour chimin vers le north jesqes a Pountfreit, oue le noble counte de Lancastre adonqe estoit pur avere de lui socours et aide, a meintenire la querele qils avoient comence encountre les deux Despensers et autres enemis de la terre. Et tant come ils demurerent en les parties du north, ils ensegerent le chastel de Tykhulle, meis riens ne poeient illueqes espleiter tant fu le chastel fort et bien defendu. Puis apres ils sen departirent dilluqe et vindrent au dit counte de Lancastre et tindrent ove lui grant conseil, pur saver et ordener coment ils poeient mieltz countre estere la malice le roi et de les deux Despensers avantditz, et assemblerent tout lour poer, et passerent vers le paiis de Wyrcestre, et vindrent a Birtoun pur encontrer illueqes les deux Despensers et autres enemis de la terre, et demurerent longement en cel paiis et fesoient moltz des maux. Quant le roi avoit oi et entendu de la venue le barnage en le paiis de Wircestre, il assembla grant ost et grant poer pur destruere son barnage, et ove li demurerent le counte mareschal, Esmond son frere counte de Kente, sire Johan counte de Garenne, sir Johan counte de Richemund, le counte Darundel, le counte Dathels, et le counte de Pembrok et moltz des autres barons ove grandisme ost et poer, et vindrent al pount de la dit ville de Burtoun ou il trouerent grante multitude des archers et dautres gentz darmes, qi les defendist vigerousement le passage, mes le roi et les soens passerent leawe a une gye qi fu pres de illueqe. Et quant le counte de Lancastre ceo savoit, hastivement ove les soens senfuist dillueqe tantqe a Pontefreid. Et le roi ove le soen ost sen ala a Wircestre pur espier et enquere plusours meffesours en la terre et contreestere la malice de eux, a quele alee ceux de Loundres manderent autrefoiz au roi a Wircestre a la feste de seint Lucie iijc iiijxx hommes a pee bien armez. En cel

Page 106

[f.255] temps sire Hugh le Despenser le piere, qi fust exile, revint en Engleterre ove poer qil poeit a ly attrere pur afforcer sa partie en conseil et en fait. Puis avint issint qe a la feste de la conversion de seint Poel par compassement des messages,A14 [A14]  Messagers in Bodleian Library MS Lyell 17, fo. 114v, and in other texts.108 freres et altres, qui vindrent par entre le roi et les deux Mortumers come faux brokors, et firent tant par lour engin et compassement, qe les Mortumers vindrent au roi come en forme de pees et de treter dacord entre les parties. Et quant auxi furent venuz au roi eux ne poient mie passer hors de son poer, mes furent arrestutz et maundes a la Tour de Loundres, et la vindrent ils le samady apres manger en la veille de seint Valentyn. En cel temps le tiers jour de Marcz ceux de Loundres manderent au roi vjxx hommes bien armez, qar il noseient autrement faire pur doute de sa felonie, ne pur quant la volente del commune poeple fust enclinant a la partie des countes et barouns privement, come ils oseient dire et monstrer, pur espiers qi feurent par tut espiant et enquerant ceo qe homme dist et parloit. Meisme cel an le xvj jour de Marcz qe adonqe fu le mardi prochein apres la feste de seint Gregoire, fu sire Thomas counte de Lancastre pris au pount de Burgh par une sire Andreu de Hercclay et autres qui vindrent illueqe od grant poer, et illueqe de sur la ponte de la dit ville le noble counte de Hereford fust occis, et sire William de Sule, sire Roger de Bromsfeld et sir Rauf de Elpingdon adonqe tuez et multz des gentzA15 [A15] Bodleian Library MS Lyell 17, fo. 114v.108 de la terre pris et emprisonez, lour terres et lour chateux en la main le roi seisiz, et plusors autres vaillantz chivalers et esquiers eschaperent mult cheitivement outre mier, pur doute destre maumene. Le dit sire Andreu de Herccla amena le dit counte de Lancastre a Everwyk, et la fust il mis en garde en la haut tour du chastel de meisme la citee. Meis tost apres le roi li maunda tanqe a Pountfreit le quel lieu le dit counte amast plus qe nul autre ville de la terre. Et illuqes le roi fust entre le chastel le dit counte, et ove li sire Hugh li encontra et li le denga par malicious paroles et despitouses en my son visage en despit de li. Le quel sire Hugh,A16 [A16] Ibid.108 sire Esmond

Page 108

[f.255v] counte Darundelle et sire Robert de Marbelthorpe furent faitz sez justices, par le roi et la par record du roi qe adonqe fust tenue pur lei, ils lui jugerent estre decole le xx jour de Marcz, cest assaver le jour de seint Cuthbert, en une lieu le quel le dit counte ama mult de haunter pur soi deduire, et ceo fu par my cel decapitacion sire Pieres de Gavastoun avant nome qi le roi milt ama. Allas, quel dolour fust, qar meisme le jour qe le noble counte fuist issint decole pur son grant loialte qil avoit de maintenir droiture et la coroune le roi pur commun profist de toute le roialme, sis grantz seignurs barouns furent ovesqe li par my Pountfreit traynez et penduz, cest assaver sire William ficz William, sire Garyn del Isle, Henry de Brandborn, sire Thomas Mauduyt, sire William Cheyne, sire William Tuchet et une Johan Page vadlet al dit counte, et sont enterrez a les freres prechours de Pountfreit. Et le corps del noble counte de Lancastre fust livere par commandement le roi a les moignes de meissme la la ville, ou son corps gist enterre en lour eglise prede le haut auter, et tost apres le quart kalend Daveril notre seignur Jesu Crist fist moltz des miracles pur lamur de lui. Le roi par tut le paiis fist enquere ou eux furent qil tint sez enemis, et furent par droit sez amis. Mes il ne savoit entendre, et pur ceo il les fist traigner et pendre par la ou ils furent mieltz conuz et avoient lour seignurie, cestassaver sire Berthelmeu de Badelesmere qi fu seneschal le roi, et homme devant de mal affaire, meis qil tint ou les piers de la terre pur son serment sauver, il fust traigne, pendu et decole a Caunterbirs. Et puis le corps sanz test autrefoicz pendu prede son neveu sire Barthelmeu de Assheburnham, le meskerdy devant Pasqes une sire Henry Tyeis treigne et pendu, a Loundres, le samady de Pasqes Florie une sire Fraunceis de Aldenham traine et pendu, a Wyndesore, le meskerdy apres la Pasqes Florie sire Johan de Moubray li noble juvencel, sire Roger de Clifford, et sire Gocelyn Dayville trainez et pendux a Everwyk, et pendirent illueqes par longe temps on cheines de feer, meis puis par le

Page 110

[f.256] congi le roi furent ils pris aval, et sount enterres en la eglise de les freres prechours Deverwyk
. Sire Henry de Mountfort et sire Henry de Wylingtoun traignez et penduz a Bristut. Sire Roger de Elmerigge et plusours autres grantz come esquiers, fraunkleyns furent prisA17 [A17] Ibid., fo. 115. Both versions clearly omit a phrase after Elmerigge as he was executed at Gloucester.112 et autres des queux ascuns furent delivres par greve raunson, ascuns mortz en prisoun et ascuns utlagez. Apres qe le dite vengeane fust issint felonousement pris et faite, le roi meisme cel an se adrescea ove tout son poer vers les parties Descoz, par qei les bones gentz de Loundres, en la ville de seint Margarete lan de son reigne xvj, manderent au roi al Noef Chastel sour Tyne cent hommes bien armez et apparailles. En cel temps le secunde jour daugst les deux Mortumers furent juggez a Westminstre devant sis justices destre traignez et penduz, pur robberiez et homicides qe le roi les mist sur. Mes nul excucion de cel jugement ne fu fait, et ceo fu pur bref le roi, qe fu maunde a sire Roger de Swynardestoun adonqe conestable de la Tour de Loundres pur targer le dit jugement, issint qe lendemaine apres le roi de sa grace les granta vie et membre destre en perpetuele prisone. En cel temps apres a la goule daugst le roi sen ala od grant ost et ove grant poer en les parties Descoz, et fust entre en la terre bien a lx lieux, et illueqes moltz des gentz morurent pur defaute de viaunde, et le roi illueqes riens nespleita, mes se retourna en Engleterre, et son poeple grandement destruit pur defaute de vitailles. Et quant les Escoz savoint qe le roi sen departist hors del roialme Descoz, ils passerent la mere Descoz et hastivement vindrent en Engleterre robbaunt et destruant la terre, et fesoient moltz des maux.

