gent2 (s.xii1)

Browse the Dictionary

    Loading...

Search Results

Your search results will appear here.

gent2 (s.xii1)

[vcd]

[ FEW: 4,103a genitus; Gdf: 4,261c gent 2; GdfC: ; TL: 4,264 gent 2; DEAF: G526 gent /G533 gent (gent); DMF:  gent 2; TLF:  gent 2; OED:  gent adj.; MED:  gent adj.; DMLBS: 1075a gignere (genitus) ]
genz,  geint, 
pl. genz  

a.

1status(of birth, blood, family, rank) noble, lofty
( c.1170; MS: s.xiiiex )  Joe ne sai ki il est mes bien semble barun, Taunt est beaus, genz e pruz ke il n’ad cumpaignun Enz el mund ki vers li [cuntre]vaille un butun  3614
( 1280-1307; MS: s.xiv1 )  Pur ceo mariage dount fu parlé sovent Entre ly prince de Gales et la pucele gent, Fylle al roy de France, si home bonement Lors peust fere acorde de ceo daliement  426.2521
( 1329-30 )  Et fait assaver qe en ceste taxacion des biens de la comounnalté de toux les countés seront forspris armure, mounture, jueux et robes, as chivalers et as gentz homes et a lour femes, et lour vessel d'or, d'argent et d'arrein  ii 426
horseszool.(of a horse) noble, thoroughbred
( c.1165; MS: s.xiii2 )  Un blanc palefrei chevauchot, Ki bel e suëf la portot; Mut ot bien fet e col e teste, Suz ciel nen ot plus gente beste!  89.554
kind, generous
( c.1200; MS: s.xiii3/4 )  Des pasturs veit Moisés la felonie, Tuz les enchace a force e stultie, As damaiseles en ad fait gent (var. (E: s.xiiim) grant) aie, A celes l'enclinent sovent e mercient  (B) 1746
( c.1230; MS: s.xiiim )  E autres seinz [asez] plusurs, [...] Ki enz esteint fins pecheurs, Homicides e robbeurs, A qui Deu fist puis gent pardun Par lur bone confessiun  5349
(of language, action) kind, courteous
( MS: s.xii2/4 )  Dunc avrez faite gente chevalerie; N’avrez mais guere en tute vostre vie  594
( s.xiii1/3; MS: s.xiiim )  Devant le cunte est Gui venuz, Gent saluz li ad renduz  644
(of a battle) noble, distinguished
( MS: s.xii2/4 )  Empeint le bien, par mi le cors li passet, Pleine sa hanste l’abat mort en la place. Dist Olivier: 'Gente est nostre bataille'  1274
2(of a person) beautiful, handsome
( s.xii1; MS: s.xiiim )  "Katerine,' dist il, 'mult par es gente e bele'  46
( c.1165; MS: s.xiii2 )  E ele l’ (=a bird) bien esgardé, Chevaliers bels e genz devint  105.115
( s.xiii2/3; MS: s.xiii4/4 )  E fu la dame bele e gente: Tant bele n'aveit entre trente  19.33
( s.xiiiex; MS: 1307-15 )  Se vus fet il ne conoissez pas vus memes vus bele e gente entre femmes ysez hors e alez aprés les traces des chievres  201.16
anat.(of body, limbs, face) shapely, attractive, fair
( 1150-70; MS: 1225-1300 )  Que Tristan ert ben s’aparçut Par sun gent cors, par sa faiture, Par la furme de s’estature  1822
( s.xiii1/3; MS: s.xiiim )  Le col out long e blanc assez, les braz gros, les ponz quarrez, Larges espalles, espés le piz, Gent par les flancs e ben faitiz  4582
( MS: s.xiii2 )  Et si avec est mis vif argent, Plus clier en ert le vis et gent  216
( 1273-82; MS: s.xivex )  Li crachers en la face gente (=of J.C.)  4132
( s.xivin; MS: s.xivm )  Tu as le col si gent, la cowe longe qe a terre pent [...]  25
( MS: s.xv )  Si vous cest boyre usez sovent, Li corps averez biel et gent  87.S52
attractive, pleasant
( s.xiiiex; MS: 1307-15 )  ausi com vus volez ke vostre voiz li semble douce e vostre beauté gente e avenant  201.4
(of things) beautiful, splendid
( 1171-74; MS: c.1200 )  Pur dan Simon l'unt dit, qui esteit nez de Senz, Sin ert arcediachenes, uns halt, uns beaus e genz, E esteit alez la pur veer ses parenz  4741
( 1212; MS: 1212-13 )  si lui fist Vestir sa reial robe gente E chaucer nis sa chaucemente  5459
( s.xiii1; MS: s.xiii4/4 )  En berz genz sont enfanz petiz Si durement enmaladiz Ke il ne quidoit si la mort non  3804
fine, rich
( c.1165; MS: s.xiii2 )  Deus puceles de gent cunrei, Vestues de deus palies freis [...] Virent venir la rue aval  510
( s.xiii2/4; MS: s.xiii2 )  Mult en averat gent guerdun  138ra18
3falc.(of a bird) domesticated, tame, quiet, easily managed
( s.xiii3/3; MS: s.xiii3/3 )  E gent serrunt il en fin, Ke a l’eire vendra matin  77

adv.

1perfectly, completely
( MS: s.xiii3/4 )  Pernés clier lard et si taillés Un lard(r)on et si l'apareillés, De miel l'oinés et bel et gent  165.511
( MS: s.xivin )  Pernez ruge ortie a dreiture, La morele, beu lard crue, Ensemble seit ben batue, E[n] bure quisé(n)t bel e gent, Si garra par cest oignement  212
2 pleasantly
( c.1141; MS: s.xiii4/4 ) la reine [...] bel parlout e gent  138
gentil 
This is an AND2 Phase 2 (F-H) entry. © 2006-2008 The Anglo-Norman Dictionary. All rights reserved. Funded by the Arts and Humanities Research Council of the United Kingdom.
gent_2