Lan Mille CCCXXIIIA18 [A18Recte CCCXXII.112 a la feste de seintA19 [A19Margin: Bylandbank.112 Luk le roi estoit sur Blakhowe more prede labbeie de Byland ove plusours nobles de son roialme, et illuqes vint sir Robert de Bruys ove grant poer des Escoz et enchacea le roi et les soens. Meis illueqes fu pris monsire Johan de Bretaigne counte de Richemu[n]d et amene en Escoce ou il fust mis en sauve gard, et demurast illueqe par longe temps. Meis au darrein il

Page 112

[f.256v] fust delivres pur trois mille livres. Et donqe revint en Engleterre entour la feste de seint Lowiz evesqe et confessor. Et par la ove noz gentz en les parties Descoz rien ne gaignerent pur defaute de grace, meis perdirent lour vies et quant ils avoient, les Escoz a lour venue a cele foiz gaignerent vitailles, tresor, chivals et harnois le roi, et autres biens par my le paiis a grant hounte et perdicion de roi et du roialme, et salvement retournerent en Escoce ov lour prei. Et ceo fu par lassent et la suffrerance de monsire Andreu de Herccla, le quel le roi avoit fait counte de Cardoille, pur ceo qil avoit pris le dit counte de Lancastre et occis le counte de Hereford come avant est dist. En cel temps nostre seignur Jhesu, qi cognust totes droiturs, voleit par sa grace signe faire qe le dite gentil counte de Lancastre murust en droit querele pur lestat du roialme maintenire, et qe le poeple deveroit le mieultz crere et entendre, si fist il plusours miracules pur lamour de li qi veraies sont et trouveez par bons examinementz. Et dautrepart homme poeit bien entendre qe le dite gentil counte murust en droit querele, qar ceux qi furent a sa mort assentantz onqes ne vindrent au bone fine come bien sera dist apres. EtA21 [A21Margin: A. Herclay.114 auxint sire Andreu de Herccla avant dit, pur ceo qil avoit fait ascuns conspiracions et conferacions ove les Escoz, de les aver amene en Engleterre a destruire le north paiis, dont par maundement le roi et le dit sire Andreu fu pris come traitre el chastell de Cardoille par monsire Antoyn de de Lucy, et la fust il traigne, pendu, et decole, sez boels ars,A22 [A22] Bodleian Library MS Lyell 17, fo. 115v.114 et quartrone, et sa teste mande a Loundres le dimanche lendemain de seint Gregoire. Des autres qi furent al dit contrariantz de lour mal fine vous eit dit par ordre.

Lan Mille CCCXXIIIIA23 [A23Recte CCCXXIII.114 le roi vint a Westminstre en la semeigne de Pasqes, et le roi ne voleit parler ove le maire de Loundres ne ovesqe les bones gentz, ne lour present resceivre fors de par la commune, issint qe a les utanes de Pasqes il fist somondre le dit maire, viscountes, et

Page 114

[f.257] adermains destre devant le roi et son conseil a Westminstre, et la le roi sanz encoupement ou encheson oustoit et remuoit Hamound de Chigwelle, maire, de sa mairaute, et fist Nichol de Farndoun gardein de la dit cite a la volunte le roi. Et le dit Hamound de Chigwelle, Hamound Godechepe, Esmon Lambyn et Roger Palmer, aldermans, siwerent la court le roi ove grande doute pur attendre sa volente, et oier ceo qil voilleit a eux dire, et de ceo qil les voleit acouper. En cel temps apres la Trynite deux enfist miracles en la eglise de seint Poel de Loundres a la table qe le dite counte de Lancastre aveit fait pendre et peintre sur une piller, en remembrance qe le roi avoit grantee et afferme les les ordinances. En cele temps le roi fist lever le vj dener des biens en Loundres et en altres citees, et le disme dener sur uppeland, en grant destresce et enpoverisment del poeple de la terre. Cesti roi prist trewes ovesqe les Escoz tanqe a la fine de xiij annz, sur diverses condicions entre les parties affermez, si loiaute le voudre tenir. En cele temps a la fest de seint Thomas la translacion lan xviijA25 [A25Recte xvii; and see Bodleian Library MS Lyell 17, fo. 115v.116 comenceant, fust la dite table en la eglise de seint Poel, par bref le roi de grant reddour ordeine, par une meistre Robert de Baldok homme enginous et compassant de malveiste ouste, et apres la cire qe illueqes fust offert en devocion del dite Thomas de Lancastre. Meis ja pur ceo fust del tut ouste la devocion del poeple qe oblacions ne furent faites al piler ou la dite table pendoit, tant furent les miracles qe dieu overist pur le dite Thomas overtz et publiez, qe multz des gentz se loioient de li. Et le roi fist mettre gardeins et gaites, et fist cloer les huys del eglise de Pountfreit oue le dit Thomas gisoit enterre, qe nul ne poeit a li venire pur devocion faire, ne pur grant gent y venoit de totes partez la terre tanqe a Pountfreit, et la donerent ils lour oblacions a povres gentz en lonur de dieu et del dit Thomas. Donqe avint issint meisme

Page 116

[f.257v] lan qe sire Roger de Mortumer seignur de Wygemore eschapa hors de la Toure de Loundres a nuyt en la fest de seint Piere ad vincula. Enquele maner il eschapa diverse parlance y fust, qar ascuns gentz disoient qil eschapa par my une boure sotilement fait qe fu done meisme le soire a les gaites de la Tour et as altres, par quei ceux feurent le mieultz endormitz, et ascuns disoient qil eschapa parmy une eschele de cordes enginousement fait, la quele fust monstre lendemain as plusours de la Toure, et ascuns disoient qil passa par my les portes de la dit Tour. Et en cel temps qil eschapa il sen fuist tantqe a Porcestre, et illueqes il se mist hastivent en mier et passa outre en la poer le counte de Henaud. Et a ceo qe homme adonqe disoit, lettres furent venuz del dite roi qe le dite sire Roger dust aver este traigne et pendu dedeinz le quart jour apres, sil eust demure en la dite Toure. Den apres en cele temps les quatre citeins de Loundres qavoient siwi la court le roi en grant poour daver este destruit come de sus est dit, revindrent a Loundres ove bele compaignie des gentz lendemain de la exaltacion de la seinte croiz. En cel temps a la feste de seint Martyn furent les citeins de Loundres et gentz dautres villes attachez par une clerk qavoit a noum Thomas de Neubyggynge qavoit purchace la commission le le roi, lequel clerk mist sour les bones gentz qils avoient parle ove le dit sire Roger de li maintenir et sustenire dela la meer, et qe eux furent aidauntz et conseillauntz qil fust eschape hors de la dit Tour de Loundres, de quele surmise les bones gentz les bones les espurgerent par tote manere de lei devant les justices le roi, issint qe le clerk fust tenu faux et mis en prisone. Tost apres al quaresme pernant le roi tint parlement a Westminstre, et la il seisit en sa main touz les biens et chateux qe levesqe de Hereford avoit, et li fist tote la persecucion qil savoit issint qe a grante peine se poeit il tenire sauf dedeinz la purceinte de les freres menours de Loundres, qil neust este pris hors de saintuarie par le poer le roi, et ceo fu lencheson qe

Page 118

[f.258] le roi lui mist sour, qil avoit herberge les deux Mortumers et les counseille de maintenere lour partie encountre li. Mes la clergie li aida donqe en sa querele. Ensement le roi fist grante persecucion a sire William de Ayremynne evesqe de Norwiz et lui tint pur traitre, et si fust il tenu bone homme qi grauntment avoit travaille pur lestat du roialme. Auxi fist il grant duresce a sire Alisaundre de Bikenore ercevesqe de Divelyn.

Lan Mille CCCXXVA27 [A27Recte CCCXXIV.120 a la feste de seint Johan le Baptistre sourdist une grande descord entre le roi de Fraunce et le roi Dengleterre, pur homage nient fait pur la terre de Gascoigne, par quei le roi de Fraunce se corucea malement, et manda sa gent en Gascoigne pur seiser la terre en sa maine. Et le roi Dengleterre a la goule daugst apres fist assembler moltz des gentz armez a Portesmuthe, pur avere passe dela la meer a defendre les parties de Gascoigne. Et quant eux estoient venuz a Portesmuthe, la volente le roi chaungea, et ne les voleit suffrire passir, issint qe chescune compaignie se retourna en son paiis demene sanz espleit faire. Et le roi a la seint Michel apres, en despit du roi de Fraunce, seisist en sa main totes les terres qe la roigne sa compaigne avoit en Engleterre, et il remua touz le fraunceis chivalers et esquiers, dames dames et damoiselsA28 [A28] The feminine form demoiseles which makes better sense of the balance of the sentence, is given in Bodleian Library MS Lyell 17, fo. 116 and CUL MS Gg.1.15, fo. 188v120 qi furent demurauntz ove la dit roigne, et ceo fu par le conseil de Hugh le Despenser avant dit, et de sire Walter de Stapiltoun evesqe Dexcestre adonqe tresorer le roi, et dun meistre Robert Baldok adonqe chaunceller le roi, qi touz avoient apres mal fin, les queux counseillers et autres, par lour malveis compassement et faux conseil, ordinerent entre eux qe la roigne deveroit passer en Fraunce pur faire acord entre les deux rois, si qele passa outre devant la Pasqe.

Lan Mille CCCXXVIA29 [A29Recte CCCXXV.120 le counte de Garrenne, le counte Dathels, et autres grantz passerent a la feste de la seinte croice en Maii a Portesmuthe vers Gascoigne od cent neefs attirrez et estuffez des gentz et de vitailles, a queu passage les Loundreis maunderent au roi vijxx

Page 120

[f.258v] hommes a pee bien armez. Apres cel temps a la feste de la decollacion de seint Johan le Babtistre, le roi demura a Dovorre par trois semaines pur ordiner son passage vers le roi de Fraunce et avoit maunde outre sez vitailles, chivaux, tresor, et ses purveours furent en les parties de la pur sa purveance faire. Et le roi meismes fut en alant vers la meer pur aver entre en neef qe fust tut apparaille de lui resceivre pur passer. Et sire Hugh le Despenser le ficz, qi grandment fu hai des plusours grantz seignurs de la terre, et auxi de tote la commun, fist grant dolour et se pleinont pitousement au roi et dit qe sil passat outre qil serroit mis a la mort en labsence de lui. Par my quele pleinte la volente le roi changea, et ne voleit en nul manere entrere la neef, meis demura a grant hounte et deshonure de lui meisme, qar rois et autres grantz seignurs par dela attenderent sa venue. Et le roi parmy son malveis conseil manda en son lieu sire Edward son ficz heire de la terre pur faire hommage au roi de Fraunce, et lenfaunt fu bien et noblement resceu del roi de Fraunce, et fu fait duk de Guyenne. Ore la roigne et son chier ficz son en le parties par dela et ne poient revenire a lour pleiser pur ascuns grosses destorbances qe lour grevoint, pur quei le roi les tint sez enemis, et fist crier en Loundres, qe nul homme fust si hardi de porter lettres de la roigne ne de son ficz vers les partis Dengleterre, et si nul homme le feit qil deveroit estre attache, et ensement celui a qi la lettre irroit, et quex fuissent amenez devant le roi et son conseil. En cel temps la roigne si demena grantment de doel et de dolour come dame qe eust son seignur perdu, et sa meisne engleis fust remue hors de sa court de la. Le roi en cel temps fist bien afforcere des vitailles la Tour de Loundres et autre chastels en la terre, pur ceo qil dotoit mult de la venue la roigne et dautres estranges en sa compaignie. En cel temps fust ordeigne qe lestaple de leins deveroit demurer en Engleterre. Et crie fust qe nul homme deveroit amenere hors de ceste terre nul fullingerthe, ne tasels. Mes toute cele ordinance ne tint pas

Page 122

[f.259] esploit. En cel an en este fu grant secheresce en rivers et en fountaignes, issint qils avoient grante defaute dawe en plosours paiis, si qe plusours villes en la terre ardoient come la ville de Roystoun, labbe de Croxtoun, Wandelesworth et autres arsouns y furent pur defaute deawe douce. En cel temps la la meer surmontoit leawe de Thamise qe fust salee, par quei moltz des gentz se pleignoient de la cervoise qe fu salee. En cel temps a la feste de seint Margarete le roi fist crier qe nul gent fraunceis ne dust marchander en la terre ne venire en cestes parties, pur ceo qe le roi de Fraunce et la femme au roi Dengleterre, nient apelle roigne en la crie, et son eisne ficz furent encontre li, come sez enemis, furent en point daver este trahis en les parties de Fraunce, et aver este mandez en Engleterre par tresoun pur le grant avoir qe le roi et sire Hugh le Despenser le ficz et autres qi furent de lour acorde aveient maundeA30 [A30] Ibid., fo. 116v.124 a les xij piers de Fraunce, en grante desceivance de la dite roigne et son chier ficz sire Edward, par qei en cel temps touz les engleis qi adonqes furent el roialme de Fraunce furent attachez en une jour, qe amountoit a grant multitude de gentz. Quant la roigne et sire Edward son ficz aperceurent del compassement lour seignur et de ses malveis conseillers, ils procurent et attraierent a eux grant poer des gentz darmes et dautres, od grante navie devenir en Engleterre, par quei grant afforcement et gaite fu faite par terre et par meer, issint qe ala feste de la decollacion de seint Johan ceux de Loundres maunderent au roi au Porcestre cent hommes bien armez. Meisme cel an le mesqerdy prochein devant la seint Michel, cestassaver le iiij doctobre qe adonqe fust par lundy,A31 [A31] Michaelmas was indeed a Monday. Cestassaver le iiij doctobre is an erroneous insertion in the Anonimalle manuscript; see above p. 37.124 la roigne et son eisne ficz, sire Roger de Mortumer, sire Johan de Henaud et autres grantz ariverent a Herewyche en Suffolk, a destruire les enemis de la terre. Et si tost come eux furent arivez, le vent chaungea come dieu le voleit et lour neefs qi les amenerent en ceste terre sieglerent seins et sauf en les parties dount eles vinderent. Et quant la roigne et son eisne ficz feurent ainsi arivez, le paiis par tout de chescune part enviroun cheist a

Page 124

[f.259v] eux de bone volente, et ils maunderent lour lettres au maire et a la communalte de Loundres, qeux fuissent aidantz en la querel qe la roigne et sire Edward son ficz avoient commence, a destruire les enemis de la terre, mes nul respouns ne fust a eux maunde a cel foiz pur doute du roi et de les deux Despensers, et autres qi adonqes furent a la Tour de Loundres, par quei la roigne et son ficz maunderent une autre lettre a Loundres, overte enseale de lour seals pendauntz, et fust fichi en laube de jour sur la novele croice en Chepe en Loundres, et la copie de la lettre fu fiche par aillours sur fenestres, qi plusours la poient lire, et ceo fu le jeody en la feste de seint Dynys, qe les bons de Loundres fuissent aidantz a destruire sire Hugh le Despenser et autres enemis pur commun profit de tot le roialme, et qe la comunalte lour deveroit sur ceo lour volente maunder. Par qei multz des gentz ne savoient qei faire, oue de maintenire la partie le roi et de sire Hugh le Dispenser, qi furent adonqe molt mal compassantz, oue de tenire ove la roigne ou son ficz, qi furent venuz en bone arraie pur la commun profist de la terre a defaire les enemis. Ceo est la copie de la lettre.

IsabelA32 [A32Margin: littera civitate Londoniense directa.126 par la grace de Dieu roigne Dengleterre, dame Dirlande, et countesse de Pountif, et nous Edward eisne ficz au roi Dengleterre, duk de Guyenne, counte de Cestre, de Pountif, et de Mounstroille, a tot la communalte de Loundres, salutz. Come nous vous avoms autrefoiz mande par noz lettres, coment nous sumes venuz en cest terre od bon arraye et en bone manere pur lonur et le profist de seint eglise et de nostre trescher seignur le roi et de tout le roialme meintenire et garder a nostre poer demene, si come nous et totes bones gentz du dit roialme sumes tenuz affaire. Et sur ceo nous vous avoms prie par noz dites lettres, qe vous nous soiez aidant taunt come vous purrez on cest querele, qest pur le commun profist de tout le roialme, et nous neioms uncore eu nul respouns des dites lettres, ne ne savoms rien de vostre volente, si envoioms a vous derichier, et nous mandoms et prioms, qe vous vous portez issint devers nous, qe nous neioms cause de vous

Page 126

[f.260] grever. Meis qe vous nous soiez aidant par totes les voies qe vous saurez et porretz, et tutefoiz qe nous vous emprieroms ou qe vous verrez lieu et temps, qar soiez certaine qe nous et touz ceuz qi sount venuz odvesqe nous en ceste terre ne pensoms affaire ne ne ferroms, si dieu plest, chose qe ne serra pur le commun profist de la terre, sauve a destruire sire Hugh le Despenser nostre enemie et a tote le roialme, si come vous bien savez, par quei nous vous prioms et chargeoms sur la foi qe vous devez a nostre seignur le roi et a nous, sur quant qe vous purrezA33 [A33] The copy of the letter in the Plea and Memoranda roll adds forfaire here (London Record Office, Plea and Memoranda Roll A 1b, fo. 10), as do Bodleian Library MS Lyell 17, fo. 117v and CUL MS Gg. 1.15, fo. 191v128 devers nous, qi si le dit Hugh le Dispenser nostre enemy viegne dedeinz vostre poer, qe vous lui facez hastivement prendre et sauvement garder, taunt qe nous eoms ordene de lui nostre volente. Et ceo ne lessez en nul manere si come vous desirez honur et profite de nous touz et de tout le roialme. Et si vous le faitz, sachez qe nous vous seroms touz jours le mieultz tenuz, et si engaignerez assetz donour et de profist de nous, si nous remandez hastivement tote vostre volente. Done a Baldok le vj jour doctobre.

Den apres avint issint qe lendemain qe la dit lettre fu venue a Loundres, come devant est dist, le roi meisme, Hugh Despenser, meistre Robert de Baldok et autres ove grant compaignie des gentz darmes se remuerent hors de la Tour de Loundres devers les parties de Bristut. Et les gentz de Loundres conseilerent entre eux quele chose ils voleient faire, et quele respouns ils voleient doner au dite roine et a son ficz, issint qe les coers dascuns gentz furent grantement engrossez, qils ne savoient qei faire ne qei dire ne quele respouns doner. Et sur ceo Hamond de Chigewelle adonqe maire de la dite citee, et les viscountes, et les aldermans de la dite citee furent esluz devant monsire Geffrey Lescrope, monsire Walter de Norwiz, et monsire Hervy de Staunton et autres du prive conseil le roi, a les freres prechoures de Loundres, le mesqerdy procheine devant la feste de seint Luk, qe adonqe fu par une samadi, dount grante parlance y fust entre plusours de la commun, qei cele prive counseil fust illoeqe, et sucheront qe ceo fu pur mal et en desceivance de la cite, issi qe ascuns

Page 128

[f.260v] persones de la commune sasemblerent et encountrerent le maire et la resonerent de gros coer, et qil ne deveroit tiel prive conseil tenir hors de la Gihale, par quei le maire en grante doute sen ala ovesqe eux a la Gihale, et parlerent entre eux de ceux qi furent enemis la roigne et a la cite. Et monstre fust qe sire Walter de Stapeltoun evesqe Dexcestre fust une des enemis la roigne, qi lavoit mis a sez gages de xx sous le jour. Et quant Johan le Mareschal fust espie le dit sire Hugh le Despenser et altres persones dount tost apres crie fust en Chepe, qe les enemis le roi deveroient tost voider la ville; ne demura gairs apres qe le dit Johan le Mareschal fu pris entour le middi de meisme le mesqerdy, en son hostel, pur tiele come il fust tenue, et mene en Chepe, despoille, confesse, et decole, et ascuns persones meisme le hure alerent al hostel le dit evesqe Dexcestre de hors la barre du temple, pur rifler le dite hostel. Et le dit evesqe qe fu venu de Enefeld avoit entendu en Holeburn qe tiels gentz furent a son hostel avant dit, et quida aver en sauf refust a Loundres, et chivaucha a raundoun par my Neugate et derere la bocherie tantqe a la glise de seint Poel. Et quant il fust pres al entre del huis devers le north il fust encountre, et hape de tutes partz, et tost deschivauche, mene en Chepe, despoille, et decole, et deux de sez esquiers, lun avoit a noum William Atte Walle et lautre Johan de Padyngtoun, furent meisme le jour decolez. Ore est la citee de Loundres leve odvesqe la roigne et sire Edward son ficz, et fount a eux jurer evesqes, abbes, priours, countes, barouns, et autres grantz de la terre a vivre et murir ovesqe eux en la querele comence. Et ceux qi furent emprisonez en la Tour de Loundres pur la querele dount le gentil counte monsire Thomas de Lancastre murust, ceux de Loundres les fist deliverer. Denapres quant le roi avoit entendu de ceo qe fu fait par ceux de Loundres et ales autres en sa compaignie se tindrent abaiz et la roigne et son ficz et lor compaignie

Page 130

[f.261] bien paiez. Le roi en la compaignie de sez enemis sen fuist de la compaignie la roigne, et ele lui pursiwist de li aver ouste de sez enemis, et de rejoier son seignur si ele poeit. Meis le roi ne voleit lesser la compaignie de sez enemis. Meis il se mist en eawe a Bristut et voleit aver passe en Irlande, meis par force de vent il fust chace en Gales, et passuit avant qomme ne savoit adonqe oue le roi estoit devenuz, meis sire Hugh le Despenser le piere se tint el chastel de Bristut, et illueqes fust il pris. Et le lundy en la velle des apostres seint Symond et seint Jude, il fust trayne, pendu, et decole illueqes, et sa teste maunde a Wyncestre pur ceo qil estoit counte de Wyncestre. En cel temps le dymange a nuyt cestassaver en la feste de seint Esmon lerevesqe, et cel jour fu merveillous tonoir en queu temps monsire Henry de Lancastre et autres guntz pursiwerent les enemis le roi enginousement dun part et dautre en les parties de Gales a Snawedoun prede labbeie de Northe si estreitement, qe le roi guerpist ses enemis et se tint a sez leges gentz, et les enemis furent pris, cestassaver Hugh le Despenser le ficz, meis Robert de Baldok, et altres remenez en Engleterre a Hereford od grante hounte et hu et crie. Et avant qils vindrent a Hereford le counte Darundelle fust decole illueqes, cestassaver le lundy lendemain de la feste seint Esmon lercevesqe. Et le lundy en la veille de seinte Katerine fu le dit sire Hugh le Despenser trayne, pendu, et decole, sez boels ars, et quartrone a Hereford. Et une Symond de Redyngges, qavoit despise la roigne, illueqes traigne et pendu. Et le dit mestre Robert de Baldok, qestoit chanceller le roi et homme enginous, fu mis en prison levesqe de Hereford. Et le joedy apres manger cestassaver la surveille de seint Nicholas fu la teste al dit sire Hugh porte a Loundres od trumpes par my Chepe, et la test fiche sur le pounte de Loundres. En cel temps le roi fust el chastel de Kenilworth en la compaignie le dit counte de Lancastre, et la roigne

Page 132

[f.261v] et son eisne ficz tindrent lour Noel a Walyngford. Et la vint a li son ficz sire Johan de Eltham ove bele compaignie des gentz de Loundres, qi lamenerent a la roigne, pur ceo qil estoit adonqe en la garde de la cite. En cel men temps Hughelyn le Despenser ficz au dist sire Hugh se tint el chastel de Kerfily. En cel temps nul bref de roi fu maunde en la terre fors depar la roigne et de sire Edward son eisne ficz. Et la roigne et sire Edward son ficz vindrent a Loundres ov ben compaignie des gentz le dymanche procheine devant la feste de la Typhayne pur tenire parlement, issint qe le mardy, cest a dir en la feste de seint Hiller, lercevesqe de Caunterbury pronuncia a Westminstre devant le poeple plusours articles encountre le roi, par quei le poeple graunta et cria qil ne deveroit plus reigner, meis qe son fice duk de Guyenne seroit roi; pur quei evesqes, abbes, priours, countes, barouns, chivalers, et burgeis furent maundez au roi al dit chastel de Kenilworth pur rendre a li sus homage et pur saver sil voleit assentire al corounement de son ficz, et il assentist qar il ne poeit autrement estre, et fu lour homage rendu a li par monsire William Trussell, qi adonqe fust fet lour procuratour, en cestes paroles:

Jeo William Trussell procuratour des prelatz, countes, barons, et autres gentz nomez en ma procuracie, eiaunt a ceo pleine et suffisance poer, les homages et les feautes a vous Edward roi Dengleterre avant ces hures faites par les persones en ma dite procuracie nomez, en noum de touz et de chescune de eux par certeines causes en ma dite procuracie contenuz, renk et rebaille sus a vous, dit Edward, et delivre et face quites les persones avantdites en la meilloure manere qe lei ou custume donne. Et face protestacion en noum de eux qils ne voleient desore enavant en vostre feaute nen vostre ligeaunce estre, ne ne cleiment de vous come du roi riens a tenire, einz vous teignent ore persone privez sanz nul manere de real dignite.

Et tantA34 [A34] ore persone . . . Et tant supplied in margin.134 come les grauntz ove lour procuratour furent illueqes parler ove le roi, si fu crie en Chepe, qe touz ceux qi devoient seute oue service au roi, qils fuissent al corounement del novel roi le dymanche en la veille de la Chaundeleure,

Page 134

[f.262] et trestouz vindrent al comandement le roi et coronerent sire Edward le eisne ficz a Westminstre ove grant joie et od grant honur, et naveit qe xiiij annz dage le jour de seint Bryce devant. Quant cesti Edward estoit coroune le dimanche en la veille de la Chaundeleure come devaunt est dit, il tint parlement a Westminstre, en quel parlement le roi granta a les citezeines de Loundres totes lour fraunchises avant perdues et autres fraunchises de novel. Et ceux qi furent pris dedeinz la fraunchise pur larcin felonie deveroient estre juggez devant le maire en la Gyhale de Loundres, par quei le utisme jour furent trois juggez a la mort et penduz, qe adonqe fu le venderdy prochein apres la feste de seint Johan ante portam latinam. En cel temps le roi piere a cesti novel roi fu remue hors du chastel de Kenilworth jesqes al chastel de Berkeleye, pur ceo qe grant parlaunce y fust parmy la terre qe ascuns coviegnes y feurent faites de plusours, pur li aver pris a force hors du dit chastel de Kenilworth, et qe frere Thomas Dunheved frere prechour et bon clerk fust assentu od coveignes dascunes freres del ordre, par quei il et autres furent emprisonez a Everwyk. Avint isint tost apres qe la roi eu maladist illueqes et murust le jour de seint Matheu le apostre devant le seint Michel, et fust enterre a Gloucestre en la veille de seint Thomas, quant il avoit regne xix annz, trois mois et deux semaines, de qi alme dieu ait merci amen. En cel temps il y avoit grant descord entre le pape Johan et monsire Lowiz duk de Baver, qi fust eslu emperour de Rome, encountre qi le pape sovent envoia fort host et puissant pur li destruire. Meis sire Lowiz les enchacea arere hors del empire, et prist totes les citees et villes qui furent appurtenances al dite empire en Lumbardie, et par force les occupa, et auxi prist il tut le tresor le pape Johan. Cesti pape Johan molt pursiwist lordre des freres menours.

Lan de grace Mille CCCXXVII la clergie de la les mountz et le poeple de Rome, ove le duk de Baver le quel ils avoient fet emperour come devant est dit, lavant dit pape Johan a Rome publierent heretik, et qil dust estre

Page 136

[f.262v] ouste de droit de cele dignite. Et pur ceo ils fesoient pape a Rome une frere menour, Peres de Corvarie, et li nomerent Nichol le quint. Adonqe le pape Johan pursiwist ascuns del dit ordre, dount freres Michel de Sezerie general ministre de meisme lordre et William de Okham Dengleterre grant clerk alerent en Baver pur trier la cause, les queux la pape voleit aver dampne, et pur ceo ils fuirent al emperour.

Ore regna le roi Edward le tiers puis le conquest bien et noblement, lan de grace avantdite, et ad grante et afferme tieles fraunchises a les citezeines de Loundres qonqes le roi devant son temps ne granta. En cel temps a la Pentecoste apres, le roi saparailla daler sur ses enemis Descoce ove tote le poer qil poeit a lui attrere, et od bele compaignie de Hanautz, par quei ceux de Loundres maunderent au roi a la goule daugst viijxx hommes a chival bien armeez. En cel temps a Everwyk les Hanautz oscirent nutaundre moltz des Engleis, adonqe furent les Escoz entrez el park de Stanhope en Engleterre. Et le roi od son poer vint illueqe, et demura bien xv jours, et quei par envie qe les les grauntz avoient devers les Henautz, et que par fausine et compassement dascuns grantz de la terre, les Escoz eschaperent hors del dit park, la oue ils poeient aver este pris, confounduz, et occis, et sen alerent en lour paiis demene a graunte hounte, vileinie, et despit de tote Engleterre, qe les Escoz si legerement eschaperent hors del poer Dengleterre. Et a ceo qe commune parlaunce adonqe fust, sire James Douglas Descoz passa par my lost Dengleterre pres del pavilloun le roi, pur lui avere ravi en le

Page 138

[f.263] poer Descoz. Et le dit sire James eschapa, meis une chapeleyn arme qi fust vigerous homme fust arrestuz et occis. Tost apres le roi et les soens retournerent en Engleterre. Et maintenant les Escoce vindrent autrefoicz en ceste terre od grandesme ost ardant, robbant, et destruant, et fesoient molt des maux, tanqe ils vindrent al chastel de Alnewyk, oue monsire Henry de Percy adonqe estoit, et lui assegerent. Meis par force ils furent enchacez du dit chastel, et ils alerent dillueqe et assegerent le chastel de Werkworth, oue les Escoz perdirent graunt nombre de lour gentz. Et issint sanz nul esplait ils retournerent en lour paiis demene. Dens apres meisme cel an, dame Philippe la fille le counte de Henaut vint en Engleterre destre marie a monsire Edward le joefne roi corounee, et ele vint a Loundres la surveille de Noel, ou ele fust joiousement resceu des citezeins de la citee. Et ele fust espose a Everwyk le dymanche en la conversion de seint Poel.

Lan mille CCCXXVIII le roi tint parlement a Everwyk, a quel parlement les messagers Descoz vindrent pur treter de la pees. Et apres le roi maunda de sez messages en Escoce pur meisme lencheson, issint qe parmy lour ordinance dune part et dautre, la pees fu crie et publie entre les deux roialmes, et qe David le ficz sire Robert de Bruis esposeroit dame Johane de la Tour la soer au dit roi Dengleterre. En cel temps le dymanche procheine devant la feste de seint Margarete qe adonqe fu par meskerdy, David le ficz Robert de Bruys appelle roi Descoz joefne enfant esposa dame Johane de la Tour la soer au dit roi Dengleterre. En cel temps le dymanche procheine devant la feste de seint Margarete qe adonqe fu par meskerdy, David le ficz Robert de Bruys appelle roi Descoz joefne enfant esposa dame Johane de la Tour la file le roi Edward de Caernavan, issi qe par my celes esposailles furent renduz au dit sire David, ficz et heire le dit sire Robert de Bruys, le roialme Descoce ov totes ses droitures, et fraunchises, custumes, et la lettre qe fu appelle

Page 140

[f.263v] Ragement, ove les seales del homage fait au noble roi Edward ael le roi quore est et a sez heires. Et issint sont les Escoz plenement delivres hors de la seignurie, et du service, et de chescune manere de droit due au roi Dengleterre et a sez heirs a touz jours. En cel temps la roigne la mere al novel roi et sire Roger de Mortumer acrocherent a eux roial poer et le tresor du roialme, et tindrent le roi de south lour subiection, et firent tant qe monsire Henre counte de Lancastre, qe fu fait al corounement le roi par commun assent du roialme son chef gardein, qil ne poeit a lui aprocher, counseiller, ne garder, par quei le counte ovesqe son counseille et dascuns grantz du roialme, et par my le counseil meistre Symond de Mepham, qi adonqe estoit ercevesqe de Canterbirs, et autres evesqes, se moveint devers la partie, pur redrescer la defaute, et qe le roi poeit vivre come roi del son sanz torcenouses prises faire enpoverissement de son poeple, par quei parlement fust ordeine a Salesbirs. Meis nul fust tenu, par quei les parties furent en point daver entreferue sure le pleine de Salesbirs, meis ceo fu destourbe par le conseil dascuns graunz, et fu parlement adonqe ordene a la Chaundeleure.

Lan Mille CCCXXIX a la feste de seint Hiller, le roi par my le conseil sa mere et le Mortumer dune part, et le dit monsire Henry counte de Lancastre dautre part, cuillerent et assemblerent grant ost et grant poer, chescune encountre altre, en les parties de Leycestre et en les parties de Bedeford. Meis qei par my lercevesqe Symond et ascuns autres evesqes et plusours autres grantz de la terre, forme dacord fu faite, et la partie le roi se humilia au roigne a respondre en parlement, et a drescer lerrour meu entre eux, par quei sur cel debat comence, et abesse pur eschuire greindre peril qe la terre ne livereit, et qe le roi seroit tenu pur seignur. Et pur ceo qe ascunes persones de Loundres furent venuz en la compaignie le dit sire Henry de Lancastre come encountre le roi. Meis qe la querele le counte fust dreiture, cestassavoire qil viveroit del soen pur maintenire sa terre, sil

Page 142

[f.264] fust guerroie par my altres terres. Tost apres cel temps furent justice mandez de par le roi a la Gihale de Loundres come en aide del maire des viscountes et des aldermans, sanz blemure la fraunchise, et de justiser les meffesanz, et chastier les fous. En cel temps le roi ove simple compaignie des gentz passa outra mier au roi de Fraunce, pur son homage faire pur la terre de Gasgoigne, cestassavoire le venderdy en la feste de seint Austin. Meisme cel an le dimanche prochein devant la feste de seint Piere in cathedra, qe adonqe fust par une joedy, fust dame Phillipe roigne Dengleterre coroune a Westminstre ove grant joie et od grant honure. Et en le primere symaigne de quaresme le roi tint son parlement a Wyncestre, et la fu monsire Esmon de Wodestok counte de Kente attache, le mardy lendemain de seint Gregoire, le quel counte fu ficz du roi et uncle de cestui roi, et si estut il de hors la porte du chastel de Wyncestre a hure de prime qil fust jugge tanqe a vespre, qe nule alme ne lui voleit decoler pur pite. Meis qun ribaud de la mareschaucie le roi fust comande de lui decoler, cestassaver en la ville de seint Cuthbert, et en meisme le jour qe le dit counte de Kent fust attache et decole, come avant est dist, le counte de Nichole et autres graunz furent attachez, les queux furent lessez amayn prise. Et par cel encheson le seignur de Wake noble chivaler et loial od plusours autres nobles du roialme passerent la meer, et la se tindrent pur perils qe les poeient avenir de lour enemis.

Lan Mille CCCXXX sire Edward ficz de cestui roi Edward fu nee a Wodestok la xvij kalend de Juil qe fu le venderdy devant la feste de seint Butolf qe adonqe fu par une dymanche. En cel temps ala xvme de seint Michel le roi tint parlement a Notingham, et entendist et aperceust bien en moltz des maneres qil avoit fou counseil, et qil et son roialme furent en point destre perdues traiterousement, et son poeple destruit, par qei il prist cest affaire grossement au coer, et le venderdy a nuyt

Page 144

[f.264v] lendemain de seint Luk il fist arrestre dedeinz le chastel de Notyngham privement ascunes persones, et les mist en sauve garde, et maunda trois persones a la Tour de Loundres le samady en la veille des apostres seint Symond et seint Jude, cestassaver sire Roger de Mortumer, sire Geffrey de Mortumer son ficz, sire Symond de Bereford, le quel sire Roger avoit acroche a lui roial poer et grant tresor et avoit empense a defaire le roi. et son Et le dit sire Geffrey se fist appeller meismes roi de folie. En cel temps le roi manda apres les graunz, qi furent alloignes hors de cest terre pur doute qils avoient del engin de felouns qi furent pres du roi et son conseil qils ne furent maubaillez pur lour querele come fust le dit counte de Kent par faux compassement des felouns, et qe les aloisnez venissent a lour terres en pees, et pur estre en parlement a drescer les errours de la terre, et abatre le venim de les faux compassanz qi fust adonqes en haute monte. Le lundy lendemain de seint Katerine le roi tint son parlement a Westminstre, le joedy apres, cestassaver en le veille de seint Andreu, fu le dit sire Roger de Mortumer counte de la Marche traine, et pendu a Loundres, et son corps pendist par commandement le roi deux jours et deux nuytz. Et adonqe fu le corps livere de la grace le roi a les freres menours de Loundres le samadie au seir, et fust illueqe enterre le dymanche ensuant. En cel parlement par commun conseil du roialme le roi seisist en sa main totes les terres qe dame Isabel sa mere avoit, et la fust graunte davoire chescune an du roi, pur son hostel tenire et garder, trois mille livres dargent apaier a quatre termes del an, a tote sa vie. Et le dit sire Symond de Bereford fu a cel parlement trayne et pendu a Loundres a la feste de seint Lucye.

Lan Mille CCCXXXI le jeody en la semaigne de Pasqes, le roi simplement passa la mere vers le roi de Fraunce pur son homage faire pur la terre de Gascoigne, et il fust illueqe honurablement resceu de touz les grantz de la terre. Et quant ils avoient fait son homage, et il revint hastivent dedeinz les xv jours apres, et cria

Page 146

[f.265] solempne tournement a Derteford. Et puis en cel temps apres, le lundy, cestassaver le tierce jour apres la feste de seint Matheu, furent solempnes joustes en Chepe entre la croice et Sopereslane, et furent faites barures dune part et dautre de bone meryn, et fu graunt burdiz fait en haut en travers le rue, pur la roigne et autres nobles dames pur veer la jouste, qe xiij chivalers avoient pris encountre touz autres chivalers qi voleient venire pur joustere, et durra la jouste par trois jours. En cel joust avint une tiele aventure dount le poeple estoit molt effraie, quar si come les chivalers mieutz jousteront apres manger le primer jour, le hurdiz en haut qe fu faite de gros merine, la oue la dame Philippe la roigne, et Alianore la soer le roi, et autres grauntz dames de la terre, chivalers qi en lour compaignie esturent pur veere jouste, cheit jus a terre. Et la roigne et autres qi illueqes furent cheierent, issint qe dames et chivalers plusours furent blessez, auxi bien de ceux qi furent esteantz par avale, come de ceux qi furent par amont, meis nul ne fust peri, ne la roigne ne la soer le roi ne furent en ceo cas blescez, come dieu la voleit, mes qe le corinal la roigne cheist de sa teste et fust debruse. La quele sodeine aventure fust par my la defaute des carpenters. Et le roi de sa franche volente et graciouse grace et par my la priere la dame la roigne pardona le trespas, et fist crier pees par tut, et amour, et qe nul deveroit de rien estre abaie ne affraie. Et le roi comanda la roigne en la meson dun citein de la citee Nichol de Farndoun en Wodestret monter son palefray en hast et chivaucher sus et jus el renk ove bele semblaunt, a conforter le poeple, et le hurdiz, qe si sodoignement cheist, fust reparaille de nuyt et fet assetz fort, issint qe lendemain feu le jeu contenu noblement.

Lan Mille CCCXXXII ala goule daugst sire Edward de Baillolf, monsire Henry de Beaumond, le counte Dathels, le counte de Anegos, sire FoukA35 [A35Margin: Kynkehorn.148 ficz Warin, sire Richard Talebot, le Baroun de Stafford, et monsire Thomas Ughtred ove grant ost et ove grant poer des Engleis vindrent par miere en les parties

Page 148

[f.265v] Descoce, pur chalenger lour terres qe a eux furent de droit, queles terres furent liverez et donez as plusours grauntz seignurs Descoce sanz lour assent et volente. Et pur ceo qe le roi Edward ne voleit enfreindre ne destourber la pees taille entre lui et ceux Descoce, come avant est dite, il ne les voleit suffrire passer par my son roialme en la dite terre Descoce. Et pur ceo ils pristrent lou veage par eawe, come de sus est dite, dount en le viijme ide daugst, cestassaver en la feste des seintz Sixti et Felicissimi, ils pristrent terre a Kyncorne en la counte de Fif. Et les Escoz a la mountance de x mille gaitauntz les Engleis pur prendre terre, et vindrent sur eux bataillez, et les archers Dengleterre et petit petaille, qavoient pris terre devant qe les gentz darmes poeient issire de lour niefs, assemblerent a les Escoce. Et tant firent qe les Escoz furent debotez, et furent occis bien a ix centz, et le remenant se mistrent a la fuite. Lendemain les gentz Dengleterre se mistrent vers labbeie de Dunfermelyn, ou ils troverent des vitailles a grant foison, et la les Engleis entendirent qe touz les grantz Descoz, od tout lour poer des gentz darmes et de pedaille, estoient apparaillez de venire sur eux eux a la bataille, et furent venuz en une lieu appellez Gaskymore. Et ceo fust auxi come en la veille de seint Laurence, et ascuns de noz gentz furent grantment descounfortez pur la petit quantite des gentz, qar ils navoient en tote manere de gent qe ij mille et vc, et les Escoce estoient a esmez xl mille. Et noz gentz demurerent tout le jour sur une rivere veaunt lour enemis. Et quant il estoit anuytez les Engleis passerent la rivere a une geye molt quorement, qe sire Alisaundre de Moubray cognust. Tant travaillerent il tote la nuyte qils estoient mountez tote la mountaigne oue les Escoce furent allogez a senestre, et purpristrent la grande more. Et quant il estoit cler jour lors sentrevirent lun ost lautre ost. Et les Escoz se merveillerent coment les Engleis avoient issint purpris la more, et maintenant crierent as armes, et les parties sassemblerent coraiousement

Page 150

[f.266] sauve xl hommes darmes Dalemaine, qestoient venuz en aide des Engleis. Et tant firent les Engleis al aide de dieu qe la graunte multitude des Escoz estoit descounfiz et mortz et mis a la fuite. Et morurent a la bataille saunz menceynge dire del ost Descoz monsire Donald de Mar, le counte de Meneth, le counte Dathels, Descoz, le joefne, le counte de Murref, monsire Robert de Bruis counte de Karrik, monsire Neel de Bruis, monsire Alisaundre de Bruis, xij banerez, viijxx chivalers, ij mille hommes darmes, et xiij mille et iijc de pedaille. Et des Engleis morurent a la bataille monsire Johan Burdoun, monsire Reynaud de la Beche, et bien a xxxiij gentils hommes, nul archer ne nul homme a pee. Et ala nuyt al passage de la rivere estoit neiez monsire Roger de Swinardestoun le fiz etA36 [A36] Bodleian Library MS Lyell 17, fo. 120v.152 durra la bataille del solail levant tanqe a houre de tiers. Ceste descounfeture fu le mesqerdy prochein apres la feste de seint Laurenz. Lendemain les Engleis se remuerent vers la ville de seint Johan, et la pristrent sanz defense, et troverent illueqe assetz de vitailles, et se reposerent et afforcerent la ville de large fosse, et de peel, entendant qils en averoient mestre, et issint avoient ils hastivement, quar le counte Patrik et Archebaud Douglas amenerent devant la ville de tote manere de gent bien a xl mille. Et manderent a Berewyk apres Johan Crabbe qil vensit hastivement et sanz delay par mere od tot la navie et od tote la gente qil purreit assembler, et qil entroit leawe de Gye, et qil deveroit ardre les nefs des Engleis sodeignement, et qil vensist a la ville de seint Johan a meintenire la siege devers leawe, sur quel maundement le dit Johan fist apparailler dis nefs de Flaundres, et mist leinz tut lestor qe li estoit bosoigne pur guerre, et des mellours in venceux de Berewyk et du paiis, et vint sodeynement sur les nefs des Engleis desgarniz, et al primer chief il trova la barge Beaumound, et la prist et occist tote la gent qe leinz fust, et pensa defere tiele mestrie des altres, meis il faillist, qar le petit ost des Engleis qestoient dedeinz lour niefs les porterent si bien qe les Escoz estoient desconfiz

Page 152

[f.266v] en mier, et tote la greignure partie occis et noiez, et totes lour niefs estoient arses et la barge ensement, et totes les nefs des Engleis et tot lour gent sauvez par la vertue de dieu, fors ceux qestoient primerement occis en la barge Beaumond. Et a grante peine eschapa Johan Crabbe par terre et revint a Berwyk molt dolerousement. Ceste aventure fu le jour de seint Barthelmeu. Quant le counte Patrik et Erchebaud Douglas et altres qi maintendrent la siege savoient ceste novele, ils se remuerent dillueqe, et sen alerent saunz plus seger ou damager les Engleis, od grant ost et od grant poer en le paiis de Galeway, qest al seignur le Baillol, et la mistrent en feu et en flaum, et enchacerent les gentz du paiis, et pristrent et emporterent quantqe ils poeient trover. Meis quant sire Edward oierent cest novele hastiment passerent la mere Descoce, pur les encountrer et rendre bataille a eux, mes avant lour passage ils corounerent le dit sireA37 [A37Margin: hic coronatur E. Baillof.154 Edward de Baillol roi Descoce a Skone. Denapres quant les Escoz savoient la venue des Engleis qi noblement vindrent encontre eux arraiez pur doner bataille a eux, et ils se mistrent ala feute et noseient attendre. Puis le dit monsire Edward de Baillol ove sez gentz qil avoit sen ala a Rokesburgh et la demura une piece. Le counte Patrik, et Archebaud Douglas, et autres grantz Descoce, qi furent demurez en vie, maunderent a sire Edward de Baillol, qi adonqe fu fait roi Descoz par my le poer des Engleis come devant est dit, qil lor donast trewes tanqe ala Chaundeleure, qe le roi poeit pleinement parlement tenir en bien pees pur acordre, et unire, et estre une gent. Le roi Descoce, qi ne pensa de nul tresoun, les graunta, et remua sa gent, et les felouns Descoce al noumbre de dis mille vindrent lendemain de seint Martin bien armes, et comencerent tiwer quantqe ils poeient happer de la partie le roi qi furent desarmez, et le roi meismes a grante peine sen fuist oue autrement il eust este trahi. Mes sire Thomas Ughtred, qi adonqe estoit noble chivaler et vaillant, od dis hommes darmes tauntsoulement

Page 154

[f.267] combatirent fortiblement ove les Escoz lour enemis, et les rechacerent de la pount, et grante partie de eux furent occis et neiez, et le remenant se mist a la feuite. Et tost vindrent aide et socours a sire Edward de Baillol et a ses gentz, et hastivement ensiwerent les fuauntz, et oscirent quantqe ils poeient atteindre et trover, et illueqe fu pris Andreu de Moret et altres, meis Johan Crabbe od grante peine eschapa, et dolerousement sen fuist a Berewyk et la se tint. Denapres sire Edward de Baillol entra la terre Descoz od les grantz seignurs Dengleterre et od lour gentz, le samady en la semaine de quaresme, et chivaucherent en plusours lieus de la terre, et firent grantz maux a lour enemis. Et les sires de Mountagu, de Percy, de Neville le ficz, le counte de Lancastre, et le counte Darundelle pristrent une peel, en le quel ils troverent monsire Robert de Colville et x hommes darmes, plusours femmes du paiis, dames, et autres, et demene gent une partie, et grant fuson de vitailles, et tut amenerent il ovesqe eux, et destruerent le peel. Puis sen alerent a Berewyk pur asseger la ville par terre et par eawe, et ficherent lour pavillons, et fesoient plusours assautz a la ville, meis ceux dedeinz se defenderent vigerousement. Et tant come la siege se durra les avantditz nobles Dengleterre od moltz des gentz darmes et od grandesme ost passerent avant en la terre Descoz, pur encountrer lour enemis, meis ils ne troverent nul encountre, par quei ils revendrent joiousement a Berewyk, et fesoient einsi lour parlance ove les juvencels de la dite ville, qe la ville deust aver este rendu a eux come al oeps le roi Dengleterre, et noun pas al oeps sire Edward de Baillol. Et quant la communalte de Berewyk avoit aperceu coment les juvencels de la dite ville voleient avere rendu la ville au roi Dengleterre et a sire Edward de Baillol sanz lour congie et lour assent, ils estoient grandement grevez et corucez, et hastivement mounterent les murs de la dite ville et noblement la defenderent encountre les Engleis. Et quant les Engleis virent qe la communalte de la ville ne voleint assentir en nul manere au roi Dengleterre, ne a sire Edward le

Page 156

[f.267v] Baillof, ils lesserent lour sege et se remuerent dillueqe et vindrent en Engleterre. En cel temps le roi tint son parlement a Everwyk, a queu parlement ils y vindrent monsire Henry de Beaumond, le counte Dathels, le counte Dangos, sire Richard Talebot, sire Fouk ficz Warin, le Baron de Stafford, sire Thomas Wghtred et plusours autres, pur treter et ordener dascuns busoignes et esploites touchantz les roialmes Dengleterre et Descoz. Et tant come ils feurent einsi pur parlementre, les gentz Descoz, qi touz jours furent faux et compassantz de mal, vindrent a sire Edward de Baillof et autrefoiz li prierent de enduces, issint qe le dit sire Edward les graunta par conseil et assent dascuns desloiaux qi furent adonqe pred lui, par quei les Escoz vindrent apres sodeinement armes od grant poer, cestassaver sire Archebald Douglas, dustre del ost Descoce, et seneschal de la terre, le counte Patryk, et plusours autres, et firent grant mal au dit sire Edward de Baillol, oscirent ses gentz et les robberent, et lour biens emporterent, meis avint issint al aide de dieu qe plusours grantz seignurs de la partie Descoz furent illuqe occis, cestassaver sire Johan de Moubray Descoz, sire Walter Comyn, sire William de la Beche, sire Johan Talebot, et plusours autres, et le roi Descoce avoit la victorie.

Lan Mille CCCXXXIII plusours grauntz seignurs Dengleterre revindrent a Berewyk, et autrefoicz assegerent la ville et ne voleient departire dillueqe tanqe la ville fu rendu a lour volunte. Les Escoce avoient dedeinz la ville grant ost et fort, et noblement la defenderent encountre eux, meis ils noseient isser hors pur doner bataille a les Engleis, qils avoient assege, par quei le dite Archebaud Douglas et autres grauntz Descoz al noumbre de trois mille entrerent les parties de Northumbre et en Gisland prede la cite de Cardoille, et mistrent en feu et en flaume les terres qe furent a monsire Randolf de Dacre, xv liwes en longure et vj liwes en leoure, et se retournerent od petite praie. En meisme cel temps monsire Antoyne de Lucy et William de Loghmaban entrerent la terre

Page 158

[f.268] Descoce od viijc hommes, et chivaucherent la nuyte xx lieux. Et donqe retournerent ils, et le jeody en la feste del Annunciacion de Notre Dame matin comencerent il de ardre et de tiwire quant qe fu devant eux, et pristrent berbiz et autres grosses bestes a grant foison. Et a lour retourner William Douglas, qi fu gardein del dit peel de Loughmaban, et autres od grant nombre de gentz a hure de noune assaillerent le dit monsire Antoyne de Lucy et sez gentz, et fu la medle grant, meis les Escoz furent descomfitz, et furent pris le dite William Douglas, William Barde, et bien cent autres prisoners,A38 [A38] Bodleian Library MS Lyell 17, fo. 121v, adds the name of Hunfrey de Boys here; see introduction p. 57.160 et monsire Humfrey du Jardyn chivalers, William de Cardoille et plusours autres a la montance de viijxx des vallantz hommes furent illueqes occis, et le dite monsire Antoyn naufre, et retournereit sauvent en lour marches od lour preie.

Lan Mille CCCXXXIIIIA39 [A39Recte XXXIII.160 quant le roi Dengleterre avoit oi coment les Escoz avoient faite arsours, robberies, et homicides de sa terre, en contre la forme du pees taille entre eux, il prist od li le counte de Garrenne, le counte de Warwyk, le counte de Nichole, le counte de Cornewaille, les seignurs de Wak, de Ros, de Moubray, de Clifford, de Crumbewelle, sire Fouk ficz Waryn, et monsire Johan de Roos, od grant multitude des gentz darmes, et de pedaille, et darchers, et dautres prestz et apparailles a la bataille, et entrerent les parties de Northumbre les desleaux meffesaunz et pariours les Escoz sez enemis et a combatre ove eux. Meis quant les Escoz savoient la venue le roi Dengleterre, ils sen fuirent en Escoce come cowartz qi nul bataille noseient. Meisme lan le xvij kalend de Juyn, le roi passa leawe prede Berewyk, et entra la terre Descoz, et le xv kalend de Juyn ceux qavoient assege la dite ville de Berewyk donerent fort assaut a lour enemis, meis ceux dedeinz se defendirent bien a lour poer. Meis avint issint a cel assaut qe moltz des maux avindrent auxi bien a les Engleis qi fesoient la sege, come a ceux qi furent dedeinz, pur la dite ville defendre. Meis

Page 160

[f.268v] quant le roi et les gentz Dengleterre avoient entendu la malice de ceux qi furent dedeinz la dite ville de Berewyk, ils comanderent lour gentz de doner molt plus fort assaut qonqes devant navoient faite, et ils ainsi firent par eawe et par terre, et jetterent feu dedeinz la ville, et arderent eglises et mesons plusours, et fesoient moltz des maux a lour enemis, par quei les Escoz manderent au roi Dengleterre, et li prierent de trewes tanqe al quart jour de Juyn, en promettantz de rendre ali la ville, si aide ne lour vensist le plus tost de lour gentz demene, le roi par conseil de sez gentz granta bonement la trewe, et comanda sez gentz cesser de lour assaut, et qe nul Engleis ne feist male ne grevance a ceux qi furent dedeinz la ville, par quei ceux dedeinz la ville avoient repos de assaut faire, et se tindrent en pees une piece. Meis tost apres ils vindrent encountre la dite trewe come ceux qestoient faux et pleins de mencionges, quar devant la fine de la dite trewe, ils se apparaillerent atrefoiz de doner assaut a les Engleis, et a defendre la ville encountre eux, par quei le roi Edward Dengleterre comanda sez gentz autrefoicz apparailler engins et autre attilementz affaire assaut a la dite ville, et hastivement la prendre a force. Et quant les Escoz savoient ceste novele, ils se doterent durement perdre lour ville, et estre confoundez, et destrutz, et altrefoicz manderent a monsire Edward roi Dengleterre, et li prierent de trewe tanqe a viij jours procheins ensiwauntz, sur tiele forme qe, sils autrefoicz enfreindroient la dite trewe, ils perdroient la dite ville arement, le roi Dengleterre qi molt estoit homme de pite et de mercy, et autrefoicz les granta, et fist son serement qe sils estoient altrefoiz fauses devers li qils naveroient ja merci de eux pur raunson ne pur prier. Tost apres vindrent en Engleterre lx mille des Escoz encountre la ville de Berewyk, et departirent entre eux et les Engleis leawe de Twede, pur aver done bataille a ceux qi assegerent

Page 162

[f.269] la dite ville et remuere la dite sege sils poeient. Meis come dieu le voleit ils furent encountrez et rebotez, dount le roi Dengleterre pur lour grant desloialte, et pur ceo qils avoient enfreint lour jour de pees, ne voleient rendre a lui la dite ville de Berewyk come covenant fust, il fist pendre veauntz les Escoz le ficz monsire Alisandre de Setoun, le jour de seint Anaclete. Et quant ceo fu faite les Escoz fesoient assavoire au roi Dengleterre qils voleient venire combatre ov ly, en la veille de seint Margarete, et remuer la dite siege. Et quant le roi Edward Dengleterre savoit ceste novele il estoit joious et lee, et hastivement fist maundre et assembler touz les graunz Dengleterre qi furent illueqes ove lui venuz, pur ordener et conseiller coment ils poeient mieultz contreestere la malice de les Escoz lour enemis, et sauver ceux qi furent a la dite siege de Berewyk. Et issint conseillerent ils entre eux, qi parties des gentz le roi deust demurer od ceux qi assegerent la dite ville come en aide de eux, encountre lour enemis, sils sen eussent mester, et le remenant le roi deust retenir od li pur combatre encounte la grant multitude Descoce. Den apres en la dite veille de seinte Margarete, lan de grace avant dit, vint le grant ost Descoz, de quel le noumbre estoit iiijxx mille, pres de la dite wille de Berewyk encountre lost le roi Dengleterre, et vindrent serement od lour ost bataillez en quatre batailles, et le roi Dengleterre et sez gentz vindrent encountre eux bataillez en meisme la manere. Meis les Escoz avoient si grant ost et si grant poer, qe quant les gentz Dengleterre avoient le vewe de eux, ils estoient grantement abaiz. Et ceo fu pur la reson qe lost Descoce lour enemis fust si grant et si fort encountre lost Dengleterre qe adonqe nestoit qe petist, meis le roi Edward Edward Dengleterre chivaucha par tut son ost, et conforta sez gentz bien et noblement, et les premist largement bone guerdoun, a y tiels qils se portassent bien encontre la grande multitude Descoce lour enemis,

Page 164

[f.269v] si qe en la primere bataille des Escoz ili vindrent le le counte de Mouref et od li a baner monsire James Fryselle, monsire Symond Fryselle, monsire Walter Stiward, monsire Reynald Cleyme, monsire Patrik de Graham, monsire Johan Graunde, monsire James de Cardoille, monsire Patrik de Chartris, monsire Robert de Caldecotes, monsire Philippe Mildroun, monsire William Hardyn, monsire Thomas Cherpatrik, monsire Gilbert Wysman, monsire Adam Burdoun, monsire Johan de de Burgh, monsire James de Graveuasch, monsire Johan Grandels le ficz, monsire Robert Barde, et ovesqe eux vjc hommes darmes, et xiiij mille CC de la commune, et xl bachilers. En la my garde le seneschalle Descoce, le counte de Meneth, sire James son uncle, sire William Douglas, sire Johan le ficz Johan de Galeway, sire David de Lindesey, sire Maucoloun Flemyng, sire William de Keth, sire David Kambel, sire James Stiward de Aldyngtoun, sire Johan de Burgh, sire Aleine Stiward, sire William de Aberconeweye, sire William Hirchyn, sire William Albertyn, sire William de Morref le ficz, sire Johan le ficz sire William, sire Adam de Murref de Layntoun, sire Johan de Shirestoun, et odvesqe eux vijc hommes darmes, et xvij mille de la commune. En la terce bataille le counte de Roos, le counte de Shornlond, le counte de Straverne, sire Walter de Chilteleye, sire Johan Cambron, sire Gilbert de la Haye, sire David de Mar, sire Griffyn de la Harde, sire Johan Brounynge, et ovesqe eux ixc hommes darmes, et xv mille de la commune, et xxx bachilers. En la quatre bataille sire Archebaud Douglas, le counte de Levenax, sire Alisaundre de Roos, seignur de Laverne, le counte de Fif, sire Johan Cambel qe se cleyme counte Dathels, sire Robert Loweder, ficz, sire William de Wippount, sire William de Hingestoun, sire Johan de Landels, sire Joce de Semperlowe, sire William Frisel, sire Johan de Lindeseye de Walpole, sire Alisaundre le Grey, sire Thomas de Bois, sire Roger le Mortumer,

Page 166

[f.270] et ovesqe eux ixc hommes darmes, et xviij mille de la commune, et iiijxx bachelers, monsire Patrik de Dunbarre gardein du chastel de Berewyk, et od ly l hommes darmes, od la commune de la ville sanz nombre. Quant le counte de Mouref et les altres grantz Descoz avoient ainsi arraiez et batailles lour gentz en la manere susdite, le roi et les grantz Dengleterre arraierent et mistrent en eschele lour petites gentz al mieutz qils savoient et poient, et le roi Dengleterre conforta grantement sez gentz, et nomement les archers qi furent venuz en aide de li, et les premist bone guerdoun. Atant monsire Edward roi Dengleterre et ses gentz se mistrent avant hardiement el noum de Dieu vers lour enemis. Et les Escoz esturent en pees, et ne se voleient assembler au roi Dengleterre ne a sez gentz, et ceo fu par la resoun qils ne voleient remuer dillueqe tanqe leawe de Twede eust este pleinement montee de la meer, pur ceo qils adonqe bien quiderent qils dussent aver enchacez le roi Dengleterre et ses gentz en leawe de Twede oue en la mier pur les aver noie, meis, come Dieu le voleit, ils furent deceuz, qar les Engleis od lour petite poer des gentz se mistrent egrement et de bon coer encountre les Escoz lour enemis. Et le roi Dengleterre meismes fu le primer home qi se mist a la primere bataille Descoz, et les archers Dengleterre les desbaretta et greva, ainsi qils estoient en petite hure auxi come estuffez et envoegles, et tost perdirent lour contenance. Et les nobles Dengleterre se assemblerent a les autres escheles Descoz, et occirent illueqe tant de poer qe merveille y fust del veer et del penser. En quel bataille furent occis de la regioun Descoce viij contes, xiij barons, cestassaver les countes de Roos, de Mouref, de Straverne, de Southhirland, de Karryk, de Levenax, de Athels, et de Menteth, sire William Douglas, sire James Siward, sire James de Althill, sire James Fresil, sire Johan de Burgh, sire Robert de Keth, sire William de Wippont, sire William Burdoun, sire Adam Burdoun, sire Johan le ficz Johan de Galeway, sire William de Keth, sire William de

Page 168

[f.270v] Aberynthy et plusours altres, dount le noumbre des gentz darmes qi illueqes furent trovez occis estoit xxx mille et plus, horspris autres valiantz gentz et pedaille. Quant plusours grantz seignurs Descoce virent coment les nobles de lour roialme furent einsi destruitz et maumenez par le roi Dengleterre et sez gentz, ils se mistrent a la fuite, et ascuns sen fuirent, et les noierent od grant dolour. Et le roi Dengleterre et Descoce pursiwerent les fuiantz coraiousement par terre, et occirent enfuant plus qe x mille, en cele purseute estoit monsire Johan de Neville occis, et xij autres de la commune Dengleterre. Quant ceo fu fait le roi Dengleterre returna vers Berewyk pur prendre la ville. Et les Escoz, qi dedeinz furent esteauntz sur les murs pur regarder la bataille avant dite, rendirent lendemain la dite ville de Berewyk au dite roi Dengleterre a sa volente, et le chastel ovesqe. Meisme cel an murust meistre Symond de Mepham ercevesqe de Caunterbury, a quel erceveschee fust eslu meistre Johan de Strayford adonqe evesqe de Wyncestre. Et fu mis en son lieu, meistre Adam de Hereford adonqes evesqe de Wyrcestre, qi avant fu evesqe de Hereford, et del evesche de Wircestre fu fet evesqe mestre Symond de Mountagu, frere a monsire William de Mountagu, qi puis estoit fait counte de Salesbury come vous orrez apres. Meisme cel an murust sire Lowiz de Beaumont evesqe de Duresme, et fust eslu danz Robert de Graystoun, moyne de la dite meisoun, et sacre de sire William de Meltoun ercevesqe Deverwyk, meis il fust ouste del erceveschee erce pur ceo qe le pape primes avoit donee le dite evesche a sire Richard de Bury, cestassavoir a la requeste le roi Dengleterre, et ceo fu par la reson qe le dite sire Richard fust prive et bene ame du roi, et longement avoit este en service le roi. Mesme cel an dame Isabel la fille le roi fu nee a Wodestok.

Lan Mille CCCXXXIII le xj kalend de Juyl monsire Edward de Baillol roi Descoce, en la presence des plusours grantz seignurs Dengleterre et Descoz, fist son homage au roi DengleterreA41 [A41Margin: homage fait al roy dengleterre par le roy Descoce.170 pur le dit roialme Descoz, a aver et tenire au dite roi Dengleterre et a sez heirs a touz

Page 170

[f.271] jours, endonant al avantdit roi Dengleterre et a sez heirs la ville de Berewyk ove le counte. Meisme cel an le quinte noun de Decembre murust le pape Johan le XXII a Avynoun, et le jour d[e] dimenche fust enterre en la graunde eglise prede le paleis, fait assaver qe meisme cel temps qe le dite sire Edward de Baillol fist son homage, le counte Patryk fist le soen homage a roi Dengleterre destre foial et loial a li et a sez heirs a touz jours, a tenire de li et de ses heirs ses terres, les queux il avoit el roialme Descoz, et estre ceo il premist au dite roi Dengleterre, de faire touz les grantz Descoce estre enclinantz et subitz a li, et a monsire Edward de Baillol qi estoit roi Descoz. Et pur ceste chose avant dite, le roi Dengleterre li dona grante somme davoire, cestassaver mille livres, pur redresser et reparaillere ses manoirs et ses villes, les queux gentz Dengleterre avoient destruitz et abatuz enterre.

Page 9999


Original work © 1991 Yorkshire Archaeological Society, which has granted permission for selected portions to be digitised, browsed and searched on this site. Any other use, including making copies of this electronic version, requires the prior written permission of the copyright holders, who may be contacted at Claremont, 23 Clarendon Road, Leeds, LS2 9NZ, United Kingdom. Enquiries about purchasing the printed edition, which contains a full introduction and a complete English translation, may be made to the same address.